ஆணுறை, கருத்தடை மாத்திரை வழங்கும் ஒடிசா அரசு: அதுவும் புதுமண தம்பதிகளுக்கு.. ஏன் தெரியுமா?

புதுமண தம்பதிகளுக்கு கருத்தடை மருந்துகள், ஆணுறைகள் உள்ளிட்ட முக்கிய இல்லறம் சார்ந்த பொருட்கள் அடங்கிய தொகுப்பு ஒன்றை ஒடிசா அரசு சார்பில் கொடுக்கப்படும் என அறிவிக்கப்பட்டிருக்கிறது. இது மத்திய அரசின் பரிவார் விகாஸ் என்ற திட்டத்தின் கீழ் கொடுக்கப்படும் என்றும் தெரிவிக்கப்பட்டிருக்கிறது. நயி பாஹல் அல்லது நபாதம்பதி என்பதன் பேரிலான தொகுப்பைதான் புதுமண தம்பதிகளுக்கும், குடும்பக் கட்டுப்பாடு செய்துக் கொள்ள நினைக்கும் தம்பதிகளுக்கும் ஆஷா பணியாளர்கள் மூலம் வழங்கப்படவுள்ளது. அந்த தொகுப்பில், ஆணுறை, கருத்தடை மருந்துகள், குடும்பக் கட்டுப்பாடு மற்றும் குழைந்தை பெற்றுக் கொள்வதற்கான இடைவெளி குறித்த கையேடு, திருமண பதிவு சான்றிதழ் ஆகியவை அடங்கியிருக்கும். மேலும் இந்த ஒவ்வொரு தொகுப்பிலும் இரண்டு துண்டுகள், ஒரு நெயில்கட்டர், கண்ணாடி, சீப்பு, கைக்குட்டையும் இணைத்து கொடுக்கப்படும். சுகாதாரம் மற்றும் குடும்ப நலத்துறை இயக்குநர் பிஜய் பானிக்ராஹி இது தொடர்பாக பேசுகையில், “குடும்பக் கட்டுப்பாட்டு திட்டத்தை வலுப்படுத்த இந்த தொகுப்பு வழங்கப்பட இருக்கிறது. இந்த திட்டத்தின் நன்மைகள் குறித்த விழிப்புணர்வை ஏற்படுத்தவே புதுமண தம்பதிகளுக்கு இந்த கிட் வழங்கப்பட உள்ளது என்றும், இந்த திட்டம் கிராமம் மற்றும் நகர்ப்புறங்களிலும் செயல்படுத்தப்படும் என்றும் கூறியுள்ளார். மேலும், இந்த ஆண்டு செப்டம்பர் மாதத்திற்குள் இந்த திட்டம் நடைமுறைக்கு வரும் என எதிர்ப்பார்க்கப்படுகிறது.
http://dlvr.it/SWbz2B

Read More

அறுவை சிகிச்சையைக்கூட செயற்கைக்கோள் வழியாக கண்டறியலாம் - மயில்சாமி அண்ணாதுரை

வருங்காலங்களில் மருத்துவ அறுவை சிகிச்சையைக்கூட செயற்கைக்கோள் வழியாக கண்டறியலாம். கணிணி புரட்சியைபோல வருங்காலங்களில் செயற்கைக்கோள் மூலம் பல்வேறு துறைகளின் பணிகளை செய்ய உள்ளோம் என தஞ்சையில் முன்னாள் சந்திரயான் திட்ட இயக்குநர் மயில்சாமி அண்ணாதுரை பேட்டியளித்துள்ளார். இந்திய அறுவை சிகிச்சை மருத்துவர்களின் சங்கத்தின் 45-ஆவது மாநில மாநாடு தஞ்சையில் நடைபெற்றது. அதில் பல்வேறு மருத்துவ நவீன தொழில்நுட்பங்கள் காட்சிப்படுத்தப்பட்டன. அதில் பல்வேறு மருத்துவர்கள் தங்களது அனுபவங்களை இளம் மருத்துவர்களுக்கு தெரிவித்தனர். சிறப்பு விருந்தினராக கலந்துகொண்ட முன்னாள் சந்திரயான் திட்ட இயக்குநர் மயில்சாமி அண்ணாதுரை, ‘’அறிவியல் தொழில்நுட்பம் எல்லா துறைகளிலும் அதன் பங்களிப்பை செய்து வருகிறது. அந்தவகையில் மருத்துவ அறுவைசிகிச்சையிலும் அறிவியல் தொழில்நுட்பம் சார்ந்துள்ளது. கத்தரிக்கோலால் அறுவைசிகிச்சை செய்யப்பட்ட காலத்தில் இருந்து தற்போது இயந்திரம் மூலம்வரை மிக சிறப்பாக அறுவை சிகிச்சைகள் செய்யப்பட்டு வருகின்றன. ஒவ்வொரு இரண்டு நிமிடங்களுக்கு புதிய வகை அறுவைசிகிச்சை தொழில்நுட்பங்கள் வெளியாகிக்கொண்டு இருப்பதாகக் கூறப்படுகிறது. மருத்துவர்களின் ஆய்வு காலம் முழுவதும் ஏதாவது புதிதாக கற்றுக்கொண்டு இருக்கிறார்கள். கொரோனா தாக்கத்தில் இருந்து மூன்று ஆண்டுகளில் மீண்டுவர உதவியது அறிவியல் வளர்ச்சிதான். அனைவருக்கும் தடுப்பூசி செலுத்தப்பட்டது. அறிவியல் வளர்ச்சி இல்லை என்றால், கொரோனாவிலிருந்து மீள 10 ஆண்டு காலம் ஆகியிருக்கும். உலகளவில், இந்தியாவில் மக்கள்தொகை பெருக்கத்தால், நோய்களும் அதிகரிக்கும் சூழலில், மருத்துவர்களின் தேவைகளும் அதிகமாக உள்ளது. மேலும், அதற்கேற்ற அறிவியலும் தேவையாக உள்ளது. உலகளவில் விண்ணுக்கு பல ஆயிரம் செயற்கைக்கோள் ஏவப்பட்டுள்ளது. நமது நாட்டிலிருந்தும் நூறுக்கும் மேற்பட்ட செயற்கைக்கோள்கள் விண்ணுக்கு அனுப்பப்பட்டுள்ளது. மேலும் மற்ற நாடுகளுக்காக இந்தியாவில் இருந்து சுமார் 350 செயற்கைக்கோள் அனுப்பப்ட்டுள்ளது. கொரோனா காலத்தில் மட்டும் உலகளவில் 3 ஆயிரம் செயற்கைகோள்கள் ஏவப்பட்டுள்ளது. வருங்காலங்களில் மருத்துவ அறுவை சிகிச்சையை கூட செயற்கைகோள் வழியாக கண்டறியப்படலாம் எனக் கூறுகிறார்கள். கணிணி புரட்சியைபோல வருங்காலங்களில் செயற்கைகோள் மூலம் பல்வேறு துறைகளின் பணிகளை செய்ய உள்ளோம்’’ என்றார்.
http://dlvr.it/SWbh7v

Read More

'நாடு இல்லையென்றால் நாம் இல்லை'- ட்விட்டரில் வீடியோ வெளியிட்டு ரஜினிகாந்த் வேண்டுகோள்

சாதி, மத, கட்சி வேறுபாடின்றி நாம் எல்லாரும் இந்தியர்கள் என்ற உணர்வோடு, வீடுகள் முன்பு தேசியக் கொடி ஏற்ற வேண்டும் என நடிகர் ரஜினிகாந்த், தனது ட்விட்டர் பக்கத்தில் வீடியோ வெளியிட்டு வலியுறுத்தியுள்ளார். இந்திய நாட்டின், 75-வது சுதந்திர தினம் வருகிற ஆகஸ்ட் 15-ம் தேதி கோலகலமாக நாடுமுழுவதும் கொண்டாடப்பட உள்ளது. இதற்காக அனைத்து மாநிலங்களிலும் பல்வேறு ஏற்பாடுகளும் நடைபெற்று வருகின்றன. மேலும் ஆகஸ்ட் 13 முதல் 15 வரை, 'வீடுகள் தோறும் மூவர்ணம்' என்றுக்கூறி, நாட்டில் உள்ள அனைவரும் தங்களது வீட்டின் வெளியே தேசியக் கொடியை பறக்க விடுமாறு பிரதமர் மோடி அழைப்பு விடுத்திருந்தார். இதையடுத்து அவரின் அழைப்பை ஏற்று நாட்டு பொதுமக்களும், அரசியல் கட்சித் தலைவர்களும், சினிமா பிரபலங்களும் தங்கள் வீட்டின் முன் தேசியக் கொடியை பறக்கவிட்டு அதனை புகைப்படம் எடுத்து சமூக வலைதளங்களில் பதிவிட்டு வருகின்றனர். நடிகர்கள் ரஜினிகாந்த், மோகன்லால் ஆகியோர் தங்களது வீட்டு வாயில்களில் சுதந்திர கொடியை பறக்க விட்ட புகைப்படங்களும் வெளியாகி வைரலாகின. இந்நிலையில் நடிகர் ரஜினிகாந்த் தனது ட்விட்டர் பக்கத்தில் வீடியோ ஒன்றை வெளியிட்டுள்ளார். அதில், “வணக்கம். இந்த ஆண்டு நமது நாடு சுதந்திரம் பெற்ற 75-வது ஆண்டு. நம்ம நாட்டை வணங்கும் விதமாக, நமது எல்லோருடைய ஒற்றுமையை காட்டும்விதமாக... நமது இந்திய நாடு சுதந்திரம் அடைவதற்கு எத்தனையோ வருடங்கள், பல லட்சம் பேர் எவ்வளவோ சித்ரவதைகள், கொடுமைகள் அனுபவித்திருக்கிறார்கள். எத்தனையோ பேர் அவர்களுடைய உயிரையே தியாகம் செய்திருக்கிறார்கள். அந்த சுதந்திர தியாகிகளுக்கு, அந்த சுதந்திரப் போராட்ட வீரர்களுக்கு மரியாதை செலுத்தும்விதமாக, வருகிற 15-ம் தேதி சாதி, மத, கட்சி வேறுபாடு இல்லாமல், நாம் எல்லாரும் இந்தியர்கள் என்ற உணர்வோடு, ஒரு இரண்டு அடி அல்லது மூன்று அடி கொம்புகளில் நமது தேசியக் கொடியை கட்டி நமது வருங்கால சந்ததிகளான குழந்தைகள், இளைஞர்கள் கைளால் நமது வீட்டுக்கு முன்பு அந்தக் கொடியை பறக்கவிட்டு நாம் பெருமைப்படுவோம். நாடு இல்லையென்றால் நாம் இல்லை. நாம் அனைவரும் இந்தியர்கள் என்று பெருமைப்படுவோம். ஜெய்ஹிந்த்” இவ்வாறு அவர் குறிப்பிட்டுள்ளார். https://publish.twitter.com/?query=https%3A%2F%2Ftwitter.com%2Frajinikanth%2Fstatus%2F1558379203610824705&widget=Tweet
http://dlvr.it/SWZkCT

Read More

கர்நாடகா: `அனைத்து பெண்களையும் அவமதிக்கும் பேச்சு’ - காங்கிரஸ் எம்எல்ஏ குற்றச்சாட்டுக்கு பாஜக பதில்

கர்நாடக காங்கிரஸ் கட்சியின் செய்தித் தொடர்பாளரும், எம்.எல்.ஏ-வுமான பிரியங்க் கார்கே, பா.ஜ.க தலைமையிலான மாநில அரசு, அரசு வேலைகளை விற்க முடிவு செய்திருக்கிறது என குற்றம்சாட்டினார். இது தொடர்பாக அவர் கூறியதாவது, "பல்வேறு அரசு பதவிகளில் ஆள் சேர்ப்பதில் பா.ஜ.க பெரிய அளவில் ஊழலில் ஈடுபடுவதைத் தடுக்க வேண்டும். அரசு பதவிகளை பா.ஜ.க விற்க முடிவு செய்திருக்கிறது. இளம் பெண்களுக்கு அரசு வேலை வேண்டுமானால், எந்த அரசியல்வாதியுடனாவது இரவு தங்க வேண்டும். ஆண்களாக இருந்தால் அரசு வேலைக்கு லஞ்சம் கொடுக்க வேண்டும். ஒரு அமைச்சர் ஒருஇளம் பெண்ணை அரசு வேலைக்காக தன்னுடன் இரவு தங்க கூறியதும், அவரின் ஊழல் வெளிச்சத்திற்கு வந்தவுடன் அவர் ராஜினாமா செய்ததும், எனது வார்த்தைகளுக்குச் சான்றாகும். பிரியங்க் கார்கே ஒவ்வொரு அரசு வேலைத் தேர்விலும் முறைகேடுகள் நடந்தால் ஏழை, திறமையான மாணவர்கள் எங்கே போவது?, எந்த ஊழல் வெளிச்சத்துக்கு வந்தாலும் தங்களுக்கு எதுவும் ஆகாது என்பது குற்றவாளிகளுக்கும் இடைத்தரகர்களுக்கும் தெரியும். இதனால், அரசு வேலைக்கு விண்ணப்பித்திருக்கிற சுமார் 3 லட்சம் மாணவர்களின் எதிர்காலத்துடன் அரசு விளையாடுகிறது. மேலும், பா.ஜ.க. தேசபக்தியை வணிகத்திற்காகப் பயன்படுத்துகிறது. பாலிஸ்டர் (polyester) கொடிகளைப் பயன்படுத்துவதை அனுமதிக்கும் வகையில் கொடி குறியீடு திருத்தப்பட்டுள்ளது. இதன் மிகப்பெரிய பயனாளி ரிலையன்ஸ் நிறுவனம்தான். அதே போல, ரயில்வே ஊழியர்களுக்கு அவர்களின் சம்பளத்திலிருந்து பணம் பிடித்தம் செய்து, அவர்களுக்குக் கொடி கட்டாயம் வழங்கப்படுகின்றன" எனத் தெரிவித்தார்.பாஜக - காங்கிரஸ் இந்த குற்றச்சாட்டுகளுக்குப் பதிலளித்த பா.ஜ.க, "முன்னாள் அமைச்சர் பிரியங்க் கார்கே இது போன்ற கருத்துகளை வெளியிடுவதற்கு முன் தனது சொந்த வீட்டின் அழுக்கைக் கவனிக்க வேண்டும். காங்கிரஸ் ஆட்சியில் தான் ஜெயமாலா லஞ்ச ஊழல் அம்பலமானது, அதில் யார் ஈடுபட்டுள்ளனர் என்பது அனைவருக்கும் தெரியும். அதே போல, நாட்டின் பல பெண்கள் கடினமாக உழைத்து, படித்து, தேர்வில் தங்களால் இயன்றதைக் கொடுத்து அதில் தேர்ச்சி பெற்று வேலை பெறுகின்றனர். பிரியங்க் கார்கே கூறிய கருத்து அனைத்து பெண்களை அவமதிக்கும் வகையில் உள்ளது, அவர் உடனடியாக மன்னிப்பு கேட்க வேண்டும்," என்று பா.ஜ.க மறுப்பு தெரிவித்திருக்கிறது.``நம்முடைய பிரதமர் மோடி, நேருவுக்கு நேர் எதிரானவர்..!" - காங்கிரஸ் எம்.பி சசி தரூர்
http://dlvr.it/SWZNFS

Read More

மும்பை: திருமணம் செய்யும் படி நிர்ப்பந்தம் செய்த காதலி - கடலில் தள்ளி கொலை செய்த காதலன்

மும்பை அருகில் உள்ள விரார் பகுதியில் வசிப்பவர் அபிஷேக்(22). இவர் கடந்த 2016-வது ஆண்டிலிருந்து நிஷா(20) என்ற பெண்ணை காதலித்து வந்தார். நிஷா மலபார் ஹில் பகுதியில் வீட்டு வேலை செய்து வந்தார். அபிஷேக்கிடம் நிஷா தன்னை திருமணம் செய்து கொள்ளும்படி கேட்டு வந்ததாக சொல்லப்படுகிறது. ஆனால் திருமணத்தை தொடர்ந்து தள்ளிப்போட்டுக்கொண்டே வந்தார் அபிஷேக். இதனால் இருவருக்கும் இடையே அடிக்கடி தகராறு ஏற்பட்டது. கடைசியாக ஏற்பட்ட தகராறில் நிஷா, தன்னை திருமணம் செய்துகொள்ளவில்லையெனில் கடும் விளைவுகளை சந்திக்க நேரிடும் என்று அபிஷேக்கை மிரட்டிவிட்டு சென்றார் எனக் கூறப்படுகிறது. இதனால் இப்பிரச்னைக்கு முடிவு கட்ட அபிஷேக் திட்டமிட்டார். இதையடுத்து கடந்த 31-ம் தேதி அபிஷேக் போன் செய்து இப்பிரச்னை குறித்து விவாதிக்க வரும்படி நிஷாவிடம் கேட்டுக்கொண்டார். நிஷாவும் அபிஷேக் சொன்ன இடத்திற்கு வந்தார். அவரை ரயிலில் அழைத்துக்கொண்டு பயந்தர் என்ற இடத்திற்கு சென்றார் அபிஷேக். அவரை அழைத்துக்கொண்டு ரயில்வே மேம்பாலத்தில் அபிஷேக் நடந்து சென்றார். இருவரும் பேசிக்கொண்டே நடந்து சென்றனர். அந்நேரம் நிஷாவை கடலுக்குள் பிடித்து தள்ளிவிட்டுவிட்டார். நிஷா காணாமல் போனது குறித்து அவரின் சகோதரர் போலீஸில் புகார் செய்தார். போலீஸார் நிஷாவின் மொபைல் போன் கடைசியாக எங்கு இருந்தது என்பதை ஆய்வு செய்த போது பயந்தர் பகுதியில் காட்டியது. இதையடுத்து போலீஸாருக்கு அபிஷேக் மீது சந்தேகம் ஏற்பட்டது. அபிஷேக்கும் நிஷாவும் ஏற்கனவே தொடர்பில் இருந்தது நிஷாவின் சகோதரருக்கும் தெரிந்திருந்தது. நிஷாவின் சகோதரர் கொடுத்த தகவலின் பேரில் அபிஷேக்கை பிடித்து விசாரித்த போது நிஷாவை கடலில் தள்ளிவிட்டு கொலை செய்தது தெரிய வந்தது. உடனே கடலில் தேடிப்பார்த்ததில் நிஷாவின் உடல் கடலில் இருந்து கண்டுபிடிக்கப்பட்டது. அதன் அடிப்படையில் அபிஷேக் கைது செய்யப்பட்டார்.
http://dlvr.it/SWZ1Dp

Read More

``உத்தவ் தாக்கரேயின் சேனா பவனுக்கு உரிமை கோரமாட்டோம்" - புதிய அலுவலகம் திறக்கும் ஷிண்டே

மகாராஷ்டிராவில் உத்தவ் தாக்கரே தலைமையில் செயல்பட்டு வந்த சிவசேனா கடந்த மாத தொடக்கத்தில் இரண்டாக உடைந்துவிட்டது. அதிருப்தி கோஷ்டி தலைவர் ஏக்நாத் ஷிண்டே பெரும்பான்மை எம்.எல்.ஏ.க்களை பிரித்து சென்று பாஜக கூட்டணி சேர்ந்து ஆட்சி அமைத்துள்ளார். எம்.எல்.ஏ.க்கள் மற்றும் எம்.பி.க்கள் ஆதரவு இருந்தாலும் ஏக்நாத் ஷிண்டே அணிக்கு கட்சி கட்டமைப்பு வசதி இல்லாமல் இருக்கிறது. இதனை உருவாக்கும் பணியில் ஏக்நாத் ஷிண்டே ஆதரவாளர்கள் ஈடுபட்டுள்ளனர். அதோடு ஏக்நாத் ஷிண்டே தங்களது அணிக்கு மும்பையில் புதிய அலுவலகத்தை திறக்க திட்டமிட்டுள்ளனர். அதுவும் சிவசேனா தலைமை அலுவலகம் இருக்கும் தாதரில் அதனை திறக்க முடிவு செய்துள்ளனர். சிவசேனா பவன் அருகிலேயே அதனை திறக்க பணிகள் நடந்து வருவதாக ஏக்நாத் ஷிண்டே அணியில் இடம் பெற்று இருக்கும் எம்.எல்.ஏ. சதா சர்வான்கர் தெரிவித்துள்ளார். இது தொடர்பாக அவர் அளித்துள்ள பேட்டியில், ``தாதரில் ஏற்கனவே இருக்கும் சிவசேனா பவன் அருகில் புதிய அலுவலகத்தை திறக்க இருக்கிறோம். ஏக்நாத் ஷிண்டே இது போட்டி சேனா பவன் கிடையாது. பொதுமக்களின் பிரச்னையை தீர்ப்பதற்கான இடமாக இருக்கும். மும்பை தொடர்பான பிரச்னைகளை தீர்க்கும் முதல்வரின் அலுவலமாக இருக்கும். முதல்வர் ஷிண்டே தாதரில் அலுவலகம் இருக்கவேண்டும் என்று விரும்புகிறார். எனவே இந்த அலுவலகம் இன்னும் 15 நாட்களில் திறக்கப்பட இருக்கிறது. ஒவ்வொரு மாவட்டத்திலும் ஒரு அலுவலகம் திறக்கப்படும். அதே போன்று மும்பையில் ஒவ்வொரு வார்டிலும் ஒரு அலுவலகம் திறக்கப்படும். நாங்கள் சிவசேனா பவனுக்கு உரிமை கோரப்போவதில்லை. எனவே அதே போன்ற ஒன்று எங்களுக்கு தேவையில்லை. முதல்வர் ஷிண்டே மும்பைக்கான கட்சி நிர்வாகிகளை விரைவில் அறிவிப்பார்” என்று தெரிவித்தார். ஏற்கனவே தங்களது அணிக்கு சிவசேனாவின் வில் அம்புவை ஒதுக்கவேண்டும் என்று கோரி ஏக்நாத் ஷிண்டே தரப்பில் தேர்தல் கமிஷனில் மனு கொடுக்கப்பட்டுள்ளது.
http://dlvr.it/SWYh1Q

Read More

நிர்வாண போட்டோ விவகாரம்: நடிகர் ரன்வீர் சிங்-க்கு மும்பை போலீஸார் சம்மன்!

பாலிவுட் நடிகர் ரன்வீர் சிங் சமீபத்தில் வெளிநாட்டு பத்திரிகைக்கு நிர்வாணமாக போட்டோவிற்கு போஸ் கொடுத்திருந்தார். அப்புகைப்படங்கள் சமூக வலைத்தளத்தில் வெளியாகி சர்ச்சையை கிளப்பியது. அவை பெண்களின் உணர்வுகளை புன்படுத்துவதாக இருப்பதாக கூறி மும்பை செம்பூர் போலீஸ் நிலையத்தில் தொண்டு நிறுவனம் ஒன்று ரன்வீர் சிங்கிற்கு எதிராக புகார் செய்தது. அதோடு மகாராஷ்டிரா பெண்கள் கமிஷனிலும் இது தொடர்பாக புகார் செய்யப்பட்டது. தொண்டு நிறுவனம் சார்பாக வழக்கறிஞர் ஆசிஷ் ராய் கொடுத்துள்ள புகாரில், ``ரன்வீர் சிங் பத்திரிகைக்கு கொடுத்த நிர்வாண போட்டோக்களை சமூக வலைத்தளத்தில் வெளியிட்டுள்ளார். அவை வைரலாகி இருக்கிறது. இப்படங்கள் பெண்கள் மற்றும் குழந்தைகளின் கண்ணியத்திற்கு எதிரானது ஆகும்” என்று குறிப்பிட்டு இருந்தார். அதன் அடிப்படையில் போலீஸார் முதல் தகவல் அறிக்கையை பதிவு செய்துள்ளனர். இது தொடர்பாக விசாரிப்பதற்காக ரன்வீர் சிங்கிற்கு சம்மன் கொடுக்க மும்பை போலீஸார் அவரின் வீட்டிற்கு சென்றனர். ஆனால் வீட்டில் ரன்வீர் சிங் இல்லை.ரன்வீர் சிங் அவர் படப்பிடிப்புக்காக வெளியில் சென்று இருப்பதாகவும், 16-ம் தேதிதான் வருவார் என்றும் போலீஸாரிடம் தெரிவிக்கப்பட்டது. இதையடுத்து சம்மனை கொடுத்துவிட்டு வரும் 22-ம் தேதி விசாரணைக்கு ஆஜராகும்படி தெரிவித்துவிட்டு வந்தனர். ரன்வீர் சிங் நிர்வாணமாக போட்டோவுக்கு போஸ் கொடுத்திருப்பதற்கு பாலிவுட்டில் பலரும் ஆதரவு தெரிவித்திருந்தனர். மேலும் ரன்வீர் சிங்கிற்கு மத்திய பிரதேசத்தை சேர்ந்த தொண்டு நிறுவனம் பொது மக்களிடம் ஆடைகளை நன்கொடையாக பெற்று அனுப்பி வைத்தது. நடிகை தீபிகா படுகோனேயின் கணவரான ரன்வீர் சிங் தங்களது தொண்டு நிறுவனத்திற்கும் நிர்வாண போஸ் கொடுக்கவேண்டும் என்று மற்றொரு தொண்டு நிறுவனம் கோரிக்கை விடுத்துள்ளது.
http://dlvr.it/SWYMmD

Read More