நோக்கியாவை பத்தின இந்த விஷயங்கள்லாம் உங்களுக்கு தெரியுமா? | Unknown Facts of NOKIA

நோக்கியா என்று சொன்னதுமே விவேக் பாணியில் கனெக்ட்டிங் பீப்புள் என்பதே அனைவரது நினைவுக்கும் வரும். அதற்கடுத்தப்படியாக, நோக்கியா 1100, 3310 ஃபோன்ஸ், ஸ்நேக் கேம்ஸ் பற்றி தெரிந்திருக்கும். ஆனால் நோக்கியோவை பற்றி உங்களுக்கு தெரிந்திருக்காத சுவாரஸ்யமான பல தகவல்கள் உள்ளன. அப்படியான நோக்கியாவின் சில interesting facts பத்தி இப்போ பார்க்கலாம். 1) Nokia ங்கற பெயர் finland-ல பிர்கன்மாங்கற டவுன்ல இருக்கும் Nokian-virta என்ற நதியின் பெயரில் இருந்துதான் வைக்கப்பட்டுள்ளது. அந்த நதியின் கரையிலதான் நோக்கியாவோட தொழிற்சாலை உருவாக்கப்பட்டது. 2) நோக்கியானாலே மொபைல் ஃபோன் தயாரிக்குற நிறுவனமாதான் எல்லாரும் தெரிஞ்சு வெச்சிருப்போம். ஆனா, நோக்கியா நிறுவனம் முதல் முதல்ல 1865ம் ஆண்டு டாய்லெட் பேப்பர், டயர்ஸ், ரப்பர் போட்ஸ் உள்ளிட்ட பல பொருட்களையே தயாரித்திருந்தது. 3) நோக்கியோவோட theme tune உண்மையில் ஸ்பானிஷ் கம்ப்போசர், கிட்டாரிஸ்ட் ஃபிரான்சிஸ்கோ டாரேகா என்பவரால் உருவாக்கப்பட்டது. 4) நோக்கியாவின் ஸ்பெஷல் மெசேஜ் டோ மோர்ஸ் குறியீட்டிலிருந்துதான் உருவாக்கப்பட்டிருக்கு. 5) உலகின் முதல் சாட்டிலைட் call 1991ம் ஆண்டு நோக்கியாவோட GSM நெட்வொர்க் மூலமாதான் அழைக்கப்பட்டது. அதை ஃபின்லாந்து பிரதமர் ஹாரி ஹோல்கேரி, நோக்கியா தொலைபேசியைப் பயன்படுத்தி பேசினார். 6) நோக்கியா நிறுவனத்தின் முதல் மின்னணு சாதனமாக pulze analyserதான் இருந்தது. அது 1962ம் ஆண்டு தயாரிக்கப்பட்டது. 7) முதல் கையடக்க ஃபோனாக 1984ம் ஆண்டு Mobira Talkman என்ற சாதனத்தைதான் நோக்கியா தயாரித்திருந்தது. இதன் தற்போதைய மதிப்பு 4560 யூரோவாகும். அதாவது 3,66,436 ரூபாய். 8) நோக்கியாவின் முதல் டச் ஸ்க்ரீன் டெக்னாலஜி கொண்ட ஃபோன் 2004ம் ஆண்டு வெளியிடப்பட்டது. 90s கிட்ஸ்களின் நாஸ்டால்ஜியா இந்த 7710 மாடல் நோக்கியோ ஃபோனும் இருந்தது. 9) அனைவருக்கும் பிடித்தமான நோக்கியா 1100 மாடல் ஃபோன்தான் 2007ம் ஆண்டு அதிகளவில் விற்கப்பட்ட ஃபோனாகும். இதுபோக, இந்த மாடல்தான் உலகளவுலயே அதிகளவுல விற்பனையான ஃபோனாம். 10) நோக்கியாவின் N சீரிஸ் மாடல்களான N70, N90, N91 ஆகிய ஃபோன்கள் ஒரே நேரத்தில் வெளியிடப்பட்டவையாகும். 11) Fortune-ன் 2006ம் ஆண்டு சர்வேப்படி, நோக்கியாதான் உலகின் 20வது பாராட்டத்தக்க நிறுவனமாக இருந்தது.
http://dlvr.it/STjlxQ

Read More

ஓபிஎஸ் ஒரு பச்சைத் துரோகி - சசிரேகா ஆவேசம்

இன்றைய தினம் நடந்த அதிமுக பொதுக்குழு கூட்டத்தில், ஓ.பன்னீர்செல்வத்தை அதிமுகவின் அனைத்து அடிப்படை பொறுப்புகளில் இருந்தும் நீக்குவதாக தீர்மானம் நிறைவேற்றப்பட்டிருந்தது. இதைத்தொடர்ந்து ஓ.பி.எஸ். மற்றும் அவரது ஆதரவாளர்கள் தலைமைச் செயலகத்தில் தர்ணாவில் ஈடுபட்டனர். இதைத்தொடர்ந்து அலுவலகத்துக்கு சீல் வைக்கப்பட்டது. இந்நிலையில் தான் நீக்கப்பட்டது தொடர்பாக சட்டப்போராட்டத்தை முன்னெடுக்க இருப்பதாக ஓ பன்னீர்செல்வம் பேட்டியளித்துள்ளார். இதுதொடர்பாக அ.தி.மு.க. செய்தி தொடர்பாளர் சசிரேகா புதிய தலைமுறைக்கு பேட்டியளித்தார். அவர் பேசுகையில், ''இன்று அ.தி.மு.க. தலைமை அலுவலகத்தில் அவரோடு இருந்தவர்கள் தொண்டர்கள் இல்லை; ரூ.500, 1000-த்துக்கு கூடிய குண்டர்கள். சொல்லப்போனால் அவருமே ஒரு குண்டர்தான். அவரை வளர்த்து ஆளாக்கிய அ.தி.மு.க.வின் தலைமைச் செயலகத்துக்குள்ளேயே சென்று கடப்பாரையால் அதை சேதப்படுத்திய பச்சைத்துரோகி ஓ.பி.எஸ். ஆகவே அவரும் ஒரு குண்டர்தான். ஓ.பன்னீர்செல்வம் இனி தனது சட்டையோடு வேண்டுமானால் போராடலாம்; சட்டப் போராட்டமெல்லாம் இனி செய்ய முடியாது. அதேபோல அவர் வீட்டு செடியிலுள்ள இரட்டை இலையை வேண்டுமானால் அவர் கிழித்துப்போடலாம்... தவிர இரட்டை இலை பக்கமெல்லாம் வரவே முடியாது. இரட்டை இலையை மறந்துவிட்டு, ஓய்வெடுப்பதுதான் அவருக்கு நல்லது. இதுபோன்றொரு துரோகியை, இனி தமிழகமும் சந்திக்கக்கூடாது; அதிமுக-வும் சந்திக்காது. ஓபிஎஸ் மட்டுமன்றி, அவரது மகனும் தி.மு.க.வுக்கு ஆதரவாகவே செயல்படுகிறார். அப்பாவும் மகனும் கழகத்துக்கு துரோகச்செயல் செய்வதையே வழக்கமாக கொண்டுள்ளனர். இன்று மன்னராகவும், தங்களை காக்க கூடிய தந்தையாகவும், புரட்சித்தலைவர் - புரட்சித்தலைவி வடிவிலும் அண்ணன் ஈ.பி.எஸ்.-ஐ தான் தொண்டர்கள் பார்க்கிறார்கள்” என்றார்.
http://dlvr.it/STjlsj

Read More

கேரளா: சாமியார் ஆசிரமம் எரிக்கப்பட்ட வழக்கு: பினராயி விஜயன் தலையிட்டும் முடிவுக்குவராத விசாரணை!

கேரள மாநிலம், திருவனந்தபுரம் அருகே உள்ள குண்டமங்கடவு பகுதியில் ஆசிரமம் நடத்தி வருபவர் சுவாமி சந்தீபானந்தகிரி. சி.பி.எம் கட்சிக்கும், முதல்வர் பினராயி விஜயனுக்கும் ஆதரவாக கருத்துகளை கூறிவருபவர். இதனால் சங் பரிவார் அமைப்புகள் இவரை கம்யூனிஸ்ட் சாமியார் என அழைப்பது வழக்கம். 2018-ம் ஆண்டில் சபரிமலையில் அனைத்து வயது பெண்களும் சாமி தரிசனம் செய்யலாம் என்று சுப்ரீம் கோர்ட்டு தீர்ப்பு அளித்த சமயத்தில், அதற்கு ஆதரவாக கருத்து தெரிவித்து வந்தார் சந்தீபானந்தகிரி. சுப்ரீம் கோர்ட் அளித்த தீர்ப்பை மாநில அரசு செயல்படுத்தும் முடிவு சரிதான் எனவும் தொலைக்காட்சி விவாதங்களில் பேசி வந்தார் சந்தீபானந்தகிரி. இந்த நிலையில் 2018-ம் ஆண்டு அக்டோபர் 27-ம் தேதி அதிகாலை நேரத்தில் சுவாமி சந்தீபானந்தகிரியின் ஆசிரமத்தின் ஒரு பகுதி தீ வைத்து எரிக்கப்பட்டது. மேலும் ஆசிரமம் முன் நிறுத்தி வைக்கப்பட்டிருந்த கார், பைக் உள்ளிட்ட 3 வாகனங்களும் பெட்ரோல் ஊற்றி எரிக்கப்பட்டன.ஆசிரமத்தை பார்வையிட்ட முதல்வர் பினராயி விஜயன் அந்த சமயத்தில் மிகவும் பரபரப்பை ஏற்படுத்திய இந்தச் சம்பவத்துக்கு முதல்வர் பினராயி விஜயன் கண்டனம் தெரிவித்ததுடன், ஆசிரமத்தை நேரில் சென்று பார்வையிட்டு இது வர்க்கவாதிகளின் செயல் என சங் பரிவார் அமைப்புகளைச் சாடினார். மேலும், முதல்வர் பினராயி விஜயனே விசாரணையை துரிதப்படுத்தவும் உத்தரவிட்டார். காவல்துறை முதல்வர் பினராயி விஜயனின் கட்டுப்பாட்டில் உள்ளதால் விசாரணை குதிரை பாய்ச்சலில் நடைபெறும் என எதிர்பார்க்கப்பட்டது. ஆனால், அந்தச் சம்பவம் நடைபெற்று மூன்று ஆண்டுகளுக்கு மேலாகியும் விசாரணையில் சிறு முன்னேற்றம்கூட ஏற்படவில்லை. ஆசிரமமும், வாகனங்களும் பெட்ரோல் ஊற்றி எரிக்கப்பட்டன என்ற தகவலை மட்டுமே போலீஸாரால் கண்டுபிடிக்க முடிந்தது. சுவாமி சந்தீபானந்தகிரியின் ஆசிரமத்தில் சிசிடிவி கேமராக்கள் பழுதாக இருந்ததால் ஆசிரமத்தை எரித்தது யார் என கண்டுபிடிக்க முடியவில்லை. மேலும் ஆசிரமத்தை சுற்றி சில கிலோமீட்டர் தூரத்துக்கு சிசிடிவி கேமராக்கள் ஆய்வுசெய்யப்பட்டும் வழக்கில் எந்த முன்னேற்றமும் ஏற்படவில்லை. திருவனந்தபுரம் சிட்டி போலீஸ் நடத்திய விசாரணை சரியில்லை என சந்தீபானந்தகிரி முதல்வருக்கு கோரிக்கை வைத்ததால், வழக்கு க்ரைம் பிராஞ்சுக்கு மாற்றப்பட்டது. மூன்று ஆண்டுகளுக்கு மேலாக விசாரணை நடத்தியபோதும் விசாரணையில் துரும்பளவு முன்னேற்றம் ஏற்படவில்லை.எரிந்த கார்கள்சுவாமி சந்தீபானந்தகிரி எனவே, ஆசிரமம் எரிக்கப்பட்ட வழக்கு விசாரணையை முடிவுக்கு கொண்டுவர க்ரைம் பிராஞ்ச் முடிவு செய்துள்ளது. இது பற்றி போலீஸ் உயர் அதிகாரிகள் மட்டத்தில் பேச்சுவார்த்தை நடத்தி தீர்மானம் எடுக்க உள்ளதாகக் கூறப்படுகிறது. முதற்கட்ட விசாரணை தவறான பாதையில் சென்றதால் இந்த வழக்கில் குற்றவாளிகள் கண்டுபிடிக்க முடியவில்லை என க்ரைம் பிராஞ்ச் போலீஸ் தெரிவித்திருக்கிறதாம். எனவே இது பற்றி கோர்ட்டுக்கு அறிக்கை சமர்ப்பிக்கவும் க்ரைம் பிரான்ஞ்ச் போலீஸார் முடிவு செய்துள்ளனர். இது குறித்துப் பேசிய சுவாமி சந்தீபானந்தகிரி, ``இந்த வழக்கு விசாரணையை முடிவுக்குக் கொண்டுவருவது சரியான நடவடிக்கை அல்ல. ஆசிரமத்தை தீ வைத்து எரித்தவர்கள் அஞ்சலி என எழுதிய ஒரு மலர் வளையத்தையும் வைத்துச் சென்றனர். அதில் உள்ள கையெழுத்தை வைத்து விசாரணை நடத்தியிருக்கலாம். அதெல்லாம் செய்யாமல் நாங்கள் தீ வைத்ததுபோன்ற தோற்றத்தை ஏற்படுத்த போலீஸார் முயல்கின்றனர். இந்த வழக்கு சம்பந்தமான தொடர் நடவடிக்கைகள் குறித்து ஆலோசித்து முடிவு செய்வேன்" என்றார். முதல்வர் பினராயி விஜயன் நேரடியாக தலையிட்ட ஆசிரமம் எரிக்கப்பட்ட வழக்கில், மூன்றரை ஆண்டுகளுக்கு மேல் விசாரணை நடத்தியும் துப்புதுலங்கவில்லை. இது கேரள அரசின் தோல்வியாகவே பார்க்கப்படுகிறது என்கிறார்கள் அரசியல் பார்வையாளர்கள். ``என்னை விசாரித்த அமலாக்கத்துறை பினராயி விஜயனை ஏன் விசாரிக்கவில்லை?" - ராகுல் காந்தி கேள்வி!
http://dlvr.it/SThllx

Read More

மனைவிக்குத் தெரியாமல் காதலியைச் சந்திக்க மாலத்தீவு பயணம்; பாஸ்போர்ட்டைக் கிழித்ததால் சிக்கிய நபர்!

மும்பையைச் சேர்ந்த பன்னாட்டு நிறுவனம் ஒன்றில் பொறியாளராகப் பணியாற்றிவருபவர் சதிஷ் ஷிண்டே (32). இவருக்கு ஏற்கெனவே திருமணமாகிவிட்ட நிலையில், மாலத்தீவில் ஒரு பெண்ணைக் காதலித்துவந்திருக்கிறார். அவரைச் சென்று பார்க்க விரும்பிய சதீஷ், தன் மனைவியிடம் கம்பெனி வேலையாக வெளிநாடு செல்லவேண்டியிருக்கிறது என்று கூறிவிட்டு, மாலத்தீவுக்குச் சென்றார். அவர் சென்ற சில நாள்களில் அவர் மனைவி அடிக்கடி போன் செய்து பார்த்திருக்கிறார். ஆனால், சதீஷ் போனை எடுத்துப் பேசவே இல்லை. அதோடு வாட்ஸ்அப்பிலும் கால் செய்து பார்த்திருக்கிறார், அதையும் எடுக்கவில்லை. இதனால் அவர் மனைவிக்குச் சந்தேகம் ஏற்பட்டது. மனைவி தொடர்ந்து போன் செய்துகொண்டே இருந்ததால், சதீஷ் தனது பயணத்தைப் பாதியில் முடித்துக்கொண்டு இந்தியாவுக்குத் திரும்ப முடிவு செய்தார். மாலத்தீவுக்குச் சென்றது தன் மனைவிக்குத் தெரிந்துவிடும் என்று கருதி விமானத்தில் ஏறியவுடன் பாஸ்போர்ட்டிலிருந்து சில பக்கங்களைக் கிழித்து எடுத்துவிட்டார். பாஸ்போர்ட் மும்பை விமான நிலையத்தில் வந்து இறங்கியபோது அதிகாரிகள் பாஸ்போர்ட்டைப் பார்த்தபோது, அதில் 3-6 மற்றும் 31-34 வரையிலான பக்கங்களைக் காணவில்லை. உடனே அவரிடம் அதிகாரிகள் விசாரணைநடத்தியபோதுதான், மாலத்தீவுக்குச் சென்றதை தன் மனைவியிடமிருந்து மறைப்பதற்காக அந்தப் பக்கங்களை கிழித்து எடுத்துவிட்டதாகத் தெரிவித்தார். உடனே அவரை அதிகாரிகள் போலீஸாரிடம் ஒப்படைத்தனர். இந்திய சட்டப்படி பாஸ்போர்ட்டைக் கிழிப்பது குற்றம். ஆனால் பாஸ்போர்ட் பக்கங்களைக் கிழிப்பது குற்றம் என்று தனக்கு தெரியாது என்று சதீஷ் தெரிவித்தார். ஆனாலும் சட்டப்படி குற்றம் என்பதால் அவரை போலீஸார் கைதுசெய்தனர். மனைவியிடமிருந்து உண்மையை மறைக்க பாஸ்போர்ட் பக்கங்களைக் கிழித்து, சதீஷ் தானே சென்று மாட்டிக்கொண்டார். மும்பை: போலீஸாரிடமிருந்து தப்பிக்க 4-வது மாடியிலிருந்து குதித்த திருடன் - சிகிச்சை பலனின்றி பலி
http://dlvr.it/SThljX

Read More

’வாடகை கொடுக்க மாட்டியா!’.. உரிமையாளரின் செயலால் திகைத்துப் போன வாடகைதாரர்!

கன்னியாகுமரி மாவட்டம் நாகர்கோவிலில் ஒரு வருடமாக கடை வாடகை கொடுக்காததால் கடையின் உரிமையாளர் கடை முன் கருங்கற்களை குவித்து கடையை திறக்கவிடாமல் செய்துள்ளார். ஹெல்மெட் அணிந்து வந்து கடைமுன் டெம்போவில் கற்களை கொட்டும் சிசிடிவி காட்சிகள் வெளியாகியுள்ளது. கன்னியாகுமரி மாவட்டம் நாகர்கோவில் மணிமேடை சந்திப்பு பகுதியில் பிரசாத் மற்றும் கண்ணன் என்ற சகோதரர்கள் மொபைல் கடை நடத்தி வருகின்றனர். இவர்கள் கட்டிட உரிமையாளருக்கு கடந்த ஒரு வருடமாக வாடகை பணம் கொடுக்காமல் இருந்து வந்துள்ளதாகக் கூறப்படுகிறது. கட்டிட உரிமையாளர் பலமுறை கேட்டும் கொடுக்காத காரணத்தால் ஆத்திரமடைந்த உரிமையாளர் சங்கரநாராயணன் கடையை காலி செய்யுமாறு கண்ணன் மற்றும் பிரசாத்திடம் கூறியுள்ளார். ஆனால் அவர்கள் கடையை காலி செய்ய மறுத்து வந்துள்ளனர். இதனால் சங்கரநாராயணன், இரவோடு இரவாக டெம்போவில் பெரிய பாறாங்கற்களை கொண்டு வந்து கடையை திறக்க முடியாத அளவிற்கு கடை முன் கொட்டிச் சென்றுள்ளார். இந்த நிலையில் காலையில் கடை திறக்க வந்த சகோதரர்கள் கடையின் முன்பு கருங்கற்கள் குவித்து வைக்கப்பட்டிருந்ததைக் கண்டு அதிர்ச்சி அடைந்துள்ளனர். மேலும் சங்கரநாராயணன் தரப்பிலும், கண்ணன் பிரசாத் ஆகியோர் தரப்பிலும் கோட்டார் காவல்நிலையத்தில் புகார் அளிக்கப்பட்டுள்ளது. இந்நிலையில் இரவில் தலையில் ஹெல்மெட் அணிந்து வரும் நபர் டெம்போவில் கொண்டு வந்த கற்களை கடை முன் கொட்டி ச் செல்லும் சிசிடிவி காட்சிகள் தற்போது வெளியாகியுள்ளன. வாடகை கொடுக்காமல் இருந்ததால் கடை திறக்க முடியாதபடி பாறாங்கற்களை கொட்டி சென்ற உரிமையாளரின் செயல் நாகர்கோவிலில் பரபரப்பை ஏற்படுத்தியுள்ளது.
http://dlvr.it/STfyJt

Read More

பெட்ரோல் விலை உயர்வை கண்டித்து சிவன் வேடம் அணிந்து நாடகம் - அவமதிப்பு புகாரில் இளைஞர் கைது

பெட்ரோல் விலை உயர்வை கண்டித்து அசாமில் சிவன் வேடம் அணிந்து தெரு நாடகத்தை நடத்திய இளைஞரை அசாம் போலீஸார் கைது செய்தனர். அசாம் மாநிலம் நஹோன் மாவட்டத்தில் உள்ள காலேஜ் செளக் பகுதியில் நேற்று காலை சிவன் - பார்வதி வேடம் அணிந்தபடி இளைஞரும், இளம்பெண்ணும் தெரு நாடகத்தை நடத்தினர். அதில், மோட்டார் சைக்கிளில் அவர்கள் வருவது போலவும், பின்னர் பெட்ரோல் தீர்ந்து பாதி வழியிலேயே அவர்கள் நிற்பது போலவும் அவர்கள் நாடகக் காட்சிகளை அமைத்தனர். அப்போது பெட்ரோல் விலை உயர்வையும், மத்திய அரசையும் கண்டித்து அவர்கள் பேசுவது போல நாடகம் விரிவடையும். இதுதொடர்பான காணொலி சமூக வலைதளங்களில் வைரலானது. இதனைப் பார்த்த இந்து அமைப்புகள், சிவன் - பார்வதியை நாடகம் நடத்தியவர்கள் அவமதித்து விட்டதாக கூறி போராட்டங்களில் ஈடுபட்டனர். மேலும், இதுதொடர்பாக காவல் நிலையத்தில் புகாரும் அளித்தனர். இதன்பேரில் போலீஸார் வழக்கு பதிவு செய்து சிவன் வேடம் அணிந்து நாடகம் நடத்திய பிரிஞ்சி போரா (30) என்பவரை கைது செய்தனர்.
http://dlvr.it/STfy8b

Read More

ஷின்சோ அபேவை சுட்டுக் கொன்றது ஏன்?.. கொலையாளி வாக்குமூலம்

ஜப்பான் முன்னாள் பிரதமர் ஷின்சோ அபேவை சுட்டுக் கொன்றது ஏன் என்று கொலையாளி தெரிவித்துள்ளதாக தகவல்கள் வெளியாகியுள்ளன.
http://dlvr.it/STfy7v

Read More