மகளை விஷ ஊசி போட்டுக் கொல்ல ரூ.10 லட்சம்... போலீஸை அதிரவைத்த தந்தையின் `பகீர்' வாக்குமூலம்!

உத்தரப்பிரதேச மாநிலம், மீரட்டில் வசிக்கும் 17 வயது சிறுமி ஒருவர் மொட்டை மாடியில் விளையாடிக்கொண்டிருந்தார். அப்போது குரங்குகள் கூட்டம் வரவே, அங்கிருந்து தன்னை காத்துக்கொள்ளக் கீழே குதித்ததாகக் கூறப்படுகிறது. அதில் அவருக்கு காலில் எலும்பு முறிவு ஏற்பட்டிருக்கிறது. உடனே மீரட்டில் உள்ள கன்கெர்கெடா பகுதி மருத்துவமனையில் அவர் அனுமதிக்கப்பட்டார். முதலுதவி முடிந்து மூன்று நாள்களுக்குப் பிறகு, பல்லவ்புரத்தில் உள்ள வேறு மருத்துவமனைக்கு மாற்றப்பட்டார். அங்கு அந்த சிறுமியைக் கொலைசெய்ய அவர் தந்தை திட்டமிட்டிருக்கிறார். அதற்காக அந்த நபர் மருத்துவமனையில் கம்பவுண்டராக பணிபுரியும் தன் பக்கத்து வீட்டுக்காரரை உதவிக்கு அழைத்துள்ளார்.தந்தை - மகள் சரியாக தன் மகளைக் கொன்றுவிட்டால் 10 லட்சம் ரூபாய் தருவதாகக் கூறிய அந்த நபர், அதற்கு முன்பணமாக ரூ.1 லட்சத்தை அந்த கம்பவுண்டருக்கு வழங்கியுள்ளார். அதைத் தொடர்ந்து, சிறுமி அனுமதிக்கப்பட்டிருந்த மருத்துவமனையில் செவிலியர்கள் உதவியுடன் டாக்டர் போல வேடமணிந்து உள்ளே சென்ற கம்பவுண்டர், விஷ ஊசி செலுத்தியுள்ளார். ஆனால் அவர் திரும்பி வரும்போது மருத்துவமனை ஊழியர்களிடம் சிக்கியிருக்கிறார். மருத்துவர்கள் காவல்துறையினருக்குத் தகவல் தெரிவித்து கம்பவுண்டரை அவர்களிடம் ஒப்படைத்துள்ளனர். அதன் பின்பு சிசிடிவி-யில் சோதனை செய்தபோது அவர் ஊசி போடுவது பதிவாகியிருக்கிறது.ஊசி இந்த நிலையில், பாதிக்கப்பட்ட சிறுமியின் தந்தை, கம்பவுண்டருக்கு உதவிய செவிலியர் மற்றும் இருவர் என 4 பேரை காவல்துறையினர் கைதுசெய்தனர். இது தொடர்பான விசாரணையின்போது பாதிக்கப்பட்ட சிறுமியின் தந்தை அளித்த வாக்குமூலம் அனைவரையும் அதிர்ச்சிக்குள்ளாக்கியது. விசாரணையில், சிறுமி ஜிம் ட்ரைனர் ஒருவரைக் காதலித்து வந்திருக்கிறார். இதைப் பலமுறை தந்தை கண்டித்தும் சிறுமி கண்டுகொள்ளவில்லை எனக் கூறப்படுகிறது.கைது அதனால், தன் மகளைக் கொலைசெய்யக் காத்திருந்ததாகவும், சமயம் கிடைத்தபோது அதைப் பயன்படுத்திக்கொண்டதாகவும் சிறுமியின் தந்தை தெரிவித்திருக்கிறார். அதைத் தொடர்ந்து குற்றவாளிகள்மீது IPC பிரிவுகள் 307 (கொலை முயற்சி) மற்றும் 328 (தாமாக முன்வந்து காயப்படுத்துதல்) ஆகிய பிரிவுகளின் கீழ் வழக்கு பதிவுசெய்யப்பட்டது. விஷ ஊசி செலுத்தப்பட்ட சிறுமிக்கு சிகிச்சை அளிக்கப்பட்டுவருகிறது. உயிருக்கு ஆபத்தில்லை என மருத்துவர்கள் நம்பிக்கை தெரிவித்துள்ளனர். இந்தச் சம்பவம் அந்தப் பகுதியில் அதிர்ச்சியை ஏற்படுத்தியிருக்கிறது.ரயில் நிலையத்தில் அமர்ந்திருந்தவர் அடித்துக் கொலை! - கைதான இளைஞர் பகீர் வாக்குமூலம்
http://dlvr.it/SWGxBQ

Read More

5ஜி அலைக்கற்றை விவகாரத்தில் சிபிஐ விசாரணை தேவை: நாராயணசாமி

புதுச்சேரியில் ரங்கசாமி கட்சியை உடைத்து பாஜக ஆட்சி அமைக்கும் வேலையில் இறங்கியுள்ளது என நாராயணசாமி குற்றம்சாட்டியுள்ளார். புதுச்சேரி மாநில முன்னாள் முதல்வர் நாராயணசாமி இன்று செய்தியாளர்களை சந்தித்தார் அப்போது அவர் பேசம்போது... 5 ஜி அலைக்கற்றை ஏலத்தில் 1 லட்சத்து 50 ஆயிரம் கோடி ரூபாய் வருவாய் கிடைத்துள்ளது. மீதமுள்ள 3 லட்சம் கோடி ரூபாய் ஏன் அரசுக்கு வருவாய் வரவில்லை. இதற்கு பிரதமர் என்ன பதில் சொல்லப்போகிறார். தோராயமாக 3 லட்சம் கோடி ரூபாய் நஷ்டம் ஏற்பட்டுள்ளதாக கூறும் பிரதமர் மோடி, இதில் சிபிஐ விசாரணை நடத்தத் தயாரா? 5 ஜி அலைக்கற்றை விவகாரத்தில் மத்திய அரசு உடனடியாக சிபிஐ விசாரணையை தொடங்க வேண்டும். புதுச்சேரி மாநில திட்டக்குழு கூட்டம் முடிந்து இந்தாண்டுக்கு ரூ.11 ஆயிரம் கோடிக்கு பட்ஜெட் போட நிர்ணயம் செய்யப்பட்டது. பட்ஜெட்டுக்கு ஒப்புதல் வழங்கும் கோப்பை, ஒரு மாதத்திற்கு முன்பு மத்திய அரசுக்கு அனுப்பியும் இதுவரை மத்திய அரசு ஒப்புதல் அளிக்கவில்லை. இதுவரை ஒப்புதல் பெறாத பட்ஜெட்டை எப்படி முதல்வர் ரங்கசாமி வரும் 10-ஆம் தேதி கூடவுள்ள பட்ஜெட் கூட்டத் தொடரில் தாக்கல் செய்வார். காங்கிரஸ் ஆட்சி காலத்திலும் பட்ஜெட்டிற்கு ஒப்புதல் அளிக்க மத்திய அரசு காலதாமதமாக்கியது. இது ரங்கசாமி ஆட்சியிலும் தொடர்கிறது. ஆட்சி மாறினாலும் காட்சி மாறவில்லை. மத்திய அரசுடன் இணக்கமாக உள்ள ரங்கசாமி, பட்ஜெட்டிற்கு மத்திய அரசு கூடுதல் நிதி ஒதுக்கீடு செய்யுமா? அதை ரங்கசாமிதான் கேட்டு பெறுவாரா? இதற்கு ரங்கசாமி பதில் சொல்லியாக வேண்டும். பீகாரை தொடர்ந்து புதுச்சேரியில் ரங்கசாமி கட்சியை உடைத்து பாஜக ஆட்சி அமைக்கும் வேலையில் இறங்கியுள்ளது. ரங்கசாமியை, மோடியும், அமித் ஷாவும், வீட்டுக்கு அனுப்பும் காலம் விரைவில் வரும். கூட்டணி கட்சியை குழித்தோண்டி புதைக்கும் வேலையை பாஜக செய்கிறது. அது புதுச்சேரியில் விரைவில் அரங்கேறும்" என நாராயணசாமி தெரிவித்தார்.
http://dlvr.it/SWGPrz

Read More

ஆர்.எஸ்.எஸ் நிகழ்ச்சியில் கலந்துகொண்ட சி.பி.எம் மேயர்... கட்சிக்குள் கிளம்பிய எதிர்ப்பு!

ஆர்.எஸ்.எஸ்-ன் பரிவார் அமைப்பான பாலகோகுலம் சார்பில் கிருஷ்ண ஜெயந்தி விழா ஆண்டுதோறும் கொண்டாடப்பட்டு வருகிறது. கேரள மாநிலத்தில் ஒவ்வொரு பகுதியிலும் நடைபெறும் பாலகோகுலம் நிகழ்ச்சியில் சிறுவர்கள் கிருஷ்ணர், ராதை வேடங்களில் கலந்துகொள்வார்கள். இந்த நிலையில், பாலகோகுலம் அமைப்பின் சார்பில் கோழிக்கோட்டில் நடைபெற்ற 'பாலகோகுலம் ஸ்வத்வ 2022' என்ற மகளிர் மாநாட்டில் கோழிக்கோடு மாநகராட்சி மேயரான சி.பி.எம் கட்சியைச் சேர்ந்த பீனா பிலிப் கலந்துகொண்டார். அந்த நிகழ்ச்சியில் பேசிய பீனா பிலிப், ``குழந்தைகளைப் பராமரிப்பதில் வட இந்தியாவைவிட கேரளா பின் தங்கியிருக்கிறார்" எனக் கூறினார். இது சி.பி.எம் கட்சி நிர்வாகிகளுக்கு அதிருப்தியை ஏற்படுத்தியிருக்கிறது. மேலும், பீனா பிலிப்புக்கு வெளிப்படையாகவே எதிர்ப்பு தெரிவித்திருக்கிறது சி.பி.எம் கட்சித் தலைமை.பாலகோகுலம் நிகழ்சியில் பீனா பிலிப் இது குறித்து கோழிக்கோடு மாவட்ட சி.பி.எம் செயலாளர் பி.மோகனன், ``கோழிக்கோடு மாநகராட்சி மேயர் பீனா பிலிப் ஆர்.எஸ்.எஸ் கட்டுப்பாட்டிலுள்ள ஒரு அமைப்பு நடத்திய நிகழ்ச்சி மேடையில் கலந்துகொண்டு பேசியது சரியான செயல்பாடு இல்லை. மேயரின் இந்த செயல் சி.பி.எம் கட்சியின் நிலைபாட்டுக்கு முரணானது. சி.பி.எம் இதை ஒரு விதத்திலும் அங்கீகரிக்காது... அனுமதிக்காது. எனவேதான் மேயரின் நிலைபாட்டை பகிரங்கமாக நிராகரிக்க சி.பி.எம் முடிவுசெய்திருக்கிறது" என்றார்.நிகழ்ச்சியில் பேசும் பீனா பிலிப் பாலகோகுலம் நிகழ்ச்சியில் கலந்துகொண்டதற்கு எதிர்ப்புக் கிளம்பியதை அடுத்து விளக்கமளித்த மேயர் பீனா பிலிப், "அந்த நிகழ்ச்சியில் கலந்துகொண்டு கிருஷ்ணர் சிலைக்கு மாலை அணிவித்தேன். இதை மதம் என்ற ரீதியில் நான் பார்க்கவில்லை. மகளிர் கலந்துகொண்ட கூட்டத்தில் பேச வேண்டும் என அவர்கள் கூறியதால் நான் அதை மறுக்கவில்லை. பிரிவினைவாத நிகழ்ச்சிகளில் கலந்துகொள்ளக்கூடாது என கட்சி கூறியிருக்கிறது. ஆனால், அம்மாக்களின் கூட்டமைப்பாக அதை நான் பார்த்தேன். இங்கு கூடியிருப்பவர்கள் தேவகியும், யசோதாக்களுமா என தமாசாக கேட்டேன். பாலகோகுலம் என்பது ஆர்.எஸ்.எஸ் அமைப்பைச் சார்ந்த அமைப்பு என்பது எனக்குத் தெரியும். ஆனால் அது ஆர்.எஸ்.எஸ் அமைப்பின் பரிவார் அமைப்பு என்பது எனக்குத் தெரியாது. குழந்தைகளை பராமரிப்பதில் வட இந்தியா நன்றாக உள்ளது என்பது எனக்கு அங்குள்ள நண்பர்கள் மூலம் தெரியவந்தது. எனவே அனைத்து குழந்தைகளையும் கிதுஷ்ணரைப் போல பார்த்து வளர்க்க வேண்டும் என அந்தக் கூட்டத்தில் பேசினேன். எடிட் செய்யாத எனது முழுபேச்சை கேட்டால் உண்மை தெரியவரும்" என்றார். மரணத்தின் விளிம்பில் தம்பி; ரூ.46 கோடி நிதி திரட்டிய சிறுமி மரணம் - இது கேரளா துயரம்!
http://dlvr.it/SWGPMn

Read More

”நேரத்தை வீணடிக்காமல் வாழுங்கள்” - உலகைச் சுற்றும் மாற்றுத்திறனாளி பெண்ணின் நம்பிக்கை கதை!

கடினமான குறைபாட்டுடன் பிறந்த சார்லி ரூசே என்ற 25 வயது இளம்பெண் தற்போது உலகையே சுற்றிக் கொண்டிருக்கிறார். கனடா நாட்டைச் சேர்ந்த இந்த சார்லி ரூசேவிற்கு ஒரு கையும், பாதி கால்களுமே உள்ளன. இது முறையற்ற கருக்கலைப்பால் ஏற்பட்ட நிலை என்றும் தெரிவிக்கப்பட்டிருக்கிறது. எத்தனை தடைகள் வந்தாலும் தன்னை சாதாரணமாக பிறந்த குழந்தை போன்றும், சாதாரண மனிதரை போன்றே நினைத்துக் கொள்வதாக சார்லி ரூசே கூறியிருக்கிறார். ஆனால் டீனேஜ் பருவத்தை அடையும் போது அவரால் தனது குறைபாடுகள் குறித்து நினைக்காமல் இருக்க முடியவில்லை என FEMAIL செய்தியிடம் கூறியிருக்கிறார். சார்லியின் அம்மாவிற்கு முறையாக கருக்கலைப்பு செய்யாததால் சிசுவை தாங்கும்படி பெற்றோரிடம் மருத்துவர்கள் தரப்பில் தெரிவிக்கப்பட்டிருக்கிறது. தொடர்ந்து பேசியவர், "இந்த விவகாரத்தை நீதிமன்றத்திற்கு எடுத்துச் சென்றிருக்கலாம். ஆனால் கனடாவின் சிறிய நகரத்தில் வசித்து வருவதால் அதனை மேற்கொண்டு பரிசீலிக்க அவர்கள் விரும்பவில்லை. டீனேஜ் பருவம் வருவதற்கு முன் தன்னுடைய நிலை என்னவாக இருக்கிறது என சார்லி அறிந்திருக்கவில்லை எனக் கூறியிருக்கிறார். ஆனால் தற்போது தனது உடலை எண்ணி எந்த கவலையும் கொள்வதில்லை என்றும், தனது உடலமைப்பை வசதியாகவே கருதுவதாக தெரிவித்துள்ளார். “என் பெற்றோர் என்னை சாதாரண பள்ளிக்குதான் அனுப்பினார்கள். எனக்கு எல்லோருக்கும் இருப்பதை போல சாதாரண நண்பர்கலே இருந்தார்கள். ஆண்களுடன் டேட்டிங் மற்றும் ஃபேன்ஸிங் செய்வதில் எனக்கு ஆர்வம் வந்ததும் தான், நான் உண்மையில் என் இயலாமையை ஏற்றுக்கொண்டேன்." என்று அவர் கூறினார். "ஆண்கள் என்னை முத்தமிட முயலும் போது அவர்கள் கீழே குனிய வேண்டியிருந்தது, எனக்கு எப்போதாவது ஒரு ஆண் நண்பன் இருப்பான் என்று நான் உண்மையிலேயே நினைத்து பார்த்துக்கொள்வேன்?" எனவும் சார்லி குறிப்பிட்டார். ஆனால் சார்லி ரூசே தற்போது வெற்றிகரமான ரேடியோ ஜாக்கியாக இருந்து வருகிறார். இதன் மூலம் மெக்சிகோ, ஆஸ்திரேலியா, லண்டன் என பல நாடுகளுக்கும் சார்லி பயணம் செய்திருக்கிறார். நான் எங்கு சென்றாலும் அனைவராலும் விரும்பப்படும் நபராகவே இருக்கிறேன். எந்த பேதமும் இல்லாமல் உடனடியாக உதவுகிறார்கள். உங்கள் வாழ்க்கையை வாழுங்க. நேரத்தை வீணடித்துக் கொள்ளாதீர்கள் எனவும் பலருக்கு அறிவுறுத்தியுள்ளார். முன்னதாக சார்லி ரூசே இன்ஸ்டாகிராம் மற்றும் டிக்டாக் தளத்தில் தன்னுடைய பயணங்கள் குறித்த ஆவணங்களை பதிவு செய்து வருகிறார்.
http://dlvr.it/SWFsFh

Read More

காதலிக்கு பேன் பார்த்த காதலன்.. இதுதான் உண்மையான காதல் என கொண்டாடும் நெட்டிசன்ஸ்!

காதலர்கள் டேட்டிங் செய்வது தொடர்பான பல வேடிக்கையான வீடியோக்கள் சமூக வலைதளங்களில் காணக் கிடைக்கின்றன. அந்த வகையிலான வீடியோதான் தற்போது இணையவாசிகளிடையே வைரலாகி வருகின்றன. நதிக்கரையோரம் தனிமையில் சந்தித்து நேரத்தை கழித்துக் கொண்டிருந்த காதல் ஜோடியின் வீடியோதான் பரவி வருகிறது. வழக்கமாக நடப்பதுதானே என கடந்துவிடலாம். ஆனால் அதில்தான் ட்விஸ்ட்டே இருக்கிறது. அதாவது, கரையோரம் அமர்ந்திருந்த அந்த ஜோடியில், காதலன் தனது காதலியின் தலை முடியை கோதிவிட்டு, அதிலிருந்து பேன் இருக்கிறதா என பார்க்கிறார். View this post on Instagram A post shared by memes comedy (@ghantaa) சில நொடிகளே இருக்கக்கூடிய இந்த வீடியோ, வைரல் பதிவுகளை பகிரும் இன்ஸ்டாகிராம் மீம் பக்கத்தில் ஷேர் செய்யப்பட்டிருக்கிறது. கிட்டத்தட்ட 30 லட்சம் பேரால் பார்க்கப்பட்டுள்ள இந்த வீடியோவில், பலரும் இதுப்போன்றதொரு காதல் எனக்கு அமைய வேண்டும் என கமெண்ட் செய்திருக்கிறார்கள். மேலும் இதுதான் உண்மையான காதல், காதலிக்காகவும் காதலுக்காகவும் எதையும் செய்ய தயங்கக் கூடாது என்பதற்கு இதுதான் உதாரணம், இந்த ஆண்டின் சிறந்த காதலன் இவராகத்தான் இருக்கும் என்றும் பதிவிட்டு வருகிறார்கள்.
http://dlvr.it/SWDyyc

Read More

பாகிஸ்தானில் இந்து சிறுமிகள் கட்டாய மதமாற்றம் - விசாரணைக்கு பிரதமர் இம்ரான் உத்தரவு

பாகிஸ்தானில் இந்து சிறுமிகள் கட்டாய மதமாற்றம் செய்யப்பட்டதாக வெளியான தகவல் குறித்து விசாரிக்க அந்நாட்டு பிரதமர் இம்ரான் கான் உத்தரவிட்டுள்ளார். 
http://dlvr.it/SWCxYw

Read More

செஸ் கிராண்ட் மாஸ்டரானார் 16 வயதான பிரணவ் வெங்கடேஷ்: தமிழகத்துக்கு மேலுமொரு மகுடம்!

செஸ் கிராண்ட் மாஸ்டராகி உள்ளார் தமிழகத்தை சேர்ந்த 16 வயதான பிரணவ் வெங்கடேஷ். தமிழகத்தை சேர்ந்த பிரணவ் வெங்கடேஷ் நாட்டின் 75ஆவது செஸ் கிராண்ட் மாஸ்டர் அந்தஸ்தை பெற்றுள்ளார். 16 வயதான பிரணவ் வெங்கடேஷ், ஏற்கனவே பல்வேறு போட்டிகளில் சாம்பியன் பட்டம் வென்றுள்ளார். அந்தவகையில் 2014-ல் தேசிய அளவில் பள்ளிகளுக்கு இடையிலான போட்டியில் சாம்பியன் ஆனார் பிரணவ் வெங்கடேஷ். பின்னர் 2015இல் 9 வயதுக்குட்பட்டோர் பிரிவில் தேசிய சாம்பியன் பட்டம் வென்றவர் பிரணவ் வெங்கடேஷ். அதைத்தொடர்ந்து தற்போது அவர் கிராண்ட் மாஸ்டராகவும் உயர்ந்திருக்கிறார். ,, தமிழகத்திலிருந்து கிராண்டு மாஸ்டர் அந்தஸ்தை பெறும் 27ஆவது வீரர் பிரணவ் வெங்கடேஷ். இந்தியாவிலிருந்து 75 கிராண்டு மாஸ்டர்கள் உள்ள நிலையில், அதில் 27 பேர் தமிழகத்தை சேர்ந்தவர்கள் என்பது குறிப்பிடத்தக்கது. சர்வதசே செஸ் கூட்டமைப்பின் கீழ் 2,500 புள்ளிகளை கடந்து, கிராண்ட் மாஸ்டர் பட்டம் வென்ற 3 வீரர்களோடு, தொடர்ச்சியாக வெற்றி பெற்றால் மட்டுமே கிராண்ட் மாஸ்டர் பட்டம் வழங்கப்படும்.  தொடர்புடைய செய்தி: செஸ் விளையாட்டில் கிராண்ட் மாஸ்டர் பட்டம் என்றால் என்ன? அதை பெறுவது எப்படி? 2,400 புள்ளிகளுடன் முக்கிய சர்வதேச தொடர்களில் 3 மூன்று முறை பங்கேற்று, அதில் கிடைக்கும் புள்ளிகளின் அடிப்படையில் சர்வதேச கிராண்ட்மாஸ்டர் பட்டம் வழங்கப்படுகிறது. இதே போன்று 2,700 புள்ளிகள் பெற்ற வீரர்களுக்கு சூப்பர் கிராண்ட் மாஸ்டர் பட்டம் கிடைக்கும். இந்தியாவில் இதுவரை 6 வீரர்கள் மட்டுமே சூப்பர் கிராண்ட் மாஸ்டர் பட்டத்தை பெற்றுள்ளனர். இதில் பிரணவ் வெங்கடேஷ், கிராண்ட் மாஸ்டர் பட்டத்தை பெற்று அசத்தியிருக்கிறார்.
http://dlvr.it/SWCbr9

Read More