பாம்பு கடித்து உயிரிழந்த அண்ணன்... இறுதிச்சடங்குக்குச் சென்ற தம்பியும் பாம்பு கடித்து பலியான சோகம்!

உத்தரப்பிரதேச மாநிலம், பவானிப்பூரைச் சேர்ந்தவர் அரவிந்த் மிஸ்ரா (38). இவர் தம்பியின் பெயர் கோவிந்த் மிஸ்ரா (22). கடந்த செவாய்க்கிழமையன்று அரவிந்த் மிஸ்ரா பாம்பு கடித்து பரிதாபமாக உயிரிழந்தார். அதையடுத்து வேறு கிராமத்திலிருந்த அவரின் தம்பி கோவிந்துக்கு உறவினர்கள் அண்ணனின் மரணம் குறித்துத் தகவல் தெரிவித்திருக்கின்றனர். அதைக் கேட்டு அதிர்ச்சியடைந்த கோவிந்த், புதன்கிழமை அரவிந்தின் இறுதிச்சடங்கில் கலந்துகொண்டார். அதைத் தொடர்ந்து கோவிந்த் தன்னுடைய உறவினர்களுடன் இரவு தூங்கிக்கொண்டிருந்தார். அப்போது கோவிந்த் மிஸ்ராவையும் பாம்பு தீண்டியது. அதில் கோவிந்த் சம்பவ இடத்திலேயே பரிதாபமாக உயிரிழந்தார். பாம்பு அவருடன் உறங்கிக்கொண்டிருந்த உறவினர் ஒருவரையும் அந்த பாம்பு தீண்டியிருக்கிறது. அவர் தற்போது மருத்துவமனையில் கவலைக்கிடமான நிலையில் இருப்பதாகக் கூறப்படுகிறது. இந்தச் சம்பவம் அந்தப் பகுதியில் பெரும் பரபரப்பையும் சோகத்தையும் ஏற்படுத்தியிருக்கிறது. மரணம் சகோதரர்களின் மரணச் செய்தி காட்டுத் தீபோல பரவியதை அடுத்து, அரசு அதிகாரிகள் இது தொடர்பாக ஆய்வு மேற்கொண்டனர். அதைத் தொடர்ந்து முன்னெச்சரிக்கை நடவடிக்கைகளை முடுக்கிவிட்டனர். இந்த நிலையில், அந்த கிராம மக்கள் சிலர் சகோதரர்கள் ஏதோ சாபத்தின் காரணமாக அடுத்தடுத்து பாம்பு தீண்டி இறந்துவிட்டதாக முணுமுணுத்துக்கொண்டிருக்கின்றனர். வகுப்பறையில் மாணவியின் காலைச் சுற்றிய பாம்பு... திக் திக் நிமிடங்கள்; மருத்துவமனையில் சிகிச்சை!
http://dlvr.it/SWCGDy

Read More

கர்நாடக மடத்தில் ராகுல் காந்தி... காங்கிரஸுக்கு `கை’கொடுக்குமா `லிங்காயத்’ கணக்கு?!

முன்னாள் காங்கிரஸ் முதல்வர் சித்தராமையாவின் 75-வது பிறந்தநாள் விழாவில் கலந்துகொள்வதற்காக கர்நாடகா வந்த காங்கிரஸ் மூத்த தலைவர் ராகுல் காந்தி, அங்கிருக்கும் ஶ்ரீ முருகராஜேந்திர மடத்துக்குச் சென்று மடாதிபதிகளிடம் ஆசிபெற்ற சம்பவம் விவாதத்தை ஏற்படுத்தியிருக்கிறது. தொடர்ந்து இந்துத்துவத்தைக் கடுமையாக விமர்சித்துவரும் ராகுல் காந்தி, தேர்தல் பலனுக்காகவே மடத்துக்குச் சென்று வந்திருக்கிறார் எனவும் விமர்சனங்கள் எழுந்திருக்கின்றன.ராகுல் காந்தி``நரேந்திர மோடியைக் கண்டு எனக்கு பயமில்லை..!" - சீறிய ராகுல் காந்தி கர்நாடகாவில் அடுத்த ஆண்டு சட்டமன்றத் தேர்தல் நடைபெறவிருக்கிறது. இந்தத் தேர்தலில் காங்கிரஸ் சார்பில் முதல்வர் வேட்பாளராகக் களம் காண்பதற்கு, முன்னாள் முதல்வர் சித்தராமையாவுக்கும், மாநில காங்கிரஸ் தலைவர் டி.கே.சிவக்குமாருக்கும் இடையே கடுமையான போட்டி நிலவுகிறது. இந்தப் போட்டி மோதலாக வெடித்து, இரு தரப்பு கோஷ்டிப்பூசலாக மாறியிருக்கிறது. இந்தப் பிரச்னைக்கு தீர்வு காண்பதற்காகவும், சித்தராமையாவின் 75-வது பிறந்தநாள் விழாவில் கலந்துகொள்வதற்காகவும் ராகுல் காந்தி நேற்று முன்தினம் (03.08.2022) கர்நாடகா மாநிலத்துக்கு வந்தார். விழாவில் பங்கேற்ற பிறகு, தார்வாடில் நடைபெற்ற முக்கிய நிர்வாகிகள் கூட்டத்தில் பேசிய ராகுல் காந்தி, ``அடுத்த ஆண்டு நடைபெறவிருக்கும் கர்நாடக சட்டமன்றத் தேர்தலில் மொத்தமுள்ள 224 தொகுதிகளில் 150 தொகுதிகளை காங்கிரஸ் கட்சி கைப்பற்ற வேண்டும். தனிப்பெரும்பான்மையுடன் நாம் ஆட்சியமைக்க வேண்டும். மூத்த தலைவர்களும், நிர்வாகிகளும் சேர்ந்து மாநிலம் முழுவதும் சுற்றுப்பயணம் செய்து கட்சிப் பணிகளை தீவிரப்படுத்த வேண்டும். பா.ஜ.க அரசின் ஊழல், சட்ட விரோத நடவடிக்கைகளை மக்களிடம் அம்பலப்படுத்த வேண்டும். எந்தச் சூழ்நிலையிலும் நமது உட்கட்சி விவகாரங்களை பொதுவெளியிலும், ஊடகங்களிலும் பேசக் கூடாது. நமக்குள் இருக்கும் கருத்து முரண்பாடுகளைக் களைந்து, ஒற்றுமையுடன் செயல்பட வேண்டும். முதல்வர் வேட்பாளர் பதவி யாருக்கு என்பது குறித்து சர்ச்சையை ஏற்படுத்தாமல், அனைவரும் ஒற்றுமையாக இருந்து தேர்தல் பணியாற்ற வேண்டும்" என வலியுறுத்திப் பேசினார்.``பாஜக நாட்டை அழிக்கிறது; அரசியலமைப்பின் விதிகளுக்கு எதிராகச் செயல்படுகிறது" - சித்தராமையா காட்டம்மடாதிபதியுடன் ராகுல் காந்தி கூட்டத்தை முடித்துக்கொண்டு டெல்லி திரும்புவதற்குத் தயாராக இருந்த ராகுல் காந்தி, யாரும் எதிர்பாராதவிதத்தில் சித்ரதுர்கா மாவட்டத்திலுள்ள, லிங்காயத் சமூகத்தவர்களுக்குச் சொந்தமான ஶ்ரீ ஜகத்குரு முருகராஜேந்திர மடத்துக்கு (Sri Jagadguru Murugharajendra Vidyapeetha) பயணம் மேற்கொண்டார். அங்கு வழிபாடு நடத்தியவர், அங்கிருந்த மடத்தின் தலைமை மடாதிபதி ஷிவமூர்த்தி முருகு ஷரணரு, ஹாவேரி ஹொசமட சுவாமி உள்ளிட்டோரைச் சந்தித்தார். அப்போது ராகுல் காந்தி, `தான் மடத்துக்கு வந்ததைப் பெருமையாகக் கருதுவதாகவும், குரு பசவண்ணாவின் கொள்கைகளைப் படித்து பின்பற்றிவருவதாகவும், இஷ்டலிங்க தீட்சை, சிவயோகப் பயிற்சி குறித்து தான் கற்க ஆசைப்படுவதாகவும்' தனது விருப்பத்தை வெளிப்படுத்தியிருக்கிறார்.மடத்தில் ராகுல்காந்தி `நாங்கள் தவறு செய்துவிட்டோம்; மன்னித்து விடுங்கள்' - லிங்காயத் மதம் குறித்து கர்நாடக அமைச்சர் சர்ச்சை பேச்சு! அதையடுத்து மடாதிபதி ஷிவமூர்த்தி முருகு ஷரணரு, ராகுல் காந்திக்கு திருநீறு பூசி, தாயத்து அடங்கிய கயிற்றைக் கழுத்தில் அணிவித்தார். அந்தச் சமயத்தில் மற்றொரு துறவியான ஹாவேரி ஹொசமட சுவாமி, ``இங்கு வந்த இந்திரா காந்தி பிரதமரானார்; அதேபோல ராஜீவ் காந்தியும் பிரதமரானார். தற்போது ராகுல் காந்தியும் வந்திருப்பதால் அவரும் நிச்சயம் பிரதமராவார்" எனக் கூறி ஆசீர்வதித்திருக்கிறார். அப்போது, தலைமை மடாதிபதி ஷிவமூர்த்தி முருகு ஷரணரு குறுக்கிட்டு,``தயவுசெய்து இப்படிச் சொல்ல வேண்டாம், அதை மக்கள்தான் முடிவு செய்வார்கள்; இது அரசியல் பேசவேண்டிய இடமல்ல!" என்று கூறியிருக்கிறார். ராகுல் காந்தி மடத்துக்குச் சென்று, துறவிகளிடம் ஆசிபெற்ற சம்பவம் பெரும் பேசுபொருளாகியிருக்கிறது. மேலும், துறவியின் ஆசீர்வாத கருத்து சர்ச்சையை ஏற்படுத்தவும், தலைமை மடாதிபதி ஷிவமூர்த்தி முருகு ஷரணரு, ``மடத்துக்கு யார் வந்தாலும் அவர்களுக்கு ஆசீர்வாதம் வழங்குவது வழக்கமான ஒன்றுதான்" எனக் கூறி விளக்கமளித்திருக்கிறார். மடாதிபதியுடன் ராகுல் காந்தி தேர்தல் வாக்குக்காகத்தான் ராகுல் காந்தி மடத்துக்குச் சென்றாரா? ராகுல் காந்தி சென்ற சித்ரதுர்காவின் ஶ்ரீ ஜகத்குரு முருகராஜேந்திர மடம் லிங்காயத் சமூகத்தவர்களின் பிரதான வழிபாட்டுத்தலம். கர்நாடகாவில் மட்டும் சுமார் 17 சதவிகிதம் பேர் லிங்காயத் சமூகத்தவர்கள் இருக்கின்றனர். இவர்களின் நீண்டகால கோரிக்கையான லிங்காயத்துக்கு தனிமத அந்தஸ்து என்ற அங்கீகாரத்தை, சித்தராமையா தலைமையிலான காங்கிரஸ் அரசாங்கம்தான் அளித்தது என்றாலும்கூட பெரும்பாலானவர்கள் பா.ஜ.க-வை ஆதரிப்பவர்களாக இருக்கின்றனர். அதற்கு மிக முக்கியக் காரணம், கர்நாடகாவில் பா.ஜ.க-வை வளர்த்தெடுத்து, மூன்று முறை பா.ஜ.க முதல்வராகப் பதவியில் இருந்த பி.எஸ்.எடியூரப்பா. அவரும் லிங்காயத் சமூகத்தைச் சேர்ந்தவர். அவருக்குப் பின்னர் முதல்வராகப் பொறுப்பேற்றிருக்கும் பசவராஜ் பொம்மையும் லிங்காயத் சமூகத்தைச் சேர்ந்தவர்தான்.கர்நாடகா: ``காங்கிரஸ் ஏன் 50% மக்களைப் புறக்கணிக்கிறது?" -சொந்தக் கட்சியையே சாடிய காங்கிரஸ் செயலாளர் கர்நாடகா சட்டமன்றம் இந்தச் சூழ்நிலையில், அடுத்த ஆண்டு கர்நாடகா சட்டமன்றத் தேர்தல் நடைபெறவிருப்பதால், தேர்தலில் முக்கிய ஓட்டுவங்கியாக இருக்கும் லிங்காயத் சமூகத்தினரை பா.ஜ.க., காங்கிரஸ் என இரண்டு கட்சிகளுமே குறிவைத்துள்ளன. அந்த நோக்கத்துக்காகத்தான் ராகுல் காந்தி லிங்காயத் மடத்துக்குச் சென்று ஆசிபெற்று வந்திருப்பதாக மற்ற கட்சிகள் விமர்சனம் செய்துவருகின்றன. ராகுலின் இந்தப் பயணம் `கை’ கொடுக்குமா என்பதைத் தேர்தல் வரை பொறுத்திருந்துதான் பார்க்க வேண்டும்!
http://dlvr.it/SWCGBS

Read More

மும்பை: ஐசிஐசிஐ வங்கியின் பணம் சேமிப்பு கிடங்கின் ஏ.சி.ஓட்டை வழியாக ரூ.12 கோடியை திருடிய ஊழியர்!

ஐசிஐசிஐ வங்கிக்கு மும்பை அருகில் உள்ள டோம்பிவலி என்ற இடத்தில் பணத்தை சேமித்து வைத்திருப்பதற்காக ஒரு மையம் இருக்கிறது. டோம்பிவலி மற்றும் அதனை சுற்றியுள்ள அனைத்து பகுதிக்கும் ஏ.டி.எம். மற்றும் வங்கி கிளைகளுக்கு இங்கிருந்துதான் பணம் கொண்டு செல்லப்படுவது வழக்கம். இந்த மையத்தில் பணம் லாக்கரில் வைக்கப்பட்டு இருந்தது. இதன் பாதுகாப்புக்கு எப்போதும் இரண்டு பேர் பணியில் இருப்பது வழக்கம். இந்நிலையில் கடந்த சில நாள்களுக்கு முன்பு இங்கு பொருத்தப்பட்டு இருந்த கண்காணிப்பு கேமராவின் செயல்பாட்டில் சிக்கல் இருப்பதை ஊழியர்கள் கண்டுபிடித்தனர். உடனே இது குறித்து வங்கியின் தலைமை மேலாளர் தீபக் பதக் டெக்னிக்கல் அணிக்கு தகவல் கொடுத்தார். அவர்கள் வந்து சோதித்து பார்த்த போது ஹார்டு டிஸ்க் காணாமல் போய் இருந்தது. அதோடு கடந்த சில நாள்களுக்கான வீடியோ அழிக்கப்பட்டு இருந்தது. இதனால் சந்தேகம் அடைந்த அதிகாரிகள் உடனே பணத்தை முழுமையாக எண்ணிப்பார்த்த போது ரூ.34 கோடி காணாமல் போய் இருந்தது. இதையடுத்து பணம் இருந்த அறை முழுமையாக சோதித்து பார்த்த போது ஏ.சி.ஓட்டை வழியாக பணம் கொண்டு செல்லப்பட்டு இருந்தது தெரிய வந்தது. சித்தரிப்புபடம் ஏசியை கழற்றிவிட்டு அதன் வழியாக பணத்தை கொண்டு சென்றுள்ளனர். அதோடு வங்கியின் பண பாதுகாவலராக பணியில் இருந்த அல்தாப் ஷேக் காணாமல் போய் இருந்தார். இருவரில் ஒருவர் விடுமுறையில் இருந்ததால் ஷேக் மட்டும் இரண்டு நாள் தனியாக பணியில் இருந்த போது இக்காரியத்தில் ஈடுபட்டுள்ளார். கட்டடம் முழுக்க சோதித்து பார்த்த போது சாக்குமூட்டையில் கட்டி ரூ.22 கோடியை கட்டடத்தின் படிக்கட்டில் போட்டு அதன் மீது தார்பாயை போட்டு வைத்திருந்தனர். இதனால் அந்த பணம் மீட்கப்பட்டது. ரூ.12 கோடி திருடப்பட்டு இருந்தது. இது குறித்து போலீஸார் வழக்கு பதிவு செய்து ஷேக்கை தேடி வந்தனர். தீவிர தேடுதலுக்கு பிறகு ஷேக்கும், இத்திருட்டுக்கு உதவிய 3 பேரும் கைது செய்யப்பட்டுள்ளனர். அவர்களிடமிருந்து ரூ.5.8 கோடி மட்டும் பறிமுதல் செய்யப்பட்டுள்ளது. எதற்காக 22 கோடியை அப்படியே விட்டுச்சென்றனர் என்ற மர்மம் நீடித்து வருகிறது. அதோடு எஞ்சிய பணத்தை மீட்க நடவடிக்கை எடுக்கப்பட்டுள்ளது.
http://dlvr.it/SV7TJf

Read More

குரங்கு அம்மை: கேரளாவில் மேலும் ஒருவருக்கு பாதிப்பு; மருத்துவமனைகளில் தயாராகும் தனிமை வார்டுகள்!

கொரோனா நோய்த்தொற்றைப் போன்று குரங்கு அம்மை நோயும் இந்தியாவில் முதன்முதலில் கேரளாவில் பரவியுள்ளது. கடந்த 12-ம் தேதி துபாயில் இருந்து விமானம் மூலம் கேரளா வந்த கொல்லத்தைச் சேர்ந்த 35 வயதுள்ள இளைஞருக்கு குரங்கு அம்மை நோய் கண்டறியப்பட்டது. அவரது மாதிரிகள் புனேயில் உள்ள மத்திய வைராலஜி இன்ஸ்டிடியூட் பரிசோதனைக் கூடத்தில் ஆய்வு செய்யப்பட்டு கடந்த 14-ம் தேதி முடிவு வெளியானது. அந்த முடிவு வெளியான பிறகே அவருக்கு குரங்கு அம்மை பாதித்தது கண்டறியப்பட்டது. இதையடுத்து அவர் திருவனந்தபுரம் மருத்துவக்கல்லூரி மருத்துவமனையில் சிகிச்சைபெற்று வருகிறார். அவருடன் விமானத்தில் வந்த 11 பேர், அவரின் குடும்பத்தினர் மற்றும் திருவனந்தபுரம் விமானநிலையத்தில் இருந்து அவரை கொல்லத்துக்கு காரில் அழைத்துச் சென்ற டிரைவர் உள்ளிட்டவர்கள் தனிமைபடுத்தப்பட்டுள்ளனர்.பரிசோதனை இதையடுத்து கேரளாவின் அனைத்து விமான நிலையங்களிலும் குரங்கு அம்மை நோய் பரிசோதனை மையங்கள் ஏற்படுத்தப்பட்டு பயணிகள் தனித்தனியாக கண்காணிக்கப்பட்டு வருகின்றனர். இந்த நிலையில் துபாயில் இருந்து கடந்த 13-ம் தேதி கேரளா வந்த கண்ணூரைச் சேர்ந்த 31 வயது இளைஞருக்கு குரங்கு அம்மை நோய் பாதித்து இருப்பது நேற்று கண்டறியப்பட்டது. அவர் பரியாரம் பகுதியில் உள்ள மருத்துவக்கல்லூரி மருத்துவமனையில் சிகிச்சைக்காக சேர்க்கப்பட்டுள்ளார். அவருடன் தொடர்பில் இருந்தவர்கள் தனிமைப்படுத்தப்பட்டுள்ளனர். இந்தச் சூழ்நிலையில் கொரோனா நேரத்தில் கேரளாவில் ஏற்படுத்தப்பட்ட ஆர்.டி.பி.சி.ஆர் பரிசோதனை மையங்களை குரங்கு அம்மை ஆய்வுக்கூடங்களாக மாற்ற கேரள சுகாதாரத்துறை முடிவு செய்துள்ளது. இதுபற்றி கேரள சுகாதாரத்துறை அமைச்சர் வீணா ஜார்ஜ் கூறுகையில், ``கொரோனா காலகட்டத்தில் கேரளத்தில் அரசு சார்பில் ஆர்.டி.பி.சி.ஆர் பரிசோதனைக்காக 28 ஆய்வுக்கூடங்கள் ஏற்படுத்தப்படிருந்தன. அதில் முதற்கட்டமாக ஆலப்புழாவில் உள்ள ஆய்வுக்கூடம் குரங்கு அம்மை நோய்க்கான சாம்பிள்கள் பரிசோதனை செய்யும் பரிசோதனை நிலையமாக மாற்றப்படும். அதற்காக புனேயில் உள்ள மத்திய ஆய்வுக்கூடத்தில் இருந்து கிட்கள் உடனடியாக வரவழைக்கப்படும். மாநிலம் முழுவதும் குறிப்பிட்ட மருத்துவமனைகளில் தனிமை வார்டுகள் தயார் நிலையில் உள்ளன" என்றார்.கேரள சுகாதாரத்துறை அமைச்சர் வீணா ஜார்ஜ்குரங்கு அம்மை: இந்தியாவில் முதன்முதலாக கேரளாவில், கொல்லம் இளைஞருக்கு சிகிச்சை; அறிகுறிகள் அலர்ட்! கேரளத்தில் குரங்கு அம்மை பாதிப்பைத் தொடர்ந்து மத்திய சுகாதார குழுவினர் கடந்த மூன்று நாள்களாக நேரில் ஆய்வு மேற்கொண்டனர். இறுதியாக சுகாதாரத்துறை அமைச்சர் வீணா ஜார்ஜை சந்தித்து ஆலோசனை நடத்தினர். இந்த சந்திப்பின்போது கேரளாவில் குரங்கு அம்மை நோய்க்கான முன்னெச்சரிக்கை நடவடிக்கைகள் திருப்திகரமாக உள்ளது எனத் தெரிவித்ததாக சுகாதாரத்துறை அமைச்சரின் செய்திகுறிப்பில் கூறப்படுள்ளது.
http://dlvr.it/SV7SnY

Read More

நீட் தேர்வு: "என் மகளின் உள்ளாடைகளை அகற்றச் சொன்னார்கள்!"- மாணவியின் தந்தை போலீசில் புகார்

ஜூலை 17ம் தேதி (ஞாயிற்றுக்கிழமை), இந்தியா முழுவதும் மருத்துவப் படிப்பிற்கான நீட் நுழைவுத் தேர்வு பல்வேறு கட்டுப்பாடுகளுடன் நடைபெற்றது. இந்நிலையில் கேரளா மாநிலம் கொல்லம் மாவட்டத்திலுள்ள ஆயூரைச் சேர்ந்த 'Marthoma Institute of Information and Technology' கல்லூரியின் நீட் தேர்வு மையத்தில் மாணவிகளின் உள்ளாடைகளை அகற்ற வற்புறுத்தியதாகவும், உள்ளாடைகளில் உலோக ஹூக் இருப்பதால் அனுமதி மறுக்கப்பட்டதாகவும் பாதிக்கப்பட்ட மாணவியின் தந்தை போலீசில் புகார் அளித்துள்ளார். இந்தக் கடுமையான நடவடிக்கைகளின் காரணமாக மன உளைச்சலுக்கு ஆளான தன் மகளால் சரியாகத் தேர்வு எழுத முடியவில்லை என்று குற்றம் சாட்டியுள்ளார்.புகார் கடிதம் இது பற்றி விரிவாக அவரது போலீஸ் புகாரில், "17.7.2022 அன்று கேரளா மாநிலம் ஆயூரைச் சேர்ந்த 'Marthoma Institute of Information and Technology' கல்லூரி நீட் தேர்வு மையத்தில் எனது மகள் நீட் தேர்வு எழுதச் சென்றார். அப்போது தேர்வு அதிகாரிகள் என் மகளின் உள்ளாடைகளை அகற்ற வேண்டும் என்று கூறியுள்ளனர். ஆனால் NTA-வின் நெறிமுறைகளில் 'Dress Code' பற்றிக் குறிப்பிட்டிருந்தாலும், இது பற்றிய விவரங்கள் அதில் குறிப்பிடவில்லை. எனவே என் மகள் முடியாது என்று மறுத்துள்ளார். இல்லையென்றால் தேர்வு எழுத அனுமதிக்க முடியாது என்று தேர்வு அதிகாரிகள் கூறியுள்ளனர். இந்தப் பிரச்னை என் மகளுக்கு மட்டும் நடக்கவில்லை. அங்குத் தேர்வு எழுதிய நிறைய மாணவிகள் இந்த நெருக்கடிகளைச் சந்தித்தனர். இதனால் பலர் இதை எண்ணிக் கண்ணீர்விட்டு அழுதனர். பின்னர்தான் தெரிய வந்தது மாணவிகளின் உடையிலிருந்த உலோக ஹூக்தான் இதற்குக் காரணம் என்று. அதன்பின் மாணவிகள் தேர்வெழுத அனுமதிக்கப்பட்டார்கள். ஆனால், தேர்வு அதிகாரிகளின் கடுமையான நடவடிக்கைகள் மாணவிகளுக்கு பெரும் மன உளைச்சலைத் தந்தது. இதனால் மாணவிகளால் சரியாகத் தேர்வு எழுதமுடியில்லை" என்று குற்றம் சாட்டியிருக்கிறார்.
http://dlvr.it/SV7Shh

Read More

4 மாதக் குழந்தையை 3-வது மாடியிலிருந்து வீசிக் கொன்ற குரங்குகள்! - உபி-யில் அதிர்ச்சி

உத்தரப்பிரதேச மாநிலம், பரேலி மாவட்டம், துங்கா பகுதியில் வசித்துவரும் நபர் ஒருவர் தனது வீட்டின் மூன்றாவது மாடியில் தன்னுடைய 4 மாத ஆண் குழந்தையைக் கையில் வைத்தபடி நின்றுக்கொண்டிருந்திருக்கிறார். அந்தப் பகுதியில் பொதுவாகவே குரங்குகள் நடமாட்டம் அதிகம் எனக் கூறப்படுகிறது. இந்த நிலையில், கையில் குழந்தையை வைத்துக் கொண்டிருந்த அந்த நபரைப் பார்த்த குரங்குகள், கூட்டமாக அவரை நோக்கி வந்திருக்கின்றன. பின்னர் அவரைப் பார்த்து சத்தமிட்டிருக்கின்றன. அதைக் கண்டு அச்சமடைந்த அந்த நபர், கத்திக் கூச்சலிட்டிருக்கிறார். அவர் குரல் கேட்டு வீட்டிலிருந்தவர்கள் மாடிக்கு வந்திருக்கின்றனர். ஆனால், அதற்குள்ளாக அந்த நபரை தாக்கி அவரிடமிருந்த குழந்தையைப் பறித்த குரங்குகள், அதை மூன்றாவது மாடியிலிருந்து கீழே போட்டிருக்கின்றன.குரங்கு- கோப்பு படம் அதில் குழந்தை சம்பவ இடத்திலேயே உயிரிழந்தது. குரங்குகளின் செயலைக் கண்டு அதிர்ச்சியடைந்த குடும்ப உறுப்பினர்கள் அவற்றை விரட்ட முற்பட்டிருக்கின்றனர். ஆனால், குரங்குகள் அவர்களையும் தாக்கியிருக்கின்றன. இந்தச் சம்பவம் அந்தப் பகுதியில் பெரும் பரபரப்பை ஏற்படுத்தியது. தகவலறிந்து சம்பவ இடத்துக்கு விரைந்த பரேலி தலைமை வனப் பாதுகாவலர் லலித் வர்மா, இந்தச் சம்பவம் குறித்து புகார் அளிக்கப்பட்டிருப்பதாகவும், குரங்குகளைப் பிடிக்க நடவடிக்கை மேற்கொள்ளப்பட்டு வருவதாகவும் தெரிவித்தார்.ஓரினச் சேர்க்கை: குரங்கு அம்மை அலெர்ட்- சமாளிப்பாரா எடப்பாடி?பெரியார் பல்கலை சர்ச்சை|விகடன் ஹைலைட்ஸ்
http://dlvr.it/SV4kxJ

Read More

நர்மதா ஆற்றில் கவிழ்ந்து விபத்துக்குள்ளான அரசுப் பேருந்து; 13 பலி... மபி-யில் சோகம்!

மத்தியப் பிரதேச மாநிலத்தில் ஆக்ரா-மும்பை நெடுஞ்சாலையில் இன்று இந்தூரிலிருந்து காலை 7:30 மணிக்கு புறப்பட்ட பஸ் புனே நோக்கிச் சென்றுகொண்டிருந்தது. அந்த பஸ்ஸில் 30 பயணிகள்வரை இருந்தனர். கால்கட் என்ற இடத்தில் நர்மதா ஆற்றின்மீது பஸ் சென்றபோது, பாலத்தின் தடுப்பை உடைத்துக்கொண்டு ஆற்றில் விழுந்தது. விபத்து குறித்து தகவல் கிடைத்ததும் மீட்புக்குழுவினர் விரைந்து செயல்பட்டு மீட்புப்பணியில் ஈடுபட்டனர். ஆற்றிலிருந்து பஸ் மீட்கப்பட்டது. பஸ் மீட்கப்படுகிறது தார் மாவட்ட ஆட்சித் தலைவர் மேற்பார்வையில் பேரிடர் மேலாண்மைக் குழுவினர் இந்த மீட்புப்பணியில் ஈடுபட்டனர். ஆனாலும் பஸ்ஸில் பயணம்செய்த 13 பேர் நீரில் மூழ்கி உயிரிழந்துவிட்டனர். உயிருடன் மீட்கப்பட்டவர்கள் மருத்துவமனையில் சேர்க்கப்பட்டிருக்கின்றனர். இது குறித்து மத்தியப் பிரதேச முதல்வர் சிவ்ராஜ் சிங் சவுகான், ``விபத்தில் காயமடைந்தவர்களுக்குத் தேவையான சிகிச்சை அளிக்கும்படி கேட்டுக்கொள்ளப்பட்டிருக்கிறது. விபத்துப் பகுதியில் மாவட்ட நிர்வாகம் முகாமிட்டிருக்கிறது. இன்னும் சிலரைக் காணவில்லை. அவர்களை மீட்புக் குழுவினர் தேடி வருகின்றனர்" என்று தெரிவித்தார். உயிரிழந்தவர்களின் குடும்பத்தினருக்குப் பிரதமர் நரேந்திர மோடி அனுபாதம் தெரிவித்திருக்கிறார். நரேந்திர மோடி விபத்துக்குள்ளான பஸ் மகாராஷ்டிரா அரசுப் போக்குவரத்துக் கழகத்துக்குச் சொந்தமானதாகும். எனவே விபத்தில் உயிரிழந்தவர்களின் குடும்பத்தினருக்கு தலா 10 லட்சம் ரூபாய் வழங்கப்படும் என்று மகாராஷ்டிரா முதல்வர் ஏக்நாத் ஷிண்டே தெரிவித்திருக்கிறார். விபத்துக்குள்ளான பஸ் 10 ஆண்டுகளைக் கடந்தது என்று ஆரம்பக்கட்ட விசாரணையில் தெரியவந்திருக்கிறது. நாக்பூரில் பதிவுசெய்யப்பட்ட இந்த பஸ்ஸின் தகுதிச் சான்று வரும் 27-ம் தேதிதான் முடிவடைகிறது. மகாராஷ்டிராவிலிருந்து வெளிமாநிலங்களுக்கு இயக்கப்படும் பஸ்கள் மிகவும் பழையதாக இருப்பதாக ஏற்கெனவே குற்றச்சாட்டு எழுந்திருக்கிறது என்பது குறிப்பிடத்தக்கது. ராமநாதபுரம்: நடுக்கடலில் படகு கவிழ்ந்து விபத்து; ஒரே குடும்பத்தைச் சேர்ந்த இரு மீனவர்கள் உயிரிழப்பு!
http://dlvr.it/SV4ktY

Read More