`மோடி தலைமையின் கீழ் பணியாற்றுவதில் மகிழ்ச்சி அடைகிறேன்': நிதி ஆயோக்கின் புதிய சி.இ.ஓ பரமேஸ்வரன்!

மாநிலங்களின் வளர்ச்சித் திட்டங்களுக்கு நிதி ஒதுக்குவது தொடர்பாக 1950 ஆம் ஆண்டு மார்ச் மாதம் 15 ஆம் தேதி மத்திய திட்டக்குழு உருவானது. 2014 ஆம் ஆண்டு சுதந்திர தின உரையின்போது பிரதமர் நரேந்திர மோடி, `மத்திய திட்டக் குழுவை கலைத்துவிட்டு, மாநிலங்களுக்கு முக்கியத்துவம் அளிக்கும் வகையில் புதிய குழு அமைக்கப்படும்' என்று அறிவித்தார். அதன்படி திட்டக் குழுவுக்கு மாற்றாக நிதி ஆயோக் என்ற அமைப்பை 2015 ஆம் ஆண்டு ஜனவரி 1 ஆம் தேதி மத்திய அரசு கொண்டு வந்தது. இந்த அமைப்பின் தலைவராகப் பிரதமர் செயல்படுவார். துணைத் தலைவர் மற்றும் ஐந்து நிரந்தர உறுப்பினர்களும் பிரதமரால் நியமிக்கப்படுவார்கள்.பரமேஸ்வரன் ஐயர்கால்வாய்கள் கட்டப்பட்டபின் கிராமப் பொருளாதாரம் வளர்ந்துள்ளதா? ஆய்வு கூறும் உண்மை! இப்போது நிதி ஆயோக்கின் தலைமை நிர்வாக அதிகாரியாக பரமேஸ்வரன் ஐயர் நியமிக்கப்பட்டு உள்ளார். பரமேஸ்வரன் ஐயர் 1981 ஆம் ஆண்டு உத்தரப்பிரதேச பிரிவில் மாவட்ட ஆட்சியாளராக இருந்தவர். தனியார் மற்றும் பொதுத் துறைகளில் பணிபுரிந்தவர். 2016 முதல் 2020 வரை மத்திய குடிநீர் மற்றும் தூய்மை பணிகள் அமைச்சகத்தின் செயலாளராக இருந்தவர். 25 ஆண்டுகள் குடிநீர் மற்றும் தூய்மைப் பணிகள் துறையில் அனுபவம் பெற்ற இவர், 20 பில்லியன் அமெரிக்க டாலர் மதிப்பிலான இந்தியாவின் முதன்மை திட்டங்களில் ஒன்றான ஸ்வச் பாரத் மிஷனை (Swachh Bharat Mission) செயல்படுத்தியதில் முக்கிய பங்காற்றினார். பிப்ரவரி 17, 2016 முதல் இரண்டு ஆண்டுகள் நிதி ஆயோக் தலைமை நிர்வாக அதிகாரியாக அமிதாப் காந்த் பணிபுரிந்தார். அதன் பிறகு இவரின் பதவிக்காலம் நீட்டிக்கப்பட்டது. இந்நிலையில், ஜூன் 30 ஆம் தேதியுடன் இவரின் பதவிக்காலம் முடிவடைந்ததை தொடர்ந்து, இப்பதவிக்கு தற்போது பரமேஸ்வரன் ஐயர் தேர்ந்தெடுக்கப் பட்டுள்ளார். திங்கட் கிழமையன்று பரமேஸ்வரன் ஐயர் நிதி ஆயோக்கின் தலைமை நிர்வாக அதிகாரியாக பொறுப்பேற்றார். #NITIAayog welcomes @paramiyer_ as the new Chief Executive Officer. Parameswaran Iyer, a 1981-batch IAS officer of Uttar Pradesh cadre, spearheaded the government's Swachh Bharat Mission to eradicate open defecation by constructing over 90 million toilets in rural India. pic.twitter.com/wcsUifXQey— NITI Aayog (@NITIAayog) July 11, 2022 “நிதி ஆயோக்கின் தலைமை நிர்வாக அதிகாரியாக மீண்டும் நாட்டிற்கு சேவை செய்வதற்கான வாய்ப்பை வழங்கியதில் பணிவும், பெருமையும் அடைகிறேன். இந்தியாவை மாற்றுவதற்கான பணிகளில், பிரதமர் நரேந்திர மோடி தலைமையின் கீழ் பணியாற்ற மற்றுமொரு வாய்ப்பு கிடைத்ததற்கு என்னுடைய நன்றியை தெரிவித்து கொள்கிறேன்” என பரமேஸ்வரன் ஐயர் தெரிவித்துள்ளார்.
http://dlvr.it/STmxLd

Read More

'ரோகித் சர்மா குறித்து யாரும் பேசுவதில்லையே ஏன்?' - விராட் கோலிக்கு ஆதரவாக கவாஸ்கர் குரல்

''விராட் கோலி ஃபார்முக்கு திரும்ப இங்கிலாந்து உடனான ஒருநாள் தொடர் வாய்ப்பாக அமையும்” என்று கவாஸ்கர் கருத்து தெரிவித்துள்ளார்.ஆஸ்திரேலியாவில் வரும் அக்டோபர் 16ஆம் தேதி முதல் நவம்பர் 13ஆம் தேதி வரை டி20 உலகக்கோப்பை கிரிக்கெட் தொடர் நடைபெறவுள்ளது. இதையொட்டி இந்திய அணி பல்வேறு வீரர்களை டி20 உலகக் கோப்பைக்காக தயார்படுத்தி வருகிறது. இந்நிலையில் அண்மை காலமாக மோசமான பேட்டிங் ஃபார்ம் காரணமாக ரன் சேர்க்க முடியாமல் தவித்து வரும் விராட் கோலிக்கு உலகக் கோப்பை அணியில் இடம் கிடைக்காமல் கூட இருக்கலாம் என முன்னாள் வீரர்கள் சூசகமாக கூறிவருகின்றனர். எனினும் விராட் கோலிக்கு ஆதரவாக பேசியுள்ள கேப்டன் ரோகித் சர்மா, ஒரு வீரர் 10 ஆண்டுகளாக தொடர்ந்து விளையாடும் போது ஒரு தொடரை வைத்தோ, இல்லை ஒரு சில மாதங்களை வைத்தோ முடிவு எடுக்க கூடாது என்று கூறி விமர்சகர்களின் வாயை அடைத்துள்ளார். இந்நிலையில் இந்திய கிரிக்கெட் அணியின் முன்னாள் கேப்டன் சுனில் கவாஸ்கரும் விராட் கோலிக்கு ஆதரவாக குரல் கொடுத்துள்ளார். இதுகுறித்து கவாஸ்கர் பேட்டில் ஒன்றில் கூறுகையில், ''ரோகித் சர்மா ரன் அடிக்காதபோது அதைப் பற்றி யாருமே பேசுவதில்லை என்பதை எப்படி புரிந்து கொள்வது? இங்கே எல்லா வீரர்களும் ஒன்றுதான். ஃபார்ம் என்பது தற்காலிகமானது, ஆனால் தரம், திறமை என்பது நிரந்தரமானது. நம்மிடம் நல்ல தேர்வுக் குழு உள்ளது. வரவிருக்கும் டி 20 உலகக் கோப்பைக்கான அணியை அறிவிக்க போதுமான நேரம் இருப்பதாக நான் நினைக்கிறேன். வீரரின் ஃபார்மை மனதில் வைத்து அணியை தேர்வு செய்ய வேண்டும். ஒரு நாள் போட்டித் தொடர் சரியான நேரத்தில் வந்திருக்கிறது என்று நினைக்கிறேன். இது விராட் கோலி தனது இயல்பான ஆட்டத்தை வெளிப்படுத்த துணைபுரியும். டெஸ்ட் கிரிக்கெட்டைப் போலவே, ஒருநாள் ஆட்டத்திலும் செட்டில் ஆக போதுமான நேரம் கிடைக்கும்.  ஒருநாள் கிரிக்கெட்டில் ஒரு பேட்டர் நிலைமைக்கு ஏற்ப விளையாட முடியும். எனவே விராட் கோலி தனது ஃபார்முக்கு மீண்டும் திரும்ப இந்த ஒருநாள் தொடர் ஒரு வாய்ப்பாக அமையும்”என்று கவாஸ்கர் கருத்து தெரிவித்தார்.இதையும் படிக்க: முதல் ஒருநாள் போட்டியில் இன்று இந்தியா - இங்கிலாந்து மோதல்: விராட் கோலி விலகல்?
http://dlvr.it/STltWD

Read More

ம.பி: ஆற்றில் குளித்த 10 வயது சிறுவன்; கடித்து இழுத்துச் சென்று விழுங்கிய முதலை! - அதிர்ச்சி சம்பவம்

மத்தியப் பிரதேச மாநிலம், சியோபூர் என்ற இடத்தில் ஓடும் சம்பல் ஆற்றில் 10 வயது சிறுவன் ஒருவன் கரையோரம் நின்று குளித்துக்கொண்டிருந்தான். அந்நேரம் அங்குவந்த மிகப்பெரிய முதலை ஒன்று சிறுவனைக் கடித்து அவனை ஆற்றுக்குள் இழுத்துச்சென்றது. அருகில் குளித்துக்கொண்டிருந்தவர்கள் உடனே ஓடி வந்து சிறுவனின் பெற்றோரிடம் இது குறித்து தகவல் தெரிவித்தனர். முதலை சிறுவனை ஆற்றுக்குள் இழுத்துச்சென்று அப்படியே விழுங்கிவிட்டது. கிராமத்தினர் அனைவரும் ஒன்று சேர்ந்து கம்புகள், வலையின் துணையோடு சிறுவனை விழுங்கிய முதலையைப் பிடித்து ஆற்றங்கரைக்கு கொண்டு வந்தனர். போலீஸாரும், வனத்துறை அதிகாரிகளும் சம்பவ இடத்திற்கு விரைந்து வந்தனர். முதலையை வனத்துறையினர் பிடித்துச்செல்ல முயன்றனர். ஆனால் கிராமத்தினர் அதற்கு அனுமதிக்கவில்லை. அதோடு முதலையின் வயிற்றில் தங்கள் மகன் உயிரோடுதான் இருப்பான் என்றும், முதலை அவனை வெளியில் உமிழ்ந்துவிடும் என்று சிறுவனின் குடும்பத்தினர் நம்பினர். காலையில் இந்தச் சம்பவம் நடந்தது. மாலை வரை முதலையை கரையில் பிடித்து வைத்திருந்தனர். முதலையை விடுவித்தால்தான் சிறுவனை வாய் வழியாக வெளியில் விடும் என்று சிறுவனின் பெற்றோர் தெரிவித்தனர். பிடிபட்ட முதலை நீண்ட நேரத்திற்கு பிறகு கிராம மக்கள் முதலையை விடுவித்தனர். முதலை சிறுவனை விழுங்கிவிட்டு, தண்ணீருக்குள் சென்றுவிட்டது. ஆனால் சிறுவனின் பெற்றோர் தங்கள் மகனை எப்படியும் முதலை விடுவித்துவிடும் என்று நம்பிக்கை தெரிவித்தனர். இது குறித்து வனத்துறையினர் கூறுகையில், ``சிறுவன் ஆழமான பகுதிக்குச் சென்று குளித்துக்கொண்டிருந்தபோது அவனை முதலை விழுங்கிவிட்டதாக கிராம மக்கள் கூறுகின்றனர். அவர்களே முதலையைப் பிடித்து வெளியில் கொண்டு வந்துள்ளனர். இது குறித்து விசாரித்து வருகிறோம்" என்று தெரிவித்தனர். இந்தச் சம்பவத்தையடுத்து மக்கள் ஆற்றில் எச்சரிக்கையுடன் குளிக்கும்படி போலீஸார் கேட்டுக்கொண்டுள்ளனர். சீர்காழி: கிராம குளத்தில் முதலை; தூண்டில் போட்டுப் பிடித்த வனத்துறையினர்!
http://dlvr.it/STltT4

Read More

கிளைக்கழகச் செயலாளர் டூ பொதுச் செயலாளர் - அதிமுகவில் எடப்பாடி பழனிசாமி கடந்துவந்த பாதை!

எடப்பாடி பழனிசாமி, அதிமுகவின் இடைக்கால பொதுச் செயலாளராக அக்கட்சியின் பொதுக்குழு உறுப்பினர்களால் தேர்வு செய்யப்பட்டுள்ள நிலையில், கட்சியில் அவர் கடந்து வந்த பாதையை பார்க்கலாம். 1954 ம் ஆண்டு அப்போதைய ஒருங்கிணைந்த சேலம் மாவட்டத்தில் உள்ள சிலுவம்பாளையம் கிராமத்தில் பிறந்தவர் எடப்பாடி பழனிசாமி. எம்ஜிஆரின் மீது இருந்த பற்றால், 1972ஆம் ஆண்டு அதிமுகவில் இணைந்து பணியாற்றிய எடப்பாடி பழனிசாமிக்கு, 1973 ம் ஆண்டு சிலுவம்பாளையம் கிளைக்கழகச் செயலாளர் பதவி கிடைத்தது. 1989 ஆம் ஆண்டு நடந்த சட்டமன்றத் தேர்தலில் ஜெயலலிதா அணியில் இருந்து சேவல் சின்னத்தில் போட்டியிட்டு முதன்முறையாக சட்டமன்ற உறுப்பினராக தேர்ந்தெடுக்கப்பட்டார். 1991 ஆம் ஆண்டு நடந்த தேர்தலில் மீண்டும் எடப்பாடி தொகுதியில் இருந்து சட்டமன்ற உறுப்பினராகத் தேர்வு செய்யப்பட்டார். 1996 சட்டமன்றத் தேர்தல் தோல்விக்குப்பிறகு, 1998 ம் ஆண்டு நடந்த நாடாளுமன்ற தேர்தலில் திருச்செங்கோடு மக்களவைத் தொகுதியில் போட்டியிட்டு எம்.பி ஆனார். 2011ம் ஆண்டு மீண்டும் எடப்பாடி தொகுதியில் போட்டியிட வாய்ப்பளித்தார் மறைந்த முதலமைச்சர் ஜெயலலிதா. அந்த தேர்தலிலும் வெற்றி பெற்று மீண்டும் சட்டமன்ற உறுப்பினராக தேர்வு செய்யப்பட்டார். அந்த ஆட்சிக்காலத்தில்தான், முதன்முறையாக நெடுஞ்சாலைகள் மற்றும் சிறு துறைமுகங்கள் துறை அமைச்சராக பதவி வகித்தார். 2016 ஆம் ஆண்டும் 4ஆவது முறையாக எடப்பாடி தொகுதியின் சட்டமன்ற உறுப்பினராக தேர்வு செய்யப்பட்டார். மீண்டும் நெடுஞ்சாலைகள், சிறுதுறைமுகங்கள் மற்றும் பொதுப்பணித்துறை அமைச்சரானார். 2017ஆம் ஆண்டு பிப்ரவரி 16 ஆம் தேதி தமிழக முதலமைச்சராக பதவியேற்றுக் கொண்டார். அதே ஆண்டு ஆகஸ்ட் மாதம் அதிமுகவின் இணை ஒருங்கிணைப்பாளராகவும் தேர்வு செய்யப்பட்டார். 2021ஆம் ஆண்டு நடந்த தமிழக சட்டமன்றத் தேர்தலில் அதிமுகவின் அதிகாரப்பூர்வ முதலமைச்சர் வேட்பாளராக அறிவிக்கப்பட்டு தேர்தலைச் சந்தித்தார். 2021ஆம் ஆண்டு தேர்தலில் சட்டமன்றத் தேர்தலில் அதிமுக 65 இடங்களைப் பெற்ற நிலையில், தமிழகத்தின் எதிர்க்கட்சித் தலைவர் பொறுப்பை ஏற்றார் எடப்பாடி பழனிசாமி. இன்று அதிமுகவின் பொதுக்குழு உறுப்பினர்களால் இடைக்கால பொதுச் செயலாளராக தேர்வு செய்யப்பட்டுள்ளார்.
http://dlvr.it/STjmBH

Read More

நோக்கியாவை பத்தின இந்த விஷயங்கள்லாம் உங்களுக்கு தெரியுமா? | Unknown Facts of NOKIA

நோக்கியா என்று சொன்னதுமே விவேக் பாணியில் கனெக்ட்டிங் பீப்புள் என்பதே அனைவரது நினைவுக்கும் வரும். அதற்கடுத்தப்படியாக, நோக்கியா 1100, 3310 ஃபோன்ஸ், ஸ்நேக் கேம்ஸ் பற்றி தெரிந்திருக்கும். ஆனால் நோக்கியோவை பற்றி உங்களுக்கு தெரிந்திருக்காத சுவாரஸ்யமான பல தகவல்கள் உள்ளன. அப்படியான நோக்கியாவின் சில interesting facts பத்தி இப்போ பார்க்கலாம். 1) Nokia ங்கற பெயர் finland-ல பிர்கன்மாங்கற டவுன்ல இருக்கும் Nokian-virta என்ற நதியின் பெயரில் இருந்துதான் வைக்கப்பட்டுள்ளது. அந்த நதியின் கரையிலதான் நோக்கியாவோட தொழிற்சாலை உருவாக்கப்பட்டது. 2) நோக்கியானாலே மொபைல் ஃபோன் தயாரிக்குற நிறுவனமாதான் எல்லாரும் தெரிஞ்சு வெச்சிருப்போம். ஆனா, நோக்கியா நிறுவனம் முதல் முதல்ல 1865ம் ஆண்டு டாய்லெட் பேப்பர், டயர்ஸ், ரப்பர் போட்ஸ் உள்ளிட்ட பல பொருட்களையே தயாரித்திருந்தது. 3) நோக்கியோவோட theme tune உண்மையில் ஸ்பானிஷ் கம்ப்போசர், கிட்டாரிஸ்ட் ஃபிரான்சிஸ்கோ டாரேகா என்பவரால் உருவாக்கப்பட்டது. 4) நோக்கியாவின் ஸ்பெஷல் மெசேஜ் டோ மோர்ஸ் குறியீட்டிலிருந்துதான் உருவாக்கப்பட்டிருக்கு. 5) உலகின் முதல் சாட்டிலைட் call 1991ம் ஆண்டு நோக்கியாவோட GSM நெட்வொர்க் மூலமாதான் அழைக்கப்பட்டது. அதை ஃபின்லாந்து பிரதமர் ஹாரி ஹோல்கேரி, நோக்கியா தொலைபேசியைப் பயன்படுத்தி பேசினார். 6) நோக்கியா நிறுவனத்தின் முதல் மின்னணு சாதனமாக pulze analyserதான் இருந்தது. அது 1962ம் ஆண்டு தயாரிக்கப்பட்டது. 7) முதல் கையடக்க ஃபோனாக 1984ம் ஆண்டு Mobira Talkman என்ற சாதனத்தைதான் நோக்கியா தயாரித்திருந்தது. இதன் தற்போதைய மதிப்பு 4560 யூரோவாகும். அதாவது 3,66,436 ரூபாய். 8) நோக்கியாவின் முதல் டச் ஸ்க்ரீன் டெக்னாலஜி கொண்ட ஃபோன் 2004ம் ஆண்டு வெளியிடப்பட்டது. 90s கிட்ஸ்களின் நாஸ்டால்ஜியா இந்த 7710 மாடல் நோக்கியோ ஃபோனும் இருந்தது. 9) அனைவருக்கும் பிடித்தமான நோக்கியா 1100 மாடல் ஃபோன்தான் 2007ம் ஆண்டு அதிகளவில் விற்கப்பட்ட ஃபோனாகும். இதுபோக, இந்த மாடல்தான் உலகளவுலயே அதிகளவுல விற்பனையான ஃபோனாம். 10) நோக்கியாவின் N சீரிஸ் மாடல்களான N70, N90, N91 ஆகிய ஃபோன்கள் ஒரே நேரத்தில் வெளியிடப்பட்டவையாகும். 11) Fortune-ன் 2006ம் ஆண்டு சர்வேப்படி, நோக்கியாதான் உலகின் 20வது பாராட்டத்தக்க நிறுவனமாக இருந்தது.
http://dlvr.it/STjlxQ

Read More

ஓபிஎஸ் ஒரு பச்சைத் துரோகி - சசிரேகா ஆவேசம்

இன்றைய தினம் நடந்த அதிமுக பொதுக்குழு கூட்டத்தில், ஓ.பன்னீர்செல்வத்தை அதிமுகவின் அனைத்து அடிப்படை பொறுப்புகளில் இருந்தும் நீக்குவதாக தீர்மானம் நிறைவேற்றப்பட்டிருந்தது. இதைத்தொடர்ந்து ஓ.பி.எஸ். மற்றும் அவரது ஆதரவாளர்கள் தலைமைச் செயலகத்தில் தர்ணாவில் ஈடுபட்டனர். இதைத்தொடர்ந்து அலுவலகத்துக்கு சீல் வைக்கப்பட்டது. இந்நிலையில் தான் நீக்கப்பட்டது தொடர்பாக சட்டப்போராட்டத்தை முன்னெடுக்க இருப்பதாக ஓ பன்னீர்செல்வம் பேட்டியளித்துள்ளார். இதுதொடர்பாக அ.தி.மு.க. செய்தி தொடர்பாளர் சசிரேகா புதிய தலைமுறைக்கு பேட்டியளித்தார். அவர் பேசுகையில், ''இன்று அ.தி.மு.க. தலைமை அலுவலகத்தில் அவரோடு இருந்தவர்கள் தொண்டர்கள் இல்லை; ரூ.500, 1000-த்துக்கு கூடிய குண்டர்கள். சொல்லப்போனால் அவருமே ஒரு குண்டர்தான். அவரை வளர்த்து ஆளாக்கிய அ.தி.மு.க.வின் தலைமைச் செயலகத்துக்குள்ளேயே சென்று கடப்பாரையால் அதை சேதப்படுத்திய பச்சைத்துரோகி ஓ.பி.எஸ். ஆகவே அவரும் ஒரு குண்டர்தான். ஓ.பன்னீர்செல்வம் இனி தனது சட்டையோடு வேண்டுமானால் போராடலாம்; சட்டப் போராட்டமெல்லாம் இனி செய்ய முடியாது. அதேபோல அவர் வீட்டு செடியிலுள்ள இரட்டை இலையை வேண்டுமானால் அவர் கிழித்துப்போடலாம்... தவிர இரட்டை இலை பக்கமெல்லாம் வரவே முடியாது. இரட்டை இலையை மறந்துவிட்டு, ஓய்வெடுப்பதுதான் அவருக்கு நல்லது. இதுபோன்றொரு துரோகியை, இனி தமிழகமும் சந்திக்கக்கூடாது; அதிமுக-வும் சந்திக்காது. ஓபிஎஸ் மட்டுமன்றி, அவரது மகனும் தி.மு.க.வுக்கு ஆதரவாகவே செயல்படுகிறார். அப்பாவும் மகனும் கழகத்துக்கு துரோகச்செயல் செய்வதையே வழக்கமாக கொண்டுள்ளனர். இன்று மன்னராகவும், தங்களை காக்க கூடிய தந்தையாகவும், புரட்சித்தலைவர் - புரட்சித்தலைவி வடிவிலும் அண்ணன் ஈ.பி.எஸ்.-ஐ தான் தொண்டர்கள் பார்க்கிறார்கள்” என்றார்.
http://dlvr.it/STjlsj

Read More

கேரளா: சாமியார் ஆசிரமம் எரிக்கப்பட்ட வழக்கு: பினராயி விஜயன் தலையிட்டும் முடிவுக்குவராத விசாரணை!

கேரள மாநிலம், திருவனந்தபுரம் அருகே உள்ள குண்டமங்கடவு பகுதியில் ஆசிரமம் நடத்தி வருபவர் சுவாமி சந்தீபானந்தகிரி. சி.பி.எம் கட்சிக்கும், முதல்வர் பினராயி விஜயனுக்கும் ஆதரவாக கருத்துகளை கூறிவருபவர். இதனால் சங் பரிவார் அமைப்புகள் இவரை கம்யூனிஸ்ட் சாமியார் என அழைப்பது வழக்கம். 2018-ம் ஆண்டில் சபரிமலையில் அனைத்து வயது பெண்களும் சாமி தரிசனம் செய்யலாம் என்று சுப்ரீம் கோர்ட்டு தீர்ப்பு அளித்த சமயத்தில், அதற்கு ஆதரவாக கருத்து தெரிவித்து வந்தார் சந்தீபானந்தகிரி. சுப்ரீம் கோர்ட் அளித்த தீர்ப்பை மாநில அரசு செயல்படுத்தும் முடிவு சரிதான் எனவும் தொலைக்காட்சி விவாதங்களில் பேசி வந்தார் சந்தீபானந்தகிரி. இந்த நிலையில் 2018-ம் ஆண்டு அக்டோபர் 27-ம் தேதி அதிகாலை நேரத்தில் சுவாமி சந்தீபானந்தகிரியின் ஆசிரமத்தின் ஒரு பகுதி தீ வைத்து எரிக்கப்பட்டது. மேலும் ஆசிரமம் முன் நிறுத்தி வைக்கப்பட்டிருந்த கார், பைக் உள்ளிட்ட 3 வாகனங்களும் பெட்ரோல் ஊற்றி எரிக்கப்பட்டன.ஆசிரமத்தை பார்வையிட்ட முதல்வர் பினராயி விஜயன் அந்த சமயத்தில் மிகவும் பரபரப்பை ஏற்படுத்திய இந்தச் சம்பவத்துக்கு முதல்வர் பினராயி விஜயன் கண்டனம் தெரிவித்ததுடன், ஆசிரமத்தை நேரில் சென்று பார்வையிட்டு இது வர்க்கவாதிகளின் செயல் என சங் பரிவார் அமைப்புகளைச் சாடினார். மேலும், முதல்வர் பினராயி விஜயனே விசாரணையை துரிதப்படுத்தவும் உத்தரவிட்டார். காவல்துறை முதல்வர் பினராயி விஜயனின் கட்டுப்பாட்டில் உள்ளதால் விசாரணை குதிரை பாய்ச்சலில் நடைபெறும் என எதிர்பார்க்கப்பட்டது. ஆனால், அந்தச் சம்பவம் நடைபெற்று மூன்று ஆண்டுகளுக்கு மேலாகியும் விசாரணையில் சிறு முன்னேற்றம்கூட ஏற்படவில்லை. ஆசிரமமும், வாகனங்களும் பெட்ரோல் ஊற்றி எரிக்கப்பட்டன என்ற தகவலை மட்டுமே போலீஸாரால் கண்டுபிடிக்க முடிந்தது. சுவாமி சந்தீபானந்தகிரியின் ஆசிரமத்தில் சிசிடிவி கேமராக்கள் பழுதாக இருந்ததால் ஆசிரமத்தை எரித்தது யார் என கண்டுபிடிக்க முடியவில்லை. மேலும் ஆசிரமத்தை சுற்றி சில கிலோமீட்டர் தூரத்துக்கு சிசிடிவி கேமராக்கள் ஆய்வுசெய்யப்பட்டும் வழக்கில் எந்த முன்னேற்றமும் ஏற்படவில்லை. திருவனந்தபுரம் சிட்டி போலீஸ் நடத்திய விசாரணை சரியில்லை என சந்தீபானந்தகிரி முதல்வருக்கு கோரிக்கை வைத்ததால், வழக்கு க்ரைம் பிராஞ்சுக்கு மாற்றப்பட்டது. மூன்று ஆண்டுகளுக்கு மேலாக விசாரணை நடத்தியபோதும் விசாரணையில் துரும்பளவு முன்னேற்றம் ஏற்படவில்லை.எரிந்த கார்கள்சுவாமி சந்தீபானந்தகிரி எனவே, ஆசிரமம் எரிக்கப்பட்ட வழக்கு விசாரணையை முடிவுக்கு கொண்டுவர க்ரைம் பிராஞ்ச் முடிவு செய்துள்ளது. இது பற்றி போலீஸ் உயர் அதிகாரிகள் மட்டத்தில் பேச்சுவார்த்தை நடத்தி தீர்மானம் எடுக்க உள்ளதாகக் கூறப்படுகிறது. முதற்கட்ட விசாரணை தவறான பாதையில் சென்றதால் இந்த வழக்கில் குற்றவாளிகள் கண்டுபிடிக்க முடியவில்லை என க்ரைம் பிராஞ்ச் போலீஸ் தெரிவித்திருக்கிறதாம். எனவே இது பற்றி கோர்ட்டுக்கு அறிக்கை சமர்ப்பிக்கவும் க்ரைம் பிரான்ஞ்ச் போலீஸார் முடிவு செய்துள்ளனர். இது குறித்துப் பேசிய சுவாமி சந்தீபானந்தகிரி, ``இந்த வழக்கு விசாரணையை முடிவுக்குக் கொண்டுவருவது சரியான நடவடிக்கை அல்ல. ஆசிரமத்தை தீ வைத்து எரித்தவர்கள் அஞ்சலி என எழுதிய ஒரு மலர் வளையத்தையும் வைத்துச் சென்றனர். அதில் உள்ள கையெழுத்தை வைத்து விசாரணை நடத்தியிருக்கலாம். அதெல்லாம் செய்யாமல் நாங்கள் தீ வைத்ததுபோன்ற தோற்றத்தை ஏற்படுத்த போலீஸார் முயல்கின்றனர். இந்த வழக்கு சம்பந்தமான தொடர் நடவடிக்கைகள் குறித்து ஆலோசித்து முடிவு செய்வேன்" என்றார். முதல்வர் பினராயி விஜயன் நேரடியாக தலையிட்ட ஆசிரமம் எரிக்கப்பட்ட வழக்கில், மூன்றரை ஆண்டுகளுக்கு மேல் விசாரணை நடத்தியும் துப்புதுலங்கவில்லை. இது கேரள அரசின் தோல்வியாகவே பார்க்கப்படுகிறது என்கிறார்கள் அரசியல் பார்வையாளர்கள். ``என்னை விசாரித்த அமலாக்கத்துறை பினராயி விஜயனை ஏன் விசாரிக்கவில்லை?" - ராகுல் காந்தி கேள்வி!
http://dlvr.it/SThllx

Read More