நடிகை பாலியல் வழக்கு: கசிந்த வீடியோ... செல்போனை பயன்படுத்தியது யார் என கண்டுபிடிக்க கோர்ட் உத்தரவு!

கேரள மாநிலத்தைச் சேர்ந்த பிரபல மலையாள நடிகை ஒருவர் கடந்த 2017-ம் ஆண்டு காரில் கடத்தப்பட்டு பாலியல் வன்கொடுமை செய்யப்பட்ட வழக்கு, கடந்த ஐந்து ஆண்டுகளாக நடைபெற்று வருகிறது. நடிகை பாலியல் வழக்கில் நடிகர் தீலிப் கைதுசெய்யப்பட்டு சிறையில் அடைக்கப்பட்டு... பின்னர் ஜாமீனில் வெளியே வந்தார். நடிகை காரில் கடத்தி பாலியல் வன்கொடுமை செய்யப்பட்டதைக் குற்றவாளிகள் வீடியோவாகவும் எடுத்திருந்தனர். அந்த வீடியோ அடங்கிய மெமரி கார்டு கோர்ட்டில் ஒப்படைக்கப்பட்டிருந்தது. கோர்ட் கஸ்டடியிலிருந்த அந்த மெமரி கார்டிலிருந்து அந்த பாலியல் வன்கொடுமை வீடியோ வெளியானதாகவும், அது குறித்து விசாரணை நடத்த வேண்டும் எனவும் பாதிக்கப்பட்ட நடிகை கோரிக்கை விடுத்திருந்தார். இந்த நிலையில் பாலியல் வீடியோ காட்சிகள் அடங்கிய மெமரி கார்டு பாரன்சிக் பரிசோதனைக்கு அனுப்பப்பட்டிருந்தது. திருவனந்தபுரத்தில் உள்ள பாரன்சிக் பரிசோதனை மையத்திலிருந்து பரிசோதனை முடிவு கடந்த சில தினங்களுக்கு முன்பு க்ரைம் பிரான்ஞ்ச் வசம் ஒப்படைக்கப்பட்டது.நடிகர் திலீப் அந்த மெமரி கார்டு கடைசியாக 2021-ம் ஆண்டு ஜூலை 19-ம் தேதி மதியம் 12:19 மணிமுதல் 12:54 மணி வரை பயன்படுத்தப்பட்டுள்ளதாகவும், விவோ கம்பெனி மொபைல் போனில் போட்டு அந்த மெமரி கார்டிலிருந்து வீடியோ பார்க்கப்பட்டதாகவும் பரிசோதனை முடிவில் தெரியவந்திருக்கிறது. அதே போல, அது வாட்ஸ்அப், டெலிகிராம் போன்ற சமூக வலைதள ஆப்-கள் பயன்படுத்தப்படும் செல்போன் எனவும் பாரன்சிக் பரிசோதனையில் தெரியவந்திருக்கிறது. அந்த மெமரி கார்டில் எட்டு வீடியோ ஃபைல்கள் இருப்பதாகவும், முதன் முதலாக 2018 ஜனவரி 9-ம் தேதி அந்த மெமரிகார்டு பயன்படுத்தப்பட்டுள்ளது எனவும், இரண்டாவதாக 2018-ம் ஆண்டு டிசம்பர் 13-ம் தேதி பயன்படுத்தப்பட்டதாகவும் கூறப்படுகிறது. மேலும், அந்த மெமரி கார்டின் ஹாஸ் வேல்யூ மூன்று முறை மாற்றப்பட்டிருப்பது பாரன்சிக் பரிசோதனை முடிவில் தெரியவந்துள்ளது. நடிகை பாலியல் வன்கொடுமை வழக்கைத் தொடக்கத்தில் விசாரித்த அங்கமாலி மாஜிஸ்டிரேட் கோர்ட்டிலும், அதன் பிறகு விசாரணை நடைபெற்ற மாவட்ட நீதிமன்றத்திலும், இப்போது விசாரணை நடைபெற்றுவரும் நீதிமன்றத்தின் கஸ்டடியிலும் மெமரி கார்டு இருந்த சமயத்தில் ஹாஸ் வேல்யூ மாற்றப்பட்டதாகப் பரிசோதனை மூலம் உறுதிப்படுத்தப்பட்டிருக்கிறது. மெமரி கார்டு பாரன்சிக் பரிசோதனை முடிவுகளை க்ரைம் பிரான்ஞ்ச் போலீஸார் நீதிமன்றத்தில் ஒப்படைத்திருந்தனர். இது சம்பந்தமான வழக்கு நேற்று விசாரணைக்கு வந்தது.போலீஸ் விசாரணையின்போது க்ரைம் பிரான்ஞ்ச் அதிகாரிகளை நோக்கி நீதிபதி சரமாரியாகக் கேள்விகளை எழுப்பினார். ``மெமரி கார்டை பயன்படுத்தி வீடியோ பார்த்தவர்களை கண்டுபிடிக்க வேண்டும். அந்த மெமரி கார்டு பொருத்தப்பட்ட விவோ போன் யாருடையது என ஏன் இன்னும் கண்டுபிடிக்கவில்லை? அந்த செல்போனில் ஜியோ சிம் கார்டு பயன்படுத்தியதாகப் பரிசோதனையில் தெரியவந்துள்ளதால், டவர் லொகேஷன் வைத்து எளிதில் கண்டுபிடிக்கலாமே" எனக் கேள்வி எழுப்பினார் நீதிபதி. அந்த மெமரி கார்டிலிருந்து வீடியோ பார்க்கிறீர்களா என விசாரணை அதிகாரிகள் நான்கு முறை தன்னை கேட்டதாகவும். அதற்குத் தான் 'நோ' சொல்லிவிட்டதாகவும்.... அந்த வீடியோவை பார்ப்பதில் தனக்கு விருப்பம் இல்லை எனவும் நீதிபதி தெரிவித்தார். கோர்ட்டில் இருந்த மெமரி கார்டை பயன்படுத்தியது யார் எனக் கண்டறியும் படலத்தில் இறங்கியுள்ளனர் க்ரைம் பிரான்ச் போலீஸார். பாலியல் வீடியோ கசிந்த விவகாரம்: விசாரணை கேட்டு நடிகை உயர் நீதிமன்றத்தில் மனு!
http://dlvr.it/SV21NX

Read More

டிவி நிகழ்ச்சியைப் பார்த்து திட்டம்; ரூ.40,000-க்காக சிறுவன் கடத்திக் கொலை -அதிரவைத்த 5 மாணவர்கள்!

உத்தரப்பிரதேச மாநிலம், புலந்த்ஷாஹர் என்ற இடத்தில் உள்ள பள்ளியில் படிக்கும் 16 வயது மாணவன் ஆன்லைன் பணப் பரிவர்த்தனையில் ரூபாய் 40 ஆயிரத்தை இழந்தார். இது குறித்து அந்த மாணவர் தன் நண்பர்களிடம் தெரிவித்தார். இதையடுத்து அந்த இழப்பை ஈடுகட்ட எதாவது ஒரு குழந்தையைக் கடத்தி அதன் பெற்றோரிடம் மிரட்டிப் பணம் பறிப்பது என்று அனைவரும் சேர்ந்து முடிவு செய்தனர். இதையடுத்து, தான் படிக்கும் பள்ளியிலிருந்து ஒரு மாணவனைக் கடத்த முடிவு செய்து பணத்தை இழந்த மாணவன் பள்ளிக்கு நேரத்திலேயே சென்றான். பணத்தை இழந்த 16 வயது மாணவனின் வகுப்புக்கு வெளியில் 7 வயது மாணவன் விளையாடிக்கொண்டிருந்தான். உடனே 7 வயது மாணவனை 16 வயது மாணவன் தன்னுடன் அழைத்துச் சென்றான். பின்னர் தன் நண்பன் ஒருவனுடன் சேர்ந்து, அந்த மாணவனை இருசக்கர வாகனம் ஒன்றில் அலிகர் அழைத்துச் சென்றான். அவனைப் பின்தொடர்ந்து அவனுடைய நண்பர்கள் 3 பேர் பஸ் மூலம் அலிகர் வந்து சேர்ந்தனர்.சித்தரிப்பு படம் அவர்களில் ஒருவனுக்கு அலிகரில் வீடு இருந்தது. அந்த வீட்டிற்குச் சிறுவனைக் கடத்தி சென்றனர். சிறுவனின் தந்தையிடம் போன் செய்து ரூபாய் 40 ஆயிரம் பணம் கேட்கத் திட்டமிட்டனர். ஆனால் தங்களது திட்டம் தோல்வியடைந்தால் சிக்கலில் மாட்டிக்கொள்வோம் என்று பயந்த சிறுவர்கள், உடனே தங்களிடமிருந்த கைக்குட்டையால் சிறுவனை முகத்தில் அமுக்கி கொலைசெய்து அருகில் உள்ள ஆற்றில் உடலைத் தூக்கிப்போட்டனர். மறுநாள் அலிகரில் உள்ள ஆற்றில் சிறுவனின் உடல் கண்டுபிடிக்கப்பட்டது. அதனை மீட்டு போலீஸார் விசாரணை நடத்தி வந்தனர். சிறுவனின் பெற்றோர் அவனை அடையாளம் காட்டினர். சிறுவனைக் கொலைசெய்தவர்களைக் கண்டுபிடிக்க 6 தனிப்படைகள் அமைத்து போலீஸார் விசாரித்து வந்தனர். 100-க்கும் அதிகமான கண்காணிப்பு கேமராக்களின் பதிவுகள் ஆய்வு செய்யப்பட்டன. 200-க்கும் மேற்பட்டோரிடம் விசாரணை நடத்தப்பட்டது. அதில், சிறுவனைக் கொலைசெய்த மாணவர்கள் பிடிபட்டனர்.கொலை அவர்களிடம் விசாரணை நடத்தப்பட்டதில் முதலில் அவர்கள் விசாரணையை திசை திருப்ப முயன்றனர். ஆனால் தீவிர விசாரணைக்குப் பிறகு குற்றத்தை ஒப்புக்கொண்டனர். அவர்களிடம் விசாரித்ததில் டிவி சீரியல்களை பார்த்து இந்தக் கொலையைசெய்ய திட்டமிட்டதாக தெரிவித்தனர். சிறுவர்கள் 5 பேரும், 10-ம் வகுப்பு படிக்கின்றனர். அவர்களுக்கு 15 முதல் 16 வயது ஆகும். பிடிபட்ட சிறுவர்கள் 5 பேரையும் போலீஸார், சிறுவர் கூர்நோக்குப் பள்ளியில் சேர்த்தனர். ஷின்சோ அபே கொலையைத் தொடர்ந்து சிங்கப்பூர் பிரதமருக்குக் கொலை மிரட்டல் - ஒருவர் கைது!
http://dlvr.it/SV21ML

Read More

மகாராஷ்டிரா: விமான நிலையத்துக்கு வைக்கப்பட்ட பால் தாக்கரே பெயரை நீக்கிய ஷிண்டே அரசு!

மகாராஷ்டிராவில் மொகலாய மன்னன் ஒளரங்கசீப் நினைவிடம் இருக்கும் ஒளரங்காபாத் மற்றும் உஸ்மனாபாத் ஆகிய நகரங்களின் பெயரை மாற்றவேண்டும் என்று சிவசேனா நீண்ட காலமாக கோரி வந்தது. மாநிலத்தில் சிவசேனா தலைமையிலான கூட்டணி அரசு ஆட்சியில் இருந்தபோது கூட்டணி கட்சிகளின் நிர்ப்பந்தம் காரணாக இரு நகரங்களின் பெயரை மாற்ற முடியவில்லை. கடைசியாக முதல்வர் பதவியில் இருந்து விலகும் முன்பு கடந்த மாதம் 29-ம் தேதி இரு நகரங்களின் பெயர்களை அமைச்சரவை கூட்டத்தில் மாற்றி உத்தவ் தாக்கரே அரசு முடிவு செய்துள்ளது. ஆனால் புதிதாக வந்த ஏக்நாத் ஷிண்டே தலைமையிலான அரசு இரு நகரங்களின் பெயர் மாற்றத்தை ரத்து செய்தது. இன்று கூடிய அமைச்சரவை கூட்டத்தில் இரு நகரங்களின் பெயரை மாற்ற மீண்டும் முடிவு செய்யப்பட்டது. ஒளரங்காபாத் பெயரை சாம்பாஜி நகர் என்றும், உஸ்மனாபாத் நகரின் பெயரை தாராசிவ் என்றும் மாற்ற முடிவு செய்திருப்பதாக துணை முதல்வர் தேவேந்திர பட்னாவிஸ் தெரிவித்தார். முந்தைய அரசு சிறுபான்மை அரசாக இருந்ததால் அந்த அரசு எடுத்த முடிவு சட்டவிரோதமானது என்பதால் அம்முடிவு ரத்து செய்யப்பட்டு மீண்டும் புதிய பெயர் மாற்ற முடிவு எடுக்கப்பட்டுள்ளது. விமான நிலையம் அமையும் இடம் மேலும், நவிமும்பையில் அமைய இருக்கும் புதிய விமான நிலையத்திற்கு டிபி பாட்டீல் பெயரை சூட்டுவது என்றும் முடிவு செய்யப்பட்டுள்ளது. இது தொடர்பான விமான போக்குவரத்து துறை அமைச்சகத்திற்கு கடிதம் எழுதப்படும் என்று தெரிவித்தார் முதல்வர். அமைச்சரவை விரைவில் விரிவாக்கம் செய்யப்படும் என்று முதல்வர் ஷிண்டே மற்றும் தேவேந்திர பட்னாவிஸ் கூட்டாக அறிவித்தனர். இதற்கு முன்பு சிவசேனா கூட்டணி அரசு ஆட்சியில் இருந்த போது நவிமும்பை விமான நிலையத்திற்கு பால்தாக்கரே வைப்பது என்று முடிவு செய்யப்பட்டு இருந்தது. இதை எதிர்த்து உள்ளூர் மக்கள் போராட்டம் நடத்தினர். புதிய விமான நிலையத்திற்கு டி.ஆர் பாட்டீல் பெயர் சூட்டவேண்டும் என்று கோரி வந்தனர். தற்போது பால் தாக்கரே பெயரை நீக்கிவிட்டு டி.ஆர் பாட்டீல் பெயர் வைக்க ஏக்நாத் ஷிண்டே தலைமையிலான அரசு முடிவு செய்துள்ளது.
http://dlvr.it/SV0BGb

Read More

போலி கால் சென்டர்; 10 பேர் கைது - வெளிநாட்டினரிடம் ரூ.170 கோடி மோசடி செய்தது எப்படி?

உத்தரப்பிரதேச மாநிலம் நொய்டா-வில் tech support and tax refunds என்ற பெயரில் 10 பேர் கொண்ட குழு போலி நிறுவனம் நடத்தியுள்ளனர். இவர்கள் அமெரிக்கா, கனடா, இங்கிலாந்து, லெபனான், ஹாங்காங் போன்ற நாடுகளில் வசிப்பவர்களைக் குறிவைத்து, அதிநவீன மென்பொருட்களைப் பயன்படுத்தி அவர்களின் கணினிகளை தொலைவிலிருந்து கட்டுப்படுத்தியுள்ளனர். அதன் பின் அவர்களைத் தொடர்புகொண்டு அதைச் சிக்கல்களைச் சரிசெய்வதற்குத் தொழில்நுட்ப உதவிகள் செய்து கட்டணம் பெற்றுள்ளனர். இந்த மோசடிக்கு மூளையாகச் செயல்பட்டவர்கள் கரண் மோகன் மற்றும் வினோத் சிங் என அடையாளம் காணப்பட்டுள்ளனர்.மோசடி இந்த சம்பவம் தொடர்பாகச் சிறப்பு அதிரடிப் படை மூத்த காவல்துறை கண்காணிப்பாளர் (UP STF) விஷால் விக்ரம் சிங், "இவர்களின் இலக்குகள் அனைத்தும் வெளிநாட்டைச் சேர்ந்தவர்களாகவே இருந்துள்ளனர். 10 பேர் கொண்ட இந்த கும்பலிடமிருந்து 70 டெஸ்க்டாப் கம்ப்யூட்டர்கள் மற்றும் பல மொபைல் போன்கள், சிம் கார்டுகளை கைப்பற்றியுள்ளோம். மேலும், மின்னணு சாதனங்களின் தடயவியல் பரிசோதனை இப்போது செய்யப்பட்டுவருகிறது. இதுவரை பெறப்பட்ட வங்கி அறிக்கைகளின் பகுப்பாய்வின்படி, இந்த கும்பல் சுமார் ரூ.170 கோடியை ஏமாற்றியுள்ளது.டிஜிட்டல் மோசடி இவர்களின் பிற வங்கிக் கணக்குகள் பற்றிய தகவல் கிடைத்த பிறகு, அந்தக் கணக்குகளை முடக்கி, குற்றவாளிகளுக்கு எதிராகச் சட்ட நடவடிக்கை எடுக்கப்படும்” என்று தெரிவித்துள்ளார். இந்த குற்றச்சம்பவத்தில் ஈடுபட்டவர்களில் துருவ் நரங், மயங்க் கோகியா, அக்‌ஷய் மாலிக், தீபக் சிங், அஹுஜா பொட்வால், அக்‌ஷய் சர்மா, ஜெயந்த் சிங், முகுல் ராவத் உள்ளிட்டோர் கைது செய்யப்பட்டுள்ளனர். மேலும், இந்த வழக்கு தொடர்பாக நொய்டா செக்டர் 58 காவல் நிலையத்தில் எஃப்.ஐ.ஆர் பதிவு செய்யப்பட்டுள்ளது.`அதிகரிக்கும் கட்டுமான நிறுவனங்களின் மோசடி': அதிரடி சோதனையில் 500 கோடி ரூபாய் பறிமுதல்!
http://dlvr.it/SV0BDb

Read More

``அதிமுக அலுவலக சீல் அகற்றப்பட்டால் அசம்பாவிதங்கள் ஏற்படலாம்”- அச்சம் தெரிவித்த காவல்துறை

அதிமுக அலுவலகத்துக்கு சீல் வைத்ததை எதிர்த்து கட்சியின் இடைக்கால பொதுச் செயலாளர் எடப்பாடி பழனிச்சாமியும், முன்னாள் முதலமைச்சர் பன்னீர்செல்வமும் தாக்கல் செய்த மனுக்கள் மீதான தீர்ப்பை சென்னை உயர் நீதிமன்றம் தேதி குறிப்பிடாமல் தள்ளிவைத்துள்ளது. ஜூலை 11ம் தேதி அதிமுக பொதுக்குழு கூட்டம் நடந்த போது, சென்னை ராயப்பேட்டையில் உள்ள கட்சி தலைமை அலுவலகத்தின் முன், எடப்பாடி பழனிச்சாமி மற்றும் பன்னீர்செல்வம் ஆதரவாளர்கள் மோதலில் ஈடுபட்டனர். இந்த வன்முறை சம்பவத்தை அடுத்து, கட்சி அலுவலகத்துக்கு சீல் வைத்து வருவாய் கோட்டாட்சியர் உத்தரவு பிறப்பித்தார். இந்த உத்தரவை ரத்து செய்யக் கோரி எடப்பாடி பழனிச்சாமி மற்றும் பன்னீர்செல்வம் தரப்பில் தனித்தனியாக சென்னை உயர் நீதிமன்றத்தில் மனுக்கள் தாக்கல் செய்யப்பட்டன. இந்த மனுக்கள் நேற்று விசாரணைக்கு வந்த போது, ஜூலை 11ம் தேதி நடந்த சம்பவம் தொடர்பாக விரிவான அறிக்கையை தாக்கல் செய்ய காவல் துறைக்கு உத்தரவிட்டு, விசாரணை ஜூலை 15-க்கு தள்ளிவைக்கப்பட்டது. அதன்படி இந்த மனுக்கள் நீதிபதி என்.சதீஷ்குமார் முன்பு நேற்று விசாரணைக்கு வந்தபோது, தென் சென்னை வருவாய் கோட்டாட்சியர் சாய் வர்தினி மற்றும் ராயப்பேட்டை காவல் நிலைய ஆய்வாளர் கண்ணன் ஆகியோரிம் அறிக்கைகளையும், வீடியோ, சிசிடிவி மற்றும் போட்டோ ஆதாரங்களையும் கூடுதல் குற்றவியல் வழக்கறிஞர் இ. ராஜ் திலக் தாக்கல் செய்தார். தொடர்ந்து வாதிட்ட காவல் துறை தரப்பு வழக்கறிஞர் ராஜ் திலக், “போலீஸ் பாதுகாப்பு போடப்பட்டு, வன்முறையை தடுக்க நடவடிக்கை எடுக்கப்பட்டதால் தான் உயிரிழப்புகள் தவிர்க்கப்பட்டன. தலைமை அலுவலகம் யாருக்கு சொந்தம் என்பது தொடர்பாக எந்த நீதிமன்றங்களிலும் வழக்கு நிலுவையில் இல்லை. வழக்கு நிலுவையில் இருந்தால் சீல் வைக்க முடியாது எனவும், பொது அமைதிக்கு குந்தகம் ஏற்பட்டதால் மட்டுமே சீல் வைக்கப்பட்டது. தற்போது இரு தரப்பினருக்கும் இடையில் சமாதானம் ஏற்படவில்லை. ஆகவே மீண்டும் பிரச்னை ஏற்படாது என்பதற்கு எந்த உத்தரவாதமும் இல்லை. அதனால் பொது அமைதி, மக்கள், பள்ளி குழந்தைகள் பாதுகாப்பு கருதி சீல் வைத்த உத்தரவை ரத்து செய்யக் கூடாது” என வாதிட்டார்.  தொடர்ந்து “சீல் வைத்ததை எதிர்த்து சம்பந்தப்பட்ட அதிகாரியையோ, சிவில் நீதிமன்றத்தையோ அணுகலாம் என நீதிமன்ற தீர்ப்புகள் உள்ளது. அதன்படி இதுவரை மூன்று வழக்குகள் பதிவு செய்யப்பட்டு 15 பேர் கைது செய்யப்பட்டுள்ளனர். மீதமுள்ளவர்களை கண்டுபிடிக்க கண்காணிப்பு கேமரா காட்சிகள் மூலம் நடவடிக்கை எடுக்கப்பட்டுள்ளது. வன்முறையில் 25 லட்சம் ரூபாய் மதிப்பிலான சொத்துக்கள் சேதப்படுத்தப்பட்டுள்ளது. பொது சொத்துக்கள் சேதம் தடுப்பு சட்டப் பிரிவுகளின் கீழும் வழக்கு பதியப்பட்டுள்ளது. இழப்பீட்டை வசூலிக்க நடவடிக்கை எடுக்கபடும்” என தெரிவித்தார். இதற்கு எடப்பாடி பழனிச்சாமி தரப்பில் ஆஜரான மூத்த வழக்கறிஞர் விஜய் நாராயண், “சம்பவ இடத்தில் பன்னீர்செல்வத்தின் பாதுகாப்பு வீரர்களை தவிர வேறு எந்த போலீசாரும் இல்லை. என்ன நடந்தது என்பதற்கு வீடியோ ஆதாரங்களே போதுமானது. கட்சி அலுவலகம் அவருக்கு சொந்தமானதாக இருந்தால், அவர் ஏன் அலுவலக கதவை உடைத்து கோப்புகளை எடுத்து செல்ல வேண்டும்? சம்பவம் நடந்த தேதியில் கட்சியின் தலைமை நிலைய செயலாளர் எடப்பாடி பழனிச்சாமி தான் என்பதை பன்னீர்செல்வம் தனது மனுவில் ஒப்புக் கொண்டுள்ளார்” என்றார். இதற்கு பன்னீர்செல்வம் தரப்பில் ஆஜரான மூத்த வழக்கறிஞர்கள் ஏ. ரமேஷ், பி. ஹெச். அரவிந்த் பாண்டியன் ஆகியோர், காவல்துறை அறிக்கை குறித்து ஆட்சேப மனுவை தாக்கல் செய்ய அவகாசம் கோரினர். மேலும் “கட்சியில் தனது பதவி என்ன என்பதை கட்சி அலுவலக உரிமை தொடர்பான விசாரணையில் தீர்மானிக்க முடியாது. பெரும்பான்மையான பொதுக்குழு செயற்குழு உறுப்பினர்கள் ஆதரவு உள்ளதால் மட்டுமே தொண்டர்கள் அனைவரும் எடப்பாடி பழனிச்சாமி பக்கம் இருப்பதாக கருத முடியாது. கட்சி அலுவலகத்தின் உரிமை யாருக்கு என்பதை உரிமையியல் நீதிமன்றம் தான் முடிவு செய்ய முடியும். கட்சி அலுவலகம் யாரிடம் இருக்கிறது என்றுதான் ஆர்.டி.ஓ பார்க்க வேண்டுமே தவிர, யாருக்கு உரிமை உள்ளது என்பதை தீர்மானிக்க முடியாது. இரு தரப்பினருக்கும் இடையே உள்ள சர்ச்சையை நீதிமன்றத்தால் மட்டுமே தீர்க்க வேண்டும் என்பதால், அதுவரை அலுவலகத்தை மூடி வைத்திருக்கலாம்.  பொதுவாக பொதுக்குழு நடக்கும் போது மாநிலம் முழுவதும் இருந்து கட்சியினர் அதிமுக தலைமையகத்தை வருவர் என்பதால், அந்த நேரத்தில் கட்சி அலுவலகத்தை பூட்டி வைக்கும் பழக்கம் கட்சியில் இல்லை. அப்படித்தான் அன்றும் இருக்கும் என்றெண்ணியெ தனது ஆதரவாளர்களுடன் அங்கு ஓ.பன்னீர்செல்வமும் அவரது ஆதரவாளர்களும் சென்றனர். ஆனால் பழனிச்சாமி தரப்பின் நான்கு மாவட்ட செயலாளர்கள் வெளியில் அமர்ந்து கொண்டு உள்ளே நுழைவதை தடுத்துவிட்டனர். கட்சி அலுவலகத்திற்குள் நுழைய முடியாது என்று எந்த நீதிமன்றமும் கூறவில்லை. அப்படியிருக்க, அவரை தடுத்து அங்கு வன்முறை செய்துள்ளனர். பொதுக்குழுவுக்கு அனுமதியளித்து நீதிபதி கிருஷ்ணன் ராமசாமி பிறப்பித்த உத்தரவை எதிர்த்து உச்ச நீதிமன்றத்தில் மேல் முறையீடு செய்யப்பட்டுள்ளது” என்றார். இந்த அனைத்து தரப்பு வாதங்களும் முடிவடைந்ததை அடுத்து, காவல் துறை அறிக்கைக்கு ஆட்சேபம் தெரிவித்து மனுத்தாக்கல் செய்ய பன்னீர்செல்வம் தரப்புக்கு திங்கள்கிழமை வரை அவகாசம் வழங்கிய நீதிபதி, இருவரின் மனுக்கள் மீதான தீர்ப்பை தேதி குறிப்பிடாமல் தள்ளிவைத்தார். - செய்தியாளர்: முகேஷ்
http://dlvr.it/STztmJ

Read More

உ.பி: ஊடகவியலாளர்கள்மீது துப்பாக்கிச் சூடு நடத்திய மர்ம நபர்கள்... தீவிரமாகத் தேடும் போலீஸ்!

உத்தரப்பிரதேச மாநிலம், லக்னோவின் சோன்பத்ரா மாவட்டத்தில் உள்ள ராய்பூர் காவல் நிலைய பகுதியில், லட்டு பாண்டே, ஷியாம் சுந்தர் பாண்டே ஆகிய இரண்டு ஊடகவியலாளர்கள் நேற்றிரவு உணவகத்தில் தேநீர் அருந்திக்கொண்டிருந்ததாகக் கூறப்படுகிறது. அப்போது 8:30 மணியளவில் அடையாளம் தெரியாத இருவர் மோட்டார் சைக்கிளில் வந்து தேநீர் அருந்திக்கொண்டிருந்த இருவரையும் நோக்கி 2-3 முறை துப்பாக்கியால் சுட்டிருக்கின்றனர். அதில் பலத்த காயமடைந்த இரண்டு ஊடகவியலாளர்களையும் அருகில் இருந்தவர்கள் மீட்டு மருத்துவமனைக்குக் கொண்டுசென்றுள்ளனர். அங்கு முதலுதவி அளிக்கப்பட்டு உடனடியாக பனாரஸ் இந்து பல்கலைக்கழக மருத்துவக் கல்லூரிக்குக் கொண்டு செல்லப்பட்டனர்.காவல்துறை அங்கு அவர்களுக்கு தொடர்ந்து சிகிச்சை அளிக்கப்பட்டு வருகிறது. இந்தச் சம்பவம் தொடர்பாக வழக்கு பதிவுசெய்திருக்கும் ராய்பூர் காவல்துறையினர், ``அடையாளம் தெரியாத இரண்டு நபர்கள் இரு ஊடகவியலாளர்களைக் கொலைசெய்ய முயன்றிருக்கலாம் எனச் சந்தேகிக்கப்படுகிறது. குற்றவாளிகள் வந்த வாகனம் குறித்து விசாரித்து வருகிறோம். விரைவில் குற்றவாளிகளைக் கைதுசெய்வோம். ஊடகவியலாளர்கள் கொடுக்கும் வாக்குமூலத்தை வைத்து அடுத்தகட்ட விசாரணை மேற்கொள்வோம்" எனத் தெரிவித்திருக்கின்றனர். காயமடைந்த ஊடகவியலாளர்கள் சிகிச்சை பெற்று வரும் பனாரஸ் இந்து பல்கலைக்கழக மருத்துவமனை, ``காயம் ஆழமாக ஏற்பட்டிருந்தாலும், உயிருக்கு ஆபத்தில்லை. சிகிச்சை முடிந்து இருவரும் விரைவில் டிஸ்சார்ஜ் செய்யப்படுவார்கள்" என தகவல் தெரிவித்திருக்கிறது.திருமண ஊர்வலத்தில் உற்சாக மிகுதியில் துப்பாக்கி சூடு! - குண்டு பாய்ந்து மணமகன் பலி
http://dlvr.it/STx380

Read More

குரூப் 4 தேர்வு ஹால் டிக்கெட்-ஐ எங்கே டவுன்லோட் செய்வது? முழு விவரம்!

குரூப் 4 தேர்வுக்கு விண்ணப்பித்துள்ள தேர்வர்கள் www.tnpsc.gov.in இணையதளத்தில் தங்கள் OTR கணக்கு எண்ணை பயன்படுத்தி தேர்வு நுழைவுச்சீட்டை பதிவிறக்கம் செய்து கொள்ளலாம் என தமிழ்நாடு அரசுப் பணியாளர் தேர்வு ஆணையம் தெரிவித்துள்ளது. VAO, பல்வேறு அரசு துறைகளில் இளநிலை உதவியாளர் உள்ளிட்ட 7,382 பணியிடங்களுக்கு 21 லட்சம் பேர் விண்ணப்பம் செய்துள்ளனர். தேர்வுக்கு 10 நாட்கள் உள்ள நிலையில், தற்போது இதன் ஹால்டிக்கெட் வெளியிடப்பட்டுள்ளது. தேர்வின்போது பின்பற்றப்பட வேண்டிய அம்சங்கள், தேர்வு மைய விவரம் போன்றவை ஹால் டிக்கெட்டில் இடம்பெற்றுள்ளது. டிஎன்பிஎஸ்சி வரலாற்றிலேயே ஒரு தேர்வுக்கு அதிகம் பேர் விண்ணப்பத்துள்ள தேர்வு இந்த தேர்வு தான். பத்தாம் வகுப்பு கல்வித் தகுதியை கொண்டு இந்த தேர்வு நடத்தப்படுகிறது. ஹால் டிக்கெட்டை டவுன்லோடு செய்ய வேண்டிய நேரடி லிங்கிற்கு இங்கே க்ளிக் செய்யவும் - டிஎன்பிஎஸ்சி
http://dlvr.it/STss8d

Read More