முல்லைப்பெரியாறு: ஜான் பென்னிகுயிக்கை இழிவுபடுத்தும் கேரளா; கொந்தளிக்கும் தமிழக விவசாயிகள்!

கேரள மாநிலம் இடுக்கி அருகே செருதோணி பகுதியில் முல்லைப்பெரியாறு அணையை உடைக்க வேண்டும் என்ற கோரிக்கையுடன் கேரள எம்.பி டீன் குரியாக்கோஸ் உண்ணாவிரதப் போராட்டம் மேற்கொண்டார். அணையை உடைக்க வேண்டும் என்ற நோக்கத்துடன் அமைப்பு நடத்தும் வழக்கறிஞர் ரசூல் ஜோய் தொடர்ச்சியாக அணைக்கு எதிராக விஷம பிரசாரம் மேற்கொண்டு வருகிறார். அண்மையில் நடந்த நாடாளுமன்ற மேலவையில் கேரள எம்.பி வகாப், முல்லைப்பெரியாறு அணையை உடைக்க வேண்டும் எனப் பேசினார். இந்நிலையில், நேற்று முல்லைப்பெரியாறு அணைக்கு எதிராக எர்ணாகுளம் முதல் கோதமங்கலம் வரை டூவீலர் பேரணி நடத்தினர். இவ்வாறு முல்லைப்பெரியாறு அணைக்கு எதிராக கேரள அரசியல்வாதிகளும் அமைப்புகளும் சர்ச்சையைக் கிளப்பி வருகின்றனர். இருந்தபோதும் தமிழக விவசாயிகள் தொடர்ந்து அமைதி காத்து வந்தனர். இத்தகையைச் சூழலில், கடந்த இரண்டு நாள்களாக முல்லைப்பெரியாறு அணையைக் கட்டிய கர்னல் பென்னிகுயிக்கை அவமதித்து சமூக வலைதளங்களில் கேரளாவைச் சேர்ந்தவர்கள் அவதூறுகளைப் பரப்பிவருகின்றனர்.விவசாயிகள் போராட்டம் Also Read: ``பென்னிகுவிக் மதுரை வீட்டில் வாழ்ந்ததற்கு எந்த ஆதாரமும் இல்லை!" - அடித்துச் சொல்லும் அரசு இதையறிந்த ஐந்து மாவட்ட விவசாயிகள் தமிழக-கேரள எல்லைப் பகுதியை முற்றுகையிடப் போவதாகவும், இடுக்கி அணை நோக்கி டூவீலர் பேரணி மேற்கொள்ளப் போவதாகவும் அறிவித்தனர். இதற்கு போலீஸார் அனுமதி தரவில்லை. இருந்தபோதிலும் நேற்று காலை தேனி, மதுரை, திண்டுக்கல், சிவகங்கை, ராமநாதபுரத்தைச் சேர்ந்த விவசாயிகள் தனித்தனி வாகனங்களில் தமிழக-கேரள எல்லைப் பகுதியான லோயர்கேம்ப் பகுதிக்கு வந்தனர். பிறகு, அங்குள்ள கர்னல் ஜான் பென்னிகுயிக் நினைவு இல்லத்தில் உள்ள அவரது சிலைக்கு மாலை அணிவித்தனர். பிறகு, முல்லைப்பெரியாறு அணையின் நீர்மட்டத்தை 152 அடியாக உயர்த்த வேண்டும் என்றும், கேரள அரசியல்வாதிகளை முல்லைப்பெரியாறு அணை பகுதிக்குள் அனுமதிக்கக் கூடாது என்றும், அணைக்கு எதிரான விஷம பிரசாரத்தில் ஈடுபடுவோரை குண்டர் சட்டத்தில் கைது செய்ய வேண்டும் என்றும் கோரிக்கை விடுத்தனர். மேலும், முல்லைப்பெரியாறு அணை குறித்து நாடாளுமன்றத்தில் பேசிய கேரள எம்.பி-க்கள் டீன் குரியகோஸ், என்.கே.பிரேமசந்திரன், மேலவை உறுப்பினர் அல்போன்ஸ் கண்ணந்தானம், அப்துல் வகாப் ஆகியோரின் பேச்சுக்களை அவைக்குறிப்பில் இருந்து நீக்க வேண்டும் என்றும் பேபி அணையைப் பலப்படுத்தும் பணிக்காக உச்ச நீதிமன்ற வழிகாட்டு நெறிமுறைகளின் அடிப்படையில் அங்குள்ள 23 மரங்களை வெட்ட வேண்டும் என்பன உள்ளிட்டக் கோரிக்கைகளை வலியுறுத்தி ஆர்ப்பாட்டத்தில் ஈடுபட்டனர். விவசாயிகள் போராட்டம் அறிவித்திருந்ததால் அப்பகுதியில் போலீஸார் குவிக்கப்பட்டிருந்தனர். அப்போது ஐந்து மாவட்ட பெரியாறு-வைகை பாசன விவசாயிகள் சங்கத்தின் ஒருங்கிணைப்பாளர் அன்வர் பாலசிங்கம், ``உச்ச நீதிமன்றமும், மத்திய அரசும் பலமுறை முல்லைப்பெரியாறு அணை பலமாக உள்ளது எனக் கூறியும், கேரளாவில் முல்லைப்பெரியாறு அணைக்கு எதிராகத் தொடர்ச்சியாகப் போராட்டங்கள் நடைபெற்று வருகின்றன. அவர்கள் அங்கு டூவீலர் பேரணி நடத்தினர். ஆனால், தமிழக விவசாயிகள் தங்களின் நியாயமான கோரிக்கையை வெளிபடுத்துவதற்கு போராட்டம் நடத்த அனுமதி மறுக்கப்படுகிறது. தமிழகத்தில் முல்லைப்பெரியாறு அணை கட்டிய கர்னல் ஜான் பென்னிகுயிக் கடவுளாகப் போற்றப்படுகிறார். தென்தமிழகத்தில் அவருடைய படத்தை வைத்து விவசாயிகள் கடவுளாக வணங்குகின்றனர். இந்நிலையில், கேரளாவில் சமூகவலைதளங்களில் கர்னல் ஜான் பென்னிகுயிக் படத்தைப் பதிவிட்டு, பென்னிகுயிக் தமிழகத்துக்கு கடவுள், கேரளத்துக்கு வில்லன் என்றும் தரக்குறைவான வார்த்தைகளில் அவரை விமர்சித்தும் பதிவுகள் போடப்பட்டு இணையத்தில் பரப்புகின்றனர். இதைத் தமிழக விவசாயிகளால் ஏற்றுக்கொள்ள முடியாது. கேரளாவில் முல்லைப்பெரியாறு அணைக்காக நடந்துவரும் தவறான பிரசாரங்களைத் தடுக்க கேரள முதல்வரும் முன்வருவதாகத் தெரியவில்லை. அதேவேளையில் இதற்கெல்லாம் தமிழக அரசியல்வாதிகளிடம் இருந்து எவ்வித எதிர்வினையும் வரவில்லை. கேரளத்தில் முல்லைப்பெரியாறு அணையை இடிக்க வேண்டும் என அனைத்து அரசியல் கட்சியினர் ஒன்று சேர்ந்து போராடுகின்றனர். தமிழகத்தில் அணையைப் பாதுகாக்க அனைத்து அரசியல்வாதிகளும் ஒன்று சேர்ந்து குரல்கொடுக்க தயங்குகின்றனர்'' என்றார்.விவசாயிகள் Also Read: முல்லைப்பெரியாறு அணை திறப்பு: முன்னறிவிப்பு இல்லையென்ற கேரள அரசின் குற்றச்சாட்டு உண்மையா?! முன்னதாக, பென்னிகுயிக் இல்லத்தில் இருந்து திரும்பிய விவசாயிகளை போலீஸார் தடுத்து நிறுத்தினர். இதையடுத்து விவசாயிகள் போலீஸாருடன் வாக்குவாதத்தில் ஈடுபட்டனர். அப்போது குமுளி சாலை சிறிது நேரம் அடைக்கப்பட்டது. இதனால் சபரிமலை செல்லும் ஐயப்ப பக்தர்களின் வாகனங்கள், பேருந்துகள், சரக்கு வாகனங்கள், சுற்றுலா பயணிகளின் வாகனங்கள் இருபுறமும் நிறுத்தப்பட்டன. இதையடுத்து போலீஸார் விவசாயிகளிடம் பேச்சுவார்த்தை நடத்தியதைத் தொடர்ந்து வாகனங்கள் செல்ல ஏற்பாடு செய்யப்பட்டது.
http://dlvr.it/SDvffN

Read More

குரூப்-2, குரூப்-4 தேர்வுகள் எப்போது? - அறிவிப்பு வெளியிட்ட டிஎன்பிஎஸ்சி

2022-ஆம் ஆண்டுக்கான டிஎன்பிஎஸ்சி தேர்வு அட்டவணையை டிஎன்பிஎஸ்சி வெளியிட்டுள்ளது.   தமிழ்நாடு அரசுப் பணியாளர் தேர்வாணையத்தின் (டிஎன்பிஎஸ்சி) தலைவர் பாலச்சந்திரன், 2022ஆம் ஆண்டு நடத்தப்பட உள்ள டிஎன்பிஎஸ்சி தேர்வுகளின் அட்டவணையை வெளியிட்டுள்ளார். அந்த அட்டவணையின்படி, 2022ஆம் ஆண்டு பிப்ரவரி மாதம் குரூப் 2 தேர்வுகளுக்கும், மார்ச் மாதம் குரூப் 4 தேர்வுகளுக்கும் அறிவிப்பு வெளியிடப்படும் என்று அறிவிக்கப்பட்டுள்ளது.   2022-ஆம் ஆண்டில் 5,831 காலிப் பணியிடங்களுக்கு குரூப் 2, குரூப் 2 ஏ தேர்வும், 5,255 காலிப் பணியிடங்களுக்கு குரூப் 4 தேர்வும் நடைபெற உள்ளது. வரும் ஆண்டில், டிஎன்பிஎஸ்சி சார்பில் 32 வகையான தேர்வுகளை நடத்த திட்டமிட்டுள்ளதாகவும், அறிவிப்பு வெளியான 75 நாள்களில் தேர்வுகள் நடைபெறும் என்றும் டிஎன்பிஎஸ்சி தலைவர் பாலச்சந்திரன் தெரிவித்துள்ளார்.   மேலும் அவர் கூறுகையில், ''தேர்வு மையங்களிலிருந்து விடைத் தாள்களைக் கொண்டு வரும் வாகனங்கள் ஜிபிஎஸ் மூலம் கண்காணிக்கப்படும். ஓஎம்ஆர் விடைத்தாளில் உள்ள தேர்வரின் தனிப்பட்ட விவரத்தைக் கொண்டே, விடைத்தாள்கள் திருத்தும் மையங்களுக்குக் கொண்டு வரும் வழியில், விடைத்தாளை திருத்தி முறைகேடு செய்யப்பட்டது. எனவே, இனி, ஓஎம்ஆர் விடைத்தாளில் உள்ள தேர்வரின் தனிப்பட்ட விவரத்தை, தேர்வு முடிந்தபின் தனியாக பிரித்தெடுக்கப்படும். டிஎன்பிஎஸ்சி தேர்வு முறைகேடுகளைத் தடுக்க தீவிர நடவடிக்கை எடுக்கப்படும்'' என்றார்.   இதையும் படிக்க: ரயில் மோதி யானைகள் பலியான விவகாரம்: ரயில்வே அமைச்சகத்தை வழக்கில் சேர்க்க உத்தரவு
http://dlvr.it/SDvfYF

Read More

கோவை மாணவி மரணத்துக்கு காரணமான ஆசிரியரை தூக்கிலிடவேண்டும் - திருச்சி மாணவர்கள் போராட்டம்

கோவை மாணவியின் மரணத்துக்கு காரணமான ஆசிரியரை தூக்கிலிட வலியுறுத்தி, திருச்சியில் 300க்கும் மேற்பட்ட மாணவர்கள் ஆர்ப்பாட்டத்தில் ஈடுபட்டனர்.  கோவையில் 12 ஆம் வகுப்பு படித்துவந்த பள்ளி மாணவி கடந்த 11ஆம் தேதி பாலியல் தொல்லை காரணமாக தற்கொலை செய்துகொண்டார். பள்ளி மாணவிகளை பாலியல் வன்கொடுமை செய்பவர்களையும், அவர்களது மரணத்துக்கு காரணமானவர்களையும், கோவையில் பள்ளி மாணவியின் மரணத்துக்கு காரணமான ஆசிரியரையும் தூக்கிலிட வேண்டும் என வலியுறுத்தி திருச்சி டி.வி.எஸ் டோல்கேட் பகுதியில் 300க்கும் மேற்பட்ட மாணவர்கள் ஆர்ப்பாட்டத்தில் ஈடுபட்டனர்.  ஆன்லைன் தேர்வு: மதுரையில் தடையை மீறி ஆர்ப்பாட்டத்தில் ஈடுபட்ட மாணவர்கள் கைது 
http://dlvr.it/SCjhmr

Read More

மும்பை: `முன்னாள் அமைச்சருக்கு அறிவுரை கூறிய நீதிபதி... இரண்டு நாள்களில் இடமாற்றம்!'

மகாராஷ்டிரா முன்னாள் அமைச்சர் அனில் தேஷ்முக் லஞ்ச ஊழல் வழக்கில் சமீபத்தில் அமலாக்கத்துறையால் கைது செய்யப்பட்டார். அமலாக்கத்துறையின் காவல் முடிந்ததை தொடர்ந்து சிறப்பு நீதிமன்றத்தில் அவர் ஆஜர்படுத்தப்பட்டார். அப்போது, நீதிபதி எச்.எஸ்.சத்பாய், அனில் தேஷ்முக்கை 14 நாள்கள் நீதிமன்ற காவல் வைக்க உத்தரவிட்டார். அப்போது, அனில் தேஷ்முக், உடனே தனக்கு வீட்டுச்சாப்பாடு எடுத்துக்கொள்ள அனுமதிக்கவேண்டும் என்று கேட்டுக்கொண்டார். ஆனால், அதற்கு பதிலளித்த நீதிபதி சத்பாய், ``முதலில் சிறை சாப்பாடு சாப்பிடுங்கள் பிறகு பார்க்கலாம்!" என்று தெரிவித்தார். இந்த சம்பவம் நடந்து அடுத்த இரண்டு நாள்களில், முன்னாள் அமைச்சர் அனில் தேஷ்முக் வீட்டுச் சாப்பாடு எடுத்துக்கொள்ள அனுமதி மறுத்த, நீதிபதி சத்பாய் அதிரடியாக இடமாற்றம் செய்யப்பட்டிருப்பது அதிர்ச்சியை ஏற்படுத்தியிருக்கிறது. மும்பை ஐகோர்ட் மகாராஷ்டிராவின் வறண்ட பகுதிகளில் ஒன்றாகக் கருதப்படும் யவத்மால் மாவட்டத்தின், காலாப்பூர் நீதிமன்றத்துக்கு நீதிபதி சத்பாய் இடமாற்றம் செய்யப்பட்டிருக்கிறார். நீதிபதி சத்பாய், எம்.பி-க்கள், எல்.எல்.ஏ-க்க, முன்னாள் அமைச்சர்கள் என பெரும் புள்ளிகள் பலரின் மீதான வழக்குகளை விசாரித்திருக்கிறார். குறிப்பாகத் தேசியவாத காங்கிரஸ் தலைவர் ஏக்நாத் கட்சே, அனில் தேஷ்முக், சகன் புஜ்பால் ஆகியோர் மீதான வழக்குகளை விசாரித்து வருகிறார். இந்த நிலையில், திடீரென இடமாற்றம் செய்யப்பட்டிருப்பது பல்வேறு தரப்பினரையும் அதிர்ச்சியில் ஆழ்த்தியிருக்கிறது. மும்பை உயர் நீதிமன்ற பதிவாளர், நீதிபதி சத்பாயின் இடமாறுதலுக்கான உத்தரவைப் பிறப்பித்துவிட்டார். இருப்பினும், இந்த இடமாறுதலை ஏற்காமல் மருத்துவ காரணங்களைச் சொல்லி விடுமுறை எடுக்க நீதிபதி சத்பாய் திட்டமிட்டிருப்பதாகக் கூறப்படுகிறது. நீதிபதியின் இடமாறுதலுக்கு வழக்கறிஞர்கள் மத்தியிலும் எதிர்ப்பு வலுத்து வருகிறது. நீதிபதி இடமாற்றம் செய்யப்பட்டிருப்பதால் அனில் தேஷ்முக் மீதான வழக்கு விசாரணையில் பாதிப்பு ஏற்படும் என்று அரசியல் கட்சித் தலைவர்கள் கருத்து தெரிவித்திருக்கின்றனர். Also Read: ``முதலில் சிறை சாப்பாட்டைச் சாப்பிடுங்கள்!" - மகாராஷ்டிரா முன்னாள் அமைச்சருக்கு கோர்ட் அறிவுரை
http://dlvr.it/SCgPNK

Read More

அதிகரிக்கும் காற்று மாசு... திணறும் டெல்லி; விவசாயிகள்மீது பழிபோடுவது சரியா?!

சமீபகாலமாக, தலைநகர் டெல்லியில் காற்று மாசுபாடு பெரும் பிரச்னையாக உருவெடுத்திருக்கிறது. கொரோனா பேரிடர் சமயத்தில் ஊரடங்கு போடப்பட்டிருந்ததால், டெல்லியில் காற்று மாசு குறைந்து காணப்பட்டது. இந்த நிலையில், தற்போது, ஊரடங்கு கட்டுப்பாடுகள் தளர்த்தப்பட்டிருப்பதால், மீண்டும் காற்று மாசு அதிகரிக்கத் தொடங்கியிருக்கிறது. டெல்லியில், காற்றின் தரம் மனிதர்கள் சுவாசிக்கத் தகுதியில்லாத அளவுக்கு மாசடைந்து காணப்படுகிறது. டெல்லியின் பல்வேறு இடங்களிலும் காற்றின் தரக்குறியீடு AQI 400-க்கும் அதிகமாக இருக்கிறது.காற்றின் தரத்தின் அளவு காற்று மாசு காரணமாக டெல்லியில் தீபாவளி பண்டிகைக்குப் பட்டாசு வெடிக்கத் தடை உத்தரவு பிறப்பிக்கப்பட்டிருந்தது. இருந்தபோதிலும், தடையை மீறி சில இடங்களில் பட்டாசு வெடிக்கப்பட்டது. மேலும், டெல்லியைச் சுற்றியிருக்கும் பகுதிகளில், விவசாயிகள் அறுவடைக்குப் பிறகு வேளாண் கழிவுகளைத் தீவைத்து எரித்துவருவதாலும், காற்று மாசு அதிகரித்திருக்கிறது. தலைநகரில் காற்று மாசை, தண்ணீர் தெளித்துக் குறைக்க அரசு நடவடிக்கை எடுத்துவருகிறது. இருந்தபோதிலும், கடந்த மூன்று தினங்களாகக் காற்று மாசின் அளவு அதிகரித்துக்கொண்டேதான் செல்கிறது. டெல்லி காற்று மாசுபாடு தொடர்பான வழக்கு உச்ச நீதிமன்றத்தில், தலைமை நீதிபதி என்.வி.ரமணா, நீதிபதிகள் சந்திரசூட், சூா்ய காந்த் ஆகியோர் அடங்கிய அமர்வுக்கு முன் விசாரணைக்கு வந்தது. அப்போது பேசிய நீதிபதிகள், ``காற்று மாசைக் குறைக்க மத்திய அரசு உடனடியாக நடவடிக்கை எடுக்க வேண்டும். காற்று மாசு தொடர்பாக மத்திய, மாநில அரசுகள் அலட்சியமாக இருக்கக் கூடாது. தேவையான நிதியை ஒதுக்கீடு செய்து, தேவையான நடவடிக்கையை எடுக்க வேண்டும். தேவைப்பட்டால், பொதுமுடக்கத்தை அமல்படுத்துங்கள்" என்று கூறினார்கள்.உச்ச நீதிமன்றம் மேலும், `` இந்தக் காற்று மாசுபாட்டுக்கு விவசாயிகள் வேளாண் கழிவுகளை எரிப்பது மட்டுமே காரணம் இல்லை. தொழிற்சாலைகள், கட்டுமானப் பணிகள், வாகனப் போக்குவரத்து போன்ற முக்கியக் காரணங்களும் உண்டு. வேளாண் பயிர்க்கழிவுகள் எரிப்பைப் பொறுத்தவரை, இரண்டு மாதங்களைத் தவிர அதிகம் இல்லை. இருந்தபோதிலும் தற்போது, பஞ்சாப், ஹரியானா மாநிலங்களில் அதிக அளவில் பயிர்க்கழிவுகள் எரிக்கப்படுகின்றன. அவற்றை இரண்டு வாரங்களுக்கு எரிக்க வேண்டாம் என்று அரசு, விவசாயிகளை வலியுறுத்த வேண்டும். ஊழியர்களை வீட்டிலிருந்து பணியாற்ற அனுமதிப்பது தொடர்பாக அரசு ஆய்வு செய்ய வேண்டும். மேலும், உத்தரப்பிரதேசம், ஹரியானா, பஞ்சாப் உள்ளிட்ட மாநிலங்களின் தலைமைச் செயலாளர்கள் உடனடியாக அவசர ஆலோசனைக் கூட்டம் நடத்த வேண்டும்" என்று நீதிபதிகள் தெரிவித்தனர். Also Read: சென்னையில் அதிகரிக்கும் காற்று மாசுபாடு; அச்சுறுத்தும் வெட் பல்பு டெம்பரேச்சர்! உச்ச நீதிமன்றத்தில் இதற்கு பதிலளித்த மத்திய அரசு, ``டெல்லியின் காற்று மாசுபாட்டுக்கு விவசாயிகள் பயிர்களை எரிப்பது முக்கியக் காரணமில்லை என்ற மத்திய அரசின் கருத்தை நீதிமன்றம் கவனத்தில் எடுத்துக்கொண்டது குறிப்பிடத்தக்கது. மேலும், டெல்லி காற்று மாசுபாட்டுக்கு விவசாயிகள் வேளாண் கழிவுகளை எரிப்பது 10 சதவிகிதம்தான் காரணம். வாகன தூசு, தொழிற்சாலை, கட்டுமானப் பணி, மின்சாரம் போன்றவைதான் மாசுபாட்டுக்கு மிக முக்கியக் காரணங்கள்" என்று தெரிவித்திருந்தது.டெல்லி காற்று மாசு இந்த விவகாரத்தில், உச்ச நீதிமன்றத்தின் கருத்தை ஏற்று தாங்கள் பொதுமுடக்கத்தை அமல்படுத்தத் தயாராக இருப்பதாக டெல்லி அரசு சார்பில் தெரிவிக்கப்பட்டது. மேலும், உச்ச நீதிமன்ற உத்தரவைத் தொடர்ந்து, அவசர ஆலோசனைக் கூட்டத்துக்கும் மத்திய அரசு அழைப்பு விடுத்திருந்தது. இன்று நடைபெற்ற அந்த ஆலோசனைக் கூட்டத்தில், ``டெல்லியில், கட்டுமானப் பணிகள், தொழிற்சாலை நடவடிக்கைகள் தற்காலிகமாக நிறுத்திவைக்கப்படும். மேலும், வார இறுதி நாள்களில் ஊரடங்கு அமல்படுத்த வேண்டும். ஊழியர்கள் வீட்டிலிருந்து வேலை செய்ய வேண்டும். டெல்லி புறநகர் ஒட்டிய பகுதிகளில் விவசாயிகள் வேளாண் கழிவுகளை எரிக்கக் கூடாது" என்று டெல்லி அரசு சார்பில் தெரிவிக்கப்பட்டது. Also Read: தலைநகரை மிரட்டும் காற்று மாசுபாட்டிற்கு என்ன காரணம்.? இது தமிழகத்தை தாக்குமா.? #VikatanInfographics
http://dlvr.it/SCgPMy

Read More

மின்சாரம் தாக்கி உயிரிழந்த குட்டி; தட்டி எழுப்ப முயற்சி செய்த தாய் யானை; உருகவைத்த வீடியோ!

யானைகள் மிகவும் அறிவுபூர்வமான ஓர் காட்டுயிர். யானைகள் எந்தளவுக்கு வலிமையானவேயோ, அதே அளவுக்கு மெல்லிய இதயத்தை கொண்டவை. அதனால்தான், ஒவ்வொரு முறையும் யானைகளுக்கு எதிராக நடக்கும் அநீதிகள் அதிக வலியை கொடுக்கும். தமிழக – கேரள எல்லையான மேற்கு தொடர்ச்சி மலைப்பகுதியில் ஏராளமான காட்டு யானைகள் இருக்கின்றன.மின்சாரம் தாக்கி உயிரிழந்த யானை Also Read: பள்ளத்தில் விழுந்து விபத்து; பலனளிக்காத சிகிச்சை; பரிதாபமாக உயிரிழந்த குட்டி யானை! வனத்தை ஒட்டி நடந்த ஏராளமான மாற்றங்களால், யானைகள் உணவுக்காகவும் குடிநீருக்காகவும் ஊருக்குள் வருவது தவிர்க்க முடியாததாகிவிட்டது. ஆனால், அப்படி வரும் யானைகள் ரயில் அடிபட்டு இறப்பதும், பள்ளங்களில் விழுந்தும், மின் வேலியில் சிக்கி உயிரிழப்பதும் தொடர் கதையாகி வருகிறது. இந்நிலையில் கேரள மாநிலம் பாலக்காடு மாவட்டம் மலம்புழா அணை அருகில் ஓர் மூன்று வயது மதிக்கத்தக்க ஆண் காட்டு யானை வலம் வந்துள்ளது. அப்போது கோயில் நிலத்தை கடக்க முயற்சி செய்தபோது, அங்கு அமைக்கப்பட்டிருந்த மின்வேலியில் சிக்கி, மின்சாரம் தாக்கி பரிதாபமாக உயிரிழந்தது. இதையடுத்து, வனத்துறையினர் யானையை மீட்கும் பணியில் ஈடுபட்டனர். அப்போது அங்கு வந்த தாய் யானை உயிரிழந்த குட்டி யானையை தன் தும்பிக்கையால் தட்டி தடவி எழுப்பும் முயற்சியில் ஈடுபட்டது. ஆனால் குட்டி அசைவில்லாமல் இருந்ததால், தாய் யானை ஏமாற்றத்துடன் நகர்ந்து சென்றது. இதை அங்கிருந்த பொதுமக்களும் வனத்துறையும் வீடியோவாக எடுத்துள்ளனர். மின்சாரம் தாக்கி உயிரிழந்த குட்டி.. தட்டி எழுப்ப முயற்சித்த தாய் யானை.. மனதை உருக்கும் சம்பவம். வைரலாகும் வீடியோ. #Kerala | #Elephant | #ViralVideo pic.twitter.com/B4wxTPzRQC— பசுமை விகடன் (@PasumaiVikatan) November 17, 2021 Also Read: தந்தங்கள் வெட்டி எடுக்கப்பட்ட நிலையில் உயிரிழந்த யானை; பின்னணியில் வேட்டை கும்பலா? தாய் யானை அங்கிருந்து சென்றவுடன் வனத்துறையினர் உடற்கூறாய்வு பணியை மேற்கொண்டனர். உயிரிழந்த குட்டி யானையை, தாய் யானை எழுப்ப முயற்சி செய்யும் காட்சி பார்ப்போரின் கண்களை கலங்க வைத்தது.
http://dlvr.it/SCgPLL

Read More

பழங்குடியினத் தலைவர்களைக் கொண்டாடும் பாஜக அரசு... பின்னணி என்ன?!

``இந்திய தேசத்தைக் கட்டியெழுப்புவதில் பழங்குடிச் சமுதாயத்தின் பங்கு அளப்பரியது. பழங்குடியினர்தான் நாட்டின் உண்மையான ஹீரோக்கள். காங்கிரஸ் அரசு ஓட்டு வங்கிக்காக மட்டுமே பழங்குடிகளைப் பயன்படுத்திக்கொண்டது. அவர்களுக்காக எந்தத் திட்டத்தையும் அவர்கள் செயல்படுத்தவில்லை. பழங்குடிகளின் சாதனையை வெளியில் சொல்லாமல், அனைத்தையும் மூடிமறைத்துவிட்டனர். அவர்களுக்குப் பழங்குடியினரின் நலன் பற்றிக் கவலையில்லை. ஆனால், நாங்கள் பழங்குடி மக்களைக் கொண்டாடுகிறோம். அதை, இங்கிருக்கும் சிலரால் பொறுத்துக்கொள்ள முடியவில்லை. பழங்குடியினர்தான் நாட்டின் உண்மையான ஹீரோக்கள்" என உணர்ச்சிப்பெருக்குடன் பேசியிருக்கிறார் பிரதமர் மோடி.பழங்குடியின விழாவில் பிரதமர் மோடி பிர்சா முண்டா தினம்: கடந்த திங்கட்கிழமை, மத்தியப் பிரதேச மாநிலத்தில் நடைபெற்ற பழங்குடியின விடுதலைப் போராட்ட வீரர் பிர்சா முண்டா பிறந்தநாள் விழாவில் பிரதமர் மோடி, ம.பி முதலமைச்சர் சிவராஜ் சிங் சௌஹான், ஆளுநர், மத்திய அமைச்சர்கள் உள்ளிட்டோர் கலந்துகொண்டனர். இந்த நிகழ்ச்சியையொட்டி `ரேஷன் ஆப்கே கிராம்', `50 ஏகலைவா மாதிரி உண்டு, உறைவிடப்பள்ளி', 'சிவப்பணு சோகை தடுப்பு திட்டம்' உள்ளிட்ட பல்வேறு பழங்குடி நலத்திட்டங்களை மோடி தொடங்கிவைத்தார். பின்னர் நிகழ்ச்சியில் பங்கேற்றவர்களிடம் உரையாடிய பிரதமர் மோடி, ``இந்தியா தனது முதலாவது பழங்குடியினர் கௌரவ தினத்தை (ஜன்ஜதியா கௌரவ் திவஸ்) கொண்டாடுகிறது. சுதந்திரத்துக்குப் பின்னர் நாட்டில் முதன்முறையாக இத்தகைய பெரும் அளவிலான பழங்குடியினச் சமுதாயத்தின் முழுமையான கலை - கலாசாரம், விடுதலைப் போராட்டம் உள்ளிட்டவற்றில் அவர்களின் பங்கு நினைவுகூரப்பட்டு பெருமையுடன் கௌரவிக்கப்படுகிறது" என்றார்.பழங்குடித் தலைவர் பிர்சா முண்டாவுக்கு மரியாதை செலுத்தும் மோடி பழங்குடியினர்தான் ஹீரோக்கள், காங்கிரஸ் மறைத்துவிட்டது! தொடர்ந்து பேசிய மோடி, ``இன்று தேசத்தைக் கட்டமைப்பதில் பழங்குடியினச் சமுதாயத்தின் பங்கு குறித்து நாம் தேசிய அரங்குகளில் விவாதிக்கும்போது, சிலர் வியப்படைகிறார்கள். அவர்களுக்கு இந்திய கலாசாரத்தை வலுப்படுத்துவதில் பழங்குடியினச் சமுதாயம் எந்த அளவுக்கு பங்களித்திருக்கிறது என்பது தெரியாது! பழங்குடியினச் சமுதாயத்தின் பங்களிப்பு குறித்து நாட்டுக்குச் சொல்லப்படாததும், அவ்வாறு சொன்னாலும் மிகக் குறைந்த அளவு தகவல்களை அளித்து வந்ததும்தான் இதற்குக் காரணம். சுதந்திரத்துக்குப் பின்னர் பல பத்தாண்டுகளாக நாட்டின் ஆட்சியை நடத்தியவர்கள், தங்களது சுயநல அரசியலுக்கு முன்னுரிமை அளித்ததால்தான் இவ்வாறு நடந்தது!" என முந்தைய காங்கிரஸ் கட்சியைக் குற்றம்சுமத்தினார்.பிர்சா முண்டா பழங்குடியினர்களைக் கொண்டாடும் கட்சி பாஜக-தான்! ஆனால் இப்போதைய பாஜக ஆட்சியில், நாட்டின் இதர பகுதிகளில் கிடைப்பதுபோல இன்று பழங்குடியினப் பகுதிகளில் ஏழைகளுக்கு வீடுகள், கழிவறைகள், இலவச மின்சாரம், எரிவாயு இணைப்புகள், பள்ளி, சாலை, இலவச சிகிச்சை போன்ற வசதிகள் வேகமாகக் கிடைத்துவருகின்றன. மத்திய அரசின் அனைத்து நலத்திட்டங்களிலும் பழங்குடியின மக்கள் அதிகம் வசிக்கும் பின்தங்கிய மாவட்டங்களுக்கு முன்னுரிமை அளிக்கப்பட்டுவருகிறது" என்றார்.பிர்சா முண்டா மேலும், `` முன்பு அரசில் இருந்தவர்கள் இந்தப் பகுதிகளைச் சுரண்டும் கொள்கையைப் பின்பற்றிவந்தார்கள். நாங்கள் இந்தப் பகுதிகளின் வளங்களை முறையாகப் பயன்படுத்தும் கொள்கையைப் பின்பற்றிவருகிறோம். வனச்சட்டங்களை மாற்றியமைத்ததன் மூலம் வன வளங்கள் பழங்குடியினச் சமுதாயத்துக்கு கிடைக்குமாறு வழிவகை செய்யப்பட்டுள்ளது. பழங்குடியின இளைஞர்களின் கல்வி மற்றும் திறன் மேம்பாட்டில் தனிகவனம் செலுத்தப்பட்டுவருகிறது. கடந்த ஏழு ஆண்டுகளில் ஒன்பது புதிய பழங்குடி ஆராய்ச்சி நிறுவனங்கள் அமைக்கப்பட்டுள்ளன. புதிய கல்விக் கொள்கையில் வலியுறுத்தப்பட்டுள்ள தாய்மொழி, பழங்குடியின மக்களுக்குப் பயனளிக்கும்" எனத் தொடர்ந்து பழங்குடி மக்கள்மீதான பாஜக-வின் அக்கறையை வெளிப்படுத்தினார். திடீர் அக்கறை..?! இந்த ஆண்டு ஆகஸ்ட் 15-ம் நாள் நடைபெற்ற இந்தியாவின் 75-வது சுதந்திர தினச் சிறப்பை ஆண்டு முழுவதும் கொண்டாடும்விதமாக, மத்திய பாஜக அரசு பல்வேறு நிகழ்ச்சிகளை நடத்தியும், சுதந்திரப் போராட்டத் தலைவர்களை கௌரவித்து விழாக்கள் நடத்தியும்வருகிறது. அந்தவகையில் நாட்டி சுதந்திரத்துக்காக பிரிட்டிஷாரை எதிர்த்துப் போராடிய பழங்குடியினத் தலைவர் பிர்சா முண்டாவின் பிறந்தநாளை `பழங்குடிகள் கௌரவ தின’மாக அறிவித்துக் கொண்டாடியிருக்கிறது. மேலும், பல்வேறு நலத்திட்டங்களை அறிவித்திருக்கிறது.சுதந்திர தினம் பிரதமர் மோடி ஆனால், சுதந்திரத்துக்காகப் போராடிய பழங்குடி மக்களை கௌரவிப்பது மட்டுமே பாஜக-வின் நோக்கமல்ல, அதன் பின்னணியில் வலுவான ஓர் அரசியல் ஆதாயமும் இருப்பதாக அரசியல் விமர்சகர்கள் கூறியிருக்கின்றனர். அதாவது, மத்தியப் பிரதேச மாநிலம் கடந்த 2003-ம் ஆண்டிலிருந்து 2018-ம் ஆண்டுவரை பாஜக-வின் அசைக்க முடியாத கோட்டையாக இருந்துவருகிறது. குறிப்பாக, 2005-ல் இருந்து 2018 வரை சிவராஜ் சிங் சௌஹான் தலைமையில் பாஜக ஆட்சி நடைபெற்றுவந்தது. அந்த நிலையில், 2018-ம் ஆண்டு நடைபெற்ற சட்டமன்றத் தேர்தலில், எதிர்பாராதவிதமாக காங்கிரஸ் கட்சி ஆட்சியைப் பிடித்தது. காங்கிரஸ் சார்பாக கமல்நாத் முதல்வரானார். இது பாஜக-வை அதிர்ச்சியில் ஆழ்த்தியது.சிவராஜ் சிங் சௌஹான் அதன் பின்னர், காங்கிரஸ் கட்சியை ஆட்சியிலிருந்து வீழ்த்த வேண்டும் என மிகத் தீவிரமாகச் செயல்பட்ட பாஜக, காங்கிரஸ் கட்சியின் எம்.எல்.ஏ-க்களை தன்பக்கம் இழுத்தது. இதனால் பெரும்பான்மையை இழந்த காங்கிரஸ் முதல்வர் கமல்நாத், தனது பதவியை ராஜினாமா செய்தார். வெறும் ஒன்றைரை ஆண்டுகளில் காங்கிரஸ் கட்சியின் ஆட்சி கவிழ்ந்தது. 2020-ம் ஆண்டு மத்தியப் பிரதேசத்தில் மீண்டும் பாஜக ஆட்சி அமைந்தது, சிவராஜ் சிங் சௌஹான் முதல்வரானார். அதிலிருந்து சுதாரித்துக்கொண்ட பாஜக, எந்தவகையிலும் காங்கிரஸ் மீண்டெழுவதற்கான வாய்ப்பைக் கொடுத்துவிடக் கூடாது என மிக கவனமாகச் செயல்பட்டுவருகிறது. மாநில சட்டமன்றத் தேர்தல் மட்டுமல்லாமல், 2024-ம் ஆண்டு நடைபெறவிருக்கும் நாடாளுமன்றத்தேர்தலிலும் வெற்றிபெற்று ஆட்சியைத் தக்கவைத்துவிட வேண்டும் என உறுதியாக இருக்கிறது. இதன் காரணமாக, பாஜக-வின் வாக்குவங்கி சரிந்த தொகுதிகளிலும், சமுதாய மக்களிடமும் மீண்டும் தனது செல்வாக்கை நிலைநாட்டுவதற்காகத் திட்டமிட்டு வேலை செய்துவருகிறது.கமல்நாத் முக்கியமாக, மத்தியப்பிரதேசம், ஜார்க்கண்ட், சத்திஸ்கர் போன்ற மாநிலங்களில் பழங்குடியின மக்கள் அதிகமாக வாழும் ரிசர்வ் தொகுதிகளில் கணிசமான வாக்குவங்கியையும், வெற்றிவாய்ப்பையும் பாஜக இழந்திருக்கிறது. குறிப்பாக, அந்த மாநிலங்களில் நடந்து முடிந்த, கடந்த சட்டமன்றத் தேர்தல்களை எடுத்துக்கொண்டால், ஜார்க்கண்டில் உள்ள 28 ரிசர்வ் தொகுதிகளில் இரண்டு தொகுதிகளிலும், சத்திஸ்கரில் உள்ள 29 ரிசர்வ் தொகுதிகளில் மூன்று தொகுதிகளிலும் மற்றும் மத்தியப் பிரதேசத்தில் உள்ள 47 ரிசர்வ் தொகுதிகளில் 16 தொகுதிகளிலும் மட்டுமே பாஜக வெற்றிபெற்றிருக்கிறது. மற்ற தொகுதிகளில் படுதோல்வியைச் சந்தித்திருக்கிறது.பாஜக - காங்கிரஸ் ஆகவே, பழங்குடியினர் அதிகமாக வாழும் ரிசர்வ் தொகுதிகளில், வாங்குவங்கியை அதிகரிக்கவும், தோல்வியடைந்த தொகுதிகளில் மீண்டும் வெற்றிபெறவும், வெற்றிபெற்ற தொகுதிகளை மீண்டும் தக்கவைத்துகொள்வதற்காகவும் பாஜக மேற்கொண்டுவரும் மெகா திட்டத்தின் ஒரு பகுதியே, பழங்குடிகள் மீதான அக்கறையும், பிர்சா முண்டா பிறந்தநாள் கொண்டாட்டம், அவர்கள் நலன்சார்ந்த திட்டங்களும் என அரசியல் விமர்சகர்கள் கருத்து தெரிவித்திருக்கின்றனர்.
http://dlvr.it/SCgPJh

Read More