சார், மேடம் வேண்டாம்; `டீச்சர்' போதும் கேரள பள்ளியின் அசத்தும் முயற்சி!

மாணவர்கள் ஆசிரியர்களை இனி சார் மேடம் என்று அழைக்கக்கூடாது! - கேரள பள்ளியின் அறிவிப்பு. கேரள மாநிலம் பாலக்காட்டில் உள்ள அரசு உதவி பெறும்‌ பள்ளி ஒன்றில், மாணவர்களிடம் ஆசிரியர்களை இனி சார் மேடம் என்று அழைக்கக்கூடாது! இரு பாலின ஆசிரியர்களையும் `டீச்சர்' என்றே அழைக்க வேண்டும் என்ற உத்தரவு பிறப்பிக்கப்பட்டுள்ளது. இந்த அறிவிப்பு குறித்து பள்ளியின் தலைமை ஆசிரியர் வேணுகோபாலன், தங்கள் பள்ளியில் பணிபுரியும் ஆசிரியர் சஞ்சீவ்குமார் இந்த கருத்தை முதன்முதலில் தெரிவித்ததாகவும்; சமூக ஆர்வலர் பூபன் மட்டுமன்தாவின் பிரசாரத்தைப் பார்த்து சஞ்ஜீவ் குமாருக்கு இந்த எண்ணம் தோன்றியதாகவும் அவர் குறிப்பிட்டார். மேலும் பள்ளியில் இருந்து 14 கிலோ மீட்டர் தொலைவில் உள்ளது மாத்தூர் பஞ்சாயத்து. பஞ்சாயத்து அலுவலக அதிகாரிகளை மக்கள் சார் மேடம் என்று அழைக்க வேண்டிய அவசியமில்லை; அவர்களின் பதவியை சொல்லி அழைத்தால் போதும் என்று கூறியுள்ளது மாத்தூர் பஞ்சாயத்து நிர்வாகம். கடந்த ஜூலை மாதம் முதல் பின்பற்றி வருகிறது. சமூக ஆர்வலர் பூபன்‌ மட்டுமந்தா இந்த சம்பவத்தின் தாக்கமும்கூட எங்கள் பள்ளியின் இந்த முடிவுக்கு காரணம் என்று வேணுகோபாலன் கூறியுள்ளார். இந்த உத்தரவிற்கு பெற்றோர்களிடம் இருந்தும் நல்ல வரவேற்பு கிடைக்கப் பெற்றதாகவும் அவர் கூறியுள்ளார். கடந்த டிசம்பர் 1 முதல் இந்த உத்தரவு நடைமுறைப்படுத்தப் பட்டதாகவும் தற்போது மாணவர்கள் சார், மேடம் என்ற வார்த்தைகள் பயன்படுத்துவதை அறவே நிறுத்தி விட்டதாகவும் தலைமையாசிரியர் வேணுகோபாலன் பெருமிதத்துடன் கூறியுள்ளார். பாலக்காட்டைச் சேர்ந்த சமூக ஆர்வலர் பூபன்‌ மட்டுமந்தா அனைத்து பள்ளிகளிலும், மாணவர்கள் ஆசிரியர்களை சார் மேடம் என்று அழைக்காமல் `டீச்சர்' என்ற பாலின நடுநிலையைக் குறிக்கும் வார்த்தையைக் கொண்டு அழைக்க வேண்டும் என்று வழக்கு தொடுத்திருந்தார். இந்த வழக்கில் அவர் குறிப்பிட்டுள்ளதாவது ,பள்ளிகளில் மாணவர்கள் சார் மேடம் என்று அழைப்பது பாலின வேறுபாடு உணர்வை நியாயப்படுத்தும் விதமாக இருப்பதாகவும், இது குடியுரிமை உணர்வை தடுப்பதாகவும் அவர் சுட்டிக்காட்டியுள்ளார். சார், மேடம் என்று அழைப்பதற்கு பதில் `டீச்சர்' என்று அழைப்பது பாலின சமநிலைக்கு வழிவகுக்கும் என்றும் அவர் குறிப்பிட்டுள்ளார். இந்த வழக்கைத் தொடர்ந்து கேரள பள்ளிக்கல்வித்துறை மற்றும் உயர்கல்வித் துறை பொதுமக்களிடம் இதுகுறித்து கருத்து கேட்க முடிவு செய்தது. கல்வித்துறை அமைச்சர் வி.சிவன் குட்டி தலைமையில் ஒரு குழுவை நியமித்து செயல்பட்டு வருகிறது. இது குறித்து பொதுமக்கள் மற்றும் ஆசிரியர்களிடம் கருத்துக்கள் கேட்ட பின்னர் ஆலோசித்து முடிவு எடுக்கப்படும் என்று கல்வி துறை கூறியுள்ளது. இந்நிலையில் ஒலசேரி (கொடும்பா) கிராமத்தில் உள்ள இந்த அரசு உதவி பெறும் பள்ளி தான் கேரள மாநிலத்திலேயே முதன்முதலில் ஆசிரியர்களை டீச்சர் என்று அழைக்கக்கூறி பாலின சமநிலையை ஊக்குவித்த முதல் பள்ளியாகும். பள்ளியின் இந்த செயல் வரவேற்கத்தக்கதாகும் பிற பள்ளிகளுக்கு முன்னுதாரணமாகவும் திகழ்கிறது. எந்த ஒரு பெரிய மாற்றத்தை சமூகத்தில் ஏற்படுத்த வேண்டுமெனில், அதை குழந்தை பருவத்திலேயே மனிதர்களிடம் புகட்ட வேண்டும் என்பதை நன்கு அறிந்து பாலின சமநிலையை ஊக்குவித்து வருகிறது கேரள மாநிலம். சமீபத்தில் கேரள அரசு, பள்ளிகளில் சென்டர் நியூட்ரல் யூனிஃபார்ம்களை அறிமுகப்படுத்தி பாலின சமத்துவத்தை ஊக்குவித்தது குறிப்பிடத்தக்கது.
http://dlvr.it/SGpj6c

Read More

மதுரை: வெறிச்சோடிய சாலைகளில் ஸ்கேட்டிங் விளையாடிய சிறுவர்கள்.. திருப்பி அனுப்பிய போலீசார்

ஞாயிற்றுக்கிழமை முழு ஊரடங்கு காரணமாக வெறிச்சோடிய மதுரை சாலைகளில் சிறுவர்கள் ஸ்கேட்டிங் விளையாடி மகிழ்ந்தனர். கொரோனா பரவல் தடுப்பு நடவடிக்கையாக ஞாயிற்றுக் கிழமையான இன்று முழு ஊடங்கு அமல்படுத்தபட்ட நிலையில், மதுரை நகர் பகுதிகளில் உள்ள சாலைகளில் பொதுமக்கள் மற்றும் வாகன நடமாட்டமின்றி சாலைகள் அனைத்தும் வெறிச்சோடி காணப்படுகிறது. இந்நிலையில் மதுரை தெற்கு ஆவணி மூல வீதியில் உள்ள நகைகடை பஜார் பகுதி சாலை முழுவதிலும் ஆட்கள் நடமாட்டமின்றி வெறிச்சோடி இருந்ததால் அந்த பகுதியில் உள்ள சிறுவர்கள் சாலையில் ஸ்கேட்டிங் விளையாடி மகிழ்ந்தனர். அதை பார்த்த காவல்துறையினர் அவர்களுடைய விளையாட்டு திறமையை கண்டு பாராட்டியதோடு கொரோனா பரவல் இருப்பதால் இது போன்று வெளிப்புறங்களில் விளையாட அனுமதி இல்லை எனக்கூறி சிறுவர்களின் பெற்றோர்களை அழைத்து ஊரடங்கு நடைமுறைகளை பின்பற்ற வேண்டும் என அறிவுறுத்தி சிறுவர்களை வீட்டிற்கு அனுப்பிவைத்தனர்.
http://dlvr.it/SGpN3H

Read More

வீட்டு தனிமையில் உள்ளவர்களுக்கான வழிகாட்டு நெறிமுறைகள் வெளியீடு

கொரோனா அறிகுறியுடன் வீட்டுத்தனிமையில் இருப்பவர்கள் பின்பற்ற வேண்டிய நெறிமுறைகள் வெளியிடப்பட்டுள்ளன. வீட்டு தனிமையில் உள்ளவர்களுக்கான வழிகாட்டு நெறிமுறைகளை சென்னை மாநகராட்சி அறிவித்துள்ளது. அதன்படி,தனிக் கழிவறை உடன் கூடிய காற்றோட்டமுள்ள தனி அறையில் தனிமைப்படுத்திக் கொள்ள வேண்டும். வீட்டில் உள்ளவர்கள் உங்கள் அறைக்குள் நுழையக் கூடாது. சத்தான உணவைச் சாப்பிடுங்கள், மற்றவர்களிடம் தொடர்பு இல்லாதவாறு உணவை பெற்றுக் கொள்ளுங்கள்.போதுமான அளவு தண்ணீர் பழரசம் குடிக்கவும். பிறரிடம் பேசுவதை தவிர்த்து விடுங்கள், மீறி தொடர்புகொள்ள நேரிட்டால் சர்ஜிகல் அல்லது N95 முக கவசம் அணிந்து பேசுங்கள்.போதிய ஓய்வும் தூக்கமும் அவசியம், சோர்வு ஏற்படுத்தும் செயல்கள் செய்வதைத் தவிர்க்கவும். அடிக்கடி சோப்பு உபயோகித்து குறைந்தது 20 நொடிகள் நன்கு தேய்த்து கைகளைக் கழுவுங்கள் அல்லது ஆல்கஹால் கலந்த கிருமி நாசினியை பயன்படுத்துங்கள்.மருத்துவரால் பரிந்துரைக்கப்பட்ட மருந்துகளை மட்டும் சரியான நேரத்திற்கு எடுத்துக் கொள்ளுங்கள். உங்கள் துணிகள் மற்றும் பாத்திரங்களை நீங்களே சுத்தம் செய்யுங்கள். பொருட்களை மற்றவர்களிடம் பகிரக் கூடாது, கழிவுகளைத் தனிப் பையில் சேகரித்து அப்புறப்படுத்தவும்.பல்ஸ் ஆக்சிமீட்டரின் மூலம் ஆக்சிஜன் அளவையும் (SPO2), அபாய அறிகுறிகளையும் கண்காணியுங்கள்.
http://dlvr.it/SGnQbs

Read More

ஒருநாள் பொதுமுடக்கம் - கோயம்பேட்டில் தவிக்கும் வெளிமாவட்ட பயணிகள்

தமிழகம் முழுவதும் இன்று முழு முடக்கம் அமலாகியுள்ள நிலையில், சென்னை கோயம்பேடு வரும் வெளிமாவட்ட பயணிகள் வீடுகளுக்குச் செல்ல முடியாமல் தவித்து வருகின்றனர். கொரோனா பரவல் அதிகரித்து வரும் நிலையில், வார இறுதிநாளான ஞாயிற்றுக்கிழமைகளில் பொது முடக்கம் அமல்படுத்தப்படும் என தமிழக அரசு அறிவித்துள்ளது. அதன்படி, இன்று தமிழகம் முழுவதும் முழு ஊரடங்கு அமல்படுத்தப்பட்டுள்ளது. அத்தியாவசிய பணிகள் தவிர, மற்ற பணிகளுக்கு அனுமதியில்லை என்றும், பொதுமக்கள் தேவையில்லாமல் சாலைகளில் சுற்றித்திரியவேண்டாம் எனவும் அரசு அறிவித்துள்ளது. இந்நிலையில், மற்ற ஊர்களிலிருந்து இன்று காலை சென்னைக்கு வந்தவர்கள், அங்கிருந்து அவர்களின் இருப்பிடங்களுக்கு செல்ல முடியாமல் கோயம்பேடு பேருந்து நிலையத்திலேயே அமர்ந்துள்ளனர். பொதுப்போக்குவரத்து முடக்கப்பட்டுள்ள நிலையில், சொந்த வாகனங்கள், வாடகை கார்களில் வீடுகளுக்கு செல்ல அனுமதியளிக்கப்பட்டுள்ளது. ஆனால், இந்த சூழலை பயன்படுத்தி, வாடகை கார்களில் கட்டணம் அதிகமாக உள்ளதாக பயணிகள் புகார் தெரிவித்துள்ளனர் எனினும் சென்னை கோயம்பேடு பேருந்து நிலையம் வந்திறங்கும் வெளிமாவட்ட பயணிகள், வீடுகளுக்குச் செல்லவதில் சிரமம் ஏற்பட்டுள்ளது.
http://dlvr.it/SGnCVb

Read More

5 மாநில தேர்தல் தேதிகள், கட்டுப்பாடுகள் - தேர்தல் ஆணையர் அறிவிப்பின் முக்கிய அம்சங்கள்!

இந்தியாவில் 5 மாநில சட்டப்பேரவைக்கான தேர்தல் தேதிகளை, தலைமை தேர்தல் ஆணையர் சுஷில் சந்திரா வெளியிட்டுள்ளார். உத்தரப்பிரதேசம், கோவா, பஞ்சாப், மணிப்பூர், உத்ரகண்ட் ஆகிய மாநிலங்களுக்கான தேர்தல் நடைபெற உள்ளது. இதற்கான தேர்தல் தேதிகளை தேலைமை தேர்தல ஆணையர் சுஷில் சந்திரா டெல்லியில் இன்று செய்தியாளர்கள் சந்திப்பில் வெளியிட்டார். அதன்படி, உத்தரப்பிரதேசத்தில் உள்ள 403 தொகுதிகளுக்கு 7 கட்டங்களாக தேர்தல நடைபெறுகிறது. அந்தவகையில் உத்தரப்பிரதேசத்தில் பிப்ரவரி 10-ல் முதற்கட்ட வாக்குப்பதிவு நடைபெறும் என அறிவிக்கப்பட்டுள்ளது. பிப்ரவரி 14-ல் இரண்டாம் கட்ட வாக்குப்பதிவும், பிப்ரவரி 20ல் மூன்றாம் கட்ட வாக்குப்பதிவும், பிப்ரவரி 23-ம் தேதி 4-ம் கட்ட வாக்குப்பதிவும் நடைபெறுகிறது. பிப்ரவரி 27-ல் 5-ம் கட்ட வாக்குப்பதிவும், மார்ச் 3-ம் தேதி 6-ம் கட்ட வாக்குப்பதிவும், மார்ச் 7 அன்று 7-ம் கட்ட வாக்குப்பதிவும் நடைபெறுகிறது. இதில் மணிப்பூர் மாநிலத்தில் பிப்ரவரி 27 மற்றும் மார்ச் 3-ல் இரண்டு கட்டங்களாக தேர்தல் நடைபெறுகிறது. மற்ற 3 மாநிலங்களில் ஒரே கட்டமாக பிப்ரவரி 14-ம் தேதி தேர்தல் நடைபெறுகிறது. 5 மாநில தேர்தலுக்கான வாக்குப்பதிவு எண்ணிக்கை மார்ச் 10-ம் தேதி நடைபெறுகிறது. கொரோனா பரவல் காரணமாக, 5 மாநில தேர்தல் முடிவுக்குப் பிறகு வேட்பாளர்கள் உள்ளிட்டோர் வெற்றிக் கொண்டாட்டங்களில் ஈடுபடத் தடைவிதிக்கப்பட்டுள்ளது. டிஜிட்டல் பரப்புரை வேட்பாளர்கள் இயன்ற வரை டிஜிட்டல் முறையில் பரப்புரை மேற்கொள்ள தேர்தல் ஆணையம் அறிவுறுத்தியுள்ளது. நடைப்பயணம், சைக்கிள் பேரணி ஆகியவற்றுக்கு ஜனவரி 15-ம் தேதி வரை தடைவிதிக்கப்பட்டுள்ளது. ஜனவரி 15-ம் தேதி வரை அரசியல் கட்சியினர் நேரடிப் பரப்புரையில் ஈடுபட தடை விதிக்கப்பட்டுள்ளது. வீடு, வீடாகச் சென்று வாக்கு சேகரிக்க 5 நபர்கள் வரை மட்டுமே அனுமதிக்கப்பட்டுள்ளது. கொரோனா பரவலால், வாக்களிக்கும் நேரம் ஒரு மணி நேரம் அதிகரிக்கப்பட்டுள்ளது. உத்தரப்பிரதேசத்தில் 90% பேருக்கு முதல் தவணையும், 52% பேருக்கு 2-வது தவணை தடுப்பூசியும் செலுத்தப்பட்டுள்ளது. பஞ்சாப்பில் 82% பேருக்கு முதல் தவணையும், 56% பேருக்கு 2-வது தவணை தடுப்பூசியும் செலுத்தப்பட்டுள்ளது. தேர்தல் பணியாளர்கள் அனைவரும், முன்களப் பணியாளர்களாக கருத்தில் கொள்ளப்பட்டு கூடுதல் தடுப்பூசி செலுத்த பரிந்துரை செய்யப்பட்டுள்ளது. இ-விஜில் என்ற செயலியில், பொதுமக்கள், தேர்தல் தொடர்பாக புகார்களை அளிக்கலாம் என்று தலைமை தேர்தல் ஆணையர் தெரிவித்துள்ளார். தேர்தல் ஆணையக் குழு டிசம்பர் இறுதியில் இருந்து 5 மாநிலங்களில் ஆய்வு செய்ததாக தலைமை தேர்தல் ஆணையர் கூறியுள்ளார். மேலும் மருத்துவ நிபுணர்களின் கருத்துக்களை கேட்டு கள ஆய்வு அடிப்டையில் தேர்தலை நடத்த திட்டங்கள் வகுக்கப்பட்டுள்ளன. 5 மாநிலத்தில் 18.34 கோடி வாக்காளர்கள் வாக்களிக்க உள்ளனர். வாக்குச்சாவடிகள் எண்ணிக்கை 2.16 லட்சமாக அதிகரிக்கப்பட்டு உள்ளன. 24.9 லட்சம் பேர் முதல் முறை வாக்காளர்களாக உள்ளனர். இதில் பெண்கள் 11.4 லட்சம் பேர் வாக்களார்களாக உள்ளனர். 80 வயது முதியவர்கள், கொரோனாவால் பாதிக்கப்பட்டவர்கள், மாற்றுத்திறனாளிகள் வீட்டிலிருந்தே தபால் வாக்களிக்கலாம் என்று தெரிவிக்கப்பட்டுள்து. ஆன்லைனிலும் வேட்பு மனு தாக்கல் செய்யலாம் என்றும், அனைத்து வாக்குச்சாவடிகளும் தரைத்தளத்திலேயே அமைக்கப்படும் என்றும் தலைமை தேர்தல ஆணையர் தெரிவித்துள்ளார். தேர்தல் தேதி அறிவிக்கப்பட்டதை அடுத்து, 5 மாநிலங்களில் தேர்தல் நடத்தை விதி அமலுக்கு வந்துள்ளது. குற்றப்பின்னணி உள்ளவர்கள் தேர்தலில் போட்டியிட எதன் அடிப்படையில் வாய்ப்பு வழங்கப்பட்டது என்பதை விளக்க தலைமை தேர்தல் ஆணையர் உத்தரவு பிறப்பித்துள்ளார். பணம் மற்றும் பரிசுப் பொருட்கள் விநியோகத்தை தடுக்க கடும் நடவடிக்கை எடுக்கப்படும் என்றும், தலைமை தேர்தல் ஆணையர் தெரிவித்துள்ளார்.
http://dlvr.it/SGm390

Read More

அகமதாபாத்: ரூ.7 லட்சம் செலவில் வீட்டு நாய்க்கு கோலாகலமாக பிறந்தநாள் விழா நடத்திய குடும்பம்

பெரும்பாலான வீடுகளில் பாசம் கொட்டி, நேசம் கொட்டி அன்போடு வளர்க்கப்பட்டு வரும் செல்லப்பிராணிகளை தங்கள் குடும்பத்தின் ஒரு அங்கமாகவே மக்கள் பார்ப்பதுண்டு. சமயங்களில் அளவு கடந்த பாசத்தினால் செல்லபிராணிகளின் ஸ்பெஷல் நாளை தடபுடலாக விழா எடுத்து கொண்டாடுவதும் உண்டு. அந்த வகையில் குஜராத் மாநிலம் அகமதாபாத் நகரில் வசித்து வரும் குடும்பம் ஒன்று தங்கள் வீட்டில் வளர்க்கப்பட்டு வரும் Abby என்ற வளர்ப்பு நாயின் பிறந்தநாளை கோலாகலமாக கொண்டாடியதற்காக சமூக வலைத்தளங்களில் பரவலாக பேசப்பட்டு வருகின்றனர். Abby பிறந்தநாள் கொண்டாட்டத்திற்காக 7 லட்ச ரூபாயை அந்த குடும்பம் செலவு செய்துள்ளது. அதற்கென Nikol பகுதியில் ஒரு காலி இடத்தை வாடகைக்கு எடுத்து, அதில் கூடாரம் அமைத்து பிறந்தநாள் விழா ஏற்பாடுகள் நடைபெற்றுள்ளன. அதோடு விழாவில் கலந்து கொள்ளும் வகையில் பல மக்களுக்கு அழைப்பு விடுக்கப்பட்டுள்ளது. அதோடு Abby புகைப்படத்தை கொண்டு உள் அலங்கார வேலைகளும் நடந்துள்ளன. விழாவில் Abby கருப்பு நிற துணி அணிந்த படி பங்கேற்றுள்ளது. இருப்பினும் இந்த விழாவில் கொரோனா கட்டுப்பாட்டு விதிமுறைகள் மீறப்பட்டுள்ளதா என்பது குறித்து அதிகாரிகள் விசாரணை நடத்தி வருவதாக தெரிவிக்கப்பட்டுள்ளது. ஏனெனில் விழாவில் பங்கேற்ற பலர் மாஸ்க் அணியவில்லை என தெரிகிறது.
http://dlvr.it/SGlhWW

Read More

உ.பி.: பாஜக எம்.எல்.ஏ.வை மேடையிலேயே அறைந்தாரா விவசாயி? : வைரலாகும் வீடியோ

உத்தரப்பிரதேசத்தில் நிகழ்ச்சி ஒன்றில் மேடையில் அமர்ந்திருந்த பா.ஜ.க. எம்.எல்.ஏவின். தலையில், விவசாயி ஒருவர் மேடைக்கே சென்று அறைவது போன்ற வீடியோ வெளியாகியுள்ளது. சமூகவலைதளங்களில் வீடியோ வைரலான நிலையில் விவசாயி தன்னை அடிக்கவில்லை அன்பாகத்தான் தடவினார் என்று எம்.எல்.ஏ. விளக்கம் அளித்துள்ளார். உத்தரப் பிரதேசத்தில் சட்டசபைத் தேர்தல் நடைபெறவுள்ளது. இந்தத் தேர்தலுக்கான தேதி அறிவிக்கப்பட உள்ளநிலையில், இதற்கான பிரசாரங்களை அனைத்துக் கட்சிகளும் முன்னெடுத்து வருகின்றன. குறிப்பாக ஆளும் கட்சியான பா.ஜ.க. மற்றும் சமாஜ்வாடி கட்சிகளுக்கு இடையேதான் போட்டி நிலவி வருகிறது. இந்நிலையில், கடந்த 5-ம் தேதி பா.ஜ.க.வின் மூத்த தலைவர் கல்யாண் சிங் பிறந்த நாளை முன்னிட்டு, உன்னாவ் நகரில் ஒரு சிலை திறப்பு விழா நடைபெற்றது. இதையொட்டி கூட்டத்திற்கும் ஏற்பாடு செய்யப்பட்டிருந்தது. அதில் பா.ஜ.க. எம்.எல்.ஏ. பங்கஜ் குப்தா என்பவரும் கலந்து கொண்டார். அவர் மேடையில் அமர்ந்து பேச்சாளர்களின் பேச்சைக் கேட்டுக் கொண்டிருந்தார். அப்போது ஒரு வயதான விவசாயி கையில் கம்பு ஊன்றியபடி தட்டுத்தடுமாறி மேடைக்கு நடந்து வந்தார். எம்.எல்.ஏ.வின் அருகில் வந்த அவர், திடீரென பா.ஜ.க. எம்.எல்.ஏ பங்கஜ் குப்தாவின் தலையில் அறைந்தார். திடீரென அந்த முதியவர் வந்து அடித்ததால் பங்கஜ் குப்தா அதிர்ச்சியாகி விட்டார். உடனடியாக விரைந்து வந்த கட்சியினர், அந்த விவசாயியை மேடையிலிருந்து அப்புறப்படுத்தினர். இந்த வீடியோ காட்சி வேகமாக வைரல் ஆனது. இந்த சம்பவம் குறித்து முன்னாள் முதல்வர் அகிலேஷ் யாதவின் சமாஜ்வாதி கட்சி கடுமையான விமர்சனத்தை முன்வைத்தது. அதில், “பா.ஜ.க. எம்.எல்.ஏ. பங்கஜ் குப்தா ஏற்பாடு செய்திருந்த பொதுக்கூட்டத்தில், விவசாயி ஒருவர் எம்.எல்.ஏ.வை அறைந்துள்ளார். அவர் மீது விழுந்த அறை, எம்.எல்.ஏ. மீதான கோபத்தில் அல்ல, பா.ஜ.க. தலைமையிலான யோகி ஆதித்யநாத் அரசின் மோசமான கொள்கை, ஆட்சிக்கு விழுந்த அடி” என்று விமர்சனம் செய்துள்ளார். ஆனால் இந்த விவகாரம் குறித்து உடனடியாக எம்.எல்.ஏ. குப்தா விளக்கம் அளித்தார். சம்பந்தப்பட்ட விவசாயியையும் தன்னுடன் அமர வைத்துக் கொண்டு செய்தியாளர்களை அவர் சந்தித்தார். அப்போது எம்.எல்.ஏ. பங்கஜ் குப்தா கூறுகையில், “விவசாயி என்னை அடிக்கவில்லை. மகிழ்ச்சியாகத்தான், பாசமாகத்தான் கன்னத்தில் தட்டினார். அது அடித்தது போல தெரிந்து விட்டது” என்று விளக்கம் அளித்தார். விவசாயி கூறுகையில், “நான் அவரை அடிக்கவில்லை. அருகில் வந்து பேசத்தான் முயன்றேன். கன்னத்தைத் தடவிக் கொடுக்க முயன்றபோது அது தவறுதலாக கைப்பட்டு விட்டது. எம்.எல்.ஏ. எனக்கு மகன் போல” என்று சிரித்தபடி கூறினார். தொடர்ந்து எம்.எல்.ஏ .பேசுகையில், “எதிர்க்கட்சிகளுக்கு வேறு வேலையே இல்லை, எந்தப் பிரச்சினையும் இல்லை. விவசாயி என்னை அடித்து விட்டதாக. இப்போது பேசிக் கொண்டுள்ளனர். இவர் எனக்கு அப்பா மாதிரி. இதேபோல என்னை முன்பும் கூட கன்னத்தில் இவர் தட்டியுள்ளார். இதெல்லாம் ஒரு பிரச்சினையா” என்று சிரித்தபடி செய்தியாளர்களிடம் தெரிவித்தார். இந்த சம்பவம் உத்தரப்பிரதேசத்தில் பரபரப்பை ஏற்படுத்தியுள்ளது. उन्नाव सदर से भाजपा विधायक पंकज गुप्ता को आयोजित जनसभा में किसान नेता ने सार्वजनिक रूप से मंच पर ही थप्पड़ जड़ दिया ,किसान द्वारा मारा गया ये थप्पड़ भाजपा विधायक को नहीं बल्कि यूपी की भाजपा शासित आदित्यनाथ सरकार की कुनीतियों ,कुशासन और तानाशाही के मुंह पर जड़ा गया थप्पड़ है! pic.twitter.com/PSa3DK214p — SamajwadiPartyMedia (@MediaCellSP) January 7, 2022
http://dlvr.it/SGlhWT

Read More