முதலில் அணலி.. அடுத்து கருநாகம் - கேரளாவை உலுக்கிய பெண் கொலை வழக்கில் கணவனுக்கு இரட்டை ஆயுள் தண்டனை

கேரள மாநிலம் கொல்லம் மாவட்டம் அஞ்சல் பகுதியைச் சேர்ந்த உத்ரா(25) என்ற பெண்ணும் அடூரைச் சேர்ந்த வங்கி ஊழியர் சூரஜ்(27) என்பவரும் 2018-ம் ஆண்டு திருமணம் செய்து கொண்டனர். திருமணத்தின்போது நூறு சவரன் தங்க நகைகள், பத்து லட்சம் ரொக்கப் பணம், மூன்றரை ஏக்கர் நிலம், சுமார் பத்து லட்சம் ரூபாய் மதிப்பிலான கார் உள்ளிட்டவை வரதட்சணையாக வழங்கப்பட்டுள்ளது. சூரஜ் மேலும் பணம் வேண்டும் எனக் கேட்டதால் உத்ரா-வின் பெற்றோர் மாதம் சுமார் எட்டாயிரம் ரூபாய் செலவுக்காக அனுப்பி வைத்துள்ளனர். சூரஜ் - உத்ரா தம்பதியினருக்கு இரண்டு வயதில் மகன் உண்டு. சூரஜ் வரதட்சணைக்கு ஆசைப்பட்டு உத்ரா-வை தொடர்ச்சியாக டார்ச்சர் செய்து வந்திருக்கிறார். ஒருகட்டத்தில் உத்ரா இயற்கையில் இறந்தது போன்று கொலை செய்துவிட்டு அவரின் பெற்றோர் கொடுத்த சொத்துக்களை அனுபவிக்கவும். அதன் பிறகு வேறு திருமணம் செய்துகொள்ளலாம் என்றும் கணக்கு போட்டுள்ளார். இதற்கான வழிகளை இணையதளத்தில் தேடியிருக்கிறார். அப்போது பாம்பு மூலம் உத்ராவை கொலை செய்யலாம் என்ற முடிவுக்கு வந்துள்ளார்.உத்ரா கொலை வழக்கு இதற்காக யூ டியூப் இணையதளத்தில் பாம்புகள் குறித்த தகவல்களை தேடித் தேடி சேகரித்துள்ளார். மேலும் பாம்பு எங்கு கிடைக்கும் என இணையதளத்தில் தேடியபோது சுரேஷ் என்ற பாம்பு பிடிக்கும் நபரின் தொடர்பு கிடைத்திருக்கிறது. அவரிடம் இருந்து முதலில் அணலி வகை பாம்பை வாங்கி அதன் மூலம் உத்ராவை காலில் கடிக்க வைத்துள்ளார். உத்ரா அலறிய பிறகும் காலதாமதம் செய்து அவரை ஆஸ்பத்திரியில் சேர்த்துள்ளார். அங்கு உயிர் பிழைத்த உத்ரா பின்னர் அஞ்சலில் உள்ள பெற்றோர் வீட்டில் ஓய்வு எடுத்து வந்தார். இந்த நிலையில் கடந்த ஆண்டு மே மாதம் 6-ம் தேதி உத்ராவின் பெற்றோர் வரதட்சணையாக கொடுத்த காரில் அஞ்சல் பகுதியில் உள்ள மனைவியின் வீட்டுக்குச் சென்றுள்ளார். அப்போது கறுத்த தோள் பையில் பிளாஸ்டிக் டப்பாவில் அடைத்து கருமூர்க்கன் (கருநாகம்) பாம்பை கொண்டு சென்றுள்ளார். மனைவியை கொலை செய்வதற்காகவே பாம்பை பாம்புபிடிக்கும் சுரேஷிடம் 10,000 ரூபாய் கொடுத்து வாங்கியிருக்கிறார். மனைவி வீட்டில் இரவு தங்கிய சூரஜ் யாரும் கவனிக்காத சமயத்தில் காரில் இருந்த பாம்பை எடுத்துக்கொண்டு உத்ரா இருக்கும் அறைக்குச் சென்றுள்ளார்.உத்ரா கொலை வழக்கு 2020 மே 7-ம் தேதி அதிகாலை சுமார் 2.30 மணி அளவில் பாம்பின் தலையைப் பிடித்து உத்ரா-வின் கையில் இரண்டுமுறை கடிக்க வைத்துள்ளார் சூரஜ். பின்னர் நேரம் விடியும்வரை காத்திருந்துவிட்டு அறையை விட்டு வெளியே வந்தவர் யாருக்கும் தெரியாமல் பாம்பு கொண்டுவந்த பாட்டிலை வெளியே வீசி எறிந்திருக்கிறார். உத்ராவின் தாய் மணிமேகலா அறைக்குச் சென்று பார்த்தபோது அங்கு அவர் மயங்கிய நிலையில் கிடப்பதை பார்த்தார். அலறியடித்து மருத்துவமனைக்கு கொண்டுசென்றபோது உத்ரா இறந்துவிட்டதாக மருத்துவர்கள் தெரிவித்தனர். Also Read: `குஞ்சு பொரிக்கப்பட்ட 10 பாம்பு முட்டைகள்!' -கேரளப் பெண் கொலை வழக்கில் அதிர்ச்சி வாக்குமூலம் பாம்பு பசியாக இருந்தால் வெறித்தனமாக கடிக்கும் என இணையத்தில் தேடி கண்டுபிடித்த சூரஜ் கருநாகப்பாம்பை ஏழுநாட்கள் பட்டினியாக வைத்திருக்கிறார். கொலை நடப்பதற்கு முந்தையநாள் இரவு சூரஜிக்கு உத்ராவின் தாய் கொடுத்த பழச்சாறை அவர் குடிக்கவில்லை. மாறாக அந்த பழச்சாறில் மயக்க மருந்து கலந்து உத்ராவுக்கு கொடுத்துள்ளார். அதனால்தால் பாம்பு கடித்தபோது உத்ரா சத்தம் போடவில்லை. இரண்டுமுறை பாம்பைக் கொண்டு கடிக்க வைத்தபோதும் உத்ரா-வுக்கு மயக்க மருந்து கொடுத்துள்ளார் சூரஜ்.உத்ராவை கடித்த பாம்பு உத்ராவை ஆஸ்பத்திரிக்கு கொண்டுசென்ற சமயத்தில் டாக்டரிடம் கையில் ஏதோ காயம் இருக்கிறது என அடிக்கடிச் சொல்லிக்கொண்டிருந்த சூரஜின் செயல்பாடு உத்ராவின் வீட்டினருக்கு சந்தேகத்தை ஏற்படுத்தியது. சூரஜ் இணையதளத்தில் பாம்பு குறித்து தேடிய ஹிஸ்டரி, பாம்பு கொண்டு செல்லப்பட்ட பிளாஸ்டிக் பாட்டில் ஆகியவை முகிய ஆதாரங்கள் ஆகின. உத்ராவை கடித்தபின் அந்த அறையில் பதுங்கி இருந்த பாம்பு அடித்துக் கொல்லப்பட்டு புதைக்கப்பட்டது. பாம்பின் உடல் தோண்டி எடுக்கப்பட்டு பிரேத பரிசோதனை செய்தபோது அது ஏழுநட்கள் பட்டினியாக இருந்ததது கண்டறியப்பட்டது. அதுமட்டும் அல்லாது பாம்பை விற்பனை செய்த சுரேஷ் அப்ரூவராக மாறியது போன்றவை சூரஜ் கொலைக் குற்றம் செய்ததை நிரூபிக்க ஆதாரங்களாக அமைந்தன. Also Read: `அணலி, கருமூர்க்கன்; நள்ளிரவு 2.30 மணி; பாட்டிலில் கொண்டுவரப்பட்ட பாம்பு’-கேரளாவை உலுக்கிய கொலை கடந்த ஆண்டு நடந்த கொலையில் கைது செய்யப்பட்ட சூரஜ்-க்கு கோர்ட் ஜாமின் வழங்கவில்லை. இந்த நிலையில் சூரஜ் குற்றவாளி என கொல்லம் நீதிமன்றம் கடந்த திங்கள் கிழமை தீர்ப்பு வழங்கியிருந்தது. அந்த வழக்கின் தண்டனைகளை இன்று கொல்லம் ஆறாம் அடிஷனல் செசன்ஸ் நீதிமன்ற நீதிபதி எம்.மனோஜ் வழங்கிய தீர்ப்பில் சூரஜிக்கு இரட்டை ஆயுள் தண்டனை வழங்கியுள்ளார். இந்தியாவில் இந்த சம்பவத்தையும் சேர்த்து பாம்பு மூலம் செய்யப்பட்ட கொலைகள் மூன்று நடந்துள்ளதாக கூறப்படுகிறது. இரண்டு சம்பவங்கள் வட இந்தியாவில் நடந்துள்ளன. அதில் சரியான ஆதாரங்கள் இல்லாததால் தண்டனை வழங்கப்படவில்லை. இந்த சம்பவத்தில் கேரள போலீஸார் அறிவியல் ரீதியான ஆதாரங்களை திரட்டி குற்றவாளிக்கு தண்டனை பெற்றுக்கொடுத்துள்ளனர்.பாம்பு பிடிக்கும் சுரேஷ் இதுகுறித்து சிறப்பு அரசு வழக்கறிஞர் மோகன்ராஜ் கூறுகையில், "இந்த வழகில் ஒவ்வொரு பிரிவுக்கும் தனித்தனி தண்டனை வழங்கப்பட்டுள்ளது. அதில் பத்து ஆண்டுகள், ஏழு ஆண்டுகள் சிறைத்தண்டனை மற்றும் ஐந்து லட்சம் ரூபாய் அபராதம் ஆகியவை சில பிரிவுகளுக்கு வழங்கப்படுள்ளது. கொலை வழக்கில் இரட்டை ஆயுள் தண்டனை வழங்கப்படுள்ளது. 17 ஆண்டு சிறைத் தண்டனை முடிந்தபிறகுதான் ஆயுள்தண்டனையை அனுபவிக்க வேண்டும். சூரஜ் இளம் வயதுகாரர் என்பதாலும், இதற்குமுன்பு வேறு குற்றவழக்குகள் அவர்மீது இல்லை என்பதாலும் மரணதண்டனை விதிக்கப்படவில்லை" என தெரிவித்தார். இந்த நிலையில் மகளின் கொலை வழக்கு தீர்ப்பில் திருப்தி இல்லை என்றும். மகளை குரூரமான கொலை செய்தவருக்கு தூக்குத்தண்டனை வழங்க வேண்டும் என உயர் நீதிமன்றத்தில் அப்பீலுக்குச் செல்லுவோம் எனவும் உத்ராவின் தாய் மணிமேகலை தெரிவித்துள்ளார்.
http://dlvr.it/S9WXMX

Read More

உச்ச நீதிமன்றம் தலையிடாவிட்டால் லக்கிம்பூர் சம்பவ வழக்கின் திசை மாறியிருக்குமா?

லக்கிம்பூர் விபத்து: உத்தரப்பிரதேச மாநிலத்தில் உள்ள பன்வீர்பூர் கிராமத்தில் கடந்த 3-ம் தேதி நடைபெற்ற நிகழ்ச்சி ஒன்றில் அம்மாநில துணை முதல்வர் கேசவ் பிரசாத் மௌரியா சிறப்பு விருந்தினராகப் பங்கேற்கவிருந்தார். துணை முதல்வரை வரவேற்க மத்திய அமைச்சரின் மகன் ஆஷிஷ் மிஸ்ரா தனது வாகனத்தில் சென்றார். உத்தரப்பிரதேசத்தின் பல்வேறு பகுதிகளில் புதிய வேளாண் சட்டங்களுக்கு எதிராக விவசாயிகள் தொடர் போராட்டங்களை நடத்திவருகின்றனர். இந்நிலையில் விழாவில் கலந்துகொள்ள வந்த துணை முதல்வருக்குக் கறுப்புக்கொடி காட்டி தங்களின் எதிர்ப்பைக் காட்ட விவசாயிகள் முடிவு செய்திருந்தனர்.லக்கிம்பூர் பலியான விவசாயிகள் இந்த நிலையில், விழாவுக்குச் சென்றுகொண்டிருந்த மத்திய அமைச்சரின் மகன் ஆஷிஷ் மிஸ்ரா வாகனத்தை லக்கிம்பூர் என்ற இடத்தில் மறித்து கறுப்புக் கொடி காட்டி, கோஷங்கள் எழுப்பப்பட்டிருக்கிறது. அப்போது அங்கு நின்றுகொண்டிருந்த ஒரு வாகனம் அங்கிருந்த விவசாயிகளை இடித்துத் தள்ளிவிட்டு வேகமாகச் சென்றது. அந்த வாகனம் மோதியதில் நான்கு விவசாயிகள் உயிரிழந்தனர். ஆத்திரமடைந்த விவசாயிகள் இடித்துச் சென்ற வாகனத்தை அடித்து நொறுக்கித் தீயிட்டுக் கொளுத்தினர். இதனால் அந்த இடத்தில் மிகவும் பதற்றமான சூழல் நிலவியது. இதனைத் தொடர்ந்து அந்த பகுதியில் காவல்துறையினர் அதிகளவில் குவிக்கப்பட்டனர். போராட்டத்தில் ஈடுபட்டவர்களைக் கட்டுப்படுத்தியபோது அங்கு வன்முறை பெரியளவில் வெடித்திருக்கிறது. துப்பாக்கிச் சூடும் நடந்தது, இதில் நான்கு பேர் உயிரிழந்தனர். விவசாயிகள், பாஜக உறுப்பினர், ஒரு பத்திரிகையாளரையும் சேர்த்து மொத்தம் ஒன்பது பேர் உயிரிழந்திருக்கின்றனர். இந்தச் சம்பவம் இந்தியா முழுவதும் பெரும் அதிர்வலையை ஏற்படுத்தியிருக்கிறது. பல்வேறு அரசியல் கட்சித் தலைவர்களும் கடும் கண்டனங்களைத் தெரிவித்தனர்.லக்கிம்பூர் காங்கிரஸ் கட்சியைச் சேர்ந்த பிரியங்கா காந்தியும், உத்தரப்பிரதேசத்தின் முன்னாள் முதல்வரும், சமாஜ்வாடி கட்சித் தலைவருமான அகிலேஷ் யாதவும், உயிரிழந்த விவசாயிகளின் குடும்பத்தினரைச் சந்திக்கச் சென்றனர். அவர்களைக் காவல்துறையினர் தடுத்து நிறுத்தியதோடு கைது செய்து தடுப்புக் காவலிலும், வீட்டுக் காவலிலும் வைத்தனர். போராட்டங்கள் வலுப்பெற்று வந்த நிலையில், நடைபெற்ற வன்முறைச் சம்பவம் தொடர்பாக ஆஷிஷ் மிஸ்ரா உள்ளிட்ட 14 பேர் மீது வழக்கு பதிவு செய்யப்பட்டது. காவல்துறையினர் இரண்டு முறை சம்மன் அனுப்பியும் ஆஷிஷ் மிஸ்ரா விசாரணைக்கு ஆஜராகவில்லை. சாட்டையைச் சுழற்றிய உச்ச நீதிமன்றம்: இந்த விவகாரம் குறித்து உச்ச நீதிமன்றம் கடந்த 6-ம் தேதி தாமாக முன்வந்து இந்த வழக்கு விசாரணையை மேற்கொண்டது. உத்தரப்பிரதேச அரசு, லக்கிம்பூரில் நடைபெற்ற சம்பவம் தொடர்பாக விரிவான அறிக்கையை 8-ம் தேதிக்குள் தாக்கல் செய்ய உத்தரவிட்டிருந்தது. அடுத்த நாள் நடைபெற்ற விசாரணையில், ``வழக்கில் ஐபிசி-302 பிரிவில் கொலை வழக்குப் பதிவு செய்யப்பட்டிருக்கிறது. ஆனால், இதுவரை யாரையும் கைது செய்யவில்லை. மற்ற வழக்குகளிலும் இப்படி தான் நடந்துகொள்வீர்களா? கொலைக்குற்றம் சாட்டப்பட்டவர், சாதாரண நபராக இருந்தால் இந்நேரம் கைது செய்திருக்க மாட்டீர்களா? இவ்வளவு அலட்சியமாகத்தான் வழக்கைக் கையாள்வீர்களா?'' என்று நீதிபதிகள் சரமாரியாகக் கேள்வியெழுப்பினர்.உச்ச நீதிமன்றம் அப்போது உத்தரப்பிரதேச அரசின் சார்பில் ஆஜரான வழக்கறிஞர், `` ஆஷிஷ் மிஸ்ரா காவல்துறையில் ஆஜராக 9-ம் தேதி காலை 11 மணி வரை அவகாசம் வழங்கப்பட்டிருக்கிறது. அவர் ஆஜராகவில்லை என்றால், அவர்மீது சட்டப்படி நடவடிக்கை எடுக்கலாம்'' என்று கூறினார். அப்போது பேசிய நீதிபதி, ``கொலை வழக்கில் முக்கியக் குற்றவாளியாகக் குற்றம் சாட்டப்பட்ட நபரைக் கைது செய்யாமல், இன்று ஆஜராகுங்கள், நாளை ஆஜராகுங்கள் என்று கெஞ்சிக் கொண்டிருக்கிறீர்கள். இந்த வழக்கில் உ.பி அரசின் நடவடிக்கைகள் எதுவும் திருப்தி அளிக்கவில்லை. இந்த விவகாரத்தில் எழுந்துள்ள குற்றச்சாட்டு தீவிரமானது. பொறுப்பான அரசு மற்றும் காவல்துறையை நாங்கள் எதிர்பார்க்கிறோம்" என்றனர். மேலும், ``இந்த குற்றச் சம்பவத்தில் யார் சம்பந்தப்பட்டிருந்தாலும் நடவடிக்கை எடுக்கவேண்டும். அப்படி நடவடிக்கை எடுக்கவில்லை என்றால், சட்டம் நடவடிக்கை எடுக்கும். மேலும், இந்த வழக்கின் ஆதாரங்களையும், ஆவணங்களையும் அழிந்துவிடாமல் பாதுகாக்கவேண்டும். தற்போதைக்கு இந்த வழக்கை சிபிஐ-க்கு மாற்ற முடியாது" என்று கூறி, தலைமை நீதிபதி என்.வி.ரமணா, நீதிபதிகள் ஹிமா ஹோலி, சூர்யகாந்த் ஆகியோர் கொண்ட அமர்வு வழக்கை வரும் 20-ம் தேதிக்கு ஒத்திவைத்தது.ஆஷிஷ் மிஸ்ரா கைது கைது செய்யப்பட்ட ஆஷிஷ் மிஸ்ரா: இந்த நிலையில் ஆஷிஷ் மிஸ்ரா காவல்துறை விசாரணைக்கு ஆஜரானார். 12 மணிநேரம் தொடர் விசாரணை நடைபெற்றது. விசாரணையில் ஆஷிஷ் மிஸ்ரா போதிய ஒத்துழைப்பு வழங்கவில்லை என்று காவல்துறை தரப்பில் கூறப்பட்டது. இதனைத் தொடர்ந்து காவல்துறையினர் ஆஷிஷ் மிஸ்ராவைக் கைது செய்து, நீதிமன்றத்தில் ஆஜர்படுத்தினர். அடுத்ததாக அவர், 14 நாள்கள் நீதிமன்றக் காவலில் சிறையில் அடைக்கப்பட்டார். அவரைக் காவல்துறையினர் மூன்று நாள்கள் காவலில் எடுத்து விசாரணை நடத்திவருகின்றனர். Also Read: உத்தரப்பிரதேச தேர்தல்: லக்கிம்பூர் சம்பவத்தால் யோகிக்கும், பாஜக-வுக்கும் பின்னடைவா? லக்கிம்பூர் நடைபெற்ற சம்பவம் குறித்து குடியரசுத் தலைவர் ராம் நாத் கோவிந்த்துடன் பேசக் காங்கிரஸ் கட்சி சார்பில் நேரம் கேட்கப்பட்டிருந்தது. இன்று, காங்கிரஸ் கட்சியைச் சேர்ந்த ராகுல்காந்தி உள்ளிட்ட மூத்த தலைவர்கள், லக்கிம்பூர் சம்பவத்தில் நியமான விசாரணை நடத்தவேண்டும் என்று வலியுறுத்தி மனு அளித்தனர். மேலும் 11-ம் தேதி மகாராஷ்டிராவில் ஆளும் கூட்டணிக் கட்சிகளான சிவசேனை, காங்கிரஸ், தேசியவாத காங்கிரஸ் உள்ளிட்ட கட்சியினர் சார்பில் ஒரு நாள் முழு அடைப்பு போராட்டம் நடத்த அழைப்பு விடப்பட்டிருந்தது. அதனைத் தொடர்ந்து மாநிலம் முழுவதும் பெரும்பாலான இடங்களில் கடைகள் மூடப்பட்டு போராட்டம் நடைபெற்றது.லக்கிம்பூர் லக்கிம்பூர் வன்முறைச் சம்பவத்தில், உச்ச நீதிமன்ற தலையிட்டுக்கு முன்புவரை மெத்தனமாகச் செயல்பட்டு வந்த உத்தரப்பிரதேச அரசு. உச்ச நீதிமன்றம் கடுமையாக விமர்சித்த பிறகு அடுத்தடுத்து பல்வேறு நடவடிக்கைகளை எடுத்து வருகிறது என்று அரசியல் விமர்சகர்கள் கருத்து தெரிவித்து வருகின்றனர். இந்த விவகாரத்தில் உ.பி-அரசின் அடுத்தகட்ட செயல்பாடுகள் எப்படி இருக்கும் என்பது விசாரணையின் முடிவில்தான் தெரியவரும்.
http://dlvr.it/S9WXLD

Read More

லக்கிம்பூர் விவசாயிகளின் கொலைக்கு நீடிக்கும் அமைதி; இதுதான் உங்கள் பதிலா மோடி?

உத்தரப் பிரதேச மாநிலம் லக்கீம்பூர் கெரியில் கடந்த ஞாயிற்றுக்கிழமை (அக்டோபர் 3-ம் தேதி) பி.ஜே.பி அமைச்சரின் மகனால், விவசாயிகள் 3 பேர், தனியார் டி.வி நிருபர் ஒருவரும் கார் ஏற்றிக் கொல்லப்பட்டனர். இதனால் ஏற்பட்ட கலவரத்தில் காரை ஓட்டிவந்த டிரைவர் உள்ளிட்ட 3 பேர் கொல்லப்பட்டனர். எதிர்க்கட்சிகள், விவசாய சங்கங்கள், பல்வேறு அமைப்புகள், மாநில முதல்வர்கள் எனப் பல்வேறு தரப்பினரும் இந்தக் கொடும் சம்பவத்துக்குக் கண்டனம் தெரிவித்து வருகின்றனர். உச்சநீதிமன்றம் தானாக முன்வந்து இந்த வழக்கு சம்பந்தமான என்ன செய்திருக்கிறீர்கள், ஏன் அசட்டையாகக் கைளாள்கிறீர்கள் என்று உத்தரப் பிரதேச அரசைக் கேட்டிருக்கிறது. இவ்வளவுக்கு பிறகும் பிரதமர் மோடி மௌனம் காக்கிறார் என்றால் இதை எப்படிப் புரிந்துகொள்வது?Farmers mourn the death of fellow farmers இத்தனைக்கும் இந்த வேளாண் சீர்திருத்த சட்டங்களை முதலில் கொண்டு வர திட்டமிருந்ததே பிரதமர் மோடி பதவியேற்பதற்கு முன்பிருந்த காங்கிரஸ் அரசுதான். காங்கிரஸ் கொண்டு வர திட்டமிட்டிருந்த ஜி.எஸ்.டி, நீட் உள்ளிட்டவற்றை இன்று காங்கிரஸே எதிர்த்து வருகிறது. 2020, செப்டம்பர் மாதத்தில் வேளாண் சட்டங்களை நாடாளுமன்றத்தில் அறிமுகப்படுத்தும் போதே யாருடைய கருத்தையும் கேட்காமல் நிறைவேற்றியது மத்திய பி.ஜே.பி அரசு. அப்போதே விவசாயிகள் இந்தச் சட்டங்களை எதிர்த்து பெரிய அளவில் போராட்டங்களை முன்னெடுத்தனர். ஆனால், அப்போது லடாக் பகுதியில் சீனாவுக்கும் இந்தியாவுக்கும் நடைபெற்ற எல்லைப் பிரச்னையை மறைக்க விவசாயிகள் போராட்டம் உதவியது. அதனால் விவசாயிகளிடையே நடைபெற்ற பேச்சுவார்த்தைகள் அனைத்தையும் தோல்வியில் முடித்தது அரசு. இதனால், ஒருபக்கம் விவசாயிகள் போராட்டம் தொடர சீனா/இந்தியா பிரச்னை பெரிய அளவில் மக்களிடம் சேராமல் தவிர்க்க உதவியது. ஆனால், ஒரு கட்டத்தில் விவசாயிகள் போராட்டத்தை அடக்க முடியாமல் திணறியது மத்திய அரசு.Delhi Farmers Protest Also Read: `உத்தரப்பிரதேச விவசாயிகள் உயிரிழப்பு சம்பவம்' எதிர்கொள்ள முடியாமல் திணறுகிறதா யோகி அரசு? இதை பஞ்சாப் விவசாயிகளின் காலிஸ்தான் பிரச்னை, வியாபாரிகள் பிரச்னை, தீவிரவாதிகள் எனப் பலவகையில் மத்தியில் ஆளும் பி.ஜே.பி அரசு விவசாயிகள் போராட்டத்தைக் கொச்சைப்படுத்தியது. தொடர்ந்து இந்தியா முழுக்க விவசாயிகள் போராட்டம் செய்ய ஆரம்பித்ததால் உச்சநீதிமன்றம் உள்ளே நுழைந்து வேளாண் சட்டங்களுக்கு இடைக்காலத் தடை விதித்தது. பிறகு, மத்திய அரசு இரண்டு ஆண்டுகளுக்கு இந்தச் சட்டங்களை நடைமுறைப்படுத்தப் போவதில்லை என்று அறிவித்தது. தொடர்ந்து நடைபெற்ற விவசாயிகள் போராட்டம், ஏதோ ஒருவகையில் மத்திய அரசுக்கு சில பிரச்னைகளை மறைக்க உதவியாக இருந்து வந்தது. இருந்தாலும் அவ்வப்போது பி.ஜே.பி-யினர் விவசாயிகள் போராட்டங்களைக் கிண்டலடிப்பதும், அதைக் கொச்சைப்படுத்துவதும் நடந்தேறி வந்தது. ஹரியானா, டெல்லி என ஆங்காங்கே அடக்குமுறைகளை ஏவி விடுவதும் தொடர்ந்துகொண்டுதான் இருந்தது. இத்தனை களேபரங்களிலும் விவசாயிகள் தாங்கள் எங்கெல்லாம் எதிர்ப்பைக் காட்ட முடியுமோ அங்கெல்லாம் காட்டினர். அப்படித்தான் லக்கீம்பூரில் நடைபெற்ற விழாவுக்கும் விவசாயிகள் தங்கள் எதிர்ப்பைக் காட்ட ஒன்றுகூடினர்.லக்கீம்பூர் சம்பவம் Also Read: கறுப்புக்கொடி போராட்டம்... பறிபோன 9 உயிர்கள்... உ.பி லக்கிம்பூர் கலவரத்தில் என்ன நடந்தது? மத்திய உள்துறை இணையமைச்சராக இருக்கும் அஜய்குமார் மிஸ்ரா, லக்கீம்பூரிலிருந்து 70 கி.மீ தொலைவில் இருக்கும் தன் சொந்த ஊரில் விழா ஒன்றை ஏற்பாடு செய்தார். அதற்கு உத்தரப் பிரதேச துணை முதல்வர் கேசவ் பிரசாத் மௌரியாவுக்கு அழைப்பு விடுத்திருந்தார். கேசவ் பிரசாத் மௌரியா ஹெலிகாப்டரில் வந்து இறங்கும் இடத்தில் எதிர்ப்பு தெரிவிக்க கூட்டமாகச் சென்றனர். அந்தக் கூட்டத்தின் மீதுதான் அமைச்சரின் மகன் கார் விவசாயிகளின் மீது மோதி நான்கு பேரை காவு வாங்கியது. காரில் அமைச்சரின் மகன் உட்கார்ந்திருந்தார் என்பதற்கு வீடியோ ஆதாரங்கள் இருப்பதாகச் சொல்கின்றனர் விவசாயிகள். அவர் துப்பாக்கி எடுத்து சுட்டார், காரை அவர்தான் ஓட்டினார் என்றும் சொல்லப்படுகிறது. கார் விவசாயிகள் மீது மோதி படுகொலையை நடத்திய வீடியோவை நாடே பார்த்தது. இவ்வளவுக்கும் இந்தச் சம்பவம் நடைபெறுவதற்கு முந்தைய நாள் நடைபெற்ற கூட்டத்தில் அமைச்சர் அஜய்குமார் மிஸ்ரா, ``என்னை எதிர்ப்பவர்களை லக்கீம்பூரிலிருந்து வெளியேற்ற வேண்டி வரும். இரண்டே நிமிடங்களில் போராடும் விவசாயிகளுக்குப் பாடம் கற்பிக்க முடியும்” என்று பேசியிருக்கிறார். ஒட்டுமொத்த இந்தியாவுக்கும் இணையமைச்சராக இருக்கும் ஒருவர் பேசும் பேச்சு அல்ல இது? இந்த விவகாரத்தில் அமைச்சரும் அமைச்சர் மகனும், உத்தரப் பிரதேச அரசும் செயல்படும் விதம் நாடே அறியும். ஆனால், பிரதமர் மோடிக்கு இது தெரியாதா? ஏன் இன்னும் அவர் அமைச்சரவையில் தொடர்கிறார்? இதுநாள் வரை உத்தரப் பிரதேச சம்பவமாக இருந்தது, இனி அது மத்திய பி.ஜே.பி அரசின் சம்பவமாக மாறி ஒரு வாரம் ஆகிறது. ஆனால், இதை மோடி புரிந்துகொண்டிருக்கிறாரா என்பது தெரியவில்லை. இந்தப் பிரச்னையில் அடிப்படையான நியாயம்கூடவா தெரியாமல் பிரதமர் மோடி இருக்கிறார்.Relatives and neighbors of a farmer who was killed Sunday after being run over by a car owned by India's junior home minister இதுவரையில் விவசாயிகள் போராட்டத்தால் 600-க்கும் மேற்பட்ட விவசாயிகள் உயிரிழந்திருக்கிறார்கள். ஆனால், உத்தரப் பிரதேசத்தில் நடந்திருக்கும் இந்தப் படுகொலை நாட்டையே உலுக்கியிருக்கிறது. சம்பவத்துக்குக் கண்டனம் தெரிவித்திருக்கலாம், விவசாயிகளுக்கு ஆதரவு தெரிவித்திருக்கலாம், அமைச்சரவையில் இருந்து அஜய்குமார் மிஸ்ராவை நீக்கியிருக்கலாம் இப்படி எந்தவொரு நடவடிக்கையும் பிரதமரிடமிருந்து வரவில்லை. இப்படியொரு சம்பவம் எதுவும் நடக்காததுபோல் மௌனம் காக்கிறார். `மனதின் குரல்’ நிகழ்ச்சியின் மூலம் ஒவ்வொரு மாதமும் வானொலியில் பேசும் பிரதமர் மோடியின் மனசாட்சியை இந்தச் சம்பவங்கள் உலுக்கவில்லையா? அல்லது உலுக்கினாலும் உலுக்காத மாதிரி நடிக்கிறாரா எனத் தெரியவில்லை. முதல்வர் மற்றும் பிரதமராக பொது வாழ்வில் 20 ஆண்டுகளைக் கடந்திருக்கிறார் மோடி. `நான் பிரதமர் ஆவேன் என்று நினைக்கவில்லை’ என்று திருவாய் மலர்ந்திருக்கிறார். அரசியலில் அடுத்தகட்டத்தை நகரும் சூழலில், இது உங்களுக்கு கறுப்புப் புள்ளி. இது தொடர்ந்தால் பி.ஜே.பி-யின் அடுத்த அத்தியாயத்தை மக்கள் எழுத தொடங்குவார்கள் திருவாளர் மோடி.பிரதமர் மோடி Also Read: உத்தரப்பிரதேச தேர்தல்: லக்கிம்பூர் சம்பவத்தால் யோகிக்கும், பாஜக-வுக்கும் பின்னடைவா? இந்திய மண் எத்தனையோ மன்னர்களையும் தலைவர்களையும் பார்த்துவிட்டது. கொடுங்கோலாட்சியும் பார்த்துவிட்டது, நல்ல ஆட்சியும் பார்த்துவிட்டது. இந்திய வரலாற்றில் இதுவொரு சம்பவம்தான். ஆனால், அந்தச் சம்பவத்திலிருந்து மக்கள் எதிர்பார்ப்பது நீதி... அந்த நீதியை நிலைநாட்டும் கடமை நீதிமன்றங்களுக்கு மட்டுமல்ல; ஆட்சியாளர்களுக்கும் உண்டு. ஆட்சியில் நீங்கள்தானே இருக்கிறீர்கள்? சம்பவத்துக்குக் காரணமானவர்களும் உங்கள் ஆட்சியில்தான் இருக்கிறார்கள். உணர்வீர்களா மோடி?
http://dlvr.it/S9QPzX

Read More

மார்பகப் புற்றுநோய் குறித்து பெண்கள் அறிந்து கொள்ள வேண்டியவை என்ன? - விரிவான அலசல்

உலகம் முழுவதும் பெண்களிடையே மார்பகப் புற்றுநோய் பற்றிய விழிப்புணர்வை ஏற்படுத்துவதற்கான மாதமாக அக்டோபர் மாதம் கடைபிடிக்கப்படுகிறது. மார்பகப் புற்றுநோய் குறித்து பெண்கள் அறிந்து கொள்ள வேண்டியவை என்ன?  2018 ஆம் ஆண்டு கணக்கெடுப்பின் படி உலகில் புற்றுநோய் பாதிப்பில் 11.6 சதவிகிதம், மார்பகப் புற்றுநோயாக இருக்கிறது என்கிறது உலக சுகாதார நிறுவனம். இந்தியாவிலோ இது14 சதவிகிதமாக உள்ளது. இந்தியாவில் 2018 ஆம் ஆண்டில் மட்டும் 1 லட்சத்து 62 ஆயிரத்து 468 பேருக்கு மார்பகப் புற்றுநோய் கண்டறிப்பட்டுள்ளது. அதே ஆண்டில் 87 ஆயிரத்து 90 பேர் மார்பகப் புற்றுநோயால் உயிரிழந்துள்ளனர். எனவே, மார்பகப் புற்றுநோய் குறித்த விழிப்புணர்வு பெண்களிடையே அவசியமாகிறது. சுய பரிசோதனை செய்து கொள்ளும் போது ஏதாவது வித்தியாசம் தெரிந்தால், முளைக்காம்பிலிருந்து ரத்தம், அல்லது வேறு ஏதாவது திரவம் வெளியேறினால் அவர்கள் உடனே பரிசோதனை செய்து கொள்ள வேண்டும். அறிகுறிகள் இல்லாவிட்டாலும் 40 வயதுக்கு மேல் அனைவரும் பரிசோதனை செய்து கொள்ள வேண்டும் என்கிறார் மருத்துவர் மஞ்சுளா ராவ். மாதம் ஒருமுறை மாதவிடாய் முடிந்த ஒருவாரத்திற்குள் கண்ணாடி முன் நின்று ஒவ்வொரு பெண்ணும் சுயபரிசோதனை செய்வது மிக அவசியம் எனக் கூறும் மருத்துவர் மஞ்சுளா, அதை எப்படி செய்வது என்றும் விவரிக்கிறார். மாதவிடாய் சீக்கிரமே ஏற்படுதல், மெனோபாஸ் என்ற மாதவிடாய் நிற்றல் நிலை மிகவும் தாமதமாதல் , 30 வயதுக்கு மேல் முதல் குழந்தை பெறுதல், குழந்தைக்கு பால் கொடுக்காமல் தவிர்த்தல் ஆகியோருக்கு மார்பகப் புற்றுநோய் ஏற்படுவதற்கான வாய்ப்புகள் சற்றே அதிகமாக இருக்கலாம் என்பது மருத்துவர்களின் கருத்து. தவிர, பதப்படுத்தப்பட்ட உணவுகளை அதிகம் உண்ணுதல், உடற்பயிற்சி செய்யாதது, மது மற்றும் புகைப்பழக்கம் , உடல் பருமன் ஆகியவை மற்ற புற்றுநோய்களைப் போலவே மார்பகப் புற்றுநோய்க்கும் காரணமாக இருக்கலாம் என்பதால் இவற்றை தவிர்க்க வேண்டும் என்கின்றனர் மருத்துவர்கள்.
http://dlvr.it/S9QPxk

Read More

’தங்கப்பதக்கம் புகழ்’ பழம்பெரும் நடிகர் ஸ்ரீகாந்த் காலமானார்

தங்கப் பதக்கம் படத்தில் சிவாஜி கணேசனுக்கு மகன் கதாபாத்திரத்தில் நடித்து பிரபலம் அடைந்த பழம்பெரும் நடிகர் ஸ்ரீகாந்த் இன்று காலமானார். ’தங்கப் பதக்கம்’, ‘பைரவி’ உள்ளிட்டப் படங்களில் நடித்த பழம்பெரும் நடிகர் ஸ்ரீகாந்த் காலமானார். அவருக்கு வயது தற்போது 82 ஆகிறது. 1965 ஆம் ஆண்டு இயக்குநர் ஸ்ரீதரின் ‘வெண்ணிற ஆடை’ படத்தில் அறிமுகமானார் ஸ்ரீகாந்த். சிவாஜி, ஜெய்சங்கர், முத்துராமன், ரஜினி உள்ளிட்டவர்களுடன் இணைந்து நடித்தார்.
http://dlvr.it/S9QPwr

Read More

'விஜய் மக்கள் இயக்கத்தினர் 51 பேர் உள்ளாட்சி தேர்தலில் வெற்றி' - புஸ்ஸி ஆன்ந்த் தகவல்

9 மாவட்ட ஊரக உள்ளாட்சித் தேர்தலில் விஜய் மக்கள் இயக்கத்தினர் 51 பேர் வெற்றி என விஜய் மக்கள் இயக்க பொறுப்பாளர் புஸ்ஸி ஆனந்த் தகவல் தெரிவித்துள்ளார். தமிழ்நாட்டில் 9 மாவட்டங்களில் இரண்டு கட்டங்களாக நடைபெற்ற ஊரக உள்ளாட்சித் தேர்தலில் பதிவான வாக்குகள் இன்று எண்ணப்பட்டு வருகின்றன. காலை 8 மணி முதல் ஆரம்பமான வாக்கு எண்ணிக்கை தொடர்ந்து நடைபெற்று வருகிறது. இந்த தேர்தலில் விஜய் மக்கள் இயக்கத்தைச் சேர்ந்த பலரும் சுயேட்சையாக போட்டியிட்டனர். அவர்கள் விஜய் படம் பதித்த கொடியினை எடுத்துச்சென்றதால், தனது புகைப்படம் மற்றும் பெயரை பயன்படுத்த தடைவிதிக்க கோரி விஜய் சார்பில் நீதிமன்றத்தில் வழக்கு தொடுக்கப்பட்டது. அந்த வழக்கு விசாரணையில் ' கட்சிக்காக ஆரம்பிக்கப்பட்ட விஜய் மக்கள் இயக்கம் கலைக்கப்பட்டதாக விஜய்யின் தந்தை சந்திரசேகர் தரப்பில் விளக்கம் அளிக்கப்பட்டது. இது ஒரு புறம் இருக்க விஜய் மக்கள் இயக்கத்தைச் சேர்ந்தவர் பலரும் இந்த தேர்தலில் சுயேட்சையாக போட்டியிட்டனர். அதில், 51 பேர் வெற்றி பெற்றுள்ளதாக விஜய் மக்கள் இயக்க மாநில பொறுப்பாளர் புஸ்ஸி ஆனந்த் தெரிவித்துள்ளார். காஞ்சிபுரம் மாவட்டம் கருபடித்தட்டை காந்தி நகர் வார்டு உறுப்பினர் பதவிக்கு போட்டியிட்ட மக்கள் இயக்க நகர செயலர் பிரபு ஒரே ஒரு வாக்கு வித்தியாசத்தில் வெற்றி பெற்றுள்ளது குறிப்பிடத்தக்கது.
http://dlvr.it/S9QPvF

Read More

“கோப்பையை வெல்வதை காட்டிலும் பலருக்கு நீங்கள் தன்னம்பிக்கை கொடுத்துள்ளீர்கள்” - ஏபிடி

ராயல் சேலஞ்சர்ஸ் பெங்களூர் அணியின் கேப்டன் பொறுப்பில் இருந்து விலகி உள்ள விராட் கோலியை மனதார புகழந்துள்ளார் ஏபி டிவில்லியர்ஸ். பெங்களூர் அணி எலிமினேட்டரில் கொல்கத்தா அணிக்கு எதிராக தோல்வியை தழுவி இருந்தது குறிப்பிடத்தக்கது. “பெங்களூர் அணியின் கேப்டனாக விராட் கோலி பயணித்த இந்த ஒன்பது ஆண்டு காலம் முழுவதும் நானும் அவருடன் இதே அணியில் பயணித்துள்ளேன். அணியை நீங்கள் முன்னின்று வழிநடத்தியது எங்கள் அதிர்ஷ்டம். அணியை நீங்கள் வழிநடத்தியது பலரையும் ஈர்த்துள்ளது. என்னையும் தான். சிறந்த வீரனாகவும், சிறந்த மனிதனாகவும் என்னை பக்குவமடைய செய்துள்ளது உங்கள் கேப்டன்சி. அணியின் தலைவனாக பல மைல்களை கடந்துள்ளீர்கள்.  உங்களை களத்திலும், அதற்கு வெளியேயும் அறிந்தவன் நான். கோப்பையை வெல்வதை காட்டிலும் பலருக்கு நீங்கள் தன்னம்பிக்கை கொடுத்துள்ளீர்கள்” என டிவில்லியர்ஸ் தெரிவித்துள்ளார்.  இருவரும் இணைந்து 229 ரன்களுக்கு கடந்த 2016 ஐபிஎல் சீசனில் குஜராத் லயன்ஸ் அணிக்கு எதிராக பார்ட்னர்ஷிப் அமைத்திருந்தனர் என்பது குறிப்பிடத்தக்கது. 
http://dlvr.it/S9QPtN

Read More