``தோப்புக்கரணம் போட்டபடி, ஜெய்ஸ்ரீராம் சொல்லுங்கள்..!" - இஸ்லாமிய பக்கிரிகளை துன்புறுத்திய இளைஞர்கள்

நபிகள் நாயகம் தொடர்பாக, பா.ஜ.க செய்தித் தொடர்பாளர் நுபுர் ஷர்மா சமீபத்தில் சர்ச்சைக்குரிய வகையில் பேசியது, சர்வதேச அளவில் பெரும் அதிர்வலைகளை ஏற்படுத்தியது. இதையொட்டி, சமூக ஊடகங்களில் வெறுப்புணர்வைத் தூண்டும் வகையில் பேசியதாக பா.ஜ.க-வின் முன்னாள் செய்தித் தொடர்பாளர் நுபுர் ஷர்மா, நவீன் ஜிண்டால் மற்றும் சில பத்திரிகையாளர்கள்மீது டெல்லி போலீஸார் எஃப்.ஐ.ஆர் பதிவு செய்திருக்கின்றனர். இந்த நிலையில், உ.பி-யில் இஸ்லாமிய பக்கிரிகள் மீது தாக்குதல் நடத்தப்பட்டிருக்கும் சம்பவம் பரபரப்பை ஏற்படுத்தியிருக்கிறது. உத்தரப்பிரதேச மாநிலம், தேகூர் கிராமத்தில் உள்ள கோண்டா பகுதிக்குச் சென்ற மூன்று இஸ்லாமிய பக்கிரிகளை வழிமறித்த சில இளைஞர்கள், அவர்களை கடுமையாக விமர்சித்ததாகக் கூறப்படுகிறது. भीख मांगने गए फ़क़ीर के साथ बदसलूकी एवं उनसे जय श्रीराम कहलवाने का एक वीडियो सोशल मीडिया पर वायरल हो रहा है। वीडियो यूपी गोंडा के खरगूपुर डिंगुर गाँव का बताया जा रहा। महोदय @gondapolice कृपया मामले की जाँच कर आवयश्क कार्रवाई करें… pic.twitter.com/7BEOApYCBe— Ashraf Hussain (@AshrafFem) June 8, 2022 தேகூர் கிராமத்தைச் சேர்ந்த சில இளைஞர்கள், இஸ்லாமிய பக்கிரிகளிடம், ``உங்களுடைய பெயர் என்ன... நீங்கள் எங்கிருந்து வருகிறீர்கள்... நீங்கள் ஆதார் அட்டையை எப்போதும் உடன் வைத்திருக்க வேண்டும். இல்லையென்றால் நீங்கள் தாக்கப்படுவீர்கள். ஜிஹாதிகள், பயங்கரவாதிகள் என அழைக்கப்படுவீர்கள்" என மிரட்டியதாகக் கூறப்படுகிறது. இது தொடர்பான வீடியோ இணையத்தில் அதிகமாகப் பகிரப்பட்டு வருகிறது. அந்த வீடியோவில், இளைஞர் ஒருவர் கையில் பெரிய குச்சியுடன் நின்று கொண்டிருக்கிறார். கைது அவரைச் சுற்றி பலர் நின்று கொண்டிருக்கின்றனர். இஸ்லாமிய பக்கிரிகளிடம் வாக்குவாதம் செய்த அந்த இளைஞர்கள், ஒருகட்டத்தில் அவர்களை மிரட்டி தோப்புக்கரணம் போடவைத்து, ஜெய்ஶ்ரீராம் எனக் கூற வேண்டும் என்று வற்புறுத்துகிறார்கள். இந்தச் சம்பவம் பரபரப்பை ஏற்படுத்தியதையடுத்து, அந்தப் பகுதி காவல்துறையினர் இளைஞர் ஒருவரைக் கைதுசெய்திருக்கின்றனர்.உத்தரப்பிரதேச தேர்தல்: லக்கிம்பூர் சம்பவத்தால் யோகிக்கும், பாஜக-வுக்கும் பின்னடைவா?
http://dlvr.it/SRtkqg

Read More

மும்பையில் குடியிருப்பு கட்டடம் இடிந்து விழுந்து விபத்து: ஒருவர் பலி, 16 பேர் காயம்!

மும்பையில் பருவ மழை விரைவில் தொடங்க இருக்கிறது. இதையடுத்து இடிந்து விழும் நிலையில் இருக்கும் கட்டடங்களில் வசிப்பவர்களை பத்திரமாக வேறு இடங்களுக்கு மாற்றும் நடவடிக்கையில் மும்பை மாநகராட்சி நிர்வாகம் ஈடுபட்டிருக்கிறது. இந்நிலையில் மும்பை பாந்த்ரா பகுதியில் இரண்டு மாடிக்கட்டடம் ஒன்று இடிந்து விழுந்திருக்கிறது. பாந்த்ராவில் உள்ள சாஸ்திரி நகரில் நேற்று இரவு இந்த சம்பவம் நடந்தது. இது குறித்து கேள்விப்பட்டதும் தீயணைப்பு துறையினரும், போலீஸாரும் விரைந்து வந்து மீட்புப்பணியில் ஈடுபட்டனர். இடிபாடுகளில் சிக்கிக்கொண்டவர்களை மீட்டு மருத்துவமனைக்கு அனுப்பி வைத்தனர். இடிந்த கட்டடம் மொத்தம் 16 பேர் இடிபாடுகளில் இருந்து காயங்களுடன் மீட்கப்பட்டுள்ளனர். அவர்களில் அதிகமானோருக்கு லேசான காயம் என்று போலீஸார் தெரிவித்தனர். 56 வயது ஷாநவாஸ் ஆலம் என்பவர் மட்டும் இடிபாடுகளில் சிக்கி இறந்துவிட்டதாக தீயணைப்பு துறையினர் தெரிவித்தனர். இடிந்து விழுந்த கட்டடத்திற்குள் மேலும் சிலர் சிக்கி இருப்பதாக கருதப்படுகிறது. அவர்களை மீட்க தீயணைப்பு துறையினர் தொடர்ந்து மீட்பு பணியில் ஈடுபட்டுள்ளனர். விபத்து குறித்து அமைச்சர் ஆதித்ய தாக்கரே தனது ட்விட்டர் பக்கத்தில் இரங்கல் தெரிவித்துள்ளார். இடிந்து விழுந்த கட்டடம் ஆபத்தானது என்று ஏற்கனவே மும்பை மாநகராட்சி நிர்வாகத்தால் அறிவிக்கப்பட்டு இருந்தது. அப்படி இருந்தும் அக்கட்டடத்தை காலி செய்யாமல் மக்கள் அதில் வசித்து வந்தது குறிப்பிடதக்கது.
http://dlvr.it/SRtkX4

Read More

``தங்கத்துக்காக நாட்டை விற்காதீர்... பதவி விலகுங்கள்!" - பினராயி விஜயன் மீது பாஜக விமர்சனம்

கேரளா மாநிலம் திருவனந்தபுரத்தில் உள்ள ஐக்கிய அரபு அமீரக (யு.ஏ.இ) தூதரக பார்சல் மூலம் ரூ.15 கோடி மதிப்பிலான தங்கம் கடத்தல் வழக்கில், முதல்வர் பினராயி விஜயனுக்கும் தொடர்பிருப்பதாக, சிறைக்குச் சென்று ஜாமீனில் வெளிவந்த ஸ்வப்னா சுரேஷ் கூறியது பெரும் பரபரப்பை ஏற்படுத்தியது. இந்த நிலையில், பினராயி விஜயன் தனது முதல்வர் பதவியை ராஜினாமா செய்யவேண்டும் என்று பா.ஜ.க செய்தித் தொடர்பாளர் டாம் வடக்கன் கூறியுள்ளார். இதுகுறித்து பேசிய அவர், ``இதுவொன்றும் வெறும் கடத்தல் சம்பந்தப்பட்ட ஒன்று அல்ல, நாட்டின் பாதுகாப்பு பற்றியது. தங்கத்துக்காக நாட்டை விற்காதீர்கள். இது சாதாரண குற்றமல்ல, ஊழலின் உச்சம். இதில் முதல்வருக்கும், அவரின் குடும்பத்தினருக்கும் தொடர்பிருப்பதாக, வழக்கில் தொடர்புடைய நபர்களால் கூறப்படுகிறது. இதுபோன்ற குற்றச்சாட்டுகள் வரும் நிலையில், முதல்வர் தாமாகவே மனசாட்சிப்படி தனது பதவியை ராஜினாமா செய்யவேண்டும். அதுமட்டுமல்லாமல், இந்த வழக்கை மூடிமறைத்ததில், காங்கிரஸுக்கும் பங்கு இருக்குறது” என்று கூறினார். முன்னதாக தன் மீதான குற்றச்சாட்டுகள் குறித்து கருத்து தெரிவித்திருந்த பினராயி விஜயன், ``இந்தக் குற்றச்சாட்டுகள் அரசியல் அஜண்டாவின் ஒரு பகுதிதான். இதற்கு முன்பும் இது போன்று அவர் கூறியிருக்கிறார்" என்று கூறியிருந்தார்.`தங்கம் கடத்தலில் முதல்வருக்கும் பங்கு’ - ஸ்வப்னா சுரேஷ்; `இது அரசியல் அஜண்டா’ - பினராயி விஜயன்
http://dlvr.it/SRtkS4

Read More

பட்டியலினத்தவருடன் காதல்! 17 வயது மகளை கழுத்தை நெரித்து கொலை செய்த தந்தை!

கர்நாடகாவில் பட்டியனத்தை சேர்ந்த இளைஞரை காதலித்ததால், 17 வயது மகளை தந்தையே கழுத்தை நெரித்துக் கொலை செய்த சம்பவம் அதிர்ச்சியை ஏற்படுத்தியுள்ளது. ஆணவக் கொலை வழக்கில், கர்நாடகாவின் மைசூருவின் பெரியபட்னா தாலுக்காவில் உள்ள ககுண்டி கிராமத்தில் தனது 17 வயது மகளை கழுத்தை நெரித்துக் கொன்றதற்காக தந்தை ஒருவர் கைது செய்யப்பட்டுள்ளார். பெரியபட்னாவில் உள்ள கல்லூரியில் இரண்டாம் பியூசி படிக்கும் மாணவியான ஷாலினி பிற்பட்ட சமூகத்தை சேர்ந்தவர். பக்கத்து கிராமத்தில் உள்ள பட்டியனத்தை சேர்ந்த ஒரு இளைஞனை அவள் காதலித்து வந்துள்ளாள். அவளுடைய குடும்பம் இந்த காதலை கடுமையாக எதிர்த்துள்ளது. அந்த இளைஞருடன் தொடர்பு கொள்வதை நிறுத்தும்படி பெண்ணின் பெற்றோர் கூறியுள்ளனர். ஒரு மாதத்திற்கு முன்பு சிறுமி தனது பெற்றோருக்கு எதிராக புகார் அளித்ததையடுத்து, மைசூருவில் உள்ள அரசு பெண்கள் இல்லத்திற்கு பெரியபட்டணா போலீசார் அனுப்பி வைத்தனர். இருப்பினும், பெற்றோர், பதினைந்து நாட்களுக்கு முன்பு, மைசூர் மாவட்ட குழந்தைகள் நலக் குழுவிடம் (CWC) அவளைத் துன்புறுத்த மாட்டோம் என்றும், அவளது கல்விக்கு உதவுவோம் என்றும் உறுதியளித்து வீட்டிற்கு அழைத்து வந்தனர். அவளை வீட்டிற்கு அழைத்து வந்த பிறகு, அவரது தந்தை சுரேஷ், 45, மற்றும் தாய் பேபி உட்பட குடும்பத்தினர், சிறுவனுடன் எந்த உறவும் வைத்துக் கொள்ள வேண்டாம் என்று சிறுமியை சமாதானப்படுத்த முயன்றனர். ஆனால், அவள் மீண்டும் இளைஞனை தொடர்பு கொள்ள முயன்றபோது, செவ்வாய்கிழமை அதிகாலையில் சிறுமிக்கும் அவரது தந்தைக்கும் இடையே மோதல் ஏற்பட்டு, அதிகாலை 2.30-3.00 மணியளவில் மகளின் கழுத்தை நெரித்து கொலை செய்ததாக போலீசார் தெரிவித்தனர். பின்னர், அவரது உடலை இரு சக்கர வாகனத்தில் ஏற்றிச் சென்ற பெற்றோர், பக்கத்து மேலஹள்ளி கிராமத்துக்குச் சென்று, சடலத்தை சாலையோரம் போட்டுவிட்டு வீட்டுக்குத் திரும்பினர். பின்னர், சுரேஷ் பெரியபட்டணா காவல் நிலையத்துக்குச் சென்று போலீஸில் சரணடைந்தார். போலீசார் சுரேஷ் மற்றும் அவரது மனைவி பேபியை கைது செய்து தொடர்ந்து விசாரணை நடத்தி வருகின்றனர். மைசூரு எஸ்பி சேத்தன் கூறுகையில், "குற்றம் சாட்டப்பட்ட இருவர் கைது செய்யப்பட்டுள்ளனர். பிரேத பரிசோதனை அறிக்கைக்காக காத்திருக்கிறோம். சிறுமி பிற்பட்ட சமூகத்தை சேர்ந்தவர், இளைஞர் பட்டியலின சமூகத்தை சேர்ந்தவர்.” என்று தெரிவித்தார். இதற்கிடையில், சிறுமி ஆரம்பத்தில் பெற்றோருடன் செல்ல தயங்கினார் என்றும் ஆனால், பின்னர் பெற்றோர் உறுதியளித்ததையடுத்து அவர்களுடன் வீடு திரும்ப ஒப்புக்கொண்டதவும் அதிகாரிகள் விசாரணை நடத்தி அறிக்கை சமர்ப்பித்த பின்னரே சிறுமி வீட்டிற்கு செல்ல அனுமதிக்கப்பட்டார் என்றும் மைசூர் மாவட்ட குழந்தைகள் நலக் குழுவின் வட்டாரங்கள் தெரிவித்தன.
http://dlvr.it/SRqxdM

Read More

காயம் காரணமாக தென்னாப்பிரிக்க தொடரிலிருந்து கேஎல் ராகுல் விலகல்! அடுத்த கேப்டன் யார்?

தென்னாப்பிரிக்காவுக்கு எதிரான 5 போட்டிகள் கொண்ட டி20 தொடரில் இருந்து காயம் காரணமாக இந்திய கேப்டன் கேஎல் ராகுல் விலகியுள்ளார். தென்னாப்பிரிக்காவுக்கு எதிரான 5 போட்டிகள் கொண்ட டி20 தொடரில் இருந்து காயம் காரணமாக இந்திய கேப்டன் கேஎல் ராகுல் விலகியுள்ளார். இந்திய அணியின் துணை கேப்டன் ரிஷப் பந்த் சொந்த மண்ணில் நடக்கும் இந்த தொடரில் கேப்டனாக பொறுப்பேற்று இந்திய அணியை வழிநடத்த உள்ளார். புதிய துணை கேப்டனாக ஹர்திக் பாண்டியா நியமனம் செய்யப்பட்டுள்ளார். பலம் வாய்ந்த தென்னாப்பிரிக்க அணிக்கு எதிரான ஐந்து போட்டிகள் கொண்ட டி20 சர்வதேச தொடரில் வரவிருக்கும் டி20 உலகக் கோப்பைக்கான முக்கிய குழுவில் இடம் பெறும் வகையில் பழைய மற்றும் புதிய வீரர்களை தேர்வு செய்வதில் இந்திய அணியின் தேர்வுக் குழு மிகக் கவனமாக பணியாற்ற வேண்டும். நாளை முதல் டி20 போட்டி புதுதில்லியில் தொடங்கும் நிலையில் கேப்டன் கேஎல் ராகுல் காயம் காரணமாக விலகியுள்ளார். இதற்கு முன்பு விளையாடிய 12 டி20 போட்டிகளில் இந்திய அணி தொடர்ச்சியாக வெற்றி பெற்றுள்ள நிலையில், இப்போட்டியை வென்றால் தொடர்ச்சியாக 13 போட்டிகளை வென்று வரலாறு படைக்க முடியும்.
http://dlvr.it/SRqxYG

Read More

ஆந்திரா: ரத்த காயங்களுடன் வந்த சிறுமி – விசாரித்ததில் வெளியான கொடூர சம்பவம்

ஆந்திர மாநிலம் குப்பம் பகுதியில் 6 வயது சிறுமியை பாலியல் வன்கொடுமை செய்த நபரை பிடித்த பொதுமக்கள் அடித்து உதைத்த காவல்நிலையத்தில் ஒப்படைத்த சம்பவம் பெரும் பரபரப்பை ஏற்படுத்தியுள்ளது. ஆந்திர மாநிலம் குப்பம் டி.பி சாலையில் வடமாநிலத்தைச் சேர்ந்த தம்பதியினரின் சாலையோரம் தள்ளுவண்டியில் பழச்சாறு விற்பனை செய்து வருகின்றனர். இந்நிலையில், அப்பகுதியில் விளையாடிக் கொண்டிருந்த 6 வயது சிறுமியை பெயிண்டர் வேலை செய்து வரும் ஸ்ரீதர் (48) எனபவர் தனது வீட்டிற்குள் அழைத்துச் சென்று பாலியல் வன்கொடுமை செய்துள்ளார். இதையடுத்து உடல் முழுவதும் காயங்களுடன் வந்த சிறுமியை அப்பகுதி மக்கள் மற்றும் அவரது பெற்றோர்கள் பார்த்து சிறுமியிடம் விசாரித்துள்ளனர். அப்போது சிறுமி தகவல் தெரிவித்ததைத் தொடர்ந்து குப்பம் நகர் பொதுமக்கள் ஒன்று சேர்ந்த ஸ்ரீதரை உருட்டுக்கட்டையால் சரமாரியாக தாக்கினர். தகவல் அறிந்து விரைந்து வந்த குப்பம் காவல்துறையினர் அவரை கைது செய்து விசாரணை மேற்கொண்டு வருகின்றனர். சிறுமி குப்பம் அரசு மருத்துவமனையில் சிகிச்சைக்காக அனுமதிக்கப்பட்டுள்ளனர். சிறுமியை பாலியல் வன்கொடுமை செய்த சம்பவம் அப்பகுதியில் பெரும் பரபரப்பை ஏற்படுத்தி உள்ளது.
http://dlvr.it/SRqNsN

Read More

சாலையில் சென்ற ராயல் என்ஃபீல்டு பைக் திடீரென பற்றி எரிந்தது - சென்னையில் பரபரப்பு

சென்னையில் சாலையில் சென்றுக் கொண்டிருந்த ராயல் என்ஃபீல்டு மோட்டார் சைக்கிள் திடீரென தீப்பிடித்ததால் பெரும் பரபரப்பு ஏற்பட்டது. சென்னை நுங்கம்பாக்கம் வள்ளுவர்கோட்டம் சாலை வழியாக இன்று காலை இளைஞர் ஒருவர் தனது ராயல் என்ஃபீல்டு பைக்கில் சென்றுக் கொண்டிருந்தார். அப்போது திடீரென பைக் அதிகமாக வெப்பமாவதை உணர்ந்த அந்த இளைஞர், உடனடியாக பைக்கை சாலையோரமாக நிறுத்தினார். அப்போது சிறிது நேரத்திலேயே பைக் தீப்பற்றி எரியத் தொடங்கியது. இதனால் அதிர்ச்சியடைந்த அந்த இளைஞர், அருகிலிருந்த உணவகத்தில் இருந்து தண்ணீரை கொண்டு வந்து தீயை அணைக்க முயன்றார். அங்கு இருந்த பொதுமக்களும் பைக்கில் தண்ணீரை ஊற்றினர். ஆனால் தீ கட்டுக்குள் வரவில்லை. இதையடுத்து, தீயணைப்புத் துறையினருக்கு தகவல் தெரிவிக்கப்பட்டது. இதன் தொடர்ச்சியாக தீயணைப்பு வீரர்கள் வந்து தீயை அணைத்தனர். பைக்கில் எப்படி தீப்பிடித்தது என்பது குறித்து உடனடியாக தெரியவரவில்லை. இதுகுறித்து விசாரணை நடைபெற்று வருகிறது.
http://dlvr.it/SRqNR6

Read More