கேரளா: சிறையிலிருந்து தப்பி மரத்தில் ஏறி போக்கு காட்டிய கைதி... வலை விரித்துப் பிடித்த போலீஸ்

கேரள மாநிலம், கோட்டயத்தைச் சேர்ந்தவர் சுபாஷ். ஒரு கொலை வழக்கில் கைதுசெய்யப்பட்டு 2016-ம் ஆண்டு நீதிமன்றத்தால் ஆயுள் தண்டனை பெற்றார். இதையடுத்து அவர் திருவனந்தபுரம் பூஜப்புரா மத்திய சிறைச்சாலையில் அடைக்கப்பட்டார். 2020 -ம் ஆண்டு கொரோனா பெருந்தொற்று காரணமாக சுபாஷ் திறந்தவெளி சிறைக்கு மாற்றப்பட்டார். பின்பு பரோல் கிடைத்ததை அடுத்து அவர் ஊருக்குச் சென்றிருக்கிறார். பரோல் முடிந்த பிறகும் சுபாஷ் சிறைக்கு திரும்பாமல் தலைமறைவானார். போலீஸார் அவரை தேடிப்பிடித்து கைதுசெய்து, நெட்டுக்கால்தேரியில் உள்ள சிறையில் அடைத்தனர். சுபாஷுக்கு மன நோய் அறிகுறிகள் இருந்ததாக கூறப்படுகிறது. இதையடுத்து கடந்த மூன்று வாரங்களுக்கு முன்பு சுபாஷ் பூஜப்புரா மத்திய சிறைச்சாலைக்கு மாற்றப்பட்டார். சிறையில் மதில் சுவருக்கு அருகே உள்ள அலுவலகத்தில் சுபாஷ் நேற்று ஆஜராக்கப்பட்டார்.சிறைக் கைதி அப்போது போலீஸ் பிடியிலிருந்து நைசாக தப்பித்த சுபாஷ், சிறை மதில் சுவரில் ஏறி வெளியே குதித்துள்ளார். பின்னர், போலீஸார் துரத்தியதால் சிறைக்கு வெளியே உள்ள ஒரு பெரிய மரத்தில் ஏறியுள்ளார். சுபாஷை அழைத்துவந்த காவலர்கள் அவரை மரத்திலிருந்து கீழே இறங்கும்படி கெஞ்சியுள்ளனர். சுபாஷ் கீழே இறங்க மாட்டேன் என்று போக்குகாட்டியுள்ளார். இதனால் அதிகாரிகள் பேச்சுவார்த்தைக்கு தயாரானார்கள். மரத்தில் இருந்த சுபாஷ், தன் குடும்பத்தினரை பார்க்க வேண்டும் என்றும், நீதிபதியை நேரில் சந்தித்துப் பேச வேண்டும் என்றும் கோரிக்கை வைத்தார். போலீஸார் அழைத்ததன்பேரில் தீயணைப்புத் துறையினர் அங்கு சென்றனர். சுபாஷ் மரத்தில் இருந்து குதித்தால் காயம் ஏற்படாமல் இருக்க முதலில் மரத்தை சுற்றிலும் தீயணைப்புப்படையினர் வலை விரித்தனர். பின்னர் தீயணைப்பு வீரர் ஒருவர் மரத்தில் ஏறி சுபாஷை பிடிக்க முயன்றார். தீயணைப்பு வீரர் சுபாஷின் காலை பிடிக்க முயன்றபோது, சுபாஷ் மரத்தின் உச்சிக்குச் சென்றார். அப்போது மரத்தின் சிறுகிழை ஒடிந்து சுபாஷ் கீழே விழுந்தார்.ஆயுள் தண்டனை கைதி சுபாஷை வலையில் தாங்கி பிடிக்கும் தீயணைப்பு வீரர்கள் மரத்தின் கீழ் நின்ற தீயணைப்பு வீரர்கள் சுபாஷை வலையில் லாவகமாக பிடித்தனர். பின்னர் அவர் சிகிச்சைக்காக மருத்துவமனைக்கு கொண்டுசெல்லப்பட்டார். சுமார் ஒன்றரை மணி நேரமாக சுபாஷ் மரத்தில் இருந்து அதிகாரிகளுக்கு போக்குகாட்டினார். சிறையில் இருந்து தப்பிச் செல்ல முயன்றதற்காக சுபாஷ் மீது வழக்கு பதிவுசெய்யவுள்ளதாக போலீஸ் தரப்பில் தெரிவிக்கப்பட்டது. சேலம்: பரோலில் சென்ற கொலை வழக்கு தண்டனைக் கைதி தலைமறைவு; வார்டன் சஸ்பெண்ட் - நடந்தது என்ன?
http://dlvr.it/STqdnn

Read More

மும்பை: `மின்கட்டணம் செலுத்தவில்லை’ மெசேஜ்; ஏடிஎம் விவரம் பகிர்ந்த நீதிபதி; ரூ.50,000 அபேஸ்!

ஆன்லைன் மூலம் மோசடி செய்பவர்கள் புதிது புதிதாக எதாவது செய்து கொண்டிருக்கின்றனர். மும்பையில் இதற்கு முன்பு இன்சூரன்ஸ் பாலிசியை புதுபிக்கவேண்டும் என்று கூறியோ அல்லது ஆன்லைனில் மது ஆர்டர் செய்பவர்களிடமோ மோசடி செய்து வந்தனர். இப்போது மும்பையில் புதிதாக மின் கட்டணம் செலுத்தவில்லை என்று கூறி மெசேஜ் அனுப்பி, அதன் மூலம் மோசடி செய்ய ஆரம்பித்துள்ளனர். ஏற்கெனவே மும்பையில் இந்த மோசடியால் பலர் பாதிக்கப்பட்டிருக்கும் நிலையில், புதிதாக நீதிபதி ஒருவரும் இந்த மோசடியில் பணத்தை இழந்திருக்கிறார். மும்பை கோர்ட்டில் நீதிபதியாக இருக்கும் ரஞ்சித் தேஷ்முக்(பெயர் மாற்றப்பட்டுள்ளது) ஒர்லியில் வசித்து வருகிறார். இவரின் மொபைல் போனுக்கு ஒரு மெசேஜ் வந்திருக்கிறது. அதில், `உங்களது மின் கட்டணம் இன்னும் செலுத்தப்படவில்லை. இரவு 9:30 மணிக்கு உங்களது மின் இணைப்பு துண்டிக்கப்படும்!' என்று குறிப்பிட்டு, வாடிக்கையாளர் சேவை எண் ஒன்றும் கொடுக்கப்பட்டிருந்தது. சித்தரிப்பு படம் அதை உண்மை என்று நம்பிய நீதிபதி, அந்த நம்பருக்கு போன்செய்து தான் ஏற்கெனவே மின் கட்டணத்தை செலுத்திவிட்டதாக தெரிவித்தார். போனில் பேசிய நபர், ``பணம் செலுத்திய விவரம் அப்டேட் செய்யப்படவில்லை" என்றும், தான் அப்டேட் செய்துவிடுவதாக கூறிவிட்டு போனை வைத்துவிட்டார். சிறிது நேரம் கழித்து அதே நபர் மீண்டும் நீதிபதிக்கு போன்செய்து, ``பணம் செலுத்திய விவரத்தை அப்டேட் செய்ய நீங்கள், நான் அனுப்பும் லிங்க் மூலம் ஒரு ரூபாய் மட்டும் செலுத்துங்கள்" எனக் கேட்டுக்கொண்டார். ஆனால் நீதிபதி பணம் செலுத்தியபோது பேமெண்ட் செலுத்துவது பெயிலாகிவிட்டது. இதையடுத்து அந்த நபர் வேறு லிங்க் கொடுத்து அனுப்பும்படி கேட்டுக்கொண்டே இருந்தார். நீதிபதியும் அவசரத்தில் மர்ம நபர் சொல்வதை செய்து கொண்டே இருந்தார். ஒருகட்டத்தில் ஏ.டி.எம் கார்டு நம்பர், பின் நம்பரை மர்ம நபர் கேட்டபோது நீதிபதி கொடுத்துவிட்டார். அவர் கொடுத்த அடுத்த சில நிமிடங்களில் அவரது வங்கிக் கணக்கிலிருந்து ரூ.49,500 எடுக்கப்பட்டிருப்பதாக செய்தி வந்தது. உடனே அதிர்ச்சியடைந்த நீதிபதி போனை கட் செய்துவிட்டு, தான் ஏமாற்றப்பட்டதை உணர்ந்து போலீஸில் புகார் செய்தார். போலீஸார் இது தொடர்பாக வழக்கு பதிவுசெய்து விசாரணை மேற்கொண்டனர். முதற்கட்ட விசாரணையில், மோசடி பேர்வழிகள் நீதிபதியின் போனை தங்களது கட்டுப்பாட்டில் கொண்டுவந்து இந்த மோசடியை செய்திருப்பது தெரியவந்திருக்கிறது. ரூ.31,000 கோடி மோசடி... மாயமான ‘கிரிப்டோ ராணி’... FBI-ன் ‘மோஸ்ட் வான்டட்’ குற்றவாளியான ரூஜா!
http://dlvr.it/STpcVD

Read More

``மத மாற்றம், பிரிவினைவாதத்துக்கு வழிவகுக்கும்!" - ஆர்.எஸ்.எஸ் தலைவர் மோகன் பகவத்

ஆர்.எஸ்.எஸ் தலைவர் மோகன் பகவத், `மத மாற்றத்தை தடுக்க நாம் அனைவரும் பாடுபட வேண்டும்!' என பட்டியலின மற்றும் பிற்படுத்தப்பட்ட வகுப்பினரிடையே கோரிக்கை விடுத்திருக்கிறார். கர்நாடக மாநிலம், சித்ரதுர்காவில் உள்ள ஸ்ரீ சிவசரண் மதராசன்னையா குருபீடத்தில் நேற்று நடைபெற்ற நிகழ்ச்சியில் ஆர்.எஸ்.எஸ் தலைவர் மோகன் பகவத் கலந்துகொண்டார். இந்த நிகழ்ச்சியில், பட்டியலின மற்றும் பிற்படுத்தப்பட்ட வகுப்பைச் சேர்ந்த பலரும் பங்கேற்றனர்.ஆர்.எஸ்.எஸ் தலைவர் மோகன் பகவத் அப்போது அவர்கள் முன்னிலையில் பேசிய மோகன் பகவத், ``மத மாற்றம் என்பது பிரிவினைவாதத்துக்கு வழிவகுக்கிறது. மேலும், மதமாற்றம் ஒருவரை அதன் ஆதியிலிருந்து பிரிக்கிறது. எனவே, நாம் அனைவரும் மத மாற்றத்தைத் தடுக்க பாடுபட வேண்டும். இந்தியா இந்தியாவாகவே இருக்கவேண்டுமென்றால், கலாசார ரீதியாக நாம் எப்படி இருக்கிறோமோ, அதுவாகவே இருக்க வேண்டும். இல்லையெனில் இந்தியா இந்தியாவாக இருக்காது. தீண்டாமையும், சமத்துவமின்மையும்தான் இந்து சமூகத்தில் உள்ள பிரச்னை. இது மனதளவில் மட்டுமே உள்ளது, வேதத்தில் இல்லை. பல நூற்றாண்டுகளாக நம் மனதில் இருக்கும் இந்தப் பிரச்னைக்குத் தீர்வுகாண கால தாமதம் ஆகலாம். ஆனால், இந்த பிரச்னைக்குத் தீர்வு காண வேண்டும். நிச்சயம் அது ஒரு நாள் நடக்கும். அதுவரை நாம் பொறுமையாக இருக்க வேண்டும். ஆர்எஸ்எஸ் தலைவர் மோகன் பகவத் அது மட்டுமல்லாமல், பெரியோர்களை மதித்தல், பெண்களைக் கண்ணியமாக நடத்துதல் போன்ற நம் இந்திய கலாசாரத்திலும் நாம் கவனம் செலுத்த வேண்டும்" என்றார்.``ஆர்எஸ்எஸ் அமைப்பைச் சேர்ந்தவர்கள் பூர்வீக இந்தியர்களா, திராவிடர்களா?'' - சித்தராமையா கேள்வி
http://dlvr.it/STpcTF

Read More

`மோடி தலைமையின் கீழ் பணியாற்றுவதில் மகிழ்ச்சி அடைகிறேன்': நிதி ஆயோக்கின் புதிய சி.இ.ஓ பரமேஸ்வரன்!

மாநிலங்களின் வளர்ச்சித் திட்டங்களுக்கு நிதி ஒதுக்குவது தொடர்பாக 1950 ஆம் ஆண்டு மார்ச் மாதம் 15 ஆம் தேதி மத்திய திட்டக்குழு உருவானது. 2014 ஆம் ஆண்டு சுதந்திர தின உரையின்போது பிரதமர் நரேந்திர மோடி, `மத்திய திட்டக் குழுவை கலைத்துவிட்டு, மாநிலங்களுக்கு முக்கியத்துவம் அளிக்கும் வகையில் புதிய குழு அமைக்கப்படும்' என்று அறிவித்தார். அதன்படி திட்டக் குழுவுக்கு மாற்றாக நிதி ஆயோக் என்ற அமைப்பை 2015 ஆம் ஆண்டு ஜனவரி 1 ஆம் தேதி மத்திய அரசு கொண்டு வந்தது. இந்த அமைப்பின் தலைவராகப் பிரதமர் செயல்படுவார். துணைத் தலைவர் மற்றும் ஐந்து நிரந்தர உறுப்பினர்களும் பிரதமரால் நியமிக்கப்படுவார்கள்.பரமேஸ்வரன் ஐயர்கால்வாய்கள் கட்டப்பட்டபின் கிராமப் பொருளாதாரம் வளர்ந்துள்ளதா? ஆய்வு கூறும் உண்மை! இப்போது நிதி ஆயோக்கின் தலைமை நிர்வாக அதிகாரியாக பரமேஸ்வரன் ஐயர் நியமிக்கப்பட்டு உள்ளார். பரமேஸ்வரன் ஐயர் 1981 ஆம் ஆண்டு உத்தரப்பிரதேச பிரிவில் மாவட்ட ஆட்சியாளராக இருந்தவர். தனியார் மற்றும் பொதுத் துறைகளில் பணிபுரிந்தவர். 2016 முதல் 2020 வரை மத்திய குடிநீர் மற்றும் தூய்மை பணிகள் அமைச்சகத்தின் செயலாளராக இருந்தவர். 25 ஆண்டுகள் குடிநீர் மற்றும் தூய்மைப் பணிகள் துறையில் அனுபவம் பெற்ற இவர், 20 பில்லியன் அமெரிக்க டாலர் மதிப்பிலான இந்தியாவின் முதன்மை திட்டங்களில் ஒன்றான ஸ்வச் பாரத் மிஷனை (Swachh Bharat Mission) செயல்படுத்தியதில் முக்கிய பங்காற்றினார். பிப்ரவரி 17, 2016 முதல் இரண்டு ஆண்டுகள் நிதி ஆயோக் தலைமை நிர்வாக அதிகாரியாக அமிதாப் காந்த் பணிபுரிந்தார். அதன் பிறகு இவரின் பதவிக்காலம் நீட்டிக்கப்பட்டது. இந்நிலையில், ஜூன் 30 ஆம் தேதியுடன் இவரின் பதவிக்காலம் முடிவடைந்ததை தொடர்ந்து, இப்பதவிக்கு தற்போது பரமேஸ்வரன் ஐயர் தேர்ந்தெடுக்கப் பட்டுள்ளார். திங்கட் கிழமையன்று பரமேஸ்வரன் ஐயர் நிதி ஆயோக்கின் தலைமை நிர்வாக அதிகாரியாக பொறுப்பேற்றார். #NITIAayog welcomes @paramiyer_ as the new Chief Executive Officer. Parameswaran Iyer, a 1981-batch IAS officer of Uttar Pradesh cadre, spearheaded the government's Swachh Bharat Mission to eradicate open defecation by constructing over 90 million toilets in rural India. pic.twitter.com/wcsUifXQey— NITI Aayog (@NITIAayog) July 11, 2022 “நிதி ஆயோக்கின் தலைமை நிர்வாக அதிகாரியாக மீண்டும் நாட்டிற்கு சேவை செய்வதற்கான வாய்ப்பை வழங்கியதில் பணிவும், பெருமையும் அடைகிறேன். இந்தியாவை மாற்றுவதற்கான பணிகளில், பிரதமர் நரேந்திர மோடி தலைமையின் கீழ் பணியாற்ற மற்றுமொரு வாய்ப்பு கிடைத்ததற்கு என்னுடைய நன்றியை தெரிவித்து கொள்கிறேன்” என பரமேஸ்வரன் ஐயர் தெரிவித்துள்ளார்.
http://dlvr.it/STmxLd

Read More

'ரோகித் சர்மா குறித்து யாரும் பேசுவதில்லையே ஏன்?' - விராட் கோலிக்கு ஆதரவாக கவாஸ்கர் குரல்

''விராட் கோலி ஃபார்முக்கு திரும்ப இங்கிலாந்து உடனான ஒருநாள் தொடர் வாய்ப்பாக அமையும்” என்று கவாஸ்கர் கருத்து தெரிவித்துள்ளார்.ஆஸ்திரேலியாவில் வரும் அக்டோபர் 16ஆம் தேதி முதல் நவம்பர் 13ஆம் தேதி வரை டி20 உலகக்கோப்பை கிரிக்கெட் தொடர் நடைபெறவுள்ளது. இதையொட்டி இந்திய அணி பல்வேறு வீரர்களை டி20 உலகக் கோப்பைக்காக தயார்படுத்தி வருகிறது. இந்நிலையில் அண்மை காலமாக மோசமான பேட்டிங் ஃபார்ம் காரணமாக ரன் சேர்க்க முடியாமல் தவித்து வரும் விராட் கோலிக்கு உலகக் கோப்பை அணியில் இடம் கிடைக்காமல் கூட இருக்கலாம் என முன்னாள் வீரர்கள் சூசகமாக கூறிவருகின்றனர். எனினும் விராட் கோலிக்கு ஆதரவாக பேசியுள்ள கேப்டன் ரோகித் சர்மா, ஒரு வீரர் 10 ஆண்டுகளாக தொடர்ந்து விளையாடும் போது ஒரு தொடரை வைத்தோ, இல்லை ஒரு சில மாதங்களை வைத்தோ முடிவு எடுக்க கூடாது என்று கூறி விமர்சகர்களின் வாயை அடைத்துள்ளார். இந்நிலையில் இந்திய கிரிக்கெட் அணியின் முன்னாள் கேப்டன் சுனில் கவாஸ்கரும் விராட் கோலிக்கு ஆதரவாக குரல் கொடுத்துள்ளார். இதுகுறித்து கவாஸ்கர் பேட்டில் ஒன்றில் கூறுகையில், ''ரோகித் சர்மா ரன் அடிக்காதபோது அதைப் பற்றி யாருமே பேசுவதில்லை என்பதை எப்படி புரிந்து கொள்வது? இங்கே எல்லா வீரர்களும் ஒன்றுதான். ஃபார்ம் என்பது தற்காலிகமானது, ஆனால் தரம், திறமை என்பது நிரந்தரமானது. நம்மிடம் நல்ல தேர்வுக் குழு உள்ளது. வரவிருக்கும் டி 20 உலகக் கோப்பைக்கான அணியை அறிவிக்க போதுமான நேரம் இருப்பதாக நான் நினைக்கிறேன். வீரரின் ஃபார்மை மனதில் வைத்து அணியை தேர்வு செய்ய வேண்டும். ஒரு நாள் போட்டித் தொடர் சரியான நேரத்தில் வந்திருக்கிறது என்று நினைக்கிறேன். இது விராட் கோலி தனது இயல்பான ஆட்டத்தை வெளிப்படுத்த துணைபுரியும். டெஸ்ட் கிரிக்கெட்டைப் போலவே, ஒருநாள் ஆட்டத்திலும் செட்டில் ஆக போதுமான நேரம் கிடைக்கும்.  ஒருநாள் கிரிக்கெட்டில் ஒரு பேட்டர் நிலைமைக்கு ஏற்ப விளையாட முடியும். எனவே விராட் கோலி தனது ஃபார்முக்கு மீண்டும் திரும்ப இந்த ஒருநாள் தொடர் ஒரு வாய்ப்பாக அமையும்”என்று கவாஸ்கர் கருத்து தெரிவித்தார்.இதையும் படிக்க: முதல் ஒருநாள் போட்டியில் இன்று இந்தியா - இங்கிலாந்து மோதல்: விராட் கோலி விலகல்?
http://dlvr.it/STltWD

Read More

ம.பி: ஆற்றில் குளித்த 10 வயது சிறுவன்; கடித்து இழுத்துச் சென்று விழுங்கிய முதலை! - அதிர்ச்சி சம்பவம்

மத்தியப் பிரதேச மாநிலம், சியோபூர் என்ற இடத்தில் ஓடும் சம்பல் ஆற்றில் 10 வயது சிறுவன் ஒருவன் கரையோரம் நின்று குளித்துக்கொண்டிருந்தான். அந்நேரம் அங்குவந்த மிகப்பெரிய முதலை ஒன்று சிறுவனைக் கடித்து அவனை ஆற்றுக்குள் இழுத்துச்சென்றது. அருகில் குளித்துக்கொண்டிருந்தவர்கள் உடனே ஓடி வந்து சிறுவனின் பெற்றோரிடம் இது குறித்து தகவல் தெரிவித்தனர். முதலை சிறுவனை ஆற்றுக்குள் இழுத்துச்சென்று அப்படியே விழுங்கிவிட்டது. கிராமத்தினர் அனைவரும் ஒன்று சேர்ந்து கம்புகள், வலையின் துணையோடு சிறுவனை விழுங்கிய முதலையைப் பிடித்து ஆற்றங்கரைக்கு கொண்டு வந்தனர். போலீஸாரும், வனத்துறை அதிகாரிகளும் சம்பவ இடத்திற்கு விரைந்து வந்தனர். முதலையை வனத்துறையினர் பிடித்துச்செல்ல முயன்றனர். ஆனால் கிராமத்தினர் அதற்கு அனுமதிக்கவில்லை. அதோடு முதலையின் வயிற்றில் தங்கள் மகன் உயிரோடுதான் இருப்பான் என்றும், முதலை அவனை வெளியில் உமிழ்ந்துவிடும் என்று சிறுவனின் குடும்பத்தினர் நம்பினர். காலையில் இந்தச் சம்பவம் நடந்தது. மாலை வரை முதலையை கரையில் பிடித்து வைத்திருந்தனர். முதலையை விடுவித்தால்தான் சிறுவனை வாய் வழியாக வெளியில் விடும் என்று சிறுவனின் பெற்றோர் தெரிவித்தனர். பிடிபட்ட முதலை நீண்ட நேரத்திற்கு பிறகு கிராம மக்கள் முதலையை விடுவித்தனர். முதலை சிறுவனை விழுங்கிவிட்டு, தண்ணீருக்குள் சென்றுவிட்டது. ஆனால் சிறுவனின் பெற்றோர் தங்கள் மகனை எப்படியும் முதலை விடுவித்துவிடும் என்று நம்பிக்கை தெரிவித்தனர். இது குறித்து வனத்துறையினர் கூறுகையில், ``சிறுவன் ஆழமான பகுதிக்குச் சென்று குளித்துக்கொண்டிருந்தபோது அவனை முதலை விழுங்கிவிட்டதாக கிராம மக்கள் கூறுகின்றனர். அவர்களே முதலையைப் பிடித்து வெளியில் கொண்டு வந்துள்ளனர். இது குறித்து விசாரித்து வருகிறோம்" என்று தெரிவித்தனர். இந்தச் சம்பவத்தையடுத்து மக்கள் ஆற்றில் எச்சரிக்கையுடன் குளிக்கும்படி போலீஸார் கேட்டுக்கொண்டுள்ளனர். சீர்காழி: கிராம குளத்தில் முதலை; தூண்டில் போட்டுப் பிடித்த வனத்துறையினர்!
http://dlvr.it/STltT4

Read More

கிளைக்கழகச் செயலாளர் டூ பொதுச் செயலாளர் - அதிமுகவில் எடப்பாடி பழனிசாமி கடந்துவந்த பாதை!

எடப்பாடி பழனிசாமி, அதிமுகவின் இடைக்கால பொதுச் செயலாளராக அக்கட்சியின் பொதுக்குழு உறுப்பினர்களால் தேர்வு செய்யப்பட்டுள்ள நிலையில், கட்சியில் அவர் கடந்து வந்த பாதையை பார்க்கலாம். 1954 ம் ஆண்டு அப்போதைய ஒருங்கிணைந்த சேலம் மாவட்டத்தில் உள்ள சிலுவம்பாளையம் கிராமத்தில் பிறந்தவர் எடப்பாடி பழனிசாமி. எம்ஜிஆரின் மீது இருந்த பற்றால், 1972ஆம் ஆண்டு அதிமுகவில் இணைந்து பணியாற்றிய எடப்பாடி பழனிசாமிக்கு, 1973 ம் ஆண்டு சிலுவம்பாளையம் கிளைக்கழகச் செயலாளர் பதவி கிடைத்தது. 1989 ஆம் ஆண்டு நடந்த சட்டமன்றத் தேர்தலில் ஜெயலலிதா அணியில் இருந்து சேவல் சின்னத்தில் போட்டியிட்டு முதன்முறையாக சட்டமன்ற உறுப்பினராக தேர்ந்தெடுக்கப்பட்டார். 1991 ஆம் ஆண்டு நடந்த தேர்தலில் மீண்டும் எடப்பாடி தொகுதியில் இருந்து சட்டமன்ற உறுப்பினராகத் தேர்வு செய்யப்பட்டார். 1996 சட்டமன்றத் தேர்தல் தோல்விக்குப்பிறகு, 1998 ம் ஆண்டு நடந்த நாடாளுமன்ற தேர்தலில் திருச்செங்கோடு மக்களவைத் தொகுதியில் போட்டியிட்டு எம்.பி ஆனார். 2011ம் ஆண்டு மீண்டும் எடப்பாடி தொகுதியில் போட்டியிட வாய்ப்பளித்தார் மறைந்த முதலமைச்சர் ஜெயலலிதா. அந்த தேர்தலிலும் வெற்றி பெற்று மீண்டும் சட்டமன்ற உறுப்பினராக தேர்வு செய்யப்பட்டார். அந்த ஆட்சிக்காலத்தில்தான், முதன்முறையாக நெடுஞ்சாலைகள் மற்றும் சிறு துறைமுகங்கள் துறை அமைச்சராக பதவி வகித்தார். 2016 ஆம் ஆண்டும் 4ஆவது முறையாக எடப்பாடி தொகுதியின் சட்டமன்ற உறுப்பினராக தேர்வு செய்யப்பட்டார். மீண்டும் நெடுஞ்சாலைகள், சிறுதுறைமுகங்கள் மற்றும் பொதுப்பணித்துறை அமைச்சரானார். 2017ஆம் ஆண்டு பிப்ரவரி 16 ஆம் தேதி தமிழக முதலமைச்சராக பதவியேற்றுக் கொண்டார். அதே ஆண்டு ஆகஸ்ட் மாதம் அதிமுகவின் இணை ஒருங்கிணைப்பாளராகவும் தேர்வு செய்யப்பட்டார். 2021ஆம் ஆண்டு நடந்த தமிழக சட்டமன்றத் தேர்தலில் அதிமுகவின் அதிகாரப்பூர்வ முதலமைச்சர் வேட்பாளராக அறிவிக்கப்பட்டு தேர்தலைச் சந்தித்தார். 2021ஆம் ஆண்டு தேர்தலில் சட்டமன்றத் தேர்தலில் அதிமுக 65 இடங்களைப் பெற்ற நிலையில், தமிழகத்தின் எதிர்க்கட்சித் தலைவர் பொறுப்பை ஏற்றார் எடப்பாடி பழனிசாமி. இன்று அதிமுகவின் பொதுக்குழு உறுப்பினர்களால் இடைக்கால பொதுச் செயலாளராக தேர்வு செய்யப்பட்டுள்ளார்.
http://dlvr.it/STjmBH

Read More