`அம்பானி வீட்டுக்கு வழி கேட்ட இளைஞர்கள்; போலீஸுக்குத் தகவல் தெரிவித்த டாக்ஸி டிரைவரால் பரபரப்பு!'

மும்பையில் தொழிலதிபர் முகேஷ் அம்பானி இல்லத்துக்கு வெளியில், கடந்த சில மாதங்களுக்கு முன்பு வெடிகுண்டுகள் நிரப்பப்பட்ட கார் நிறுத்தப்பட்டு இருந்த விவகாரம் பெரும் பரபரப்பை ஏற்படுத்தியிருந்தது. இந்த விவகாரத்தில், பல போலீஸ் அதிகாரிகளுக்குத் தொடர்பு இருந்ததும் கண்டுபிடிக்கப்பட்டது. இந்த நிலையில், நேற்றைய தினம் தொழிலதிபர் முகேஷ் அம்பானி வீடு எங்கே இருக்கிறது என டாக்ஸி டிரைவர் ஒருவரிடம் மர்ம நபர்கள் இரண்டு பேர் சந்தேகத்திற்கு இடமான முறையில் கேட்டிருக்கின்றனர். அவர்களின் நடவடிக்கையில் சந்தேகம் அடைந்த டாக்ஸி டிரைவர் உடனே போலீஸ் கட்டுப்பாட்டு அறைக்கு போன் செய்து இது குறித்துத் தெரிவித்திருக்கிறார். போலீஸாரிடம் டாக்ஸி டிரைவர் கூறுகையில், ``காரில் வந்த இரண்டு பேர் தென்மும்பையில் உள்ள ஆசாத் மைதானம் அருகில் என்னிடம் முகேஷ் அம்பானியின் அண்டிலியா கட்டடம் எங்கிருக்கிறது என்று கேட்டார்கள்.சுரேஷ் பட்டேல் நான் மொபைல் ஆப்பில் தேடும் படி அவர்களிடம் கூறினேன். ஆனால், அவர்கள் எங்களிடம் மொபைல் ஆப் இல்லை என்று கூறிவிட்டு அங்கிருந்து சென்றுவிட்டனர்" என்று தெரிவித்திருக்கிறார். டாக்ஸி டிரைவரிடம் வாக்குமூலம் வாங்கிய போலீஸார், அவர் கொடுத்த தகவலின் அடிப்படையில், குறிப்பிட்ட பகுதியில் பொருத்தப்பட்டிருந்த கண்காணிப்பு கேமரா பதிவுகளை ஆய்வு செய்து வருகின்றனர். காரில் வந்த இரண்டு பேரும், இரண்டு பைகள் வைத்திருந்ததாகவும் டாக்ஸி டிரைவர் போலீஸாரிடம் தெரிவித்திருக்கிறார். இந்த சம்பவம் அப்பகுதியில் பெரும் பரபரப்பை ஏற்படுத்தியதை அடுத்து, போலீஸார் அம்பானியின் இல்லத்துக்குப் பாதுகாப்பைப் பலப்படுத்தி இருக்கின்றனர். அதேபோல, அம்பானி இல்லத்துக்குச் செல்லும் வழியில் தடுப்புகளை ஏற்படுத்தி, அந்த வழியாக வரும் வாகனங்களை ஆய்வு செய்து வருகின்றனர். இந்த நிலையில், தீவிர விசாரணைக்குப் பிறகு காரில் வந்தவர்கள் யார் என்பதை போலீஸார் தற்போது கண்டுபிடித்திருக்கின்றனர். சுரேஷ் பட்டேல் என்பவர் அவர் நண்பர்களுடன் அம்பானி இல்லத்தைப் பார்ப்பதற்காக வந்ததாக போலீஸார் கூறுகின்றனர். இருப்பினும், அம்பானி இல்லத்துக்கு முன் போலீஸார் அதிக அளவில் குவிக்கப்பட்டிருக்கின்றனர். Also Read: அம்பானி வீடு; வெடி பொருள்களுடன் கார்! - என்கவுன்ட்டர் ஸ்பெலிஸ்ட்டை நள்ளிரவில் கைதுசெய்த என்.ஐ.ஏ
http://dlvr.it/SC9qX9

Read More

நடிகை பூனம் பாண்டே காயங்களுடன் மருத்துவமனையில் அனுமதி - அடித்து உதைத்த கணவன் கைது!

பாலிவுட் நடிகை பூனம் பாண்டே சாம் பாம்பே என்பவரைக் காதலித்து திருமணம் செய்து கொண்டார். இருவரும் மும்பை புறநகர்ப் பகுதியில் வாழ்ந்து வந்தனர். இந்த நிலையில், நேற்று மாலை திடீரென இருவருக்கும் இடையே தகராறு ஏற்பட்டது. அதில், ஒருவரை ஒருவர் தாக்கிக்கொண்டனர். சாம் தன் மனைவி பூனம் பாண்டேவை தலை, முகம், கண் உள்ளிட்ட பகுதிகளில் சரமாரியாகத் தாக்கியிருக்கிறார். அதில், பூனம் பாண்டே ரத்த காயங்களுடன் மருத்துவமனையில் அனுமதிக்கப்பட்டார். இந்த சம்பவத்தைத் தொடர்ந்து, பூனம் பாண்டே தன் கணவர் மீது போலீஸில் புகார் அளித்தார். அதன் அடிப்படையில் போலீஸார் வழக்கு பதிவு செய்து அவர் கணவரைக் கைது செய்து விசாரித்து வருகின்றனர்.பூனம் பாண்டே - சாம் சாம் தாக்கியதில் பூனம் பாண்டேவுக்கு காயங்கள் அதிகமாக ஏற்பட்டிருப்பதாக போலீஸார் தெரிவிக்கின்றனர். சாம் ஏற்கெனவே பலமுறை பூனம் பாண்டேவை தகராறில் தாங்கியிருக்கிறார். இருவரும் திருமணமான புதிதில் கோவாவுக்குச் சென்ற போது, இருவருக்கும் இடையே தகராறு ஏற்பட்டு, சாம் பூனம் பாண்டேவை அடித்து உதைத்தார். அதில், பூனம் பாண்டே கொடுத்த புகாரின் பேரில் சாம் கைது செய்யப்பட்டார். பின்னர் அவர் நிபந்தனை ஜாமீனில் விடுவிக்கப்பட்டார். பூனம் பாண்டேவும் அப்போது ஊடகங்களுக்கு அளித்த பேட்டியில், ``என்னை அடித்தவருடன் சேர்ந்து வாழ முடியாது" என்று தெரிவித்திருந்தார். ஆனால், அடுத்த சில நாள்களில் மீண்டும் ஊடகங்களை அழைத்து, ``எங்களுக்குள் இருந்த அனைத்து பிரச்னைகளும் தீர்க்கப்பட்டுவிட்டது. நாங்கள் இருவரும் ஒருவருக்கொருவர் மிகவும் அன்புடன் இருக்கிறோம். திருமணம் என்றால் ஏற்ற தாழ்வுகள் இருக்கத்தான் செய்யும். நான் இப்போது சாமை மிகவும் நேசிக்கிறேன்" என்று காதல் பொங்கத் தெரிவித்திருந்தார். ``பூனமும், சாமும் திருமணம் செய்து கொள்வதற்கு முன்பு இரண்டு ஆண்டுகள் எந்த வித பிரச்னையும் இல்லாமல் சேர்ந்து வாழ்ந்து வந்தனர். திருமணத்திற்குப் பிறகு தான் அவர்களுக்குள் அடிக்கடி தகராறு ஏற்பட்டு வருகிறது'' என்கின்றனர் நடிகை பூனம் பாண்டேவுக்கு நெருக்கமானவர்கள். Also Read: பூனம் பாண்டே ஆப்... தடை செய்த கூகுள்... காரணம் என்ன?
http://dlvr.it/SC9qWj

Read More

கோயில்களை தவிர்த்து பிற பொதுநலனிலும் கவனம் செலுத்துங்கள் - சென்னை உயர் நீதிமன்றம்

தமிழகம் முழுவதும் உள்ள கோயில்களுக்கு பாதுகாவலர்கள் நியமிக்க வேண்டும் என்ற கோரிக்கையை நிராகரித்த சென்னை உயர் நீதிமன்றம், கோயில்கள் சம்பந்தமான விஷயங்களில் கவனம் செலுத்தாமல் பிற முக்கியத்துவம் வாய்ந்த விஷயங்களிலும் கவனம் செலுத்த அறிவுறுத்தியுள்ளது. திருநெல்வேலி, பாளையங்கோட்டையைச் சேர்ந்த அய்யா என்பவர் தாக்கல் செய்த மனுவில், சமீப காலங்களில் தமிழக கோயில்களில் இருந்து சிலைகள் திருடப்பட்டு, வெளிநாடுகளுக்கு பல கோடி ரூபாய்க்கு விற்கப்பட்டுள்ளதாகக் குறிப்பிட்டுள்ளார். கடந்த செப்டம்பர் மாதம் இந்திய பிரதமர் அமெரிக்கா சென்றிருந்த போது, அங்கு இருந்த புன்னைநல்லூர் சோழர்கால நடராஜர் வெண்கல சிலை உள்ளிட்ட 157 சிலைகள் ஒப்படைக்கப்பட்டதாகத் தெரிவித்துள்ளார். கோயில்களில் போதுமான பாதுகாப்பு இல்லாததே சிலை திருட்டுகளுக்கு காரணம் எனக் குறிப்பிட்டுள்ள மனுதாரர், தற்போது கோயில்களில் கண்காணிப்பு கேமராக்கள் பொருத்தப்பட்டிருந்தாலும், மனித பாதுகாப்பால் மட்டுமே இதுபோன்ற திருட்டு சம்பவங்களை கட்டுப்படுத்த முடியும் எனக் குறிப்பிட்டுள்ளார்.   ஏ.டி.எம். மையங்களுக்கு கூட இரவு பாதுகாவலர்கள் நியமிக்கப்பட்டுள்ள நிலையில், முக்கியமான கோயில்களுக்கு பாதுகாவலர்கள் நியமிக்கப்படவில்லை எனவும், சில கோவில்களில் இரவு காவலர்கள் நியமிக்கப்பட்ட போதும், அவர்களுக்கு 3,500 முதல் 5,500 ரூபாய் வரை மட்டுமே ஊதியமாக வழங்கப்படுவதாகவும் குற்றம் சாட்டியுள்ளார். அதனால் தமிழகத்தில் உள்ள அனைத்து கோயில்களுக்கும் இரவு பாதுகாவலர்களை நியமிக்க வேண்டும் எனவும், கோயில்களில் இரவு பாதுகாவலர்களாக நியமிக்கப்பட்டுள்ளவர்களுக்கு பணி வரன்முறை செய்ய உத்தரவிட வேண்டும் எனவும் கோரியுள்ளார்.   இந்த மனுவை விசாரித்த, தலைமை நீதிபதி சஞ்ஜிப் பானர்ஜி மற்றும் நீதிபதி ஆதிகேசவலு அடங்கிய அமர்வு, கோயில்களில் இரவு நேர பாதுகாவலர்கள் நியமனம் தொடர்பாக சம்பந்தப்பட்ட கோயில் நிர்வாகங்கள் தான் முடிவெடுக்க வேண்டும் எனவும், இந்த வழக்கு ஏற்றுக் கொள்ளத்தக்கதல்ல என கூறி மனுதாரரின் கோரிக்கையை நிராகரித்து, வழக்கை முடித்து வைத்தது.   அதேசமயம், கோயில்கள் சம்பந்தமாக ஏராளமான வழக்குகள் தொடரப்படுவதாக குறிப்பிட்ட நீதிபதிகள், பல முக்கிய பிரச்னைகள் உள்ள நிலையில் பொதுநலனில் அக்கறை கொண்டவர்கள், கோவில்களில் மட்டும் கவனம் செலுத்தாமல், கல்வி, வறுமை ஒழிப்பு உள்ளிட்ட பிற விஷயங்களிலும் கவனம் செலுத்த வேண்டும் என அறிவுறுத்தினர். கோயில்களுக்கு சொந்தமான நிலங்கள் உள்ளிட்ட சொத்துக்கள் பாதுகாப்பு தொடர்பாக நீதிமன்றம் பல உத்தரவுகளை பிறப்பித்துள்ளதாகவும் நீதிபதிகள் தெரிவித்தனர்.   இதையும் படிக்க: இப்படியே பேசினால் 'நாக்கை அறுத்துவிடுவோம்' - பாஜகவினருக்கு சந்திரசேகர் ராவ் மிரட்டல்
http://dlvr.it/SC6Fvz

Read More

மாமன்னன் ராஜராஜ சோழனின் 1036ஆவது சதய விழா - பந்தல்கால் நடும் விழா

மாமன்னன் ராஜராஜ சோழனின் ஆயிரத்து 36ஆவது சதய விழாவை முன்னிட்டு, தஞ்சை பெரிய கோவிலில் பந்தல்கால் நடும் விழா நடைபெற்றது. தஞ்சை பெரிய கோவிலை கட்டிய மாமன்னன் ராஜராஜ சோழனின் பிறந்த தினம் ஒவ்வொரு ஆண்டும் ஐப்பசி மாதம் சதய நட்சத்திரதன்று, இரண்டு நாட்கள் சிறப்பாக கொண்டாடப்படுவது வழக்கம். கடந்த ஆண்டு கொரோனா தொற்று காரணமாக முக்கிய நிகழ்வான ராஜராஜனுக்கு மாலை அணிவிப்பு, பெருவுடையாருக்கு அபிஷேகம் மற்றும் பிரகாரத்தில் சுவாமி புறப்பாடு மட்டும் நடைபெற்றது. இந்த ஆண்டும், 13ஆம் தேதி மட்டும் சதய விழா நடைபெறவுள்ளது. இதனைப்படிக்க...“தமிழ்த்தேசியம், முப்பாட்டன் முருகன், விவசாயி சின்னம்” – சீமான் பிறந்தநாள் இன்று 
http://dlvr.it/SC6Fvg

Read More

திரையரங்கில் 100% இருக்கை வசதி உத்தரவுக்கு தடையில்லை: சென்னை உயர்நீதிமன்றம் உறுதி

தமிழகத்தில் திரையரங்குகளில் நூறு சதவீத இருக்கையை பயன்படுத்த அனுமதியளித்த உத்தரவை எதிர்த்த வழக்கை தள்ளுபடி செய்து சென்னை உயர் நீதிமன்றம் உத்தரவிட்டுள்ளது. தமிழகத்தில் கொரோனா பரவலை கட்டுப்படுத்த விதிக்கப்பட்ட ஊரடங்கு கட்டுப்பாடுகள் தளர்த்தப்பட்டு வருகின்றன. அதன் தொடர்ச்சியாக நவம்பர் 1ம் தேதி முதல் திரையரங்குகளில் நூறு சதவீத இருக்கையை பயன்படுத்த அனுமதியளித்து கடந்த அக்டோபர் 23ம் தேதி உத்தரவு பிறப்பிக்கப்பட்டது. இந்த உத்தரவை ரத்து செய்யக் கோரி தூத்துக்குடி மாவட்டம் உடன்குடியைச் சேர்ந்த சிவமுருகன் ஆதித்தன் என்பவர் வழக்கு தொடர்ந்திருந்தார். இந்த வழக்கு தலைமை நீதிபதி சஞ்சிவ் பானர்ஜி மற்றும் நீதிபதி ஆதிகேசவலு அமர்வில் விசாரணைக்கு வந்த போது, திரையரங்குகளில் நூறு சதவீத இருக்கைக்கு அனுமதியளித்தால் தொற்று பரவும் அபாயம் உள்ளதாகவும், ரசிகர்கள் கொரோனா தடுப்பு விதிகளை பின்பற்ற மாட்டார்கள் எனவும் மனுதாரர் தரப்பில் அச்சம் தெரிவிக்கப்பட்டது. தொடர்புடைய செய்தி: தியேட்டர் வெளியீட்டில் தயக்கம் காட்டும் மலையாள திரையுலகம்... காரணம் என்ன? - ஒரு பார்வை இந்த வாதத்தை ஏற்க மறுத்த நீதிபதிகள், நிபுணர்களின் ஆலோசனைப்படி, அனைத்து அம்சங்களையும் பரிசீலித்த பிறகே இந்த உத்தரவு பிறப்பிக்கப்பட்டுள்ளதாகவும், அதில் தலையிட முடியாது எனக் கூறி, வழக்கை தள்ளுபடி செய்து உத்தரவிட்டனர். மேலும், மீன் சந்தைகளில் இருப்பதைப் போல திரையரங்குகள் இருக்காது எனவும் அரசு மிகுந்த எச்சரிக்கையுடன் நடவடிக்கை எடுத்துள்ளதாகவும் குறிப்பிட்ட நீதிபதிகள், தனி மனித விலகலை பின்பற்ற வேண்டும், முக கவசம் அணிய வேண்டும் என அரசு வழிகாட்டு விதிகளை அறிவித்துள்ளதாகவும் தெரிவித்தனர். பண்டிகை காலங்களில் கொரோனா தாக்கம் அபாய அளவை தாண்டி விடவில்லை எனக் குறிப்பிட்ட நீதிபதிகள், எந்த ஆதாரங்களும் இல்லாமல் இதுபோல வழக்குகளை தொடர்ந்து நீதிமன்றத்துக்கு தர்மசங்கடம் ஏற்படுத்த கூடாது எனவும் மனுதாரருக்கு அறிவுறுத்தினர். தடுப்பூசி போடும் பணிகள் நடந்து வருவதைச் சுட்டிக்காட்டிய நீதிபதிகள், மாநில அரசு கொரோனா பாதிப்பு எண்ணிக்கை அடிப்படையில் சூழலை மறு ஆய்வு செய்ய வேண்டும் எனவும் அறிவுறுத்தினர்.
http://dlvr.it/SC6FrT

Read More

மும்பை: `மேட்ரிமோனி மூலம் பழக்கம்; போலி கடற்படை அதிகாரியிடம் பணத்தைத் தொலைத்த பெண்!'

மும்பையைச் சேர்ந்த 42 வயது பெண் ஒருவர் தனக்குத் திருமண வரன் தேடி, கடந்த மார்ச் மாதம் திருமண தகவல் மையம் ஒன்றின் இணையதளத்தில் தன் விவரங்களைப் பகிர்ந்திருக்கிறார். பதிவு செய்த நாளிலிருந்து, வரன்கள் தொடர்பாகப் பலரிடமிருந்து அந்த பெண்ணுக்கு போன் கால்கள் வந்திருக்கிறது. அந்த வகையில், அலெக்ஸ் பட்டேல் என்பவரும் அவரை தொடர்புகொண்டு பேசியிருக்கிறார். அப்போது, அந்த பெண்ணிடம் பேசிய அலெக்ஸ் பட்டேல், தான் இந்தியக் கடற்படையில் அதிகாரியாக பணியாற்றுவதாகத் தெரிவித்திருக்கிறார். அதை அந்த பெண்ணும் நம்பியிருக்கிறார். பின்னர், இருவரும் தங்கள் போன் நம்பர்களை மாற்றிக்கொண்டு சாட்டிங் செய்து வந்திருக்கின்றனர். அந்த பெண்ணின் நம்பிக்கையை முழுமையாகப் பெற்ற அலெக்ஸ், அவரை காதலிப்பதாகத் தெரிவித்திருக்கிறார். மேலும் அவர், ``உனக்குப் பரிசுப்பொருள்களை அனுப்ப விரும்புகிறேன். உனக்கு கூரியரில் வெளிநாட்டு கரன்சி, பரிசுப் பொருள்களை அனுப்புகிறேன்" என்று கூறியிருக்கிறார். அதை நம்பிய அந்த பெண் அதற்காகக் காத்திருந்திருக்கிறார். அலெக்ஸ் கூறியதை போலவே, அடுத்த சில நாள்களில் கூரியரில் இருந்து பேசுவதாக நபர் ஒருவர் அந்த பெண்ணுக்கு போன் செய்து, ``உங்களுக்கு கூரியர் வந்திருக்கிறது. அதை டெலிவரி செய்வதற்கு பிராஸசிங் கட்டணம் செலுத்தவேண்டும்" என்று தெரிவித்திருக்கிறார். அந்த பெண்ணும், கூரியர் கம்பெனி ஊழியர் தெரிவித்த கட்டணத்தை ஆன்லைன் மூலமாகச் செலுத்தியிருக்கிறார்.ஆன்லைன் மோசடி இந்த நிலையில், மீண்டும் அதே நபர் போன் செய்து, ``பார்சலில் தங்க நகைகள், 30 ஆயிரம் டாலர் அமெரிக்க கரன்சி இருக்கிறது. அதனால், அதற்கான சுங்க வரியைச் செலுத்தினால் மட்டுமே பார்சலை டெலிவரி செய்ய முடியும்" என்று தெரிவித்திருக்கிறார். உடனே அந்த பெண் அலெக்ஸுக்கு போன் செய்து இது குறித்து தெரிவித்திருக்கிறார். அலெக்ஸும் கூரியர் கம்பெனிக்காரர் சொன்ன பணத்தைச் செலுத்திவிடும்படி தெரிவித்திருக்கிறார். அதையடுத்து, அந்த பெண் கூரியர் கம்பெனி ஊழியர் சொன்ன படி ரூ.6.25 லட்சத்தைச் செலுத்தினார். ஆனால், பார்சல் டெலிவரி செய்யப்படவில்லை. அதன் பிறகு அலெக்ஸுக்கு போன் செய்த போது அவரின் போன் ஸ்விட்ச் ஆஃப் என்று வந்திருக்கிறது. அதைத் தொடர்ந்து, சந்தேகமடைந்த அந்த பெண் உடனடியாக, இது தொடர்பாக சைபர் போலீஸாரிடம் புகார் அளித்தார். போலீஸாரின் முதற்கட்ட விசாரணையில், அலெக்ஸ் அந்த பெண்ணை ஏமாற்றி பணம் பறித்தது தெரியவந்தது. தொடர்ந்து, விசாரணை மேற்கொண்டு வருகின்றனர். Also Read: மும்பை: நட்சத்திர ஹோட்டலில் 8 மாத ஆடம்பர வாழ்க்கை; ரூ.25 லட்சம் பாக்கி! - ஜன்னல் வழியே தப்பிய நபர்
http://dlvr.it/SC6FqJ

Read More

முல்லைப்பெரியாறு விவகாரம்: `நிதானமா... அதிரடியா?’ - தி.மு.க அரசின் அணுகுமுறையும் எதிர்வினையும்!

மேற்குத் தொடர்ச்சி மலையில் தோன்றி கேரளாவில் மேற்கு நோக்கிப் பாயும் முல்லைப்பெரியாற்றின் மீது முல்லைப்பெரியாறு அணை கட்டப்பட்டிருக்கிறது. கேரள மாநிலத்தில், தமிழக எல்லைப்பகுதியில் அமைந்திருக்கும் இந்த அணையைத் தமிழக பொதுப்பணித்துறை பராமரித்துவருகிறது. 155 அடி உயரம்கொண்ட இந்த அணையில் 15.5 டி.எம்.சி வரை தண்ணீரைத் தேக்கிவைக்க முடியும். மதுரை, தேனி, திண்டுக்கல், சிவகங்கை, ராமநாதபுரம் ஆகிய ஐந்து மாவட்டங்களின் பாசனம் மற்றும் குடிநீர்த் தேவைக்கு இந்த அணை ஆதாரமாக இருந்துவருகிறது. இந்த முல்லைப்பெரியாறு அணை தொடர்பாக, தமிழகத்துக்கும் கேரளாவுக்கும் இடையே நீண்டகாலமாக மோதல் போக்கு நிலவிவருகிறது.முல்லைப்பெரியாறு ஐந்து மாவட்ட விவசாயிகளின் நலனைக் கருத்தில்கொண்டு அணையின் நீர்மட்டத்தை 152 அடியாக உயர்த்த வேண்டும் என்பது தமிழக அரசின் நிலைப்பாடாக இருந்துவருகிறது. ஆனால், ``இந்த அணை கட்டப்பட்டு 100 ஆண்டுகளுக்கு மேலாகிவிட்டது. 152 அடிக்குத் தண்ணீரைத் தேக்கினால், அணை உடைந்து இடுக்கி உட்பட ஐந்து மாவட்டங்கள் தண்ணீரில் மூழ்கும்" என்று கேரளா தரப்பில் அச்சம் தெரிவிக்கப்பட்டுவருகிறது. `அணை பலவீனமாகிவிட்டது’ என்று கேரள தரப்பில் சொல்லப்பட்டுவரும் நிலையில், இந்த அணையை உடைத்துவிட்டு புதிய அணையைக் கட்ட வேண்டும் என்ற ஆபத்தான குரல் தற்போது கேரளாவிலிருந்து ஒலிக்கத் தொடங்கியிருக்கிறது. சமீபத்தில் கேரளாவில் கனமழை காரணமாக முல்லைப்பெரியாறு அணையின் நீர்மட்டம் கிடுகிடுவென உயர்ந்தது. அதனால், அணையிலிருந்து அதிக அளவு தண்ணீரைத் திறந்துவிடுமாறு தமிழக முதல்வர் ஸ்டாலினுக்குக் கேரள முதல்வர் பினராயி விஜயன் கடிதம் எழுதினார். இந்த நிலையில், `முல்லைப்பெரியாறு அணையை உடைக்க வேண்டும்’ என்று கேரளாவிலிருந்து சிலர் குரல் எழுப்பியிருக்கின்றனர். நடிகர் பிருத்விராஜ் உள்ளிட்ட கேரளப் பிரபலங்கள் பலரும் ட்விட்டர் உள்ளிட்ட சமூக வலைதளங்கள் மூலமாக அந்தப் பிரசாரத்தை முன்னெடுத்தனர். அப்போது, `முல்லைப்பெரியாறு அணை தொடர்பாகப் பீதியைக் கிளப்புபவர்கள்மீது சட்டப்படி நடவடிக்கை எடுக்கப்படும் என்று முதல்வர் பினராயி விஜயன் எச்சரிக்கை விடுத்தார்.பினராயி விஜயன் முல்லைப்பெரியாறு அணை தொடர்பான சர்ச்சை தொடர்ந்துகொண்டிருந்த நிலையில், `கேரள நீர்ப்பாசனத்துறை அமைச்சர் ரோஷி அகஸ்டின், வருவாய்த்துறை அமைச்சர் ராஜன் ஆகியோர் முன்னிலையில் முல்லைப்பெரியாறு அணையிலிருந்து அக்டோபர் 29-ம் தேதி தண்ணீர் திறக்கப்பட்டது’ என்று வெளியான செய்தி பெரும் சர்ச்சையைக் கிளப்பியது. அந்தச் செய்தி தமிழகத்தில் பரபரப்பை ஏற்படுத்திய நிலையில், தமிழக நீர்வளத்துறை அமைச்சர் துரைமுருகன் விளக்க அறிக்கை ஒன்றை வெளியிட்டார். அதில்,`தமிழ்நாட்டின் நீர்வளத்துறையின் கட்டுப்பாட்டில் முல்லைப்பெரியாறு அணை இருக்கிறது. அந்த அணைப் பகுதியில் மழை அளவு, அணைக்கு வரும் நீர்வரத்து, வைகை அணைக்கு எடுத்துச்செல்லும் நீர், பருவநிலை மழை அளவுகளைக் கருத்தில்கொண்டு, அணையின் நீர்மட்டத்தை உச்ச நீதிமன்ற ஆணையின்படி அதிகபட்சமாக 142 அடி வரை தேக்குவதற்குத் தேவையான நடவடிக்கைகளைக் கண்காணித்து, முடிவுசெய்து நடவடிக்கை எடுக்கப்பட்டுவருகிறது. மேலும், கேரளாவைச் சேர்ந்த தனிநபர் ஒருவரால் தொடரப்பட்ட வழக்கில் 29.10.2021-ல் உச்ச நீதிமன்றம் அளித்த உத்தரவில், மாதவாரியாக நிர்ணயிக்கப்பட்டுள்ள அணையின் நீர்மட்ட அளவுகளின்படி அணையின் நீர்மட்டத்தைக் கண்காணிக்க ஆணையிடப்பட்டிருக்கிறது.துரைமுருகன் அதன்படி அணையின் நீர்மட்டத்தைக் கணக்கில்கொண்டு, 29.10.2021 அன்று காலை அணையின் நீர்மட்டம் உயர்ந்துவந்ததால், அணையின் இரண்டு மதகுகளைத் திறக்க, மதுரை மண்டல நீர்வளத்துறை முடிவெடுத்து தமிழக நீர்வளத்துறைப் பொறியாளர்களால் அணை திறக்கப்பட்டது. இது குறித்து, நிலையான வழிகாட்டுதலின்படி கேரள அரசின் சம்பந்தப்பட்ட அதிகாரிகளுக்கு முன்கூட்டியே தெரிவிக்கப்பட்டது. மதகுகள் திறக்கப்பட்டபோது கேரள நீர்வளத்துறை அமைச்சரும், சில அதிகாரிகளும் உடனிருந்து பார்வையிட்டார்கள். உண்மை நிலை இவ்வாறு இருக்க, ஏதோ கேரள அரசின் அதிகாரிகள்தான் அணை மதகுகளைத் திறந்தார்கள் என்று வெளியான செய்தி மிகவும் தவறானது’ என்று தன் அறிக்கையில் குறிப்பிட்டிருந்தார். Also Read: முல்லைப்பெரியாறு: `அமைச்சர் துரைமுருகன் காமெடி செய்துகொண்டிருக்கிறார்!’ - செல்லூர் ராஜூ இந்த நிலையில், தற்போது இந்த விவகாரத்தை அ.தி.மு.க-வும் பா.ஜ.க-வும் கையிலெடுத்திருக்கின்றன.`முல்லைப்பெரியாறு அணையில் தண்ணீர் திறக்கும் உரிமையைத் தமிழக அரசு இழந்துவிட்டது’ என்று குற்றம்சாட்டியிருக்கும் அ.தி.மு.க ஒருங்கிணைப்பாளர் ஓ.பன்னீர்செல்வம், தமிழக - கேரள அரசுகளைக் கண்டித்துப் போராட்டம் நடத்தப்போவதாக அறிவித்திருக்கிறார். அதேபோல, தேனி மாவட்ட ஆட்சியர் அலுவலகம் முன் மாநிலத் தலைவர் அண்ணாமலை தலைமையில் போராட்டம் நடத்தப்போவதாக பா.ஜ.க-வும் அறிவித்திருக்கிறது. இந்தப் பரபரப்பான சூழலில், தமிழக நீர்வளத்துறை அமைச்சர் துரைமுருகன் நவம்பர் 6-ம் தேதி முல்லைப்பெரியாறு அணைக்குச் சென்று பார்வையிட்டார். அப்போது செய்தியாளர்களிடம் பேசிய அவர், முல்லைப்பெரியாறு அணை தமிழ்நாட்டின் கட்டுப்பாட்டில் இருப்பதாகக் கூறினார். இந்த நிலையில், இந்த விவகாரம் குறித்து ஐந்து மாவட்ட விவசாயச் சங்கத்தின் ஒருங்கிணைப்பாளர் ச.அன்வர் பாலசிங்கத்திடம் பேசினோம். ``முல்லைப்பெரியாறு அணை தமிழக அரசின் கட்டுப்பாட்டில் இருக்கும் நிலையில், கேரள அரசின் செயல்பாடுகள் ஆட்சேபனைக்கு உரிய வகையில் இருக்கின்றன. 'முல்லைப்பெரியாறு அணை நீர்மட்டம் 138 அடியாக உயர்ந்துவிட்டது. பெரியாற்றின் கரையோரத்தில் வசிப்பவர்கள் அனைவரும் பாதுகாப்பான இடங்களுக்குச் சென்றுவிடுங்கள்' என்று இடுக்கி மாவட்ட நிர்வாகம் தண்டோரோ போடுகிறது. முல்லைப்பெரியாறு அணை தொடர்பான வழக்கில் அக்டோபர் 29-ம் தேதி காலை உச்ச நீதிமன்றம் இடைக்காலத் தீர்ப்பு வழங்கவிருந்தது.அன்வர் பாலசிங்கம் ஆனால், அதற்கு முன்பாகவே, 'அக்டோபர் 29-ம் தேதி காலை 7 மணிக்கு அணையிலிருந்து நீர் திறக்கப்படுகிறது' என்று இடுக்கி மாவட்ட நிர்வாகம் தண்டோரா போட்டது. எந்த அடிப்படையில், எந்த உரிமையில் இடுக்கி மாவட்ட நிர்வாகம் தண்டோரோ அறிவிப்பைச் செய்தது?. இது குறித்து தமிழக நீர்வளத்துறை அமைச்சர் துரைமுருகனிடம் கேள்வி கேட்டால், 'அணை தமிழ்நாட்டின் கட்டுப்பாட்டில் இருக்கிறது' என்று அவர் பதில் சொல்கிறார். தமிழகத்தின் கட்டுப்பாட்டிலுள்ள அணைக்கு, தேனி மாவட்ட ஆட்சியர்தான் பொறுப்பு. வழக்கமாக முல்லைப்பெரியாறு அணையில் தண்ணீர் திறப்பது தேனி மாவட்ட ஆட்சியர்தான். அப்படியிருக்கும்போது தேனி மாவட்ட ஆட்சியரைக்கூட அழைக்காமல், அணையில் தண்ணீரைத் திறந்தது ஏன்?. 'ரூல் கர்வ்' என்று முக்கியமான ஒரு நடைமுறை இருக்கிறது. அதாவது, வெள்ள காலத்தில் தண்ணீரைத் தேக்காமல் அப்படியே திறந்துவிடுவது. கோடைக்காலத்தில் பெய்யும் மழைநீரைத் தேக்கிவைப்பது. இந்த 'ரூல் கர்வ்' நடைமுறையை அமல்படுத்துங்கள் என்று அக்டோபர் 29-ம் தேதி காலை சுமார் 9:30 மணிக்கு உச்ச நீதிமன்றம் உத்தரவிட்டது. அதாவது, 'அக்டோபர் 31-ம் தேதி வரை 138 அடி வரையிலும், நவம்பர் 11-ம் தேதி வரை 139.50 அடி வரையிலும், நவம்பர் 20-ம் தேதி வரை 141 அடி வரையிலும், நவம்பர் 30-ம் தேதி வரை 141 அடி வரையிலும் தண்ணீரைத் தேக்கலாம்’ என்று உச்ச நீதிமன்றம் கூறியது. அக்டோபர் 29-ம் தேதி இந்த உத்தரவை உச்ச நீதிமன்றம் பிறப்பித்தது. ஆனால், அதற்கு முன்பாக அக்டோபர் 27-ம் தேதியே இடுக்கி மாவட்ட ஆட்சியர் தண்டோரா போட்டிருக்கிறார். அது எப்படி... அவருக்கு யார் அந்த அதிகாரத்தைக் கொடுத்தது? Also Read: ஈழத் தமிழர்களுக்கு அதிகம் 'செய்தது' யார்? - திமுக Vs அதிமுக மோதலும் சில நினைவூட்டலும் வைகை அணையைத் திறப்பதற்கு ஐ.பெரியசாமி, மூர்த்தி, பெரியகருப்பன் என மூன்று அமைச்சர்கள் வந்தார்கள். ஆனால், முல்லைப்பெரியாறு அணையைத் திறக்க எந்த அமைச்சரும் ஏன் வரவில்லை? தேனி மாவட்ட ஆட்சியருக்குத் தகவல்கூட தரப்படவில்லை. அண்டை மாநிலங்களுடன் நட்புறவும் நல்லிணக்கமும் அவசியம் என்பதில் மாற்றுக் கருத்து இல்லை. அதற்காக, தமிழ்நாட்டின் ஜீவாதார உரிமைகளை விட்டுக் கொடுக்கலாமா?" என்று ஆவேசப்பட்டார் அன்வர் பாலசிங்கம்.கான்ஸ்டன்டைன் ரவீந்திரன் இந்த விவகாரம் குறித்து தி.மு.க-வின் செய்தித் தொடர்பாளர் கான்ஸ்டன்டைன் ரவீந்திரனிடம் பேசினோம். ``முல்லைப்பெரியாறு விவகாரம் தொடர்பாக, தமிழக நீர்வளத்துறை அமைச்சர் துரைமுருகன் மிகத் தெளிவான விளக்கத்தை அளித்திருக்கிறார். முல்லைப்பெரியாறு அணையைத் தமிழக பொதுப்பணித்துறை பொறியாளர்கள்தான் திறந்தார்கள். அணை திறக்கப்பட்டபோது கேரள அமைச்சர்களும் அங்கு இருந்தனர். அதனாலேயே, கேரளாதான் அணையைத் திறந்தது என்று சொல்வது தவறு. எந்த வகையிலும் தமிழ்நாட்டின் உரிமை விட்டுக்கொடுக்கப்படவில்லை. அணையின் கட்டுப்பாடு முழுவதும் தமிழ்நாட்டிடம்தான் இருக்கிறது. முல்லைப்பெரியாறு அணை தொடர்பாக தமிழக முதல்வர் எழுதிய கடிதத்துக்கு, 'உங்கள் விவசாயிகளுக்கு எவ்வளவு தண்ணீர் வேண்டுமோ அதைத் திறந்துகொள்ளுங்கள்' என்று கேரள முதல்வர் பினராயி விஜயன் பதில் கடிதம் எழுதியிருந்தார். இதுவரை எந்தவொரு கேரள முதல்வரும் இப்படியொரு சுமுகமான அணுகுமுறையுடன் நடந்துகொண்டதில்லை. `அண்டை மாநிலங்களுடன் நல்லுறவைப் பேண வேண்டும். அதே நேரத்தில், நம்முடைய உரிமைகளை எந்த காரணத்துக்காகவும் விட்டுக்கொடுக்கக் கூடாது’ என்பதுதான் தி.மு.க அரசின் நிலைப்பாடு. அந்த வகையில், தமிழக அரசு தமிழ்நாட்டின் எந்த உரிமையையும் விட்டுக்கொடுக்கவில்லை" என்றார்.
http://dlvr.it/SC6Fq3

Read More