`விஜய் சேதுபதியுடன் செல்ஃபி, மரத்தடியில் சாப்பாடு..!' - அனுபவம் பகிரும் டாக்டர் ஃபாத்திமா

`உடலில் எந்தக் குறைபாடு இருந்தாலும் அதை மனதில் சுமக்கக் கூடாது!' என்பார்கள். அதற்கு ஆகச்சிறந்த உதாரணம், கேரளாவைச் சேர்ந்த ஃபாத்திமா. அடிக்கடி எலும்பு முறிவை ஏற்படுத்தும் `ஆஸ்டியோஜெனெஸிஸ் இம்பெர்ஃபெக்டா' என்ற அரிய வகை நோய் பாதிப்பு கொண்ட இவருக்கு, பலமான காற்றடித்தால்கூட கீழே விழுந்து எலும்பு முறிவு ஏற்படலாம். இதுவரை 50 முறைக்கும் மேல் எலும்பு முறிவு ஏற்பட்டு, பலமுறை அறுவை சிகிச்சை செய்யப்பட்டு, ஃபாத்திமாவின் உடலின் பெரும்பாலான இடங்களிலும் இரும்புத் தகடுகள் பொருத்தப்பட்டுள்ளன. விஜய் சேதுபதியுடன் ஃபாத்திமா, ஃபிரோஸ்அடிக்கடி உடையும் எலும்புகள்... ஆனாலும் அசராத ஃபாத்திமா! இவ்வளவு பெரிய வேதனையையும் சகஜமாக ஏற்றுக்கொண்டு, மகிழ்ச்சியான வாழ்க்கைக்குப் பழகிய ஃபாத்திமா, மருத்துவராக உயர்ந்திருப்பது மதிப்புக்குரிய சாதனை. இவரிடம் சில நிமிடங்கள் உரையாடினால், எவருக்கும் வாழ்க்கை மீதான நன்னம்பிக்கை கூடும். வலிகளைத் தாண்டி வலிமையைப் பெற்ற தனது தன்னம்பிக்கை கதையை, சமீபத்தில் அவள் விகடன் பேட்டியில் கூறியிருந்தார் ஃபாத்திமா. அதில், ``நடிகர் விஜய் சேதுபதியின் பெரிய ரசிகை நான். அவரை நேர்ல சந்திக்கிற வாய்ப்பு கிடைச்சா ரொம்பவே சந்தோஷப்படுவேன். அந்த தினத்துக்காக ஆவலுடன் காத்திருக்கேன்" என்று எதிர்பார்ப்புடன் கூறியிருந்தார். நியாயமான ஆசைகள் அனைத்தும் சாத்தியமானவைதானே? விஜய் சேதுபதியுடன் ஃபாத்திமாவைச் சந்திக்க வைப்பதற்கான ஏற்பாடுகளைச் செய்தோம். விஜய் சேதுபதி, நயன்தாரா, சமந்தா உள்ளிட்ட நட்சத்திரப் பட்டாளத்துடன் `காத்து வாக்குல ரெண்டு காதல்' படம் தயாராகிவருகிறது. அந்தப் படத்தின் இறுதிகட்ட படப்பிடிப்பு கடந்த வாரம் சென்னையில் நடைபெற்றது. படப்பிடிப்புத் தளத்துக்கு வருமாறு விஜய் சேதுபதி தரப்பிலிருந்து அழைப்பு வந்தது. இதற்காக, தனது குடும்பம் சகிதமாக, கேரளாவிலிருந்து பெரும் எதிர்பார்ப்புடன் சென்னை வந்திருந்தார் ஃபாத்திமா.விஜய் சேதுபதியுடன் ஃபாத்திமா, ஃபிரோஸ் நயன்தாரா, சமந்தா மற்றும் முக்கிய கதாபாத்திரங்கள் சம்பந்தப்பட்ட காட்சிகளைப் படமாக்கும் பணியில், இயக்குநர் விக்னேஷ் சிவன் உள்ளிட்ட படக்குழுவினர் பரபரப்பாக இயங்கிக்கொண்டிருந்தனர். சற்று நேரத்தில் கேரவனிலிருந்து இறங்கி வந்தார் விஜய் சேதுபதி. அவரைக் கண்டதும் பரவசத்தில் திக்குமுக்காடிப்போனார் ஃபாத்திமா. அனைவரையும் வரவேற்று உபசரித்த விஜய் சேதுபதி, ஃபாத்திமா மற்றும் அவரின் குடும்பத்தினருடன் வெகுநேரம் உரையாடினார். ஃபாத்திமாவின் உடல்நிலையைக் கேட்டறிந்து ஆச்சர்யமானார். பின்னர், மரத்தடியில் அமர்ந்து அவர்களுடன் இணைந்து மதிய உணவு சாப்பிட்டார். ``உங்களையெல்லாம் சந்திச்சதுல ரொம்ப சந்தோஷம். இவ்ளோ அன்பு கிடைக்கிறதுக்கு நான் கொடுத்து வெச்சிருக்கணும்" என்று அன்பில் உருகிய விஜய் சேதுபதி, ஃபாத்திமாவையும் அவரின் கணவர் ஃபிரோஸையும் உள்ளன்புடன் பாராட்டினார். பின்னர், அவர்களின் விருப்பத்தை ஏற்று செல்ஃபி எடுத்துக் கொடுத்தவர், அனைவரையும் வழியனுப்பி வைத்த பின்னர், படப்பிடிப்பில் பிஸியானார். விஜய் சேதுபதியுடன் ஃபாத்திமா குடும்பத்தினர் ஓடியாடி விளையாட முடியாமல், விரும்பிய இடங்களுக்குச் செல்ல முடியாமல், இயல்பாகத் தூங்க முடியாமல்... இதுபோல ஃபாத்திமாவுக்கு முடியாமல் போன விஷயங்கள் ஏராளம். `இழப்பதெல்லாம் மற்றொன்றை அடையவே' என்பதுபோல, இப்போதுதான் ஃபாத்திமாவின் வாழ்க்கையில் மகிழ்ச்சி துளிர்க்கிறது. அதில், விஜய் சேதுபதியுடனான சந்திப்பு, ஃபாத்திமாவுக்கு என்றென்றும் நினைவுகூரத்தக்க மகிழ்ச்சித் தருணமாக அமைந்தது. அந்தச் சந்திப்புக்குப் பிறகு, கணவர் ஃபிரோஸுடன் இணைந்து பேசிய ஃபாத்திமா, தனது பாசிட்டிவிட்டியை நமக்கும் கடத்தினார். ``எனக்கிருக்கிற இந்த பாதிப்பு உடையவங்களுக்கு எலும்புல பலம் ரொம்பவே குறைவா இருக்கும். உதாரணத்துக்குச் சொல்லணும்னா, முட்டை ஓடு மாதிரிதான் என்னோட எலும்பும் பலவீனமானது. இப்போ பரவாயில்ல. நான் குழந்தையா இருந்தபோது வேகமா தும்மல் வந்தாகூட கீழ விழுந்துடுவேன். உடனே சில எலும்புகள் உடைஞ்சுடும் அல்லது நொறுங்கிடும். ஆஸ்பத்திரிக்கு என்னைத் தூக்கிட்டுப் போகும்போதுகூட எலும்புகள் உடையும். அதனால, அப்பல்லாம் என்னைத் தொடவும், தூக்கவும்கூட குடும்பத்தினர் பயப்படுவாங்க. எலும்பு உடையும்போதும் வலி ஏற்படும்போதும் மட்டும்தான் வருத்தப்படுவேன். மத்த நேரங்கள்ல வருத்தத்துக்கு இடமில்லாத வகையில வீல்சேர் வாழ்க்கைக்கு என் மனசைத் திடப்படுத்திகிட்டேன்" - மனஉறுதியால் தன்னைப் பலப்படுத்திக்கொண்ட விதத்தை அழகாக விவரித்தார். விஜய் சேதுபதியுடன் ஃபாத்திமா, ஃபிரோஸ்"`ஐ லவ் யூ' என்ற வாக்கியத்தின் பின்னால் ஐம்பது அறுபது பக்க உணர்வுகள் இருக்கின்றன!"- விஜய் சேதுபதி ``குடும்பத்தினருக்கு அடுத்தபடியா என் வாழ்க்கையில டாக்டர்களோடுதான் அதிகமா நேரம் செலவிட்டிருக்கேன். அவங்களோட அர்ப்பணிப்பு கொண்ட வேலை எனக்கு ரொம்ப பிடிக்கும். அதனால நானும் டாக்டராக ஆசைப்பட்டேன். `உன்னாலயெல்லாம் டாக்டராக முடியாது’னு ஆரம்பத்துல பலரும் ஏளனம் பேசினாங்க. ஆனாலும், என் முயற்சியை நான் கைவிடலை. மெடிசின் படிக்க முதன்முறை நுழைவுத்தேர்வு எழுதி செலக்ட் ஆகி, கலந்தாய்வுக்கு வீல்சேர்ல போனேன். உடல்நிலையைக் காரணம் காட்டி எனக்கு சீட் தர மறுத்துட்டாங்க. அப்புறமா மறுபடியும் நுழைவுத்தேர்வு எழுதினேன். கடுமையான வலியைப் பொறுத்துகிட்டு, கலந்தாய்வுக்கு வாக்கர்ல மெதுவா நடந்துபோனேன். அதுக்கப்புறமாதான் எனக்கு சீட் கிடைச்சது" என்பவர், ஹோமியோபதி மருத்துவப் படிப்பை முடித்து, கோட்டயம் அரசு மருத்துவக் கல்லூரியில் பயிற்சி மருத்துவராகப் பணியாற்றிவருகிறார். `நிலாவைப் போலே சிரிக்கும் பெண் குழந்தை' என்ற நூலை எழுதியுள்ள ஃபாத்திமா, தன்னம்பிக்கைப் பேச்சாளராகவும் நம்பிக்கையூட்டுகிறார். `மனைவி அமைவதெல்லாம் இறைவன் கொடுத்த வரம்' என்பார்கள். அதுபோலவே, `கணவன் அமைவதும் இறைவன் கொடுத்த வரமே' என்பதற்கு உதாரணமாய், ஃபாத்திமாவுக்குக் கிடைத்த வாழ்க்கைத்துணை ஃபிரோஸ். நள்ளிரவு `சாட்'டில் மலர்ந்த தங்கள் காதல் குறித்துப் பகிர்ந்த ஃபெரோஸின் முகத்தில் வெட்கம் `பளிச்'சென எட்டிப்பார்த்தது. ``இரவு நேரத்துல `சாட்' பண்றதுக்குனு எங்க நண்பர்கள் வட்டாரத்துல ஒரு வாட்ஸ்அப் குரூப் வெச்சிருந்தோம். சினிமா, கவிதை, ஜோக்ஸ்னு அந்த குரூப் ராத்திரி நேரத்துல களைகட்டும். அப்படித்தான் எங்களுக்குள்ள நட்பு வளர்ந்துச்சு. ரசனை, எதிர்பார்ப்பு, வாழ்க்கைக்கான தெளிவுன்னு எங்க ரெண்டு பேரின் எண்ணமும் ஒரே அலைவரிசையில இணைஞ்சது. ஃபாத்திமா - ஃபிரோஸ் `நிலாவைப் பார்க்கும்போதெல்லாம் உன் சிரித்த முகம்தான் என் நினைவுக்கு வரும்'னு ஒருமுறை நான் மெசேஜ் அனுப்ப, ஃபாத்திமா இம்ப்ரெஸ் ஆகிட்டாங்க. எங்க ரெண்டு பேர் குடும்பத்தினரும் முற்போக்கா யோசிப்பாங்க. அதனால, எங்க காதலுக்கு சீக்கிரமே ஆதரவு கிடைச்சது" என்னும் ஃபிரோஸ், ``ஃபாத்திமா மேல எனக்கு இதுவரை அனுதாபம் வந்ததில்லை. மாறா, ஃபாத்திமா மேல மென்மேலும் மதிப்பு கூடிட்டே போகுது" என்று பெருமிதத்துடன் கூறுகிறார். மாற்றுத்திறனாளிகள், தங்கள்மீதான மற்றவர்களின் அனுதாபப் பார்வையை விரும்ப மாட்டார்கள். அந்த மாற்றம் மொத்த சமூகத்திலும் ஏற்பட வேண்டும் என்பதை வலியுறுத்தும் ஃபாத்திமா, ``எல்லோரையும்போலத்தான் நாங்களும். நாம நார்மலா இருக்கிறதும், அப்நார்மலா இருக்கிறதும் உடலமைப்பைப் பொருத்ததா இல்லாம, எண்ணத்தைப் பொருத்ததா இருக்கணும். ஃபாத்திமா நம்ம உடலமைப்பு எப்படி இருந்தாலும் அதைப் பத்தி கவலை வேண்டாம். ஆன்மா போன பிறகு, நம்ம உடல் கடைசியில எரியூட்டப்படும் அல்லது மண்ணுல கலந்து மட்கும். அதனால, ஆன்மாதான் உடலுக்கு அழகே தவிர உருவமல்ல! மனசுல குறைபாடு இல்லாம இருந்தா, யார் எந்த நிலையில இருந்தாலும் நம்பிக்கையுடன் ஜெயிக்க முடியும். `ஐயோ பாவம்'னு யாரையும் பரிதாபமா பார்க்காம, எல்லா மனிதர்களையும் ஒரே கண்ணோட்டத்துல அணுகுவோம். மத்தவங்களோட பார்வையைப் பத்தி நான் கண்டுக்க மாட்டேன். என்னைச் சரியா புரிஞ்சுக்கிட்ட குடும்பம், நண்பர்கள், கணவர்னு எல்லாமே நல்லபடியா அமைஞ்சிருக்கு. ஐ’ம் வெரி ப்ளெஸ்டு!" என்று உறுதியுடன் முடிக்க, அதை ஆமோதித்துச் சிரிக்கிறார் ஃபிரோஸ். அவள் விகடனில் வெளியான ஃபாத்திமாவின் விரிவான பேட்டியைப் படிக்க, இங்கே க்ளிக் செய்யவும்.
http://dlvr.it/SNFpbs

Read More

உக்ரைன் ரயில் நிலையத்தின் மீது ரஷ்யா ஏவுகணை தாக்குதல் - 35 பேர் உயிரிழப்பு

உக்ரைனின் கிராமடோர்ஸ்க் ரயில் நிலையத்தில் ரஷ்யா இன்று நடத்திய ஏவுகணைத் தாக்குதலில் 35 பேர் உயிரிழந்தனர். நூற்றுக்கும் மேற்பட்டோர் படுகாயமடைந்தனர். ரஷ்யா - உக்ரைன் இடையேயான போர் நாளுக்கு நாள் தீவிரமாகி வருகிறது. போர் நிறுத்தம் தொடர்பாக நடைபெற்ற பேச்சுவார்த்தைகளில் சுமுகமான முடிவு ஏதும் எட்டப்படாததால், சண்டை தொடர்ந்து நீடித்து வருகிறது. உக்ரைன் தலைநகர் கீவ்வை கைப்பற்றும் முயற்சியில் ரஷ்ய படைகள் தீவிரமாக ஈடுபட்டுள்ளன. அதேபோல, உக்ரைனின் கிழக்குப் பகுதிகளில் அமைந்திருக்கும் நகரங்கள் மீதும் கடுமையான தாக்குதலை ரஷ்யா நடத்தி வருகிறது. ரஷ்யாவின் இந்தத் தாக்குதலில் உக்ரைனில் ஆயிரக்கணக்கானோர் உயிரிழந்துள்ளதாக கூறப்படுகிறது. லட்சக்கணக்கானோர் அண்டை நாடுகளில் தஞ்சமடைந்து வருவதாக ஐ.நா. தெரிவித்துள்ளது. அதே சமயத்தில், உக்ரைன் ராணுவத்தின் தாக்குதலில் ரஷ்ய படையினர் ஏராளமானோரும் உயிரிழந்துள்ளனர். இதனிடையே, உக்ரைனில் பொதுமக்கள் வசிக்கும் குடியிருப்புகள், மருத்துவமனைகள், பள்ளிக்கூடங்கள் ஆகியவற்றின் மீது ரஷ்யா வேண்டுமென்றே தாக்குதல் நடத்தி வருவதாக உக்ரைன் அரசு குற்றம்சாட்டியுள்ளது. போர் விதிமுறைகளை மீறி தாக்குதல் நடத்தி வருவதால் ரஷ்ய அதிபர் விளாடிமிர் புடினை போர் குற்றவாளியாக அறிவிக்க வேண்டும் என உக்ரைன் அதிபர் செலன்ஸ்கி வலியுறுத்தி வருகிறார். ஆனால், பொதுமக்கள் மீது தாக்குதல் நடத்தவில்லை என ரஷ்யா மறுத்து வருகிறது. இந்நிலையில், கிழக்கு உக்ரைனின் கிராமடோர்ஸ்க் நகரில் உள்ள ரயில் நிலையத்தின் மீது ரஷ்ய ராணுவம் இன்று பயங்கர ஏவுகணை தாக்குதலை நடத்தியது. பொதுமக்களை பாதுகாப்பான இடங்களுக்கு அழைத்து செல்ல இந்த ரயில் நிலையத்தை உக்ரைன் பயன்படுத்தி வந்தது. ரஷ்யாவின் இந்த தாக்குதலில் ரயில் நிலையத்தில் இருந்த பொதுமக்கள் 35 பேர் பரிதாபமாக உயிரிழந்தனர். நூற்றுக்கும் மேற்பட்டோர் படுகாயமடைந்தனர். காயமடைந்தவர்கள் அருகில் உள்ள மருத்துவமனைகளில் சிகிச்சைக்காக அனுமதிக்கப்பட்டுள்ளனர் என உக்ரைன் ராணுவம் தெரிவித்துள்ளது.
http://dlvr.it/SNFYd7

Read More

‘டாணாக்காரன்’ விமர்சனம்: ஓடிடிக்கும் தமிழ் சினிமாவுக்கும் இருக்கும் ராசியை உடைத்ததா?

மீண்டும் ஒரு பெரிய வெற்றிக்காக காத்திருக்கும் விக்ரம் பிரபு நடித்திருக்கும் படம்... வெற்றிமாறனின் துணை இயக்குநர், ‘ஜெய்பீம்' படத்தில் போலீஸ் எஸ்.ஐயாக நடித்து ஈரக்குலையை நடுங்கவைத்த தமிழ் இயக்கியிருக்கும் படம் ‘டாணாக்காரன்’. மோசமான போலீஸாக நடித்தவரே போலீஸைப்பற்றி இயக்கியிருக்கும் படம் என்பதால் எதிர்பார்ப்புகளுடன் நேரடியாக டிஸ்னி ப்ளஸ் ஹாட்ஸ்டார் ஓடிடியில் வெளியாகியிருக்கிறது ’டாணாக்காரன்’. ’நாம பாதிக்கப்பட்டு புகார் கொடுக்கப்போகும்போது, அங்க ஒரு நேர்மையான போலீஸ் இருந்திருந்தால் தீர்வு கிடைத்திருக்குமல்லவா?’ என்ற கேள்வியுடன், தன் அப்பாவின் வாழ்க்கையில் நடந்த ஒரு சம்பவத்தை மையமாக வைத்துக்கொண்டு, நேர்மையான போலீஸ் ஆகவேண்டும் என்ற வெறியோடு காவலர் பயிற்சி பள்ளிக்கு வருகிறார் அறிவழகன் (விக்ரம் பிரபு). பயிற்சிகளத்தில் காவல் பயிற்சியாளர்களால் அவர் எதிர்கொள்ளும் பிரச்னைகள்தாம் ’டாணாக்காரன்’ கதைக்களம். அசாத்தியமான உழைப்பையும், அட்டகாசமான நடிப்பையும் கோரும் கதாபாத்திரம். அதனை உணர்ந்து நல்லதொரு நடிப்பை வெளிப்படுத்தியிருக்கிறார் விக்ரம் பிரபு. இதுபோன்ற, அழுத்தமான கதைகளைத் தேர்ந்தெடுத்து விக்ரம் பிரபு நடிக்கவேண்டும். முதல் ஆளாக கேள்வி கேட்பது, எந்த பனிஷ்மெண்ட் கொடுத்தாலும் அதை செய்து முடித்துவிடுவது என ஒரு சில இடங்களைத் தவிர்த்து பெரும்பாலான இடங்களில் ஹீரோயிஸம் எட்டிப்பார்க்கவில்லை. இயல்பாக இருக்கிறது. நாயகி அஞ்சலி நாயர். தீப்பிழம்புபோல அனல் கக்கிக்கொண்டிருக்கும் காக்கி மைதானத்திற்குள் கொஞ்சம் கலர்ஃபுல்லாக வலம் வந்து ஜில்லூட்டுகிறார். நடுவே வழக்கம்போல் நாயகனின் புஜபல பராக்கிரமங்களைப் பார்த்து ஆச்சர்யப்பட்டு, ரசித்துக்கொண்டேஏஏஏஏ இருப்பதுதான் அவரது முழுநேர வேலை. இடையிடையே, நாயகன் அண்ட் கோவினர் படும் துன்பங்களைப் பார்த்து ‘உச்’ கொட்டுகிறார். அவ்வளவுதான். மற்றபடி, அவருக்கு பெரிதாக எந்த பணியையும் இயக்குநர் கொடுக்கவில்லை. தொழில்நுட்பத்தில் தமிழ் சினிமா சாதிப்பதெல்லாம் இருக்கட்டும். இந்த ‘லிப் சிங்க்’ பிரச்னைக்குத் தீர்வே இல்லையா? காவலர் பயிற்சிப்பள்ளியில் நடக்கும் அவலங்களைப் பற்றி படம் எடுக்கவேண்டும் என்று முயற்சி செய்ததற்கே இயக்குநர் தமிழைப் பாராட்டலாம். அதேநேரத்தில், இரண்டு டீமிற்கான பிரச்சனையாக இல்லாமல் இன்னும் பல தகவல்களைச் சொல்லியிருக்கலாம்.  ஒரே இடத்தில் மட்டுமே நடக்கும் திரைக்கதையை கொஞ்சம் போர் அடிக்காமல் கொண்டுசெல்வது மாதேஷ் மாணிக்கத்தின் ஒளிப்பதிவுதான். அனல் தெறிக்கும் மைதானத்தையும் தனது கண்களாலும் கேமராவாலும் பரேடு செய்து படத்திற்கு ‘ரேட்டிங்’ ஏற்றியுள்ளார். ஜிப்ரானின் பின்னணி இசையும் சாமின் சண்டைக் காட்சிக்காட்சிகளும் திரைக்கதைக்கு பலம் கூட்டியிருக்கின்றன. படத்தின் ப்ளஸ் என்றால் லத்தியால் அடித்ததுபோன்று பேசப்படும் வசனங்களும் கதைக்களமும், கதாப்பாத்திர தேர்வும், அவர்களின் புழுதி பறக்க வைக்கும் நடிப்பும்தான். ”டேய் தம்பி இந்த சிஸ்டம் இருக்கே, இது மொரட்டு வெள்ளக்காரனுக்கும் முட்டாத்தனமான அரசியல்வாதிக்கும் பிறந்த குழந்தைடா . இங்க நேர்மையா இருக்கணும்னு நினைக்கிறவன் தான் கஷ்டப்படுவான்” என்கிற எம்.எஸ். பாஸ்கரின் விரக்தியான வசனம், ‘அதிகாரம் இல்லாத உணர்ச்சி உன்னை எரிச்சி கொன்னுடும்’, ’இங்க சிஸ்டம் உனக்கு எதிரானது. அந்த சிஸ்டத்தில் அதிகாரத்தை கைப்பற்ற தேவையான அத்தனை கதவுகளையும் திறந்து வச்சிருக்கேன். அதிகாரத்தை கைப்பற்றி சிஸ்டத்தை சரி பண்ணிக்கோங்க. சிஸ்டத்தை சரிபண்ணவே நாம் அதிகாரத்தை கைப்பற்றவேண்டியிருக்கு’" என்று சுட்டிக்காட்டும் போஸ் வெங்கட்டின் பல்வேறு வசனங்களும், சாதியை வைத்து இழிவுப்படுத்த முயலும் லால் பேசும் வசனங்களும் போலீஸ் வேலைக்கு மட்டுமல்ல அத்தனை அரசுப் பணிகளுக்கும் வந்து உயரதிகாரிகளின் நெருக்கடிகளாலும் சாதிய வன்மங்களாலும் பணியை விட்டு விலகிச்செல்ல நினைக்கும் ஒவ்வொருவர் மனதிலும் பதியவேண்டியவை. இந்த அழுத்தமான வசனங்கள் பல முன்னாள் ஐ.பி.எஸ்கள், ஐ.ஏ.எஸ்.கள் தங்களுக்குக் கிடைத்த அதிகாரத்தை பயன்படுத்தி சிஸ்டத்தை சரிசெய்யாமல் வேலையை விட்டு வந்துகொண்டிருப்பதை நினைவூட்டி அங்கிருந்தபடியே தனது அதிகாரத்தை வைத்துக்கொண்டு நேர்மையாக போராட வேண்டும் என்பதை சுட்டிக்காட்டுகிறது. ’புத்திசாலித்தனம்’ முக்கியம் என்பதை விழிப்புணர்வூட்டிய தமிழுக்கு பரேடுடன் கூடிய வணக்கங்கள். லாலுவுக்கே டஃப் ஃபைட் கொடுக்கும் அளவிற்கு அத்தனை கதாப்பாத்திரங்களையும் நன்றாகவே ஷூட்டிங் மைதானத்தில் ‘பரேடு’ செய்திருக்கிறார் தமிழ். அவர், நடந்துவரும் ஒவ்வொரு காட்சியும் மைதானமே பீதியில் புழுதி பறக்கிறது. இன்ஸ்பெக்டராக நடித்துள்ள மதுசூதன ராவ் காவலர்களுக்கே உரிய ’சூழ்ச்சுமம் ப்ளஸ் சூழ்ச்சி’ என மிரட்டியிருக்கிறார். உயரதிகாரிகள் கட்டளையிடுவதை எந்திரம்போல் செய்யாமல் மனிதனாக சிந்தித்து கேள்வி எழுப்பினால் எப்படியெல்லாம் பனிஷ்மெண்ட் கொடுக்கப்படும் என்று பார்க்கும்போதே பகீரிட வைக்கின்றன. இன்ஸ்பெக்டர், ஏசி மட்டுமல்ல பயிற்சிப்பள்ளியின் முதல்வராக வரும் ஐ.பி.எஸ்ஸும் மிக தத்ரூபமாக கதிகலங்கவைக்கிறார். தன்னை அசிங்கமாக திட்டிய உயரதிகாரியைக் கோபத்தில் தாக்கியதால், இன்ஸ்பெக்டர் ஆகவேண்டியர் காவலராகவே தொடர்கிறார் என்ற எம்.எஸ். பாஸ்கரின் நடிப்பு இதயம் கனக்கச் செய்துவிடுகிறது. திருநேல்வேலி மாவட்டம் பொழிலாறு காவலர் பயிற்சிப்பள்ளியில் 1998 ஆம் ஆண்டில் நடப்பதுபோல் கதை உருவாக்கப்பட்டிருக்கிறது. ஆனால், அங்கு நடக்கும் அவலங்கள் என்னவோ 2022 ஆம் ஆண்டிலும் நடப்பதைப்போலத்தான் உள்ளது. கழிப்பறை வசதி இல்லாமல் அவதிப்படும் காட்சிகள் உண்மையிலேயே காவலர் பயிற்சி மையங்களில் நடக்கும் மனித உரிமை மீறல்களில் ஒன்று. இப்படி, அனைத்து மனித உரிமை மீறல்களையும் கடந்து காவலர் பயிற்சிப்பள்ளியிலிருந்து வருவதால்தான் பெரும்பாலான காவலர்களுக்கு மனிதர்களின் உரிமைகள் தெரியாமல் போய்விடுகிறதோ என்ற கேள்வியை எழுப்ப வைத்துவிடுகிறது. படத்தில் சில குறைகளும் உள்ளன. நாயகனும் நாயகியும் எப்படி கடைசிவரை படத்தில் ஒன்றுசேரவில்லையோ, அப்படித்தான் அவர்களது காதலும் ஏதோ தாமரை இலை நீரைப்போல ஒட்டாமலேயே போய்விடுகிறது. படத்தின் ஓப்பனிங்கிலிருந்து எண்டிங்வரை ஆங்கிள்தான் மாறுகிறதே தவிர, ஒரே லொகேஷனில் எடுக்கப்பட்டது என்பது அயர்ச்சியாக இருக்கிறது. விக்ரம் பிரபுவின் ஃப்ளாஷ்பேக் காட்சிகள், ஜெயிப்பதற்காக க்ளைமாக்ஸில் செய்யும் தந்திரங்கள் போன்றவை ஏற்கனவே பார்த்த வழக்கமான சினிமா காட்சிகளைப்போல் இருப்பதால் மனதில் ஒன்ற மறுக்கின்றன. முருகன் என்கிற கதாப்பாத்திரத்தை மையப்படுத்திதான் கதை நகர்கிறது. அவர், கருணை அடிப்படையில் எடுக்கப்பட்டதாக கூறுகிறார்கள். ஆனால், இப்படி போலீஸ் வேலைக்கு உடற்தகுதியில்லாத நபரை நிச்சயமாக தேர்ந்தெடுத்திருக்கவே மாட்டார்கள். அப்படியே கருணை அடிப்படையில் தேர்ந்தெடுத்திருந்தால் காவல்துறையிலேயே இருக்கும் அமைச்சுப்பணியில் அவரை வேலைக்கு அமர்த்தியிருப்பார்கள் என்று கூறுகிறார்கள் இதுகுறித்து அறிந்தவர்கள். மேலும், சீனியாரிட்டி அடிப்படையிலான வழக்குகள் நடப்பது உண்மைதான். ஆனால், 45 வயதில் காவலர் பயிற்சிப்பள்ளியில் ட்ரெயினிங் எடுக்க வருகிறார்கள் என்பதெல்லாம் நம்பும்படியாக இல்லை. காவலர் பயிற்சிப் பள்ளியில் கட்டளையை மீறினால் மைதானத்தில் மிகக்கடுமையான பனிஷ்மெண்ட்கள் கொடுக்கப்படும். ஆனால், பயிற்சி ஆசிரியோரோ லத்தியால் அடிக்கிறார், காலால் எட்டி உதைக்கிறார் போன்ற காட்சிகளும் நம்பும்படியாக இல்லை. க்ளைமாக்ஸ் திடீரென்று முடிவதுபோல் உள்ளது. ஒரு மெடலுக்காக இவ்வளவு ப்ளான் எல்லாம் செய்து, தோற்ற லாலுக்கு கொடுப்பார்களா என்ற கேள்வியும் எழும்புகிறது. இன்னும் கொஞ்சம் பயிற்சி இருந்திருந்தால் மிகப்பெரிய அளவுக்கு பேசப்பட்டிருப்பான் இந்த ‘டாணாக்காரன்’. இருந்தாலும் இதுவரை பார்த்திடாத ஒரு களத்தைக் காட்டியதற்காகவே இந்த டாணாக்காரனுக்கு நம் பாராட்டுகள். -வினி சர்பனா
http://dlvr.it/SNDShB

Read More

உ.பி: மசூதிக்கு அருகே முஸ்லிம் பெண்களுக்குப் பாலியல் மிரட்டல்... சாமியார் மீது வழக்கு பதிவு!

உத்தரப்பிரதேச மாநிலம் , சீதாபூர் மாவட்டத்தில் உள்ள கைராபாத் என்ற இடத்தில், மசூதிக்கு வெளியே, அங்கிருந்த பொது மக்களிடையே பஜ்ரங் முனி தாஸ் என்ற சாமியார் ஒருவர் ஜீப்பில் பேசியபடி வந்தார். அப்போது பேசிய அவர், ``ஒரு இந்து பெண்ணை கிண்டல் செய்தால், முஸ்லிம் பெண்களைக் கடத்தி பாலியல் வன்கொடுமை செய்வேன்'' என்று மிரட்டியதாகக் கூறப்பட்டது. இவரின் பேச்சை கேட்டு அங்கிருந்தவர்கள் பலமாக கைதட்டி ஆரவாரம் செய்தனர். இது குறித்த வீடியோ இணையத்தில் வெளியாகி சர்ச்சையைக் கிளப்பியது. TRIGGER WARNING! A Mahant in front of a Masjid in the presence of Police personals warns that He would K!dnap Muslim Women and ₹@pe them in Open. According to the locals near Sheshe wali Masjid, Khairabad, Sitapur. This happened on 2nd Apr 2022, 2 PM. @sitapurpolice @Uppolice pic.twitter.com/wkBNLnqUW0— Mohammed Zubair (@zoo_bear) April 7, 2022 இந்த வீடியோவைப் பகிர்ந்து ஆல்ட்நியூஸின் இணை நிறுவனர் முகமது ஜுபை தனது டிவிட்டர் பக்கத்தில், ``இந்த வீடியோ ஏப்ரல் 2-ம் தேதி எடுக்கப்பட்டது. ஆனால் காவல் துறையினர் ஐந்து நாள்களுக்குப் பிறகும் எந்த நடவடிக்கையும் எடுக்கவில்லை'' எனப் பதிவிட்டிருந்தார். இந்த நிலையில், பெண்களுக்கு வெளிப்படையாக பாலியல் மிரட்டல் விடுத்த பஜ்ரங் முனி தாஸ் மீது போலீஸார் வழக்கு பதிவு செய்துள்ளனர். மேலும் அந்த சாமியாரைக் கைது செய்ய வேண்டும் எனப் பலரும் வலியுறுத்தி வருகின்றனர்.பீஸ்ட் படத்தைத் தடை செய்ய தமிழ்நாடு முஸ்லீம் லீக் கோரிக்கை... காரணம் என்ன?
http://dlvr.it/SNCxLm

Read More

தேனிலவில் மனைவிக்கு காத்திருந்த அதிர்ச்சி! - போலீஸில் புகார்; நீதிமன்றத்தை நாடிய கணவன்

மும்பை அருகில் உள்ள நவிமும்பை ரபாலே பகுதியை சேர்ந்தவர் அனுஷ்யா(பெயர் மாற்றப்பட்டுள்ளது). இவருக்கும் நிதின் (பெயர் மாற்றப்பட்டுள்ளது) என்பவருக்கும் இடையே கடந்த ஆண்டு திருமணம் நடந்தது. ஆரம்பத்தில் நிதின் தந்தை, அனுஷ்யாவை தனது மகனுக்கு பெண் கேட்டு வந்த போது நிதினுக்கு தன்னைவிட சம்பளம் குறைவாக இருப்பதாக கருதி மாப்பிள்ளை வேண்டாம் என்று அனுஷ்யா தெரிவித்தார். ஆனால் நிதின் தனக்கு ஆண்டுக்கு 14 லட்சத்துக்கு வேலை கிடைத்திருப்பதாக கூறி கடிதத்தை காட்டினார். அதனை நம்பி திருமணத்துக்கு சம்மதித்தார் அனுஷ்யா. இதையடுத்து கடந்த நவம்பர் மாதம் இருவருக்கும் திருமணம் நடந்தது. இத்திருமணத்துக்குப் பிறகு இருவரும் தேனிலவு செல்ல முடிவு செய்த போது தேனிலவுக்கு தனது நண்பர்களும் வருவார்கள் என்று நிதின் தெரிவித்தார். இதனால் அதிர்ச்சியடைந்த அனுஷ்யா அதற்கு எதிர்ப்பு தெரிவித்தார். ஆனால் அவர்களும் வந்தால் ஜாலியாக இருக்கும் என்று கூறி சமாதானப்படுத்தி சம்மதிக்க வைத்தார். தேனிலவின் போது இருவருக்கும் இடையே எந்த வித தாம்பத்திய உறவும் நடைபெறவில்லை. மாறாக படுக்கையறையில் நிதின் தனது மொபைல் போனை கையில் வைத்துக்கொண்டு சுயஇன்பம் அனுபவிப்பதை அனுஷ்யா பார்த்து அதிர்ச்சியடைந்தார். மறு நாள் நிதின் போனில் அனுஷ்யாவின் தந்தை போன் செய்தார். போன் பேசிவிட்டு அதனை சோதித்த போது அதில் ஓரின சேர்க்கையாளர் மொபைல் ஆப் அதிக அளவில் பதிவிறக்கம் செய்யப்பட்டு இருந்தது. அதோடு மொபைலில் ஓரின சேர்க்கை தொடர்பான சாட்டிங், வீடியோ போன்றவையும் அதிக அளவில் இருந்தது. அதோடு நிதின் ஒரு ஓரின சேர்க்கையாளர் என்றும் தெரிய வந்தது. இதனை மறைத்து அனுஷ்யாவை திருமணம் செய்து கொண்டிருந்தார். இது குறித்து நிதினிடம் கேட்டதற்கு கத்தியை காட்டி மிரட்டியதாக சொல்லப்படுகிறது. இதனால் அதிர்ச்சியடைந்த அனுஷ்யா இது குறித்து தனது சகோதரியிடம் தெரிவித்தார். அவர் இது பற்றி போலீஸில் புகார் செய்யும் படி கேட்டுக்கொண்டார். எனவே போதிய ஆதாரங்களை திரட்டுவதற்காக தொடர்ந்து நிதினுடன் தங்கி இருந்து அவரின் போனை சைபர் பிரிவில் கொடுத்து அனைத்து தகவல்களையும் அனுஷ்யா சேகரித்தார். இதைதொடர்ந்து அனுஷ்யா ஆதாரங்களுடன் போலீஸில் புகார் செய்தார். போலீஸ் இது குறித்து அனுஷ்யா கூறுகையில், ``ஆண்டுக்கு ரூ.14 லட்சம் சம்பளம் என்று கூறி என்னை திருமணத்திற்கு சம்மதிக்க வைத்தார். அதோடு தேனிலவில் அவர் என்னுடன் எந்த உறவும் வைத்துக்கொள்ளவில்லை. அவரின் நடவடிக்கைகள் மற்றும் அவரின் மொபைல் போனை சோதனை செய்து பார்த்த போது நான் நினைத்து பார்க்க முடியாதவைகள் அதில் இருந்தது. அவர் ஒரு ஓரின சேர்க்கையாளர் மட்டுமல்லாது, அவருக்கு பாலியல் நோய் இருப்பதையும் கண்டுபிடித்தேன். அந்த அதிர்ச்சியில் இருந்து என்னால் விடுபடவே முடியவில்லை. எனது கணவரின் ஓரின சேர்க்கை தொடர்புகள் குறித்து எனது வீட்டிலும் கூறாமல் நான் கடுமையான மன உலைச்சலுக்கு ஆளானேன். இறுதியில் இது குறித்து எனது சகோதரியிடம் தெரிவித்தேன்” என்று தெரிவித்தார். அனுஷ்யா போலீஸில் புகார் செய்திருப்பதை தெரிந்து கொண்டு உடனே நிதின் தானே நீதிமன்றத்தில் முன் ஜாமீன் கோரி மனுத்தாக்கல் செய்தார். இம்மனுவை விசாரித்த நீதிமன்றம், முன்ஜாமீன் மனுவை தள்ளுபடி செய்தது. ஓரின சேர்க்கையாளர் என்பதை மறைத்து திருமணம் செய்து கொண்டது தவறு என்று நீதிமன்றம் தெரிவித்துள்ளது. முன் ஜாமீன் மனு தள்ளுபடி செய்யப்பட்டு இருப்பதால் நிதின் தலைமறைவாகிவிட்டார். அவரை போலீஸார் தேடி வருகின்றனர்.
http://dlvr.it/SNCMWF

Read More

இளையராஜா இசையோடு போக்குவரத்து விழிப்புணர்வு: கவனம் ஈர்க்கும் சென்னை டிராபிக் போலீஸ்

இளையராஜா இசையோடு சேர்த்து போக்குவரத்து விழிப்புணர்வு அறிவிப்பை ஒலி பெருக்கி மூலம் ஏற்படுத்தி வருகிறது சென்னை போக்குவரத்து காவல்துறை. போக்குவரத்து விதிமுறைகள் தொடர்பான பதாகைகள் வைப்பது, ஓவியங்கள் வரைந்து ஏற்படுத்துதல், துண்டு பிரசுரங்கள் விநியோகித்தல், மைக் மூலம் பேசுதல், குறும்படங்கள் என பல வகைகளில் போக்குவரத்து விதிமுறைகளை கடைபிடிப்பது தொடர்பாக போக்குவரத்து போலீசார் விழிப்புணர்வை ஏற்படுத்தி வருகின்றனர். அதன், ஒரு கட்டமாக இளையராஜா இசையோடு சேர்த்து போக்குவரத்து விழிப்புணர்வை உண்டாக்குகின்றனர். சென்னை மாநகராட்சி ரிப்பன் பில்டிங் சிக்னலில் பெரியமேடு போக்குவரத்து போலீசார் ஒலி பெருக்கி மூலம் போக்குவரத்து விதி முறைகளை கடைபிடிக்கும்படி பேசி வருகின்றனர். அந்த அறிவிப்போடு, இளையயராஜாவின் இசையையும் சேர்த்து சொல்வது வாகன ஓட்டிகளை வெகுவாக கவர்ந்துள்ளது. பீக் அவர்ஸில் காலை, மாலை இருவேளைகளில் சுமார் 4 மணி நேரத்திற்கும் மேலாக ஒலிபரப்பப்பட்டு வருகிறது. இசையை ரசிப்பதோடு மட்டுமல்லாமல் போக்குவரத்து விழிப்புணர்வையும் கேட்டு போக்குவரத்து விதிமுறைகளை வாகன ஓட்டிகள் கடைபிடிக்க வேண்டும் என்று சென்னை போக்குவரத்து காவல்துறை தெரிவித்துள்ளது.
http://dlvr.it/SN8wsF

Read More

யோகி ஆதித்யநாத்க்கு மிரட்டல்: சமாஜ்வாதி எம்.எல்.ஏவின் பெட்ரோல் பங்க் இடிப்பால் சர்ச்சை

உத்தரப் பிரதேச முதலமைச்சர் யோகி ஆதித்யநாத்க்கு மிரட்டல் விடுத்த சமாஜ்வாதி கட்சி எம்எல்ஏவின் பெட்ரோல் பங்க் மாவட்ட அதிகாரிகளால் இடித்து தரைமட்டமாக்கப்பட்டது. திங்களன்று சமாஜ்வாதி கட்சி எம்.எல்.ஏ ஷாசில் இஸ்லாம் அன்சாரி முதல்வர் ஆதித்யநாத்தை மிரட்டுவது போலவும், ஆத்திரமூட்டும் அறிக்கைகளை வெளியிடுவது போலவும் வீடியோ கிளிப் ஒன்று ஆன்லைனில் வெளிவந்ததை அடுத்து சர்ச்சையில் சிக்கினார். அந்த வீடியோவில் கட்சி ஆதரவாளர்களிடம் பேசிய அன்சாரி, “அவரது (ஆதித்யநாத்) வாயிலிருந்து குரல் வந்தால், எங்களின் (சமாஜ்வாடி கட்சி) துப்பாக்கிகள் புகையை வெளியிடாது, ஆனால் தோட்டாக்களை வெளியிடும்” என்று கூறியிருந்தார். முதலமைச்சருக்கு எதிராக ஆத்திரமூட்டும் அறிக்கைகளை வெளியிட்ட குற்றச்சாட்டின் பேரில் அன்சாரி மீது அமைதிக்கு குந்தகம் விளைவித்தல், கலவரத்தை தூண்டும் நோக்கில் மிரட்டல் மற்றும் ஆத்திரமூட்டும் அறிக்கைகளை வெளியிட்டது ஆகிய பிரிவுகளின் கீழ் வழக்கு பதிவு செய்யப்பட்டது. இந்நிலையில் டெல்லி-ராம்பூர் நெடுஞ்சாலையில் அமைந்துள்ள அன்சாரிக்கு சொந்தமான பெட்ரோல் பங்க் உரிய அனுமதியின்றி கட்டப்பட்டதாக கூறி மாவட்ட அதிகாரிகள் புல்டோசர் மூலம் இடித்து தரைமட்டமாக்கினர். இதை பழிவாங்கும் நடவடிக்கை என்று குற்றம்சாட்டியுள்ள அன்சாரி “எனது வீடியோவை எடிட் செய்து அதை வைரலாக்கினார்கள். அந்த நிகழ்ச்சியில், பலமான எதிர்கட்சியாக இருப்பதால் புகை அல்ல தோட்டாக்களை வெளியிடும் துப்பாக்கி போன்ற அனைத்து விஷயங்களுக்கும் வலுவான பதிலடி கொடுப்போம் என்றுதான் நான் கூறியிருந்தேன்," என்று அவர் கூறினார். योगी जी को धमकी देने वाले बरेली के भोजीपुरा से समाजवादी विधायक शहजिल इस्लाम के बिना नक्शा पास अवैध पेट्रोल पंप पर चला बुलडोजर। pic.twitter.com/lhJiXjDe6H — Prashant Umrao (@ippatel) April 7, 2022
http://dlvr.it/SN8wqn

Read More