ஹிஜாப்: `முஸ்லிம் பெண்களின் கவனத்தை திசைதிருப்பும் முயற்சி!' - கேரள ஆளுநர்

கர்நாடகாவில் தொடங்கிய ஹிஜாப் பிரச்னை இன்று சர்வதேச அளவில் பேசுபொருளாகியிருக்கிறது. ஹிஜாப் விவகாரம் குறித்து பல்வேறு தரப்பினரும் மாறுபட்ட கருத்துகளைக் கூறிவருகின்றனர். இந்த நிலையில், தி நியூ இந்தியன் எக்ஸ்பிரஸ் குழுமத்தின் சார்பில் நடைபெற்ற நிகழ்ச்சியில் கேரள ஆளுநர் ஆரிஃப் முகமது கான் பேசினார். அப்போது பேசிய அவர், ```கர்நாடகாவில் எழுந்துள்ள ஹிஜாப் விவகாரம் முஸ்லிம் பெண்களை அவர்களுடைய வீட்டில் அடைக்கும் முயற்சி.ஹிஜாப் சர்ச்சை கல்வி நிறுவனங்கள் சீருடை தொடர்பான விதிகளை கடைப்பிடிக்கலாம். இது நீண்ட காலமாக நடைமுறையிலிருந்து வருகிறது. ஆனால், ஹிஜாப் விவகாரம் சர்ச்சை ஒரு சதி என்பதுதான் என்னுடைய கருத்து. இது போன்ற பிரச்னைகள் முஸ்லிம் பெண்களின் கவனத்தைத் திசை திருப்பும் முயற்சி. மேலும் பெண்களுக்குக் கல்வியின் மீதுள்ள ஆர்வத்தைக் குறைக்கும் முயற்சி'' என்றார். குஜராத்: ஹிஜாப் அணிந்து பள்ளிக்குத் தேர்வெழுத வந்த பெண்களுக்கு எதிர்ப்பு - இந்து அமைப்பினர் கைது!
http://dlvr.it/SLNJHw

Read More

இந்தியாவில் 5 - 12 வயதுக்குட்பட்ட குழந்தைகளுக்கும் விரைவில் கொரோனா தடுப்பூசி?

ஹைதராபாத்தில் செயல்படும் `பயாலஜிக்கல் - இ’ என்ற மருந்து நிறுவனம், இந்தியாவில் 5 - 12 வயதுக்குட்பட்ட குழந்தைகளுக்கும் கோர்பேவேக்ஸ் தடுப்பூசியை அவசர செயல்பாட்டுக்கு அனுமதிக்க கோரியிருப்பதாக தகவல் வெளியாகியுள்ளன. இதற்கு தேவையான தரவுகளை, அந்நிறுவன அதிகாரிகள் சம்பந்தப்பட்ட நிபுணர் குழுவிடம் வழங்கியிருப்பதாக ஏ.என்.ஐ. செய்தி நிறுவனத்துக்கு தகவல் கிடைத்திருப்பாத ஏ.என்.ஐ. தெரிவித்துள்ளது. சமீபத்தில்தான் நிபுணர் குழு சார்பில் 12 - 18 வயதுக்குட்பட்டோருக்கான பயாலஜிக்கல் - இ கொரோனா தடுப்பூசியை, அவசரகால அனுமதியாக சில கட்டுப்பாடுகளுடன் அங்கீகரிக்கப்பட்டிருந்தது குறிப்பிடத்தக்கது. விரைவில் தேசிய மருந்து தலைமை கட்டுப்பாட்டாளர் 5 - 12 வயதுக்குட்பட்டோருக்கான தடுப்பூசியை அங்கீகரிப்பார் என எதிர்ப்பார்க்கப்படுகிறது. எஸ்.இ.சி. எனும் நிபுணர் குழு, அவசர கால பயன்பாட்டுக்கு இதை பரிந்துரைத்திருப்பதாக கூறப்படுகிறது. இந்த தடுப்பூசி வரித்தொகை சேர்க்காமல் ரூ.145 -க்கு விற்பனைக்கு வருமென எதிர்ப்பார்க்கப்படுகிறது. இரு டோஸ்களாக இந்தத் தடுப்பூசியை எடுத்துக்கொள்ள வேண்டியிருக்கும். தற்போதைக்கு, மத்திய அரசு 5 கோடி பயாலஜிக்கல் இ தடுப்பூசியான கோர்பேவேக்ஸை பெற்று, மாநிலங்களுக்கு அதை விநியோகித்திருப்பதாக ஏ.என்.ஐ. செய்திநிறுவனத்துக்கு தகவல் கிடைத்திருப்பதாக அந்நிறுவனம் தெரிவித்திருக்கிறது. Biological E seeks EUA for COVID vaccine Corbevax for children in 5-12 age group: Official sourcesRead @ANI Story | https://t.co/XdjP4Vlitk#Corbevax #BiologicalE #Covid19 pic.twitter.com/NAR3abK5Y0 — ANI Digital (@ani_digital) March 9, 2022 இந்த பயாலஜிக்கல் இ நிறுவனம், தங்களின் 2 மற்றும் 3-ம் கட்ட ஆய்வுகளை கடந்த செப்டம்பர் 2021-லேயே முடித்திருந்தன. சமீபத்திய செய்தி: ’கேஜிஎஃப்’ பிரஷாந்த் நீலின் ‘சலார்’: பிரபாஸுக்கு வில்லனாக மிரட்ட வரும் பிரித்விராஜ்
http://dlvr.it/SLMl8P

Read More

Assembly Election Result 2022: எந்த மாநிலத்தில் யாருக்கு பெரும்பான்மை! - ஐந்து மாநில தேர்தல் முடிவுகள் | Live Updates

ஐந்து மாநில தேர்தல் முடிவுகள்:  ஐந்து மாநிலங்களுக்கான சட்டப்பேரவை தேர்தல் கடந்த இரண்டு மாதங்களாக நடந்து முடிந்தது. உத்தரகாண்ட் மாநிலத்தில் 70 தொகுதிகளுக்கும், கோவாவில் 40 தொகுதிகளுக்கும், பஞ்சாபில் 117 தொகுதிகளுக்கும், உத்தரப் பிரதேசத்தில் 403 தொகுதிகளுக்கும், மணிப்பூரில் 60 தொகுதிகளுக்கும் தேர்தல் நடைபெற்றது. உத்தரப் பிரதேசத்திற்கு ஏழு கட்டங்களாகவும், பஞ்சாப், கோவா மற்றும் உத்தரகாண்ட் ஆகிய மாநிலங்களுக்கு ஒரே கட்டமாகவும் மணிப்பூர் மாநிலத்திற்கு இரு கட்டமாகவும் தேர்தல் நடைபெற்றது.வாக்கு எண்ணிக்கை இந்த தேர்தலில் பதிவான வாக்குகள் அனைத்தும் மார்ச் 10-ந்தேதி, எண்ணப்படுகின்றன. நாளை காலை 8 மணிக்கு வாக்கு எண்ணிக்கை தொடங்கும். வாக்கு இயந்திரங்கள் ஸ்ட்ராங் ரூம் என்று அழைக்கப்படும் அறையில் வைக்கப்பட்டுள்ளது. மார்ச் 10 - தேதி மதியத்துக்குள் எந்த மாநிலத்தில் எந்த கட்சிக்கு பெரும்பான்மை கிடைக்கும் என்பது தெரிந்து விடும்! Exit Polls: மணிப்பூரில் முந்தும் பா.ஜ.க... தேர்தலுக்கு பிந்தைய கருத்துக்கணிப்பு முடிவுகள்!Exit Polls: மணிப்பூரில் முந்தும் பா.ஜ.க... தேர்தலுக்குப் பிந்தைய கருத்துக்கணிப்பு முடிவுகள்! Exit Polls: உ.பி-யில் முந்தும் பாஜக; தேர்தலுக்கு பிந்தைய கருத்துக்கணிப்பு முடிவுகள் சொல்வதென்ன?!Exit Polls: உ.பி-யில் முந்தும் பாஜக; தேர்தலுக்குப் பிந்தைய கருத்துக்கணிப்பு முடிவுகள் சொல்வதென்ன?! Exit Polls: பஞ்சாபில் முந்தும் ஆம் ஆத்மி; தேர்தலுக்கு பிந்தைய கருத்துக்கணிப்பு முடிவுகள் சொல்வதென்ன!Exit Polls: பஞ்சாப்பில் முந்தும் ஆம் ஆத்மி; தேர்தலுக்குப் பிந்தைய கருத்துக்கணிப்பு முடிவுகள்! Exit Polls: உத்தரகாண்ட் தேர்தலுக்கு பிந்தைய கருத்துக்கணிப்பு முடிவுகள் சொல்வதென்ன!Exit Polls: உத்தரகாண்ட்; பாஜக - காங்., இடையே கடும் போட்டி! கருத்துக்கணிப்பு முடிவுகள் Exit Polls: பாஜக VS காங்., இழுபறியில் கோவா - தேர்தலுக்கு பிந்தைய கருத்துக்கணிப்பு முடிவுகள்!Exit Polls: பாஜக VS காங்., இழுபறியில் கோவா - தேர்தலுக்கு பிந்தைய கருத்துக்கணிப்பு முடிவுகள்!
http://dlvr.it/SLMC3K

Read More

உ.பி தேர்தல்: ``பாஜக பயப்படுகிறது; ஜனநாயகத்தைக் காப்பாற்ற கடைசி வாய்ப்பு!" - அகிலேஷ் யாதவ்

இந்தியத் தேர்தல் ஆணையம் அறிவித்திருந்தபடி உத்தரப்பிரதேசம், பஞ்சாப், கோவா, மணிப்பூர், உத்தரகாண்ட் ஆகிய ஐந்து மாநில சட்டமன்ற தேர்தலுக்கான வாக்குப்பதிவு கடந்த திங்களுடன் நிறைவடைந்தது. இதற்கான தேர்தல் முடிவுகள் நாளை(மார்ச் 10) வெளியாகவுள்ளது. இந்த ஐந்து மாநில தேர்தலில் உத்தரப்பிரதேசத்தில் யார் வெற்றிபெறப்போகிறார்கள் என்பதையே பலரும் எதிர்பார்த்துவருகின்றனர். மேலும் உத்தரப்பிரதேசத்தில் நேரடியாகவே பா.ஜ.கவுக்கும், சமாஜ்வாதி கட்சிக்கும் இடையே கடுமையான போட்டி நிலவி வருகிறது. ஆனால் வாக்குப்பதிவுக்குப் பின்னர் நடந்த கருத்துக்கணிப்பில் பெரும்பாலும் உத்தரப்பிரதேசத்தில் மீண்டும் பா.ஜ.க தான் ஆட்சி அமைக்கப்போவதாகக் கூறப்பட்டு வருகிறது. யோகி ஆதித்யநாத் இந்த நிலையில் சமாஜ்வாதி கட்சித் தலைவர் அகிலேஷ் யாதவ், ``உள்ளூர் வேட்பாளர்களுக்குத் தகவல் தெரிவிக்காமல் மின்னணு வாக்குப்பதிவு எந்திரங்கள் கொண்டுசெல்லப்படுகிறது" என நேற்று செய்தியாளர்கள் சந்திப்பில் கூறியுள்ளார். தொடர்ந்து பேசிய அகிலேஷ் யாதவ், ``தேர்தல் ஆணைய அதிகாரிகள் வாக்குப்பதிவு இயந்திரங்களைச் சேதப்படுத்துகிறார்கள். முறையான பாதுகாப்பு இல்லாமல் வாக்கு இயந்திரங்களை கொண்டுசெல்லப்படுவதற்கு என்ன காரணம். எந்தவொரு தகவலும் இல்லாமல் வாக்கு எந்திரங்களைக் கொண்டுசெல்ல முடியாது. நமது வாக்குகளை நாம் தான் காப்பற்ற வேண்டும். ஜனநாயகத்தைக் காப்பாற்ற இதுதான் கடைசி வாய்ப்பு. தேர்தலில் பா.ஜ.க வெற்றிபெறுவது போன்ற கருத்துக்கணிப்பை உருவாக்க பா.ஜ.க முயற்சிக்கிறது. அயோத்தியில் சமாஜ்வாதி வெற்றி பெறுகிறது. அதனால் தான் பா.ஜ.க பயப்படுகிறது" என்றார். Exit Polls: உ.பி-யில் முந்தும் பாஜக; தேர்தலுக்குப் பிந்தைய கருத்துக்கணிப்பு முடிவுகள் சொல்வதென்ன?!
http://dlvr.it/SLLm6D

Read More

’’உக்ரைனில் ரயிலில் ஏற விடாமல் பெப்பர் ஸ்பிரே அடித்தனர்” - தமிழக மாணவி பகீர் பேட்டி

உக்ரைன் நாட்டிலிருந்து திருவாரூர் மாவட்டத்திற்கு வந்த மருத்துவம் பயிலும் மாணவி அபிராமி உக்ரைன் நாட்டில் உயிருக்கு ஏற்பட்ட அச்சுறுத்தல்கள் குறித்து விவரித்தார். தமிழ்நாட்டில் மருத்துவம் படிக்க மத்திய மாநில அரசுகள் எனக்கு உதவ வேண்டும் என கோரிக்கை வைத்தார். திருவாரூர் மாவட்டம் குடவாசல் பகுதியின் விஷ்ணுபுரம் ஊரைச் சேர்ந்தவர் மாணவி அபிராமி. இவர் நீட் தேர்வில் 370 மதிப்பெண்கள் பெற்று இந்தியாவில் மருத்துவம் படிக்க முடியாமல் உக்ரைன் நாட்டில் படித்து வருகிறார். ரஷ்ய எல்லைப்பகுதியான கார்கிவ் பகுதியில் அமைந்துள்ள மருத்துவ பல்கலைக்கழகத்தில் இரண்டாம் ஆண்டு படித்து வருகிறார். உணவு, தண்ணீர் இல்லாமல் தவித்து கஷ்டப்பட்டு ரயில் நிலையம் வந்த அபிராமி மற்றும் அவரது நண்பர்கள் ஏகப்பட்ட இன்னல்களை உக்ரைன் நாட்டினர்களால் சந்தித்துள்ளனர். கார்கிவ் பகுதியிலிருந்து தப்பித்து ரோமானியா எல்லை வருவதற்குள் அபிராமி பல்வேறு இன்னல்களை சந்தித்து உள்ளார். உக்ரைன் நாட்டினர் இந்தியர்களை ரயிலில் ஏறவிடாமல் பெப்பர் ஸ்பிரே அடித்ததாகவும், இந்தியர்கள் புகைப்படம், வீடியோ எடுக்க அவர்கள் அனுமதிக்கவில்லை எனவும் அவர் கூறினார். மேலும், மிகவும் கடினப்பட்டு ரோமானிய எல்லை சென்று அதன் பிறகு டெல்லி வந்து டெல்லியில் இருந்து சென்னை வந்து சென்னையில் இருந்து திருவாரூர் வந்துள்ளார். ரோமானிய நாட்டினர் அவர்களுக்கு உதவியதை மிகவும் நெகிழ்ச்சியுடன் பகிர்ந்து கொண்டார். மேலும் தனக்கு உதவிய மத்திய மாநில அரசுகளுக்கும் நேரில் சந்தித்து ஆறுதல் தெரிவித்த முன்னாள் உணவுத்துறை அமைச்சர் காமராஜ்க்கும் நன்றி தெரிவித்தார். தொடர்ந்து பேசிய அவர், ‘’இனி நான் உக்ரைன் நாட்டில் சென்று மருத்துவம் படிப்பது என்பது இயலாத காரியம். நீட் தேர்வில் 370 மதிப்பெண்கள் பெற்றும் பன்னிரண்டாம் வகுப்பில் 600 மதிப்பெண்களுக்கு 496 மதிப்பெண்கள் பெற்றும் என்னால் மருத்துவம் பயில முடியாமல் போனதால்தான் நானும் உக்ரைன் நாட்டுக்கு சென்று படித்தேன். தற்போதைய சூழலில் என்னுடைய மருத்துவக் கனவு சிதையாமல் இருக்க மத்திய, மாநில அரசுகள் தமிழகத்தில் எனக்கு மருத்துவம் படிக்க உதவி செய்யவேண்டும்’’ என வேதனையுடன் கோரிக்கை வைத்தார்.
http://dlvr.it/SLLRHX

Read More

யூடியூபை தவறாக பயன்படுத்துவதை தடுக்க வழிமுறைகள் தேவை: உயர்நீதிமன்ற மதுரைக்கிளை நீதிபதி

தமிழ்நாடு முன்னாள் முதல்வர் கருணாநிதி, முதல்வர் ஸ்டாலின் குறித்து கடுமையாக விமர்சனம் செய்தது தொடர்பான வழக்கில் சாட்டை துரைமுருகனுக்கு வழங்கப்பட்ட ஜாமீனை ரத்து செய்யக்கோரிய வழக்கை மார்ச் 17-ஆம் தேதிக்கு ஒத்திவைத்து உயர்நீதிமன்ற மதுரைக்கிளை உத்தரவிட்டுள்ளது. யூடியூபில் முன்னாள் முதல்வர் கருணாநிதி, முதல்வர் ஸ்டாலின் குறித்து கடுமையாக விமர்சனம் செய்தும், அவதூறான கருத்துக்களை பேசியும் வீடியோ வெளியிட்டார் சாட்டை துரைமுருகன். இதையடுத்து துரைமுருகன் கைது செய்யப்பட்டு திருச்சி மத்திய சிறையில் அடைக்கப்பட்டார். இந்த வழக்கில் தனக்கு ஜாமீன் வழங்க வேண்டும் என உயர்நீதிமன்ற மதுரை கிளையில் மனு செய்திருந்தார். அந்த மனுவை விசாரணை செய்த நீதிமன்றம் இனிமேல் இதுபோன்ற அவதூறுகளை பரப்ப மாட்டேன் என உறுதிமொழி பத்திரம் பெற்றுக்கொண்டு நிபந்தனை ஜாமீனில் அவரை விடுதலை செய்தது. இந்நிலையில் சாட்டை துரைமுருகன் நீதிமன்றத்தில் அளித்த உறுதிமொழி உத்தரவாதத்தை மீறி தமிழக முதல்வர் குறித்து அவதூறாக பேசியுள்ளார். இதன்பேரில் மீண்டும் வழக்கு பதிவு செய்யப்பட்டுள்ளது. எனவே இவருக்கு வழங்கப்பட்ட ஜாமீனை ரத்து செய்ய வேண்டும் என அரசு தரப்பில் மேல்முறையீடு செய்யப்பட்டது. இந்த வழக்கை ஏற்கனவே விசாரித்த போது யூடியுப் சம்பந்தமான விபரங்களை சேகரித்து நீதிமன்றத்திற்கு உதவுவதற்காக வழக்கறிஞர் ராமகிருஷ்ணன் நியமிக்கப்பட்டார். இந்த நிலையில் இன்று வழக்கை விசாரித்த நீதிபதி புகழேந்தி, "இந்தியாவில் பல லட்சம் பேருக்கு யூடியூப் வேலை வழங்கி உள்ளதாக செய்தி வெளியாகியுள்ளது. யூடியூப் மூலம் பல நல்ல விஷயங்கள் இருந்தாலும் அதனை பலர் தவறாக உபயோகப்படுத்தி வருகின்றனர். யூடியூபை தவறாக பயன்படுத்துவதை தடுப்பதற்கு வழிமுறைகள் தேவை. இந்த வழக்கில் உதவுவதற்காக நீதிமன்றம் நியமனம் செய்த வழக்கறிஞர் ராமகிருஷ்ணன் யூடியூப் குறித்து விபரங்களைப் பதில் மனுவாக தாக்கல் செய்ய உத்தரவிட்டு வழக்கு விசாரணையை மார்ச் 17-ஆம் தேதிக்கு ஒத்திவைத்து உத்தரவிட்டார்.
http://dlvr.it/SLJm5M

Read More

பல்லடம்: அதிகாலையில் நடந்த கோர சாலை விபத்து - குழந்தை உட்பட 4 பேர் உயிரிழப்பு

பல்லடம் அருகே சரக்கு ஆட்டோ இரண்டு இருசக்கர வாகனங்கள் மீது நேருக்கு நேர் மோதிய கோர விபத்தில் 3 வயது குழந்தை உட்பட 4 பேர் சம்பவ இடத்திலேயே உயிரிழந்தனர். கோவையைச் சேர்ந்த குமரேசன் அவரது மனைவி ஆனந்தி ஆகியோரும், முருகன் அவரது மனைவி முத்துலட்சுமி மற்றும் 3 வயது குழந்தையுடன் இரண்டு இருசக்கர வாகனத்தில் கோவையில் இருந்து மணப்பாறை நோக்கி சென்று கொண்டிருந்தனர். அப்போது, திருப்பூர் மாவட்டம் பல்லடம் தாராபுரம் சாலை புத்தரச்சல் அருகே வந்தபோது, எதிரே காய்கறிகளை ஏற்றிக்கொண்டு கோவை நோக்கிச் சென்ற சரக்கு ஆட்டோ நேருக்கு நேராக இருசக்கர வாகனங்கள் மீது மோதியது. இதில் இருசக்கர வாகனங்களில் சென்ற ஐந்து பேரும் சரக்கு ஆட்டோவின் இடிபாடுகளில் சிக்கிக் கொண்டனர். இந்த விபத்து குறித்து அவ்வழியே சென்றவர்கள் காமநாயக்கன்பாளையம் போலீசாருக்கு தகவல் தெரிவித்தனர். அதனைத்தொடர்ந்து சம்பவ இடம் விரைந்து சென்ற போலீசார் உயிருக்கு போராடிக் கொண்டிருந்த ஆனந்தியை மீட்டு 108 ஆம்புலன்ஸ் மூலம் பல்லடம் அரசு மருத்துவமனைக்கு சிகிச்சைக்காக அனுப்பி வைத்தனர். இந்த விபத்தில் குமரேசன், முருகன் அவரது மனைவி முத்துலட்சுமி மற்றும் 3 வயது குழந்தை ஆகியோர் சம்பவ இடத்திலேயே உயிரிழந்தனர். இதையடுத்து பலியான 4 பேரின் உடல்களையும் கைப்பற்றி போலீசார், பிரேத பரிசோதனைக்காக பல்லடம் அரசு மருத்துவமனைக்கு அனுப்பி வைத்துள்ளனர். மேலும் இந்த விபத்துக்கு காரணமான சரக்கு ஆட்டோ ஓட்டுநர் தப்பியோடி தலைமறைவாகிவிட்டதாக கூறப்படும் நிலையில், அவரை போலீசார் வலைவீசி தேடி வருகின்றனர். இச்சம்பவம் பொதுமக்கள் மத்தியில் அதிர்ச்சியை ஏற்படுத்தியுள்ளது.
http://dlvr.it/SLJB5L

Read More