கேரளாவில் 100% தடுப்பூசி இலக்கை எட்டிய முதல் மாவட்டமானது எர்ணாகுளம்

கேரளாவில் 18 வயதுக்கு மேற்பட்ட 100 சதவீதம் பேருக்கும் கொரோனா தடுப்பூசியின் முதல் டோஸ் செலுத்தப்பட்ட முதல் மாவட்டம் என்ற பெருமையை எர்ணாகுளம் பெற்றுள்ளது.   இந்தியாவிலேயே கேரள மாநிலத்தில்தான் தினசரி கொரோனா பாதிப்பு அதிகமாக இருந்து வருகிறது. அதேவேளையில் அங்கு தடுப்பூசி செலுத்தும் பணியும் தீவிரமாக செயல்படுத்தப்பட்டு வருகிறது. மாநிலம் முழுவதும் தகுதியான பொதுமக்கள் அனைவருக்கும் 100 சதவீதம் தடுப்பூசி செலுத்துவதற்காக சிறப்பு முகாம்கள் நடத்தப்பட்டு வருகின்றன. அதன்படி, 18 வயதுக்கு மேற்பட்ட 100 சதவீதம் பேருக்கும் கொரோனா தடுப்பூசியின் முதல் டோஸ் செலுத்தப்பட்ட முதல் மாவட்டம் என்ற பெருமையை எர்ணாகுளம் பெற்றுள்ளதாக அம்மாநில தொழில்துறை அமைச்சர் பி ராஜீவ் அறிவித்துள்ளார்.   இதுகுறித்து அமைச்சர் பி ராஜீவ் கூறுகையில், ''எர்ணாகுளம் போன்ற ஒரு பரந்த மாவட்டத்தில் 100% தடுப்பூசி இலக்கை எட்டியது ஓர் பெருமையான நிகழ்வு. அடுத்த மூன்று மாதங்களுக்குள் தடுப்பூசியின் இரண்டாவது டோஸை 100 சதவீதம் பேருக்கும் செலுத்தி முடிக்க வேண்டும். இப்போதே 50 சதவிகிதம் பேருக்கு இரண்டாவது டோஸ் செலுத்தப்பட்டு விட்டது. மாவட்ட நிர்வாகமும் சுகாதார அமைப்பும் பாராட்டுக்குரிய வேலையைச் செய்துள்ளன. எர்ணாகுளம் மாவட்டம் இந்தியாவிற்கு ஒரு முன்மாதிரியாக உள்ளது'' என்றார்.   இதையும் படிக்க: "கர்ப்பிணிகளுக்கு தடுப்பூசி செலுத்த வேகம் தேவை" - இந்திய மருத்துவ ஆராய்ச்சி கவுன்சில்            
http://dlvr.it/S8q16q

Read More

தைவான் நாட்டின் வான் பரப்பில் பறந்த சீனாவின் போர் விமானம் : சர்வதேச அளவில் அதிர்வலை!

தைவான் நாட்டு வான் பரப்பில் சீனாவின் போர் விமானங்கள் பறந்திருப்பது சர்வதேச அளவில் அதிர்ச்சியை ஏற்படுத்தியுள்ளது. அணு ஆயுதங்களை கொண்டு தாக்கும் திறன் கொண்ட போர் விமானங்கள் உள்பட 38 விமானங்கள் தங்கள் வான் பரப்பில் நுழைந்ததாகவும், பின்னர் தங்களின் போர் விமானங்களை கொண்டு அவற்றை விரட்டி அடித்ததாகவும் தைவான் அரசு தெரிவித்துள்ளது. இத்தகைய செயல்கள் மூலம் பிராந்திய அமைதிக்கு சீனா குந்தகம் விளைவிப்பதாக தைவான் அரசு குற்றஞ்சாட்டியுள்ளது. 1940ஆம் ஆண்டு நிகழ்ந்த உள்நாட்டு போரை தொடர்ந்து சீனாவில் இருந்து தைவான் பிரிந்து தனிநாடாக அறிவித்து கொண்டது. ஆனால் சீனா, தைவான் சொந்தம் கொண்டாடி வருகிறது.
http://dlvr.it/S8nZjB

Read More

பிறந்த நாள் வாழ்த்து கூற சென்ற இடத்தில் அஞ்சலி செலுத்தும் துயரம்

வீரபாண்டி தொகுதி முன்னாள் சட்டமன்ற உறுப்பினர் ராஜா தனது பிறந்தநாள் அன்றே மாரடைப்பால் காலமானார். சேலம் பூலாவாரியில் உள்ள அவரது வீட்டில் தனது பிறந்தநாளைக் கொண்டாடும் பொருட்டு தயாராகிக் கொண்டிருந்த அவர் திடீரென மயங்கி விழுந்துள்ளார். மருத்துவமனைக்கு கொண்டு செல்லப்பட்ட வீரபாண்டி ராஜாவை பரிசோதித்த மருத்துவர்கள் அவர் ஏற்கெனவே உயிரிழந்து விட்டதாகத் தெரிவித்தனர். பூலாவாரியில் உள்ள இல்லத்தில் ராஜாவின் உடல் பொதுமக்கள் அஞ்சலிக்காக வைக்கப்பட்டுள்ளது. திமுக முன்னோடிகளில் ஒருவரான வீரபாண்டி ஆறுமுகத்தின் மகனான ராஜாவின் மறைவு அக்கட்சி தொண்டர்களை அதிர்ச்சியில் ஆழ்த்தியுள்ளது. எந்தப் பொறுப்பை கொடுத்தாலும் திறம்பட செய்து முடிக்கக் கூடிய ராஜாவின் மறைவு ஒரு தூண் சாய்வது போல என முதலமைச்சர் மு.க.ஸ்டாலின் வெளியிட்டுள்ள இரங்கல் செய்தியில் தெரிவித்துள்ளார். ராஜாவை இழந்து வாடும் குடும்பத்தாருக்கும் கட்சியினருக்கும் ஆழ்ந்த இரங்கலைத் தெரிவித்துக் கொள்வதாகவும் மு.க.ஸ்டாலின் குறிப்பிட்டுள்ளார்.
http://dlvr.it/S8mtNy

Read More

"கர்ப்பிணிகளுக்கு தடுப்பூசி செலுத்த வேகம் தேவை" - இந்திய மருத்துவ ஆராய்ச்சி கவுன்சில்

இந்தியாவில் கர்ப்பிணிகளுக்கு தடுப்பூசி செலுத்துவதில் இன்னும் வேகம் தேவை என இந்திய மருத்துவ ஆராய்ச்சி கவுன்சில் தெரிவித்துள்ளது. நாட்டில் இதுவரை சுமார் 14 லட்சம் கர்ப்பிணிகள் கொரோனாவுக்கு எதிராக முதல் டோஸ் தடுப்பூசி போட்டுக் கொண்டுள்ளனர். ஆனாலும் இது குறைவுதான் என்று வல்லுநர்கள் தெரிவிக்கின்றனர். மேலும், கொரோனா தடுப்பூசி போட்டுக் கொள்வதில் கர்ப்பிணிகள் மத்தியில் இப்போதுதான் விழிப்புணர்வு காணப்படுவதாகவும் அவர்கள் கூறுகின்றனர். இதுபற்றி கருத்து தெரிவித்துள்ள இந்திய மருத்துவ ஆராய்ச்சி கவுன்சில், கர்ப்பிணிகளுக்கு தடுப்பூசி போடுவதில் இன்னும் வேகம் தேவை என்று தெரிவித்துள்ளது.
http://dlvr.it/S8mtLx

Read More

ருத்ரதாண்டவம் படம் பார்க்க சென்றபோது ரகளை - 5 பேர் கைது; 100க்கும் மேற்பட்டோர் மீது வழக்கு

தருமபுரியில் ருத்ரதாண்டவம் படம் பார்க்க ஊர்வலமாக சென்றபோது ரகளையில் ஈடுபட்டதாக பாமக மற்றும் வன்னியர் சங்கத்தைச் சேர்ந்தவர்கள் மீது வழக்குப் பதிவு செய்யப்பட்டுள்ளது. மோகன்ஜியின் இயக்கத்தில் உருவாகியுள்ள ருத்ரதாண்டவம் திரைப்படம் தருமபுரியில் உள்ள இரு திரையரங்குகளில் வெளியாகியுள்ளது. இதையொட்டி பாமக மற்றும் வன்னியர் சங்கத்தைச் சேர்ந்த 300க்கும் மேற்பட்ட இளைஞர்கள், பெரியார் சிலையில் இருந்து திரையரங்கு நோக்கி ஊர்வலமாக சென்றனர். மேளதாளம் முழங்க சாலையில் நடனமாடிச் சென்ற அவர்கள் போக்குவரத்துக்கு இடையூறு செய்து ரகளையில் ஈடுபட்டதாகத் தெரிகிறது. தகவலறிந்து சென்ற காவல்துறையினர் கண்டதும் பெரும்பாலானோர் சிதறி ஓடிய நிலையில், அதில் 5 பேரை கைது செய்த அதிகாரிகள் 100க்கும் மேற்பட்டோர் மீது வழக்கு பதிந்து விசாரித்து வருகின்றனர்.
http://dlvr.it/S8mYhx

Read More

கல்லூரி மாணவி கழுத்து அறுத்துக் கொலை; சக மாணவன் செய்த கொடூரம்!

கேரள மாநிலம் கோட்டயம் மாவட்டத்தில் பலாவில் உள்ள செயின்ட் தாமஸ் கல்லூரியில் புட் பிராசசிங் டெக்னாலாஜி பிரிவில் மூன்றாம் ஆண்டு படித்து வந்தார் வைக்கம் தலையோலப்பறம்பு பகுதியைச் சேர்ந்த நிதினா மோள்(22). இன்று மூன்றாம் ஆண்டு தேர்வு எழுதுவதற்காக கல்லூரிக்குச் சென்றுள்ளார் நிதினாமோள். தேர்வு எழுதி முடிந்து வெளியே வந்தவர் கிரவுண்ட் அருகே சென்றுள்ளார். அங்கு நிதினா மோளுடன் படித்துவந்த வகுப்புத் தோழன் அபிஷேக் பைஜூ என்பவர் பேசிக்கொண்டு இருந்திருக்கிறார். பின்னர் திடீரென தன்னிடம் மறைத்து வைத்திருந்த பிளேடு போன்ற சிறு கத்தியால் மாணவி நிதினா மோளின் கழுத்தை அறுத்து கொலை செய்திருக்கிறான் மாணவன் அபிஷேக் பைஜூ. மாணவியின் அலறல் கேட்டு கல்லூரி வளாகத்தில் நின்ற பாதுகாவலர்கள் அங்கு விரைந்து சென்றனர். ரத்த வெள்ளத்தில் துடித்த நிதினா மோளை மீட்டு மருத்துவமனைக்கு அனுப்பி வைத்தனர். அங்கு சிகிச்சை பலனில்லாமல் நிதினா மோள் உயிரிழந்தார்.போலீஸால் கைது செய்யப்பட்ட மாணவன் அபிஷேக் பைஜூ பின்னர் போலீஸார் அங்கு சென்று மாணவன் அபிஷேக் பைஜூவை கைது செய்து அழைத்துச் சென்றனர். இதுகுறித்து கல்லூரி மாணவர்கள் கூறுகையில், ``அபிஷேக் பைஜூவும், நிதினா மோளும் நெருங்கிய நண்பர்கள். கொரோனா காரணமாக கல்லூரி திறக்காமல் இருந்தது. ஆனால் தேர்வுகள் தொடர்ந்து நடைபெற்று வருகின்றன. மூன்றாம் ஆண்டு செமஸ்டர் தேர்வு இன்று தொடங்கியது. காலையில் ஹால் டிக்கெட் விநியோகித்தார்கள். பின்னர் நாங்கள் தேர்வு எழுதினோம். அபிஷேக் பைஜூவும் தேர்வு எழுதிவிட்டு வெளியே வந்தார். நாங்கள் தேர்வு அறையை விட்டு வெளியே வரும்போது கல்லூரி வளாகத்தில் போலீஸ் நின்றது. எதற்காக போலீஸ் வந்தது என விசாரித்தபோது கொலை நடந்ததாக சொன்னார்கள். காலையில் அபிஷேக் பைஜூவிடம் சாதாரணமாகத்தான் இருந்தான். அவனிடம் எந்த மாற்றமும் தெரியவில்லை. அவர்கள் இருவருக்குள்ளும் என்ன பிரச்னை என்பது எங்களுக்குத் தெரியவில்லை" என்றனர். அபிஷேக் பைஜூ காதல் விவகாரத்தால் இப்படி நடந்துகொண்டதாக போலீஸாரிடம் வாக்குமூலம் அளித்திருக்கிறார். Also Read: தாம்பரம்: ரயில் நிலையத்தில் கல்லூரி மாணவி கொலை; போலீஸார் தீவிர விசாரணைMurder அபிஷேக் பைஜூ தனது வாக்குமூலத்தில், ``நிதினா மோளை நான் இரண்டு ஆண்டுகளாக காதலித்து வந்தேன். சமீபத்தில் இருவருக்கும் இடையே பிரிவு ஏற்பட்டது. இதனால் எனக்கு அவள் மீது கோபம் ஏற்பட்டது. கொலை செய்யும் எண்ணத்தில் நான் வரவில்லை. என் கைகளை அறுத்து ரத்தத்தைக் காட்டி அவளை பயமுறுத்துவதற்காகத்தான் கத்தி கொண்டு வந்தேன்" எனக் கூறியிருக்கிறார். கல்லூரி வளாகத்திலேயே மாணவி கொலைச் செய்யப்பட்ட சம்பவம் பெரும் பரபரப்பை ஏற்படுத்தியுள்ளது.
http://dlvr.it/S8kg8W

Read More

சென்னையில் தங்கம் விலை உயர்வு!

சென்னையில் தங்கத்தின் விலை ஒரே நாளில் சவரனுக்கு 448 ரூபாய் உயர்ந்துள்ளது. இன்று காலை நிலவரப்படி, 22 காரட் ஆபரணத் தங்கம் கிராமிற்கு 56 ரூபாய் விலை உயர்ந்து 4,392 ரூபாய்க்கும், ஒரு சவரன் 448 ரூபாய் விலை அதிகரித்து 35,136 ரூபாய்க்கும் விற்கப்படுகிறது. வெள்ளி கிராமிற்கு 70 காசு விலை உயர்ந்து 63 ரூபாய் 70 காசுக்கு விற்பனை செய்யப்படுகிறது.
http://dlvr.it/S8k433

Read More