போலி கால் சென்டர்; 10 பேர் கைது - வெளிநாட்டினரிடம் ரூ.170 கோடி மோசடி செய்தது எப்படி?

உத்தரப்பிரதேச மாநிலம் நொய்டா-வில் tech support and tax refunds என்ற பெயரில் 10 பேர் கொண்ட குழு போலி நிறுவனம் நடத்தியுள்ளனர். இவர்கள் அமெரிக்கா, கனடா, இங்கிலாந்து, லெபனான், ஹாங்காங் போன்ற நாடுகளில் வசிப்பவர்களைக் குறிவைத்து, அதிநவீன மென்பொருட்களைப் பயன்படுத்தி அவர்களின் கணினிகளை தொலைவிலிருந்து கட்டுப்படுத்தியுள்ளனர். அதன் பின் அவர்களைத் தொடர்புகொண்டு அதைச் சிக்கல்களைச் சரிசெய்வதற்குத் தொழில்நுட்ப உதவிகள் செய்து கட்டணம் பெற்றுள்ளனர். இந்த மோசடிக்கு மூளையாகச் செயல்பட்டவர்கள் கரண் மோகன் மற்றும் வினோத் சிங் என அடையாளம் காணப்பட்டுள்ளனர்.மோசடி இந்த சம்பவம் தொடர்பாகச் சிறப்பு அதிரடிப் படை மூத்த காவல்துறை கண்காணிப்பாளர் (UP STF) விஷால் விக்ரம் சிங், "இவர்களின் இலக்குகள் அனைத்தும் வெளிநாட்டைச் சேர்ந்தவர்களாகவே இருந்துள்ளனர். 10 பேர் கொண்ட இந்த கும்பலிடமிருந்து 70 டெஸ்க்டாப் கம்ப்யூட்டர்கள் மற்றும் பல மொபைல் போன்கள், சிம் கார்டுகளை கைப்பற்றியுள்ளோம். மேலும், மின்னணு சாதனங்களின் தடயவியல் பரிசோதனை இப்போது செய்யப்பட்டுவருகிறது. இதுவரை பெறப்பட்ட வங்கி அறிக்கைகளின் பகுப்பாய்வின்படி, இந்த கும்பல் சுமார் ரூ.170 கோடியை ஏமாற்றியுள்ளது.டிஜிட்டல் மோசடி இவர்களின் பிற வங்கிக் கணக்குகள் பற்றிய தகவல் கிடைத்த பிறகு, அந்தக் கணக்குகளை முடக்கி, குற்றவாளிகளுக்கு எதிராகச் சட்ட நடவடிக்கை எடுக்கப்படும்” என்று தெரிவித்துள்ளார். இந்த குற்றச்சம்பவத்தில் ஈடுபட்டவர்களில் துருவ் நரங், மயங்க் கோகியா, அக்‌ஷய் மாலிக், தீபக் சிங், அஹுஜா பொட்வால், அக்‌ஷய் சர்மா, ஜெயந்த் சிங், முகுல் ராவத் உள்ளிட்டோர் கைது செய்யப்பட்டுள்ளனர். மேலும், இந்த வழக்கு தொடர்பாக நொய்டா செக்டர் 58 காவல் நிலையத்தில் எஃப்.ஐ.ஆர் பதிவு செய்யப்பட்டுள்ளது.`அதிகரிக்கும் கட்டுமான நிறுவனங்களின் மோசடி': அதிரடி சோதனையில் 500 கோடி ரூபாய் பறிமுதல்!
http://dlvr.it/SV0BDb

Read More

``அதிமுக அலுவலக சீல் அகற்றப்பட்டால் அசம்பாவிதங்கள் ஏற்படலாம்”- அச்சம் தெரிவித்த காவல்துறை

அதிமுக அலுவலகத்துக்கு சீல் வைத்ததை எதிர்த்து கட்சியின் இடைக்கால பொதுச் செயலாளர் எடப்பாடி பழனிச்சாமியும், முன்னாள் முதலமைச்சர் பன்னீர்செல்வமும் தாக்கல் செய்த மனுக்கள் மீதான தீர்ப்பை சென்னை உயர் நீதிமன்றம் தேதி குறிப்பிடாமல் தள்ளிவைத்துள்ளது. ஜூலை 11ம் தேதி அதிமுக பொதுக்குழு கூட்டம் நடந்த போது, சென்னை ராயப்பேட்டையில் உள்ள கட்சி தலைமை அலுவலகத்தின் முன், எடப்பாடி பழனிச்சாமி மற்றும் பன்னீர்செல்வம் ஆதரவாளர்கள் மோதலில் ஈடுபட்டனர். இந்த வன்முறை சம்பவத்தை அடுத்து, கட்சி அலுவலகத்துக்கு சீல் வைத்து வருவாய் கோட்டாட்சியர் உத்தரவு பிறப்பித்தார். இந்த உத்தரவை ரத்து செய்யக் கோரி எடப்பாடி பழனிச்சாமி மற்றும் பன்னீர்செல்வம் தரப்பில் தனித்தனியாக சென்னை உயர் நீதிமன்றத்தில் மனுக்கள் தாக்கல் செய்யப்பட்டன. இந்த மனுக்கள் நேற்று விசாரணைக்கு வந்த போது, ஜூலை 11ம் தேதி நடந்த சம்பவம் தொடர்பாக விரிவான அறிக்கையை தாக்கல் செய்ய காவல் துறைக்கு உத்தரவிட்டு, விசாரணை ஜூலை 15-க்கு தள்ளிவைக்கப்பட்டது. அதன்படி இந்த மனுக்கள் நீதிபதி என்.சதீஷ்குமார் முன்பு நேற்று விசாரணைக்கு வந்தபோது, தென் சென்னை வருவாய் கோட்டாட்சியர் சாய் வர்தினி மற்றும் ராயப்பேட்டை காவல் நிலைய ஆய்வாளர் கண்ணன் ஆகியோரிம் அறிக்கைகளையும், வீடியோ, சிசிடிவி மற்றும் போட்டோ ஆதாரங்களையும் கூடுதல் குற்றவியல் வழக்கறிஞர் இ. ராஜ் திலக் தாக்கல் செய்தார். தொடர்ந்து வாதிட்ட காவல் துறை தரப்பு வழக்கறிஞர் ராஜ் திலக், “போலீஸ் பாதுகாப்பு போடப்பட்டு, வன்முறையை தடுக்க நடவடிக்கை எடுக்கப்பட்டதால் தான் உயிரிழப்புகள் தவிர்க்கப்பட்டன. தலைமை அலுவலகம் யாருக்கு சொந்தம் என்பது தொடர்பாக எந்த நீதிமன்றங்களிலும் வழக்கு நிலுவையில் இல்லை. வழக்கு நிலுவையில் இருந்தால் சீல் வைக்க முடியாது எனவும், பொது அமைதிக்கு குந்தகம் ஏற்பட்டதால் மட்டுமே சீல் வைக்கப்பட்டது. தற்போது இரு தரப்பினருக்கும் இடையில் சமாதானம் ஏற்படவில்லை. ஆகவே மீண்டும் பிரச்னை ஏற்படாது என்பதற்கு எந்த உத்தரவாதமும் இல்லை. அதனால் பொது அமைதி, மக்கள், பள்ளி குழந்தைகள் பாதுகாப்பு கருதி சீல் வைத்த உத்தரவை ரத்து செய்யக் கூடாது” என வாதிட்டார்.  தொடர்ந்து “சீல் வைத்ததை எதிர்த்து சம்பந்தப்பட்ட அதிகாரியையோ, சிவில் நீதிமன்றத்தையோ அணுகலாம் என நீதிமன்ற தீர்ப்புகள் உள்ளது. அதன்படி இதுவரை மூன்று வழக்குகள் பதிவு செய்யப்பட்டு 15 பேர் கைது செய்யப்பட்டுள்ளனர். மீதமுள்ளவர்களை கண்டுபிடிக்க கண்காணிப்பு கேமரா காட்சிகள் மூலம் நடவடிக்கை எடுக்கப்பட்டுள்ளது. வன்முறையில் 25 லட்சம் ரூபாய் மதிப்பிலான சொத்துக்கள் சேதப்படுத்தப்பட்டுள்ளது. பொது சொத்துக்கள் சேதம் தடுப்பு சட்டப் பிரிவுகளின் கீழும் வழக்கு பதியப்பட்டுள்ளது. இழப்பீட்டை வசூலிக்க நடவடிக்கை எடுக்கபடும்” என தெரிவித்தார். இதற்கு எடப்பாடி பழனிச்சாமி தரப்பில் ஆஜரான மூத்த வழக்கறிஞர் விஜய் நாராயண், “சம்பவ இடத்தில் பன்னீர்செல்வத்தின் பாதுகாப்பு வீரர்களை தவிர வேறு எந்த போலீசாரும் இல்லை. என்ன நடந்தது என்பதற்கு வீடியோ ஆதாரங்களே போதுமானது. கட்சி அலுவலகம் அவருக்கு சொந்தமானதாக இருந்தால், அவர் ஏன் அலுவலக கதவை உடைத்து கோப்புகளை எடுத்து செல்ல வேண்டும்? சம்பவம் நடந்த தேதியில் கட்சியின் தலைமை நிலைய செயலாளர் எடப்பாடி பழனிச்சாமி தான் என்பதை பன்னீர்செல்வம் தனது மனுவில் ஒப்புக் கொண்டுள்ளார்” என்றார். இதற்கு பன்னீர்செல்வம் தரப்பில் ஆஜரான மூத்த வழக்கறிஞர்கள் ஏ. ரமேஷ், பி. ஹெச். அரவிந்த் பாண்டியன் ஆகியோர், காவல்துறை அறிக்கை குறித்து ஆட்சேப மனுவை தாக்கல் செய்ய அவகாசம் கோரினர். மேலும் “கட்சியில் தனது பதவி என்ன என்பதை கட்சி அலுவலக உரிமை தொடர்பான விசாரணையில் தீர்மானிக்க முடியாது. பெரும்பான்மையான பொதுக்குழு செயற்குழு உறுப்பினர்கள் ஆதரவு உள்ளதால் மட்டுமே தொண்டர்கள் அனைவரும் எடப்பாடி பழனிச்சாமி பக்கம் இருப்பதாக கருத முடியாது. கட்சி அலுவலகத்தின் உரிமை யாருக்கு என்பதை உரிமையியல் நீதிமன்றம் தான் முடிவு செய்ய முடியும். கட்சி அலுவலகம் யாரிடம் இருக்கிறது என்றுதான் ஆர்.டி.ஓ பார்க்க வேண்டுமே தவிர, யாருக்கு உரிமை உள்ளது என்பதை தீர்மானிக்க முடியாது. இரு தரப்பினருக்கும் இடையே உள்ள சர்ச்சையை நீதிமன்றத்தால் மட்டுமே தீர்க்க வேண்டும் என்பதால், அதுவரை அலுவலகத்தை மூடி வைத்திருக்கலாம்.  பொதுவாக பொதுக்குழு நடக்கும் போது மாநிலம் முழுவதும் இருந்து கட்சியினர் அதிமுக தலைமையகத்தை வருவர் என்பதால், அந்த நேரத்தில் கட்சி அலுவலகத்தை பூட்டி வைக்கும் பழக்கம் கட்சியில் இல்லை. அப்படித்தான் அன்றும் இருக்கும் என்றெண்ணியெ தனது ஆதரவாளர்களுடன் அங்கு ஓ.பன்னீர்செல்வமும் அவரது ஆதரவாளர்களும் சென்றனர். ஆனால் பழனிச்சாமி தரப்பின் நான்கு மாவட்ட செயலாளர்கள் வெளியில் அமர்ந்து கொண்டு உள்ளே நுழைவதை தடுத்துவிட்டனர். கட்சி அலுவலகத்திற்குள் நுழைய முடியாது என்று எந்த நீதிமன்றமும் கூறவில்லை. அப்படியிருக்க, அவரை தடுத்து அங்கு வன்முறை செய்துள்ளனர். பொதுக்குழுவுக்கு அனுமதியளித்து நீதிபதி கிருஷ்ணன் ராமசாமி பிறப்பித்த உத்தரவை எதிர்த்து உச்ச நீதிமன்றத்தில் மேல் முறையீடு செய்யப்பட்டுள்ளது” என்றார். இந்த அனைத்து தரப்பு வாதங்களும் முடிவடைந்ததை அடுத்து, காவல் துறை அறிக்கைக்கு ஆட்சேபம் தெரிவித்து மனுத்தாக்கல் செய்ய பன்னீர்செல்வம் தரப்புக்கு திங்கள்கிழமை வரை அவகாசம் வழங்கிய நீதிபதி, இருவரின் மனுக்கள் மீதான தீர்ப்பை தேதி குறிப்பிடாமல் தள்ளிவைத்தார். - செய்தியாளர்: முகேஷ்
http://dlvr.it/STztmJ

Read More

உ.பி: ஊடகவியலாளர்கள்மீது துப்பாக்கிச் சூடு நடத்திய மர்ம நபர்கள்... தீவிரமாகத் தேடும் போலீஸ்!

உத்தரப்பிரதேச மாநிலம், லக்னோவின் சோன்பத்ரா மாவட்டத்தில் உள்ள ராய்பூர் காவல் நிலைய பகுதியில், லட்டு பாண்டே, ஷியாம் சுந்தர் பாண்டே ஆகிய இரண்டு ஊடகவியலாளர்கள் நேற்றிரவு உணவகத்தில் தேநீர் அருந்திக்கொண்டிருந்ததாகக் கூறப்படுகிறது. அப்போது 8:30 மணியளவில் அடையாளம் தெரியாத இருவர் மோட்டார் சைக்கிளில் வந்து தேநீர் அருந்திக்கொண்டிருந்த இருவரையும் நோக்கி 2-3 முறை துப்பாக்கியால் சுட்டிருக்கின்றனர். அதில் பலத்த காயமடைந்த இரண்டு ஊடகவியலாளர்களையும் அருகில் இருந்தவர்கள் மீட்டு மருத்துவமனைக்குக் கொண்டுசென்றுள்ளனர். அங்கு முதலுதவி அளிக்கப்பட்டு உடனடியாக பனாரஸ் இந்து பல்கலைக்கழக மருத்துவக் கல்லூரிக்குக் கொண்டு செல்லப்பட்டனர்.காவல்துறை அங்கு அவர்களுக்கு தொடர்ந்து சிகிச்சை அளிக்கப்பட்டு வருகிறது. இந்தச் சம்பவம் தொடர்பாக வழக்கு பதிவுசெய்திருக்கும் ராய்பூர் காவல்துறையினர், ``அடையாளம் தெரியாத இரண்டு நபர்கள் இரு ஊடகவியலாளர்களைக் கொலைசெய்ய முயன்றிருக்கலாம் எனச் சந்தேகிக்கப்படுகிறது. குற்றவாளிகள் வந்த வாகனம் குறித்து விசாரித்து வருகிறோம். விரைவில் குற்றவாளிகளைக் கைதுசெய்வோம். ஊடகவியலாளர்கள் கொடுக்கும் வாக்குமூலத்தை வைத்து அடுத்தகட்ட விசாரணை மேற்கொள்வோம்" எனத் தெரிவித்திருக்கின்றனர். காயமடைந்த ஊடகவியலாளர்கள் சிகிச்சை பெற்று வரும் பனாரஸ் இந்து பல்கலைக்கழக மருத்துவமனை, ``காயம் ஆழமாக ஏற்பட்டிருந்தாலும், உயிருக்கு ஆபத்தில்லை. சிகிச்சை முடிந்து இருவரும் விரைவில் டிஸ்சார்ஜ் செய்யப்படுவார்கள்" என தகவல் தெரிவித்திருக்கிறது.திருமண ஊர்வலத்தில் உற்சாக மிகுதியில் துப்பாக்கி சூடு! - குண்டு பாய்ந்து மணமகன் பலி
http://dlvr.it/STx380

Read More

குரூப் 4 தேர்வு ஹால் டிக்கெட்-ஐ எங்கே டவுன்லோட் செய்வது? முழு விவரம்!

குரூப் 4 தேர்வுக்கு விண்ணப்பித்துள்ள தேர்வர்கள் www.tnpsc.gov.in இணையதளத்தில் தங்கள் OTR கணக்கு எண்ணை பயன்படுத்தி தேர்வு நுழைவுச்சீட்டை பதிவிறக்கம் செய்து கொள்ளலாம் என தமிழ்நாடு அரசுப் பணியாளர் தேர்வு ஆணையம் தெரிவித்துள்ளது. VAO, பல்வேறு அரசு துறைகளில் இளநிலை உதவியாளர் உள்ளிட்ட 7,382 பணியிடங்களுக்கு 21 லட்சம் பேர் விண்ணப்பம் செய்துள்ளனர். தேர்வுக்கு 10 நாட்கள் உள்ள நிலையில், தற்போது இதன் ஹால்டிக்கெட் வெளியிடப்பட்டுள்ளது. தேர்வின்போது பின்பற்றப்பட வேண்டிய அம்சங்கள், தேர்வு மைய விவரம் போன்றவை ஹால் டிக்கெட்டில் இடம்பெற்றுள்ளது. டிஎன்பிஎஸ்சி வரலாற்றிலேயே ஒரு தேர்வுக்கு அதிகம் பேர் விண்ணப்பத்துள்ள தேர்வு இந்த தேர்வு தான். பத்தாம் வகுப்பு கல்வித் தகுதியை கொண்டு இந்த தேர்வு நடத்தப்படுகிறது. ஹால் டிக்கெட்டை டவுன்லோடு செய்ய வேண்டிய நேரடி லிங்கிற்கு இங்கே க்ளிக் செய்யவும் - டிஎன்பிஎஸ்சி
http://dlvr.it/STss8d

Read More

டீ குடிக்க சென்று வெள்ளத்தில் சிக்கிய நபர் மீட்கப்பட்டது எப்படி? - கூடலூரில் பரபரப்பு!

நீலகிரி மாவட்டம் கூடலூரில் கனமழை காரணமாக மங்குழி ஆற்றில் வெள்ளப்பெருக்கு ஏற்பட்டது. பாலத்தில் நடந்து சென்ற நபர் தண்ணீருக்குள் விழுந்த நிலையில், ஊர்மக்கள் அவரை பத்திரமாக மீட்டனர். தொடர் கனமழையால் மங்குழி ஆற்றில் வெள்ளப்பெருக்கு ஏற்பட்டு பாலத்தின் வழியாக மக்கள் செல்ல தடை விதிக்கப்பட்டுள்ளது. அதனை மீறி, மக்கள் வாகனங்களிலும், நடந்தும் பாலத்தின் வழியே கடந்தனர். காலையில் பாலம் திடீரென இடிந்து விழுந்தது. அப்போது தண்ணீருக்குள் விழுந்த நபரை அங்கிருந்தவர்கள் பத்திரமாக மீட்டனர். இதுதொடர்பாக வெள்ளப்பெருக்கில் சிக்கிய மாணிக்கம் புதிய தலைமுறை செய்தியாளரிடம் பேசியபோது, “டீ குடிப்பதற்காக மரப்பாலம் வழியாக சென்றிருந்தேன். டீ குடித்துவிட்டு திரும்பும்போது பாலத்தின் மீது ஆட்டோ ஒன்று சென்றதைக் கண்டுதான் நானும் பின்னாலேயே சென்றேன். ALSO READ:  50 வயதைக் கடந்தவரா?.. இதயத்தை பலப்படுத்த இந்த உணவுகளை மிஸ் பண்ணீராதீங்க! அப்போது பாலம் உடைந்துவிட்டதால் அங்கிருந்த கட்டையை பிடித்தபடியே மேலெழும்ப முயற்சித்தேன். இதனால் கயிறு கட்டி ஊர்மக்களெல்லாம் என்னை மீட்டெடுத்தார்கள்.” எனக் கூறியிருக்கிறார். இதனையடுத்து வெள்ளத்தில் சிக்கியவரை மீட்டது எப்படி குறித்து ஒருவர் பேசியிருந்தார். அதில், “என் பின்னால்தான் அவரும் வந்தார். ஆனால் திடீரென வெள்ளத்தில் சிக்கிவிட்டார். சுதாரித்ததும் அவரை லுங்கி மற்றும் கயிறுகளை கொண்டு மீட்டுவிட்டோம்” எனக் கூறியிருக்கிறார். இதுபோக தெப்பக்காட்டிலிருந்து மசினகுடிக்கு செல்லும் தரப்பாலத்தின் மீது வெள்ளப்பெருக்கு ஏற்பட்டுள்ளதால், முன்னெச்சரிக்கை நடவடிக்கையாக அங்கு இருசக்கர வாகனங்கள் செல்ல காவல் துறையினர் உத்தரவிட்டிருக்கிறார்கள்.
http://dlvr.it/STsrjP

Read More

‘லைன்ல வந்ததுக்கு நன்றிங்க அண்ணா’- முதல்வருடன் ஆட்டோ ஓட்டுனர் பன்னீர்செல்வத்தின் ஆடியோ

முதலமைச்சர் மு.க.ஸ்டாலினுக்கு வேலூரை சேர்ந்த எம்ஜிஆர் ரசிகரொருவர் கடிதம் எழுதியிருந்தார். அதற்கு தொலைபேசியில் தொடர்பு கொண்டு தமிழக முதல்வர் மு.க ஸ்டாலின் நன்றி தெரிவித்துள்ளார். கடந்த மாதம் 29-ம் தேதி வேலூர் மாவட்டத்தில் நடந்த நலத்திட்ட உதவிகள் வழங்கும் விழாவில் தமிழக முதலமைச்சர் மு.க.ஸ்டாலின் பங்கேற்றார். நிகழ்ச்சிக்குப் பிறகு சென்னை திரும்பிய முதல்வருக்கு வேலூர் மாநகரத்திற்குட்பட்ட சேண்பாக்கம் பகுதியைச் சேர்ந்த எம்ஜிஆரின் தீவிர ரசிகரான ஆட்டோ ஓட்டுனர் பன்னீர்செல்வம் முதல்வருக்கு கடிதம் ஒன்றை எழுதியுள்ளார். அந்தக் கடிதத்தில், “மாண்புமிகு முதல்வர் அவர்களே... நீங்கள் ஆட்சிப் பொறுப்பேற்றபோது எனக்கு வாக்களித்த மற்றும் எனக்கு வாக்களிக்காத மக்களின் நம்பிக்கையையும் காப்பாற்றும் விதத்தில் ஆட்சி செய்வேன் என்று கூறி இருந்தீர்கள். அந்த வகையில் உங்களின் சிறப்பான ஆட்சிக்கு உங்களுக்கு வாக்களிக்காத எம்.ஜி.ஆரின் தீவிர ரசிகரான இந்த பன்னீர்செல்வத்தின் வாழ்த்துகள். நீங்கள் வேலூர் வருகை தந்த போது எந்தவித போக்குவரத்து இடையூறுகள் இல்லாமல் நாங்கள் நிம்மதியாக ஆட்டோ ஓட்டினோம். எங்கள் தொழில் எந்த விதத்திலும் பாதிக்கவில்லை. முக்கியமாக சொல்ல வேண்டுமென்றால் நீங்கள் வந்து சென்றதற்கான அறிகுறிகளே எங்களுக்கு தெரியவில்லை. இவை அனைத்தும் தங்களின் உத்தரவின் பேரில்தான் நடந்திருக்கும் என்பதை நான் அறிகிறேன். மேலும் நீங்கள் பல நல்ல திட்டங்களை தந்து தமிழ்நாட்டை முன்னேற்றுவீர்கள் என்ற நம்பிக்கை எனக்கு ஏற்பட்டு விட்டது. வாழ்த்துக்கள் ஐயா" என குறிப்பிட்டு கலைஞருடன் எம்ஜிஆர் இருக்கும் புகைப்படமும், எம்ஜிஆர் உடன் மு.க.ஸ்டாலின் இருக்கும் புகைப்படத்தையும் இணைத்து அனுப்பியிருந்தார். இந்தக் கடிதத்தை படித்த தமிழக முதல்வர் மு.க.ஸ்டாலின் ஆட்டோ ஓட்டுனர் பன்னீர்செல்வத்திற்கு தொலைபேசி வாயிலாக தொடர்பு கொண்டு நன்றி தெரிவித்து நெகிழ்ச்சியை ஏற்படுத்தியுள்ளார். முதல்வர் மு.க.ஸ்டாலின் அவரிடம், `உங்களுடைய கடிதம் கிடைக்கப்பெற்றேன். என் செயல்பாடுகளை வாழ்த்தி எழுதியிருந்தீர்கள். மிக்க நன்றி’ எனக்கூறி, பன்னீர்செல்வம் என்ன வேலை செய்கிறார் எனக்கேட்டறிந்து `சூப்பர்’ எனப் பாராட்டும் தெரிவித்திருந்தார். இதுகுறித்து ஆட்டோ ஓட்டுநர் பன்னீர்செல்வத்திடம் நாம் பேசியபோது, `எம்ஜிஆர் ரசிகராகிய நான் முதல்வருக்கு எழுதிய கடிதத்திற்கு தொலைபேசி வாயிலாக தொடர்பு கொண்டு நன்றி தெரிவித்த முதல்வரின் செயல் என் மனதில் நீங்கா இடம் பெற்று இருக்கிறது’ என நெகிழ்ச்சியை வெளிப்படுத்தினார். இதை முதல்வருடனான உரையாடலின்போதும் அவர் தெரிவித்திருந்தார். முதல்வரிடம் `நீங்களே எனக்கு ஃபோன் செய்து பேசியது, ரொம்ப மகிழ்ச்சி அண்ணே’ என்று அவர் பேசியிருந்தார். - செய்தியாளர்: ச.குமரவேல்
http://dlvr.it/STsrgx

Read More

உ.பி: பாலியல் தொல்லை; ஓடும் காரிலிருந்து கீழே குதித்து காயமடைந்த இளம்பெண் - ஹோட்டல் உரிமையாளர் கைது!

உத்தரப்பிரதேச மாநிலம், லக்னோவில் ஒருவர் தன் மருமகளுடன் ஹோட்டல் ஒன்றை நடத்தி வந்துள்ளார். கடந்த புதன்கிழமை 21 வயது பெண் ஒருவர் அந்த ஹோட்டலில் வேலைக்குச் சேர்ந்துள்ளார். இந்த நிலையில், நேற்று இரவு ஹோட்டல் வேலை முடிந்து அந்தப் பெண் வீட்டுக்குப் புறப்பட்டுள்ளார். அப்போது ஹோட்டல் உரிமையாளர் அந்தப் பெண்ணை தன்னுடன் காரில் வருமாறும், வீட்டில் விட்டுவிடுவதாகவும் கூறி வற்புறுத்தியுள்ளார். அதனால் அந்தப் பெண்ணும் காரில் ஏறியுள்ளார்.பாலியல் தொல்லை கார் நகரத்தொடங்கிய சிறிது நேரத்திலேயே ஹோட்டல் உரிமையாளர் அந்தப் பெண்ணுக்கு பாலியல் தொல்லைக் கொடுத்திருக்கிறார். அந்தப் பெண் மறுத்தும், எச்சரித்தும் அவர் அத்துமீறலைத் தொடர்ந்துள்ளார். இதனால் அந்தப் பெண் அவரிடமிருந்து தப்பிக்க ஓடும் காரிலிருந்து ஜனேஷ்வர் மிஸ்ரா பார்க் அருகே கதவை திறந்துகொண்டு குதித்திருக்கிறார். அதில் படுகாயமடைந்த அந்தப் பெண்ணை சாலையில் சென்றுகொண்டிருந்த பொதுமக்கள் மீட்டு மருத்துவமனையில் சேர்த்தனர். இந்தச் சம்பவம் தொடர்பாக தகவலறிந்து மருத்துவமனைக்கு விரைந்த போலீஸார், வழக்கு பதிவுசெய்து விசாரணை மேற்கொண்டு வருகின்றனர்.காவல்துறை இந்தச் சம்பவம் தொடர்பாக ஊடகங்களிடம் பேசிய லக்னோ காவல்துறை உயர் அதிகாரி, ``குற்றம்சாட்டப்பட்டவர் இரண்டு மணி நேரத்திற்குள் கைதுசெய்யப்பட்டிருக்கிறார். அவர்மீது பாலியல் துன்புறுத்தல் வழக்கு பதிவுசெய்யப்பட்டுள்ளது. அவர் ஓட்டி வந்த காரையும் கைப்பற்றியுள்ளோம். மேலும், சம்பவம் நிகழ்ந்த இடத்திலிருந்த சிசிடிவி காட்சிகள் மற்றும் குற்றம்சாட்டப்பட்டவரின் அழைப்பு விவரங்கள் ஆராயப்பட்டு வருகின்றன" எனத் தெரிவித்தார்.விவாகரத்தான பெண்ணை ஏமாற்றி பாலியல் தொல்லை... நண்பர்களுடன் சிக்கிய பல் மருத்துவர்! - என்ன நடந்தது?
http://dlvr.it/STr7TW

Read More