"இரக்க குணத்தால் யாரும் ஏமாந்து விடாதீர்கள்"- குழந்தைகளை முன்வைத்து மோசடி செய்யும் கும்பல்

ஏமாறுபவர்கள் இருக்கும் வரை ஏமாற்றுபவர்கள் இருந்துகொண்டேதான் இருப்பார்கள். இளகிய மனசுகாரர்களை குறிவைத்து, குழந்தைகளை காட்டி பணம் பறிக்கும் கும்பல் சமூகவலைத்தளங்களில் உலா வருகிறது. யார் அவர்கள். பார்க்கலாம் இந்த தொகுப்பில். குழந்தைகள் நலக் குழுவினரிடம் அக்குழந்தையை ஒப்படைக்கப்படும் "இந்த அஞ்சல் அட்டையில் இருக்கும் வாசகத்தை 100 பேருக்கு அனுப்பாவிட்டால், ரத்தம் கக்கி சாவாய்". எண்பது, தொன்னூறு ஆண்டுகளைச் சேர்ந்தவர்களுக்கு இதுமோன்ற மோசடிகள் சர்வ சாதாரணம். இதையே இந்த இருபத்தோறாம் ஆண்டில், சற்றே மாற்றி சூழ்நிலைக்கு ஏற்ப களம் இறங்கியுள்ளது ஒரு கும்பல். கொரோனா தொற்றால் தமிழகத்தில் 35 ஆயிரத்திற்கும் மேற்பட்டோர் உயிரிழந்துள்ளனர். ஒவ்வொருவரும் ஏதாவது ஓர் உறவை இழக்க நேரிட்டுள்ளது. குழந்தைகள் பலர் ஒரே நேரத்தில் பெற்றோரை இழந்து ஆதரவற்றவர்களாக மாறும் பரிதாப நிலையும் ஏற்பட்டுள்ளது. இதுபோன்ற குழந்தைகளுக்கு உதவுவதாக கூறி சமூக வலைதளங்களில் மோசடி பேர் வழிகள் பொய்யான தகவல்களை பரப்பி பணமோசடியில் ஈடுபட்டு வருகின்றனர். அதாவது, "இரண்டு வயதுள்ள ஒரு பெண் குழந்தையும், பிறந்து இரண்டு மாதமே ஆன ஆண் குழந்தை ஒன்றும் ஆதரவற்ற நிலையில் உள்ளது. இந்த குழந்தைகளின் பெற்றோர் கொரோனாவால் பாதிக்கப்பட்டு இறந்து விட்டார்கள். இந்த குழந்தைகளை குழந்தை இல்லாதவர்கள் எவரேனும் தத்ததெடுக்க விரும்பினால் தொடர்பு கொள்ளவும்" எனக் கூறி குறிப்பிட்ட தொலைபேசி எண்ணை குறிப்பிட்டு அலைபேசிகளுக்கு செய்தி அனுப்பப்படுகிறது. "தயவு செய்து இந்த செய்தியை பரவச்செய்யுங்கள் ஏதெனும் நல்ல உள்ளம் கொண்டவரும், குழந்தை தேவை உள்ளவர்களும் பார்த்து பயன் பெறட்டும்!. ஒரு சிறு பகிர்வு அந்த குழந்தைகளுக்கு வாழ்வை கொடுக்கும்!." என வரும் செய்திகளை யாரும் நம்ப வேண்டாம் என்றும் குழந்தைகள் நல செயற்பாட்டாளர் தேவநேயன். ஒரு குழந்தை தொடர்பாக இதுபோல பொதுவெளியில் பகிர்வது சட்டப்படி குற்றமாகும். இளம் சிறார் நீதி சட்டத்தின் படி அவர்கள் மீது நடவடிக்கை எடுக்கலாம். கொரோனாவாலோ, மற்ற காரணங்களாலோ ஒரு குழந்தை தன் பெற்றோர்களை இழந்துவிட்டால், உடனடியாக 1098 என்ற எண்ணுக்கு தகவல் அளிக்க வேண்டும். அவர்கள், அக்குழந்தையைக் குழந்தைகள் நலக்குழுவிடம் ஒப்படைப்பார்கள். கொரோனா காலத்தில் பல்வேறு விதமான ஆன்லைன் மோசடிகள் அரங்கேறி வருகின்றன. அது போல தான் இந்த குழந்தைகள் தொடர்பான மெசேஜ்ஜும். இரக்க குணத்தால் யாரும் ஏமாந்து விடாதீர்கள் என்று சைபர் கிரைம் போலீசார் எச்சரிக்கின்றனர்.
http://dlvr.it/S8sTgb

Read More

“பவானிப்பூரில் வெற்றபெற வைத்த மக்களுக்கு நன்றி; நந்திகிராமில் நான் தோற்றது சதி” - மம்தா

பவானிப்பூரில் எனக்கு வாக்களித்து வெற்றபெற வைத்த மக்களுக்கும், தான் வெற்றிபெற உழைத்த தொண்டர்களுக்கும் நன்றி என்று மேற்குவங்க முதல்வர் மம்தா பானர்ஜி தெரிவித்தார். இது தொடர்பாக பேசிய மம்தா, “பவானிப்பூரில் எனக்கு வாக்களித்து வெற்றபெற வைத்த மக்களுக்கும், நான் வெற்றிபெற உழைத்த தொண்டர்களுக்கும் நன்றி, நந்திகிராமில் நான் தோற்றது ஒரு சதி. பவானிப்பூர் மட்டுமின்றி சம்சர்கன்ஞ் மற்றும் ஜாங்கிபூர் ஆகிய இரு தொகுதிகளில் நடந்த இடைத்தேர்தலிலும் திரிணாமுல் காங்கிரஸ் கட்சியே வெற்றிபெறும்” என தெரிவித்தார். பவானிப்பூர் தொகுதியில் நடைபெற்ற இடைத்தேர்தலில் பாஜக வேட்பாளர் பிரியங்கா டிப்ரேவாலை விட 58,832 வாக்குகள் கூடுதலாக பெற்று வெற்றி பெற்றார் மேற்குவங்க முதல்வர் மம்தா பானர்ஜி. இந்த தேர்தலில் மம்தா 84,709 வாக்குகளும், பிரியங்கா 26,320 வாக்குகளும் பெற்றுள்ளனர். இதனைப்படிக்க...சத்தீஸ்கர் காங்கிரஸில் சலசலப்பு: 35 எம்எல்ஏக்கள் டெல்லியில் முகாம் 
http://dlvr.it/S8qzQl

Read More

நாகை: காவல்துறையினர் அச்சுறுத்தல் தந்ததால் தற்கொலைக்கு முயன்ற பெண்ணுக்கு தீவிர சிகிச்சை

நாகையில் பெண் ஒருவர் காவலர்களின் அச்சுறுத்தலுக்கு பயந்து விஷமருந்தியுள்ள சம்பவம் பரபரப்பை ஏற்படுத்தியுள்ளது. நாகப்பட்டினம் மறைமலை நகரை சேர்ந்தவர் முகமது மெய்தீன். இவர் மீது காவல்துறையில் சில வழக்குகள் உள்ளன. இந்நிலையில் கடந்த சில நாட்களுக்கு முன்பு நாகப்பட்டினம் புதிய பேருந்து நிலையத்தில் கத்தியுடன் நின்றதாக வெளிப்பாளையம் போலீசார் முகம்மது மொய்தீனை கைது செய்தனர். இதற்கிடையில் நேற்று மாலை முகம்மது மெய்தீன் வீட்டில் அவரது மனைவி ரேவதி உறவினர்களுடன் பேசிக் கொண்டு இருந்துள்ளார். அப்போது அங்கு வந்த வெளிப்பாளையம் போலீஸ் இன்ஸ்பெக்டர் தியாகராஜன், மெய்தீனை அவரது உறவினர்கள் மத்தியில் தரக்குறைவாக பேசியுள்ளதாக கூறப்படுகிறது. மேலும் ரேவதி மீது வழக்குப் போடுவதாக மிரட்டியுள்ளார். இதனால் வீட்டின் உரிமையாளர் ரேவதியை வீட்டை காலி செய்யுமாறு கூறி உள்ளார். இதனால் மனம் உடைந்த ரேவதி விஷம் அருந்தியுள்ளார். தொடர்புடைய செய்தி: தற்கொலை எப்படி தீர்வாகும்? - மனநல ஆலோசகர்களின் விளக்கங்களும் தீர்வுகளும்! இதனைடுத்து அருகில் இருந்தவர்கள் ரேவதியை மீட்டு நாகப்பட்டினம் மருத்துவமனையில் சிகிச்சைக்காக சேர்த்தனர். தற்போது அங்கு அவருக்கு தீவிர சிகிச்சை அளிக்கப்பட்டு வருகிறது. போலீஸ் இன்ஸ்பெக்டர் மிரட்டியதால் தற்கொலைக்கு முயற்சித்த பெண் குறித்த இச்சம்பவம் நாகையில் பரபரப்பை ஏற்படுத்தியுள்ளது. தற்கொலை என்பது எதற்கும் முடிவல்ல. தற்கொலை எண்ணம் மேலிடும் போது உரிய ஆலோசனை பெற்றால் புதிய வாழ்க்கை அவர்களுக்காக காத்துக்கொண்டிருக்கிறது. அதற்காகவே சினேகா போன்ற தன்னார்வ தொண்டு நிறுவனங்கள் சேவை ஆற்றி வருகின்றன. அவர்களை தொடர்பு கொண்டு இலவசமாக ஆலோசனை பெறலாம்.
http://dlvr.it/S8qd4b

Read More

சொகுசுக் கப்பலில் நடந்த போதை விருந்து: விசாரணை வளையத்தில் ஷாருக்கான் மகன்

சொகுசுக் கப்பலில் நடந்த போதை விருந்து தொடர்பாக பாலிவுட் நடிகர் ஷாருக்கான் மகன் ஆர்யன் கான் உள்ளிட்ட 8 பேரிடம் மும்பையில் விசாரணை நடக்கிறது.   மும்பையில் இருந்து கோவாவிற்கு ஆடம்பர சொகுசு கப்பல் இயக்கப்பட்டு வருகிறது. இக்கப்பலில் போதை விருந்து நடப்பதாகப் போதைப்பொருள் தடுப்பு பிரிவு போலீஸாருக்கு ரகசிய தகவல் கிடைத்தது. இதில் நடிகர்கள், நடிகர்களின் மகன்கள் மற்றும் முக்கிய பிரமுகர்கள் கலந்து கொண்டதாகவும், பார்ட்டியில் அனைவரும் ஹசிஷ், எம்டி, கோகைன் போன்ற போதைப்பொருட்களை பயன்படுத்தியதாகவும் தெரிகிறது.   இதையடுத்து போதைப்பொருள் தடுப்புப் பிரிவு அதிகாரிகள் அதிரடி ரெய்டு நடத்தி போதை விருந்தில் போதைப்பொருள் பயன்படுத்தியவர்கள், போதைப்பொருள் வைத்திருந்தவர்கள் என மொத்தம் 8 பேரை அதிகாரிகள் பிடித்தனர். பிடிபட்டவர்களில் பாலிவுட் நடிகர் ஷாருக்கானின் மகன் ஆர்யன் கானும் ஒருவர் என்பது தெரிய வந்துள்ளது. இந்நிலையில் ஆர்யன் கான் உள்ளிட்ட 8 பேரிடம் விசாரணை நடைபெற்று வருவதாக போதைப்பொருள் தடுப்புப்பிரிவு இயக்குநர் சமீர் வான்கடே பேட்டியில் தெரிவித்துள்ளார்.   இதையும் படிக்க: பஞ்சாப்பை தொடர்ந்து சத்தீஸ்கர் காங்கிரஸ் அரசிலும் உட்கட்சி பூசல் - தலைமைக்கு நெருக்கடி
http://dlvr.it/S8qd4L

Read More

ஐபிஎல்லில் இன்று 2 போட்டிகள்: பெங்களூரு Vs பஞ்சாப், கொல்கத்தா Vs ஐதராபாத்

ஐபிஎல் கிரிக்கெட் தொடரில் இன்று இரண்டு போட்டிகள் நடைபெறவுள்ளன.   ஷார்ஜாவில் இந்திய நேரப்படி பிற்பகல் 3.30 மணிக்கு நடைபெறும் முதல் போட்டியில் விராட் கோலி தலைமையிலான பெங்களூரு அணியும், ராகுல் தலைமையிலான பஞ்சாப் அணியும் பலப்பரீட்சை நடத்துகின்றன. இவ்விரு அணிகளும் இதுவரை 27 முறை நேருக்கு நேர் மோதியுள்ளன. அவற்றில் பஞ்சாப் 15 முறையும், பெங்களூரு 12 முறையும் வெற்றி பெற்றுள்ளன. பஞ்சாப் அணி வெற்றி பெற்றால் மட்டுமே ஃபிளே ஆஃபிற்கான போட்டியில் நீடிக்க முடியும் என்பதால் ஆட்டத்தில் விறுவிறுப்புக்கு பஞ்சம் இருக்காது என எதிர்பார்க்கப்படுகிறது.   துபாயில் இரவு 7.30 மணிக்கு நடைபெறும் மற்றொரு போட்டியில் கொல்கத்தா நைட் ரைடர்ஸ் மற்றும் சன் ரைசர் ஐதராபாத் அணிகள் மோதுகின்றன. இவ்விரு அணிகளும் இதுவரை 20 முறை நேருக்கு நேர் மோதியுள்ளன. அவற்றில் ஐதராபாத் 7 முறையும், கொல்கத்தா 12 முறையும் வெற்றி பெற்றுள்ளன. ஒரு போட்டியில் முடிவு ஏதும் எட்டப்படவில்லை. ஐதராபாத் அணி ஏற்கனவே பிளே ஆஃப் வாய்ப்பை இழந்து விட்டது. கொல்கத்தா அணி வாழ்வா சாவா கட்டத்தில் இப்போட்டியை எதிர்கொள்ளவுள்ளது.   இதையும் படிக்க: சிஎஸ்கே-வின் வெற்றிக்கு முற்றுப்புள்ளி! பிளே ஆப் வாய்ப்பை தக்க வைத்தது ராஜஸ்தான்!
http://dlvr.it/S8qJNC

Read More

கேரளாவில் 100% தடுப்பூசி இலக்கை எட்டிய முதல் மாவட்டமானது எர்ணாகுளம்

கேரளாவில் 18 வயதுக்கு மேற்பட்ட 100 சதவீதம் பேருக்கும் கொரோனா தடுப்பூசியின் முதல் டோஸ் செலுத்தப்பட்ட முதல் மாவட்டம் என்ற பெருமையை எர்ணாகுளம் பெற்றுள்ளது.   இந்தியாவிலேயே கேரள மாநிலத்தில்தான் தினசரி கொரோனா பாதிப்பு அதிகமாக இருந்து வருகிறது. அதேவேளையில் அங்கு தடுப்பூசி செலுத்தும் பணியும் தீவிரமாக செயல்படுத்தப்பட்டு வருகிறது. மாநிலம் முழுவதும் தகுதியான பொதுமக்கள் அனைவருக்கும் 100 சதவீதம் தடுப்பூசி செலுத்துவதற்காக சிறப்பு முகாம்கள் நடத்தப்பட்டு வருகின்றன. அதன்படி, 18 வயதுக்கு மேற்பட்ட 100 சதவீதம் பேருக்கும் கொரோனா தடுப்பூசியின் முதல் டோஸ் செலுத்தப்பட்ட முதல் மாவட்டம் என்ற பெருமையை எர்ணாகுளம் பெற்றுள்ளதாக அம்மாநில தொழில்துறை அமைச்சர் பி ராஜீவ் அறிவித்துள்ளார்.   இதுகுறித்து அமைச்சர் பி ராஜீவ் கூறுகையில், ''எர்ணாகுளம் போன்ற ஒரு பரந்த மாவட்டத்தில் 100% தடுப்பூசி இலக்கை எட்டியது ஓர் பெருமையான நிகழ்வு. அடுத்த மூன்று மாதங்களுக்குள் தடுப்பூசியின் இரண்டாவது டோஸை 100 சதவீதம் பேருக்கும் செலுத்தி முடிக்க வேண்டும். இப்போதே 50 சதவிகிதம் பேருக்கு இரண்டாவது டோஸ் செலுத்தப்பட்டு விட்டது. மாவட்ட நிர்வாகமும் சுகாதார அமைப்பும் பாராட்டுக்குரிய வேலையைச் செய்துள்ளன. எர்ணாகுளம் மாவட்டம் இந்தியாவிற்கு ஒரு முன்மாதிரியாக உள்ளது'' என்றார்.   இதையும் படிக்க: "கர்ப்பிணிகளுக்கு தடுப்பூசி செலுத்த வேகம் தேவை" - இந்திய மருத்துவ ஆராய்ச்சி கவுன்சில்            
http://dlvr.it/S8q16q

Read More

தைவான் நாட்டின் வான் பரப்பில் பறந்த சீனாவின் போர் விமானம் : சர்வதேச அளவில் அதிர்வலை!

தைவான் நாட்டு வான் பரப்பில் சீனாவின் போர் விமானங்கள் பறந்திருப்பது சர்வதேச அளவில் அதிர்ச்சியை ஏற்படுத்தியுள்ளது. அணு ஆயுதங்களை கொண்டு தாக்கும் திறன் கொண்ட போர் விமானங்கள் உள்பட 38 விமானங்கள் தங்கள் வான் பரப்பில் நுழைந்ததாகவும், பின்னர் தங்களின் போர் விமானங்களை கொண்டு அவற்றை விரட்டி அடித்ததாகவும் தைவான் அரசு தெரிவித்துள்ளது. இத்தகைய செயல்கள் மூலம் பிராந்திய அமைதிக்கு சீனா குந்தகம் விளைவிப்பதாக தைவான் அரசு குற்றஞ்சாட்டியுள்ளது. 1940ஆம் ஆண்டு நிகழ்ந்த உள்நாட்டு போரை தொடர்ந்து சீனாவில் இருந்து தைவான் பிரிந்து தனிநாடாக அறிவித்து கொண்டது. ஆனால் சீனா, தைவான் சொந்தம் கொண்டாடி வருகிறது.
http://dlvr.it/S8nZjB

Read More