சாலைக்காக வெட்டப்படும் 200 வயது மரம்; ஊர்கூடி பிரியாவிடை கொடுத்த கேரள மக்கள்!

மனிதர்களுக்கு மட்டுமே கொடுத்து வந்த பிரியாவிடை நிகழ்ச்சி, முதன்முறையாக மரத்துக்கு நிகழ்த்தி அசத்தியிருக்கின்றனர் கேரள மாநிலம், திருவனந்தவுரம் அடுத்த செம்பகமங்கலம் கிராம மக்கள். சாலை விரிவாக்க பணியின் ஒரு பகுதியாக திருவனந்தபுரம் தொன்னக்கல் அருகே உள்ள செம்பகமங்கலம் பகுதியில் 200 ஆண்டுகளாக உள்ள பெரிய மரத்தை வெட்ட முடிவு செய்தது நெடுஞ்சாலைத்துறை. இதை அறிந்த செம்பகமங்கலம் மக்கள் தங்கள் பகுதியில் 200 ஆண்டுகாலமாக மக்கள் நிற்பதற்கு நிழலையும், ஏராளமான பழங்களையும் கொடுத்து வந்த மரத்திற்கு ஊர்கூடி பிரியாவிடை நடத்த முடிவு செய்தனர். இந்த நிகழ்வு நடந்த பகுதி மலையாள கவிஞர் குமாரன் ஆசான் அவருடைய சொந்த ஊர் என்பதும் அங்கு அவருக்கு நினைவிடம் இருப்பதும் குறிப்பிடத்தக்கது.மரம்செம்மரம், செர்ரி, அத்தி, பலா... `இப்படியொரு மரம் வளர்ப்புப் பண்ணையை நீங்க பார்த்திருக்க மாட்டீங்க!' செம்பகமங்கலம் பகுதி மக்கள் இந்த பெரிய மரத்துக்கு கொடுக்கப்படும் பிரியாவிடை நிகழ்ச்சி மறக்கமுடியாத ஒரு நிகழ்வாக இருக்க வேண்டுமென்று எண்ணி மரத்தை கழுவி, மலர்களாலும், தீபங்களாலும் மரத்தை அலங்கரித்து பொன்னாடை போர்த்தி கவுரவித்தனர். மக்கள் அனைவரும் அந்த மரத்தை சுற்றி கூடி நின்று, கவிதைகள் வாசித்து, விளக்குகள் ஏற்றி, அந்த மரத்தை பற்றிய பல தலைமுறை நினைவுகள் கொண்ட சுவாரஸ்யமான கதைகளை ஒருவருக்கொருவர் பகிர்ந்துக்கொண்டனர். மரத்திற்கு பிரியாவிடை கொடுத்தது குறித்து பேசிய செம்பகமங்கலம் பகுதிவாசி "எங்கள் ஊரில் இந்த மரத்தின் நிழலின் அருமையை உணராதவரும், இந்த மரத்தின் பழங்களை ருசிக்காதவரும் யாரும் இருக்க முடியாது. இந்த மரம் இனி எங்கள் பகுதியில் இருக்காது என்று நினைக்கும் போது வேதனையாக இருக்கிறது. இந்த மரம் கடந்த செவ்வாய்க்கிழமை அன்று வெட்ட ஒப்பந்தக்காரர்களால் திட்டமிடப்பட்டது. ஆனால் நாங்கள் மரத்திற்கு பிரியாவிடை கொடுக்க வேண்டும் என்று அவர்களிடம் கேட்டுக்கொண்டோம். நெடுங்காலமாக இந்த மரம் எங்கள் வாழ்வின் ஒரு அங்கமாக இருந்து வந்தது. எனவே கடைசியாக அதன் நிழலை அனுபவிக்க விரும்பினோம்'' என்றார். இந்த மாமரத்தின் அருகில் உள்ள சும்மாடுத்தாங்கி, நூற்றாண்டு காலமாக அந்த மரத்தின் அருகில் இருந்து வருகிறது. தலைச்சுமை தொழிலாளர்கள் ஓய்வெடுக்கும் இடமாக அது இருந்து வருகிறது. இந்த சுமைதாங்கியை மட்டும் அருகில் உள்ள வேறு இடத்திற்கு மாற்ற நடவடிக்கை எடுக்கப்பட்டு வருகிறது.மரம்'மரம் நட்டால், பணம் பரிசு!' வறட்சியில் சிக்கிய கிராமம்.... வளமாக்கும் மனிதர்! இந்த மரம் வெட்டப்படுவதற்கு முன் மரத்திற்கு மக்கள் தந்த பிரியாவிடை நெகிழ்சியை ஏற்படுத்தி இருந்தாலும் , ஒரு மரம் வெட்டப்படுவதால் அதை வாழ்விடமாக கொண்ட பறவை இனங்கள் பெரும் பாதிப்பை அடைகின்றன. புலம்பெயர்ந்த பறவைகள் மற்றும் பெரும்பாலான பறவைகளுக்கு முட்டையிட்டு குஞ்சு பொரிக்கும் பருவமழைக்காலம் என்பதால், இது போன்ற நேரத்தில் மரத்தை வெட்டும்போது பெரிய பறவைகள் பறந்து தப்பித்து விடுகின்றன. சிறிய குஞ்சுகள் மற்றும் முட்டைகள் கீழே விழுந்து அழிந்து போகின்றன. இது பறவைகளுக்கு மிகுந்த பாதிப்பை ஏற்படுத்தும். வளர்ச்சிப்பணிகள் முக்கியம் என்றாலும் இயற்கை வளங்கள் மற்றும் பறவை, விலங்கினங்களை பாதிக்காமல் பணிகளை மேற்கொள்வது நல்லது.
http://dlvr.it/SWWdnY

Read More

ம.பி: மீண்டும் கணவருடன் சேர்ந்த பெண்... நடுத்தெருவில் நிர்வாணப்படுத்தி தாக்கிய நபர்!

மத்தியப் பிரதேச மாநிலம், ஜபுவா மாவட்டத்தில் இருக்கும் ருபாரல் என்ற கிராமத்தைச் சேர்ந்த பெண் ஒருவர் கடந்த சில மாதங்களுக்கு முன்பு தன் கணவனை விட்டுவிட்டு முகேஷ் என்பவருடன் சென்று வாழ்ந்து வந்தார். திடீரென அந்தப் பெண் முகேஷை விட்டுவிட்டு மீண்டும் தன்னுடைய கணவரிடம்வந்து சேர்ந்துகொண்டார். இதனால் முகேஷ் கடும் கோபமடைந்தார். அதையடுத்து, நண்பர்களுடன் அந்தப் பெண் வசிக்கும் வீட்டுக்குச் சென்ற முகேஷ், அடித்து வலுக்கட்டாயமாக இழுத்து வெளியே கொண்டுவந்தார். தாக்குதல் பின்னர் தன்னை விட்டுப் பிரிந்து சென்றதால் அவரை நிர்வாணப்படுத்தி அடித்து உதைத்தார். முகேஷும் அவர் நண்பர்களும் சேர்ந்து இரும்புக் கம்பியால் அந்தப் பெண்ணையும், அவரைக் காப்பாற்றவந்த அவர் கணவரையும் தாக்கினர். கிராமத்தினர் சிலர் அதனைத் தடுக்க முயன்றனர். ஆனால் முடியவில்லை. இது குறித்து போலீஸாருக்குத் தகவல் கொடுக்கப்பட்டது. போலீஸார் விரைந்து வந்து பெண்ணை மீட்டு மருத்துவமனையில் சேர்த்தனர். அவரைத் தாக்கிய முகேஷ் உட்பட 4 பேரை கைதுசெய்தனர்.கைது தொடர்ந்து அவர்களிடம் போலீஸார் விசாரணை மேற்கொண்டு வருகின்றனர். இந்தச் சம்பவம் அந்தப் பகுதியில் பெரும் பரபரப்பை ஏற்படுத்தியது. ம.பி: இருசக்கர வாகன சாவிக்காக ஏற்பட்ட சண்டை - மகனின் கையைக் கோடாரியால் வெட்டிக் கொன்ற தந்தை
http://dlvr.it/SWW6TK

Read More

``பாலியல் பிரச்னை ஏற்பட்டதால் நடிகைக்கு லாபம்தான்" - முன்னாள் எம்.எல்.ஏ-வின் சர்ச்சை பேச்சு

கேரளா ஜனபக்‌ஷம் கட்சியின் தலைவராக இருப்பவர் முன்னாள் எம்.எல்.ஏ பி.சி.ஜார்ஜ். இவர் அடிக்கடி மதம் தொடர்பாகவும், பெண்கள் விவகாரத்திலும் சர்ச்சைக்குரிய கருத்துக்களை பேசி சிக்கலில் மாட்டிக்கொள்வது வழக்கம். கடந்த ஏப்ரல் மாதம் இறுதியில் திருவனந்தபுரத்தில் நடந்த அனந்தபுரி இந்து மகா சம்மேளனத்தில் கிறிஸ்தவ மதம் சார்பில் கலந்துகொண்ட கேரள ஜனபக்‌ஷம் கட்சி தலைவர் பி.சி.ஜார்ஜ், ``ஓட்டல் நடத்தும் இஸ்லாமியர்கள் உணவில் வேண்டும் என்றே குழந்தை பிறக்காமல் இருப்பதற்கான மருந்தை கலக்கிறார்கள். முஸ்லிம்கள் அவர்களின் எண்ணிக்கையை அதிகரித்து, இந்த நாட்டை இஸ்லாமிய நாடாக மாற்ற முயல்கிறார்கள். இஸ்லாமிய மதகுருக்கள் உணவில் மூன்றுமுறை துப்பிய பிறகு அதை பரிமாறுகிறார்கள். இஸ்லாமியர்கள் அல்லாதவர்கள் வசிக்கும் இடங்களில் அவர்கள் கடைகளை அமைத்து, இஸ்லாமியர்கள் அல்லாதவர்களின் பணத்தை கவர்ந்து கொண்டுசெல்கின்றனர். இதை இந்துக்கள் உணர்ந்துகொள்ள வேண்டும்" என பேசி சர்ச்சையில் சிக்கினார். அதற்காக அவர் மீது வழக்கு பதியப்பட்டு கைதும் செய்யப்பட்டார்.சர்ச்சைக்குரிய வகையில் பேசிய பி.சி.ஜார்ஜ் லவ் ஜிகாத் குறித்தும், பாலியல் வன்கொடுமைக்கு ஆளான கன்னியாஸ்திரி குறித்தும் பேசி சர்ச்சையில் சிக்கிக்கொண்டார். மேலும் கேரள சுகாதாரத்துறை அமைச்சர் வீணா ஜார்ஜ் பற்றியும் சர்ச்சைக்குரிய வகையில் பேசியதால் பலரின் கண்டனங்களுக்கு ஆளானார். இதனிடையே 2017-ம் ஆண்டு கேரளாவைச் சேர்ந்த பிரபல நடிகையை காரில் கடத்தி பாலியல் தொல்லை கொடுக்கப்பட்ட வழக்கில் நடிகர் திலீபிடம் தீவிர விசாரணை நடத்தப்பட்டு வருகிறது. இந்த நிலையில் பாலியல் விவகாரத்தில் பாதிக்கப்பட்ட நடிகை குறித்து சர்ச்சைக்குரிய வகையில் பேசியுள்ளார் பி.சி.ஜார்ஜ். கோட்டயத்தில் செய்தியாளர்கள் சந்திப்பின்போது பேசிய முன்னாள் எம்.எம்.ஏ பி.சி.ஜார்ஜிடம் நடிகை பாலியல் வழக்கில் சிக்கிய நடிகர் திலீப் குறித்து கேள்வி எழுப்பப்பட்டது. அதற்கு பதிலளித்த பி.சி.ஜார்ஜ், ``பாதிக்கப்பட்ட நடிகையைப் பற்றி நாம் ஏன் பேசவேண்டும். அவருக்கு நிறைய சினிமா வாப்புகள் வருகின்றன. அவர் தப்பித்துக்கொண்டார். அந்த பிரச்னை (பாலியல்) ஏற்பட்டதால் அவருக்கு லாபம்தான், நஷ்டம் எதுவும் இல்லை. முன்னாள் எம்.எல்.ஏ பி.சி.ஜார்ஜ் பெண் என்கிற வகையில் தனிப்பட்ட வாழ்க்கையில் ஏற்பட்ட நஷ்டம் பெரியதுதான். அதில் எந்த சந்தேகமும் வேண்டாம். அதில் எனக்கும் வருத்தம் உண்டு. அந்த பிரச்னையால் அவருக்கு பொது விஷயங்களிலும், வேறு (சினிமா) துறையிலும் அவருக்கு லாபம் ஏற்பட்டுள்ளது என்று நான் நம்புகிறேன்" என்றார். இவரின் இந்த சர்ச்சை கருத்துக்கு தற்போது பலத்த எதிர்ப்பு கிளம்பி இருக்கிறது.
http://dlvr.it/SWVdMb

Read More

மதுரை ராணுவ வீரர் வீர மரணம்: ``இன்னுயிர் ஈந்து நாட்டைக் காத்த நாயகர்களுக்கு வீரவணக்கம்” - முதல்வர்

ஜம்மு காஷ்மீரில், ரஜோரியிலுள்ள இந்திய ராணுவம் முகாம் மீது நேற்று முன்தினம் தீவிரவாதிகள் தாக்குதல் நடத்தியிருக்கின்றனர். எதிர்பாராத நேரத்தில் நடந்த இந்த சம்பவத்தில், இந்திய ராணுவ வீரர்கள் 3 பேர் பரிதாபமாக உயிரிழந்தனர். மேலும், இந்த சம்பவத்தில் தீவிரவாதிகள் 2 பேர், இந்திய ராணுவத்தினரால் சுட்டுக்கொல்லப்பட்டனர்.ஜம்மு காஷ்மீர் இந்த நிலையில் உயிரிழந்த 3 இந்திய ராணுவ வீரர்களில் ஒருவர் தமிழ்நாட்டைச் சேர்ந்தவர் எனத் தெரியவந்திருக்கிறது. உயிரிழந்த தமிழ்நாட்டு வீரர் மதுரையைச் சேர்ந்த லட்சுமணன் என தெரியவந்திருக்கும் நிலையில், அவரின் வீர மரணத்துக்கு தமிழ்நாடு முதல்வர் ஸ்டாலின் இரங்கல் தெரிவித்திருக்கிறார்.ஸ்டாலின் இதுகுறித்து ஸ்டாலின் தன் ட்விட்டர் பக்கத்தில், ``ஜம்மு காஷ்மீர் ரஜோரியில் தற்கொலைப்படைப் பயங்கரவாதிகளின் தாக்குதலை எதிர்கொண்டு, மதுரையைச் சேர்ந்த லட்சுமணன் உள்ளிட்ட 3 வீரர்கள் வீரமரணம் எய்திய நிகழ்வு மிகுந்த வேதனையளிக்கிறது. இன்னுயிர் ஈந்து நாட்டைக் காத்த நாயகர்களுக்கு என் வீரவணக்கம்! அவர்தம் குடும்பத்தாருக்கு ஆழ்ந்த இரங்கல்!" என ட்வீட் செய்திருக்கிறார்.அரசு அறிக்கை மேலும் உயிரிழந்த லட்சுமணன் குடும்பத்தாருக்கு நிதியுதவியும் அறிவித்திருக்கிறார். இதுகுறித்து வெளியான அதிகாரப்பூர்வ அறிக்கையில், ``தாய்நாட்டைக் காக்கும் அரிய பணியில் தன் இன்னுயிரைத் தியாகம் செய்து வீரமரணமெய்திய ராணுவ வீரர்களுக்கு என் அஞ்சலியையும், வீரவணக்கத்தையும் சமர்ப்பிக்கிறேன். வீரமரணமெய்திய தமிழ்நாட்டைச் சேர்ந்த லட்சுமணன் அவர்களின் குடும்பத்துக்கு எனது ஆழ்ந்த இரங்கலைத் தெரிவித்துக்கொள்வதோடு அவர்களுக்கு இருபது லட்சம் ரூபாய் நிதியுதவியும் வழங்க உத்தரவிட்டுள்ளேன்" என ஸ்டாலின் கூறியுள்ளார். 2018-ம் ஆண்டுக்குப் பிறகு ஜம்மு காஷ்மீரில், ராணுவ முகாம் மீது நடத்தப்பட்ட மிகப்பெரிய தீவிரவாத தாக்குதல் இது எனக் கூறப்படும் நிலையில், இந்த தாக்குதலின் பின்னணியில் லஷ்கர் இ தொய்பா இருப்பதாக பாதுகாப்பு படையினர் கருத்துதெரிவித்திருக்கின்றனர்.
http://dlvr.it/SWVClW

Read More

மூச்சுவிட்ட Teddy Bear... மாட்டிக்கொண்ட கார் திருடன் - பிரிட்டன் போலீசாரின் சுவாரஸ்ய பதிவு

பிரிட்டனில் பெரிய டெடி பியருக்குள் ஒளிந்திருந்த கார் திருடனை போலீசார் கைது செய்து சிறையில் அடைத்துள்ளனர். பிரிட்டனில் 18 வயது நிரம்பிய ஜோசுவா டோப்சன் என்ற இளைஞர் எரிபொருள் நிரப்பச்சென்ற காரில் எரிபொருள் நிரப்புவதற்குள் பணத்தை கொடுக்காமல் காரை திருடிச்சென்றார். இதனால் கிரேட்டர் மான்செஸ்டர் போலீசார் கடந்த மே மாதத்திலிருந்து கார் திருடன் ஜோசுவாவை தேடிவந்தனர். கடந்த மாதம் அவருடைய முகவரியைக் கண்டறிந்து வீட்டிற்கு சென்றபோது ஜோசுவாவை அங்கு காணவில்லை. ஆனால் வீட்டில் கிடந்த ஒரு 5 அடி நீளமுள்ள உயிரற்ற டெடி பியர் மூச்சுவிடுவதை பார்த்திருக்கின்றனர். இதில் போலீசாருக்கு சந்தேகம் எழவே, அவர்கள் டெடியை அசைத்து பார்த்துள்ளனர். பஞ்சால் அடைக்கப்பட்டிருக்கும் டெடி கனத்ததை கண்டு அதனை பரிசோதித்ததில் உள்ளே ஜோசுவா உடலை சுருட்டி அமர்ந்திருந்ததை கண்டறிந்தனர். இதுகுறித்து க்ரேட்டர் மான்செஸ்டர் போலீசார் ஃபேஸ்புக் பக்கத்தில் பகிர்ந்துள்ள பதிவில், ‘’நாங்கள் அவரை கைதுசெய்ய அங்கு சென்றோம். எங்கள் அதிகாரிகள் ஒரு பெரிய டெடி பியர் மூச்சுவிடுவதை கண்டு சந்தேகித்து அதனை பரிசோதித்தபோது உள்ளே டோப்சன் மறைந்திருந்தார்’’ என்று குறிப்பிட்டுள்ளனர். டெடிக்குள் மறைந்திருந்த ஜோசுவா தற்போது கம்பிகளுக்கு பின்னால் இருக்கிறார் என்று அதிகாரிகள் தெரிவித்துள்ளனர். கடந்த வாரம் மோட்டார் வாகனத்தை திருடிய குற்றத்திற்காகவும், லைசன்ஸ் பறிக்கப்பட்ட நிலையில் வாகனம் ஓட்டியதற்காகவும், பணம் செலுத்தாமல் பெட்ரோல் நிலையத்திலிருந்து வெளியேறியதற்காகவும் அவருக்கு தண்டனை விதிக்கப்பட்டுள்ளது.
http://dlvr.it/SWSt3v

Read More

``தியேட்டருக்கு வரும் வழியில் பள்ளம் உண்டு" கேரள அரசியலில் புயலைக் கிளப்பிய சினிமா!

குஞ்சக்கோ போபன் கதாநாயகனாக நடித்துள்ள 'ந்நா தான் கேஸ் கொடு' என்ற மலையாள சினிமா இன்று தியேட்டர்களில் ரிலீஸ் ஆகியிருக்கிறது. அதில் சாலையில் உள்ள ஆபத்தான பள்ளங்கள் குறித்து அமைச்சருக்கு எதிராக கோர்ட்டில் வழக்கு தொடருவதுபோன்ற காட்சிகள் இடம்பெற்றுள்ளன. இதற்கிடையே இன்று இந்த சினிமா குறித்த விளம்பரத்தில் "தியேட்டருக்கு போகும் வழியில் பள்ளம் உண்டு, ஆனாலும் வரவேண்டும்" என்ற குறிப்பும் இடம்பெற்றுள்ளது. கடந்த சில வாரங்களாக கேரளாவில் பெய்த மழையால் சாலைகள் குண்டும் குழியுமாக இருப்பது பற்றி புகார்கள் எழுந்துள்ள இந்த சமயத்தில், குஞ்சக்கோ போபன் சினிமா விளம்பரம் அரசியலில் கடும் விவாதத்தைக் கிளப்பியிருக்கிறது. சமூக வலைதளங்களில் சினிமாவுக்கு ஆதரவான கருத்துகளும், குஞ்சக்கோ போபனுக்கு எதிரான கருத்துக்களுமாக அனல் பறக்கும் விவாதங்கள் நடந்துவருகின்றன. ஆளும் CPM கட்சியைச் சேர்ந்தவர்கள் சினிமாவுக்கு எதிராகவும், எதிர்கட்சியினர் ஆதரவாகவும் கருத்துக்களை பகிர்ந்து வருகின்றனர்.'ந்நா தான் கேஸ் கொடு' சினிமா விளம்பரம் இந்த சினிமா குறித்து பேசிய கேரள எதிர்கட்சி தலைவர் சதீசன் "சி.பி.எம் கட்சியின் நாளேடான தேசாபிமானி-யில் முதல் பக்கத்தில் இந்த சினிமா விளம்பரம் வந்துள்ளது. தங்கள் பகுதியில் உள்ள குழிகளின் பொதுமக்கள் போட்டோ எடுத்து சமூக வலைத்தளங்களில் பதிவேற்றம் செய்து வருகின்றனர். பள்ளங்களால் விபத்து ஏற்பட்டு பலருக்கு கைகள் முறிந்த நிலை ஏற்பட்டுள்ளது. சினிமாவை சினிமாவாக பார்க்க வேண்டும்" என்றார். இதுபற்றி கேரளா பொதுப்பணித்துறை அமைச்சர் முகம்மது ரியாஸ் கூறும்போது, "சினிமாவின் விளம்பரத்தையும் சினிமாபோல பார்த்தால் போதும். சாலைகளை மேம்படுத்த பல்வேறு திட்டங்கள் வகுக்கப்பட்டுள்ளன. முதலில் வடிகால் ஓடைகள் அவசியம். அப்போதுதான் சாலைகள் மோசமாவது தடுக்கப்படும். இரண்டாவதாக காலநிலையால் சாலைகள் மோசமடைகின்றன. அதற்காக புதிய டெக்னாலஜி குறித்து ஆலோசித்து வருகிறோம். விமர்சனங்களையும், ஆலோசனைகளையும் வரவேற்கிறோம். ஆலோசனைகளுக்காக பொதுப்பணித்துறை புதிய நடைமுறையை கொண்டுவர உள்ளது" என்றார்.'ந்நா தான் கேஸ் கொடு' சினிமாவில் குஞ்ஞாக்கோ போபன் தனது சினிமா விளம்பரம் சர்ச்சையானதை அடுத்து செய்தியாளர்களைச் சந்தித்த குஞ்சக்கோ போபன், "இந்த சினிமாவில் பள்ளம் கதையின் கருவாக அமைந்துள்ளது. அந்த பள்ளம் எப்படி ஒரு தொழிலாளியை பாதித்தது என்பதை நகைச்சுவையாகச் சொல்லியிருக்கிறோம். இது ஒரு அரசையோ, அரசியல் கட்சியையோ மனதில் வைத்து எடுக்கப்பட்ட சினிமா அல்ல. இந்த சினிமாவின் கரு எத்தனையோ ஆண்டுகளுக்கு முன்பு உருவானது. அதிலும் தமிழ்நாட்டில் நடந்த ஒரு பிரச்னையை மையமாக வைத்தே நாங்கள் சினிமா எடுத்துள்ளோம். அப்படி பார்த்தால் தமிழ்நாடு அரசுக்கு எதிரான சினிமா என விமர்ச்சிப்பார்களோ. இது வரை செய்யாத நல்ல சினிமா செய்துள்ளேன். எனவே அதை நல்லதாகப் பாருங்கள், சர்ச்சையாக்காதீர்கள்" என்றார்.
http://dlvr.it/SWSL7f

Read More

`பழங்குடியின மக்களின் பாடலை உலகின் கவனத்துக்குக் கொண்டுசென்றவர் நஞ்சியம்மா!' - பினராயி விஜயன்

உலக பழங்குடியின தினத்தை முன்னிட்டு, திருவனந்தபுரத்தில் நடந்த நிகழ்ச்சியில் கேரள முதல்வர் பினராயி விஜயன் கலந்துகொண்டார். அந்த நிகழ்ச்சியில் சிறந்த பின்னணி பாடகருக்கான தேசிய சினிமா விருது அறிவிக்கப்பட்ட பழங்குடியின பாடகி நஞ்சியம்மாளுக்கு முதல்வர் பினராயி விஜயன் பரிசு வழங்கினார். இந்த நிகழ்ச்சியில் பேசிய நஞ்சியம்மா, "எனது மனமும், கண்களும் நிறைந்தன. நம் முதல்வருக்கும், மக்களுக்கும் நன்றி. இது மக்கள் எனக்கு அளித்த விருது. நான் கஷ்டப்பட்டு வாங்கியது அல்ல. எனது பாட்டை இனியும் நான் உங்களுக்குத் தருவேன். இன்னும் எங்கள் மக்கள் வெளியே தெரியாமல் உள்ளே இருக்கிறார்கள். அவர்களை அரசு வெளியே கொண்டுவர வேண்டும். என் பாட்டு பிடித்தால் எடுத்துக் கொள்ளுங்கள் என இயக்குநர் சச்சி சாரிடம் சொன்னேன். எனக்கு பேசவும், பாடவும் நிறைய இருக்கிறது. பல நிகழ்ச்சிகளுக்குச் சென்றதால் என் குரல் போய்விட்டது. என்னை மன்னித்துவிடுங்கள்" என்றவர் ’களக்காத்தா சந்தணமேரா...’ பாடலை மேடையில் பாடினார். மேடையில் இருந்த வி.ஐ.பிகளும் அங்கு கூடியிருந்தவர்களும் தாளம்போட்டு பாடலை ரசித்தனர்.நஞ்சியம்மாவுக்கு நினைவு பரிசு வழங்கும் முதல்வர் பினராயி விஜயன்"சினிமாவில் எனது குரலை ஒலிக்க வைத்தது சச்சி சார்தான்!"- தேசிய விருது பெற்ற நஞ்சியம்மா நெகிழ்ச்சி இந்த நிகழ்ச்சியில் பேசிய முதல்வர் பினராயி விஜயன், "உலகத்தில் உள்ள 48 கோடி பழங்குடியின மக்களின் பாரம்பர்யத்தையும், சரித்திர வரலாற்றையும் வரும் தலைமுறைக்குக் கொண்டுசெல்ல வேண்டும். அதன் முக்கியத்துவத்தை கருத்தில் கொண்டே உலகம் இந்த முறை பழங்குடியின தினத்தை கொண்டாடுகிறது. பழங்குடியின பாடகி நஞ்சியம்மாவை நாம் பாராட்டியுள்ளோம். ஒவ்வொரு மக்களுக்கும், ஒவ்வொரு நாட்டுக்கும் அதற்கான இசையும், பாடலும் உண்டு. கேரள பழங்குடியின மக்களின் பாரம்பர்ய பாடலை உலகின் கவனத்துக்கு கொண்டு சென்றவர் நஞ்சியம்மா. பழங்குடியின இசையை நமக்கு அறிமுகம் செய்த அவரை பாராட்டுகிறோம். சுதந்திரத்தின் 75-வது ஆண்டு கொண்டாட்டங்கள் நடக்கும் சமயத்தில், இந்திய அரசியலமைப்பு முன்வைக்கும் சமூக, பொருளாதார சமத்துவத்துவத்தை ஏற்படுத்த எவ்வளவு முடிந்தது என்பதை ஆய்வு செய்ய வேண்டும். சுதந்திர இந்தியாவில் பழங்குடியின மக்களின் வாழ்க்கை எவ்வளவு முன்னேற்றத்தை கண்டுள்ளது என்பதை மனதில் வைத்து ஆய்வு செய்ய வேண்டும். தரமான கல்வி, உயர்ந்த ஆரோக்கியம் என்ற வாசகத்தை கேரளா முன்வைக்கிறது. இந்த இரண்டு விஷயங்களில இந்தியாவில் மற்ற மாநிலங்களை விட கேரளா மிகவும் முன்னிலையில் உள்ளது. அதில் உலகத்தின் கவனத்தை ஈர்க்கும் பல செயல்பாடுகளும் உள்ளன.முதல்வர் பினராயி விஜயன், நஞ்சியம்மா பழங்குடியின மக்களின் எதிர்காலத்தை கருத்தில் கொண்டுள்ள நடவடிக்கைகளை அரசு செயல்படுத்தி வருகிறது. நம் நாட்டின் சரித்திரத்தைப் போன்று பழங்குடியின மக்களும், மக்களின் கலாசாரமும், பண்பாடும் பழமையானவை. நாடு சுதந்திரத்தின் 75-வது ஆண்டு விழாவை கொண்டாடும் இந்த சமயத்தில் பழங்குடியினத்தைச் சேர்ந்த சுதந்திர போராட்ட வீரர்களின் நினைவுகளை நிலைநிறுத்தும் விதமாக வயநாடு சுகந்தகிரியில் 20 ஏக்கரில் ஒரு டிரைபல் மியூசியம் அமைக்க நடவடிக்கை எடுத்துள்ளோம்" என்றார்.
http://dlvr.it/SWRpM4

Read More