‘Poimo’ ஜப்பான் நாட்டு ஆராய்ச்சியாளர்கள் உருவாக்கியுள்ள போர்டபிள் இ-ஸ்கூட்டர்

ஜப்பான் நாட்டை சேர்ந்த ஆராய்ச்சியாளர்கள் ‘Poimo’ என்ற பெயரில் போர்டபிள் இ-ஸ்கூட்டரை வடிவமைத்துள்ளனர். எளிதில் பேக்-பேக்கிற்குள் (BackPack) வைத்து இந்த ஸ்கூட்டரை எடுத்து செல்ல முடியும் எனவும் வடிவமைப்பாளர்கள் தெரிவித்துள்ளனர். மின்சார மோட்டாரில் இயங்கும் இந்த ஸ்கூட்டரை டோக்கியோ பல்கலைக்கழக ஆராய்ச்சி படிப்பு மாணவர்கள் வடிவமைத்துள்ளனர்.  ‘Poimo’ is an inflatable scooter developed by researchers from Tokyo University, offering mobility in different shapes to commuters pic.twitter.com/B6rxAApKVL — Reuters (@Reuters) December 17, 2021    நான்கு சக்கரங்களை கொண்டுள்ள இந்த Poimo ஸ்கூட்டரில் மணிக்கு 15 கிலோ மீட்டர் வேகத்தில் பயணிக்க முடியும் என தெரிவிக்கப்பட்டுள்ளது. தெர்மோபிளாஸ்டிக் பாலியூரிதீன் கொண்டு உருவாக்கப்பட்டுள்ள இந்த ஸ்கூட்டரை பலூன் போல காற்றை நிரப்பி எளிதாக பயன்படுத்த முடியும். அதன் மீது ஏறி அமர்ந்தால் ஸ்கூட்டர் ஸ்டார்ட் ஆகும் என தெரிவிக்கப்பட்டுள்ளது. இறங்கினால் அடுத்த நொடி ஆப் ஆகும் எனவும் சொல்லப்பட்டுள்ளது.  வெறும் இரண்டே நிமிடத்தில் இந்த ஸ்கூட்டரில் காற்று நிரப்பி பயன்படுத்த முடியும் எனவும் ஆராய்ச்சியாளர்கள் தெரிவித்துள்ளனர். ஒரு முறை சார்ஜ் செய்தால் 90 நிமிடங்கள் வரை பயன்படுத்த முடியுமாம். வரும் 2022-இல் இந்த வாகனம் ஜப்பான் சந்தையில் விற்பனைக்கு வரும் என எதிர்பார்க்கப்படுகிறது.  
http://dlvr.it/SFcmcZ

Read More

கென் - பெட்வா நதிநீர் இணைப்பு: உ.பி. தேர்தலும், உருவாகும் சூழலியல்கேடுகளும்?! - ஒரு பார்வை

உத்தரப்பிரதேசத்திலிருக்கும் கென் நதியையும், மத்தியப்பிரதேசத்திலிருக்கும் பெட்வா நதியையையும் இணைக்கும், `கென்-பெட்வா நதிநீர் இணைப்புத் திட்டத்துக்கு' மோடி தலைமையிலான மத்திய கேபினட் அமைச்சரவை ஒப்புதல் அளித்திருக்கிறது. அடுத்த ஆண்டு உ.பி. தேர்தல் நடைபெறவிருக்கும் நிலையில், இந்த திட்டத்தை செயல்படுத்த முனைப்பு காட்டி வருகிறது பா.ஜ.க அரசு. இந்தியாவின் முதல் மிகப்பெரிய நதிநீர் இணைப்புத்திட்டம் என பெருமைகொள்ளப்பட்டாலும், இதனால் ஏற்படவிருக்கும் சூழலியல் பிரச்னைகள், மீட்டெடுக்க முடியாத பேரழிவுகளை ஏற்படுத்தும் என சூழலியல் செயற்பாட்டாளர்கள் அச்சம் தெரிவித்திருக்கின்றனர்.மோடி இந்தியாவில் நதிநீர் இணைப்பு என்பது 40 ஆண்டுகளைக் கடந்த கனவுத்திட்டம். 1980-ம் ஆண்டே அப்போதைய இந்திய அரசால், தேசிய நதிநீர் இணைப்புத்திட்டத்துக்கு அடித்தளமிடப்பட்டது. அதன்படி, இமயமலையின் 14 நதிகளையும், தென் தீபகற்பத்தின் 16 நதிகளையும் இணைக்க திட்டமிடப்பட்டது. ஆனால், மிகப்பெரிய அளவிலான நிதித்தேவை, மாநில அரசுகளுக்கிடையேயான முரண்பாடு, சுற்றுச்சூழல், வனத்துறை அனுமதி கிடைப்பதில் சிக்கல், சூழலியலாளர்களின் எதிர்ப்பு உள்ளிட்ட பல்வேறு காரணங்களால், பல ஆண்டுகளாக கிடப்பில் போடப்பட்டிருந்தது. இருப்பினும், அவ்வப்போது புதிய அறிவிப்புகள் வருவதும், அவை செயல்பாட்டுக்கு வராமல் அறிவிப்போடு நின்றுபோய்விடுவதும் வாடிக்கையாக இருந்து வந்தது. இந்த நிலையில், 2014-ம் ஆண்டு ஆட்சிக்கு வந்த மோடி தலைமையிலான பா.ஜ.க அரசு, நதிநீர் இணைப்பு திட்டத்தில் கூடுதல் கவனம் செலுத்தத் தொடங்கியது. அதனைத்தொடர்ந்து 2015-ம் ஆண்டு டெல்லியில் நடைபெற்ற தேசியநதிநீர் இணைப்புத் திட்டத்துக்கான சிறப்புக் குழு 5-வது கூட்டத்தில், மறைந்த முன்னாள் மத்திய அமைச்சர் சன்வர் லால் ஜாட், ``தேசம் முழுவதும் உள்ள நதிகளை இணைப்பதற்காக, தேசிய நதிகள் இணைப்பு திட்டத்தைச் செயல்படுத்த பா.ஜ.க அரசு திட்டமிட்டிருக்கிறது. இந்த மெகா திட்டத்தின் மூலம் நீண்டகால அடிப்படையில் நாட்டின் நீர் மற்றும் உணவுப் பாதுகாப்பு உறுதி செய்யப்படும். மேலும், முதல்கட்டமாக, கென்-பெட்வா நதிகளை இணைக்கும் திட்டம் செயல்படுத்தப்படும். இதற்காக சுற்றுச்சூழல், வனவிலங்கு மற்றும் வனத்துறை தொடர்பான பல்வேறு அமைப்புகளிடம் அனுமதி கோரப்பட்டிருந்தது" என அறிவித்தார்.சன்வர் லால் ஜாட் இந்த நிலையில், கென்-பெட்வா நதிகள் இணைப்புத் திட்டத்தை செயல்படுத்துவதற்காக, கடந்த 2021 மார்ச் 22-ம் தேதி மத்திய அரசுக்கும், உத்தரப்பிரதேசம் மற்றும் மத்தியப்பிரதேசம் மாநிலங்களுக்கும் இடையே புரிந்துணர்வு ஒப்பந்தம் கையெழுத்தானது. அதனைத்தொடர்ந்து, கடந்த டிசம்பர் 8-ம் தேதி, மோடி தலைமையிலான கேபினட் அமைச்சரவை, கென்-பெட்வா நதிநீர் இணைப்புத் திட்டத்துக்கான ஒப்புதலை வழங்கியிருக்கிறது.உ.பி. - ம.பி. வரைபடம் இந்த திட்டத்தின் முக்கிய அம்சமாக, ``ஆண்டுக்கு 10.62 லட்சம் ஹெக்டேர் நிலங்கள் பாசன வசதிபெறும், சுமார் 62 லட்சம் மக்களுக்கு குடிநீர்வசதி கிடைக்கும், 103 மெகாவாட் நீர்மின் உற்பத்தி மற்றும் 27 மெகாவாட் சூரிய மின்சக்தி உற்பத்தி செய்யப்படும்” என மத்திய அரசு தனது அறிக்கையில் தெரிவிக்கிறது. மேலும், ``உத்தரப்பிரதேச மாநிலத்தின் பண்டா (Banda), மஹோபா (Mahoba), ஜான்சி (Jhansi), லலித்பூர் (Lalitpur) ஆகிய நான்கு மாவட்டங்கள், மத்தியப் பிரதேசத்தின் பன்னா (Panna), திகம்கர் (Tikamgarh), சத்தர்பூர் (Chhatarpur), சாகர் (Sagar), டாமோஹ் (Damoh), தாதியா (Datia), விதிஷா (Vidisha), ஷிவ்புரி (Shivpuri), ரைசன் (Raisen) ஆகிய ஒன்பது மாவட்டங்களையும் சேர்த்து மொத்தம் 13 மாவட்டங்கள் பயனடையும் என மத்திய அரசு கூறுகிறது. Also Read: உத்தரப்பிரதேசம்: மோடியின் வாரணாசி விசிட்... `பூர்வாஞ்சல்’ கணக்கு?! - ஓர் அரசியல் பார்வை ஆனால், சுற்றுச்சூழல் செயற்பாட்டாளர்கள் இந்தத் திட்டத்தை `பேரழிவு' என எச்சரிக்கின்றனர். இந்த திட்டத்தினால் ஏற்படும் பாதிப்புகள் குறித்து பேசிய பூவுலகின் நண்பர்கள் சுந்தர்ராஜன், ``கென் - பெட்வா நதிநீர் இணைப்புத் திட்டத்தின்மூலம் கென் நதியிலிருந்து உபரி நீரை பெட்வா நதிக்கு கொண்டுசெல்வதாகக் கூறுகின்றனர். முதலில், இந்தியாவில் உள்ள எந்த நதியிலும் உபரிநீர் கிடையாது என தேசிய நீர்வளத்துறையே கூறியிருக்கிறது. இந்த கென், பெட்வா நதிகள் வேறுவேறு திசைகளில், இருவேறு மாநிலங்களில் பயணித்தாலும் அவை ஒரே இடத்தில்தான் உருவாகின்றன. எனவே, அதிகமாக மழைபெய்யும்போது இருநதிகளிலும் வெள்ளம் ஏற்படும், வறட்சியின்போது இருநதிகளிலும் தண்ணீர் இல்லாமல்தான் போகும். உண்மைநிலை இப்படி இருக்கும்போது, இந்ததிட்டத்தால் அரசு எதிர்பார்க்கும் எவ்வித நன்மைகள் அந்தப் பகுதிமக்களுக்குப்போய் சேராது. மாறாக மாபெரும் சுற்றுச்சூழல் பிரச்னைகள்தான் ஏற்படும்" என்றார்.சுந்தர்ராஜன் எந்தமாதிரியான பிரச்னைகள் ஏற்படும் எனக் கேட்டபோது, ``இந்த நதிநீர் இணைப்பின் முக்கிய அங்கமாக, டௌதான் (Daudhan) என்ற பகுதியில் மிகப்பெரிய அணைகட்ட திட்டமிடப்பட்டிருக்கிறது. இந்த அணை அமையவிருக்கும் பகுதி `பன்னா தேசிய புலிகள் காப்பகத்தின்' பரப்பளவுக்குள் வருகிறது. தேசிய நீர்வள அமைப்பின் கணக்குப்படி, அணை கட்டுமானப்பணிகளுக்காக சுமார் 46 லட்சத்துக்கும் மேற்பட்ட மரங்கள் வெட்டப்படும் வாய்ப்பிருக்கிறது. மேலும், 9,000 ஹெக்டேர் நிலங்கள் நீரில் மூழ்கும் அபாயமும் உள்ளது. இதனால், புலிகள் உட்பட பல அரிய உயிரினங்கள் பெருமளவு உயிரிழக்கக்கூடும்" என்று கூறினார்.பன்னா தேசிய புலிகள் காப்பகம் மேலும், ``ஒருபக்கம் அரசாங்கம் Project Tiger எனும் பெயரில் புலிகளைப் பாதுகாக்க, அதன் எண்ணிக்கையை அதிகரிக்கப்போவதாக கூறிவருகிறது. மறுபக்கம் அதன் வாழ்விடங்களை அழிக்கும்வகையில் இந்த திட்டத்திற்கு ஒப்புதல் வழங்கியிருக்கிறது. உண்மையில், இந்த திட்டத்தால் எந்தவித சமூக-பொருளாதார முன்னேற்றங்களும் ஏற்படப்போவதில்லை. இந்த திட்டத்தை 44 ஆயிரம் கோடி ரூபாயில் செயல்படுத்தப்போவதாகக் கூறுகிறார்கள், அந்த தொகையில் வெறும் 10% தொகையை செலவழித்து அந்தந்தப் பகுதிகளில் இருக்கும் நீர்நிலைகள், குளம், ஏரிகளை சரிசெய்து, பெருமளவிலான மரங்களை நட்டு பராமரித்தாலே அரசுசொல்லும் அனைத்து பலன்களும் மக்களுக்கு கிடைத்துவிடும். இந்த திட்டம் ஒப்பந்தக்காரர்களுக்கானதே தவிர மக்களுக்கானது அல்ல. மேலும், வரவிருக்கும் உத்தரப்பிரதேச தேர்தலை முன்வைத்துதான் இப்போது மத்திய அரசு இந்த திட்டத்தை செயல்படுத்த முனைப்புகாட்டி வருகிறது" என்றார் சுந்தர்ராஜன். Also Read: உத்தரப்பிரதேசம்: `பெண்கள், இளைஞர்கள் டார்கெட்’ - வாக்குறுதிகளில் கவனம் ஈர்க்கிறாரா பிரியங்கா காந்தி?
http://dlvr.it/SFbqhC

Read More

`இந்தியாவுக்கு தேவை கம்யூனிஸமோ, சோஷியலிஸமோ இல்லை; ராம ராஜ்ஜியம்தான்!' - சட்டசபையில் யோகி ஆதித்யநாத்

2022-ம் ஆண்டு தொடக்கத்தில் இந்தியாவின் ஐந்து மாநிலங்களில் சட்டமன்றத் தேர்தல்கள் நடைபெறவிருக்கின்றன. அந்த ஐந்து மாநிலங்களில், உ.பி தேர்தல் களம்தான் ஹைலைட். இந்தியாவிலேயே அதிக சட்டமன்றத் தொகுதிகளைக் கொண்ட உ.பி-யில் பா.ஜ.க, சமாஜ்வாடி, காங்கிரஸ், பகுஜன் சமாஜ் என்று நான்கு கட்சிகள் மோதிக் கொள்கின்றன. சமீபகாலமாக, மேடைப் பிரசாரத்தில் சமாஜ்வாடியும், பா.ஜ.க-வும் மாறி மாறி மோதிக் கொண்டிருந்தன. இந்த நிலையில், சட்டமன்றத்திலேயே சமாஜ்வாடியை சரமாரியாகத் தாக்கி பேசியிருக்கிறார் உ.பி முதல்வர் யோகி ஆதித்யநாத்.யோகி ஆதித்யநாத் Also Read: மோடியுடன் யோகி: `புதிய இந்தியா' கவிதை! - வைரல் புகைப்படங்களின் பின்னணி? தற்போதைய உ.பி அரசின் கடைசி சட்டமன்றக் கூட்டத் தொடர் நடைபெற்றுவருகிறது. அதில், நேற்று (டிச.16), இடைக்கால பட்ஜெட்டை தாக்கல் செய்தது யோகி அரசு. இதைத் தொடர்ந்து பேசிய உ.பி முதல்வர் யோகி ஆதித்யநாத், ``சோஷியலிஸம் என்பது மிகப் பெரிய மாயை. இந்தியாவுக்குத் தேவை சோஷியலிஸமோ, கம்யூனிஸமோ அல்ல; ராம ராஜ்ஜியம்தான்! உ.பி-க்கும் ராம ராஜ்ஜியம்தான் தேவை. ராம ராஜ்ஜியம் என்பது நிரந்தரமானது, சூழ்நிலைகளுக்காக மாறாதது. மொத்த பிரபஞ்சத்துக்குமானது'' என்று பேசினார். மேலும் பேசிய அவர், ``சோஷியலிஸத்தின் உண்மையான மதிப்புகளை உணர்ந்த பிரதமர் மோடி, மக்களுக்குக் கழிவறைகளைக் கட்டிக் கொடுத்திருக்கிறார். சமாஜ்வாடி செய்த குடும்ப அரசியல், ஊழல் காரணமாக உ.பி வளர்ச்சியடைவேயில்லை. இல்லையென்றால் உ.பிதான் பொருளாதாரத்தில், இந்தியாவிலேயே நம்பர் 1 மாநிலமாக இருந்திருக்கும்'' என்று கூறினார். சமாஜ்வாடி எம்.எல்.ஏ-வும் சட்டமன்ற எதிர்க்கட்சித் தலைவருமான ராம் கோவிந்த் செளத்ரியை கைகாட்டி, ``அவர் சோஷியலிஸ்டாக இருந்தவர். ஆனால், இப்போது குடும்ப அரசியல் செய்யும் நிறுவனத்தில் இருந்துவருகிறார்'' என்று கூறியதோடு, பா.ஜ.க-வில் இணைந்துகொள்ளுமாறு ராம் கோவிந்துக்கு அழைப்பும் விடுத்தார் யோகி.ராம் கோவிந்த் செளத்ரி Also Read: Fact Check: `உ.பி பந்தேல்கண்ட் பகுதியில் புதிய அணை' - பாஜக தலைவர்கள் பகிர்ந்த புகைப்படம் உண்மையா?! இது குறித்து ராம் கோவிந்த் செளத்ரி, ``பா.ஜ.க, பொய் சொல்வதில் தேர்ந்த கட்சி. நான் என் வாழ்நாள் முழுவதும் அகிலேஷ் யாதவோடு சமாஜ்வாடி கட்சியிலேயே இருப்பேன்'' என்று கூறியிருக்கிறார்.
http://dlvr.it/SFYgkF

Read More

பொதுப் போக்குவரத்து வாகனங்களுக்கான ஆவணங்களின் காலாவதி தேதி டிச.31 வரை நீட்டிப்பு

பொதுப் போக்குவரத்து வாகனங்களுக்கான தகுதி சான்றுகள் புதுப்பித்தல், அனுமதிச்சீட்டு, ஓட்டுநர் உரிமம், வாகனப்பதிவு ஆகிய ஆவணங்களின் செல்லுபடி கால அளவினை டிசம்பர் 31ம் தேதி வரை கால நீட்டிப்பு செய்து தமிழ்நாடு அரசு அரசாணை வெளியிட்டுள்ளது. கொரோனா நோய்த்தொற்று காரணமாக, பொது போக்குவரத்திற்கான இந்த சான்றிதழ்கள் செல்லுபடியாகும் கால நீட்டிப்பு செய்யப்பட்டுள்ளது. ஏற்கெனவே அக்டோபர் 31ம் தேதி வரை இந்த கால அளவை நீட்டித்து தமிழ்நாடு அரசு உத்தரவு பிறப்பித்திருந்தது. இருப்பினும், மேற்கு வங்கம் மற்றும் டெல்லி மாநிலங்களில் பொதுப் போக்குவரத்து வாகனங்களுக்கு ஆவணங்கள் செல்லுபடியாகும் காலத்தை முறையே டிசம்பர் 31 மற்றும் நவம்பர் 30 வரை நீட்டிப்பு செய்து அவகாசம் வழங்கியது போல்,  தமிழகத்திலும் பொது போக்குவரத்து வாகனங்களின் ஆவணங்கள் செல்லுபடியாகும் கால அளவினை டிசம்பர் 31ம் தேதி வரை கால நீட்டிப்பு செய்து தருமாறு தமிழக அரசுக்கு கோரிக்கைகள் வைக்கப்பட்டது. அந்த கோரிக்கைகளின் அடிப்படையில், கொரோனா நோய் தொற்றால் ஏற்பட்டுள்ள பொருளாதார நெருக்கடிகளை கருத்தில் கொண்டும், பாதிக்கப்பட்ட பொதுமக்களின் நலன் கருதியும், வாகனத்தின் அனைத்து ஆவணங்களின் தகுதி சான்று புதுப்பித்தல், அனுமதிச்சீட்டு, ஓட்டுநர் உரிமம், வாகனப்பதிவு செல்லுபடியாகும் கால அளவினை டிசம்பர் 31ம் தேதி வரை நீட்டித்து தமிழ்நாடு அரசு உத்தரவு பிறப்பித்துள்ளது. இதுவே கடைசி நீட்டிப்பு வழங்கலாக இருக்க வேண்டும் என்ற நிபந்தனையுடன் ஆணையிடப்படுவதாகவும் அரசாணையில் குறிப்பிடப்பட்டுள்ளது. இதையும் படிங்க... ஓட்டுனர் பயிற்சிப் பள்ளி வாகனங்கள் மாற்றுவது தொடர்பான அரசின் சுற்றறிக்கை : இடைக்காலத் தடை
http://dlvr.it/SFY6M9

Read More

கேமராவில் பதிவான கழுத்தில் காயத்துடன் சுற்றும் புலி; ஊர் மக்களை எச்சரிக்கும் வயநாடு வனத்துறை!

நீலகிரி மாவட்டம் தமிழக எல்லையில் அமைந்திருக்கும் கேரள மாநிலத்தின் வயநாடு குருக்கன் மூலா சுற்றுவட்டாரப் பகுதிகளில் புலி ஒன்று கடந்த ஒரு மாதமாக கால்நடைகளை வேட்டையாடி வருகிறது. கடந்த ஒரு மாதத்தில் 15-க்கும் அதிகமான கால்நடைகளை தாக்கியிருப்பதாக உள்ளூர் மக்கள் தெரிவித்துள்ளனர். மேலும், மனிதர்களை தாக்கும் அபாயம் இருப்பதால், அந்த புலியை கண்காணிக்கும் பணியில் கேரள வனத்துறையினர் களமிறங்கியுள்ளனர்.காயத்துடன் உலவும் புலி அந்த புலியின் நடமாட்டம் இருப்பதாக சொல்லப்படும் இடங்களில் கண்காணிப்பு கேமராக்களை பொருத்தியுள்ளனர். மேலும் 5 இடங்களில் ரகசியமாக கூண்டுகளையும் பொறுத்தி கண்காணித்து வருகின்றனர். கூண்டு பொருத்தப்பட்டிருக்கும் பகுதிகளை அந்த புலி தவிர்த்துச் செல்வதால், புலியை கண்டறிய இரண்டு கும்கி யானைகளை வரவழைத்து கும்கிகளின் உதவியுடன் புலியை தேடும் பணியில் ஈடுபட்டு வருகின்றனர். இந்த நிலையில், கேரள வனத்துறையினர் பொருத்தியிருந்த கண்காணிப்பு கேமரா ஒன்றில் குறிப்பிட்ட அந்த புலியின் உருவம் பதிவாகியுள்ளது. மேலும் அந்த புலியின் கழுத்தில் கடுமையான காயம் இருப்பதும் உறுதி செய்யப்பட்டுள்ளது. காயம் காரணமாகவே வன விலங்குகளை வேட்டையாட முடியாத அந்த புலி கால்நடைகளை தாக்கி வருவதையும் உறுதி செய்துள்ளனர்.காயத்துடன் உலவும் புலி Also Read: அழிவின் விளிம்பில் `காவிரி புலி' மஹஸீர் மீன்; காப்பாற்றக் கோரும் உயிரியலாளர்கள்! காயப்பட்ட புலி குறித்து பேசிய கேரள வனத்துறையினர், ``முதல் முறையாக கேமராவில் பதிவாகியுள்ள இந்த புலியின் வரிகளை அடிப்படையாகக் கொண்டு வயது பாலினம் போன்றவற்றை கண்டறியும் பணியில் ஈடுபட்டு வருகிறோம். மேலும் அந்த புலியின் குழுத்தைச் சுற்றி ஆழமான காயம் இருக்கிறது. சட்டவிரோத வேட்டைக்காக வைக்கப்பட்டிருந்த சுருக்கு கம்பியில் சிக்கி தப்பியதால் இந்த காயம் ஏற்பட்டுள்ளதா அல்லது வேறு ஏதாவது காரணத்தால் காயம் ஏற்பட்டிருக்கிறதா என்பது குறித்தும் விசாரணை மேற்கொண்டு வருகிறோம். உள்ளூர் மக்கள் பாதுகாப்பாக இருக்க அறிவுரை வழங்கி வருகிறோம்" என்றனர்.
http://dlvr.it/SFY61V

Read More

கைவிலங்கை துண்டித்து தப்பியோடிய வழக்கு: ஊராட்சி மன்றத் தலைவர் வீட்டில் போலீசார் சோதனை

திருப்பத்தூர் மாவட்டம் ஆம்பூர் அருகே ஊராட்சி மன்றத் தலைவர் வீட்டில் 3 மணி நேரம் சோதனை நடைபெற்றது.   துத்திப்பட்டு ஊராட்சி மன்றத் தலைவர் சுவேதாவின் கணவர் கணேசன் மீது, கோவை மாவட்டம் குனியமுத்தூர் மற்றும் போத்தனூர் காவல் நிலையங்களில் 4 கொள்ளை வழக்குகள் நிலுவையில் உள்ளன. இந்த நிலையில் கடந்த அக்டோபர் மாதம் குனியமுத்தூரில் மூதாட்டியிடம் கொள்ளையடித்த புகாரில், கணேசனை கைது செய்ய காவல்துறையினர் வந்தனர். அப்போது, சுவேதா, ஊராட்சி மன்ற துணைத் தலைவர் விஜய் உட்பட 17 பேர் குனியமுத்தூர் காவல்துறையினரை தாக்கி கைவிலங்கை வெல்டிங் பட்டறைக்கு கொண்டு சென்று வெட்டி எடுத்துவிட்டு தப்பிக்க வைத்தனர்.   இவ்விவகாரம் தொடர்பாக, உமராபாத் காவல் நிலையத்தில் குனியமுத்தூர் உதவி ஆய்வாளர் ஞானப்பிரகாசம் அளித்த புகாரின்பேரில், 17 பேரில் 11 பேர் கைது செய்யப்பட்டனர். 6 பேர் தலைமறைவாக உள்ள நிலையில் துத்திப்பட்டு ஊராட்சி மன்றத் தலைவர் சுவேதா வீட்டில் காவல்துறையினர் 3 மணிநேரத்திற்கு மேலாக சோதனை செய்தனர். சோதனையில் முக்கிய ஆவணங்கள் கைப்பற்றப்பட்டுள்ளதாக காவல்துறையினர் கூறினர்.    இதையும் படிக்க: 16 டன் முந்திரி பருப்பு கடத்தல் வழக்கு - முன்னாள் அமைச்சரின் மகன் மீது குண்டர் சட்டம்
http://dlvr.it/SFXfwd

Read More

கேரள பறவை காய்ச்சல் பதற்றம் - கால்நடை மருத்துவர்கள் பற்றாக்குறையால் திணறும் நீலகிரி!

கேரள மாநிலம் ஆலப்புழா மற்றும் அதன் சுற்றுவட்டார பகுதிகளில் சில வளர்ப்பு பறவைகளுக்கு பறவை காய்ச்சல் பாதிப்பு இருப்பது கண்டறியப்பட்டிருக்கிறது. தடுப்பு நடவடிக்கையாக 55 ஆயிரம் வாத்துகளை கொல்ல கேரள அரசு உத்தரவிட்டிருக்கிறது. இதனைத் தொடர்ந்து, மூன்று மாநில எல்லைகளில் பறவை காய்ச்சல் தடுப்பு நடவடிக்கைகள் முடுக்கிவிடப்பட்டிருக்கின்றன. அண்டை மாநிலங்களான கேரளா மற்றும் கர்நாடகவிலிருந்து கோழி மற்றும் பறவைகள் நீலகிரி மாவட்டத்துக்கு கொண்டு வர தடை விதிக்கப்பட்டிருக்கிறது. முன்னெச்சரிக்கை நடவடிக்கையாக தற்போது கேரளா - தமிழக எல்லைகளான, சோலாடி, பூலக்குண்ணு, நாடுகாணி, தாளூர் உள்ளிட்ட 6 சோதனை சாவடிகளிலும், கர்நாடக மாநில எல்லையான கக்கநல்லாவிலும் கால்நடை பராமரித்துறையினர் பணியில் ஈடுபட்டு வருகின்றனர்.பறவை காய்ச்சல் பதற்றம் இந்த இரு மாநிலங்களில் இருந்து கோழி, வாத்து மற்றும் காடை உள்ளிட்ட பறவைகள் ஏற்றி வரும் வாகனங்கள் நீலகிரி மாவட்டத்துக்குள் நுழைய அனுமதி மறுக்கப்பட்டு திருப்பி அனுப்பி வைக்கப்பட்டு வருகின்றன. மேலும், கேரளா மற்றும் கர்நாடக மாநிலங்களிலிருந்து நீலகிரி மாவட்டத்துக்குள் நுழையும் சரக்கு வாகனங்கள் அனைத்தும் கிரிமி நாசினி தெளித்த பின்னரே மாவட்ட எல்லைக்குள் நுழைய அனுமதிக்க வேண்டும் என மாவட்ட நிர்வாகம் உத்தரவிட்டிருக்கிறது. எல்லை ஓரத்தில் இருக்கும் 8 சோதனை சாவடிகளிலும் கால்நடை பராமரிப்புத்துறை அதிகாரிகள் மற்றும் ஊழியர்கள் கொண்ட குழுவினர் எந்நேரமும் கிரிமி நாசினி தெளிக்கும் பணியில் ஈடுபட வேண்டும் எனவும் மாவட்ட நிர்வாகம் அறிவுறுத்தியிருக்கிறது. ஆனால், தற்போது நீலகிரியில் கால்நடை மருத்துவர்கள் பற்றாக்குறை காரணமாக பறவை காய்ச்சல் கண்காணிப்பு பணியில் தொய்வு ஏற்பட்டிருப்பதாக புகார்கள் எழுந்திருக்கின்றன. இந்த விவகாரம் குறித்து நீலகிரி கால்நடை பராமரிப்புதுறை மண்டல இணை இயக்குநர் பகவத் சிங்கிடம் பேசினோம், ``கேரளாவைத் தொடர்ந்து அண்டை மாநிலமான தமிழகத்தில் பறவை காய்ச்சல் பரவாமல் தடுக்கும் பணிகள் தீவிரமாக மேற்கொள்ளப்பட்டு வருகிறது. முன்னெச்சரிக்கை நடவடிக்கைகளை தற்போது தொடங்கியிருக்கிறோம். கால்நடை மருத்துவர்கள் பற்றாக்குறை இருப்பது உண்மைதான்.பறவை காய்ச்சல் பதற்றம் 21 கால்நடை மருத்துவர்கள் இருக்க வேண்டிய இடத்தில் மிகவும் குறைந்த அளவிலேயே கால்நடை மருத்துவர்கள் இருக்கிறார்கள். சுழற்சி முறையில் பணியாற்ற நடவடிக்கை எடுத்து வருகிறோம். அருகில் இருக்கும் மாவட்டங்களில் இருந்து கால்நடை மருத்துவர்களை நீலகிரிக்கு அனுப்பச் சொல்லி அரசின் கவனத்துக்கு கொண்டு சென்றிருக்கிறோம்" என்றார். Also Read: நீலகிரி குறும்பட திருவிழா: 32 நாடுகள்; 120 ஷார்ட் ஃபிலிம்கள்; களைகட்டிய ஊட்டி!
http://dlvr.it/SFVbPp

Read More