சாலை பணியில் அலட்சியம்: அபராதம், ஒப்பந்தம் ரத்து! - கேரள பொதுப்பணித்துறை அதிரடி

கேரள முதல் அமைச்சர் பினராயி விஜயனின் மருமகனான முஹம்மது ரியாஸ் சமீபத்தில் சட்டசபையில் பேசும்போது, 'எம்.எல்.ஏ-க்கள் ஒப்பந்ததாரர்களை அழைத்துக்கொண்டு அமைச்சர்களை சந்திக்கச் செல்லக்கூடாது’ என பேசி பரபரப்பை கிளப்பினார். இதற்கு அவர் சார்ந்திருக்கும் சி.பி.எம் கட்சி எம்.எல்.ஏ-க்களே எதிர்ப்பு தெரிவித்திருந்தனர். இந்த நிலையில் கோழிக்கோடு மற்றும் காசர்கோடு பகுதியில் சாலை பணியில் அலட்சியம் காட்டிய மற்றும் சாலைப்பணியை குறிப்பிட்ட காலத்தில் செய்து முடிக்காமல் காலதாமதம் செய்த ஒப்பந்ததாரர்கள் இருவர் மீது நடவடிக்கை எடுத்து அதிரடி காட்டி இருக்கிறார் அமைச்சர் முஹமது ரியாஸ்.கேரள பொதுப்பணித்துறை அமைச்சர் முஹம்மது ரியாஸ் தேசிய நெடுஞ்சாலை 766-ல் கோழிக்கோடு மாவட்டம் திருவம்பாடி புல்லனிமேடு பகுதியில் உள்ள வளைவான பகுதியை நவீனப்படுத்துவதற்காக நாத் கட்டுமான நிறுவனத்துக்கு ஒப்பந்தம் வழங்கப்பட்டிருந்தது. இந்த பணிகளை கடந்த செப்டம்பர் மாதம் பொதுப்பணித் துறை அமைச்சர் முகமது ரியாஸ் நேரில் சென்று பார்வையிட்டு ஆய்வு நடத்தினார். பணியின் ஒரு பகுதியை அக்டோபர் மாதம் 15-ம் தேதிக்குள் பூர்த்தி செய்ய வேண்டும் என்று ஒப்பந்ததாரரிடம் அறிவுறுத்தி இருந்தார் முஹம்மது ரியாஸ். ஆனால் ஒப்பந்ததாரர் பணியில் அலட்சியம் காட்டியதாக தெரிகிறது. Also Read: `எம்எல்ஏ-க்கள் ஒப்பந்ததாரர்களுடன் அமைச்சரை சந்திக்கக்கூடாது’ -சர்ச்சையான கேரள முதல்வர் மருமகன் பேச்சு இதை அடுத்து ஒப்பந்ததாரரிடம் அபராதம் வசூலிக்க வேண்டும் என பொதுப்பணித்துறை அமைச்சர் முஹமது ரியாஸ் உத்தரவிட்டுள்ளார். பொதுப்பணித்துறை செயற் பொறியாளர் மூலம் ஒப்பந்ததாரரிடம் இருந்து அபராதம் வசூலிக்க நடவடிக்கை எடுக்கப்பட்டுள்ளது. இதற்கிடையில், குறிப்பிட்ட காலத்தில் பணியை முடிக்காத மற்றொரு ஒப்பந்ததாரரின் ஒப்பந்தத்தை ரத்து செய்துள்ளார் அமைச்சர் முஹம்மது ரியாஸ்.சாலைப்பணி பேராம்பிறை- தானிக்கண்டி - சக்கிட்டப்பாறை சாலைப்பணிக்காக பத்து கோடி ரூபாய் ஒதுக்கப்பட்டது. அந்த பணியை எம்.டி கன்ஸ்டெரக்‌ஷன் 2020 மே மாதம் 29-ம் தேதி பணியை தொடங்கியது. அந்த பணியை 9 மாதங்ளுக்குள் பூர்த்தி செய்ய வேண்டும் என்று ஒப்பந்தத்தில் கூறப்பட்டிருக்கிறது. இந்தநிலையில் பொதுப்பணித் துறை அமைச்சர் முஹமது ரியாஸ் பணி நடக்கும் சாலையை நேரில் சென்று பார்வையிட்டார். பணியை விரைந்து முடிக்கும் படி அறிவித்திருந்தார். ஆனாலும் பணியில் எந்த முன்னேற்றமும் ஏற்படாததை அடுத்து அந்த ஒப்பந்தத்தை ரத்து செய்ய பொதுப்பணித் துறை நடவடிக்கை எடுத்துள்ளது. ஒப்பந்ததாரரை டெர்மினேட் செய்யவும் நடவடிக்கக் எடுக்கப்பட்டுள்ளதாக தகவல் வெளியாகியுள்ளது.
http://dlvr.it/SB4GNB

Read More

செய்யாறு: ஏரியில் குளிக்கச் சென்ற 3 சிறுவர்கள் நீரில் மூழ்கி உயிரிழப்பு

திருவண்ணாமலை மாவட்டம் செய்யாறு அருகே பாப்பாதாங்கல் ஏரி நீரில் மூழ்கி பள்ளி சிறுவர்கள் 3பேர் உயிரிழந்துள்ளனர்.  செய்யாறு ஒன்றியம் சிறுங்கட்டூர் கிராமத்தைச் சேர்ந்தவர் தங்கமணி. கூலித் தொழிலாளியான இவரது மகன்கள் வரதராஜ் (12), வருண்குமார் (10) வரதராஜ், தட்சிணாமூர்த்தி என்பவரின் மகன் சுதாகர் (7) ஆகிய மூன்று சிறுவர்களும் கிராமத்தின் அருகே உள்ள பாப்பாதாங்கல் ஏரியில் குளிக்கச் சென்றுள்ளனர். அப்போது மூவருக்கும் நீச்சல் தெரியாததால் நீரில் மூழ்கி உயிரிழந்தனர். தகவல் அறிந்ததும் செய்யாறு டிஎஸ்பி செந்தில், இன்ஸ்பெக்டர் பாலு, மோரணம் போலீஸ் சப்-இன்ஸ்பெக்டர் ஸ்ரீ அருள்மொழி ஆகியோர் சம்பவ இடத்திற்கு விரைந்து சென்று நீரில் மூழ்கி உயிரிழந்த மூன்று சிறுவர்களின் சடலத்தை மீட்டு செய்யாறு அரசு மாவட்ட தலைமை மருத்துவமனைக்கு அனுப்பிவைத்து விசாரணை மேற்கொண்டுள்ளனர்.
http://dlvr.it/SB3w3y

Read More

இந்தியாவில் அறிமுகமானது நோக்கியா C30 ஸ்மார்ட்போன்! ஜியோ பயனர்களுக்கு சிறப்பு சலுகை!

இந்திய ஸ்மார்ட்போன் சந்தையில் அறிமுகமாகி உள்ளது நோக்கியா C30 ஸ்மார்ட்போன். இந்த போனுக்கு பிரத்யேக சலுகையையும் அறிவித்துள்ளது ஜியோ. கடந்த ஜூலை மாதம் சர்வதேச சந்தையில் இந்த போன் அறிமுகமாகி இருந்தது. பட்ஜெட் போன்கள் பட்டியலில் இந்த போன் இடம் பிடித்துள்ளது.  சிறப்பம்சங்கள்? ஆண்ட்ராய்ட் 11 கோ எடிஷன் இயங்குதளம், 6.82 இன்ச் HD டிஸ்பிளே, 6000 mAh பேட்டரி, 10W வொயர்ட் சார்ஜிங் சப்போர்ட். வாட்டர் நாட்ச் டிஸ்பிளே, ரியர் சைடில் டியூயல் கேமரா, அதில் 13 மெகாபிக்சல் பிரைமரி கேமரா. பின்பக்கத்தில் ஃபிங்கர்பிரிண்ட் ரீடர், 4ஜி சப்போர்ட், மைக்ரோ USB, 3ஜிபி ரேம் + 32ஜிபி இன்டர்னல் ஸ்டோரேஜ் மற்றும் 4ஜிபி ரேம் + 64ஜிபி இன்டர்னல் ஸ்டோரேஜ் என இரண்டு வேரியண்டுகளில் இந்த போன் கிடைக்கிறது. பச்சை மற்றும் வெள்ளை என இரண்டு வண்ணங்களில் கிடைக்கிறது இந்த போன். ஆன்லைன் மற்றும் ஆப்லைன் ஸ்டோர்களில் இந்த போன் கிடைக்கும் என தெரிவிக்கப்பட்டுள்ளது.  விலை என்ன? 3ஜிபி ரேம் கொண்ட போனின் விலை 10,999 ரூபாய்க்கும், 4ஜிபி ரேம் கொண்ட போனின் விலை 11,999 ரூபாய்க்கும் விற்பனையாகிறது. இந்த போனுக்கு பிரத்யேக சலுகையும் அறிவித்துள்ளது ஜியோ. அதன்படி ஜியோ பயனர்களுக்கு இந்த போனின் விலையில் 10 சதவிகிதம் அல்லது அதிகபட்சம் 1000 ரூபாய் வரை சலுகை கிடைக்கிறது. அதனை பெற ஜியோ பயனர்கள் ‘மை ஜியோ’ அப்ளிகேஷனின் பதிவு செய்ய வேண்டியுள்ளது.   இதையும் படிக்கலாம் : 'ஆப்' இன்றி அமையா உலகு 6: 'மீனவ நண்பன்' - மீன்பிடித் தொழில் புரிவோருக்கு உதவும் செயலி 
http://dlvr.it/SB3w3p

Read More

`உடைந்த கோரைப்பல்; லேசான கல்லீரல் பாதிப்பு!' - எப்படி இருக்கிறது T23 புலி?

உடலில் ஏற்பட்டிருந்த காயம் காரணமாக வேட்டைத் திறன் குறைந்த டி-23 என்ற ஆண்‌ புலி ஒன்று முதுமலை சுற்றுவட்டாரப் பகுதிகளில் கால்நடைகளையும் மனிதர்களையும் தாக்கி வந்தது. கிட்டத்தட்ட ஒரு மாத போராட்டத்துக்குப் பின் கடந்த 12-ம் தேதி மயக்க ஊசி செலுத்தி, இதை வெற்றிகரமாக உயிருடன் பிடித்தனர் வனத்துறையினர்.டைகர் 23 Also Read: T23 புலி: `சிகிச்சைக்குப் பின் வண்டலூர் பூங்காவில் வைத்து பராமரிக்கப்படும்!' - வனத்துறை அமைச்சர் உடலில் பல இடங்களில் ஏற்பட்டிருந்த காயம் காரணமாக சோர்வுடன் இருந்த அந்தப் புலிக்கு சிகிச்சை அளிக்க மைசூர் உயிரியல் பூங்காவில் உள்ள வன விலங்குகள் மறு வாழ்வு மையத்துக்கு கொண்டு சென்றனர். முதல் இரண்டு நாள்களுக்கு சிறிய கூண்டுக்குள் வைத்தே உணவு கொடுத்து சிகிச்சையளித்து வந்தனர். பிறகு ஆக்ரோஷம் குறையாமல் இருந்த டி23 புலியை மற்றொரு செல்லுக்கு மாற்றினர். இரண்டு‌ மூன்று நாள்கள் அந்த செல்லுக்குள் வைத்தே உடல் பரிசோதனை மேற்கொண்டு சிகிச்சையளித்து வந்தனர்.t23 Also Read: பிடிபட்டது T23 புலி; முடிவுக்கு வந்தது வனத்துறையினரின் 21 நாள் போராட்டம்; கடைசி நேரப் பரபரப்பு! டி23 புலிக்கு அளிக்கப்பட்டு வரும் சிகிச்சை குறித்து நம்மிடம் பேசிய வனத்துறை அதிகாரி ஒருவர், ``புலியோட உடம்புல பல இடத்துல காயங்கள் இருக்கு. சில புண்கள் மெதுவா குணமாகிட்டு வருது. லேசான கல்லீரல் பாதிப்பும் இருக்கு. ஹீமோகுளோபின் லெவல் கம்மியா இருந்தது. இப்போ கொஞ்சம் கூடிட்டு வருது. ஏழுலருந்து எட்டுக்கிலோ இறைச்சி சாப்பிடுது. கூண்டுல மோதி அதோட கோரைப் பல் ஒன்னு உடைஞ்சிருச்சி. மத்தபடி நார்மலா இருக்கு" என்றார்.
http://dlvr.it/SB3w3c

Read More

மகன் ஆர்யன் கானை சிறைக்குச் சென்று சந்தித்த ஷாருக் கான்... வீட்டில் போதைப்பொருள் தடுப்பு அதிகாரிகள்!

நடிகர் ஷாருக் கான் மகன் ஆர்யன், போதைப்பொருள் பயன்படுத்தியது தொடர்பாக கடந்த 3-ம் தேதி கைதுசெய்யப்பட்டு சிறையில் அடைக்கப்பட்டார். அவரின் ஜாமீன் மனு புதன்கிழமை தள்ளுபடி செய்யப்பட்டது. இதையடுத்து ஷாருக் கான் மும்பை உயர் நீதிமன்றத்தில் தனது மகனுக்கு ஜாமீன் கேட்டு மனுத்தாக்கல் செய்திருக்கிறார். அந்த மனு அவசர வழக்காக வியாழக்கிழமை விசாரணைக்கு எடுத்துக்கொள்ளப்பட்டது. இதில் வரும் 26-ம் தேதி முழுமையாக விசாரணை நடத்தப்படும் என்று நீதிமன்றம் தெரிவித்திருக்கிறது. ஆர்யன் கைதுசெய்யப்பட்டதிலிருந்து மும்பையிலுள்ள ஆர்தர் ரோடு சிறையில் அடைக்கப்பட்டிருக்கிறார். கொரோனா கட்டுப்பாடுகள் காரணமாக சிறையில் அடைக்கப்பட்டிருக்கும் கைதிகளை உறவினர்கள் நேரில் சென்று பார்க்க தடை விதிக்கப்பட்டிருந்தது. கைதிகள் தங்களது உறவினர்களுடன் வீடியோ கால் மூலம் பேச அனுமதி வழங்கப்பட்டிருந்தது. அந்த வசதியைப் பயன்படுத்தி ஆர்யன், தன் பெற்றோருடன் வீடியோ காலில் பேசினார். ஆர்யன் கான் புதன்கிழமை முதல் கைதிகளை நேரில் சந்தித்துப் பேச அனுமதி வழங்கப்பட்டது. இதையடுத்து வியாழக்கிழமை காலையிலேயே ஷாருக் கான் ஆர்தர் ரோடு சிறைக்குச் சென்று தன் மகனை பார்வையாளர் பகுதியில் சந்தித்துப் பேசினார். இருவருக்கும் இடையே கண்ணாடித் தடுப்பு ஒன்று இருந்தது. இதையடுத்து இருவரும் இன்டர்காம் மூலம் 16 முதல் 18 நிமிடம் வரை பேசினர். ஷாருக் கான் பேசியபோது அவரின் அருகில் சிறை அதிகாரி ஒருவர் இருந்தார். ஷாருக் கான் சிறையிலிருந்து வெளியில் வந்ததும் சிறைக்கு வெளியில் கூடியிருந்த பத்திரிகையாளர்கள் ஷாருக் கானை சூழ்ந்துகொண்டனர். ஷாருக் கானை அவருடைய பாதுகாவலர்கள் பத்திரமாக காருக்கு அழைத்துச் சென்றனர். ஆர்யனுக்கு சிறப்பு நீதிமன்றம் ஜாமீன் வழங்காதது ஏன்? ஆர்யனுக்கு சிறப்பு நீதிமன்றம் ஏன் ஜாமீன் கொடுக்கவில்லை என்பதை நீதிபதி வி.வி.பாட்டீல் தனது 18 பக்க உத்தரவில் குறிப்பிட்டுள்ளார். அதில், ``ஆர்யனிடம் போதைப்பொருள் இல்லாவிட்டாலும், அவருடன் சென்ற அர்பாஸ் மெர்ச்சண்டிடம் போதைப்பொருள் இருந்திருக்கிறது. இருவரும் நல்ல நண்பர்கள் மட்டுமல்லாமல், கப்பல் பார்ட்டிக்கு சேர்ந்தே சென்றிருக்கின்றனர். இருவரும் போதைப்பொருள் குறித்து பேசியதை ஒப்புக்கொண்டிருக்கின்றனர். இதனால் அர்பாஸ் மெர்ச்சண்டிடம் போதைப்பொருள் இருப்பது ஆர்யனுக்கு தெரிந்திருக்கிறது. இந்த வழக்கில் ஆர்யனிடம் போதைப்பொருள் இல்லை. ஆனால் இரண்டாவது குற்றவாளியான அர்பாஸ் மெர்ச்சண்டிடம் 6 கிராம் சரஸ் போதைப்பொருள் இருந்தது கண்டுபிடிக்கப்பட்டிருக்கிறது. எனவே, மனுதாரர் தரப்பில் தாக்கல் செய்யப்பட்டவற்றை ஏற்க முடியாது. Also Read: ஆர்யன் கான் ஜாமீன் மனு தள்ளுபடி: ``தீபாவளிக்காவது வெளியில் வருவாரா?" கௌரி கான் எதிர்பார்ப்பு ஆர்யன் வாட்ஸ்அப்பில் பெயர் தெரியாத சிலருடன் போதைப்பொருள் தொடர்பாக சாட்டிங் செய்திருக்கிறார். இதன் மூலம் போதைப்பொருள் வியாபாரிகளுடன் ஆர்யன் தொடர்பில் இருந்திருக்கிறார் என்பது தெளிவாகத் தெரிகிறது. போதைப்பொருள் தடுப்புப் பிரிவினருக்கு கிடைத்த ரகசிய தகவலில் போதைப்பொருளுடன் கப்பலில் பார்ட்டி நடத்த சிலர் வருவதாகத் தகவல் கிடைத்திருக்கிறது. எனவேதான் ரெய்டு நடத்தி போதைப்பொருளுடன் குற்றவாளிகளைக் கைதுசெய்துள்ளனர். அவர்களிடம் நடத்திய விசாரணையில் யாரிடமிருந்து போதைப்பொருள் கிடைத்தது என்று தெரிவித்துள்ளனர். அனைத்து அம்சங்களையும் ஆராய்ந்ததில் குற்றவாளிக்கு (ஆர்யன்) எதிராக வலுவான ஆதாரம் இருப்பது தெளிவாகத் தெரிகிறது’’ என்று நீதிபதி தெரிவித்திருக்கிறார்.ஆர்யன் கான் ஆர்யன் சிறையிலிருந்து வெளியில் வந்ததும், குறைந்தது இரண்டு மாதங்களுக்கு அவரை வீட்டிலேயே வைத்திருக்க ஷாருக் கான், கௌரி கான் தம்பதி முடிவு செய்திருப்பதாக பாலிவுட் வட்டாரங்கள் தெரிவித்துள்ளன. குறிப்பாக இரவு பார்ட்டிகளுக்குச் செல்வது, இரவில் நண்பர்களைச் சந்திக்கச் செல்வது, விழாக்களுக்கு செல்வது உட்பட அவருடைய நண்பர்கள் கூடும் இடங்களுக்குச் செல்ல விடாமல் தடுத்து வைப்பது என்று முடிவு செய்துள்ளனர். இதற்கிடையே, போதைப்பொருள் தடுப்புப் பிரிவு போலீஸார், நடிகர் ஷாரூக் கான் வீட்டுக்கு வந்திருந்தனர். அவர்கள் ஷாருக் கானிடமும் விசாரணை நடத்தலாம் எனத் தெரிகிறது!
http://dlvr.it/SB3w2k

Read More

பொள்ளாச்சி பாலியல் விவகாரத்தில் கைதானவர்களுக்கு விதிகளைமீறி சலுகை: 7 காவலர்கள் சஸ்பெண்ட்

பொள்ளாச்சி பாலியல் வன்கொடுமை வழக்கில் கைதானவர்களை விதிகளை மீறி உறவினர்களிடம் பேச அனுமதித்த சம்பவத்தில் 7 காவலர்கள் பணியிடை நீக்கம் செய்யப்பட்டுள்ளனர்.   பொள்ளாச்சி பாலியல் வழக்கில் கைதான திருநாவுக்கரசு, சபரி ராஜன், மணிவண்ணன், வசந்த் குமார் , சதீஷ், பாபு , ஹேரேன் பால், அருளானந்தம், அருண்குமார் ஆகிய 9 பேர் நேற்று கோவை மகளிர் நீதிமன்றத்தில் ஆஜர்படுத்தப்பட்டனர். வழக்கினை விசாரித்த நீதிபதி நந்தினி தேவி, வழக்கு விசாரணையை வரும் 28ஆம் தேதிக்கு ஒத்திவைத்து உத்தரவிட்டார். மேலும் கடந்த 21ஆம் தேதி குற்றப்பத்திரிகை நகல் வழங்கப்பட்டதில், விடுபட்ட குற்றப்பத்திரிகை நகல்களின் சில நகல்கள் 9 பேரிடமும் வழங்கப்பட்டன. பாதிக்கப்பட்ட பெண்கள் நீதிமன்றத்தில் அளித்த, ரகசிய வாக்குமூலத்தின் (161,164 ஸ்டேட்மென்ட்) நகல்கள் கைதான 9 பேருக்கும் வழங்கப்பட்டது.   கைதானவர்களுக்கு சலுகை   இந்நிலையில் சேலம் மத்திய சிறைக்கு அழைத்துச் செல்லப்பட்ட, குற்றம்சாட்டப்பட்டவர்கள் இருந்த காவல் துறை வாகனம், கோவை சித்ரா விமான நிலையம் அருகே திடீரென நிறுத்தப்பட்டது. இதனையடுத்து, அங்கு காத்திருந்த குற்றம்சாட்டப்பட்டவர்களின் உறவினர்கள் அவர்களை சந்தித்து உரையாடினர். குறிப்பாக, பாலியல் வழக்கில் முக்கியக் குற்றவாளிகளாக சந்தேகிக்கப்படும், சபரி ராஜன், திருநாவுக்கரசு, மணிவண்ணன், வசந்த் குமார், சதீஷ் ஆகிய 5 பேர் அந்த வாகனத்தில் இருந்தனர். உறவினர்களிடம் அவர்கள் பேசிய பின்னர், அந்த வாகனம் சேலம் மத்திய சிறையை நோக்கி சென்றது.   தமிழ்நாட்டையே உலுக்கிய பொள்ளாச்சி பாலியல் சம்பவத்தில் குற்றம்சாட்டப்பட்டவர்களை, நீதிமன்றத்திலிருந்து சிறைச்சாலைக்கு அழைத்துச் செல்லும் வழியில் உறவினர்களைப் பார்க்க அனுமதித்தது ஏன் என்றும், எந்த அடிப்படையில் இதுபோன்ற சலுகைகள் அவர்களுக்கு காட்டப்பட்டது என்பதும் மிகப்பெரிய கேள்வியாக எழுந்துள்ளது. குற்றம்சாட்டப்பட்டவர்கள் தங்கள் உறவினர்களை சந்திக்க வேண்டும் என்றால், முறையாக, நீதிமன்றத்தின் முன் அனுமதியைப்பெற வேண்டும். ஆனால், கொடூர பாலியல் வழக்கில் குற்றம்சாட்டப்பட்டவர்களை சிறைக்கு அழைத்துச் செல்லும் வழியில் உறவினர்கள் சந்தித்தது பெரும் சர்ச்சையை ஏற்படுத்தியிருந்தது.    7 காவலர்கள் 'சஸ்பெண்ட்'   இந்த நிலையில், பொள்ளாச்சி பாலியல் வன்கொடுமை வழக்கில் கைதானவர்களை விதிகளை மீறி உறவினர்களிடம் பேச அனுமதித்த சம்பவத்தில் 7 காவலர்கள் பணியிடை நீக்கம் செய்யப்பட்டுள்ளனர். சம்மந்தப்பட்ட ஏழு பேரிடம் துறை ரீதியான விசாரணை நடத்தவும் சேலம் மாநகர காவல் ஆணையாளர் நஜ்முல் ஹோடா உத்தரவிட்டுள்ளார்.   இதையும் படிக்க: உயர் அதிகாரி உத்தரவிட்டால் கொலை செய்வீர்களா? - எஸ்.பிக்கு நீதிபதி சராமரி கேள்வி
http://dlvr.it/SB0Rdx

Read More

ரிஷப் பண்டுக்கு விக்கெட் கீப்பிங் பயிற்சி கொடுத்த தோனி!

இந்திய கிரிக்கெட் அணியின் முன்னாள் கேப்டன் மகேந்திர சிங் தோனி, சர்வதேச கிரிக்கெட்டில் இருந்து கடந்த ஆண்டு ஓய்வு பெற்ற நிலையில் 2021 டி20 உலகக் கோப்பை தொடரில் இந்திய அணியின் வழிகாட்டியாக பணியாற்றி வருகிறார்.  இந்நிலையில் இந்தியா மற்றும் ஆஸ்திரேலிய அணிகள் விளையாடிய பயிற்சி ஆட்டத்தின் போது இந்திய அணியின் இளம் விக்கெட் கீப்பர் பேட்ஸ்மேன் ரிஷப் பண்டுக்கு கீப்பிங் பயிற்சி கொடுத்துள்ளார்.  ஆட்டம் நடந்துக் கொண்டிருந்த போது பவுண்டரி லைனுக்கு பக்கமாக தோனி, பண்டுக்கு பயிற்சி கொடுத்துள்ளார். அந்த காட்சிகள் சமூக வலைத்தளங்களில் பகிரப்பட்டுள்ளன. சுழற் பந்து வீச்சுக்கு சாதகமான அமீரக ஆடுகளங்களில் கீப்பர் பண்டின் பணி கொஞ்சம் கூடுதலாக தேவைப்படுகிறது.  View this post on Instagram A post shared by ESPNcricinfo (@espncricinfo) அதன் காரணமாக தோனி தனது அனுபவத்தின் மூலம் கற்றுக் கொண்ட ஆட்ட நுணுக்கங்களை பண்ட் உடன் பகிர்ந்துக் கொண்டுள்ளார் என சொல்லப்படுகிறது. டி20 உலகக் கோப்பையின் முதல் எடிஷனை இந்தியா வெல்ல உதவியவர் அப்போதைய இந்திய கேப்டன் தோனி என்பதும் குறிப்பிடத்தக்கது.  
http://dlvr.it/SB04Wh

Read More