காதலை எதிர்த்த வளர்ப்புத் தந்தை மீது போக்ஸோ வழக்கு; பின்னர் மனம் மாறிய மகள்; என்ன நடந்தது?

மும்பை, காந்திவலியை சேர்ந்தவர் நிஷா(பெயர் மாற்றப்பட்டுள்ளது). கடந்த 2018-ம் ஆண்டு, மைனர் பெண்ணான இவர் தன் வளர்ப்புத் தந்தை தன்னை பாலியல் ரீதியாகத் தொல்லை செய்ததாகவும், சித்ரவதை செய்ததாகவும் தன் தாயிடம் கூறி, அவர் மூலம் போலீஸில் புகார் செய்தார். உடனே போலீஸார் போக்ஸோ சட்டத்தின் கீழ் வழக்குப் பதிவு செய்து அப்பெண்ணின் வளர்ப்புத் தந்தையை கைது செய்தனர். மைனர் பெண்ணையும் போலீஸார் பெண்கள் முகாமிற்கு ஆறு மாதங்கள் அனுப்பி வைத்தனர். Jail (Representational Image)போக்ஸோ வழக்கில் சர்ச்சை தீர்ப்பளித்த பெண் நீதிபதி; பதவியிறக்கம் செய்ய பரிந்துரை; என்ன நடந்தது? பெண்கள் முகாமில் இருந்தபோது மைனர் பெண் தனது தவற்றை உணர்ந்து, தன் தந்தை தன்னை பாலியல் தொல்லை செய்யவில்லை என்று போலீஸில் தெரிவித்தார். அதோடு தான் கொடுத்த வாக்குமூலத்தையும் திரும்பப் பெற்றார். அப்பெண் புதிதாகக் கொடுத்த வாக்குமூலத்தில், ``நான் அதே பகுதியில் 20 வயது வாலிபர் ஒருவரைக் காதலித்து வந்தேன். ஆனால் அது என் தந்தைக்குப் பிடிக்கவில்லை. நான் காதலித்து வந்த நபர் போதைப்பொருளுக்கு அடிமையானவர் என்று கூறி என்னை அந்த வாலிபரிடமிருந்து ஒதுங்கி இருக்கும்படி கூறினார். ஒரு முறை நானும் அந்த வாலிபரும் கைகோத்தபடி மார்க்கெட்டில் நடந்து வந்து கொண்டிருந்தபோது என் வளர்ப்புத் தந்தை என்னைப் பார்த்து, என் காதலனை கண்டபடி திட்டி அவமதித்தார். என் காதலனை அவமதித்ததால் கோபத்தில் என் தந்தையை பழிவாங்க போக்ஸோ சட்டத்தின் கீழ் புகார் செய்தேன்" என்று தெரிவித்தார். Love (Representational Image)திருமணம் தாண்டிய உறவால் பணியிடை நீக்கம் செய்யப்பட்ட காவலர்; உத்தரவை ரத்து செய்த நீதிமன்றம்! சம்பந்தப்பட்ட வாலிபரையும் அழைத்து போலீஸார் விசாரித்து உண்மையைத் தெரிந்துகொண்டனர். இதையடுத்து நான்கு மாதம் சிறையில் இருந்த அப்பெண்ணின் தந்தை ஜாமீனில் விடுவிக்கப்பட்டார். ஆனாலும் வழக்கு விசாரணை மட்டும் தொடர்ந்து நான்கு ஆண்டுகளாக நடந்து வந்தது. தற்போது அவ்வழக்கில் இருந்து அப்பெண்ணின் தந்தை கோர்ட்டால் விடுவிக்கப்பட்டுள்ளார். அதோடு அப்பெண்ணையும் தற்போது பெற்றோர் திருமணம் செய்து கொடுத்துள்ளனர்.
http://dlvr.it/SKCGdf

Read More

தேசியக்கொடி சர்ச்சை: சட்டப்பேரவைக்குள் விடிய விடிய உறங்கி தர்ணா செய்த காங்கிரஸ் எம்.எல்.ஏ-க்கள்!

கர்நாடக ஊரக வளர்ச்சித்துறை அமைச்சர் ஈஸ்வரப்பா அண்மையில், ``காவிக்கொடி எதிர்காலத்தில் இந்தியாவின் தேசியக் கொடியாக மாறலாம்.செங்கோட்டையில் ஒரு நாள் அது ஏற்றப்படும்'' என்று கூறினார். இவரின் அந்த பேச்சு அரசியலில் பெரும் சர்ச்சையை ஏற்படுத்தியது. காங்கிரஸ் கட்சியினர் அமைச்சர் ஈஸ்வரப்பா பதவி விலகக் கோரி கடந்த இரண்டு நாட்களாக போராட்டம் நடத்தினர்.அமைச்சர் ஈஸ்வரப்பா கர்நாடகாவில் காங்கிரஸ் கட்சி தரப்பிலிருந்து கண்டனங்கள் வலுப்பெற ஆரம்பித்த நிலையில், முதலமைச்சர் பசவராஜ் பொம்மை, முன்னாள் முதலமைச்சர் எடியூரப்பா, ஆகியோர் சித்தராமையாவுடன் பேச்சுவார்த்தை நடத்தினர். ஆனால் அவர்களின் பேச்சுவார்த்தை தோல்வி அடைந்ததால், காங்கிரஸ் கட்சி எம்.எல்.ஏ-க்கள் இரவில் விடிய, விடிய அங்கேயே படுத்து உறங்கி போராட்டம் நடத்தினர். அவரை பதவியிலிருந்து நீக்கும்வரை போராட்டத்தை கை விட மாட்டோம் என்று கோஷமிட்டனர். அவர்களுக்குத் தேவையான உணவு, தேநீர் மற்றும் காபி ஆகியவை ஏற்பாடு செய்து வழங்கப்பட்டது. ``ஈஸ்வரப்பாவின் பேச்சிலிருந்து ஒரு பகுதியை மட்டும் குறிப்பிட்டுக் காட்டி காங்கிரஸ்காரர்கள் மக்களைத் தவறாக வழி நடத்துகின்றனர். அவர் மீது எந்த நடவடிக்கையும் எடுக்க முடியாது” என்று முதலமைச்சர் பசவராஜ் பொம்மை தெரிவித்திருந்தார் என்பது குறிப்பிடத்தக்கது.பெண் நிருபரிடம் சர்ச்சைக்குரிய பதில்: பகிரங்க மன்னிப்பு கேட்டார் ஈஸ்வரப்பா!
http://dlvr.it/SKBpyg

Read More

இந்திய சிறைகளில் இருந்த 12 பாகிஸ்தான் கைதிகள் விடுதலை

இந்தியச் சிறைகளில் அடைக்கப்பட்டிருந்த பாகிஸ்தானைச் சேர்ந்த 12 பேர் விடுதலை செய்யப்பட்டுள்ளனர். பாகிஸ்தான் வெளியுறவு அமைச்சகத்தின் தொடர் கோரிக்கைகளின் காரணமாக, இந்தியாவின் பல்வேறு சிறைகளில் அடைக்கப்பட்டிருந்த 12 பேரை விடுதலை செய்ய மத்திய அரசு ஒப்புக்கொண்டது. பாகிஸ்தானைச் சேர்ந்த 6 மீனவர்கள் உள்ளிட்ட 12 பேர், தனி வாகனம் மூலம் வாகா எல்லை வரை கொண்டுசெல்லப்பட்டு, அந்நாட்டு அதிகாரிகளிடம் ஒப்படைக்கப்பட்டனர். இவர்களில் ஒருவர் 80 வயது முதியவர் ஆவார். சிறைகளிலிருந்து விடுதலையாகி தாய் மண்ணில் கால் பதித்த பாகிஸ்தானைச் சேர்ந்த 12 பேரும், இந்திய அரசுக்கு நன்றி தெரிவித்தனர்.இதையும் படிக்க: ’விடுதலை புலிகளுக்கு ரூ.42 கோடி மாற்ற முயற்சி’ - என்.ஐ.ஏ விசாரணையில் இலங்கை பெண் தகவல்
http://dlvr.it/SKBRkm

Read More

``தேர்தல் கண்காணிப்புக்காக சென்னையில் 90 பறக்கும் படைகள்”- ககன்தீப்சிங் பேடி

வரும் 19-ம் தேதி நடைபெற உள்ள நகர்ப்புற உள்ளாட்சித் தேர்தலுக்கான பரப்புரை, இன்றுடன் முடியவிருக்கும் நிலையில் சென்னையில் தேர்தல் கண்காணிப்புக்காக 90 பறக்கும் படை குழுக்கள் தங்கள் பணியை மேற்கொள்ள இருப்பதாக மாவட்ட தேர்தல் அலுவலரும் / சென்னை மாநகராட்சி ஆணையருமான ககன்தீப் சிங் பேடி தெரிவித்துள்ளார். சென்னை மாவட்டத்தில் தற்போது 45 பறக்கும் படைகள் செயல்பட்டு வரும் நிலையில், கண்காணிப்பு பணியை மேலும் தீவிரப்படுத்த கூடுதலாக 45 பறக்கும் படை வாகனத்தை சென்னை மாநகராட்சி ஆணையர் ககன்தீப் சிங் பேடி ரிப்பன் மாளிகையில் இன்று தொடங்கி வைத்தார். பின்னர் செய்தியாளர்களிடம் பேசிய அவர், ``இன்று மாலையுடன் பிரசாரம் நிறைவடைய இருக்கிறது. அதற்குப் பிறகு யாரும் பிரசாரம் செய்யக் கூடாது. ஏற்கெனவே 45 பறக்கும் படையினர் தொடர்ந்து ரோந்து பணியில் ஈடுபட்டு வரும் நிலையில், கூடுதலாக 45 பறக்கும் படை என மொத்தமாக 90 பறக்கும் படைகள் தொடர்ந்து ரோந்து பணியில் ஈடுபடுவார்கள். இதில் மாநகராட்சி அலுவலர்கள் போலீசார் மற்றும் வீடியோகிராபர்கள் கண்காணிப்பு செய்வார்கள். தேர்தல் தொடர்பான விதிமீறல்களுக்கு இலவச தொலைபேசி எண் 1800-425-7012 மூலமாக பறக்கும் படைக்கு மக்கள் தகவல் தெரிவிக்கலாம். அதன்பேரில் நடவடிக்கை மேற்கொள்ளப்படும். விதிகளை மீறியதாக ஏற்கெனவே 69 பேர் மீது வழக்குப்பதிவு செய்யப்பட்டுள்ளது. இன்னும் தீவிரமாக கண்காணிக்கப்படும். போஸ்டர் அனுமதி இல்லை என ஏற்கெனவே தேர்தல் ஆணையம் தெரிவித்திருந்தது. ஆனாலும் தற்போது தேர்தல் நேரத்தில் பல்வேறு வேட்பாளர்கள் போஸ்டர்கள் ஒட்டி வருகின்றனர். இதனை அனுமதிக்க முடியாது. 21,000 மேற்பட்ட போஸ்டர்கள் இதுவரை சென்னையில் அகற்றப்பட்டுள்ளது. மீறி போஸ்டர் ஒட்டுபவர்கள் மீது நடவடிக்கை எடுக்கப்படும். இனி இவற்றை மீறி போஸ்டர் மட்டும் இல்லாமல் ஸ்டிக்கர் ஒட்டினால் கடும் நடவடிக்கை எடுக்கப்படும். அவற்றுடன் போஸ்டர் மற்றும் ஸ்டிக்கர் ஒட்டுபவர்கள் மீது அபராதம் விதிக்கப்படும், அதிகபட்சமாக 5 ஆயிரம் ரூபாய் வேட்பாளர் தேர்தல் செலவில் சேர்க்கப்படும். இரவு நேரம் மற்றும் அதிகாலை என இரண்டு நேரங்களில் பணம் பட்டுவாடா மற்றும் பொருட்கள் கொடுப்பதற்கான சாத்தியங்கள் உள்ளது. எனவே பறக்கும் படையினருக்கு அதிகாலை, இரவு நேரங்களிலும் தீவிரமாக கண்காணிக்க உத்தரவிட்டுள்ளேன். யாராவது பணம் பட்டுவாடா ஈடுபட்டால் அவர்கள் மீது கடுமையான நடவடிக்கை எடுக்கப்படும். இதுவரை 1 கோடியே 45 லட்சம் ரூபாய் பொருட்கள் மற்றும் பணம் சென்னையில் பறிமுதல் செய்யப்பட்டுள்ளது. சுமார் 27,000 தேர்தல் அலுவலர்கள் இதற்கான பணியில் உள்ளனர். நேரடியாக Live streaming செய்தும் கண்காணித்து வருகிறோம். மின்னணு வாக்கு இயந்திரம் தயார் நிலையில் இருக்கிறது. உதவி அலுவலர் மூலம் வாக்குச்சாவடி மையத்துக்கு அனுப்ப ஏற்பாடுகள் இருக்கும். வாக்கு இயந்திரம் பழுது ஏற்பட்டால் சரி செய்ய 27 நபர்கள் கொண்ட வல்லுனர் குழு தயாராக இருக்கிறார்கள்” என்றார். சமீபத்திய செய்தி: சித்ரா ராமகிருஷ்ணனுக்கு தொடர்புடைய இடங்களில் வருமான வரித்துறை சோதனை
http://dlvr.it/SK8sWm

Read More

`இஸ்லாமியப் பெண்கள் யாரும் விருப்பப்பட்டு ஹிஜாப் அணிவதில்லை' - யோகி ஆதித்யநாத்

இந்தியா முழுவதும் பெரும் அதிர்வலைகளை ஏற்படுத்தியிருக்கும் ஹிஜாப் விவகாரம் தொடர்பாக கர்நாடக உயர் நீதிமன்றத்தில் வழக்கு விசாரணை நடைபெற்று வருகின்றது. இந்த நிலையில், ஹிஜாப் விவகாரம் தொடர்பாக உத்தரப்பிரதேச முதலமைச்சர் யோகி ஆதித்யநாத் இன்று இந்தியா டுடே செய்தி நிறுவனத்திற்குப் பேட்டி அளித்தார். அப்போது பேசிய அவர், ``இஸ்லாமியப் பெண்கள் யாரும் அவர்களின் விருப்பப்படி ஹிஜாப் அணிவதில்லை. அந்த பெண்கள் ஹிஜாப் அணியக் கட்டாயப்படுத்தப்படுகின்றனர். யோகி முத்தலாக் முறையை இஸ்லாமியப் பெண்கள் விருப்பப்பட்டா ஏற்றுக்கொண்டார்கள். இது குறித்து அந்த பெண்களிடமே கேளுங்கள். முஸ்லிம் பெண்களும் முத்தலாக்கை விரும்பவில்லை. அது பற்றிப் பேசும்போது அவர்களின் வலியைப் நான் பார்த்திருக்கிறேன். ஜான்பூரைச் சேர்ந்த ஒரு பெண் முத்தலாக்கை ரத்து செய்ததற்காகப் பிரதமர் நரேந்திர மோடிக்கு நன்றி தெரிவித்தார்.ஹிஜாப் ஒருவர், தான் அணியும் உடையைத் தேர்வு செய்வது என்பது அவர்களின் தனிப்பட்ட விருப்பத்திற்கு உட்பட்டது. அதில் மற்றவர்கள் தலையிட முடியாது. என்னுடைய அலுவலகத்தில் உள்ள அதிகாரிகளையோ அல்லது கட்சியில் இருப்பவர்களையோ நான் காவி அணிந்து வர வற்புறுத்த முடியுமா? அப்படி என்னால் கூற முடியாது. அனைவருக்கும் சுதந்திரம் இருக்கிறது" என்றார்.`உ.பி-யில் யோகி ஆதித்யநாத் சட்டத்தின் ஆட்சியை நிலைநிறுத்தியுள்ளார்' - பிரதமர் மோடி புகழாரம்!
http://dlvr.it/SK8s3j

Read More

`இனி சந்தன மரங்களை வெளிச்சந்தையில் விற்கலாமா?' - கர்நாடகாவின் புதிய திட்டம் என்ன?

`கந்தாட குடி', `சந்தனத்தின் உறைவிடம்' எனச் சிறப்பு பெயர் பெற்றது கர்நாடகா. ஆனால், சந்தன சாகுபடியில் கர்நாடக அரசு மேற்கொள்ளும் கடுமையான நடவடிக்கைகளால், கர்நாடகாவின் சந்தன சாகுபடி கணிசமாகக் குறைந்து வருகிறது. எனவே, அரசு தற்போது விதிகளைத் தளர்த்துவதாக ஆலோசித்து வருகிறது. அதாவது, விவசாயிகள் பொது சந்தையில் சந்தன மரங்களை விற்கலாம். அரசு ஆலோசித்து வரும் இந்த நடவடிக்கையானது, மாநிலத்தின் இழந்த பெருமையை மீண்டும் மீட்டுத் தரும் என கர்நாடக மக்கள் கருதுகின்றனர். கர்நாடக அரசு கட்டுப்பாட்டின்படி, சந்தன மரங்கள் தனியார் நிலத்தில் பயிரிடப்பட்டாலும், அது அரசாங்கச் சொத்தாகக் கருதப்படும். விவசாயிகள் மரங்களை விற்க வனத்துறையினரை நாட வேண்டும். அதாவது, சந்தை மதிப்பைவிட மிகக் குறைவான விலையில் மரங்களை அரசுக்கு மட்டுமே விற்க வேண்டும். மரம் வெட்டுவதற்கும், எடுத்துச் செல்வதற்கும் விவசாயிகளிடம் 10 சதவிகித `மேற்பார்வைக் கட்டணமும்’ கர்நாடக அரசு வசூலிக்கிறது.சந்தன மரம்‘வனத்துக்குள் ஒரு வீடு’ - சந்தன மரம் வளர்க்கும் சிங்! மேலும் கடத்தல்காரர்களால் மரங்கள் வெட்டப்பட்டுவிட்டால், காவல்துறை மற்றும் வனத்துறையினரால் தேவையற்ற துன்புறுத்தலுக்கு ஆளாக நேரிடும் என்பதால், தனியார் நில உரிமையாளர்கள் சந்தன மரத்தை மிகவும் கவனத்துடன் பாதுகாப்பார்கள். பல விவசாயிகள் இது போன்ற பிரச்னையிலிருந்து தங்களைக் காப்பாற்றிக்கொள்ள இளம் மரங்களையே வெட்டிவிடுவர். அதோடு மட்டுமல்லாமல் விலைமதிப்பற்ற சந்தன மரத்தின் வரத்து அதிகரித்தால், இயற்கையாகவே அதன் விலை குறையும் என்பதால், சிலர் மட்டும் இதிலிருந்து லாபம் பெற வேண்டுமென நோக்கத்துக்காகவே இந்தக் கட்டுப்பாடுகளை அரசு விதித்துள்ளதாக நீண்ட காலமாக விவசாயிகள் குற்றம் சாட்டி வருகின்றனர். ஒரு சந்தன மரம் முழுவதுமாக முதிர்ச்சியடைந்து நல்ல விலையைப் பெறுவதற்கு சுமார் 25 - 30 ஆண்டுகள் ஆகும். இருப்பினும் சிலர் அதை 15 ஆண்டுகளுக்குப் பிறகு, குறைந்த விலையில் விற்க விரும்புகிறார்கள். சந்தன கட்டை வேலூர்: சந்தன மரங்களை வெட்டிக் கடத்த முயற்சி! - சித்தூரைச் சேர்ந்த 2 பேருக்குச் சரமாரி அடி இந்நிலையில் கர்நாடக அரசின் பொது சந்தையில் சந்தன மரங்களை விற்கும் திட்டம் விவசாயிகளின் வருவாயைப் பெருக்கும் மற்றும் அழகுசாதனப் பொருள்கள், வாசனை திரவியங்கள் மற்றும் சோப்புத் தொழில்களில் அதிகரித்து வரும் சந்தனத்தின் தேவையைப் பூர்த்தி செய்யும் என நம்பப்படுகிறது. 1,600 ஹெக்டேருக்கு மேல் சந்தன மரங்களைப் பயிரிட்டு வரும் வனத்துறை, ஆண்டுதோறும் சுமார் 10 லட்சம் மரக்கன்றுகளை விவசாயிகளுக்கு வழங்கி வருகிறது. சந்தன சாகுபடி குறித்த தொலைநோக்குப் பார்வை மத்திய மற்றும் மாநிலங்களில் இல்லாததால் 30,000 ஹெக்டேர் பரப்பளவில் சந்தன மரங்களை சாகுபடி செய்தாலும், வரும் காலங்களில் இந்தியா சந்தன சாகுபடியில் இறக்குமதியாளராகத்தான் தொடரும் எனக் கூறப்படுகிறது.
http://dlvr.it/SK7mcc

Read More

திருமண வீட்டில் சோகம்... கிணற்றில் விழுந்து 13 பெண்கள் பலி; பிரதமர், குடியரசுத் தலைவர் இரங்கல்!

உத்தரப்பிரதேச மாநிலம், குஷிநகர் மாவட்டத்தில் நேற்று திருமண நிகழ்ச்சி ஒன்று நடைபெற்றது. நூற்றுக்கும் அதிகமானவர்கள் அந்த திருமண விழாவில் பங்கேற்றனர். திருமணம் முடிந்து வரவேற்பு நிகழ்ச்சி நடைபெற்றுக்கொண்டிருந்தது. அப்போது வீட்டின் பின்பகுதியில் இரும்பு கம்பி வலையால் மூடப்பட்டிருந்த கிணற்றின் மீது ஏராளமான பெண்கள் நின்று பேசிக்கொண்டிருந்துள்ளனர். அந்த சமயத்தில், யாரும் எதிர்பாராத விதமாக கம்பி வலை உடைந்து, அதில் நின்றிருந்த பெண்கள் அனைவரும் கிணற்றில் விழுந்தனர். உடனே அருகில் இருந்தவர்கள் தீயணைப்புத் துறையினருக்கும், காவல்துறையினருக்கும் தகவல் தெரிவித்தனர்.விபத்து நடந்த கிணறு சம்பவ இடத்துக்கு விரைந்துச் சென்ற தீயணைப்பு மீட்புப் படையினர் கிணற்றுக்குள் விழுந்தவர்களை மீட்கும் பணியில் ஈடுபட்டனர். 15-க்கும் மேற்பட்ட பெண்கள் மற்றும் சிறுமிகள் படுகாயங்களுடன் மீட்கப்பட்டனர். காயமடைந்த பெண்களை சிகிச்சைக்காக மருத்துவமனைகளுக்கு அனுப்பிவைத்தனர். அதேபோல, சம்பவ இடத்திலேயே 11 பெண்களும், சிகிச்சை பலனின்றி 2 பெண்களும் உயிரிழந்தனர். போலீஸார் இறந்தவர்களின் உடல்களை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.பிரதமர் - குடியரசுத் தலைவர் இந்தச் சம்பவம் தொடர்பாக குடியரசுத் தலைவர் ராம்நாத் கோவிந்த் தனது ட்விட்டர் பக்கத்தில், ``உத்தரப்பிரதேச மாநிலத்தில் நடந்த விபத்தில் பெண்கள், குழந்தைகள் உட்பட பலர் உயிரிழந்த சம்பவம் சோகத்தை ஏற்படுத்தியுள்ளது. இந்த துயரமான விபத்தில் தங்கள் உறவினர்களை இழந்து வாடும் அனைத்து குடும்பங்களுக்கும் என்னுடைய ஆழ்ந்த இரங்கலை தெரிவித்துக் கொள்கிறேன். காயமடைந்தவர்கள் விரைவில் குணமடைய வேண்டுகிறேன்" என்று பதிவிட்டிருக்கிறார். அதேபோல பிரதமர் மோடி, ``இந்த விபத்தில் உயிரிழந்தவர்களின் குடும்பங்களுக்கு என்னுடைய ஆழ்ந்த இரங்கலைத் தெரிவித்துக் கொள்கிறேன். மேலும், இந்த விபத்தில் காயமடைந்தவர்கள் விரைவில் குணமடைய இறைவனைப் பிரார்த்திக்கிறேன்" என்று ட்விட்டரில் பதிவிட்டிருக்கிறார். இந்தச் சம்பவம் தொடர்பாக காவல்துறையினர் வழக்கு பதிவு செய்து விசாரித்து வருகின்றனர்.
http://dlvr.it/SK7K48

Read More