சட்டசபை வாசலில் பறக்கவிடப்பட்ட காலிஸ்தான் கொடிகள்- இமாச்சலப் பிரதேசத்தில் பரபரப்பு

இமாச்சலப் பிரதேசத்தின் தர்மசாலாவில் உள்ள சட்டப்பேரவை வளாக வாயிலில் காலிஸ்தான் கொடிகள் கட்டப்பட்ட செயலுக்கு அம்மாநில முதல்வர் ஜெய்ராம் தாக்கூர் கடும் கண்டனம் தெரிவித்துள்ளார். தரம்சாலாவில் உள்ள இமாச்சலப் பிரதேச சட்டசபையின் பிரதான வாயிற்கதவுகள் மற்றும் சுற்றுச்சுவரில் மர்ம நபர்கள் காலிஸ்தான் கொடிகளை கட்டியுள்ளனர். பாதுகாப்பு நிறைந்த அப்பகுதியில் காலிஸ்தான் கொடிகள் கட்டப்பட்டதால் பெரும் பரபரப்பு ஏற்பட்டுள்ளது. நேற்று நள்ளிரவு அல்லது இன்று அதிகாலையில் இந்த சம்பவம் நடந்திருக்கலாம் என கூறப்படுகிறது. காலிஸ்தான் கொடிகளைப் பார்த்ததும் அதிர்ச்சி அடைந்த காவல்துறை அதிகாரிகள் உடனடியாக அவற்றை அப்புறப்படுத்தினர். இது பஞ்சாப் மாநிலத்தில் இருந்து வந்திருந்த சில சுற்றுலாப் பயணிகளின் செயலாக இருக்கலாம் என்றும், இதுதொடர்பாக வழக்குப் பதிவு செய்து விசாரணை நடத்த உள்ளதாகவும் காவல் கண்காணிப்பாளர் குஷால் சர்மா தெரிவித்துள்ளார். இது குறித்து அம்மாநில முதல்வர் ஜெய்ராம் தாக்கூர் தனது ட்விட்டர் பக்கத்தில், "இந்தக் கோழைத்தனமான செயலை நான் வன்மையாகக் கண்டிக்கிறேன். கோழைகள் இரவோடு இரவாக தர்மசாலாவில் உள்ள சட்டப்பேரவை வளாகத்தில் காலிஸ்தான் கொடியை கட்டிச் சென்றுள்ளனர். இங்கு குளிர்கால கூட்டத்தொடர் மட்டுமே நடைபெறுகிறது. இச்சம்பவம் மூலம் இப்பகுதியில் கூடுதல் பாதுகாப்பு போடப்பட வேண்டும் என்பது உறுதியாகியுள்ளது.  இந்தச் சம்பவம் குறித்து விரிவான விசாரணை நடத்தப்படும். குற்றவாளிகளுக்கு தகுந்த தண்டனை வழங்கப்படும்" என்று பதிவிட்டுள்ளார்.காலிஸ்தான் இயக்கம் என்பது சீக்கிய மதத்தைச் சேர்ந்த தேசியத்தை வலியுறுத்தும் ஒரு அமைப்பு.  சீக்கியர்கள் அதிகமாக வாழும் பஞ்சாப் மாநிலத்தையும் மற்றும் பாகிஸ்தானில் சீக்கியர்கள் அதிகமாக வசித்த ஒரு பகுதியையும் இணைத்து சீக்கியர்களுக்கென தனி நாடு அமைக்க வேண்டும் என்பதே இந்த அமைப்பின் முக்கிய நோக்கமாகும்.இதையும் படிக்கலாம்: இந்திய எல்லைக்குள் நுழைந்த பாகிஸ்தான் ட்ரோன் - விரட்டியடித்த பிஎஸ்எஃப் வீரர்கள்
http://dlvr.it/SPzGzl

Read More

‘மனதில் சுமப்பதால் எடை பெரிதாக தெரியவில்லை’- மனைவியை கணவன் சுமந்து செல்லும் போட்டி

மனதில் மனைவியைச் சுமப்பதால், எடையால் சுமை பெரிதாகத் தெரியவில்லை என போட்டியில் பங்கேற்ற கணவர்கள் தெரிவித்தனர். ஹங்கேரியில் மனைவியை சுமந்து செல்லும் போட்டி நடைபெற்றது. மனைவியை தோளில் சுமந்தபடியே கணவன் செல்ல வேண்டும். சகதி நிறைந்த சிறிய குட்டையை கடந்து, கொட்டி வைத்துள்ள வைக்கோல் போரில் நடந்து சென்று, வாகன டயர்களையும் கடந்து இலக்கை அடைய வேண்டும் என்பது பந்தயம். Some 30 Hungarian husbands with their spouses on their backs clambered over rough terrain in a wife-carrying contest pic.twitter.com/JAEd8YgBlz — Reuters (@Reuters) May 8, 2022 சுமார் 260 மீட்டர் தொலைவிற்கு நடத்தப்பட்ட இந்த பந்தயத்தில், சுமார் 30 தம்பதிகள் பங்கேற்றனர். எந்த தடைகளையும் கணவனும், மனைவியும் இணைந்தே கடந்தால் வாழ்க்கை அழகாகும் என்பதை உணர்த்தும் வகையில் ஹங்கேரியில் தொடர்ந்து 3வது முறையாக இந்தப் போட்டி நடத்தப்படுகிறது. 'சுகமான சுமை'யான மனைவிகளை, தோள் மீது தூக்கி ஓடிய கணவர்களை பொதுமக்கள் கைதட்டி உற்சாகப்படுத்தினர். மனதில் மனைவியைச் சுமப்பதால், எடையால் சுமை பெரிதாகத் தெரியவில்லை என போட்டியில் பங்கேற்ற கணவர்கள் தெரிவித்தனர்.
http://dlvr.it/SPzGzb

Read More

வாங்காத கடனைக் கேட்டு, ஆபாசப் படங்களை அனுப்பி மிரட்டல் - விரக்தியில் விபரீத முடிவெடுத்த இளைஞர்!

மும்பை மலாடு குரார் பகுதியைச் சேர்ந்தவர் சந்தீப் கோரேகாவ்கர்(38). தனியார் நிறுவனம் ஒன்றில் வேலை செய்யும் சந்தீப், ஆன்லைனில் கடன் கொடுக்கும் மொபைல் ஆப் ஒன்றை பதிவிறக்கம் செய்திருந்தார். ஆனால், கடன் வாங்கவில்லை. அப்படியிருந்தும் அவர் கடன் வாங்கி இருப்பதாகக் கூறி, கடனை திரும்பச் செலுத்தும்படி கேட்டு கடன் வசூலிப்பு ஏஜெண்டுகள் அடிக்கடி போன் செய்ய ஆரம்பித்தனர். தான் கடன் வாங்கவே இல்லை என்று சொல்லிப்பார்த்தார். ஆனால், கடன் வசூலிப்பு ஏஜெண்டுகள் அதனைக் கேட்கவில்லை. ஒருகட்டத்தில் சந்தீப் தனது சிம்கார்டைக்கூட மாற்றிப்பார்த்தார். ஆனாலும் பிரச்னை முடியவில்லை. சந்தீப்பின் மொபைல் போனிலிருந்த தகவல்களை திருடி அதில் இருந்த தொடர்பு எண்களுக்கு கடன் வசூலிப்பு ஏஜெண்டுகள், சந்தீப்பின் ஆபாச படங்களை அனுப்ப ஆரம்பித்தனர். அதாவது சந்தீப் படத்தை மார்பிங் செய்து ஒரு பெண்ணுடன் இருப்பது போன்று சித்தரித்து, அதை சந்தீப் நண்பர்களுக்கு அனுப்பி வைத்தனர். இதனால் அந்த செய்தியை சந்தீப் நண்பர்கள் சந்தீப்புக்கு திரும்ப அனுப்பினர். இது குறித்து சந்தீப் போலீஸில் புகார் செய்தார்.மன உலைச்சல் ஆனால் போலீஸார் வெறுமனே புகாரை மட்டும் வாங்கிக்கொண்டு, எந்தவித நடவடிக்கையும் எடுக்காமல் இருந்துவிட்டனர். இதனால் மர்ம ஆசாமிகளின் போன் தொல்லை மேலும் அதிகரித்தது. அவர்கள் சந்தீப் நண்பர்களுக்கு சந்தீப் போன்று செய்திகளை அனுப்பினர். அதில், ``நான் கடன் வாங்கியிருந்தேன். ஆனால் கடனுக்கான மாதாந்திர தவணை 5 ஆயிரத்தை செலுத்த முடியவில்லை. பணம் கொடுத்து உதவினால், எனது மனைவியை ஒரு நாள் இரவு அனுப்புகிறேன்" என அதில் குறிப்பிடப்பட்டிருந்தது. இந்த தகவல்களை பார்த்து சந்தீப் மிகவும் மன உலைச்சலுக்கு ஆளானார். இதனால் இந்த தொல்லையிலிருந்து விடுபட வீட்டில் தனியாக இருந்தபோது தூக்குப்போட்டுத் தற்கொலை செய்து கொண்டார். தற்கொலை! இது குறித்து போலீஸார் வழக்கு பதிவுசெய்து, விசாரித்து வருகின்றனர். கடன் ஏஜெண்டுகள் போன் செய்த நம்பர்களை வாங்கி குற்றவாளிகளை தேடி வருகின்றனர். இது குறித்து சந்தீப் சகோதரர் தத்தா குரு கூறுகையில், ``போலீஸார் சந்தீப் போனை வாங்கிச்சென்றுள்ளனர். எங்களது குடும்பத்தையே அழித்த நபர்களுக்கு கடுமையான தண்டனை வாங்கிக்கொடுக்கவேண்டும். கடன் குறித்து என் சகோதரன் விசாரிக்க மட்டுமே செய்தார். வட்டி அதிகமாக இருந்ததால் அவன் கடன் கேட்டு விண்ணப்பிக்கவே இல்லை. ஆனால் கடன் ஏஜெண்டுகள் அவனுக்கு போன்செய்து கடனை திரும்ப செலுத்தும்படி சித்ரவதை செய்தனர். போலீஸாரும் அவன் புகார் மேஈது நடவடிக்கை எடுக்கவில்லை. இந்த நிலையில், தற்போது அவன் தற்கொலை செய்துகொண்டான்." பணிச்சுமை... மன உளைச்சல்... தற்கொலை எண்ணம்... கவலைக்குள்ளாகும் பெண் காவலர்களின் நிலை!
http://dlvr.it/SPyyHj

Read More

பாலியல் வன்கொடுமை புகார் அளிக்கச் சென்ற சிறுமியை பாலியல் வன்கொடுமை செய்த காவலர் - உ.பி அதிர்ச்சி!

உத்தரப்பிரதேச மாநிலத்தில் 13 வயது சிறுமி ஒருவர் 4 பேர் கொண்ட கும்பலால் பாலியல் வன்கொடுமை செய்யப்பட்டார். இந்த விவகாரம் தொடர்பாக லலித்பூர் காவல்நிலையத்திற்கு புகாரளிக்க சென்ற அந்த சிறுமியை, காவல் நிலைய அதிகாரி திலக்தாரி சரோஜ் என்பவர், பாலியல் வன்கொடுமை செய்ததாக கூறப்படுகிறது. இந்த விவகாரம் தொடர்பாக உ.பி-யில் ஆளும் பா.ஜ.க மாநில அரசை, எதிர்க்கட்சித் தலைவர்கள் கடுமையாக சாடியுள்ளனர். மாநிலத்தில் இந்தச் சம்பவம் பெரும் அதிர்வலைகளை ஏற்படுத்தியிருக்கிறது. ललितपुर में एक 13 साल की बच्ची के साथ गैंगरेप और फिर शिकायत लेकर जाने पर थानेदार द्वारा बलात्कार की घटना दिखाती है कि "बुलडोजर" के शोर में कानून व्यवस्था के असल सुधारों को कैसे दबाया जा रहा है। अगर महिलाओं के लिए थाने ही सुरक्षित नहीं होंगे तो वो शिकायत लेकर जाएंगी कहां?...1/3 pic.twitter.com/4QWrmRS9SP— Priyanka Gandhi Vadra (@priyankagandhi) May 4, 2022 இந்த நிலையில, இந்தச் சம்பவம் தொடர்பாக காங்கிரஸ் பொதுச்செயலாளர் பிரியங்கா காந்தி தனது ட்விட்டர் பக்கத்தில், ``13 வயது பெண் கூட்டுப் பாலியல் வன்கொடுமை செய்யப்பட்டதைத் தொடர்ந்து, இது குறித்து புகார் அளிக்க காவல் நிலையத்துக்குச் சென்றபோது, காவல் நிலைய அதிகாரி ஒருவரால் பாலியல் வன்கொடுமை செய்யப்பட்டுள்ளார். நேர்மையாய் இருக்க வேண்டிய சட்டம் ஒழுங்கு, புல்டோசர்களால் நசுக்கப்படுகிறது என்பது இதன் மூலமாக தெரிகிறது. காவல் நிலையங்கள் பெண்களுக்கு பாதுகாப்பாக இல்லை என்றால் அவர்கள் புகார் அளிக்க எங்கே செல்வார்கள்? இதுபோன்ற சம்பவங்களைத் தடுக்கவும், பெண்களின் பாதுகாப்பிற்காகவும், அவர்களுக்கு உகந்த சட்ட அமைப்பை ஏற்படுத்தி கொடுத்து, தீவிர நடவடிக்கைகள் எடுக்கப்பட வேண்டும்’’ எனப் பதிவிட்டுள்ளார். இந்தச் சம்பவத்தில் குற்றம்சாட்டப்பட்டிருக்கும் காவல் நிலைய அதிகாரி திலக்தாரி கைது செய்யப்பட்டார் என்பது குறிப்பிடத்தக்கது.``ஹேட் இன் இந்தியாவும், மேக் இன் இந்தியாவும் ஒன்றாக இருக்க முடியாது மோடி ஜி..!" - ராகுல் காந்தி
http://dlvr.it/SPwkcQ

Read More

உயிரிழந்த KGF பட நடிகர்... வருத்தத்தில் ரசிகர்கள்!

கன்னட நடிகர் மோகன் ஜுனேஜா இன்று காலமானார். நீண்ட நாட்களாக உடல் நலக்குறைவால் அவதிப்பட்டு வந்த கன்னட நடிகர் மோகன் ஜுனேஜா( வயது 54) சிகிச்சை பலனின்றி பெங்களூருவில் உள்ள தனியார் மருத்துவமனையில் உயிரிழந்தார். மோகன் ஜுனேஜா நகைச்சுவை மற்றும் குணச்சித்திர நடிகராக பல ஆண்டுகளாக 100க்கும் மேற்பட்ட பல மொழி படங்களில் நடித்துள்ளார். அகில இந்திய அளவில் பிளாக்பஸ்டர் சூப்பர்ஹிட் படமான  கேஜிஎப் 2 மற்றும் கேஜிஎப் 1 ஆகிய இரு பாகங்களிலும் அவர் நடித்துள்ளார். செல்லடா என்ற கன்னட படத்தில் மோகனின் கதாபாத்திரம் நடிகர் கணேஷின் திரை வாழ்க்கையில் ஒரு பெரிய அங்கீகாரத்தை கொடுத்தது, அந்த பாத்திரம் இன்னும் ரசிகர்களால் நினைவுக்கூறப்படுகிறது. மேலும் மோகன் பல சீரியல்களிலும் நடித்துள்ளார். மோகனின் மரணம் ரசிகர்கள் மற்றும் கன்னட திரையுலகினரை அதிர்ச்சியில் ஆழ்த்தியுள்ளது, எனவே ரசிகர்கள்  சமூக ஊடக பக்கங்களில் மோகனுக்கு இரங்கல் தெரிவித்து வருகின்றனர். மிக முக்கியமாக கேஜிஎஃப் படத்தில் வரும்  ராக்கி பாய் பில்டப் காட்சி ஒண்றில் -கேங்க கூட்டிட்டு வர்ரவன் கேங்ஸ்டர், ஒத்தைய வர்ரவன் மான்ஸ்டர்" என அவர் பேசும் வசனம் பெரும் புகழை ரசிகர்கள் மத்தியில் வரவேற்பை பெற்றது.மோகன் ஜுனேஜாவின் மறைவுக்கு நடிகர் கணேஷ் தனது ட்விட்டர் பக்கத்தில் இரங்கல் தெரிவித்துள்ளார். மோகனின் படத்தைப் பகிர்ந்துகொண்டு "ஓம் சாந்தி" என்று ட்வீட் செய்துள்ளார்.
http://dlvr.it/SPwkKm

Read More

திருப்பதியில் விக்னேஷ் சிவனை மணக்கிறார் நயன்தாரா - எந்த தேதியில்?

நடிகை நயன்தாரா - இயக்குநர் விக்னேஷ் சிவன் திருமணம் திருப்பதியில் அடுத்த மாதம் நடக்கிறது. ’நானும் ரவுடிதான்’ திரைப்படத்தில் நடித்தபோது அந்த படத்தின் இயக்குநர் விக்னேஷ் சிவனிடம் காதல் வயப்பட்டார் நடிகை நயன்தாரா. கடந்த 6 ஆண்டுகளாக இருவரும் காதலித்து வந்த நிலையில் இவர்கள் திருமணம் குறித்து ரசிகர்கள் கேள்வி எழுப்பிவந்தனர். இந்நிலையில் கடந்த ஆண்டு தனியார் தொலைக்காட்சிக்கு அளித்த பேட்டி ஒன்றில் தனக்கும் விக்னேஷ் சிவனுக்கும் நிச்சயதார்த்தம் குடும்பத்தார் முன்னிலையில் எளிமையாக நடந்ததாகவும், திருமணம் குறித்து அனைவருக்கும் வெளிப்படையாக அறிவிப்போம் எனவும் நயன்தாரா தெரிவித்திருந்தார். 'காத்து வாக்குல ரெண்டு காதல்' திரைப்பட வெற்றியைத் தொடர்ந்து இவர்கள் திருமணம் விரைவில் நடைபெறவுள்ளதாக தகவல்கள் வெளியாகின. இந்நிலையில், நடிகை நயன்தாரா - இயக்குநர் விக்னேஷ் சிவன் திருமணம் திருப்பதியில் ஜூன் மாதம் நடப்பதாக தகவல்கள் உறுதியாகியுள்ளன. திருப்பதியில் சாமிதரிசனம் செய்த நயன் தாரா - விக்னேஷ் சிவன் திருமண ஏற்பாடுகளையும் பார்த்து வந்துள்ளதாக தகவல் வெளியாகியுள்ளது.
http://dlvr.it/SPwjxf

Read More

விசாரணை கைதி விக்னேஷ் மரணம்: இபிஎஸ் குற்றச்சாட்டும் முதல்வர் ஸ்டாலின் விளக்கமும்

விசாரணை கைதி விக்னேஷ் மரணத்தை கொலை வழக்காக பதிவு செய்து விசாரணை நடைபெற்று வருவதாக முதலமைச்சர் மு.க.ஸ்டாலின் தெரிவித்துள்ளார்சட்டப்பேரவையில் எதிர்க்கட்சித் தலைவர் எடப்பாடி பழனிசாமி, விசாரணை கைதி விக்னேஷ் மரணம் தொடர்பாக சிறப்பு கவன ஈர்ப்பு தீர்மானம் கொண்டு வந்தார். அப்போது பேசிய அவர், விக்னேஷ் மரணத்தில் பிரேத பரிசோதனை அறிக்கையில் அவர் உடலில் 13 இடங்களில் காயம் இருப்பதாக தெரிவிக்கப்பட்டுள்ளதாகவும், குறிப்பாக தலையில் பலத்த காயம் இருந்தது தெரியவந்துள்ளது என்றார். முதலமைச்சரின் தகவலும், பிரேத பரிசோதனை அறிக்கையில் உள்ள தகவல்களும் முரண்பட்டுள்ளது எனவும், இந்த வழக்கு முறையாக நடைபெற சிபிஐயிடம் ஒப்படைக்க வேண்டும் என்று வலியுறுத்தினார். அதற்கு பதிலளித்த முதலமைச்சர் மு.க.ஸ்டாலின், விசாரணை கைதி விக்னேஷ் மரணத்தில் அனைத்து நடவடிக்கையையும் அரசு முறையாக மேற்கொண்டு வருவதாகவும், விக்னேஷ் மரண வழக்கு இன்று கொலைவழக்காக மாற்றப்பட்டு, காவலர் மீது கொலை வழக்கு பதிவு செய்து விசாரணை மேற்கொள்ள சிபிசிஐடி போலீசாருக்கு உத்தரவிடப்பட்டுள்ளது என்றும் கூறினார்..அப்போது குறுக்கிட்டு பேசிய எதிர்க்கட்சித்தலைவர் இபிஎஸ், விக்னேஷ் மரண வழக்கில் பல்வேறு சந்தேகங்கள் எழுந்துள்ளதாகவும், விக்னேஷ் மரண வழக்கை சிபிஐயிடம் ஒப்படைக்காததை கண்டித்து அதிமுக வெளிநடப்பு செய்வதாகவும் கூறி அதிமுக சட்டமன்ற உறுப்பினர்கள் வெளிநடப்பு செய்தனர்.
http://dlvr.it/SPwjjQ

Read More