``மக்களை சாதி, மத அடிப்படையில் பிரிப்பது நாட்டை பலவீனப்படுத்தும்!'' - யோகி ஆதித்யநாத்

உத்தரப்பிரதேச மாநிலம், காகோரி மாவட்டத்தில், 1925-ம் ஆண்டு ஆகஸ்ட் 9-ம் தேதி புரட்சிக்காரர்கள் ரயிலை நிறுத்தி ஆயுதங்களுடன் அரசாங்கப் பணத்தைக் கொள்ளையடித்தச் சம்பவத்தை நினைவுகூரும் விதமாக கூட்டம் நடைபெற்றது. இதில் அந்த மாநில முதல்வர் யோகி ஆதித்யநாத் கலந்துகொண்டு பேசினார். அப்போது அவர், ``இந்தியாவின் பலம், ஒற்றுமை. மக்களை சாதி, மத அடிப்படையில் பிரிப்பது நாட்டை பலவீனப்படுத்தும். 135 கோடி மக்கள் ஒன்றாகப் பேசும், உலகின் மிகப்பெரிய ஜனநாயக நாடு இந்தியா. அதேபோல, ஜனநாயகத்தின் தாயாக உலகைப் பிரதிநிதித்துவப்படுத்தி இந்தியா வழிநடத்திச் செல்கிறது. பிரதமருடன் யோகி ஆதித்யநாத் சாதி, மதம், பிரதேசம் மற்றும் மொழிகளின் அடிப்படையில் நாம் பிளவுபடும்போது, ​​அது நம்முடைய பலத்தை மட்டும் பிளவுபடுத்தவில்லை... இந்தியாவையும் பலவீனப்படுத்துகிறது. நாட்டின் வளர்ச்சியைத் தடுக்கிறது. சுதந்திரத்தின் நூற்றாண்டு விழாவில் எந்த மாதிரியான இந்தியாவை மக்கள் பார்க்க விரும்புகிறார்கள் என்பது குறித்து அடுத்த 25 ஆண்டுகளுக்கான வரைபடத்தைத் தயாரிக்க பிரதமர் மோடி இலக்கு நிர்ணயித்திருக்கிறார்'' என்றார். பறவை மோதியதால் தொழில்நுட்ப கோளாறு... உ.பி முதல்வர் யோகி பயணித்த ஹெலிகாப்டர் அவசரமாக தரையிறக்கம்!
http://dlvr.it/SWKjX6

Read More

5 ரூபாய்க்காக வந்த வாக்குவாதம்: ஓடும் ரயிலிலிருந்து தூக்கி வீசப்பட்ட இளைஞர்- தேடப்படும் குற்றவாளிகள்

உத்தரப்பிரதேசத்தைச் சேர்ந்த ரவி யாதவ் (26) தன்னுடைய சகோதரியுடன் கடந்த சனிக்கிழமை ரப்திசாகர் எக்ஸ்பிரஸ் ரயிலில் பயணித்திருக்கிறார். ரயில் ஜிரோலி கிராமம் அருகே வந்தபோது, ரயில் ஊழியர் ஒருவரிடம் தண்ணீர் பாட்டில் வாங்கியிருக்கிறார். 15 ரூபாய் தண்ணீர் பாட்டிலுக்கு 20 ரூபாய் வேண்டுமென அந்த ஊழியர் கேட்டிருக்கிறார். மேலும், அவர் பான் மசாலா போட்டுக்கொண்டு ரயிலிலேயே துப்பிக்கொண்டிருந்ததாகக் கூறப்படுகிறது. இந்த நிலையில், ரவி யாதவ், ``தண்ணீர் பாட்டிலில் 15 ரூபாய் என்றுதான் குறிப்பிடப்பட்டிருக்கிறது. எனவே, 15 ரூபாய்தான் தருவேன்" எனப் பேசியிருக்கிறார். மேலும், பான் மசாலா எச்சில் துப்பியது தொடர்பாகவும் கேட்டிருக்கிறார். இதனால் இருவருக்கும் வாக்குவாதம் முற்றியதாகச் சொல்லப்படுகிறது.தண்ணீர் பாட்டில் இந்தச் சூழலில், ரவி யாதவ், அவரின் சகோதரியுடன் லலித்பூர் ஸ்டேஷனில் இறங்க முயன்றபோது, ரயில் ஊழியர் தன்னுடன் பணிபுரியும் சிலரை அழைத்துக்கொண்டு அவர்களை இறங்கவிடாமல் தடுத்திருக்கிறார். மேலும், ரயில் லலித்பூர் ஸ்டேஷனைக் கடந்ததும் ஓடும் ரயிலிருந்து ரவி யாதவைத் தூக்கி வீசிவிட்டு அங்கிருந்து தப்பியிருக்கிறார்கள். ஓடும் ரயிலிலிருந்து தூக்கி வீசப்பட்டதால், பலத்த காயமடைந்த ரவி யாதவை உள்ளூர் மக்கள் மீட்டு ஜான்சி மருத்துவக் கல்லூரியில் அனுமதித்திருக்கிறார்கள்.ரயில் அவரின் உடல்நிலை கவலைக்கிடமான நிலையில் இருப்பதாகக் கூறப்படுகிறது. ரவி யாதவ் சகோதரியின் புகாரின் அடிப்படையில், ரயில் ஊழியர்கள்மீது இந்திய தண்டனைச் சட்டத்தின் பிரிவுகள் 323 (தன்னிச்சையாகக் காயப்படுத்துதல்), 325 (கடுமையான காயத்தை ஏற்படுத்துதல்) மற்றும் 506 (குற்றவியல் மிரட்டல்) ஆகியவற்றின் கீழ் எஃப்.ஐ.ஆர் பதிவுசெய்யப்பட்டிருக்கிறது. குற்றவாளிகளைக் காவல்துறை தீவிரமாகத் தேடிவருகிறது.ரயில் நிலையத்தில் அமர்ந்திருந்தவர் அடித்துக் கொலை! - கைதான இளைஞர் பகீர் வாக்குமூலம்
http://dlvr.it/SWK9RX

Read More

விபத்து: 500 மீட்டர் இழுத்துச் செல்லப்பட்ட சமாஜ்வாடி நிர்வாகியின் கார் - லாரி ஓட்டுநர் கைது | Video

உத்தரப்பிரதேசம் மாநிலம் மெயின்புரியில் நேற்று முந்தினம் இரவு சமாஜ்வாடி கட்சியின் மாவட்டத் தலைவர் தேவேந்திர சிங் யாதவ் காரில் தனியாக பயணித்து க்கொண்டிருந்தார். அப்போது எதிர்பாராத விதமாகச் சரக்கு லாரி ஒன்று அவரின் கார் மீது மோதியது. மேலும், விபத்துக்குள்ளான காரை 500 மீட்டர் தூரம் இழுத்துச்சென்றிருக்கிறது. லாரி காரை இழுத்துச் செல்லும் வீடியோ சமூக வலைதளங்களில் வெளியாகி வேகமாகப் பரவிவருகிறது. In UP's Mainpuri, Samajwadi Party district president Devendra Singh Yadav's car met with a freak accident. A truck dragged the car on a busy street before it came to a halt. Yadav miraculously escaped with no major injuries. pic.twitter.com/KWytYA9cOK— Piyush Rai (@Benarasiyaa) August 7, 2022 காருக்குள் இருந்த சமாஜ்வாடி கட்சியின் மாவட்டத் தலைவர் தேவேந்திர சிங் யாதவின் உயிருக்கு எந்த ஆபத்தும் இல்லை, என்றாலும் கடுமையாக காயமடைந்திருப்பதாகத் தகவல் வெளியாகியுள்ளன. அதைத் தொடர்ந்து, சம்பவ இடத்துக்கு விரைந்த காவல்துறை சரக்கு லாரி ஓட்டுநரைக் கைது செய்திருக்கிறது.விபத்துக்குள்ளான வாகனம் விபத்து குறித்து காவல்துறையின் மணிப்பூர் எஸ்பி, கமலேஷ் தீட்சித், "விபத்து எப்படி ஏற்பட்டது என்பது குறித்து விசாரிக்கப்பட்டு வருகிறது. மேலும், இந்த வழக்கு தொடர்பாக லாரி ஓட்டுநர் கைது செய்யப்பட்டிருக்கிறார். விசாரணை நடந்து வருகிறது" என்று தெரிவித்துள்ளார்.கத்திபாரா: வழிகாட்டி பலகை விழுந்து கோர விபத்து! - வாகன ஓட்டிகள் அச்சம்
http://dlvr.it/SWJGxm

Read More

மகளை விஷ ஊசி போட்டுக் கொல்ல ரூ.10 லட்சம்... போலீஸை அதிரவைத்த தந்தையின் `பகீர்' வாக்குமூலம்!

உத்தரப்பிரதேச மாநிலம், மீரட்டில் வசிக்கும் 17 வயது சிறுமி ஒருவர் மொட்டை மாடியில் விளையாடிக்கொண்டிருந்தார். அப்போது குரங்குகள் கூட்டம் வரவே, அங்கிருந்து தன்னை காத்துக்கொள்ளக் கீழே குதித்ததாகக் கூறப்படுகிறது. அதில் அவருக்கு காலில் எலும்பு முறிவு ஏற்பட்டிருக்கிறது. உடனே மீரட்டில் உள்ள கன்கெர்கெடா பகுதி மருத்துவமனையில் அவர் அனுமதிக்கப்பட்டார். முதலுதவி முடிந்து மூன்று நாள்களுக்குப் பிறகு, பல்லவ்புரத்தில் உள்ள வேறு மருத்துவமனைக்கு மாற்றப்பட்டார். அங்கு அந்த சிறுமியைக் கொலைசெய்ய அவர் தந்தை திட்டமிட்டிருக்கிறார். அதற்காக அந்த நபர் மருத்துவமனையில் கம்பவுண்டராக பணிபுரியும் தன் பக்கத்து வீட்டுக்காரரை உதவிக்கு அழைத்துள்ளார்.தந்தை - மகள் சரியாக தன் மகளைக் கொன்றுவிட்டால் 10 லட்சம் ரூபாய் தருவதாகக் கூறிய அந்த நபர், அதற்கு முன்பணமாக ரூ.1 லட்சத்தை அந்த கம்பவுண்டருக்கு வழங்கியுள்ளார். அதைத் தொடர்ந்து, சிறுமி அனுமதிக்கப்பட்டிருந்த மருத்துவமனையில் செவிலியர்கள் உதவியுடன் டாக்டர் போல வேடமணிந்து உள்ளே சென்ற கம்பவுண்டர், விஷ ஊசி செலுத்தியுள்ளார். ஆனால் அவர் திரும்பி வரும்போது மருத்துவமனை ஊழியர்களிடம் சிக்கியிருக்கிறார். மருத்துவர்கள் காவல்துறையினருக்குத் தகவல் தெரிவித்து கம்பவுண்டரை அவர்களிடம் ஒப்படைத்துள்ளனர். அதன் பின்பு சிசிடிவி-யில் சோதனை செய்தபோது அவர் ஊசி போடுவது பதிவாகியிருக்கிறது.ஊசி இந்த நிலையில், பாதிக்கப்பட்ட சிறுமியின் தந்தை, கம்பவுண்டருக்கு உதவிய செவிலியர் மற்றும் இருவர் என 4 பேரை காவல்துறையினர் கைதுசெய்தனர். இது தொடர்பான விசாரணையின்போது பாதிக்கப்பட்ட சிறுமியின் தந்தை அளித்த வாக்குமூலம் அனைவரையும் அதிர்ச்சிக்குள்ளாக்கியது. விசாரணையில், சிறுமி ஜிம் ட்ரைனர் ஒருவரைக் காதலித்து வந்திருக்கிறார். இதைப் பலமுறை தந்தை கண்டித்தும் சிறுமி கண்டுகொள்ளவில்லை எனக் கூறப்படுகிறது.கைது அதனால், தன் மகளைக் கொலைசெய்யக் காத்திருந்ததாகவும், சமயம் கிடைத்தபோது அதைப் பயன்படுத்திக்கொண்டதாகவும் சிறுமியின் தந்தை தெரிவித்திருக்கிறார். அதைத் தொடர்ந்து குற்றவாளிகள்மீது IPC பிரிவுகள் 307 (கொலை முயற்சி) மற்றும் 328 (தாமாக முன்வந்து காயப்படுத்துதல்) ஆகிய பிரிவுகளின் கீழ் வழக்கு பதிவுசெய்யப்பட்டது. விஷ ஊசி செலுத்தப்பட்ட சிறுமிக்கு சிகிச்சை அளிக்கப்பட்டுவருகிறது. உயிருக்கு ஆபத்தில்லை என மருத்துவர்கள் நம்பிக்கை தெரிவித்துள்ளனர். இந்தச் சம்பவம் அந்தப் பகுதியில் அதிர்ச்சியை ஏற்படுத்தியிருக்கிறது.ரயில் நிலையத்தில் அமர்ந்திருந்தவர் அடித்துக் கொலை! - கைதான இளைஞர் பகீர் வாக்குமூலம்
http://dlvr.it/SWGxBQ

Read More

5ஜி அலைக்கற்றை விவகாரத்தில் சிபிஐ விசாரணை தேவை: நாராயணசாமி

புதுச்சேரியில் ரங்கசாமி கட்சியை உடைத்து பாஜக ஆட்சி அமைக்கும் வேலையில் இறங்கியுள்ளது என நாராயணசாமி குற்றம்சாட்டியுள்ளார். புதுச்சேரி மாநில முன்னாள் முதல்வர் நாராயணசாமி இன்று செய்தியாளர்களை சந்தித்தார் அப்போது அவர் பேசம்போது... 5 ஜி அலைக்கற்றை ஏலத்தில் 1 லட்சத்து 50 ஆயிரம் கோடி ரூபாய் வருவாய் கிடைத்துள்ளது. மீதமுள்ள 3 லட்சம் கோடி ரூபாய் ஏன் அரசுக்கு வருவாய் வரவில்லை. இதற்கு பிரதமர் என்ன பதில் சொல்லப்போகிறார். தோராயமாக 3 லட்சம் கோடி ரூபாய் நஷ்டம் ஏற்பட்டுள்ளதாக கூறும் பிரதமர் மோடி, இதில் சிபிஐ விசாரணை நடத்தத் தயாரா? 5 ஜி அலைக்கற்றை விவகாரத்தில் மத்திய அரசு உடனடியாக சிபிஐ விசாரணையை தொடங்க வேண்டும். புதுச்சேரி மாநில திட்டக்குழு கூட்டம் முடிந்து இந்தாண்டுக்கு ரூ.11 ஆயிரம் கோடிக்கு பட்ஜெட் போட நிர்ணயம் செய்யப்பட்டது. பட்ஜெட்டுக்கு ஒப்புதல் வழங்கும் கோப்பை, ஒரு மாதத்திற்கு முன்பு மத்திய அரசுக்கு அனுப்பியும் இதுவரை மத்திய அரசு ஒப்புதல் அளிக்கவில்லை. இதுவரை ஒப்புதல் பெறாத பட்ஜெட்டை எப்படி முதல்வர் ரங்கசாமி வரும் 10-ஆம் தேதி கூடவுள்ள பட்ஜெட் கூட்டத் தொடரில் தாக்கல் செய்வார். காங்கிரஸ் ஆட்சி காலத்திலும் பட்ஜெட்டிற்கு ஒப்புதல் அளிக்க மத்திய அரசு காலதாமதமாக்கியது. இது ரங்கசாமி ஆட்சியிலும் தொடர்கிறது. ஆட்சி மாறினாலும் காட்சி மாறவில்லை. மத்திய அரசுடன் இணக்கமாக உள்ள ரங்கசாமி, பட்ஜெட்டிற்கு மத்திய அரசு கூடுதல் நிதி ஒதுக்கீடு செய்யுமா? அதை ரங்கசாமிதான் கேட்டு பெறுவாரா? இதற்கு ரங்கசாமி பதில் சொல்லியாக வேண்டும். பீகாரை தொடர்ந்து புதுச்சேரியில் ரங்கசாமி கட்சியை உடைத்து பாஜக ஆட்சி அமைக்கும் வேலையில் இறங்கியுள்ளது. ரங்கசாமியை, மோடியும், அமித் ஷாவும், வீட்டுக்கு அனுப்பும் காலம் விரைவில் வரும். கூட்டணி கட்சியை குழித்தோண்டி புதைக்கும் வேலையை பாஜக செய்கிறது. அது புதுச்சேரியில் விரைவில் அரங்கேறும்" என நாராயணசாமி தெரிவித்தார்.
http://dlvr.it/SWGPrz

Read More

ஆர்.எஸ்.எஸ் நிகழ்ச்சியில் கலந்துகொண்ட சி.பி.எம் மேயர்... கட்சிக்குள் கிளம்பிய எதிர்ப்பு!

ஆர்.எஸ்.எஸ்-ன் பரிவார் அமைப்பான பாலகோகுலம் சார்பில் கிருஷ்ண ஜெயந்தி விழா ஆண்டுதோறும் கொண்டாடப்பட்டு வருகிறது. கேரள மாநிலத்தில் ஒவ்வொரு பகுதியிலும் நடைபெறும் பாலகோகுலம் நிகழ்ச்சியில் சிறுவர்கள் கிருஷ்ணர், ராதை வேடங்களில் கலந்துகொள்வார்கள். இந்த நிலையில், பாலகோகுலம் அமைப்பின் சார்பில் கோழிக்கோட்டில் நடைபெற்ற 'பாலகோகுலம் ஸ்வத்வ 2022' என்ற மகளிர் மாநாட்டில் கோழிக்கோடு மாநகராட்சி மேயரான சி.பி.எம் கட்சியைச் சேர்ந்த பீனா பிலிப் கலந்துகொண்டார். அந்த நிகழ்ச்சியில் பேசிய பீனா பிலிப், ``குழந்தைகளைப் பராமரிப்பதில் வட இந்தியாவைவிட கேரளா பின் தங்கியிருக்கிறார்" எனக் கூறினார். இது சி.பி.எம் கட்சி நிர்வாகிகளுக்கு அதிருப்தியை ஏற்படுத்தியிருக்கிறது. மேலும், பீனா பிலிப்புக்கு வெளிப்படையாகவே எதிர்ப்பு தெரிவித்திருக்கிறது சி.பி.எம் கட்சித் தலைமை.பாலகோகுலம் நிகழ்சியில் பீனா பிலிப் இது குறித்து கோழிக்கோடு மாவட்ட சி.பி.எம் செயலாளர் பி.மோகனன், ``கோழிக்கோடு மாநகராட்சி மேயர் பீனா பிலிப் ஆர்.எஸ்.எஸ் கட்டுப்பாட்டிலுள்ள ஒரு அமைப்பு நடத்திய நிகழ்ச்சி மேடையில் கலந்துகொண்டு பேசியது சரியான செயல்பாடு இல்லை. மேயரின் இந்த செயல் சி.பி.எம் கட்சியின் நிலைபாட்டுக்கு முரணானது. சி.பி.எம் இதை ஒரு விதத்திலும் அங்கீகரிக்காது... அனுமதிக்காது. எனவேதான் மேயரின் நிலைபாட்டை பகிரங்கமாக நிராகரிக்க சி.பி.எம் முடிவுசெய்திருக்கிறது" என்றார்.நிகழ்ச்சியில் பேசும் பீனா பிலிப் பாலகோகுலம் நிகழ்ச்சியில் கலந்துகொண்டதற்கு எதிர்ப்புக் கிளம்பியதை அடுத்து விளக்கமளித்த மேயர் பீனா பிலிப், "அந்த நிகழ்ச்சியில் கலந்துகொண்டு கிருஷ்ணர் சிலைக்கு மாலை அணிவித்தேன். இதை மதம் என்ற ரீதியில் நான் பார்க்கவில்லை. மகளிர் கலந்துகொண்ட கூட்டத்தில் பேச வேண்டும் என அவர்கள் கூறியதால் நான் அதை மறுக்கவில்லை. பிரிவினைவாத நிகழ்ச்சிகளில் கலந்துகொள்ளக்கூடாது என கட்சி கூறியிருக்கிறது. ஆனால், அம்மாக்களின் கூட்டமைப்பாக அதை நான் பார்த்தேன். இங்கு கூடியிருப்பவர்கள் தேவகியும், யசோதாக்களுமா என தமாசாக கேட்டேன். பாலகோகுலம் என்பது ஆர்.எஸ்.எஸ் அமைப்பைச் சார்ந்த அமைப்பு என்பது எனக்குத் தெரியும். ஆனால் அது ஆர்.எஸ்.எஸ் அமைப்பின் பரிவார் அமைப்பு என்பது எனக்குத் தெரியாது. குழந்தைகளை பராமரிப்பதில் வட இந்தியா நன்றாக உள்ளது என்பது எனக்கு அங்குள்ள நண்பர்கள் மூலம் தெரியவந்தது. எனவே அனைத்து குழந்தைகளையும் கிதுஷ்ணரைப் போல பார்த்து வளர்க்க வேண்டும் என அந்தக் கூட்டத்தில் பேசினேன். எடிட் செய்யாத எனது முழுபேச்சை கேட்டால் உண்மை தெரியவரும்" என்றார். மரணத்தின் விளிம்பில் தம்பி; ரூ.46 கோடி நிதி திரட்டிய சிறுமி மரணம் - இது கேரளா துயரம்!
http://dlvr.it/SWGPMn

Read More

”நேரத்தை வீணடிக்காமல் வாழுங்கள்” - உலகைச் சுற்றும் மாற்றுத்திறனாளி பெண்ணின் நம்பிக்கை கதை!

கடினமான குறைபாட்டுடன் பிறந்த சார்லி ரூசே என்ற 25 வயது இளம்பெண் தற்போது உலகையே சுற்றிக் கொண்டிருக்கிறார். கனடா நாட்டைச் சேர்ந்த இந்த சார்லி ரூசேவிற்கு ஒரு கையும், பாதி கால்களுமே உள்ளன. இது முறையற்ற கருக்கலைப்பால் ஏற்பட்ட நிலை என்றும் தெரிவிக்கப்பட்டிருக்கிறது. எத்தனை தடைகள் வந்தாலும் தன்னை சாதாரணமாக பிறந்த குழந்தை போன்றும், சாதாரண மனிதரை போன்றே நினைத்துக் கொள்வதாக சார்லி ரூசே கூறியிருக்கிறார். ஆனால் டீனேஜ் பருவத்தை அடையும் போது அவரால் தனது குறைபாடுகள் குறித்து நினைக்காமல் இருக்க முடியவில்லை என FEMAIL செய்தியிடம் கூறியிருக்கிறார். சார்லியின் அம்மாவிற்கு முறையாக கருக்கலைப்பு செய்யாததால் சிசுவை தாங்கும்படி பெற்றோரிடம் மருத்துவர்கள் தரப்பில் தெரிவிக்கப்பட்டிருக்கிறது. தொடர்ந்து பேசியவர், "இந்த விவகாரத்தை நீதிமன்றத்திற்கு எடுத்துச் சென்றிருக்கலாம். ஆனால் கனடாவின் சிறிய நகரத்தில் வசித்து வருவதால் அதனை மேற்கொண்டு பரிசீலிக்க அவர்கள் விரும்பவில்லை. டீனேஜ் பருவம் வருவதற்கு முன் தன்னுடைய நிலை என்னவாக இருக்கிறது என சார்லி அறிந்திருக்கவில்லை எனக் கூறியிருக்கிறார். ஆனால் தற்போது தனது உடலை எண்ணி எந்த கவலையும் கொள்வதில்லை என்றும், தனது உடலமைப்பை வசதியாகவே கருதுவதாக தெரிவித்துள்ளார். “என் பெற்றோர் என்னை சாதாரண பள்ளிக்குதான் அனுப்பினார்கள். எனக்கு எல்லோருக்கும் இருப்பதை போல சாதாரண நண்பர்கலே இருந்தார்கள். ஆண்களுடன் டேட்டிங் மற்றும் ஃபேன்ஸிங் செய்வதில் எனக்கு ஆர்வம் வந்ததும் தான், நான் உண்மையில் என் இயலாமையை ஏற்றுக்கொண்டேன்." என்று அவர் கூறினார். "ஆண்கள் என்னை முத்தமிட முயலும் போது அவர்கள் கீழே குனிய வேண்டியிருந்தது, எனக்கு எப்போதாவது ஒரு ஆண் நண்பன் இருப்பான் என்று நான் உண்மையிலேயே நினைத்து பார்த்துக்கொள்வேன்?" எனவும் சார்லி குறிப்பிட்டார். ஆனால் சார்லி ரூசே தற்போது வெற்றிகரமான ரேடியோ ஜாக்கியாக இருந்து வருகிறார். இதன் மூலம் மெக்சிகோ, ஆஸ்திரேலியா, லண்டன் என பல நாடுகளுக்கும் சார்லி பயணம் செய்திருக்கிறார். நான் எங்கு சென்றாலும் அனைவராலும் விரும்பப்படும் நபராகவே இருக்கிறேன். எந்த பேதமும் இல்லாமல் உடனடியாக உதவுகிறார்கள். உங்கள் வாழ்க்கையை வாழுங்க. நேரத்தை வீணடித்துக் கொள்ளாதீர்கள் எனவும் பலருக்கு அறிவுறுத்தியுள்ளார். முன்னதாக சார்லி ரூசே இன்ஸ்டாகிராம் மற்றும் டிக்டாக் தளத்தில் தன்னுடைய பயணங்கள் குறித்த ஆவணங்களை பதிவு செய்து வருகிறார்.
http://dlvr.it/SWFsFh

Read More