2030 வாக்கில் பொருளாதாரத்தில் ஜப்பானை இந்தியா முந்தும்: IHS தகவல்

வரும் 2030-இல் இந்தியா பொருளாதாரத்தில் ஜப்பான் நாட்டை முந்தும் என IHS Markit தனது அறிக்கையில் தெரிவித்துள்ளது. அதன் மூலம் ஆசியாவில் பொருளாதார ரீதியாக வளர்ச்சி பெற்ற நாடுகளில் இந்தியா இரண்டாவது இடத்தில் இருக்கும் எனவும் தெரிவிக்கப்பட்டுள்ளது. அதே போல மொத்த உள்நாட்டு உற்பத்தியில் ஜெர்மனி மற்றும் பிரிட்டனை இந்தியா கடக்கும் என தெரிவித்துள்ளது IHS.  தற்போது இந்தியா உலக அளவில் பொருளாதாரத்தில் ஆறாவது இடத்தில் உள்ளது. அமெரிக்கா, சீனா, ஜப்பான், ஜெர்மனி மற்றும் பிரிட்டன் முதல் ஐந்து இடங்களில் உள்ளன. இருந்தாலும் ஆசிய அளவில் வரும் 2030-இல் பொருளாதார ரீதியாக இந்தியா இரண்டாவது இடத்தில் இருக்கும் எனவும் தெரிவிக்கப்பட்டுள்ளது. இதற்கு மொத்த உள்நாட்டு உற்பத்தி காரணமாக இருக்கும் என சொல்லப்பட்டுள்ளது.  அதே போல எதிர்வரும் தசாப்தத்தில் இந்தியா பொருளாதார ரீதியாக உலக அளவில் அதிவேகமாக வளர்ச்சி பெறும் எனவும் தெரிவிக்கப்பட்டுள்ளது. 2020-21 உடன் 2021-22 காலகட்டத்தை ஒப்பிடும்போது இந்தியாவின் மொத்த உள்நாட்டு உற்பத்தி வளர்ச்சி விகிதம் 7.3 சதவிகிதத்திலிருந்து 8.2  என உயர்ந்துள்ளதாக சொல்லப்பட்டுள்ளது.  பன்னாட்டு நிறுவனங்கள் அதிகம் முதலீடு செய்ய விரும்பும் பகுதியாக இந்தியா மாறி உள்ளதாகவும். இந்திய நுகர்வோர் சந்தை இதற்கு முக்கியக் காரணம் எனவும் தெரிவிக்கப்பட்டுள்ளது. அதே போல ஆட்டோ மொபைல், எலக்ட்ரானிக்ஸ், வங்கி மற்றும் நிதி சேவை, சுகாதாரம், தகவல் தொழில்நுட்பம் என பரவலாக இந்திய தொழில் துறையில் வாய்ப்புகள் இருப்பதும் இதற்கு பிரதான காரணம் என தெரிவித்துள்ளது IHS. 
http://dlvr.it/SGkr71

Read More

''ஒமைக்ரான் தொற்றால் நுரையீரல் செல்கள் பாதிக்கப்பட வாய்ப்பு'' -மருத்துவ நிபுணர் எச்சரிக்கை

ஒமைக்ரான் திரிபு லேசான பாதிப்பு கொண்டது அல்ல என்று இந்திய வம்சாவளி விஞ்ஞானி எச்சரிக்கை விடுத்துள்ளார். சீனாவின் வூகான் நகரில், கடந்த 2019-ம் ஆண்டு கண்டறியப்பட்ட கொரோனா வைரஸ், ஆல்ஃபா, பீட்டா, காமா, டெல்டா, டெல்டா ப்ளஸ் என்று பல்வேறு உருமாற்றங்களை அடைந்து தொடர்ந்து இயல்பு நிலைக்கு திரும்பவிடாமல் தாக்கி வருகிறது. தற்போது தென் ஆப்பிரிக்காவில் முதன்முறையாக கண்டறியப்பட்ட ஒமைக்ரான் வைரஸ், உலக நாடுகளை மீண்டும் அச்சுறுத்தலுக்கு உள்ளாக்கி உள்ளது. டெல்டா போன்று அதிக பாதிப்புகளை இந்த ஒமைக்ரான் ஏற்படுத்தாது என்று கூறப்பட்டாலும், தொடர்ந்து உலக சுகாதார அமைப்பு, ஒமைக்ரான் குறித்து எச்சரித்து வருகிறது. இந்நிலையில் ஒமைக்ரான் திரிபு லேசான பாதிப்பு கொண்டது அல்ல என்று இந்திய வம்சாவளி விஞ்ஞானி எச்சரிக்கை விடுத்துள்ளார். இங்கிலாந்து கேம்பிரிட்ஜ் பல்கலைக்கழகத்தில் மருத்துவ நுண்ணுயிரியல் பேராசிரியராக பணிபுரிந்து வருபவர் ரவீந்திர குப்தா. இவர் இந்திய வம்சாவளியை சேர்ந்த விஞ்ஞானி ஆவார். ஒமைக்ரான் குறித்து அவர் கூறுகையில், “ஒமைக்ரான் வைரஸ் கொஞ்சம் வலிமை குறைந்தது போன்று எல்லோருக்கும் தெரிகிறது. ஆனால் சார்ஸ் வகையைச் சேர்ந்த கொரோனா வைரஸ் ஒருபோதும் மென்மையானதாக மாறப்போவதில்லை. வைரஸ் என்பது உருமாற்றம் அடையக் கூடியது. அது உருமாற்றம் அடையும்போது, அதன் பண்புகள் மாறலாம். அதுபோல், அதன் உருமாறிய ரகமான ஒமைக்ரானும் வேகமாக பரவினாலும், லேசான பாதிப்பு கொண்டது கிடையாது. இப்போது வேண்டுமானால் வலிமை குறைந்தது போன்று தெரியும். ஆனால் இப்படியே இருக்கும் என்று கூற முடியாது. இது நுரையீரல் செல்களை பாதிக்க வாய்ப்பு உள்ளது. ஒமைக்ரான் பரவலால் மேலும் சில புதிய வகை கொரோனா தோன்றும் வாய்ப்புகள் உள்ளன. இந்த புதிய வகை இன்னும் தீவிர தன்மை கொண்டதாக இருக்கும் அபாயம் உள்ளது. இந்தியாவில் நோய் எதிர்ப்பு சக்தி அதிகமாக உள்ளது. இருப்பினும், பூஸ்டர் தடுப்பூசி போட்டுக்கொள்வது அவசியம்” இவ்வாறு அவர் கூறியுள்ளார்.
http://dlvr.it/SGjpdk

Read More

பிரதமர் மோடியின் புதுச்சேரி பயணம் ரத்து: முதல்வர் ரங்கசாமி அறிவிப்பு

பிரதமர் மோடியின் புதுச்சேரி வருகை ரத்து செய்யப்பட்டிருப்பதாக புதுச்சேரி முதல்வர் ரங்கசாமி தகவல் தெரிவித்துள்ளார். ஜனவரி 12-ம் தேதி நடக்கும் தேசிய இளைஞர் தின விழாவில் பிரதமர் மோடி நேரில் கலந்துக்கொள்ள இருந்த நிலையில், தற்போது அது தடைபட்டுள்ளது. கொரோனா பரவல் அச்சம் காரணமாக இந்த தடை நடந்திருப்பதாக தெரிகிறது. நேரில் வரவில்லை என்றாலும், மோடி காணொலி வாயிலாக நிகழ்ச்சியில் கலந்துக் கொள்வார் என முதல்வர் ரங்கசாமி தெரிவித்துள்ளார்.   இதுதொடர்பான அறிவிப்புகளைத் தொடர்ந்து, புதுச்சேரிக்கான பொங்கல் பரிசுத்தொகுப்பு பற்றிய அறிவிப்பையும் அவர் வெளியிட்டுள்ளார். அந்த அறிவிப்பில், “புதுச்சேரியில் பொங்கல் நிகழ்வையொட்டி, ரூ.490 மதிப்புள்ள 10 பொருட்களுடன் ரேசன் அட்டைக்காரர்களுக்கு பரிசுத்தொகுப்பு தரப்படும்” என்று அவர் கூறியுள்ளார். இவற்றுடன், புதுவையில் தற்போதுவரை ஆளுநருடன் இணைந்த நிலையே நீடிப்பதாகவும், தங்களுக்குள் எவ்வித முரணும் இல்லையென்றும் தெரிவித்துள்ளார். இதேபோல பிரதமர் பங்கேற்க இருந்த மதுரை ‘மோடி பொங்கல்’ நிகழ்ச்சியும் அதை ஒருங்கிணைத்த தமிழக பாஜக-வால் நேற்றைய தினம் தெரிவிக்கப்பட்டிருந்தது குறிப்பிடத்தக்கது. தமிழக பாஜக தலைவர் அண்ணாமலை இதுதொடர்பான தனது அறிவிப்பில், கொரோனா அச்சம் காரணமாகவே இந்தத் தடை மேற்கொள்ளப்பட்டிருப்பதாக தெரிவித்தார். தொடர்புடைய செய்தி: ”மதுரையில் பிரதமர் மோடி பங்கேற்கவிருந்த ‘பொங்கல்’ நிகழ்ச்சி ரத்து”- அண்ணாமலை அறிவிப்பு
http://dlvr.it/SGjHdR

Read More

மீண்டும் உச்சம் : இந்தியாவில் ஒரு லட்சத்தை தாண்டிய கொரோனா பாதிப்பு

இந்தியாவில் தினசரி கொரோனா பாதிப்பு ஒரு லட்சத்தை கடந்ததுள்ளதாக மத்திய சுகாதாரத்துறை தகவல் அளித்துள்ளது. இந்தியாவில் நாளுக்கு நாள் மீண்டும் கொரோனா பாதிப்பு உச்சத்தை தொட்டு வருகின்றன. இந்நிலையில் மத்திய சுகாதாரம் மற்றும் குடும்ப நலத்துறை அமைச்சகத்தின் இன்றைய புள்ளி விவரங்களின் படி நாடு முழுவதும் இன்று ஒரே நாளில் மட்டும் 1,17,100 பேர் கொரோனா தொற்றால் பாதிக்கப்பட்டுள்ளனர். இதனால் நாட்டில் கொரோனா வைரஸ் தொட்டால் பாதிக்கப்பட்டோரின் மொத்த எண்ணிக்கை 3,52,26,386 ஆக அதிகரித்துள்ளது. மேலும் இன்று மட்டும் 30,836 பேர் கொரோனா தொற்றில் இருந்து குணமடைந்து வீடு திரும்பி உள்ளனர். மொத்தமாக இதுவரை 3,43,71,845 பேர் கொரோனாவில் இருந்து மீண்டுள்ளனர். நாடு முழுவதும் இன்று மட்டும் 302 பேர் கொரோனா பாதிப்பால் சிசிக்சை பலனின்றி உயிரிழந்துள்ளனர். மொத்தமாக இதுவரை 4,83,178 பேர் கொரோனாவுக்கு உயிரிழந்துள்ளனர். இந்தியா முழுவதும் 3,71,363 பேர் கொரோனாவுக்கு சிகிச்சை பெறுவதாக மத்திய அரசு தெரிவித்துள்ளது. அதே நேரத்தில் கொரோனாவில் இருந்து குணமடைந்தோர் சதவீதம் 97.57 ஆகவும், உயிரிழப்பு சதவீதம் 1.37 ஆகவும் உள்ளது. நேற்று மட்டும் 94,47,056 பேருக்கு கொரோனா தடுப்பூசி செலுத்தப்பட்டு உள்ளது. இதுவரை மொத்தமாக 1,49,66,81,156 டோஸ்கள் இந்தியாவில் செலுத்தப்பட்டுள்ளதாக மத்திய சுகாதாரம் மற்றும் குடும்ப நலத்துறை அமைச்சகம் தெரிவித்துள்ளது. இந்தியாவில் ஒமைக்ரான் தொற்றால் பாதிக்கப்பட்டோரின் மொத்த எண்ணிக்கை 3,007 ஆக அதிகரித்துள்ளது. அதே நேரத்தில் 1,199 பேர் ஒமைக்ரானில் இருந்து குணமடைந்து வீடு திரும்பியுள்ளனர். நாடு முழுவதும் தற்போது 1,808 பேர் ஒமைக்ரானுக்கு சிகிச்சை பெற்று வருவதாக மத்திய சுகாதாரத்துறை தெரிவித்துள்ளது.
http://dlvr.it/SGhmDx

Read More

ஜனவரியில் 3 நாள்களுக்கு டாஸ்மாக் கடைகள் மூடல்

ஜனவரியில் டாஸ்மாக் கடைகள் 3 நாட்கள் மூடப்படுவதாக தெரிவிக்கப்பட்டுள்ளது. இதுதொடர்பாக டாஸ்மாக் நிறுவனம் தெரிவித்திருக்கும் தகவலில், “டாஸ்மாக் கடைகள் மற்றும் பார்கள் ஜனவரி 15, ஜனவரி 18, ஜனவரி 26 ஆகிய 3 நாட்கள் மூடப்படுகிறது. ஜனவரி 15-ம் தேதி திருவள்ளுவர் தினம், ஜனவரி 18 - வடலூர் ராமலிங்க அடிகளார் நினைவு நாள், ஜனவரி 26 - குடியரசு தினம் ஆகியவற்றுக்காக இந்த நடவடிக்கை மேற்கொள்ளப்படுகிறது” என தெரிவிக்கப்பட்டுள்ளது. தொடர்புடைய செய்தி: "புதிய கட்டுப்பாடுகளை விதித்திருக்கும் அரசு டாஸ்மாக் கடைகளை மூடாதது ஏன்?" - தினகரன் கேள்வி
http://dlvr.it/SGhmC8

Read More

இமாச்சலப் பிரதேசம்: மைனஸ் டிகிரிக்கும் கீழ் சென்ற வெப்பநிலை - உறையும் சிஸ்சு ஏரி!

வட இந்திய மாநிலங்களில் கடுமையான குளிர் நிலவி வருகிறது. இந்த நிலையில் இமாச்சலப் பிரதேச மாநிலத்தின் பெரும்பாலான பகுதிகளில் மைனஸ் டிகிரிக்கும் கீழான வெப்பநிலை நிலவி வருவதால் உறைபனி ஏற்பட்டுள்ளதாக தெரிவிக்கப்பட்டுள்ளது. லாஹௌல் பகுதியில் உள்ள சிஸ்சு (Sissu) ஏரி உறைந்துள்ளதாக தெரிவிக்கப்பட்டுள்ளது. தற்போது அதன் படங்கள் இணையதளத்தில் வலம் வந்து கொண்டிருக்கின்றன. Himachal Pradesh: Sissu Lake in Lahaul freezes over as several areas in the state experience sub-zero temperatures. pic.twitter.com/rP3XVo0NbF — ANI (@ANI) December 18, 2021   மணாலியில் நடப்பு சீசனின் முதல் பனிப்பொழிவு கடந்த வெள்ளி அன்று ஏற்பட்டதாக தகவல் தெரிவிக்கப்பட்ட நிலையில் ஏரி உறைந்துள்ளது.
http://dlvr.it/SFd7tF

Read More

‘Poimo’ ஜப்பான் நாட்டு ஆராய்ச்சியாளர்கள் உருவாக்கியுள்ள போர்டபிள் இ-ஸ்கூட்டர்

ஜப்பான் நாட்டை சேர்ந்த ஆராய்ச்சியாளர்கள் ‘Poimo’ என்ற பெயரில் போர்டபிள் இ-ஸ்கூட்டரை வடிவமைத்துள்ளனர். எளிதில் பேக்-பேக்கிற்குள் (BackPack) வைத்து இந்த ஸ்கூட்டரை எடுத்து செல்ல முடியும் எனவும் வடிவமைப்பாளர்கள் தெரிவித்துள்ளனர். மின்சார மோட்டாரில் இயங்கும் இந்த ஸ்கூட்டரை டோக்கியோ பல்கலைக்கழக ஆராய்ச்சி படிப்பு மாணவர்கள் வடிவமைத்துள்ளனர்.  ‘Poimo’ is an inflatable scooter developed by researchers from Tokyo University, offering mobility in different shapes to commuters pic.twitter.com/B6rxAApKVL — Reuters (@Reuters) December 17, 2021    நான்கு சக்கரங்களை கொண்டுள்ள இந்த Poimo ஸ்கூட்டரில் மணிக்கு 15 கிலோ மீட்டர் வேகத்தில் பயணிக்க முடியும் என தெரிவிக்கப்பட்டுள்ளது. தெர்மோபிளாஸ்டிக் பாலியூரிதீன் கொண்டு உருவாக்கப்பட்டுள்ள இந்த ஸ்கூட்டரை பலூன் போல காற்றை நிரப்பி எளிதாக பயன்படுத்த முடியும். அதன் மீது ஏறி அமர்ந்தால் ஸ்கூட்டர் ஸ்டார்ட் ஆகும் என தெரிவிக்கப்பட்டுள்ளது. இறங்கினால் அடுத்த நொடி ஆப் ஆகும் எனவும் சொல்லப்பட்டுள்ளது.  வெறும் இரண்டே நிமிடத்தில் இந்த ஸ்கூட்டரில் காற்று நிரப்பி பயன்படுத்த முடியும் எனவும் ஆராய்ச்சியாளர்கள் தெரிவித்துள்ளனர். ஒரு முறை சார்ஜ் செய்தால் 90 நிமிடங்கள் வரை பயன்படுத்த முடியுமாம். வரும் 2022-இல் இந்த வாகனம் ஜப்பான் சந்தையில் விற்பனைக்கு வரும் என எதிர்பார்க்கப்படுகிறது.  
http://dlvr.it/SFcmcZ

Read More