’Corona Be Like: என்ன கொஞ்சம் திரும்பி பாருங்க’ : ஆஃபருக்காக மாலில் குவிந்த கேரளாட்டீஸ்!

முன்பெல்லாம் தள்ளுபடி என்றாலே ஆடி தள்ளுபடிதான் நினைவுக்கு வரும். ஆனால் தற்போது மாதத்திற்கு ஒரு தள்ளுபடி, சீசனுக்கு ஒரு தள்ளுபடி என காணும் இடமெல்லாம் தள்ளுபடியாய் அறிவிப்பதால் கொரோனா உட்பட எந்த நோய் பரவல் குறித்த அச்சமும், தெளிவும் இல்லாமல் மக்கள் கூட்டமும் அதிகரித்து கொண்டே போகிறது. அந்த வகையில் கேரளாவின் பிரபல லுலு மாலில் Midnight sale என்ற பெயரில் கிட்டத்தட்ட மாலில் உள்ள அனைத்து கடைகளிலும் 50 சதவிகிதம் தள்ளுபடி என அறிவிக்கப்பட்டிருக்கிறது. Midnight sale at Lulu, Trivandrum. Kerala Govt declared 3310 positive cases today. pic.twitter.com/605RKJS36E —  Sreenivas || ஸ்ரீநிவாஸ் (@i_sreenivas) July 7, 2022 இதனை அறிந்த ஆயிரக்கணக்கான மக்கள் பலரும் ஆஃபரில் பொருட்களை வாங்குவதற்காக லுலு மாலுக்கு படையெடுத்திருக்கிறார்கள். அது தொடர்பான வீடியோக்கள் பலவும் இன்ஸ்டாகிராம், ட்விட்டர் என அனைத்து சமூக வலைதளங்களிலும் பகிரப்பட்டு பலரது கண்டனத்திற்கும் ஆளாகியுள்ளது. ஏனெனில், அண்மை நாட்களாக இந்தியாவில் கொரோனாவால் பாதிக்கப்படுவோரின் எண்ணிக்கையும், அதனால் உயிரிழப்போரின் எண்ணிக்கையும் தினந்தோறும் அதிகரித்து வருவதால், மத்திய மாநில அரசுகள் சார்பில் மீண்டும் கட்டுப்பாடுகளை விதிப்பது தொடர்பான ஆலோசனைகள் மேற்கொள்ளப்பட்டு வருகிறது. குறிப்பாக கேரளாவில் நாள் ஒன்றுக்கு மூன்றாயிரத்துக்கும் அதிகமானோர் கொரோனாவால் பாதிக்கப்பட்டு வரும் நேரத்தில் லுலு மால் நிர்வாகம் மிட்நைட் சேல் என்ற பெயரில் எண்ணிலடங்கா மக்கள் கூட்டத்தை சேர்த்திருந்தது பலரையும் முகம் சுழிக்கச் செய்திருக்கிறது. Irresponsible from @LuLuGroup_India to arrange such a 50% off promotion with such large crowds with no safety protocols when #COVID19 still at large in Kerala & India .God knows what's going to happen in the coming weeks #Lulumall #midnightsale @AsianetNewsML @manoramanews pic.twitter.com/sVtdbdnHZJ — STG (@suvin64) July 7, 2022 இதனை கண்ட இணையவாசிகள் பலரும் கேரளாவின் கருப்பு நாள் இது என்றும், கொரோனா பரவல் முற்றுப்பெறாத நிலையில் லுலு மால் நிர்வாகம் இத்தகைய அறிவிப்பை விடுத்தது பொறுப்பற்ற நிலையையே காட்டுகிறது எனவும் காட்டமாக குறிப்பிட்டிருக்கிறார்கள். இதனிடையே “எந்த ஒரு டிராஃபிக் கெடுபிடிகளும் இல்லாமல் இரவு நேர ஷாப்பிங்கில் மக்களுக்கு நிம்மதியாக இருக்கும் என்ற எண்ணத்தோடுதான் இந்த மிட்நைட் ஷாப்பிங் திட்டத்தை முன்னெடுத்தோம்” என லுலு மால் நிர்வாகத்தின் மண்டல இயக்குநர் ஜோய் ஷந்தானன்ந்தன் கூறியிருக்கிறார்.
http://dlvr.it/STYcgH

Read More

`கொறடா நியமனத்தில் கொஞ்சம் கவனமாக இருந்திருந்தா' -போரிஸ் ஜான்சன் பதவி விலகலுக்கு இதானா?

பிரிட்டன் பிரதமர் பதவியிலிருந்து போரிஸ் ஜான்சன் விலகியுள்ளார். இந்த பதவி விலகலின் பின்னணி நாம் அறியவேண்டிய வரலாறென்றே சொல்லலாம். ஏனென்பதற்கான விடையே, இந்த கட்டுரை உங்களுக்கு சொல்லும்!  அமெரிக்காவின் நியூயார்க் நகரில் வசித்த பிரிட்டன் பெற்றோர்களுக்கு பிறந்தவர் அலெக்சாண்டர் போரிஸ் ஜான்சன். ஆரம்பத்தில் பத்திரிகையாளராக வாழ்க்கையைத் தொடங்கிய போரிஸ் ஜான்சன், தி டைம்ஸ், டெலிகிராஃப், தி ஸ்பெக்டேடர் உள்ளிட்ட பத்திரிகைகளில் முக்கிய பொறுப்புகளை வகித்தார். இதன் பின் 2001ஆம் ஆண்டு போரிஸ் ஜான்சனின் அரசியல் பாதைக்கு தடம் மாறினார். 2001 முதல் 2008 வரை நாடாளுமன்ற உறுப்பினராக இருந்த போரிஸ் ஜான்சன் சிறிது இடைவெளிக்கு பின் 2015ஆம் ஆண்டிலிருந்து அப்பதவியில் தொடர்கிறார். இக்கால கட்டத்தில் லண்டன் மேயராகவும் 8 ஆண்டு காலம் பதவி வகித்தார் போரிஸ் ஜான்சன். ஐரோப்பிய யூனியனிலிருந்து பிரிட்டன் வெளியேறுவதற்கு ஆதரவாக தீவிர பரப்புரையையும் அவர் முன்னெடுத்தார். இதன் பலனாக மக்கள் மத்தியில் மிகவும் பிரபலமான ஜான்சன் 2019ஆம் ஆண்டு பிரிட்டன் பிரதமராக உயர்ந்தார். ஆனால் இவரது பதவிக்காலம் சர்ச்சைகள் நிறைந்ததாகவே இருந்தது. கொரோனா கட்டுப்பாடுகளை மீறியதற்காக பிரதமர் போரிஸ் ஜான்சனுக்கு நோட்டீஸ் அனுப்பப்பட்டது. பிரிட்டன் பிரதமர் ஒருவர் இதுபோன்ற அவமதிப்புக்கு ஆளானது அதுவே முதல்முறை. இதன் பின் அடுத்தடுத்து அரசியல் சுழல்களில் சிக்கிய இவர் கடந்த ஜூன் மாதம் நம்பிக்கையில்லா தீர்மானத்தில் தப்பிப் பிழைத்தார். இந்நிலையில் பல்வேறு குற்றச்சாட்டுகளில் சிக்கிய கிறிஸ் பிஞ்ச்சர் என்பவரை துணை தலைமை கொறடாவாக நியமித்ததால் போரிஸ் ஜான்சனுக்கு எதிராக அமைச்சர்களும் அதிகாரிகள் கொதித்தெழுந்தனர். ரிஷி சுனாக், சஜித் ஜாவித் என அமைச்சர்கள் வரிசையாக விலகிய நிலையில் மூத்த அதிகாரிகள் ராஜினாமா செய்தனர். இதனால் போரிஸ் ஜான்சன் பதவி விலக பல்வேறு தரப்புகளில் இருந்து நெருக்கடி அதிகரித்தது. இதைத் தொடர்ந்து வேறு வழியின்றி பிரதமர் நாற்காலியிலிருந்து இறங்கியுள்ளார் போரிஸ் ஜான்சன்.
http://dlvr.it/STYcHg

Read More

``தேசிய கல்விக் கொள்கை சம்ஸ்கிருதம் போன்ற தொன்மையான மொழிகளை முன்னோக்கி கொண்டு செல்கிறது!" - மோடி

உத்தரப்பிரதேச மாநிலத்துக்கு சுற்றுப் பயணம் மேற்கொண்ட பிரதமர் மோடி, வாரணாசில் தேசிய கல்விக் கொள்கையை அமல்படுத்துவதற்கான அகில இந்திய கல்வி மாநாட்டை நேற்று தொடங்கி வைத்தார். அப்போது நிகழ்ச்சியில் பேசிய அவர், ``தேசிய கல்விக் கொள்கையின் அடிப்படைக் கோட்பாடு, கல்வியை குறுகிய சிந்தனையிலிருந்து விடுவித்து, 21-ம் நூற்றாண்டின் நவீன சிந்தனைகளுடன் இணைப்பதாகும். பிரிட்டிஷ்காரர்களால் உருவாக்கப்பட்ட கல்வி முறை ஒருபோதும் இந்திய கல்விமுறையாக இருக்க முடியாது. இந்திய கல்வி முறை, பட்டம் பெற்ற இளைஞர்களை உருவாக்குவதாக மட்டும் இருக்கக் கூடாது. பணியாளர் வர்க்கத்தை உருவாக்கிய ஆங்கிலேயர் கல்வி முறையில் மாற்றங்கள் தேவை.மோடி தேசிய கல்விக் கொள்கை, தாய்மொழி கல்விக்கு வழிவகுக்கிறது. இதன் விளைவாக, சம்ஸ்கிருதம் போன்ற தொன்மையான இந்திய மொழிகளும் முன்னோக்கி கொண்டு செல்லப்படுகின்றன. புதியக் கல்விப் புரட்சியை ஆசிரியர்களும், கல்வி நிறுவனங்களும் முன்னெடுத்துச் செல்ல வேண்டும். வெகுவிரைவில் உலகின் கல்வி மையமாக இந்தியா உருவெடுக்கும். நமது இளைஞர்கள் திறமையானவர்களாகவும், தன்னம்பிக்கையுடனும், நடைமுறையை கணக்கிடக்கூடியவர்களாகவும் இருக்க வேண்டும். இதற்கான களத்தை புதிய கல்விக் கொள்கை தயார் செய்கிறது'' என்றார்.தென்னகத்தைக் குறிவைக்கும் மோடி, அமித் ஷா & கோ... தடம் பதிப்பது சாத்தியமா?
http://dlvr.it/STYbnH

Read More

பொய் பாலியல் புகார்: ரூ.5 லட்சத்துக்கு ஸ்கெட்ச்; உதவிக்கு 3 வழக்கறிஞர்கள் - உ.பி-யில் இளம்பெண் கைது!

உத்தரப்பிரதேச மாநிலம், ஆக்ராவிலுள்ள ஹரி பர்வத் பகுதி காவல்நிலையத்தில் கடந்த ஜூன் 24-ம் தேதி 28 வயதான பெண் ஒருவர் புகார் அளித்திருந்தார். அந்தப் புகாரில், ``20 வயதான ராகுல் சிகர்வார் என்பவர் என்னுடையப் பிறந்த நாளை கொண்டாட ஒரு ஹோட்டலுக்கு என்னை அழைத்துச் சென்றார். அங்கு குளிர்பானத்தில் போதை மருந்து கலந்துகொடுத்து நான் மயக்க நிலையில் இருக்கும்போது என்னைப் பாலியல் வன்கொடுமைசெய்து அதை வீடியோவாகப் பதிவு செய்துகொண்டார். இந்தச் சம்பவத்தை யாரிடமாவது கூறினால் அதை பகிரங்கப்படுத்துவேன் என்றும் மிரட்டினார். எனவே, அவர்மீது வழக்கு பதிவுசெய்து கைதுசெய்யவேண்டும்" எனக் குறிப்பிட்டிருந்தார்.பலியல் வன்கொடுமை அதைத் தொடர்ந்து குற்றம்சாட்டப்பட்ட ராகுல் சிகர்வார்மீது பாலியல் வன்கொடுமை வழக்கு பதிவுசெய்யப்பட்டது. இந்த நிலையில், இந்த வழக்கு தொடர்பாக காவல்துறை விசாரித்தபோது பல அதிர்ச்சிகரமான தகவல்கள் வெளிவந்துள்ளன. இது தொடர்பாக காவல்துறை அதிகாரிகள் ஊடகவியலாளர்களிடம், ``ராகுல் சிகர்வார்மீது பொய் புகார் கொடுக்கப்பட்டுள்ளது விசாரணையில் தெரியவந்துள்ளது. மேலும், புகாரளித்த அந்த பெண்ணும் அவரின் மூன்று வழக்கறிஞர்களான ஜிதேந்திர ராஜ்புத், நிஷாந்த் குமார், சேகர் பிரதாப் சிங் ஆகியோர் ராகுலிடமிருந்து ரூ.5 லட்சம் பணம் பறிக்க சதி செய்தது தெரியவந்துள்ளது. கைது அந்தப் பெண்ணுடன், அவருக்கு உதவிய இரண்டு வழக்கறிஞர்களைக் கைதுசெய்திருக்கிறோம். பெண்ணின் வழக்கறிஞருக்கு உதவிய ராகுலின் வழக்கறிஞர் அவினாஷ் வைஷ்யா உட்பட மேலும் இரண்டு வழக்கறிஞர்கள் இன்னும் தலைமறைவாக உள்ளனர். அவர்களை தீவிரமாக தேடி வருகிறோம்" எனத் தெரிவித்தனர். இந்தச் சம்பவம் அந்தப் பகுதியில் பரபரப்பை ஏற்படுத்தியிருக்கிறது.ஜார்கண்ட்: ஐஐடி மாணவிக்குப் பாலியல் தொல்லை... ஐஏஎஸ் அதிகாரியைக் கைதுசெய்த போலீஸ்!
http://dlvr.it/STYbPr

Read More

சிறுமிகள் முன் நிர்வாணமாக நின்ற வில்லன் நடிகர் ஸ்ரீஜித் ரவி - போக்ஸோ வழக்கில் கைதுசெய்த போலீஸ்

கேரளாவைச் சேர்ந்த பிரபல வில்லன் நடிகர் ஸ்ரீஜித் ரவி(46). 2005-ல் மயூகம் என்ற மலையாள சினிமா மூலம் நடிப்பு உலகிற்கு அறிமுகமானார். தமிழ், மலையாளம், தெலுங்கு, கன்னட மொழி சினிமாக்களில் நடித்திருக்கிறார். பழம்பெரும் மலையாள வில்லன் நடிகரான டி.ஜி.ரவியின் மகனான ஸ்ரீஜித் ரவி கும்கி சினிமாவில் வில்லன் நடிகராக தமிழ் திரை உலகுக்கு அறிமுகம் ஆனார். இந்த நிலையில், திருச்சூரில் உள்ள எஸ்.என் பூங்காவில் சிறுமிகள் முன் நிர்வாணமாக நின்ற வழக்கில் நடிகர் ஸ்ரீஜித் ரவி கைதுசெய்யப்பட்டிருக்கிறார். திருச்சூர் மேற்கு காவல் நிலையத்தில் ஸ்ரீஜித் ரவிமீது போக்சோ வழக்கு பதிவுசெய்யப்பட்டதை அடுத்தே கைது நடவடிக்கை எடுக்கப்பட்டிருக்கிறது.நடிகர் ஸ்ரீஜித் ரவி இது குறித்து போலீஸ் தரப்பில், ``திருச்சூர் பூங்காவில் கடந்த 4-ம் தேதி 5 முதல் 11 வயதிலான குழந்தைகள் விளையாடிக்கொண்டிருந்தனர். அப்போது காரில் வந்த ஒருவர் குழந்தைகள் முன் நிர்வாணமாக நின்றார். அது பற்றி குழந்தைகளின் பெற்றோர் புகார் அளித்தனர். பூங்காவில் இருந்த கண்காணிப்பு கேமராவில் பதிவான காட்சிகளை பார்த்தபோது அதில் வந்தவரின் முகம் தெளிவாக தெரியவில்லை. இந்த நிலையில், மறுநாளும் கறுப்பு நிற காரில் வந்த ஒருவர் அதே குழந்தைகளை பின் தொடர்ந்து பிளாட்டின் அருகில் உள்ள சந்து பகுதியில் குழந்தைகள் முன் நிர்வாணமாக நின்றிருக்கின்றார். அது நடிகர் ஸ்ரீஜித் ரவி எனத் தெளிவாக தெரியவந்தது. முதல்நாள் குழந்தைகளுக்கு அது யார் என்பது தெரியவந்தாலும், சந்தேகம் இருந்ததால் உறுதி செய்ய முடியவில்லை. தீவிர விசாரணை நடத்திய பின்னரே நடிகர் ஸ்ரீஜித் ரவியை இன்று காலை கைதுசெய்தோம்" என்றனர்.ஸ்ரீஜித் ரவி போலீஸ் விசாரணையில் நடிகர் ஸ்ரீஜித் ரவி குற்றத்தை ஒப்புக்கொண்டதாக தகவல் வெளியாகியிருக்கிறது. தனக்கு ஒரு நோய் இருப்பதாகவும், மருந்து சாப்பிடாததால் அவஸ்தையை அனுபவிப்பதாகவும், அதனால்தான் இப்படி நடந்துகொண்டதாகவும் ஸ்ரீஜித் ரவி போலீஸ் விசாரணையில் தெரிவித்ததாக தகவல் வெளியாகியிருக்கிறது. இதையடுத்து நடிகர் ஸ்ரீஜித் ரவியை திருச்சூர் அடிஷனல் செசன்ஸ் கோர்ட்டில் போலீஸார் ஆஜர்படுத்தினர்.கைது போக்சோ வழக்கு என்பதால் கோர்ட்டில் ஜாமீன் வழங்கப்படவில்லை. இதையடுத்து ஸ்ரீஜித் ரவியை 14 நாள்கள் சிறையில் அடைக்க நீதிபதி உத்தரவிட்டார். ஸ்ரீஜித் ரவிமீது 2016-ம் ஆண்டும் இதே போன்ற குற்றச்சாட்டு எழுந்தது. பாலக்காடு மாவட்டம், ஒற்றப்பாலம் அருகே உள்ள பத்திரிபால பகுதியில் பள்ளி மாணவிகள் முன்னிலையில் நிர்வாணமாக நின்ற வழக்கில் கைதுசெய்யப்பட்டிருந்தது குறிப்பிடத்தக்கது.போக்சோ வழக்கில் சிறை சென்று ஜாமீனில் வந்தவர் படுகொலை; செய்யாறு அருகே பயங்கரம் - 5 பேர் கைது
http://dlvr.it/STYbKf

Read More

ராகுல் காந்திக்கு எதிரான செய்தி: தொகுப்பாளரை கைது செய்ய போட்டிபோட்ட இரு மாநில காவல்துறை!

உத்தரப்பிரதேசம் காஸியாபாத் பகுதியில் வசித்து வருகிறார் பிரபல செய்தி தொகுப்பாளர் ரோஹித் ரஞ்சன். இவர் தனது தொலைக்காட்சி நிகழ்ச்சியில் ராகுல் காந்தி உதய்பூர் தையல்காரர் கன்ஹையா லாலின் கொலையாளிகள் குறித்து கூறியதாக சொன்ன வார்த்தைகள் சர்ச்சையானது. அதாவது ராகுல் சொல்லாததை இவர் சொன்னதாக பயன்படுத்தியது சர்ச்சையானது. செய்தி தொகுப்பாளர் ரோஹித் ரஞ்சன் அதைத் தொடர்ந்து, அந்த வீடியோவை பா.ஜ.க தலைவர்களும் பதிவு செய்து ராகுல்காந்தியைக் கடுமையாக விமர்சித்துவந்தனர். அதன்பின்பு, செய்தி தொகுப்பாளர், "இந்த செய்தி பொய்யான தகவல். தெரியாமல் தவறு நிகழ்ந்துவிட்டது. அதற்காக மன்னிப்பு கேட்டுக்கொள்கிறேன்" என ட்விட்டர் பக்கத்தில் பதிவிட்டிருந்தார். இந்த நிலையில், ராய்பூரில், காங்கிரஸ் எம்.எல்.ஏ தேவேந்திர யாதவ், "செய்தி தொகுப்பாளர் ரோஹித் ரஞ்சன் பல்வேறு குழுக்களிடையே பகைமையை ஊக்குவித்தல் மற்றும் மக்களின் மத உணர்வுகளைத் தூண்டும் வகையில் தவறான வீடியோவை பதிவு செய்துள்ளார் எனவே அவரை கைது செய்ய வேண்டும்" என காவல்நிலையத்தில் புகார் அளித்தார். அதைத் தொடர்ந்து, தொகுப்பாளர் ரஞ்சனுக்கு எதிராகக் கடந்த ஞாயிற்றுக்கிழமை வழக்குப் பதிவு செய்யப்பட்டது. அந்த வழக்கின் விசாரணைக்காக நேற்று, காங்கிரஸ் ஆளும் சத்தீஸ்கரில் இருந்து ஒரு காவல்துறை குழு இந்திரா புரத்தில் உள்ள ரோஹித் ரஞ்சன் வீட்டுக்கு வந்துள்ளனர். அப்போது ரோஹித், உத்தரப்பிரதேச பொலீஸாரின் அனுமதி இல்லாமல் வந்திருப்பதாவௌம் தனக்கு உதவி வேண்டும் எனவும் உத்தரப்பிரதேச முதல்வர், மற்றும் அம்மாநில காவல்துறையை கேட்டுக்கொண்டார். இதனால் உத்தரப்பிரதேச காவல்துறையும் அங்கு வந்துள்ளது.காவல்துறை தொகுப்பாளர் ரஞ்சனை யார் விசாரணைக்கு அழைத்துச் செல்வது என இரு மாநில காவல்துறைகளுக்கு மத்தியில் சச்சரவு எழுந்தது. இறுதியில் நொய்டா செக்டார்-20 காவல் நிலையத்தின் ஒரு குழுவால் அவரின் வீட்டிலிருந்து விசாரணைக்காக அழைத்துச் செல்லப்பட்டார். அதன் பிறகு குற்றம் உறுதியானதைத் தொடர்ந்து ஐபிசி 505 -ன் கீழ் எஃப்ஐஆர் பதிவு செய்யப்பட்டது. அதன் பின்னர் இரவு ஜாமீனில் விடுவிக்கப்பட்டுள்ளார். இந்த வழக்கில் ரோஹித் உச்ச நீதிமன்றத்தை நாட உள்ளதாகவும் தகவல் வெளியாகி உள்ளது. `இந்தியாவில் 40 ஆண்டுகளுக்கு பாஜக ஆதிக்கம்தான்' - அமித் ஷாவின் நம்பிக்கைக்குக் காரணம் என்ன?
http://dlvr.it/STVPrm

Read More

அலுவலக மேஜை டிராயரில் மட்டும் லஞ்சப் பணம் ரூ.17 லட்சம்... மும்பை மாநகராட்சிப் பொறியாளர்கள் கைது!

மும்பை மாநகராட்சியில் பொறியாளர்களாக இருப்பவர்கள் அமோல் தவில், தத்தாத்ரேய மானே. தற்போது மும்பையில் பருவமழை தீவிரமடைந்திருப்பதால் நானாசோக் பகுதியைச் சேர்ந்த துக்காராம் என்பவர் மழைத் தடுப்புக்காக தற்காலிக ஷெட் ஒன்றைக் கட்ட திட்டமிட்டிருந்தார். இதற்கு அவர் மாநகராட்சி அதிகாரிகள் மானே, தவில் ஆகியோரைச் சந்தித்து அனுமதி கேட்டார். உடனே அனுமதி கொடுக்க வேண்டுமானால் ரூ.2 லட்சம் லஞ்சம் கொடுக்க வேண்டும் என்று கேட்டனர். அவர்களுக்குள் பேரம் பேசப்பட்டதில் ரூ.1.9 லட்சம் கொடுப்பது என்று முடிவானது. அந்தப் பணத்தைக் கொடுக்க விரும்பாத துக்காராம் லஞ்ச ஒழிப்புத்துறையில் புகார் செய்தார். சித்தரிப்பு படம் அவர்கள் சொன்னபடி துக்காராம் லஞ்சப் பணத்தை எடுத்துச் சென்று மாநகராட்சி அலுவலகத்தில் இருந்த பொறியாளர் மானேயிடம் கொடுத்தார். உடனே மறைந்திருந்த அதிகாரிகள் அவரை மடக்கிப்பிடித்து கைதுசெய்தனர். அதோடு மானே மூலம் போன் செய்து மற்றொரு பொறியாளர் அமோலிடம் லஞ்சப் பணத்தை பெற்றுக்கொண்டதாக தெரிவிக்கும்படி கேட்டுக்கொண்டனர். அலுவலகத்திலிருந்த அமோல் மேஜை டிராயரை லஞ்ச ஒழிப்புத்துறை அதிகாரிகள் திறந்து பார்த்தபோது கட்டுக்கட்டாக பணம் இருந்தது. மும்பையில் தொடரும் கனமழை... மக்களின் இயல்பு வாழ்க்கை கடும் பாதிப்பு! லஞ்சப் பணத்தை வாங்கி அப்படியே டிராயரில் வைத்திருந்தார். அவற்றைப் பறிமுதல் செய்து அதிகாரிகள் எண்ணிப் பார்த்தபோது ரூ.17.64 லட்சம் அளவுக்கு இருந்தது. இதையடுத்து அமோலும் கைதுசெய்யப்பட்டார். அவர்கள் மேலும் எவ்வளவு சொத்து சேர்த்திருக்கின்றனர் என்பது குறித்து லஞ்ச ஒழிப்புத்துறையினர் விசாரித்துவருகின்றன்ர். மும்பையில் சட்டவிரோதமாகக் குடிசைகள் அமைக்க மாநகராட்சி அதிகாரிகள், போலீஸார் அனுமதி கொடுத்து லஞ்சம் வாங்குகின்றனர். குடிசைகள் கட்டி முடிக்கப்பட்ட சில ஆண்டுகளில் அரசு அதை அங்கீகரித்துவிடுகிறது. இதையடுத்து அதை விற்பனை செய்துவிட்டு வேறு இடத்தில் குடிசை அமைக்கச் சென்றுவிடுகின்றனர் என்ற குற்றச்சாட்டு நீண்டகாலமாக இருந்துவருகிறது.
http://dlvr.it/STVPT5

Read More