'நல்லா நடனம் ஆட்றீங்க' - கிரண் ரிஜிஜூவை பாராட்டிய பிரதமர் மோடி

மத்திய அமைச்சர் கிரண் ரிஜிஜூ, அருணாச்சல பிரதேசத்துக்கு பயணம் சென்றிருந்தபோது, உள்ளூர் மக்களுடன் இணைந்து நடனமாடிய வீடியோவை வெளியிட்டுள்ளார். காஸாலாங் கிராமத்தில் வளர்ச்சிப் பணிகளை மேற்பார்வையிட மத்திய சட்ட அமைச்சர் கிரண் ரிஜிஜூ சென்றிருந்தார். அப்போது அங்கு வசிக்கும் மக்கள் நடனமாடி அவரை உற்சாகப்படுத்த அவரும் நடனமாடி அவர்களை மகிழ்வித்தார். இந்த வீடியோ குறித்து கருத்து தெரிவித்த பிரதமர் நரேந்திர மோடி, சட்ட அமைச்சர் கிரண் ரிஜிஜு நன்றாக நடனமாடுகிறார், அருணாச்சல பிரதேசத்தின் கலாசாரத்தை காண்பது மகிழ்ச்சியாக உள்ளதென தெரிவித்துள்ளார். Our Law Minister @KirenRijiju is also a decent dancer! Good to see the vibrant and glorious culture of Arunachal Pradesh… https://t.co/NmW0i4XUdD — Narendra Modi (@narendramodi) September 30, 2021
http://dlvr.it/S8jX6W

Read More

கர்நாடகா: விஷம் வைத்து கொல்லப்பட்ட 20 குரங்குகள்!

கர்நாடகாவில் உணவில் விஷம் கலந்து கொடுத்து 20 குரங்குகளை கொன்ற சம்பவம் நடந்துள்ளது.   கர்நாடக மாநிலம் கோலார் புறநகர் பகுதியில் பெரிய சாக்கு மூட்டை ஒன்று மர்மமான முறையில் கிடந்தது. அதைப்பார்த்த அப்பகுதி மக்கள் காவல்துறை மற்றும் வனத்துறையினருக்கு தகவல் தெரிவித்தனர். அதன்பேரில் காவல்துறையினரும், வனத்துறையினரும் சம்பவ இடத்திற்கு வந்து அந்த சாக்கு மூட்டையை கைப்பற்றி பிரித்து பார்த்தனர். அப்போது அந்த சாக்கு மூட்டையில் 20-க்கும் மேற்பட்ட குரங்குகளின் உடல்கள் இருந்தன.   விசாரணையில், அந்த குரங்குகளை மர்ம நபர்கள் உணவில் விஷம் கலந்து கொடுத்து கொன்று உடல்களை சாக்கு பையில் திணித்து கொண்டு வந்து வீசிச் சென்றிருந்தது தெரியவந்தது. இதையடுத்து போலீசார் குரங்குகளின் உடல்களை வனத்துறையினரிடம் ஒப்படைத்தனர். அவர்கள் குரங்குகளின் உடல்களை பிரேத பரிசோதனைக்காக கால்நடை ஆஸ்பத்திரிக்கு கொண்டு சென்றனர். இச்சம்பவம் குறித்து கல்பேட்டை போலீசார் வழக்குப்பதிவு செய்து குரங்குகளை கொன்ற மர்ம நபர்களை தேடிவருகிறார்கள். கர்நாடகாவில் கடந்த மூன்று மாதங்களில் நடக்கும் மூன்றாவது சம்பவம் இதுவாகும். கடந்த சில மாதங்களுக்கு முன்பு ஹாசன் மாவட்டத்தில் 38 குரங்குகள் விஷம் வைத்து கொல்லப்பட்டது குறிப்பிடத்தக்கது.   குடியிருப்புப் பகுதிகளில் குரங்குகள் இடையூறு செய்தால் பொதுமக்கள் வனத்துறையிடம் தகவல் தெரிவிக்கலாம். வனத்துறையினர் குரங்குகளை பிடித்து வேறிடத்திற்கு மாற்ற நடவடிக்கை எடுப்பார்கள். எந்தவொரு உயிரினத்தையும் விஷம் வைத்து கொல்வது சட்டப்படி குற்றமாகும் என வனத்துறையினர் பொதுமக்களுக்கு அறிவுறுத்தியுள்ளனர்.   இதையும் படிக்க: நாகை மீனவன் யூடியூபர்ஸ் வீடுகளில் நடந்த ரெய்டில் முக்கிய ஆவணங்கள் பறிமுதல்!  
http://dlvr.it/S8jX6G

Read More

சிவாஜி கணேசன் படத்தை டூடுலில் வைத்து கௌரவித்த கூகுள்!

பழம்பெரும் நடிகர் சிவாஜி கணேசனின் 93 ஆவது பிறந்த நாளையொட்டி, தகவல் தேடுபொறியான கூகுள், தனது முகப்பு பக்கத்தில் சிவாஜிகணேசனின் படத்தை வைத்து கவுரவித்துள்ளது. இந்திய திரைப்பட வரலாற்றில் தவிர்க்க முடியாத மாபெரும் கலைஞன் சிவாஜி கணேசன். சுமார் 300 திரைப்படங்களில் நடித்து, நடிப்புக்கே தனிப்பெரும் உதாரணமாகத் திகழ்ந்தவர். தாதா சாகேப் பால்கே தொடங்கி சர்வதேச விருதுகளைப் பெற்றவர். சுதந்திரப் போராட்ட வீரர் வீரபாண்டிய கட்டபொம்மன், கப்பலோட்டிய தமிழன் வ.உ.சி. உள்பட, நாம் நேரில் பார்த்திராதவர்களை திறம்பட்ட நடிப்பினால் கண் முன்னே கொண்டு வந்தவர் சிவாஜி கணேசன். இவரது 93 ஆவது பிறந்த நாளையொட்டி, தகவல் தேடுபொறியான கூகுள், தனது முகப்பு பக்கத்தின் டூடுலில் சிவாஜி கணேசனின் படத்தை வைத்து கவுரவித்துள்ளது.
http://dlvr.it/S8j51S

Read More

`தாய்ப்பால் புகட்டுவது தாயின் பிரிக்க முடியாத சட்ட உரிமை!' - கர்நாடக உயர் நீதிமன்றம்

கர்நாடக மாநில உயர் நீதிமன்றத்தில் விசாரணைக்கு வந்த வித்தியாசமான வழக்கு ஒன்றில்தான், நீதிபதி கிருஷ்ணா எஸ். தீக்சித் இப்படியான கருத்தைக் கூறியுள்ளார். 2020-ம் ஆண்டு பெங்களூருவில் ஒரு மருத்துவமனையில் பிறந்த ஹசினா பானுவின் குழந்தை, ஒரு மனநல மருத்துவரால் தொட்டிலில் இருந்து திருடப்பட்டது. மற்றொரு தம்பதியிடம், அது வாடகைத் தாய் மூலம் பெறப்பட்ட தன்னுடைய குழந்தை எனக்கூறி, பணத்தைப் பெற்றுக்கொண்டு ஒப்படைத்துள்ளார் அந்த மனநல மருத்துவர். போலீஸார், அந்தக் குழந்தை அனுபமா தேசாய்யிடம் வளர்வதைக் கண்டடைந்தனர். குழந்தையின் பெற்ற தாயான ஹசினா பானு, வளர்ப்புத் தாயான அனுபமா தேசாய்யிடம் இருக்கும் தன் குழந்தையை மீட்டு தன்னிடம் தர வேண்டும் என்று நீதிமன்றத்தை நாடினார். அவர் தன் மனுவில், கடந்த வருடம் தனக்குக் குழந்தை பிறந்தவுடன் தன்னிடம் இருந்து சிலர் குழந்தையை பறித்து வளர்ப்புத் தாயிடம் கொடுத்துள்ளனர் என்றும், கடந்த ஒரு வருடமாக வளர்ப்புத் தாயிடம் வளர்ந்து வரும் தன் குழந்தையை மீட்டுத் தருமாறும் கூறியுள்ளார்.குழந்தை - Representational Image Also Read: `பணியிடப் பாலியல் புகார் வழக்குகளை வெளிப்படையாக விசாரிக்கக்கூடாது!' - மும்பை உயர் நீதிமன்றம் ஆனால் வளர்ப்புத் தாயோ, கிருஷ்ணக் கடவுளின் வாழ்க்கையை மேற்கோள் காட்டி, கிருஷ்ணனை பெற்ற தாயான தேவகி, வளர்ப்புத் தாயான யசோதாவிடம் தன் குழந்தை வளர அனுமதித்தது போல, தன்னையும் குழந்தையை வளர்க்க அனுமதிக்க வேண்டும் என்றார். கூடவே, குழந்தையின் தாய்க்கு ஏற்கெனவே இரண்டு குழந்தைகள் உள்ளது, தனக்குக் குழந்தை இல்லை என்பதையும் குறிப்பிட்டு, தன்னிடமே குழந்தை இருக்க வேண்டும் என வாதிட்டார். அவரின் வாதத்தை ஏற்காத உயர் நீதிமன்றம், குழந்தையை பெற்ற தாயிடம் ஒப்படைக்கக் கூறியது. தொடர்ந்து நீதிபதி கிருஷ்ணா எஸ். தீக்சித் கூறுகையில், `உங்களுடைய வாதத்தை ஏற்க முடியாது. எண்ணிக்கையின் அடிப்படையில் குழந்தையைப் பிரிக்க முடியாது. எத்தனை குழந்தைகள் பிறந்தாலும் அந்தத் தாய்க்கு அவரின் குழந்தைகள் ஆன்மாவில் கலந்த உயிராவார்கள்' எனத் தெரிவித்தார். மேலும், `இந்த அழகான குழந்தை தாய்ப்பால் பெறாமல் இருப்பது துரதிர்ஷ்டவசமானது. குழந்தையயைப் பெற்ற தாய்க்கு இதுவரை குழந்தையுடன் தொடர்பே இல்லாமல் இருக்கிறது. ஒரு நாகரிக சமுதாயத்தில் இதுபோன்ற விஷயங்கள் ஒருபோதும் நடக்கக்கூடாது' என்று கூறினார், தொடர்ந்து சர்வதேச குழந்தைகள் உரிமைகள், சிறார் நீதி (குழந்தைகள் பராமரிப்பு மற்றும் பாதுகாப்பு) சட்டத்திலும் இத்தகைய விஷயம் குறிப்பிடப்பட்டுள்ளது. தாய்ப்பால் புகட்டுவது தாயின் அடிப்படை உரிமை. அதேபோல் தன் குழந்தை தாய்ப்பால் குடிப்பதும் தாயின் அடிப்படை உரிமை. இந்த இரண்டு உரிமைகளும், அரசியலமைப்பின் 21-வது பிரிவின்படி, வாழ்தலுக்கான அடிப்படை உரிமை ஆகும்' எனக் கூறியுள்ளார்.Court- Representational Image Also Read: `இந்தியர்களின் சராசரி உயரம் குறைந்துகொண்டே வருகிறது!' - ஆய்வில் தகவல் தொடர்ந்து, வளர்ப்புத் தாய் குழந்தையை பெற்ற தாயிடம் ஒப்படைக்க ஒப்புக்கொண்டார். மேலும் வளர்ப்புத் தாய் விரும்பும் போதெல்லாம் குழந்தையை, பெற்ற தாயின் வீட்டிற்குச் சென்று பார்க்கலாம் எனவும் நீதிமன்றம் கூறியது. வளர்ப்புத் தாயை `சூழ்நிலையால் மட்டுமே பாதிக்கப்பட்டவர்' என்று கூறிய நீதிமன்றம், அனைத்து சிவில் மற்றும் குற்ற வழக்குகளில் இருந்தும் அவரை விடுவித்தது.
http://dlvr.it/S8fyN4

Read More

கைத்தடியால் சிறுத்தையை விரட்டிய மூதாட்டி; வைரலான வீடியோ; தொடரும் அச்சுறுத்தல்!

மும்பை கோரேகாவ் ஆரே காலனி பகுதியில் அடர்ந்த காடு இருக்கிறது. இங்கு சிறுத்தைகள் நடமாட்டம் உள்ளது. கடந்த ஒரு மாதத்தில் இப்பகுதியில் சிறுத்தை தாக்கி 5 பேர் காயம் அடைந்துள்ளனர். தற்போது மீண்டும் மூதாட்டி ஒருவரை சிறுத்தை தாக்கிக் காயப்படுத்தியிருக்கிறது. ஆரே காலனியில் பால்பண்ணை அருகில் உள்ள தனது வீட்டிற்கு வெளியில் நிர்மல் சிங் (68) என்ற மூதாட்டி இரவு 8 மணியளவில் ஊன்று கோல் உதவியுடன் நடந்து வந்து தின்னையில் வந்து அமர்ந்தார். ஏற்கெனவே சிறுத்தை ஒன்று அருகிலிருந்த புதருக்குள் மறைந்திருந்தது. அந்த சிறுத்தை மூதாட்டி மீது பாய்ந்தது. இதனால் அதிர்ச்சியடைந்த மூதாட்டி தன்னிடம் இருந்த கைத்தடியின் உதவியுடன் சிறுத்தையை எதிர்த்துப் போராடினார். மூதாட்டி மீது மீண்டும் சிறுத்தை பாய முயன்றது. ஆனால் மூதாட்டி தன்னிடம் இருந்த கைத்தடியால் சிறுத்தையை விரட்டியதால் சிறுத்தை புதருக்குள் ஓடிச்சென்றது. காயத்துடன் நிர்மல் சிங் Also Read: குடியாத்தம்: வீட்டுக்குள் புகுந்து திகில் கிளப்பிய சிறுத்தை!-10 மணி நேரம் போராடிப் பிடித்த வனத்துறை காயமடைந்த மூதாட்டியை மருத்துவமனையில் சேர்த்தனர். இதுகுறித்து வனத்துறை அதிகாரிகளுக்கும் தகவல் கொடுக்கப்பட்டது. வனத்துறை அதிகாரி இது குறித்து கூறுகையில், ``பொதுமக்களை அடிக்கடி தாக்கும் சிறுத்தையைக் கூண்டு வைத்துப் பிடிக்க விரைவில் அனுமதி கிடைக்கும் என்று எதிர்பார்க்கிறோம்" என்றார். ஆரே காலனியில் வசிக்கும் உதய் கூறுகையில், ``ஒரு சிறுத்தை அடிக்கடி பொதுமக்களைத் தாக்குகிறது. பொது மக்கள் யாரையாவது கொல்வதற்கு முன்பு சிறுத்தையைப் பிடிக்கவேண்டும்" என்றும் கேட்டுக்கொண்டார். பொது மக்கள் சிறுத்தைகள் நடமாட்டம் இருக்கும் பகுதியில் வீடுகள் கட்டியிருப்பதால்தான் இந்தச் சிக்கல் என்கிறார்கள் சிலர். இதற்கிடையே இதே ஆரே காலனியில் சிறுத்தைக் குட்டி ஒன்று தனது தாயைப் பிரிந்து தனியாக வந்துவிட்டது. அந்தக் குட்டியைத் தாயுடன் சேர்த்து வைக்க வனத்துறை அதிகாரிகள் தொடர்ந்து இரண்டு நாள்களாகப் போராடி வருகின்றனர்.
http://dlvr.it/S8fK8r

Read More

சென்னை: போலி ஆவணங்கள் மூலம் கோடிக்கணக்கில் கடன் பெற்று மோசடி செய்ததாக 9 பேர் கைது

சென்னையில் பல்வேறு வங்கிகளில் போலி ஆவணங்கள் மூலம் கடன் பெற்று கோடிக்கணக்கில் மோசடி செய்த விவகாரங்களில் இரண்டு வங்கி ஊழியர்கள் உட்பட 9 பேரை மத்திய குற்றப்பிரிவு போலீசார் கைது செய்து சிறையில் அடைத்தனர். போலி ஆவணங்களை பயன்படுத்தி வங்கிகளில் கடன் பெற்று மோசடி செய்வது தொடர்பான புகார்கள் மத்திய குற்றப்பிரிவு போலீசாரிடம் குவிந்த வண்ணம் உள்ளன. வங்கிகளில், வீட்டுக் கடன், தொழில் கடன், தனிநபர் கடன், வாகன கடன் ஆகிய கடன்களை பெறுவதற்கு பல்வேறு நிலைகளில் ஆவணங்களை சமர்ப்பித்து பல ஆய்வுக்குப் பிறகுதான் வங்கிகள் கடன் வழங்குகின்றன. இதனால் பலருக்கும் எளிதில் கடன் கிடைப்பதில்லை. இதனை அறிந்துகொண்ட மோசடி கும்பல்கள் வங்கிகள் ஏற்றுக்கொள்வதற்கு தகுந்த போலி ஆவணங்களை தயார் செய்து கோடிக்கணக்கில் மோசடி செய்துள்ளனர். இதற்கு வங்கி ஊழியர்களும் உடந்தையாக இருந்து வருகின்றனர். அந்த அடிப்படையில் உள்ள புகார்களை மத்திய குற்றப்பிரிவில் உள்ள வங்கி மோசடி தடுப்பு பிரிவு அதிகாரிகள் பட்டியலிட்டு கைது நடவடிக்கையை மேற்கொண்டு வருகின்றனர். இந்நிலையில், 5 வங்கிக் கிளைகளின் மேலாளர்கள் கொடுத்த புகார்களின் அடிப்படையில், வங்கி ஊழியர்கள் இருவர் உட்பட ஒன்பது பேரை மத்திய குற்றப்பிரிவு போலீசார் கைது செய்துள்ளனர். சென்னை பாரிமுனை ராஜாஜி சாலையில் உள்ள எச்எஸ்பிசி தனியார் வங்கியின் கிளை மேலாளர் லைசன் என்பவர் கொடுத்த புகாரின் அடிப்படையில் மத்திய குற்றப்பிரிவு போலீசார் வங்கி ஊழியர், கடன் வாங்கிய நபர் ஆகிய 2 பேரை கைது செய்துள்ளனர். குறிப்பாக ஐவி சப்போர்ட் என்ற தனியார் நிறுவனத்தில் உள்ள மனிதவள மேம்பாட்டு அதிகாரி பிரித்திவிராஜ் என்பவருடன் கூட்டாக சேர்ந்து வங்கி ஊழியர் நஜுமுதீன், போலி ஆவணங்கள் மூலம் போலி நபர்களின் பெயரில் 44 வங்கிக் கணக்குகளை துவங்கியுள்ளார். அதில் 15 பேருக்கு தனிநபர் கடன் அளிக்கப்பட்டதாக சுமார் ஒரு கோடியே 51 லட்சத்து 77 ஆயிரம் ரூபாய் மோசடி செய்தது விசாரணையில் உறுதிப்படுத்தப்பட்டது. இதையடுத்து நஜுமுதீன் மற்றும் பிரித்திவிராஜ் இருவரையும் போலீசார் கைது செய்து சிறையில் அடைத்தனர். இதேபோன்று ஸ்டேட் பாங்க் ஆப் இந்தியாவின் உதவி பொது மேலாளர் முருகன் என்பவர் கொடுத்த புகாரில் மேடவாக்கம் ஸ்டேட் பேங்க் ஆப் வங்கியின் கிளை மேலாளர் பாலாஜி என்பவரை மத்திய குற்றப்பிரிவு போலீசார் கைது செய்துள்ளனர். சியாமளா தேவி என்ற பெண்ணுக்கு போலி ஆவணங்கள் மூலம் வீட்டு கடன் வாங்கி கொடுத்த விவகாரத்தில் மோசடி செய்ததாக பாலாஜியை மத்திய குற்றப்பிரிவு போலீசார் கைது செய்துள்ளனர். இதைத் தொடர்ந்து போலி ஆவணங்கள் மூலம் வீட்டுக் கடன் வாங்கி மோசடி செய்த விவகாரத்தில், கீழ்ப்பாக்கம் இந்தியன் வங்கி, நுங்கம்பாக்கம் கரூர் வைசியா வங்கி, விருகம்பாக்கம் ஸ்டேட் பாங்க் ஆப் இந்தியா வங்கி கிளை மேலாளர்கள் கொடுத்த புகார்களின் அடிப்படையில், தனித்தனியாக 3 வழக்குகளை பதிவு செய்த மத்திய குற்றப்பிரிவு போலீசார், கீழ்ப்பாக்கம் இந்தியன் வங்கி கிளையில் வீட்டுக் கடன் மற்றும் மாடர்ன் ரைஸ் மில் வாங்குவதற்கு எனக் கூறி போலி ஆவணங்கள் மூலம் மோசடி செய்த திருவள்ளூரைச் சேர்ந்த முத்துவேல், நுங்கம்பாக்கம் கரூர் வைசியா வங்கியில் போலி ஆவணங்களை பயன்படுத்தி வீட்டுக் கடன் வாங்கிய விவகாரத்தில், தனியார் நிறுவன பெண் உரிமையாளர் மிராக்கிளின் டோரிஸ், அவரது கணவர் தங்கராஜ், மற்றும் கோவிந்தராஜ், சையது அலி ஆகியோரை மத்திய குற்றப்பிரிவு போலீசார் கைது செய்தனர். விருகம்பாக்கம் ஸ்டேட் பாங்க் ஆப் இந்தியா வங்கியில் போலி ஆவணங்களை சமர்ப்பித்து கடன் பெற முயற்சித்ததாக முகமது கனி என்பவரை போலீசார் கைது செய்தனர். இந்த மூன்று வங்கியில் மோசடி செய்து கைதான 6 பேரும் சுமார் 4 கோடி அளவில் கடன் பெற்று மோசடி செய்துள்ளனர். இவ்வாறாக ஐந்து வங்கிகளில் போலி ஆவணங்கள் மூலம் கடன் பெற்று மோசடி செய்த இரண்டு வங்கி ஊழியர்கள் ஒரு பெண் உட்பட 9 பேரை மத்திய குற்றப்பிரிவு போலீசார் அதிரடியாக கைது செய்து சிறையில் அடைத்துள்ளனர். இதுபோன்று கோடிக்கணக்கில் கடன் வழங்கும்போது வங்கி மேலாளர்கள் கவனமாக ஆவணங்களை ஆய்வு செய்து கடன் வழங்குமாறு மத்திய குற்றப்பிரிவு போலீசார் வங்கிகளுக்கு அறிவுறுத்தியுள்ளனர். மேலும் ஐந்து வங்கிகளில் நடந்த வங்கி மோசடியை உடனடியாக புலன் விசாரணை செய்து கண்டுபிடித்த மத்திய குற்றப்பிரிவின் வங்கி மோசடி பிரிவு போலீசாருக்கு சென்னை மத்திய குற்றப்பிரிவு கூடுதல் ஆணையர் பாராட்டு தெரிவித்துள்ளார். - ஆர்.சுப்ரமணியன்
http://dlvr.it/S8dlgw

Read More

ஏர் இந்தியாவை வாங்கும் போட்டியில் டாடாவுக்கே வெற்றி வாய்ப்பு

ஏர் இந்தியா விமான நிறுவனத்தை வாங்கும் போட்டியில் டாடா குழுமத்துக்கே வெற்றி வாய்ப்புள்ளதாக ஏர் இந்தியாவின் முன்னாள் இயக்குனர் ஜிதேந்தர் பார்கவா தெரிவித்துள்ளார்.   மத்திய அரசு நிறுவனமான ஏர் இந்தியா விமான நிறுவனம் தொடர்ந்து வருவாய் இழப்பை சந்தித்து வருகிறது. இதனால், அந்த நிறுவனத்தை விற்கும் முயற்சியில் அரசு இறங்கியுள்ளது. ஆரம்பத்தில் ஏர் இந்தியாவை வாங்க எந்த நிறுவனமும் முனைப்பு காட்டாத நிலையில், டாடா குழுமமும், ஸ்பைஸ் ஜெட் நிறுவனமும் ஏர் இந்தியாவை வாங்க ஆர்வம் காட்டின. இந்நிலையில், ஏர் இந்தியா விமான நிறுவனத்தை வாங்க டாடா குழுமும் தீவிரம் காட்டி வருவதாகவும், எனவே அந்த குழுமத்துக்கே வெற்றி கிடைக்கும் எனவும் ஏர் இந்தியா முன்னாள் இயக்குனர் ஜிதேந்தர் பார்கவா தெரிவித்துள்ளார்.   இதையும் படிக்க: 'உலகின் சிறந்த நம்பிக்கை' என பரவும் மோடியின் புகைப்படம் போலியானது - தி நியூயார்க் டைம்ஸ்
http://dlvr.it/S8dlfv

Read More