"விளம்பரத்துக்காக யாரையும் அவமதிக்க வேண்டிய தேவை எனக்கு இல்லை"- அன்புமணிக்கு சூர்யா பதில்

நடிகர் சூர்யாவுடன் ஜெய்பீம் படம் தொடர்பான அன்புமணி ராமதாஸின்  விமர்சனத்துக்கு "அநீதிக்கு எதிராக ஒன்றிணைய வேண்டிய போராட்டக் குரல், பெயர் அரசியலால் மடைமாற்றம் செய்யப்பட்டு நீர்த்துப் போகிறது" என சூர்யா பதிலளித்துல்ளார். இயக்குனர் த.சே.ஞானவேல் இயக்கத்தில் நடிகர் சூர்யா, மணிகண்டன், லிஜோ மோல் ஜோஸ், பிரகாஷ்ராஜ் உள்ளிட்டோர் நடித்த ‘ஜெய் பீம்’ திரைப்படம் குறித்து நேற்றைய தினம் பாமக இளைஞரணி தலைவர் அன்புமணி ராமதாஸ் பேசியிருந்தார். அதில் அவர், “படைப்புச் சுதந்திரம் எந்த சமுதாயத்தையும் இழிவுபடுத்த பயன்படுத்தப்படக்கூடாது. மக்களின் வினாக்களுக்கு சூர்யா விடையளிக்க வேண்டும். ‘ஜெய் பீம்’ திரைப்படத்தில் வன்னியர் அக்னி கலசம் இடம்பெற்றது ஏன்? இந்த விஷயத்தில் சூர்யா பதிலளிக்காதது ஏன்? ‘ஏன் இந்த அறமற்ற அமைதி’ ” எனக்கூறி, நடிகர் சூர்யாவுக்கு 9 கேள்விகளைக் கேட்டு கடிதமொன்று எழுதினார். இதற்கு பதிலளிக்கும் வகையில், சூர்யா இன்று அவருக்கு பதில் கடிதம் எழுதியுள்ளார். படைப்புச் சுதந்திரம் எந்த சமுதாயத்தையும் இழிவுபடுத்த பயன்படுத்தப் படக்கூடாது: மக்களின் வினாக்களுக்கு விடையளிக்க வேண்டும்!(கடிதம்: https://t.co/VoyQwcsrHa) pic.twitter.com/g1HuK7XFoY — Dr ANBUMANI RAMADOSS (@draramadoss) November 10, 2021 சூர்யா தனது அக்கடிதத்தில், “நீங்கள் குறிப்பிட்டுள்ளதைப் போல, எந்தவொரு குறிப்பிட்ட தனிநபரையோ, சமுதாயத்தையோ அவமதிக்கும் நோக்கம் ஒருபோதும் எனக்கோ, படக்குழுவினருக்கோ இல்லை. சிலர் சுட்டிக்காட்டிய பிழையும், உடனடியாகத் திருத்தி சரி செய்யப்பட்டதை தாங்கள் அறிவீர்கள் என நினைக்கிறேன். ஒரு திரைப்படம் என்பது ஆவணப்படம் அல்ல. ‘இத்திரைப்படத்தின் கதை, சம்பவத்தை அடிப்படையாக் கொண்டு புணையப்பட்டுள்ளது. இதில் வரும் கதாபாத்திரங்கள், பெயர்கள், சம்பவங்கள் அனைத்தும் யாரையும் தனிப்பட்ட அளவில் குறிப்பிடவில்லை என்பதை தெரிவித்துக் கொள்கிறோம்’ என்கிற அறிவிப்பைப் படத்தின் தொடக்கத்திலேயே பதிவு செய்திருக்கிறோம். எளிய மக்களின் நலன்மீது அக்கறையில்லாத யாருடைய கையில் அதிகாரம் கிடைத்தாலும், அவர்கள் ஒரேமாதிரிதான் நடந்து கொள்கிறார்கள். அதில் சாதி, மத, மொழி, இன பேதம் இல்லை. மதிப்புக்குரிய மாநிலங்களவை உறுப்பினர் திரு. @draramadoss அவர்களுக்கு… #JaiBhim pic.twitter.com/tMAqiqchtf — Suriya Sivakumar (@Suriya_offl) November 11, 2021 படத்தின் மூலம் அதிகாரத்தை நோக்கி எழுப்பிய கேள்வியை, குறிப்பிட்ட பெயர் அரசியலுக்குள் சுருக்க வேண்டாம் என்று அன்புடன் கேட்டுக் கொள்கிறேன். ஒருவரைக் குறிப்பிடுவதாக நீங்கள் சொல்லும் அந்தக் கதாபாத்திரத்தின் பெயர், வேறொருவரையும் குறிப்பதாக ஒரு பத்திரிகையாளர் குறிப்பிடுகிறார். எதிர்மறைக் கதாபாத்திரங்களுக்கு எந்த பெயர் வைத்தாலும் அதில் யாரேனும் மறைமுகமாக குறிப்பிடுவதாக கருதப்படுமேயானால், அதற்கு முடிவே இல்லை. அநீதிக்கு எதிராக ஒன்றிணைய வேண்டிய போராட்டக் குரல், பெயர் அரசியலால் மடைமாற்றம் செய்யப்பட்டு நீர்த்துப் போகிறது. நாடு முழுவதிலும் எல்லா தரப்பு மக்களின் பேரன்பும், பேராதவும் எனக்கு இருக்கிறது. விளம்பரத்துக்காக யாரையும் அவமதிக்க வேண்டிய எண்ணமோ, தேவையோ எனக்கு இல்லை என்பதை பணிவுடன் தெரிவித்துக் கொள்கிறேன். சமத்துவம், சகோதரத்துவம் பெருக நாம் அனைவரும் அவரவர் வழியில் தொடர்ந்து செயல்படுவோம்” என்றுள்ளார்.
http://dlvr.it/SCL3Bz

Read More

சென்னையிலிருந்து 80 கி.மீ தொலைவில் தாழ்வு மண்டலம்

வங்கக்கடலில் நகர்ந்துவரும் காற்றழுத்த தாழ்வு மண்டலம், சென்னையிலிருந்து தென்கிழக்கு திசையில் 80 கி.மீ தொலைவில் மையம் கொண்டுள்ளது. சென்னையிலிருந்து தென்கிழக்கு திசையில் 80 கி.மீ தொலைவிலும், புதுச்சேரியிலிருந்து வடகிழக்கு திசையில் 140 கி.மீ தொலைவிலும் தாழ்வு மண்டலம் மையம் கொண்டுள்ளது. இதனால் நேற்று இரவிலிருந்தே சென்னை, திருவள்ளூர், காஞ்சிபுரம், செங்கல்பட்டு உள்ளிட்ட மாவட்டங்களில் தொடர் கனமழை பெய்து வருகிறது. இந்த கனமழை இன்னும் சிலமணி நேரங்கள் நீடிக்கும் எனவும் அறிவிக்கப்பட்டுள்ளது. இந்நிலையில் இந்த காற்றழுத்த தாழ்வு மண்டலம் இன்று மாலை சென்னை அருகே கரையை கடந்து செல்ல உள்ளதாகவும் வானிலை மையம் தெரிவித்திருக்கிறது. கே.கே.நகர் அரசு புறநகர் மருத்துவமனை வார்டுகளுக்குள் புகுந்த மழைநீர்: நோயாளிகள் அவதி 
http://dlvr.it/SCJzkw

Read More

கே.கே.நகர் அரசு புறநகர் மருத்துவமனை வார்டுகளுக்குள் புகுந்த மழைநீர்: நோயாளிகள் அவதி

தொடர் கனமழையால், சென்னை கே.கே.நகர் பகுதியில் உள்ள அரசு புறநகர் மருத்துவமனைக்குள் தண்ணீர் புகுந்ததால் நோயாளிகள் அவதியடைந்துள்ளனர்.   மருத்துவர்கள் அறை, மாத்திரை கிடங்கு, நோயாளிகளுக்கு சிகிச்சை அளிக்கும் அறை, நோயாளிகள் அனுமதிக்கப்படும் அறை, கழிவறை என அனைத்து இடங்களிலும் தண்ணீர் தேங்கியுள்ளது. தொடர் மழை காரணமாக, கடந்த இரண்டு நாட்களுக்கு முன்னரே, மருத்துவமனையில் அனுமதிக்கப்பட்டிருந்த நோயாளிகளை வீட்டிற்கு அனுப்பி வைத்துவிட்டதாக மருத்துவமனை ஊழியர்கள் தெரிவித்தனர். மிகவும் மோசமான உடல் நிலையில் இருந்த இரண்டு பேரை தவிர அனைவரும் வீட்டிற்கு அனுப்பப்பட்டு விட்டதாகத் தெரிவித்துள்ளனர். சளி, காய்ச்சல் காரணமாக தற்போது மருத்துவமனைக்கு சிகிச்சைக்கு வரும் நோயாளிகளும் தேங்கியுள்ள மழை நீரால் கடும் சிரமத்திற்கு ஆளாகியுள்ளனர். விரைவில் மழைநீர் அகற்றப்படும் என சிறப்பு கண்காணிப்பு அதிகாரி விஜயலட்சுமி தெரிவித்துள்ளார்.   இதையும் படிக்க: கூடுவாஞ்சேரியில் வீடுகளை சூழ்ந்த மழைநீர்: தவிக்கும் மக்கள்
http://dlvr.it/SCJzkn

Read More

’கின்னஸ் சாதனை’ - உலகிலேயே மிகவும் குறைமாதப் பிரசவத்தில் பிறந்து உயிர் பிழைத்த குழந்தை

உலகிலேயே மிகவும் குறைமாதப் பிரசவத்தில் பிறந்து உயிர் பிழைத்திருக்கும் முதல் குழந்தை எனும் கின்னஸ் உலகச் சாதனையை படைத்துள்ளது அமெரிக்காவைச் சேர்ந்த குழந்தை.   அமெரிக்காவைச் சேர்ந்த மைக்கேல் செல்லி பட்லர் என்கிற பெண் கடந்த ஆண்டு கர்ப்பம் தரித்திருந்தார். அவருக்கான பிரசவ நாளாக நவம்பர் 11, 2020 ஆம் தேதியை மருத்துவர்கள் குறித்திருந்தனர். இந்நிலையில் ஜூலை 4, 2020 அன்று அப்பெண்ணுக்கு வயிற்றில் வலி ஏற்படவே, மருத்துவர்களிடம் சென்று பரிசோதித்துள்ளார். அப்போது அறுவை சிகிச்சை செய்து வயிற்றில் வளரும் சிசுவை வெளியே எடுக்க வேண்டிய சூழ்நிலை ஏற்பட்டது.   பொதுவாக பிரசவக் காலம் 40 வாரங்கள் ஆகும். ஆனால் இக்குழந்தை 21 வாரங்களிலேயே பிறந்துவிட்டது. அதாவது பிரசவிக்கும் நாளிலிருந்து 132 நாட்களுக்கு முன்னதாகவே குழந்தை பிறந்துள்ளது. குழந்தை உயிருடன் பிறந்தாலும், நிச்சயம் அதிக நாட்கள் வாழாது என டாக்டர்கள் தெரிவித்தனர். குழந்தை உயிர் பிழைக்க 1 சதவீதம் மட்டுமே வாய்ப்புள்ளதாக கூறினர். குழந்தை பிறந்தபோது அதன் எடை வெறும் 420 கிராம்தான். அக்குழந்தையை அதன் பெற்றோரால் அவர்களது உள்ளங்கையில் தூக்க முடிந்தது. அந்த அளவிற்கு குழந்தை சிறியதாக இருந்தது.   இதையடுத்து குழந்தை மருத்துக் குழுவினரின் நேரடி பராமரிப்பில் வளர்ந்து வந்தது. கர்டிஸ் எனும் பெயரிடப்பட்ட அக்குழந்தையின் உடல்நிலை மெல்ல மெல்ல தேறி வந்ததைத் தொடர்ந்து பெற்றோருக்கும் மருத்துவர்களுக்கும் நம்பிக்கை ஏற்பட்டது. 9 மாதங்கள் தொடர் கண்காணிப்புக்குப் பின், குழந்தையின் உயிருக்கு இனி ஆபத்தில்லை என முடிவு செய்த மருத்துவர்கள், கடந்த ஏப்ரல் 6ஆம் தேதி அன்று டிஸ்சார்ஜ் செய்தனர்.   ஜூலை 5, 2021 அன்று குழந்தை அதன் முதல் பிறந்தநாளைக் கொண்டாடியது. உலகிலேயே மிகவும் குறைமாதப் பிரசவத்தில் பிறந்து உயிர் பிழைத்திருக்கும் முதல் குழந்தை எனும் கின்னஸ் உலகச் சாதனையை இது படைத்துள்ளது.   இதையும் படிக்க: ஆன்லைன் மூலம் விநியோகமாகும் ஆடைகளின் பார்சல்களில் கொரோனா பரவுகிறதா? - சீனா சந்தேகம்
http://dlvr.it/SCJzkG

Read More

கல்லறையில் மயங்கி கிடந்த நபரை தூக்கி சென்று மருத்துவமனையில் அனுமதித்த காவல் ஆய்வாளர்

சென்னை கீழ்ப்பாக்கம் கல்லறையொன்றின்மீது மயங்கி விழுந்திருந்த நபரொருவரை, காவல் ஆய்வாளர் தோளில் தூக்கிக் கொண்டு மருத்துவமனைக்கு அழைத்துச்சென்ற சம்பவம் நெகிழ்ச்சியை ஏற்படுத்தியுள்ளது. காற்றழுத்த தாழ்வு மண்டலத்தின் காரணமாக, சென்னையில் நேற்று மாலை தொடங்கிய கனமழை தற்போது காலை வரை தொடர்ச்சியாக பெய்து வருகிறது. மழை காரணமாக மக்கள் பலருக்கும் அவர்களின் இயல்பு வாழ்க்கை பாதித்துள்ளது. அந்தவகையில் தெருவோரங்களில் வசிப்போருக்கு இம்மழை கடும் சேதத்தை ஏற்படுத்தியுள்ளது. கிடைக்கும் இடங்களில் படுத்துறங்கி தங்களின் வாழ்வை நகர்த்துகின்றனர் அம்மக்கள். அந்தவகையில் சென்னை கீழ்ப்பாக்கம் கல்லறையில் வேலை செய்து வரும் உதயா என்பவர் கனமழை காரணமாக கல்லறைக்குள்ளேயே தங்கி இருந்திருக்கின்றார். தொடர்புடைய செய்தி: சென்னை: பிறந்து சில நாட்களே ஆன கைக் குழந்தையுடன் மழை நீரில் சிக்கிய பெண் மீட்பு கனமழை தொடர்ந்த காரணத்தால் உதயா உடல் நிலை பாதிக்கப்பட்டு அங்கேயே மயக்கமாகி இருக்கிறார். அவரை அங்கு கண்ட அப்பகுதி மக்கள், காவல்துறையினருக்கு தகவல் கொடுத்துள்ளனர். தகவல் அறிந்து டி.பி.சத்திரம் காவல் ஆய்வாளர் ராஜேஸ்வரி அங்கு சென்று, முறிந்து விழுந்த மரங்களை அகற்றி உதயாவை தனது தோளில் வைத்து ஆட்டோவில் ஏற்றி கீழ்ப்பாக்கம் அரசு மருத்துவமனைக்கு அனுப்பி வைத்துள்ளார். காவல் ஆய்வாளர் அவரை தூக்கி செல்லும் காட்சி, பார்ப்போரை நெகிழ்ச்சிக்குள்ளாக்கியது. மீட்பு பணியில் காவல்துறையினர் pic.twitter.com/3kUBg8T0h6— ரமேஷ்முருகேசன் (@rameshibn) November 11, 2021
http://dlvr.it/SCJzhW

Read More

கோவேக்சின், கோவிஷீல்டு தடுப்பூசிகளை 96 நாடுகள் அங்கீகரித்துள்ளது - மன்சுக் மாண்டவியா

கோவேக்சின், கோவிஷீல்டு தடுப்பூசிகளை 96 நாடுகள் அங்கீகரித்துள்ளதாக மத்திய சுகாதாரத்துறை அமைச்சர் மன்சுக் மாண்டவியா தெரிவித்துள்ளார். இது தொடர்பாக பேசிய அவர், ''கொரோனா தடுப்பூசிகளாக கோவேக்சின் மற்றும் கோவிஷீல்டு தடுப்பூசிகளை அவசரகால பயன்பாட்டுக்கு உலக சுகாதார நிறுவனம் அங்கீகரித்தது மட்டுமல்லாமல், உலக அளவில் 96 நாடுகளும் ஏற்றுக்கொண்டுள்ளது. கனடா, அமெரிக்கா, ஆஸ்திரேலியா, ஸ்பெயின், இங்கிலாந்து, பிரான்ஸ், ஜெர்மனி, பெல்ஜியம், ரஷ்யா மற்றும் சுவிட்சர்லாந்து ஆகியவை அடங்கும். நாட்டில் இதுவரை 109 கோடிக்கும் அதிகமான கோவிட்-19 தடுப்பூசி டோஸ்கள் செலுத்தப்பட்டுள்ளன. "ஹர் கர் தஸ்தக்" என்ற மெகா தடுப்பூசி முகாம் மூலம் சுகாதாரப் பணியாளர்கள் அனைத்து வீடுகளுக்கும் சென்று தடுப்பூசி போடும் பணியை மேற்கொண்டு வருகின்றனர்'' என்றார்.
http://dlvr.it/SCFSkW

Read More

தங்க கடத்தல் வழக்கு: `யாருக்கு எதிராகப் பாயப்போகிறார் ஸ்வப்னா சுரேஷ்?!' - பரபரக்கும் கேரளம்

கேரள மாநிலத்தின் தலைநகரான திருவனந்தபுரத்தில் உள்ள யு.ஏ.இ தூதரகம் மூலம் தங்கம் கடத்தப்படுவதாக சுங்கத்துறை அதிகாரிகளுக்குக் கடந்த ஆண்டு ரகசியத் தகவல் கிடைத்தது. தூதரக பார்சலை அவ்வளவு எளிதில் சோதனை செய்ய முடியாது என்பதால், ரகசியமாக மத்திய அரசிடம் அனுமதி பெறப்பட்டது. அதன்பின்னர், 2020 ஜூன் 30-ம் தேதி திருவனந்தபுரம் விமானநிலையத்துக்கு யு.ஏ.இ தூதரக பார்சல் வந்தது. பார்சலை உடனடியாக ரிலீஸ் செய்யாமல் சுங்கத்துறை அதிகாரிகள் காலதாமதப்படுத்தினர். பின்னர் 2020 ஜூலை 5-ம் தேதி தூதரக அதிகாரிகள் முன்னிலையில் சோதனை செய்யப்பட்டது. பார்சலில் 30 கிலோ கடத்தல் தங்கம் இருப்பது கண்டுபிடிக்கப்பட்டது. இது தொடர்பாக சுங்கத்துறை வழக்கு பதிவு செய்ததுடன், அந்த பார்சலை பெறுவதற்காகத் தூதரக கடிதத்துடன் வந்த ஸரித் என்பவர் கைது செய்யப்பட்டார். தூதரக பார்சலை விடுவிக்க வேண்டும் என சுங்கத்துறை அதிகாரிகளிடம் போனில் பேசிய ஸ்வப்னா சுரேஷ் தலைமறைவானார்.தங்கம கடத்தல் வழக்கில் சிக்கிய ஸ்வப்னா சுரேஷ் இந்த நிலையில், தங்க கடத்தலுக்குப் பின்னால் பயங்கரவாத கும்பல் உள்ளதாகத் தகவல் வெளியானது. இதையடுத்து என்.ஐ.ஏ விசாரணையில் இறங்கியது. 2020 ஜூலை10-ம் தேதி, யு.ஏ.பி.ஏ குற்றம் சுமத்தப்பட்டு என்.ஐ.ஏ வழக்கு பதிவு செய்தது. மேலும் என்.ஐ.ஏ தீவிர விசாரணை நடத்தி பெங்களூரில் தலைமறைவாக இருந்த ஸ்வப்னா சுரேசையும், அவருடன் இருந்த சந்தீப் நாயர் என்பவரையும் ஜூலை 11-ம் தேதி கைது செய்தது. 2020 அக்டோபர் மாதம் 7-ம் தேதி ஸ்வ்ப்னா சுரேஷ் உள்ளிட்ட மூன்றுபேர் மீது அமலாக்கத்துறை வழக்கு பதிவு செய்தது. இந்த வழக்கில், முக்கிய குற்றவாளியாகக் கருதப்பட்ட ஸ்வப்னா சுரேசுடன் தொடர்பிலிருந்ததாக முதல்வர் பினராயி விஜயனின் முதன்மைச் செயலாளராக இருந்த சிவசங்கரன் கைது செய்யப்பட்டார். தங்க கடத்தல் கும்பலுக்கும் முதல்வர் பினராயி விஜயனுக்கும் தொடர்பு உள்ளதாகக் கூறப்பட்டது. அதேபோல, அன்றைய ஸ்பீக்கராக இருந்த ஸ்ரீராமகிருஷ்ணனுக்கும் இதில் தொடர்பு இருப்பதாகத் தகவல் வெளியானது. மத்திய அரசு ஏஜென்சிகள் விசாரணை நடத்திக் குற்றப்பத்திரிகையும் தாக்கல் செய்தன.சிறையில் இருந்து வெளியே வந்த ஸ்வப்னா சுரேஷ் ஸ்வப்னா சுரேஷ் பலமுறை ஜாமின் கேட்டு மனுத்தாக்கல் செய்தும் கிடைக்கவில்லை. கடும் முயற்சிக்குப் பிறகு கடந்த நவம்பர் 2-ம் தேதி கேரள ஐகோர்ட் ஸ்வப்னாவுக்கு ஜாமின் வழங்கியது. திருவனந்தபுரம் அட்டக்குளங்கரை மகளிர் சிறைச்சாலையிலிருந்து நவம்பர் 5-ம் தேதி வெளியே வந்தார் ஸ்வப்னா சுரேஷ். அவர் விரைவில் மீடியாக்களை சந்திப்பார் என ஸ்வப்னாவின் தாய் பிரபா சுரேஷ் கூறியிருந்தார். ஆனால் சிறையிலிருந்து வெளியே வந்து சில நாள்கள் ஆகியும் அமைதியாக இருந்தார் ஸ்வப்னா சுரேஷ். Also Read: டாலர் கடத்த உதவினாரா பினராயி விஜயன்?! - ஸ்வப்னா சுரேஷ் வாக்குமூலத்தால் சர்ச்சை! இந்த நிலையில், நேற்று கொச்சிக்கு சென்றவர், அங்குச் செய்தியாளர்களைச் சந்தித்துப் பேசினார்.``நான் அம்மாவுடன் சேர்ந்து விரைவில் மீடியாக்களை சந்திப்பேன். மனதளவில் நான் தயாராகி விட்டு உங்களிடம் பேசுவேன். நான் மீடியாக்களைக் கண்டு ஓடி ஒளியவில்லை. இந்த வழக்கு பற்றி இப்போது பேச விரும்பவில்லை. உங்களுடைய எல்லா கேள்விகளுக்கும் கண்டிப்பாக நான் பதிலளிப்பேன். இப்போது கொச்சியில் நான் வழக்கறிஞரைச் சந்திக்க வந்திருக்கிறேன். வழக்கறிஞர் ஆலோசனைப்படி திருவனந்தபுரத்தில் அம்மாவுடன் சேர்ந்து செய்தியாளர்கள் சந்திப்பு நடத்துவேன்" என்றார்.ஸ்வப்னா சுரேஷ் தங்க கடத்தல் வழக்கின் ஆரம்பக்கட்டத்தில் தலைமறைவாக இருந்த ஸ்வப்னா சுரேஷ், தனக்கும் அதற்கும் சம்பந்தம் இல்லை என ஆடியோ ஒன்றை வெளியிட்டிருந்தார். அப்போதுதான் ஸ்வப்னாவின் குரலைக் கேரளம் கேட்டது. அதன்பிறகு இப்போதுதான் 'கேள்விகளுக்குப் பதில் அளிப்பேன்' என மீடியாக்களிடம் பேசியிருக்கிறார் ஸ்வப்னா. அவர் பேசப்போவது மத்திய அரசுக்கு எதிராகவா...மாநில அரசுக்கு எதிராகவா என்ற கேள்வி எழுந்திருக்கிறது. கிட்டத்தட்ட ஒன்றரை ஆண்டாகச் சிறையிலிருந்த ஸ்வப்னா, வழக்கறிஞர் மூலம் ஒரு தகவல் வெளியிட்டிருந்தார். அதில் மத்திய அரசு ஏஜென்சிகள் இந்த வழக்கில் முதல்வர் பினராயி விஜயனுக்குத் தொடர்பு இருப்பதாகக் கூறும்படி வற்புறுத்தியதாகத் தெரிவித்திருந்தார். எனவே அவர் மத்திய அரசு ஏஜென்சிகள் மீதான குற்றச்சாட்டுக்களை வெளியிட வாய்ப்பு இருப்பதாகக் கூறப்படுகிறது. Also Read: தங்கக் கடத்தல் வழக்கு: `விரைவில் செய்தியாளர் சந்திப்பு?!’ - சிறையிலிருந்து வெளியே வந்தார் ஸ்வப்னா
http://dlvr.it/SCFSjg

Read More