"கருத்துக் கணிப்புகள் முக்கியமில்லை; நாங்கள்தான் வருவோம்" - அகிலேஷ் யாதவ்

உத்தரப் பிரதேச தேர்தலில் பாஜக வெற்றி பெறும் என்ற கருத்துக் கணிப்புகளை சமாஜ்வாதி கட்சித் தலைவர் அகிலேஷ் யாதவ்  நிராகரித்துள்ளார்.இது தொடர்பாக கருத்து தெரிவித்துள்ள அகிலேஷ் யாதவ், "கருத்துக்கணிப்பில் அவர்களுக்கு கிடைத்ததை காட்டட்டும்,  உத்தரப் பிரதேசத்தில் பெரும்பான்மையுடன் நாங்கள்தான் வெற்றி பெறுவோம். 300 இடங்களுக்கு மேல் வெற்றி பெற்று சமாஜ்வாதி தலைமையிலான கூட்டணி ஆட்சி அமைக்கும்"எனக் கூறினார் நேற்றுடன் உத்தரப் பிரதேசத்தில் 7 கட்ட தேர்தல்கள் நிறைவு பெற்றது. இந்த சூழலில் பல நிறுவனங்கள் தங்களின் கருத்துக்கணிப்புகளை வெளியிட்டுள்ளது, இந்த கருத்துக்கணிப்புகளில் பாஜகவே மீண்டும் வெற்றிபெறும் என்று தெரிவிக்கப்பட்டுள்ளது. வரும் மார்ச் 10ஆம் தேதி தேர்தல் முடிவுகள் வெளியாகவுள்ளது.
http://dlvr.it/SLHfcm

Read More

மகளிர் தினம்: 'மிதாலி to மீராபாய்' விளையாட்டில் பாலின வேறுபாட்டை தகர்த்த சிங்கப்பெண்கள்!

மாதரை போற்றும் மகத்தான நாள் தான் சர்வதேச மகளிர் தினம் (மார்ச் 8). உலகம் முழுவதும் பல்துறைகளில் சாதித்து வரும் மகளிரை போற்றி பாடுகின்ற நாள் இது. இவ்வேளையில் தங்களது அபார விளையாட்டுத் திறனின் மூலம் இந்திய நாட்டுக்கு பெருமை சேர்த்துக் கொடுக்கும் விளையாட்டு வீராங்கனைகள் குறித்து பார்க்கலாம்.  மிதாலி ராஜ்! இந்திய கிரிக்கெட் அணியின் தலைமகள். சுமார் இரண்டு தசாப்தங்களாக கிரிக்கெட் களத்தை பந்தாடி வருகிறார். மகளிர் கிரிக்கெட் வீராங்கனைகளில் அதிக ரன்களை எடுத்தவர் என்பது தொடங்கி பல்வேறு சாதனைகளை படைத்தவர். 39 வயதான இவர் இந்திய அணியை நடப்பு 50 ஓவர் மகளிர் உலகக் கோப்பை தொடரில் கேப்டனாக வழிநடத்தி வருகிறார். கடந்த முறை இவரது தலைமையிலான அணி இறுதிப் போட்டி வரை முன்னேறி இருந்தது. இவரது பணியை பாராட்டி கடந்த 2021 வாக்கில் மேஜர் தயான் சந்த் கேல் ரத்னா விருதை கொடுத்து கௌரவித்தது இந்திய அரசு.  பி.வி.சிந்து! இவருக்கு அறிமுகமே தேவையில்லை. இந்தியாவில் பல குழந்தைகளை பேட்மிண்டன் ராக்கெட்டை கையிலெடுக்க செய்தவர் சிந்து. பலருக்கு இன்ஸ்பிரேஷன். ரியோ, டோக்கியோ என அடுத்தடுத்த ஒலிம்பிக்கில் மகளிர் ஒற்றையர் பிரிவு பேட்மிண்டனில் ஒலிம்பிக் பதக்கம் வென்றது. இவரது ஒலிம்பிக் பதக்க பட்டியலில் இப்போது தங்கம் மட்டும்தான் மிஸ்ஸிங். பேட்மிண்டனில் உலக சாம்பியன்ஷிப் பட்டத்தை வென்ற முதல் இந்தியர். இந்திய நாட்டின் பல உயரிய விருதுகளை வென்றவர்.  மேரி கோம்! ‘மேரி கோம்’ என்ற பெயரை கேட்டாலே பலருக்கு உடலில் எனர்ஜி எக்கச்சக்கமாக கிடைக்கும். அந்த அளவிற்கு தன்னம்பிக்கை நிறைந்தது இவரது வாழ்க்கை கதை. 2001-இல் உலக பாக்சிங் சாம்பியன்ஷிப்பில் வெள்ளிப் பதக்கம் வென்று தனது என்ட்ரியை விளையாட்டு உலகில் பதிவு செய்தவர். 2012 ஒலிம்பிக்கில் வெண்கலம், 2014 ஆசிய விளையாட்டு மற்றும் 2018 காமன்வெல்த் போட்டியில் தங்கம் வென்றவர். வெற்றியை அதிகம் பெற்ற குத்துச்சண்டை வீராங்கனை என்ற வரலாற்று சாதனையை படைத்தவர்.  அவனி லேகாரா! இந்தியாவின் அரை நூற்றாண்டு கால பாராலிம்பிக் வரலாற்றில் துப்பாக்கி சுடுதல் பிரிவில் முதல் தங்கத்தை தட்டி தூக்கி வந்த சிங்கப் பெண் அவனி லேகாரா தான். 11 வயதில் ஏற்பட்ட விபத்தினால் அவருக்கு தண்டுவட பாதிப்பு ஏற்பட்டு வயிற்றுப் பகுதிக்கு கீழ் உள்ள உடல் பகுதி செயலிழந்து போனது. அதனால் அவரது உடல் முடங்கி போயிருந்தாலும் துளி அளவு கூட அவர் நம்பிக்கையை இழக்கவில்லை. 10 மீட்டர் ஏர் ரைபிள் மற்றும் 50 மீட்டர் ரைபிள் 3 பொசிஷன் என இரண்டு பிரிவிலும் தங்கம் வென்றவர். பாராலிம்பிக்கில் புதிய சாதனை படைத்தவர். அதோடு அதன் மூலம் உலக சாதனையை சமன் செய்தவர். அண்மையில் பத்மஸ்ரீ விருதை வென்றவர்.  மீராபாய் சானு! டோக்கியோ ஒலிம்பிக்கில் இந்தியாவுக்கு முதல் பதக்கம் வென்று கொடுத்த வீராங்கனை தான் மீராபாய் சானு. பளு தூக்குதல் பிரிவில் வெள்ளிப் பதக்கம் வென்றவர். மணிப்பூர் மாநிலத்தை சேர்ந்தவர். உலக சாம்பியன்ஷிப் மற்றும் காமன்வெல்த்தில் தங்கம் வென்றவர். தன் விளையாட்டு ஆர்வத்தை வறுமைக்கு எதிராக சமர் செய்து வென்ற பெண்மணி.  பெண்கள் முயன்றால் அனைத்தும் சாத்தியம் என்பதற்கு சிறந்த உதாரணமாக இந்த சிங்கப் பெண்கள் விளங்குகின்றனர். அதோடு பல துறைகளில் பெண்கள் முன்னேற்றத்திற்கு உந்து சக்தியும் கொடுக்கின்றனர்.  தகவல்: ANI
http://dlvr.it/SLHC6Q

Read More

பிரிந்து சென்ற மனைவி; வேலையும் இல்லை! -நிதி நெருக்கடியால் 3 வயது மகனுடன் ரயில் முன் பாய்ந்த தந்தை

மும்பை புறநகர் ரயில்களில் தினமும் பலர் அடிபட்டு உயிரிழக்கின்றனர். அவர்களில் பலர் யாரென்றே அடையாளம் தெரியாமல் போய்விடுகிறது. சிலர் விபத்தில் உயிரிழக்கிறார்கள். பலர் குடும்ப பிரச்னை, நிதி நெருக்கடியால் ரயில்கள் முன்பு பாய்ந்து தற்கொலையும் செய்து கொள்கின்றனர். அது போன்ற ஒரு சம்பவம் இப்போது நடந்துள்ளது. மும்பை நாலாசோபாரா ரயில் நிலையத்துக்கு ராஜு வாக்ளே(32) என்பவர் தனது 3 வயது மகனுடன் வந்தார். அவர் ரயில் நிலையத்துக்கு அருகில் தண்டவாளத்தில் மகனை கையில் வைத்துக்கொண்டு நடந்து சென்றார். அந்நேரம் அந்த வழியாக சர்ச்கேட் செல்லும் புறநகர் ரயில் ஒன்று வந்தது. உடனே ராஜு அந்த ரயில் முன்பு தனது மகனுடன் பாய்ந்துவிட்டார். இதில் ராஜு தூக்கிவீசப்பட்டார். அவரது 3 வயது மகன் ரயில் மோதி சம்பவ இடத்திலேயே உயிரிழந்தது. ரயில் ரயில் மோட்டார்மேன் கொடுத்த தகவலின் அடிப்படையில் படுகாயம் அடைந்த ராஜு உடனே மருத்துவமனையில் சேர்க்கப்பட்டார். அவர் மிகவும் ஆபத்தான நிலையில் மருத்துவமனையில் சிகிச்சை பெற்று வருகிறார். ரயில்வே போலீஸார் இது குறித்து நடத்திய விசாரணையில் ராஜுவிற்கு கடந்த பல மாதங்களாக வேலை இல்லை. இதனால் மகனை வைத்துக்கொண்டு குடும்பம் நடத்த மிகவும் கஷ்டப்பட்டுள்ளார். நிதி நெருக்கடியை சமாளிக்க முடியாமல் திண்டாடிய ராஜு இந்த விபரீத முடிவை எடுத்துள்ளார். ஒரு ஆண்டுக்கு முன்பு அவரின் மனைவியும் தனது கணவருடன் சண்டையிட்டுக்கொண்டு குஜராத்தில் உள்ள தனது சொந்த ஊருக்கு சென்றுவிட்டார். அதிலிருந்து தனது மகனுடன் ராஜு தனியாக வசித்து வந்தார். தற்போது நடந்துள்ள ரயில் விபத்து சம்பவம் குறித்து குஜராத்தில் உள்ள ராஜு மனைவிக்கு தகவல் கொடுக்கப்பட்டுள்ளது. அவர் மும்பை வந்துள்ளார். தற்போது ராஜு மயக்க நிலையில் இருக்கிறார். அவர் சுயநினைவுக்கு வந்த பிறகு வாக்குமூலம் பெற திட்டமிட்டு இருப்பதாக ரயில்வே போலீஸார் தெரிவித்தனர்.
http://dlvr.it/SLGszr

Read More

Exit Polls: உ.பி-யில் முந்தும் பாஜக; தேர்தலுக்குப் பிந்தைய கருத்துக்கணிப்பு முடிவுகள் சொல்வதென்ன?!

உத்தரப்பிரதேசத் தேர்தல்: இந்தியாவின் மிகப்பெரிய மாநிலமான உத்தரப்பிரதேசத்தில் மொத்தம் 403 தொகுதிகள் இருக்கின்றன. இந்த மாநிலத்துக்கான தேர்தல் பிப்ரவரி மாதம் 10-ம் தேதி தொடங்கி மார்ச் 7-ம் தேதி வரை ஏழு கட்டங்களாக நடைபெறும் என்று இந்தியத் தேர்தல் ஆணையம் தெரிவித்திருந்தது. அதிக சட்டமன்றத் தொகுதி மட்டுமின்றி அதிக மக்களவைத் தொகுதிகளைக்கொண்ட மாநிலம் என்பதால் இந்த மாநிலத் தேர்தல் தேசிய அளவில் பெரும் எதிர்பார்ப்பை ஏற்படுத்தியுள்ளது. கடந்த 2017-ம் ஆண்டு நடைபெற்ற தேர்தலில் பாஜக கூட்டணி 312 இடங்களிலும், சமாஜ்வாடி கட்சி 47 இடங்களிலும், பகுஜன் சமாஜ் கட்சி 17 இடங்களிலும், அப்னா தளம் (சோனேலால்) ஒன்பது இடங்களிலும், இந்திய தேசிய காங்கிரஸ் ஏழு இடங்களிலும் வெற்றிபெற்றிருந்தது.உத்தரப்பிரதேச அரசியல் இந்தத் தேர்தலில், தேசிய ஜனநாயகக் கூட்டணியில், பாஜக 376 இடங்களிலும், நிசாத் கட்சி 15 இடங்களிலும், அப்னா தளம் (சோனேலால்) 12 இடங்களிலும் தேர்தலைச் சந்திக்கின்றன. இந்தக் கூட்டணியில் முதல்வர் வேட்பாளராக யோகி ஆதித்யாநாத் அறிவிக்கப்பட்டுள்ளார். பகுஜன் சமாஜ் கட்சி 403 இடங்களிலும் தனித்துத் தேர்தலைச் சந்திக்கிறது. சமாஜ்வாடி கட்சிக் கூட்டணியில், சமாஜ்வாடி உட்பட மொத்தம் எட்டு கட்சிகள் ஒன்றிணைந்து இந்தத் தேர்தலைச் சந்திக்கின்றன. இந்திய தேசிய காங்கிரஸ் கட்சி தனித்துக் களம் காண்கிறது. இடதுசாரிகள் தொடங்கி, ஆம் ஆத்மி கட்சி வரை பலரும் தேர்தலில் போட்டியிடுகிறார்கள். கருத்துக்கணிப்பு முடிவுகள்: இன்று உத்தரப்பிரதேசத்தின் ஏழாம் கட்ட வாக்குப்பதிவு முடிந்துள்ள நிலையில், தேர்தலுக்கு- பிந்தைய கருத்துக்கணிப்பு முடிவுகள் வெளியாகியுள்ளன. அந்த முடிவுகள் பின்வருமாறு...Republic Exit polls ரிபப்ளிக் செய்தி நிறுவனத்தின் தேர்தலுக்குப் பிந்தைய கருத்துக்கணிப்பு உத்தரப்பிரதேசம் மொத்த இடங்கள் - 403 பாஜக கூட்டணி - 262 முதல் 277 சமாஜ்வாடி கூட்டணி - 119 முதல்134 பகுஜன் சமாஜ் - 7 முதல் 15 காங்கிரஸ் - 3 முதல் 8 மற்றவர்கள் - 1 முதல் 3 exit polls என்.டி.டி.வி எக்ஸிட் போல்ஸ்:- பா.ஜ.க கூட்டணி - 240 இடங்கள் சமாஜ்வாடி கூட்டணி - 143 இடங்கள் பகுஜன் சமாஜ் - 14 இடங்கள் காங்கிரஸ் - 5 இடங்கள் நியூஸ் எக்ஸ்:- பா.ஜ.க கூட்டணி - 211 முதல் 225 இடங்கள் சமாஜ்வாடி கூட்டணி - 146 முதல் 160 இடங்கள் பகுஜன் சமாஜ் - 14 முதல் 24 இடங்கள் காங்கிரஸ் - 4 முதல் 6 இடங்கள் டைம்ஸ் நவ்: பா.ஜ.க கூட்டணி - 225 இடங்கள் சமாஜ்வாடி கூட்டணி - 151 இடங்கள் பகுஜன் சமாஜ் - 14 இடங்கள் காங்கிரஸ் - 9 இடங்கள் மற்றவர்கள் - 4 இடங்கள்UP India Today Exit Poll இந்தியா டுடே: பா.ஜ.க கூட்டணி - 288 முதல் 326 இடங்கள் சமாஜ்வாடி கூட்டணி - 71 முதல் 101 இடங்கள் பகுஜன் சமாஜ் - 3 முதல் 9 இடங்கள் காங்கிரஸ் - 2 முதல் 3 இடங்கள் வீட்டோ: பா.ஜ.க கூட்டணி - 225 இடங்கள் சமாஜ்வாடி கூட்டணி - 151 இடங்கள் பகுஜன் சமாஜ் - 14 இடங்கள் காங்கிரஸ் - 9 இடங்கள் மற்றவர்கள் - 4 இடங்கள்
http://dlvr.it/SLF9cD

Read More

ரஷ்யாவில் டிக்டாக், நெட்ஃபிளிக்ஸ் சேவைகள் நிறுத்தம்

ரஷ்யாவில் தனது நேரடி ஒளிபரப்பு சேவையை நிறுத்துவதாக டிக்டாக் செயலி நிறுவனம் அறிவித்துள்ளது. உக்ரைனில் தாக்குதல் நடத்தி வரும் ரஷ்யா தொடர்பாக பல்வேறு வீடியோக்கள் வெளியாகி வருகின்றன. ஆனால் ஆதாரமற்ற செய்திகளை வெளியிடுவதாக குற்றஞ்சாட்டியுள்ள ரஷ்ய அரசு, போலி செய்திகளை வெளியிட்டால் 15ஆண்டுகள் வரை சிறைத் தண்டனை விதிக்கும் வகையில் சட்டத் திருத்தம் கொண்டு வந்துள்ளது. இதுதொடர்பாக அறிவிப்பையொன்றை வெளியிட்டுள்ள டிக்டாக் செயலி நிறுவனம், பெரும் சோகத்தையும் தனிமையையும் எதிர்கொள்ளக்கூடிய போரின்போது சிறு ஆறுதலாக தங்களது சேவை இருந்ததாகவும் ஆனால் ரஷ்ய அரசின் புதிய சட்டம் மூலம் அதனை தொடர முடியாத நிலை ஏற்பட்டிருப்பதாகவும் தெரிவித்துள்ளது. எனவே ரஷ்யாவில் நேரடி ஒளிபரப்பு சேவையை நிறுத்துவதாகவும் அதேநேரத்தில் தகவல் பரிமாற்ற சேவை தொடரும் என்றும் டிக்டாக் நிறுவனம் கூறியுள்ளது. இதனிடையே உக்ரைன் மீதான தாக்குதலை கண்டிக்கும் வகையில் ரஷ்யாவில் தனது சேவையை நிறுத்துவதாக நெட்ஃபிளிக்ஸ் நிறுவனம் அறிவித்துள்ளது.இதையும் படிக்க: நேட்டோ அமைப்பு எப்படி உருவானது? அமெரிக்கா - ரஷ்யா பனிப்போர் சூழல் என்ன? - முழுமையான வரலாறு
http://dlvr.it/SLDcP1

Read More

"தமிழகத்தில் எனது வாக்கை செலுத்துவதில் பெருமை அடைகிறேன்" - தமிழிசை சவுந்தரராஜன்

தெலங்கானா ஆளுநர் தமிழிசை சௌந்தரராஜன், சென்னை விருகம்பாக்கத்தில் உள்ள காவேரி உயர்நிலைப்பள்ளியில் உள்ள வாக்குச்சாவடியில் வாக்களித்தார். தமிழகத்தில் நகர்ப்புற உள்ளாட்சித் தேர்தலுக்கான வாக்குப்பதிவு இன்று காலை 7 மணிக்கு தொடங்கியது. காலையிலேயே வாக்குச்சாவடிகளுக்கு வந்த பொதுமக்கள் ஆர்வத்துடன் வாக்களித்து வருகின்றனர். இந்நிலையில், காலை 7 மணிக்கே முதல் ஆளாக, தெலங்கானா ஆளுநரும், புதுச்சேரி துணைநிலை ஆளுநருமான தமிழிசை சௌந்தரராஜன், சென்னை விருகம்பாக்கத்தில் உள்ள காவேரி உயர்நிலைப் பள்ளியில் உள்ள வாக்குச்சாவடியில் வாக்களித்தார். வாக்களித்தப் பின் செய்தியாளர்களிடம் பேசிய அவர், “தமிழகத்தில் எனது வாக்கை செலுத்துவதில் பெருமை அடைகிறேன். அதேபோன்று உள்ளாட்சித் தேர்தல் முக்கியமானது. நாம் ஜனநாயக கடமையாற்ற வேண்டும். எல்லோரும் ஓட்டு போடுங்கள். உள்ளாட்சித் தேர்தலில் ஓட்டு போட வேண்டும். தெலங்கானாவில் பழங்குடியினர் நடத்தக்கூடிய யாத்திரையில் கலந்துகொள்ளவேண்டும். இருந்தாலும், முதல் ஆளாக எனது வாக்கை இங்கு பதிவுசெய்துவிட்டு இங்கிருந்து புறப்படுகிறேன்” இவ்வாறு தெரிவித்தார்.
http://dlvr.it/SKFpLx

Read More

முல்லை பெரியாறு விவகாரம்: ``மக்களின் பாதுகாப்பை உறுதி செய்யவே புதிய அணை!" - கேரள ஆளுநர்

கேரள சட்டப்பேரவை கூட்டத்தொடரின் தொடக்க உரையில் பேசிய மாநில ஆளுநர் ஆரிப் முகமது கான், ``முல்லை பெரியாற்றின் குறுக்கே புதிய அணை கட்டப்படுவது குறித்து தமிழக அரசுடன் ஆலோசனை நடத்தப்படும்" என தெரிவித்துள்ளார். ஆரிப் முகமது கான்முல்லை பெரியாறு அணை கண்காணிப்புக்கு கேரள பொறியாளர் நியமனமா? எதிர்க்கும் தமிழக விவசாயிகள்! இதுகுறித்து பேசிய அவர், ``தமிழகத்திற்கு நீர் வழங்குவதில் கேரள அரசுக்கு எந்த பிரச்னையும் இல்லை, அதேசமயம் முல்லை பெரியாற்றின் நீர் மட்டத்தை 136 அடிக்கு மேல் உயர்த்தக்கூடாது என்பதில் கேரள அரசு திட்டவட்டமாக உள்ளது. கேரள மக்களின் பாதுகாப்பை உறுதி செய்யவே, முல்லை பெரியாற்றில் புதிய அணை கட்டப்படும்" என பேசியுள்ளார். முல்லை பெரியாறு அணையில் கூடுதல் அடி தண்ணீர் தேக்கினால், உடைப்பெடுத்து வெள்ளம் உண்டாகும் என கேரள அரசு தமிழகத்தின் கோரிக்கையை மறுத்து வருகிறது. இந்நிலையில், முல்லை பெரியாற்றில் புதிய அணை கட்டப்பட்டால் முழு தண்ணீரையும் கேரளாவே கொண்டாடும் நிலை வந்துவிடும் என தமிழக மக்கள் அச்சம் தெரிவித்து வருகின்றனர்.முல்லை பெரியாறு அணை`முல்லைப்பெரியாறில் புதிய அணை கட்ட வேண்டும்!' - கேரள கவர்னரின் பேச்சால் சர்ச்சை! இந்நிலையில், கேரள சட்டப்பேரவையில் முல்லை பெரியாற்றில் புதிய அணை கட்ட தமிழக அரசோடு ஆலோசிக்கப்படும் என்றும், 136 அடிக்கு மேல் நீர்மட்டத்தை உயர்த்த முடியாது என்றும் கேரள ஆளுநர் பேசியதற்கு எதிர்ப்புகள் கிளம்பி உள்ளன.
http://dlvr.it/SKDLLT

Read More