மாடியில் இருந்து 4 மாதக் குழந்தையை தூக்கி வீசிய குரங்கு - உ.பி.யில் சோகம்

பிறந்து நான்கே மாதங்கள் ஆன பச்சிளம் குழந்தையை மாடியில் இருந்து குரங்கு ஒன்று தூக்கி வீசியதில் அந்தக் குழந்தை சம்பவ இடத்திலேயே உயிரிழந்தது. உத்தரபிரதேச மாநிலம் பரேலி மாவட்டத்தில் உள்ள டங்கா கிராமத்தைச் சேந்தவர் நிர்தேஷ் உபத்யாய. இவருக்கும், ரேஷ்மி என்பவருக்கும் இரண்டு ஆண்டுகளுக்கு முன்பு திருமணம் ஆன நிலையில், கடந்த மார்ச் மாதம் அவர்களுக்கு ஆண் குழந்தை பிறந்தது. இந்நிலையில், நேற்று இரவு நிர்தேஷும், மனைவி ரேஷ்மியும் குழந்தையை தூக்கிக் கொண்டு மூன்று அடுக்குகளைக் கொண்ட தங்கள் வீட்டின் மொட்டை மாடிக்கு சென்றனர். பின்னர் அங்கு சிறிது நேரம் அவர்கள் நடந்து கொண்டிருந்தனர். அப்போது 10 - 15 குரங்குகள் திடீரென மாடிக்கு வந்தன. இதை கண்டு அதிர்ச்சி அடைந்த தம்பதியர், குரங்குகளை விரட்ட முற்பட்டனர். ஆனால் குரங்குகள் நிர்தேஷை சூழ்ந்து கொண்டன. இதையடுத்து, மாடியில் இருந்து நிர்தேஷ் கீழே இறங்கி ஓடிய போது அவரது கையில் இருந்த 4 மாத பச்சிளம் குழந்தை கீழே விழுந்தது. அதை அவர் குனிந்து எடுப்பதற்குள் அங்கிருந்த ஒரு குரங்கு, கண்ணிமைக்கும் நேரத்தில் குழந்தையை தூக்கி மாடியில் இருந்து கீழே வீசியது. இதில் நிகழ்விடத்திலேயே குழந்தை உயிரிழந்தது. இச்சம்பவம் அப்பகுதியில் பெரும் சோகத்தை ஏற்படுத்தியுள்ளது. பரேலியில் குரங்குகள் அதிக அளவில் இருக்கின்றன. இந்த குரங்குகள் அடிக்கடி வீடுகளுக்குள் நுழைவதும், அங்குள்ளவர்களை தாக்குவதும் தொடர்கதையாக உள்ளது. அதுமட்டுமல்லாமல், வீடுகளில் இருக்கும் பொருட்கள் உள்ளிட்டவற்றையும் குரங்குகள் சேதப்படுத்தி வருவதாக பரேலி மக்கள் புகார் தெரிவிக்கின்றன. ஆனால், இந்த குரங்குகளை வனப்பகுதிகளில் விடுவதற்கு மாவட்ட நிர்வாகம் எந்தவித நடவடிக்கையும் எடுக்கவில்லை எனக் கூறப்படுகிறது. அவ்வாறு செய்திருந்தால், இன்று ஒரு பச்சிளம் குழந்தை உயிரிழந்திருக்காது என அப்பகுதி மக்கள் கூறுகின்றனர்.
http://dlvr.it/SV4KnQ

Read More

'அவங்க கண்ணுல பயமே கிடையாது' - ரிஷப் பண்ட், ஹர்திக் பாண்டியாவை புகழ்ந்த ரோகித் சர்மா

ஆட்ட நாயகன் விருதை ரிஷப் பண்டும், தொடர் நாயகன் விருதை ஹர்திக் பண்டியாவும் கைப்பற்றினர்.இங்கிலாந்துக்கு சென்றுள்ள இந்திய கிரிக்கெட் அணி 3 போட்டிகள் கொண்ட ஒரு நாள் தொடரில் பங்கேற்றது. தொடர் 1-1 என்ற கணக்கில் சமனில் இருந்த நிலையில் இவ்விரு அணிகளில் தொடர் யாருக்கு என்பதை நிர்ணயிக்கும் 3-வது மற்றும் கடைசி ஒரு நாள் போட்டி மான்செஸ்டரில் நேற்று நடந்தது. இதில் டாஸ் வென்ற இந்திய அணி கேப்டன் ரோகித் சர்மா பந்துவீச்சை தேர்வு செய்தார். அதன்படி முதலில் பேட்டிங் செய்த இங்கிலாந்து அணி, 45.5 ஓவர்கள் முடிவில் அனைத்து விக்கெட்டுகளையும் இழந்து 259 ரன்கள் எடுத்தது. இந்திய அணி சார்பில் ஹர்திக் பாண்டியா 4 விக்கெட்டும், சிராஜ், சாஹல் தலா 2 விக்கெட் வீழ்த்தினார்.இதையடுத்து 260 ரன்கள் எடுத்தால் வெற்றி என்ற இலக்கை நோக்கி விளையாடிய இந்திய அணிக்கு டோப்லே வில்லனாக உருவெடுத்தார். முதல் விக்கெட்டாக ஷிகர் தவானை ஒரு ரன்னில் அவுட் ஆக்கியவர், அடுத்து கேப்டன் ரோகித் சர்மா மற்றும் விராட் கோலியையும் 17 ரன்களில் வெளியேற்றி அதிர்ச்சி கொடுத்தார். நல்ல ஃபார்மில் இருக்கும் சூர்யகுமார் யாதவ் நிதானமாக தொடங்கினாலும், 16 ரன்களில் அவுட் ஆனார். இதன்பின்தான் இந்திய அணியின் ஆட்டம் சூடுபிடித்தது. ஹர்திக் பாண்டியா மற்றும் ரிஷப் பண்ட்  இருவரும் சரிவில் இருந்த அணியை மீட்டனர். ஹர்திக் பாண்டியா 71 ரன்கள் குவித்து ஆட்டமிழந்தார். இவர்கள் கூட்டணி 133 ரன்கள் பார்ட்னர்ஷிப் மூலம் சேர்த்தது. பின்னர் அதிரடி காட்ட தொடங்கிய பண்ட் இங்கிலாந்து பந்துவீச்சை துவம்சம் செய்தார். அதிரடியாக விளையாடிய பண்ட் சதம் அடித்து அசத்தினார். இங்கிலாந்து அணியின் டேவிட் வில்லே வீசிய ஒரு ஓவரில் தொடர்ந்து 5 பவுண்டரிகள் விரட்டினார் பண்ட் . இறுதியில் இந்திய அணி 42.1 ஓவர்களில் 5 விக்கெட் இழப்பிற்கு ரன்கள் எடுத்து அபார வெற்றி பெற்றது. கடைசி வரை அவுட் ஆகாமல் இருந்த ரிஷப் பண்ட் , 113 பந்துகளில் 2 சிக்ஸர், 16 பவுண்டரிகளுடன் 125 ரன்கள் குவித்தார்.  இதன் மூலம் ஒருநாள் போட்டியில் ரிஷப் பண்ட் தனது முதல் சதத்தை பதிவு செய்தார். இந்த வெற்றியால் 3 போட்டிகள் கொண்ட ஒருநாள் தொடரை 2-1 என்ற கணக்கில் இந்திய அணி கைப்பற்றியது. இப்போட்டியின் ஆட்ட நாயகன் விருதை ரிஷப் பண்டும், தொடர் நாயகன் விருதை ஹர்திக் பண்டியாவும் கைப்பற்றினர்.ஆட்டம் முடிவடைந்த பிறகு செய்தியாளர்கள் சந்திப்பில் பேசிய ரோகித் சர்மா, “இது ஒரு நல்ல ஆடுகளம். ஆனால் ஆரம்பத்தில் விக்கெட்டுகளை இழந்ததால் இந்த வெற்றி எளிதாக கிடைக்கப் போவதில்லை என்பது எங்களுக்குத் தெரிந்தது. இதில் ஒரு நல்ல விஷயம் என்னவென்றால், மிடில் ஓவர்களில் அதிகம் பேட்டிங் செய்யாத ரிஷப் பண்ட், ஹர்திக் பாண்டியா ஆகிய இருவரும் இந்தப் போட்டியில் அருமையாக விளையாடினார்கள்.  எந்த நேரத்திலும் அவர்கள் பீதியடைந்ததாக நாங்கள் உணரவில்லை. அவர்கள் சிறந்த ஷாட்களை ஆடினர்'' என்றார். இங்கிலாந்து சுற்றுப்பயணத்தில் ஏற்கனவே டி20 தொடரையும் இந்தியா கைப்பற்றி இருந்தது. இரு அணிகளுக்கும் இடையேயான டெஸ்ட் போட்டி தொடர் டிரா ஆனது குறிப்பிடத்தக்கது.இதையும் படிக்கலாம்: "எனக்கு எப்பவுமே ஒரே மைண்ட் செட்" - சூர்யகுமார் யாதவ் அதிரடி
http://dlvr.it/SV4KVf

Read More

`இக்குழந்தையின் எதிர்காலமே முக்கியம்’- சிறுமி சுமந்த 28 வார கருவை கலைக்க நீதிமன்றம் அனுமதி

பாலியல் வன்கொடுமைக்கு உள்ளான சிறுமியின் 28 வார கருவை கலைக்க அனுமதி அளித்து சென்னை உயர் நீதிமன்றம் உத்தரவிட்டுள்ளது. திருவண்ணாமலை மாவட்டத்தைச் சேர்ந்த 13 வயது சிறுமி, பாலியல் வன்கொடுமைக்கு உள்ளாக்கப்பட்டதால் கருவுற்றிருக்கிறார். அவரது கர்ப்பத்தை கலைக்க அனுமதி கோரி பாதிக்கப்பட்ட சிறுமியின் தந்தை, சென்னை உயர் நீதிமன்றத்தில் வழக்கு தொடர்ந்தார். இந்த வழக்கை விசாரித்த நீதிபதி அப்துல் குத்துாஸ், பாதிக்கப்பட்டவரின் மனம், உடல் நலம், மருத்துவர்களின் பரிந்துரையை கருத்தில் கொண்டு, 20 வாரங்களை கடந்த கருவையும் கலைக்க உச்ச நீதிமன்றம் அனுமதி அளித்துள்ளதைச் சுட்டிக்காட்டி, அச்சிறுமியின் எதிர்காலம் மற்றும் மருத்துவர்களின் பரிந்துரை அடிப்படையில், 28 வாரங்கள் 3 நாள்கள் கடந்த கருவை கலைக்க அனுமதியளித்து உத்தரவிட்டார். தமிழக அரசு சிறப்பு மருத்துவர்கள் அடங்கிய குழுவை அமைத்து சிறுமியின் கருவை அகற்ற வேண்டும் என்றும் சிறுமிக்கு பாதுகாக்க நடவடிக்கைகள் எடுக்க வேண்டும் என்றும் நீதிமன்றம் தெரிவித்துள்ளது. - முகேஷ்
http://dlvr.it/SV4KRn

Read More

புல்லட் பைக்குக்கு கோவில் கட்டிய கிராமத்தினர்.. எங்கு தெரியுமா? - சுவாரஸ்ய பின்னணி!

வழிபாட்டு தலங்களுக்கு பிரசித்தி பெற்ற நாடு இந்தியா. பன்முகத் தன்மைக்கு பெயர் பெற்ற நம் நாட்டில் பல விசித்திரமான, விநோதமான இடங்களும், தலங்களுமே நிறைந்திருக்கின்றன. அந்த வகையில், குஷ்புவுக்கு, அமிதாப் பச்சனுக்கு, பிரதமர் மோடிக்கு கூட கோவில் கட்டப்பட்டுள்ளது பற்றி கேள்விப்பட்டிருப்போம். ஆனால் புல்லட் பைக் ஒன்றை கடவுளாகவே 30 ஆண்டுகளாக மக்கள் வழிபட்டு வருகிறார்கள் என்றால் நம்ப முடிகிறதா? ஆம். அப்படிப்பட்ட கோவிலை பற்றிதான் இந்த தொகுப்பில் பார்க்கப்போகிறோம். புல்லட் பைக் என்றாலே இளைஞர்களிடையே ஒரு புத்துணர்ச்சி உருவாவது வழக்கம். ஏனெனில், ராயல் என்ஃபீல்ட் நிறுவனத்தின் இந்த புல்லட் வகை பைக்குகளை வாங்குவதற்காக பலரும் போட்டிப் போட்டுக் கொண்டிருக்கிறார்கள். ஆனால் அப்படிப்பட்ட புல்லட் பைக்கை கடவுளாகவே மக்கள் வழிபட்டு வருகிறார்கள். அதற்கு புல்லட் பாபா கோவில் என்ற பெயரும் வைக்கப்பட்டிருக்கிறது. ராஜஸ்தான் மாநிலத்தின் ஜோத்பூர் மாவட்டத்தில் இருந்து 50 கிலோ மீட்டர் தொலைவில் உள்ள பாலி நகருக்கு அருகே உள்ளது சோட்டிலா கிராமம். அங்குதான் இந்த புல்லட் பாபா கோவில் இருக்கிறது. வெகு தொலைவில் இருந்தும் இந்த புல்லட் பாபா கோவிலுக்கு வந்து மக்கள் வழிபட்டு செல்கிறார்களாம். புல்லட் பாபா கோவிலின் பின்னணியும், சுவாரஸ்யமும்: ‘ஓம் பன்னா’ என்ற நபர் ஒருவர் 1988ம் ஆண்டு டிசம்பர் 2ம் தேதி பாலி நகரின் சான்டேராவ் அருகே உள்ள பாங்டி என்ற இடத்திலிருந்து சோட்டிலா கிராமத்திற்கு தன்னுடைய 350 CC புல்லட் பைக்கில் சென்றிருக்கிறார். அப்போது, திடீரென பைக் கட்டுப்பாட்டை இழந்ததால் விபத்தில் சிக்கி ஓம் பன்னா சம்பவ இடத்திலேயே உயிரிழந்திருக்கிறார். அவரது புல்லட் பைக்கும் அப்பகுதியில் இருந்த பள்ளத்தில் விழுந்திருக்கிறது. தகவல் அறிந்த உள்ளூர் போலீசார், ஓம் பன்னாவின் உடலை மருத்துவமனைக்கு அனுப்பிவிட்டு, பள்ளத்தில் கிடந்த புல்லட் பைக்கை மீட்டு காவல் நிலையத்திற்கு எடுத்துச் சென்றிருக்கிறார். மறுநாள் காலை பார்த்தபோது புல்லட் வண்டி ஸ்டேஷனில் இல்லாததால் அதிர்ச்சியுற்ற போலீசார், அதனை தேடியிருக்கிறார். ஆனால் விபத்து நடந்த அதே இடத்தில் மோட்டார் சைக்கிள் இருந்தது கண்டுபிடிக்கப்பட்டிருக்கிறது. எவரோ வண்டியை திருடி அங்கே விட்டுச் சென்றிருக்கிறார்கள் என எண்ணி, புல்லட் வண்டியில் நிரப்பட்டிருந்த பெட்ரோலை எடுத்துவிட்டு, அதனை சங்கிலி போட்டு போலீசார் கட்டி வைத்திருக்கிறார்கள். ஆனால் அடுத்த நாளும் வண்டி காவல் நிலையத்தில் இருந்து மறைந்து, ஓம் பன்னா இறந்த இடத்தில் இருந்து கண்டுபிடிக்கப்பட்டிருக்கிறது. இப்படியாக இந்த சம்பவங்கள் தொடரவே, வேறு ஏதோ ஆற்றல் இருப்பதாக உணர்ந்த போலீசார், புல்லட் பைக்கை விபத்து நடந்த இடத்திலேயே விட்டிருக்கிறார்கள். இது குறித்த விஷயம் அறிந்த சோட்டிலா கிராமத்து மக்கள், அதனை வழிபட தொடங்கினர். அதனையடுத்து அந்த புல்லட் பைக்கை நிறுவி, அதன் பக்கத்தில் ஓம் பன்னாவின் புகைப்படத்தையும் வைத்து வணங்கத் தொடங்கி, இன்றுவரை வழிபட்டு வருகிறார்களாம். புல்லட் பாபா கோவில் என அழைக்கப்பட்டாலும், அதன் அசல் பெயராக 'Om Banna Dham'என்றே வைக்கப்பட்டிருக்கிறது. வழிபாடு தொடங்கப்பட்டதிலிருந்தே, அவ்வழியே பயணிக்கும் மக்கள் புல்லட் பாபா கோவிலுக்கு வந்து சென்றுவிட்டே தங்களது பயணத்தை தொடர்கிறார்களாம்.
http://dlvr.it/SV22hh

Read More

நடிகை பாலியல் வழக்கு: கசிந்த வீடியோ... செல்போனை பயன்படுத்தியது யார் என கண்டுபிடிக்க கோர்ட் உத்தரவு!

கேரள மாநிலத்தைச் சேர்ந்த பிரபல மலையாள நடிகை ஒருவர் கடந்த 2017-ம் ஆண்டு காரில் கடத்தப்பட்டு பாலியல் வன்கொடுமை செய்யப்பட்ட வழக்கு, கடந்த ஐந்து ஆண்டுகளாக நடைபெற்று வருகிறது. நடிகை பாலியல் வழக்கில் நடிகர் தீலிப் கைதுசெய்யப்பட்டு சிறையில் அடைக்கப்பட்டு... பின்னர் ஜாமீனில் வெளியே வந்தார். நடிகை காரில் கடத்தி பாலியல் வன்கொடுமை செய்யப்பட்டதைக் குற்றவாளிகள் வீடியோவாகவும் எடுத்திருந்தனர். அந்த வீடியோ அடங்கிய மெமரி கார்டு கோர்ட்டில் ஒப்படைக்கப்பட்டிருந்தது. கோர்ட் கஸ்டடியிலிருந்த அந்த மெமரி கார்டிலிருந்து அந்த பாலியல் வன்கொடுமை வீடியோ வெளியானதாகவும், அது குறித்து விசாரணை நடத்த வேண்டும் எனவும் பாதிக்கப்பட்ட நடிகை கோரிக்கை விடுத்திருந்தார். இந்த நிலையில் பாலியல் வீடியோ காட்சிகள் அடங்கிய மெமரி கார்டு பாரன்சிக் பரிசோதனைக்கு அனுப்பப்பட்டிருந்தது. திருவனந்தபுரத்தில் உள்ள பாரன்சிக் பரிசோதனை மையத்திலிருந்து பரிசோதனை முடிவு கடந்த சில தினங்களுக்கு முன்பு க்ரைம் பிரான்ஞ்ச் வசம் ஒப்படைக்கப்பட்டது.நடிகர் திலீப் அந்த மெமரி கார்டு கடைசியாக 2021-ம் ஆண்டு ஜூலை 19-ம் தேதி மதியம் 12:19 மணிமுதல் 12:54 மணி வரை பயன்படுத்தப்பட்டுள்ளதாகவும், விவோ கம்பெனி மொபைல் போனில் போட்டு அந்த மெமரி கார்டிலிருந்து வீடியோ பார்க்கப்பட்டதாகவும் பரிசோதனை முடிவில் தெரியவந்திருக்கிறது. அதே போல, அது வாட்ஸ்அப், டெலிகிராம் போன்ற சமூக வலைதள ஆப்-கள் பயன்படுத்தப்படும் செல்போன் எனவும் பாரன்சிக் பரிசோதனையில் தெரியவந்திருக்கிறது. அந்த மெமரி கார்டில் எட்டு வீடியோ ஃபைல்கள் இருப்பதாகவும், முதன் முதலாக 2018 ஜனவரி 9-ம் தேதி அந்த மெமரிகார்டு பயன்படுத்தப்பட்டுள்ளது எனவும், இரண்டாவதாக 2018-ம் ஆண்டு டிசம்பர் 13-ம் தேதி பயன்படுத்தப்பட்டதாகவும் கூறப்படுகிறது. மேலும், அந்த மெமரி கார்டின் ஹாஸ் வேல்யூ மூன்று முறை மாற்றப்பட்டிருப்பது பாரன்சிக் பரிசோதனை முடிவில் தெரியவந்துள்ளது. நடிகை பாலியல் வன்கொடுமை வழக்கைத் தொடக்கத்தில் விசாரித்த அங்கமாலி மாஜிஸ்டிரேட் கோர்ட்டிலும், அதன் பிறகு விசாரணை நடைபெற்ற மாவட்ட நீதிமன்றத்திலும், இப்போது விசாரணை நடைபெற்றுவரும் நீதிமன்றத்தின் கஸ்டடியிலும் மெமரி கார்டு இருந்த சமயத்தில் ஹாஸ் வேல்யூ மாற்றப்பட்டதாகப் பரிசோதனை மூலம் உறுதிப்படுத்தப்பட்டிருக்கிறது. மெமரி கார்டு பாரன்சிக் பரிசோதனை முடிவுகளை க்ரைம் பிரான்ஞ்ச் போலீஸார் நீதிமன்றத்தில் ஒப்படைத்திருந்தனர். இது சம்பந்தமான வழக்கு நேற்று விசாரணைக்கு வந்தது.போலீஸ் விசாரணையின்போது க்ரைம் பிரான்ஞ்ச் அதிகாரிகளை நோக்கி நீதிபதி சரமாரியாகக் கேள்விகளை எழுப்பினார். ``மெமரி கார்டை பயன்படுத்தி வீடியோ பார்த்தவர்களை கண்டுபிடிக்க வேண்டும். அந்த மெமரி கார்டு பொருத்தப்பட்ட விவோ போன் யாருடையது என ஏன் இன்னும் கண்டுபிடிக்கவில்லை? அந்த செல்போனில் ஜியோ சிம் கார்டு பயன்படுத்தியதாகப் பரிசோதனையில் தெரியவந்துள்ளதால், டவர் லொகேஷன் வைத்து எளிதில் கண்டுபிடிக்கலாமே" எனக் கேள்வி எழுப்பினார் நீதிபதி. அந்த மெமரி கார்டிலிருந்து வீடியோ பார்க்கிறீர்களா என விசாரணை அதிகாரிகள் நான்கு முறை தன்னை கேட்டதாகவும். அதற்குத் தான் 'நோ' சொல்லிவிட்டதாகவும்.... அந்த வீடியோவை பார்ப்பதில் தனக்கு விருப்பம் இல்லை எனவும் நீதிபதி தெரிவித்தார். கோர்ட்டில் இருந்த மெமரி கார்டை பயன்படுத்தியது யார் எனக் கண்டறியும் படலத்தில் இறங்கியுள்ளனர் க்ரைம் பிரான்ச் போலீஸார். பாலியல் வீடியோ கசிந்த விவகாரம்: விசாரணை கேட்டு நடிகை உயர் நீதிமன்றத்தில் மனு!
http://dlvr.it/SV21NX

Read More

டிவி நிகழ்ச்சியைப் பார்த்து திட்டம்; ரூ.40,000-க்காக சிறுவன் கடத்திக் கொலை -அதிரவைத்த 5 மாணவர்கள்!

உத்தரப்பிரதேச மாநிலம், புலந்த்ஷாஹர் என்ற இடத்தில் உள்ள பள்ளியில் படிக்கும் 16 வயது மாணவன் ஆன்லைன் பணப் பரிவர்த்தனையில் ரூபாய் 40 ஆயிரத்தை இழந்தார். இது குறித்து அந்த மாணவர் தன் நண்பர்களிடம் தெரிவித்தார். இதையடுத்து அந்த இழப்பை ஈடுகட்ட எதாவது ஒரு குழந்தையைக் கடத்தி அதன் பெற்றோரிடம் மிரட்டிப் பணம் பறிப்பது என்று அனைவரும் சேர்ந்து முடிவு செய்தனர். இதையடுத்து, தான் படிக்கும் பள்ளியிலிருந்து ஒரு மாணவனைக் கடத்த முடிவு செய்து பணத்தை இழந்த மாணவன் பள்ளிக்கு நேரத்திலேயே சென்றான். பணத்தை இழந்த 16 வயது மாணவனின் வகுப்புக்கு வெளியில் 7 வயது மாணவன் விளையாடிக்கொண்டிருந்தான். உடனே 7 வயது மாணவனை 16 வயது மாணவன் தன்னுடன் அழைத்துச் சென்றான். பின்னர் தன் நண்பன் ஒருவனுடன் சேர்ந்து, அந்த மாணவனை இருசக்கர வாகனம் ஒன்றில் அலிகர் அழைத்துச் சென்றான். அவனைப் பின்தொடர்ந்து அவனுடைய நண்பர்கள் 3 பேர் பஸ் மூலம் அலிகர் வந்து சேர்ந்தனர்.சித்தரிப்பு படம் அவர்களில் ஒருவனுக்கு அலிகரில் வீடு இருந்தது. அந்த வீட்டிற்குச் சிறுவனைக் கடத்தி சென்றனர். சிறுவனின் தந்தையிடம் போன் செய்து ரூபாய் 40 ஆயிரம் பணம் கேட்கத் திட்டமிட்டனர். ஆனால் தங்களது திட்டம் தோல்வியடைந்தால் சிக்கலில் மாட்டிக்கொள்வோம் என்று பயந்த சிறுவர்கள், உடனே தங்களிடமிருந்த கைக்குட்டையால் சிறுவனை முகத்தில் அமுக்கி கொலைசெய்து அருகில் உள்ள ஆற்றில் உடலைத் தூக்கிப்போட்டனர். மறுநாள் அலிகரில் உள்ள ஆற்றில் சிறுவனின் உடல் கண்டுபிடிக்கப்பட்டது. அதனை மீட்டு போலீஸார் விசாரணை நடத்தி வந்தனர். சிறுவனின் பெற்றோர் அவனை அடையாளம் காட்டினர். சிறுவனைக் கொலைசெய்தவர்களைக் கண்டுபிடிக்க 6 தனிப்படைகள் அமைத்து போலீஸார் விசாரித்து வந்தனர். 100-க்கும் அதிகமான கண்காணிப்பு கேமராக்களின் பதிவுகள் ஆய்வு செய்யப்பட்டன. 200-க்கும் மேற்பட்டோரிடம் விசாரணை நடத்தப்பட்டது. அதில், சிறுவனைக் கொலைசெய்த மாணவர்கள் பிடிபட்டனர்.கொலை அவர்களிடம் விசாரணை நடத்தப்பட்டதில் முதலில் அவர்கள் விசாரணையை திசை திருப்ப முயன்றனர். ஆனால் தீவிர விசாரணைக்குப் பிறகு குற்றத்தை ஒப்புக்கொண்டனர். அவர்களிடம் விசாரித்ததில் டிவி சீரியல்களை பார்த்து இந்தக் கொலையைசெய்ய திட்டமிட்டதாக தெரிவித்தனர். சிறுவர்கள் 5 பேரும், 10-ம் வகுப்பு படிக்கின்றனர். அவர்களுக்கு 15 முதல் 16 வயது ஆகும். பிடிபட்ட சிறுவர்கள் 5 பேரையும் போலீஸார், சிறுவர் கூர்நோக்குப் பள்ளியில் சேர்த்தனர். ஷின்சோ அபே கொலையைத் தொடர்ந்து சிங்கப்பூர் பிரதமருக்குக் கொலை மிரட்டல் - ஒருவர் கைது!
http://dlvr.it/SV21ML

Read More

மகாராஷ்டிரா: விமான நிலையத்துக்கு வைக்கப்பட்ட பால் தாக்கரே பெயரை நீக்கிய ஷிண்டே அரசு!

மகாராஷ்டிராவில் மொகலாய மன்னன் ஒளரங்கசீப் நினைவிடம் இருக்கும் ஒளரங்காபாத் மற்றும் உஸ்மனாபாத் ஆகிய நகரங்களின் பெயரை மாற்றவேண்டும் என்று சிவசேனா நீண்ட காலமாக கோரி வந்தது. மாநிலத்தில் சிவசேனா தலைமையிலான கூட்டணி அரசு ஆட்சியில் இருந்தபோது கூட்டணி கட்சிகளின் நிர்ப்பந்தம் காரணாக இரு நகரங்களின் பெயரை மாற்ற முடியவில்லை. கடைசியாக முதல்வர் பதவியில் இருந்து விலகும் முன்பு கடந்த மாதம் 29-ம் தேதி இரு நகரங்களின் பெயர்களை அமைச்சரவை கூட்டத்தில் மாற்றி உத்தவ் தாக்கரே அரசு முடிவு செய்துள்ளது. ஆனால் புதிதாக வந்த ஏக்நாத் ஷிண்டே தலைமையிலான அரசு இரு நகரங்களின் பெயர் மாற்றத்தை ரத்து செய்தது. இன்று கூடிய அமைச்சரவை கூட்டத்தில் இரு நகரங்களின் பெயரை மாற்ற மீண்டும் முடிவு செய்யப்பட்டது. ஒளரங்காபாத் பெயரை சாம்பாஜி நகர் என்றும், உஸ்மனாபாத் நகரின் பெயரை தாராசிவ் என்றும் மாற்ற முடிவு செய்திருப்பதாக துணை முதல்வர் தேவேந்திர பட்னாவிஸ் தெரிவித்தார். முந்தைய அரசு சிறுபான்மை அரசாக இருந்ததால் அந்த அரசு எடுத்த முடிவு சட்டவிரோதமானது என்பதால் அம்முடிவு ரத்து செய்யப்பட்டு மீண்டும் புதிய பெயர் மாற்ற முடிவு எடுக்கப்பட்டுள்ளது. விமான நிலையம் அமையும் இடம் மேலும், நவிமும்பையில் அமைய இருக்கும் புதிய விமான நிலையத்திற்கு டிபி பாட்டீல் பெயரை சூட்டுவது என்றும் முடிவு செய்யப்பட்டுள்ளது. இது தொடர்பான விமான போக்குவரத்து துறை அமைச்சகத்திற்கு கடிதம் எழுதப்படும் என்று தெரிவித்தார் முதல்வர். அமைச்சரவை விரைவில் விரிவாக்கம் செய்யப்படும் என்று முதல்வர் ஷிண்டே மற்றும் தேவேந்திர பட்னாவிஸ் கூட்டாக அறிவித்தனர். இதற்கு முன்பு சிவசேனா கூட்டணி அரசு ஆட்சியில் இருந்த போது நவிமும்பை விமான நிலையத்திற்கு பால்தாக்கரே வைப்பது என்று முடிவு செய்யப்பட்டு இருந்தது. இதை எதிர்த்து உள்ளூர் மக்கள் போராட்டம் நடத்தினர். புதிய விமான நிலையத்திற்கு டி.ஆர் பாட்டீல் பெயர் சூட்டவேண்டும் என்று கோரி வந்தனர். தற்போது பால் தாக்கரே பெயரை நீக்கிவிட்டு டி.ஆர் பாட்டீல் பெயர் வைக்க ஏக்நாத் ஷிண்டே தலைமையிலான அரசு முடிவு செய்துள்ளது.
http://dlvr.it/SV0BGb

Read More