மேலாடைக்கு பதில் தங்க நகைகள் அணிந்து போட்டோ ஷூட்; சர்ச்சையில் நடிகை ஜானகி சுதீர்!

பிக்பாஸ் மூலம் கேரள மக்களுக்கு அறிமுகமானவர் கேரள நடிகை ஜானகி சுதீர். ஜானகி சுதீரும், அம்ரிதா உள்ளிட்டவர்கள் நடிப்பில் தன்பால் ஈர்ப்பினை மையமாகக்கொண்ட ஹோலி ஊண்ட் (Holy Wound) சினிமா சமீபத்தில் வெளியானது. அதி தீவிர காதலுக்கு பாலின பாகுபாடு தடையில்லை என்ற கருத்தை வலியுறுத்தும் விதமாக அமைந்துள்ளது அந்த படம். சிறு வயதில் ஒருவரை ஒருவர் விரும்பும் இரண்டு பெண்கள் பல வருடங்களுக்குப் பிறகு சந்திக்கும்போது ஏற்படும் உணர்ச்சிப்பூர்வமான காட்சிகள் இந்த சினிமாவில் அதிகமாக உள்ளன. இந்த நிலையில் நடிகை ஜானகி சுதீர் போட்டோ ஷூட் நடத்தி இன்ஸ்டாகிராமில் பதிவேற்றம் செய்த புகைப்படங்கள் விவாதத்தை ஏற்படுத்தியிருக்கின்றன.போட்டோ ஷூட்டில் நடிகை ஜானகி சுதீர் அந்தப் புகைப்படங்களில், தலையில் சுற்றிக்கட்டிய வெள்ளை மல்லிகைப்பூ, இடுப்பில் வெள்ளை வேட்டி சகிதமாக அமர்ந்திருக்கும் ஜானகி சுதீர், மேலாடை அணியாமல் மார்பை மறைக்கும் விதமாக தங்க நகைகள் அணிந்து போஸ் கொடுக்கிறார். இந்த போட்டோவுக்கு ஆதரவாகவும், எதிர்ப்பாகவும் பலரும் பதிவிட்டுவருகின்றனர். இதில் பின்னூட்டம் இட்ட சிலர் `ரன்வீர் கபூர் போட்டோ ஷூட் நடத்தியதற்கு எதிராக வழக்கு பதிந்தவர்கள் இப்போது அமைதியாக இருக்கிறார்கள்' என்றும். `ஆண்கள் போட்டோ ஷூட் நடத்தினால் சர்ச்சை, பெண்கள் போட்டோ ஷூட் நடத்தினால் ட்ரெண்டிங் ஆகிவிடும்' எனவும் சிலர் பதிவிட்டிருந்தனர்.ஜானகி சுதீர் நடித்த சினிமா போஸ்டர் `உடலுக்கு ஏற்ற ஆடைகளை அணிந்து போஸ் கொடுப்பதில் எனக்கு எந்த ஆட்சேபனையும் இல்லை' என இதற்கு முன்பே ஜானகி சுதீர் தெரிவித்திருக்கிறார் என்பது குறிப்பிடத்தக்கது.
http://dlvr.it/SWk1ld

Read More

மூவர்ணக்கொடிகளை விநியோகித்த குடும்பத்தினருக்குக் கொலை மிரட்டல்! - மர்ம நபரைத் தேடும் போலீஸ்

75-வது சுதந்திர தினம் நாடு முழுவதும் கோலாகலமாகக் கொண்டாடப்பட்டது. அதை முன்னிட்டு `ஹர்கர் திரங்கா' என்ற பெயரில் அனைவரின் வீடுகளிலும் மூவர்ணக்கொடியை ஏற்றுவோம் என மத்திய அரசு அறிவித்தது. மத்திய அரசின் கோரிக்கையை ஏற்று பொதுமக்கள் தொடங்கி அரசியல்வாதிகள், திரைப் பிரபலங்கள் என அனைவரும் தங்களின் வீடுகளில் தேசியக்கொடியை ஏற்றினார்கள். தேசியக்கொடி இந்த நிலையில், உத்தரப்பிரதேசத்தில் மூவர்ணக்கொடிகளை விநியோகித்ததற்காக பிஜ்னோர் மாவட்டத்திலுள்ள ஒரு குடும்பத்துக்குக் கொலை மிரட்டல் விடுக்கப்பட்டிருக்கும் சம்பவம் அதிர்ச்சியை ஏற்படுத்தியிருக்கிறது. உத்தரப்பிரதேச மாநிலம், பிஜ்னோர் மாவட்டத்தில் அடையாளம் தெரியாத மர்ப நபர் ஒருவர் சசி-அருண் தம்பதியின் வீட்டுக்கு வெளியே கொலை மிரட்டல் கடிதத்தை ஒட்டியதாக போலீஸார் தெரிவித்திருக்கின்றனர். போலீஸ் பிஜ்னோரின் கிராத்பூர் காவல் நிலையத்துக்குட்பட்ட புத்தபரா கிராமத்தில் இந்தச் சம்பவம் நடந்திருக்கிறது. மிரட்டலுக்குப் பின்னாலுள்ள நபர்களை அடையாளம்காண விசாரணையைத் தொடங்கியிருப்பதாக பிஜ்னூர் போலீஸார் தெரிவித்தனர். அந்த அடையாளம் தெரியாத நபர்மீது எஃப்.ஐ.ஆர் பதிவுசெய்யப்பட்டிருக்கிறது. மேலும் பாதிக்கப்பட்ட குடும்பத்துக்கு போலீஸ் பாதுகாப்பு அளிக்கப்பட்டிருப்பதாகக் கூறப்படுகிறது.``இந்திய தேசியக் கொடி, பிற நாட்டவருக்கும் பாதுகாப்புக் கவசம்" - மோடி சொன்ன உதாரணம்
http://dlvr.it/SWjXMX

Read More

சாவர்க்கர் புகைப்படம்... கர்நாடகாவில் வெடித்த மோதல் - இளைஞருக்கு கத்திகுத்து; 144 தடை உத்தரவு

பா.ஜ.க தொடர்ந்து விநாயக் தாமோதர் சாவர்க்கரை சுதந்திர போராட்ட வீரராக முன்னிலைப்படுத்தி வருகிறது என்ற குற்றச்சாட்டு தொடர்ந்து எழுப்பப்பட்டு வருகிறது. அதற்கு அவ்வப்போது எதிர்ப்புகள் தெரிவிக்கப்பட்டு வருகின்றன. இந்த நிலையில், கர்நாடகா மாநிலம் ஷிவமோகா, அமீர் அகமது நகரில் உள்ள பள்ளிவாசலை ஒட்டிய மாலில், விநாயக் தாமோதர் சாவர்க்கர் புகைப்பட பேனரை வைத்திருக்கிறார்கள். அதற்கு ஒரு சில இளைஞர்கள் எதிர்ப்பு தெரிவித்ததாகவும், மேலும் திப்பு சுல்தான் புகைப்படத்தை வைக்க முயன்றதாகவும் கூறப்படுகிறது. இதனால் இருதரப்புக்கும் மத்தியில் மோதல் வெடித்திருக்கிறது. இந்த வன்முறையைக் கலைக்க காவல்துறை தடியடி நடத்திக் கூட்டத்தைக் கலைத்தது. அதைத் தொடர்ந்து, அந்த பகுதியில் உள்ள காந்தி பஜார் அருகில் ராஜஸ்தானைச் சேர்ந்த பிரேம் சிங் என்ற இளைஞர் கத்தியால் குத்தப்பட்டதாகத் தகவல் வெளியாகியிருக்கிறது. பா.ஜ.க முன்னிலைப்படுத்துவதாக குற்றசாட்டு இந்த நிலையில், அதிகாரிகள் வரும் 18-ம் தேதி வரை 144 தடை உத்தரவுகளைப் பிறப்பித்திருக்கின்றனர். மேலும், 20 கிமீ தொலைவில் உள்ள ஷிவமோகா மற்றும் அதன் தொழில்துறை நகரமான பத்ராவதியில் இன்று பள்ளிகள் விடுமுறை எனவும் அறிவிக்கப்பட்டிருக்கிறது. ஆயுதம் தாங்கிய காவல்துறை அந்த பகுதிகளில் பாதுகாப்புப் பணியில் ஈடுபட்டிருக்கிறார்கள். இது தொடர்பாக ஷிவமோகா எஸ்.பி பி.எம் லக்ஷ்மி பிரசாத், "கத்தியால் குத்தப்பட்ட பிரேம் சிங் மருத்துவமனையில் அனுமதிக்கப்பட்டுள்ளார். அவரின் உடல்நிலை சீராக இருக்கிறது. கத்திக்குத்து தொடர்பாகப் பல இளைஞர்களிடம் விசாரணை நடத்தப்பட்டு வருகிறது. வணிக மையத்தில் காட்சிப்படுத்தப்பட்ட சாவர்க்கர் புகைப்படத்தை அகற்றுமாறு மாலில் உள்ள ஊழியர்களை வற்புறுத்தியதாகக் குற்றம் சாட்டப்பட்ட நபர் கைது செய்யப்பட்டிருக்கிறார்" எனத் தெரிவித்தார். கலவரத்தின் போது காவல்துறை ஏற்கனவே ஷிவமோகா நகரம் பதற்றமான பகுதியாகக் கருதப்படுகிறது. தற்போது நடைபெற்ற சம்பவத்தால், மக்கள் தங்கள் வீட்டை விட்டு வெளிவராமல் வீட்டுக்குள்ளேயே இருக்கின்றனராம். தேனி: குப்பை கொட்டியதில் இரு தரப்பினரிடையே மோதல்... ஒருவர் பலி - நடந்தது என்ன?!
http://dlvr.it/SWj6DJ

Read More

பீட்சா மாவின் மீது தொங்கவிடப்பட்ட மாப்கள் - வைரல் புகைப்படங்களுக்கு டோமினோஸ் விளக்கம்!

பெங்களூருவில் உள்ள டோமினோஸ் உணவகம் ஒன்றில் பீட்சா மாவின் மீது தரையை துடைக்கும் மாப்கள் தொங்கவிடப்பட்ட நிலையில் இருக்கும் புகைப்படங்கள் வைரலாகி சர்ச்சை எழுந்த நிலையில் டோமினோஸ் நிர்வாகம் அதற்கு விளக்கம் அளித்துள்ளது. சமீபத்தில் துஷார் என்ற நபர் தனது ட்விட்டர் கணக்கில் பகிர்ந்திருந்த படம் ஒன்று சமூக வலைதளங்களில் கடும் அதிர்வலைகளை கிளப்பியிருக்கிறது. பெங்களூருவில் உள்ள டோமினோஸ் உணவகம் ஒன்றில் பீட்சா மாவின் மீது தரையை துடைக்கும் மாப்கள் தொங்கவிடப்பட்ட நிலையில் இருக்கும் புகைப்படங்களை அவர் பகிர்ந்து இருந்தார். Photos from a Domino's outlet in Bengaluru wherein cleaning mops were hanging above trays of pizza dough. A toilet brush, mops and clothes could be seen hanging on the wall and under them were placed the dough trays.Please prefer home made food  pic.twitter.com/Wl8IYzjULk — Tushar ॐ♫₹ (@Tushar_KN) August 14, 2022 “பெங்களூருவில் உள்ள ஒரு டோமினோ விற்பனை நிலையத்தின் புகைப்படங்கள் இவை. பீட்சா மாவின் தட்டுகளுக்கு மேல் தரையை சுத்தம் செய்யும் மாப்கள் தொங்கிக் கொண்டிருக்கின்றன. ஒரு கழிப்பறை தூரிகை, துடைப்பான்கள் மற்றும் துணிகள் சுவரில் தொங்குவதையும் பாருங்கள். அவற்றின் கீழ் பீட்சா மாவு தட்டுகள் வைக்கப்பட்டுள்ளன. தயவுசெய்து வீட்டில் தயாரிக்கப்பட்ட உணவை விரும்பி சாப்பிடுங்கள்” என்று கூறி அவர் இந்த புகைப்படங்களை பகிர்ந்திருந்தார். இந்த புகைப்படங்கள் பீட்சா பிரியர்களிடையே கடும் அதிருப்தியை கிளப்பியுள்ளன. அரசு அதிகாரிகள் உணவகத்தை சோதனையிட்டு நடவடிக்கை எடுக்க வேண்டும் என்று பலர் தங்கள் கருத்துகளை பதிவிட்டு வருகின்றனர். இந்நிலையில் டோமினோஸ் நிர்வாகம் இப்புகைப்படங்கள் தொடர்பாக தனது விளக்கத்தை அளித்துள்ளது. appropriate measures will be rolled out. Rest assured we remain committed to doing everything necessary towards ensuring the safety and well-being of our customers (2/2) — dominos_india (@dominos_india) August 14, 2022 “உயர்ந்த தரமான சுகாதாரம் மற்றும் உணவுப் பாதுகாப்பை உறுதி செய்வதற்காக நாங்கள் கடுமையான உலகத்தரம் வாய்ந்த நெறிமுறைகளை கடைபிடிக்கிறோம். இந்த இயக்க தரநிலைகளை மீறுவதை நாங்கள் ஒருபோதும் அனுமதிக்க மாட்டோம். எங்கள் கவனத்திற்கு கொண்டு வரப்பட்ட சம்பவம் முழுமையாக விசாரிக்கப்பட்டு பொருத்தமான நடவடிக்கைகள் எடுக்கப்படும். எங்கள் வாடிக்கையாளர்களின் பாதுகாப்பு மற்றும் நல்வாழ்வை உறுதி செய்வதற்கு தேவையான அனைத்தையும் செய்ய நாங்கள் உறுதியுடன் இருக்கிறோம்” என்று டோமினோஸ் நிர்வாகம் தெரிவித்துள்ளது
http://dlvr.it/SWhCbY

Read More

மகாத்மாவும், மகாகவியும் நேரில் சந்தித்த இடம் எது தெரியுமா? - சுதந்திர தின சுவாரஸ்ய தகவல்

காந்தியும் பாரதியும் தங்களது வாழ்வில் ஒரே ஒரு முறைதான் இருவரும் நேரில் சந்தித்துக் கொண்டனர். அந்த சந்திப்பு நடந்த இடம் பற்றியும் நடந்த சுவாரஸ்ய சம்பவம் பற்றியும் தெரிந்துகொள்வோம். சென்னையின் பரபரப்பான சாலைகளில் ஒன்று கதீட்ரல் ரோடு. இந்த சாலை சுதந்திரப் போராட்டத்தின் முக்கிய களமாக விளங்கியதாக வரலாறு கூறுகிறது. குறிப்பாக மூதறிஞர் ராஜாஜி இல்லமும், நாட்டின் முதல் குடியரசுத் தலைவரான சர்வபள்ளி ராதாகிருஷ்ணனின் இல்லமும் இந்த சாலையில்தான் அமைந்திருந்தது. அதேப்போல, “என்று தணியும் இந்த சுதந்திர தாகம்” என கூக்குரலிட்ட முண்டாசுக்கவி பாரதியும், தேசப்பிதா மகாத்மா காந்தியும் தத்தம் வாழ்வில் ஒரே ஒருமுறைதான் சந்தித்தனர். அந்த நிகழ்வு நடந்ததும் இந்த சாலையில்தான். தற்போது கதீட்ரல் சாலையில் அமைந்துள்ள வெல்கம் ஹோட்டல் இருக்கும் இடத்தில்தான் மூதறிஞர் ராஜாஜியின் இல்லம் இருந்தது. 1919ல் ராஜாஜியின் அழைப்பை ஏற்று அன்றைய மெட்ராசுக்கு வந்த காந்தி விருந்தாளியாக தங்கிய இடம் ராஜாஜியின் இல்லம். அங்கேதான் காந்தியை பாரதி சந்தித்து, தான் அன்றைக்கு திருவல்லிக்கேணி கடற்கரையில் பேசவிருந்த கூட்டத்துக்குத் தலைமைதாங்க முடியுமா என்று கேட்டதாகவும், காந்தி வேறு ஒரு வேலை இருப்பதாகச் சொன்னதும், அவர் தொடங்கவுள்ள இயக்கத்தை வாழ்த்திவிட்டுப் பாரதி புறப்பட்டதாகவும் குறிப்பிட்டிருந்தார். மேலும், பாரதி புறப்பட்ட பின் இவர் யார் எனக் கேட்ட காந்திக்கு, ‘அவர் எங்கள் தமிழ்நாட்டுக் கவி’ என்று ராஜாஜி விடை சொல்ல.. அதைக் கேட்ட காந்தி, ‘இவரைப் பாதுகாக்க வேண்டும்’ என்றார் எனவும் வ.ரா. விவரிக்கிறார். இந்த சம்பவம் உண்மையிலேயே நடந்ததா என சிலர் கேள்வி எழுப்பும் நிலையில், ராஜாஜி, பத்பநாபன் ஆகியோர் தங்களுடைய நூலில் விவரித்துள்ளதாக கூறுகிறார் பாரதி பற்றிய ஆய்வு மேற்கொண்டு வரும் சென்னை பல்கலைக்கழக பேராசிரியர் மணிகண்டன். ராஜாஜியின் இல்லத்தில் காந்தி தங்கினார் என்பதற்கான ஆதாரமாக இன்றும் வெல்கம் ஹோட்டலின் நுழைவு வாயிலில் ஒரு கல்வெட்டு ஒன்று அமைந்துள்ளது. ரௌலட் சட்டத்தை எதிர்த்து நாடு முழுவதும் கதவடைப்பு போராட்டம் செய்து சத்தியாகிரகத்தில் ஈடுபட வேண்டும் எனும் எண்ணம் இந்த இல்லத்தில் இருந்தபோதுதான் காந்திக்கு தோன்றியதாகவும் அதை நினைவுகூறும் வகையில் இந்தக் கல்வெட்டு அமைக்கப்பட்டுள்ளதாம். ராஜாஜியின் இல்லத்தில் சுதந்திரப் போராட்டம் தொடர்பான முக்கிய நிகழ்வுகள் நடந்தேறி இருக்கிறது என்பதற்கான சாட்சியாக இந்த கல்வெட்டு இன்றளவில் பாதுகாக்கப்பட்டு வருகிறது. காந்தி தமிழகம் வந்தபோது மதுரையில்தான் தனது மேலாடையை துறந்தார், அதேபோல ராஜாஜியின் இல்லத்தில்தான் ஒத்துழையாமை இயக்கத்திற்கான ஒரு தூண்டுகோல் அமைந்திருப்பதாக கூறப்படுகிறது. காந்தியின் ஒவ்வொரு வருகையும் சுதந்திரப் போராட்டத்தின் தாக்கத்தை மேலும் வீரியம் ஆக்கியது என்பதற்கான சாட்சியாக இந்த வரலாறு திகழ்கிறது. நாள்தோறும் கதீட்ரல் சாலையில் ஆயிரக்கணக்கான மக்கள் கடந்து செல்லும் நிலையில் இனி ஒருமுறை நின்று மகாகவி, மகாத்மா, மூதறிஞர் போன்றோர் சந்தித்த இடத்தை பற்றியும் நினைவில் கொள்ளலாம். -பால வெற்றிவேல்
http://dlvr.it/SWgKmC

Read More

ரிலையன்ஸ் மருத்துவமனைக்கு வந்த மர்ம அழைப்புகள்... தொழிலதிபர் முகேஷ் அம்பானிக்கு கொலை மிரட்டல்!

நாட்டின் மிகப்பெரிய பணக்காரர்களில் ஒருவராக கருதப்படும் தொழிலதிபர் முகேஷ் அம்பானி மும்பையின் தென்பகுதியில் வசித்து வருகிறார். அவருக்கு மத்திய அரசு பாதுகாப்பு கொடுத்து வருகிறது. மொபைல் போன், பெட்ரோல், டெக்ஸ்டைல், கெமிக்கல், சில்லறை வர்த்தகம் என அனைத்து துறையிலும் கொடி கட்டிப்பறக்கும் முகேஷ் அம்பானிக்கு ரிலையன்ஸ் பவுண்டேசன் ஹாஸ்பிட்டல் என்ற பெயரில் மருத்துவமனை ஒன்று மும்பையில் இருக்கிறது. இம்மருத்துவமனைக்கு நேற்று காலையில் இருந்து 8 முறை மிரட்டல் அழைப்புகள் வந்தன. போனில் பேசிய மர்ம நபர் தொழிலதிபர் முகேஷ் அம்பானிக்கு கொலை மிரட்டல் விடுத்தார். இதையடுத்து மருத்துவமனை நிர்வாகம் எங்கிருந்து போன் வந்தது என்ற விவரங்களுடன் மும்பை டிபி மார்க் போலீஸ் நிலையத்தில் புகார் செய்துள்ளது. போலீஸார் வழக்கு பதிவு விசாரித்து வருகின்றனர். இது தொடர்பாக மருத்துவமனையில் தலைமை நிர்வாக அதிகாரி டாக்டர் தரங்க் கூறுகையில், ``முகேஷ் அம்பானிக்கு மர்ம நபரிடமிருந்து மிரட்டல் விடுத்து காலையில் இருந்து 8 போன் அழைப்புகள் வந்தது. இது குறித்து போலீஸில் புகார் செய்திருக்கிறோம்” என்று தெரிவித்தார். இச்சம்பவத்தை தொடர்ந்து அம்பானியின் மருத்துவமனை மற்றும் அவரின் இல்லத்திற்கு பாதுகாப்பு பலப்படுத்தப்பட்டு இருக்கிறது. அம்பானிக்கு கொலை மிரட்டல் விடுக்கப்படுவது இது ஒன்றும் புதிதல்ல. கடந்த ஆண்டு ஜெலட்டின் குச்சிகள் ஏற்றப்பட்ட கார் ஒன்று முகேஷ் அம்பானியின் வீட்டிற்கு அருகில் நிறுத்தப்பட்டு இருந்தது கண்டுபிடிக்கப்பட்டது. இது தொடர்பாக போலீஸ் அதிகாரி சச்சின் வாஸ் என்பவர் உட்பட பலர் கைது செய்யப்பட்டனர். முகேஷ் அம்பானி பாதுகாப்பு அச்சுறுத்தல் காரணமாக இப்போது குண்டு துளைக்காத கார்களையே அதிகமாக பயன்படுத்தி வருகிறார். முகேஷ் அம்பானி தற்போது படிப்படியாக தனது சொத்துக்களை தனது மூன்று பிள்ளைகளுக்கும் பிரித்துக்கொடுக்கும் வேலையில் ஈடுபட்டுள்ளார். மொபைல் சேவையை ஒரு மகனுக்கு கொடுத்திருக்கிறார். சில்லறை வர்த்தகம் எனப்படும் சூப்பர் மார்க்கெட் தொழிலை தனது மகளுக்கு கொடுத்திருக்கிறார் என்பது குறிப்பிடதக்கது.
http://dlvr.it/SWfpxr

Read More

இன்ஸ்டாகிராம் நண்பர் சொன்ன பணம், நகை பார்சல்... ரூ.15 லட்சத்தை இழந்த மும்பை பெண் - நடந்தது என்ன?!

ஆன்லைன் மோசடிகள் சமீப காலமாக அதிகரித்துள்ளது. சோஷியல் மீடியாக்களில் பழகும் நண்பர்களை ஏமாற்றி பணம் பறிக்கும் சம்பவங்கள் அதிக அளவில் நடந்து வருகிறது. எத்தனையோ மோசடிகள் நடந்தாலும் மக்களிடம் அது பற்றிய விழிப்புணர்வு இல்லாமல்தான் இருக்கிறது. மும்பை அந்தேரி மரோல் பகுதியை சேர்ந்த ரக்‌ஷனா(24) என்ற பெண்ணிற்கு இன்ஸ்டாகிராமில் ஒருவர் நட்பு கோரிக்கை அனுப்பினார். அதில் தான் புளோரிடாவை சேர்ந்தவன் என்றும், தற்போது சிரியாவில் டாக்டராக பணியாற்றுவதாகவும் தெரிவித்தார். லேப் டெக்னீசியனாக வேலை பார்க்கும் அந்த பெண்ணும் உடனே அந்த அந்த நபரின் கோரிக்கையை ஏற்றுக்கொண்டார். இருவரும் ஆன்லைனில் உரையாடிக்கொண்டனர். ஒரு கட்டத்தில் தனது சேமிப்புக்கள் அனைத்தும் புளோரிடாவில் இருப்பதாகவும், தனக்கு வேறு உறவுகள் இல்லாததால் அவை பாதுகாப்பற்ற முறையில் இருப்பதாக தெரிவித்தார். அதோடு அவற்றை உங்களிடம் அனுப்பி பாதுகாப்பாக வைத்திருக்க விரும்புவதாக அந்த நபர் ரக்‌ஷனாவிடம் தெரிவித்தார். உடனே ரக்‌ஷனாவும் தன்னிடம் அனுப்பி வைத்தால் பாதுகாப்பாக வைத்திருப்பதாக தெரிவித்தார். இதையடுத்து கடந்த மே 5-ம் தேதி ரக்‌ஷனாவிடம் பணம் மற்றும் நகைகள் இருக்கும் பார்சலை அனுப்பி இருப்பதாக தெரிவித்தார். அடுத்த சில நாள்களில் பார்சல் டெல்லிக்கு வந்திருப்பதாகவும் அதனை விடுவிக்க பல்வேறு வகையான கட்டணங்களை கட்டவேண்டும் என்று கூறி மே 6-ம் தேதியில் இருந்து ஜூலை 17-ம் தேதி வரை மர்ம நபர் ரூ.15 லட்சம் வரை ரக்‌ஷனாவிடமிருந்து வசூலித்துவிட்டார். ஆனாலும் ரக்‌ஷனாவிற்கு பார்சல் வரவில்லை. மோசடிக்காரர்கள் மேலும் 10 லட்சம் கேட்டனர். அதன் பிறகுதான் ரக்‌ஷனாவிற்கு சந்தேகம் வந்தது. உடனே இது குறித்து அவர் போலீஸில் புகார் செய்தார். போலீஸார் தகவல் தொழில் நுட்ப சட்டத்தின் கீழ் வழக்கு பதிவு செய்து விசாரணை நடத்தி வருகின்றனர்.
http://dlvr.it/SWfLzT

Read More