23-ஆம் ஆண்டில் அடியெடுத்து வைத்த ‘கூகுள்’ : டூடுல் போட்டு கொண்டாட்டம்!

இன்றைய டிஜிட்டல் உலகில் பெரும்பாலான மக்கள் தங்களுக்கு தேவைப்படும் தகவல்களை ‘கூகுள்’ தேடுபொறி மூலமாக தேடி தெரிந்து கொள்வது வழக்கம். மில்லியன் கணக்கான பயனர்களை தன்னகத்தே தக்கவைத்துக் கொண்டுள்ள கூகுள் நிறுவனம் அதிகாரப்பூர்வமாக பொதுவெளியில் மக்களின் பயன்பாட்டுக்கு வந்தது கடந்த 1998-இல் தான். 1997-இல் கூகுள் பீட்டா வெர்ஷன் உருவாக்கப்பட்டது.  இதே நாளில் 1998-இல் லேரி பேஜ் மற்றும் சேர்ஜி பிரின் என இருவர் இணைந்து கூகுள் நிறுவனத்தை நிறுவினர்.  படிப்படியாக பரிணாம வளர்ச்சி பெற்று இன்று உலகின் முன்னணி தொழில்நுட்ப நிறுவனங்களில் ஒன்றாக உயர்ந்துள்ளது. இணைய உலகின் சாம்ராட். பெரும்பாலான உலக மக்களின் ஒவ்வொரு அசைவும் கூகுளுடனே கடந்து கொண்டிருக்கிறது.  இன்றுடன் கூகுள் நிறுவப்பட்டது 23 ஆண்டுகளாகியுள்ள நிலையில் அதனை தனது பயனர்களுடன் பகிர்ந்து கொள்ளும் வகையில் தனது ஹோம் பேஜில் டூடுல் போட்டு கொண்டாடி வருகிறது கூகுள். கேக் வடிவில் டூடுல் போட்டுள்ளது கூகுள். 
http://dlvr.it/S8PkjY

Read More

மெகா தடுப்பூசி முகாம்: 24.85 லட்சம் பேருக்கு போடப்பட்ட தடுப்பூசி

தமிழகத்தில் நேற்று நடைபெற்ற 3ஆவது மெகா சிறப்பு தடுப்பூசி முகாமில், 24 லட்சத்து 85 ஆயிரம் பேருக்கு கொரோனா தடுப்பூசி செலுத்தப்பட்டுள்ளது. கடந்த இரு மெகா தடுப்பூசி முகாம்களையும் போல, 3ஆவது மெகா தடுப்பூசி முகாமிலும் நிர்ணயிக்கப்பட்ட இலக்கை விட கூடுதல் தடுப்பூசிகள் செலுத்தப்பட்டன. 23 ஆயிரத்திற்கு மேற்பட்ட மையங்கள் மூலம் 15 லட்சம் பேருக்கு தடுப்பூசி போடுவதென இலக்கு நிhணயிக்கப்பட்ட நிலையில், பிற்பகல் இரண்டேகால் மணிக்கே அந்த இலக்கு எட்டப்பட்டது. இரவு நிலவரப்படி தமிழகத்தில் 3ஆவது மெகா சிறப்பு முகாமில் பங்கேற்ற 24 லட்சத்து 85 ஆயிரத்து 814 பேருக்கு கொரோனா தடுப்பூசி செலுத்தப்பட்டுள்ளது. இதில், 14 லட்சத்து 90 ஆயிரத்து 814 பேர் முதல் தவணை தடுப்பூசியும், 9 லட்சத்து 95 ஆயிரம் பேர் இரண்டாவது தவணை தடுப்பூசியும் செலுத்திக் கொண்டதாக, மருத்துவத்துறை அறிவித்துள்ளது.
http://dlvr.it/S8PkjG

Read More

மனதின் குரல் நிகழ்ச்சி: தமிழ்நாட்டில் நாக நதியை மீட்டெடுத்த பெண்களை பாராட்டிய பிரதமர் மோடி

மனதின் குரல் நிகழ்ச்சியில் பேசிய பிரதமர் நரேந்திர மோடி தமிழ்நாட்டில் நாக நதியை மீட்டெடுத்த பெண்களை வெகுவாக பாராட்டினார். 81ஆவது மனதில் குரல் நிகழ்ச்சியில் பிரதமர் நரேந்திர மோடி நாட்டு மக்களுக்காக உரையாற்றினார். அப்போது நதிகள் மாசு, தண்ணீர் பிரச்னை குறித்து பேசிய அவர், இந்தியாவின் மேற்கு பகுதியில் குறிப்பாக குஜராத் மற்றும் ராஜஸ்தானில் தண்ணீர் தட்டுப்பாடு அதிகமாக உள்ளது என்று கூறினார். அப்போது தமிழகத்தை குறிப்பிட்ட பிரதமர், திருவண்ணாமலை, வேலூர் பகுதியில் உள்ள நாகநதி பல ஆண்டுகளுக்கு முன்பே வறண்டுவிட்டது என்றும், ஆனால், அப்பகுதி பெண்கள் நாகநதிக்கு புத்துயிர் அளித்துள்ளனர் என்றும் பாராட்டு தெரிவித்தார். அப்பகுதி பெண்கள் மக்களை இணைத்தார்கள். அவர்களின் பங்களிப்பு வாயிலாக கால்வாய்களை தோண்டி, தடுப்பணைகளை உருவாக்கி, மறுசெறிவு குளங்களை வெட்டினார்கள். அதனால் இன்று நாகநதி நீர் நிரம்பி காணப்படுவதாக பிரதமர் கூறினார். நாட்டில் அனைத்து இடங்களிலும் ஆண்டுக்கு ஒரு முறையாவது நதி திருவிழாவை கொண்டாட வேண்டும் என்று வேண்டுகோள் விடுத்துள்ள பிரதமர், நாகநதி மீட்டெடுக்கப்பட்டது போல், நாடு முழுவதும் நதிகளை மீட்டெடுக்க பலரும் முயற்சிகள் மேற்கொண்டு வருவதாக தெரிவித்தார்.
http://dlvr.it/S8PkhX

Read More

செப். 30 ல் வெளியாகிறது 25 ஆவது ஜேம்ஸ்பாண்ட் திரைப்படம்

சர்வதேச திரை ரசிகர்களின் ஒரே சூப்பர் ஸ்டாரான ஜேம்ஸ் பாண்ட் கதாபாத்திரத்தில் டேனியல் கிரெய்க் நடித்துள்ள 'நோ டைம் டு டை', வரும் வியாழனன்று உலகம் முழுவதும் வெளியாகிறது. இந்தப் பின்னணி இசையை ரசிக்காதவர்கள் இருக்கவே முடியாது. அலட்சியம் கலந்த புன்னகையுடன் கையில் துப்பாக்கி ஏந்திக்கொண்டு, விறுவிறுப்பாகவும் சுறுசுறுப்பாகவும் செயல்பட்டு எதிரியின் கோட்டைக்குள்ளேயே நுழைந்து அவர்களை வீழ்த்தும் வல்லமை கொண்ட கதாபாத்திரம் தான் ஜேம்ஸ்பாண்ட் 007. சர்வதேச திரை ரசிகர்களின் நிரந்தர சூப்பர் ஸ்டார் என்றே கூறலாம். 1962 ஆம் ஆண்டு ஷான் கேனரி நடிப்பில் வெளியான 'டாக்டர் நோ' தான், ஜேம்ஸ்பாண்ட் வரிசையில் வந்த முதல் திரைப்படம். இங்கிலாந்தின் உளவு அதிகாரி 007 ஆக, ஷான் கேனரி மட்டும் ஆறு திரைப்படங்களில் நடித்து ரசிகர்களைக் கவர்ந்தார். அவரைத் தொடர்ந்து ரோஜர் மூர் உள்ளிட்ட நால்வர் பாண்ட் பாத்திரத்தில் அரிதாரம் பூசி, திரையில் சாகசங்கள் புரிந்தனர். ஆறாவது நபராக டேனியல் கிரெய்க், முதல் முறையாக 2006 ஆம் ஆண்டு 'கேஸினோ ராயல்' திரைப்படத்தில் ஜேம்பாண்டாக தோன்றினார். குவாண்டம் ஆஃப் சோலஸ், ஸ்கை ஃபால், ஸ்பெக்டர் போன்ற திரைப்படங்களிலும், 007 ஆக சாகசங்கள் புரிந்து ரசிகர்களை மகிழ்வித்தார் கிரெய்க். இந்த வரிசையில் 'நோ டைம் டு டை' திரைப்படம் வரும் வியாழனன்று உலகம் முழுவதும் வெளியாகிறது. ஜேம்ஸ்பாண்டாக டேனியல் கிரெய்க் தோன்றும் கடைசி திரைப்படம் இது என்று அதிகாரப்பூர்வமாக அறிவிக்கப்பட்டுள்ளது. கடந்த ஆண்டு ஏப்ரல் மாதம் வெளியிட திட்டமிடப்பட்டிருந்த 'நோ டைம் டு டை' திரைப்படம், கொரேனா பரவல் காரணமாக 18 மாத தாமதத்துக்குப் பின், வரும் வியாழனன்று திரைக்கு வருகிறது. ஜேம்ஸ்பாண்ட் பாத்திரத்தை மையமாகக் கொண்ட 25 ஆவது திரைப்படம் என்ற சிறப்பையும் இந்தத் திரைப்படம் பெற்றுள்ளது.
http://dlvr.it/S8N0wJ

Read More

`பாரில் மது குடிக்கணுமா? இரண்டு டோஸ் தடுப்பூசி போட்டுக்கோங்க' கேரளாவில் புதிய அறிவிப்பு!

தினசரி கொரோனா பாதிப்பு முப்பதாயிரம் என்ற நிலை கேரளத்தில் இருந்தது. இப்போது தினசரி பாதிப்பு 20,000-க்கும் குறைவாக ரிப்போர்ட் ஆகிறது. நேற்றைய நிலவரப்படி கேரள மாநிலத்தில் 16,671 பேருக்கு புதிதாக கொரோனா தொற்று ஏற்பட்டுள்ளது. 14,272 பேர் கொரோனா குணமாகி வீடு திரும்பியுள்ளனர். மாநிலம் முழுவதும் 4,73,920 பேர் தனிமைப்படுத்தப்பட்டுள்ளனர். கடந்த தினத்தில் 120 பேர் கொரோனாவால் மரணம் அடைந்துள்ளனர். கேரளத்தில் மொத்த கொரோனா மரணம் 24,248 ஆக உயர்ந்துள்ளது. கொரோனா பாதித்து கேரளம் முழுவதும் தற்போது 16,65,154 பேர் சிகிச்சையில் உள்ளனர். 44,23,772 பேர் கொரோனா பாதித்து பின்னர் குணம் அடைந்துள்ளனர். இந்த நிலையில் கொரோனா விதிமுறைகளில் சில தளவுகளை கேரள முதல்வர் பினராயி விஜயன் அறிவித்துள்ளார்.கேரள முதல்வர் பினராயி விஜயன் Also Read: ``லவ் ஜிகாத், நார்கோட்டிக் ஜிகாத் கேரளத்தில் இல்லை" - விளக்கம் கொடுத்த பினராயி விஜயன்! அதில் குடிமகன்கள் குதூகலிக்கும் வகையில் இரண்டு டோஸ் வாக்சின் எடுத்துக்கொண்டவர்கள் பார்களில் அமர்ந்து மது குடிக்கலாம் என்ற அறிவிப்பு வெளியாகியுள்ளது. ஏற்கனவே ஒரு டோஸ் வேக்ஸின் எடுத்துக்கொண்ட சான்றிதழ் அல்லது ஆர்.டி-பி.சி.ஆர் டெஸ்ட் நெகட்டிவ் சான்றிதழுடன் செல்லும் குடிமகன்களுக்கு மட்டுமே மதுக்கடைகளில் மது வழங்கப்படும் என அறிவிக்கப்பட்டிருந்தது. இந்த நிலையில் நேற்று மாலை புதிய அறிவிப்புகளை முதல்வர் பினராயி விஜயன் வெளியிட்டார். கேரள முதல்வர் பினராயி விஜயன் கூறுகையில், "இரண்டு டோஸ் வாக்சின் எடுத்துக்கொண்டவர்கள் பார்களிலும், ஓட்டல்களிலும் உள்ளே அமர்ந்து சாப்பிடலாம். இரண்டு டோஸ் வாக்சின் போட்ட தொழிலாளர்களை இந்த ஸ்தாபனங்களில் வேலையில் ஈடுபடுத்த வேண்டும். ஓட்டல் மற்றும் பார்களில் ஐம்பது சதவீதம் இருக்கைகளில் மட்டுமே வாடிக்கையாளர்களை அனுமதிக்க வேண்டும். இண்டோர் ஸ்டேடியம், நீச்சல் குளங்கள் திறக்கலாம். அதில் பயிற்சி அளிப்பவர்களும், பயிற்சி எடுத்துக்கொள்பவர்களும் இரண்டு டோஸ் வாக்சின் எடுத்துக்கொண்டவர்களாக இருக்க வேண்டும். இவற்றில் 18 வயதுக்கு கீழ் உள்ளவர்களுக்கு வாக்சின் பற்றிய பிரச்னை இல்லை.கொரோனா தடுப்பூசி இன்னும் சில வாரங்களில் பள்ளிகள் திறக்கப்படும். மாணவர்களுக்குப் பாதுகாப்பு குறித்து ஆலோசித்து வருகிறோம். மாணவர்கள் பயணிக்கும் வாகனங்களின் டிரைவர்கள் குறைந்தது பத்து ஆண்டுகள் அனுபவம் வாய்ந்தவராக இருக்க வேண்டும். மாணவர்கள் பாதுகாப்புக்காக ஒரு ஆசிரியர் தனியாக நியமிக்கப்பட வேண்டும். மருத்துவர்கள் மாணவர்களை கண்காணிப்பதை உறுதி செய்ய வேண்டும்" என்றார்.
http://dlvr.it/S8MD4W

Read More

வீணான சஞ்சு சாம்சனின் ஆட்டம்: டெல்லியிடம் சரணடைந்த ராஜஸ்தான் ராயல்ஸ்

அபுதாபியில் இன்று நடைபெற்ற ஐபிஎல் டி20 லீக் போட்டியில் ராஜஸ்தான் ராயல்ஸ் அணியை 33 ரன்கள் வித்தியாசத்தில் வீழ்த்தியது டெல்லி கேப்பிடல்ஸ் அணி. அபுதாபியில் இன்று பிற்பகல் நடைபெற்ற ஆட்டத்தில் டாஸ் வென்ற ராஜஸ்தான் ராயல்ஸ் கேப்டன் முதலில் பீல்டிங்கை தேர்ந்தெடுத்தார். இதனையடுத்து டெல்லி முதலில் பேட்டிங் செய்ய களமிறங்கியது. தொடக்க வீரர்களாக ஷிகர் தவான், பார்திவ் படேல் ஆகியோர் களமிறங்கி விரைவாக ஆட்டமிழந்தாலும் ஸ்ரேயாஸ் ஐயர், ரிஷப் பன்ட் மற்றும் ஹெட்மெயர் ஆட்டத்தின் காரணமாக 20 ஓவர் முடிவில் டெல்லி அணி 154 ரன்களை எடுத்தது. ராஜஸ்தான் ராயல்ஸ் தரப்பில் முஸ்தபிஸூர் ரஹ்மான், சேட்டன் சக்காரியா தலா 2 விக்கெட்டுகளை வீழ்த்தினார். ராகுல் டெவாட்டியா, ஷம்சி தலா 1 விக்கெட்டையும் வீழ்த்தினர். இதனையடுத்து 155 ரன்கள் எடுத்தால் வெற்றி என்ற இலக்குடன் களமிறங்கிய ராஜஸ்தானுக்கு தொடக்கமே அதிர்ச்சியாக அமைந்தது. அந்த அணியின் லிவிங்ஸ்டோன் மற்றும் ஜெய்ஸ்வால் ஆகியோர் டெல்லி அணியின் வேகப்பந்துவீச்சை சமாளிக்க முடியாமல் பெவிலியன் திரும்பினர். பின்னர் வந்த டேவிட் மில்லரும் 7 ரன்களில் அவுட்டானார். இதனால் 17 ரன்களுக்கு 3 விக்கெட்டை இழந்தது ராஜஸ்தான். அந்த அணியின் கேப்டன் சஞ்சு சாம்சன் மட்டுமே களத்தில் நிற்க பின் வந்த லோம்ரோர் மற்றும் ரியான் பராக் ஆகியோரும் விரைவில் அவுட்டானார்கள். ஆனால் கேப்டன் சாம்சனுடன் ஜோடி சேர்ந்த ராகுல் டெவாட்டியா ஸ்டிர்க்குகளை அற்புதமாக ரொடேட் செய்தார். இதனால் சாம்சனுக்கு அதிக பந்துகளை சந்திக்கும் வாய்ப்பு கிடைத்தது. இதனால் தனக்கு கிடைக்கும் வாய்ப்புகளை பவுண்டரிகளாக மாற்றினார். பின்பு அரை சதமடித்த அவர் எப்படியாவது ராஜஸ்தானை வெற்றிப்பாதைக்கு அழைத்துச் சென்றுவிட வேண்டும் என போராடிக்கொண்டிருந்த நேரத்தில் ராகுல் டெவாட்டியா 9 ரன்களில் ஆட்டமிழந்தார். இதன் பின்பு பந்துக்கும் ரன்னுக்கு இடையிலான இடைவெளி அதிகரித்தது. சஞ்சு சாம்சன் மட்டுமே இறுதி வரை ஆட்டமிழக்காமல் போராடிக்கொண்டிருக்கு 20 ஓவர் முடிவில் ராஜஸ்தானால் 6 விக்கெட் இழப்புக்கு 12 ரன்களை மட்டுமே எடுக்க முடிந்தது. சஞ்சு சாம்சன் 53 பந்துகளில் 70 ரன்களை எடுத்து இறுதி வரை ஆட்டமிழக்காமல் இருந்தார். முடிவில் 33 ரன்கள் வித்தியாசத்தில் ராஜஸ்தானை வீழ்த்தியது டெல்லி.
http://dlvr.it/S8LtMN

Read More

''ட்ரோன் மூலம் 6 லட்சம் கிராமங்களை கண்காணித்து மேம்படுத்த திட்டம்'' - பிரதமர் மோடி

நாடு முழுவதும் 6 லட்சம் கிராமங்களை ட்ரோன் மூலம் கண்காணித்து மேம்படுத்த திட்டமிட்டுள்ளது என்று பிரதமர் மோடி ஐ.நா சபை கூட்டத்தில் உரையாற்றினார். அமெரிக்காவின் நியூயார்க் நகரில் நடைபெறும் ஐக்கிய நாடுகள் சபையின் 76ஆவது பொதுக்கூட்டத்தில் பிரதமர் நரேந்திர மோடி உரையாற்றினார். அவர் பேசுகையில், ''நிலம் மற்றும் வீடு இல்லாதவர்களுக்கு அவற்றை உரிமையாக்கும் திட்டம் செயல்படுத்தப்படுகிறது. நாடு முழுவதும் 6 லட்சம் கிராமங்களை ட்ரோன் மூலம் கண்காணித்து மேம்படுத்த திட்டமிட்டுள்ளது. ஆளில்லா விமானங்கள் மூலம் நிலங்களை அளவை செய்து ஏழைகளுக்கு வழங்க நடவடிக்கை எடுக்கப்படுகிறது. கடைக்கோடி மக்களைச் சென்றடையும் வகையிலான பல்வேறு திட்டங்களை இந்திய அரசு வடிவமைத்துள்ளது. ஏழைகளுக்கு வீடு மற்றும் மருத்துவக் காப்பீட்டு வசதி போன்றவற்றை இந்திய அரசு அளிக்கிறது. இந்திய ஜனநாயகத்தின் வலிமையால் சாதாரண வியாபார குடும்பத்தைச் சேர்ந்த ஒருவர் ஐ.நா.வில் உரையாற்றுகிறார். 100 ஆண்டுகளில் இல்லாத பேரிடரை உலகம் சந்தித்துள்ளது.பன்முகத்தன்மை என்பது வலிமையான ஜனநாயகத்தின் அடித்தளம். உலகத்திற்கான பயங்கரவாத அச்சுறுத்தல் அதிகரித்திருக்கிறது.  குஜராத் முதல்வராகவும், இந்தியப் பிரதமராகவும் கடந்த 20 ஆண்டுகளாக பொதுவாழ்வில் ஈடுபட்டு வருகிறேன். பன்முகத்தன்மை கொண்ட இந்திய ஜனநாயகம் உலகிற்கு முன்னோடியாக உள்ளது. உலக ஜனநாயகத்தின் முன்னோடியாக இந்தியா இப்போது 75ஆவது சுதந்திர தினத்தை கொண்டாடுகிறது. கடந்த ஒன்றரை ஆண்டாக உலகம் முழுவதும் கொரோனாவால் கடும் பாதிப்பு ஏற்பட்டது'' என தெரிவித்துள்ளார்.
http://dlvr.it/S8LtL7

Read More