துருக்கி: தன்னை கடித்த பாம்பை திருப்பிக் கடித்து கொலை செய்த 2 வயது துணிச்சல் சிறுமி!

துருக்கியில் இரண்டு வயது சிறுமி தனது உதட்டில் கடித்த பாம்பை மீண்டும் கடித்து கொன்றுள்ள சம்பவம் அரங்கேறியுள்ளது. துருக்கி நாட்டின் காந்தார் கிராமத்தைச் சேர்ந்த மெஹ்மத் எர்கான் என்பவரது 2 வயது பெண் குழந்தை அவர்களது வீட்டின் பின்புறம் விளையாடிக் கொண்டிருந்தது. அப்போது, அந்த குழந்தையை பாம்பு ஒன்று தாக்குவதையும் அவள் அதனால் அலறுவதையும் அண்டை வீட்டார்கள் பார்த்துள்ளனர். பதறியடித்து குழந்தையை நோக்கி அவர்கள் சென்ற போது தனது பற்களுக்கு இடையே பாம்பை கடித்தபடி சிறுமி அமர்ந்திருப்பதை பார்த்து அவர்கள் மேலும் அதிர்ச்சியடைந்தனர். உடனடியாக குழந்தையை மீட்டு அவ்வூரிலுள்ள மகப்பேறு மற்றும் குழந்தைகள் மருத்துவமனையில் அனுமதித்தனர். பாம்பு குழந்தையின் கீழ் உதட்டை கடித்திருந்த போதிலும் 24 மணி நேரத்திற்குப் பிறகு பூரண குணமடைந்தவிட்டதாக மருத்துவர்கள் தெரிவித்தனர். இருப்பினும் குழந்தை தனது பற்களால் கடித்ததால் ஏற்பட்ட காயத்தால் பாம்பு உயிரிழந்துவிட்டது. குழந்தையை நேரில் பார்க்கும்போது 20 அங்குலம் கொண்ட பாம்பை ஒரு கையில் பிடித்தபடி தனது வாயால் கடித்து கொண்டிருந்ததாக அண்டை வீட்டினர் தெரிவித்தனர். குழந்தையை தாக்கிய பாம்பு என்ன வகை என்று தெரியவில்லை. துருக்கியில் உள்ள மொத்த 45 வகையான பாம்புகளில் 12 விஷத்தன்மை கொண்டவை என்று அறியப்படுகிறது. குழந்தை தற்போது நலமாக இருப்பதால், அவளைக் கடித்த பாம்பு விஷமான வகையை சேர்ந்தது அல்ல என கூறப்படுகிறது.
http://dlvr.it/SWq09f

Read More

கோவை அருகே உடல்நலம் பாதிக்கப்பட்ட யானை சிக்கியது! அதன் தற்போதைய நிலை என்ன?

கோவை மாவட்டம், ஆனைக்கட்டி அருகே தமிழ்நாடு – கேரள எல்லை பகுதியில் 8 வயது யானை உடல்நலக்குறைவுடன் காணப்பட்டது. சீங்குளி கொடுந்துறைப்பள்ளம் ஆற்றங்கரையில் அந்த யானை உணவு எதுவும் உட்கொள்ளாமல் இரண்டு நாள்களுக்கு மேல் நின்று கொண்டிருந்தது.யானைமரத்தின் மீது முன்னங்கால்களை ஊன்றி பலாப்பழம் பறிக்கும் யானை |#ViralVideo இரு மாநில எல்லை என்பதால், தமிழ்நாடு – கேரளா வனத்துறையினர் இடையே யானைக்கு யார் சிகிச்சையளிப்பது என்ற குழப்பம் ஏற்பட்டது. ''எல்லைச் சண்டையை பிறகு வைத்துக் கொள்ளுங்கள் முதலில் யானையை கவனியுங்கள்'' என்று பல்வேறு தரப்பில் இருந்து கூறப்பட்டது. இதையடுத்து அந்த யானையை கண்காணித்து சிகிச்சையளிக்க இரு மாநில வனத்துறையினர் முடிவு செய்தனர். இதனிடையே, நேற்று காலை முதல் அந்த யானை எங்கு சென்றது என வனத்துறையினருக்கு தெரியவில்லை. ட்ரோன் மூலம் தேடியும் கிடைக்கவில்லை.கும்கி கலீம்யானைகள் காப்பகமானது அகத்தியர் மலை; சிறப்புகள் என்ன? இந்நிலையில், யானைக்கு சிகிச்சையளித்து மீட்புப் பணியில் ஈடுபடுவதற்காக டாப்ஸ்லிப் முகாமில் இருந்து கலீம் என்ற கும்கி யானை வரவழைக்கப்பட்டுள்ளது. வனத்துறையினர் 7 குழுக்களாக பிரிந்து, 70க்கும் மேற்பட்ட ஊழியர்கள் தொடர்ந்து யானையை தேடும் பணியில் ஈடுபட்டு வருகின்றனர். அதேபோல கேரளா வனத்துறையினரும் சிறப்புக் குழு அமைத்து, யானையை தேடும் பணி தொடர்ந்து நடைபெற்றது.யானையை தேடும் பணி இந்நிலையில் அந்த யானை தோலம்பாளையம் செங்குட்டை அருகே உள்ள வனப்பகுதியில் இருப்பதாகக் கண்டறியப்பட்டுள்ளது. அதற்கு சிகிச்சையளிப்பதற்காக, கும்கி யானையுடன் வனத்துறையினர் அங்கு விரைந்துள்ளனர். ஆனால், யானையின் உடல்நிலை என்ன நிலையில் இருக்கிறது என்பது பற்றிய உறுதியான தகவல் கிடைக்கவில்லை. யானையை காப்பாற்ற வேண்டும் என்ற நோக்கில் தீவிர முயற்சியில் இறங்கியுள்ளது வனத்துறை.
http://dlvr.it/SWnZVx

Read More

``அரசை நாங்கள் நடத்தவில்லை!" - பாஜக அமைச்சரின் ஆடியோவால் வெடித்த சர்ச்சை

கர்நாடகா முழுவதும் விவசாயிகள் வாங்கிய ரூ.50,000 மதிப்பிலான கடனை தள்ளுபடிசெய்ய வி.எஸ்.எஸ்.என் கூட்டுறவு வங்கி அதிகாரிகள் ரூ.1,300 லஞ்சம் கேட்டதாக சன்னப்பட்டினத்தைச் சேர்ந்த சமூக ஆர்வலர் பாஸ்கர் என்பவர், கர்நாடக சட்ட அமைச்சர் ஜே.சி.மதுசாமியிடம் புகார் அளித்திருக்கிறார். அப்போது அமைச்சர் ஜே.சி மதுசாமி, ``விவசாயிகள் மட்டுமல்ல, நான்கூட வங்கி அதிகாரிகளால் கூடுதல் பணத்தை செலுத்த வேண்டிய கட்டாயத்தில்தான் இருக்கிறேன். இந்தக் குற்றச்சாட்டுகள் அனைத்தும் எனக்குத் தெரியும். இந்த அரசை நாங்கள் செயல்படுத்தவில்லை. கடந்த 8 மாதங்களாக நிர்வகிக்கிறோம் அவ்வளவே. 2023 மாநிலத் தேர்தல்கள் நடைபெறும்போது இந்த விவசாயக்கடனை தள்ளுபடி செய்கிறோம்" எனத் தெரிவித்திருக்கிறார். இந்த ஆடியோவை பதிவுசெய்த சமூக ஆர்வலர் ஊடகங்களிடம் வெளியிட்டிருக்கிறார். அதைத் தொடர்ந்து பல்வேறு தரப்பிலிருந்து கர்நாடக சட்ட அமைச்சருக்கு கண்டனங்கள் வலுத்துவருகின்றன. பாஜக அமைச்சர் ஜே.சி மதுசாமி இது தொடர்பாகப் பேசிய கூட்டுறவுத்துறை அமைச்சர் எஸ்.டி.சோமசேகர் கவுடா, ``சட்ட அமைச்சர் ஜே.சி.மதுசாமி பேசியது தவறு. அமைச்சர் கூறியது போல் அரசு வெறுமனே நிர்வகிக்கவில்லை. ஒருவேளை அவர் துறை வேண்டுமானால் அப்படி இருக்கலாம்" எனக்கூறினார். மேலும், தோட்டக்கலைத்துறை அமைச்சர் என்.முனிரத்னா, ``சட்ட அமைச்சரின் கருத்துக்காக அவர் ராஜினாமா செய்யவேண்டும். அவர் இதுபோன்ற கருத்துகளைக் கூறக்கூடாது" என வலியுறுத்தியிருக்கிறார். இந்த விவகாரம் குறித்துப் பேசிய கர்நாடக முதல்வர் பசவராஜ் பொம்மை, ``சட்ட அமைச்சர் வேறு ஏதோ ஒரு சூழலில் இப்படி சொல்லியிருக்கிறார். நான் அவருடன் பேசுகிறேன். எனவே அதை தவறான அர்த்தத்தில் எடுத்துக் கொள்ளவேண்டிய அவசியமில்லை. அவர் குறிப்பாக சில பிரச்னைகளைப் பற்றி பேசியிருக்கிறார். எனவே, எந்த பிரச்னையும் இல்லை. மற்ற அமைச்சர்களுடனும் பேசுகிறேன்" எனத் தெரிவித்தார். பாஜக அமைச்சர் ஜே.சி மதுசாமி அமைச்சரின் ஆடியோ மாநில அரசியலில் பெரும் சலசலப்பை ஏற்படுத்தியிருக்கும் நிலையில் காங்கிரஸ் கட்சி, ``இந்த உரையாடல் மாநிலத்தில் உள்ள பா.ஜ.க அரசின் திறமையின்மைக்கு எடுத்துக்காட்டு. அரசின் அலட்சியம், அமைச்சர்களின் திறமையின்மையால், விவசாயிகளுக்கு இழைக்கப்பட்ட அநீதியை அமைச்சர் மதுசாமி வெளிப்படுத்தியிருக்கிறார். பா.ஜ.க அரசு ஊழல் நிர்வாக சேவையாக மட்டுமே செயல்படுகிறது. பொம்மை அரசின் கையாலாகாத்தனத்துக்கும், விவசாயிகளுக்கு அநீதி இழைத்ததற்கும் இதைவிட சிறந்த ஆதாரம் இல்லை" எனக் கடுமையாகச் சாடியிருக்கிறது.கர்நாடகா: `அனைத்து பெண்களையும் அவமதிக்கும் பேச்சு’ - காங்கிரஸ் எம்எல்ஏ குற்றச்சாட்டுக்கு பாஜக பதில்
http://dlvr.it/SWn4QD

Read More

எதிர்ப்பை மீறி இலங்கை சென்ற சீனாவின் உளவுக்கப்பல் - உன்னிப்பாக கவனிக்கும் இந்தியா

சீனாவின் உளவுக் கப்பலான யுவான் வாங்-5, இலங்கை ஹம்பாந்தோட்டை துறைமுகத்திற்கு சென்றிருக்கிறது. அதிநவீன தொழில் நுட்பம் கொண்ட இந்தக் கப்பல் இந்தியாவின் பாதுகாப்பிற்கு அச்சுறுத்தல் ஏற்படுத்தும் எனக் கூறப்படுகிறது. சீனாவின் மூன்றாம் தலைமுறை விண்வெளிக் கண்காணிப்பு கப்பலான யுவான் வாங்-5, இலங்கையின் ஹம்பாந்தோட்டை துறைமுகத்தில் வரும் 22-ஆம் தேதி வரை நிறுத்தப்படுகிறது. இந்தக் கப்பலில் எந்த ஆராய்ச்சியும் மேற்கொள்ளக்கூடாது என்ற நிபந்தனையின் அடிப்படையிலும், அணுசக்தி போர் கப்பல் அல்ல என்பதாலும் எரிபொருள் நிரப்ப அனுமதிக்கப்பட்டுள்ளதாக இலங்கை அரசு தெரிவித்துள்ளது. ஆனால், இந்தக் கப்பலின் சிறப்பம்சங்களும், வருகையும் இந்தியா கவலைப்படுவதற்கான காரணங்களாக விரிகின்றன. சீனாவின் அதிநவீனமான இந்தக் கப்பல், விண்வெளி ஆய்வுமையம் நிர்வகிக்கும் கப்பல் என்பதோடு, செயற்கைக்கோள்கள், ராக்கெட்டுகள், கண்டம்விட்டு கண்டம் பாயக்கூடிய ஏவுகணைகளை கண்காணிக்கக்கூடியது. 11 ஆயிரம் மெட்ரிக் டன் எடையை சுமந்து செல்லக்கூடிய இந்தக் கப்பல், 750 கிலோமீட்டர் சுற்றளவு வரை கண்காணிக்கக் கூடிய திறன் கொண்டது. இதனால், தென்னிந்திய துறைமுகங்களையும், அணுஉலைகளையும் சீனக் கப்பல் கண்காணிக்கக்கூடும் என்பதால், பாதுகாப்புக்கான அச்சுறுத்தலாகவே பார்க்கப்படுகிறது. முன்னதாக இதுகுறித்து எதிர்வினையாற்றியிருந்த இந்திய வெளியுறவு அமைச்சகம், நிலைமையை உன்னிப்பாக கவனித்துவருவதாக கூறியிருந்தது.
http://dlvr.it/SWmc6x

Read More

டெல்லி சென்றார் முதலமைச்சர் மு.க.ஸ்டாலின்-பிரதமரை மாலை சந்திக்கிறார்

குடியரசுத் தலைவர், பிரதமர் உள்ளிட்டோரை சந்திப்பதற்காக சென்னையில் இருந்து புறப்பட்ட தமிழ்நாடு முதலமைச்சர் மு.க.ஸ்டாலின் டெல்லி சென்றடைந்தார். தமிழ்நாடு இல்லத்தில் ஓய்வெடுக்கும் முதலமைச்சர், இன்று காலை 10.30 மணிக்கு குடியரசு துணைத் தலைவர் ஜெகதீப் தங்கரை அவரது இல்லத்தில் சந்தித்து வாழ்த்து தெரிவிக்கிறார். 11.30 மணிக்கு குடியரசுத் தலைவர் மாளிகைக்கு செல்லும் மு.க.ஸ்டாலின், குடியரசுத் தலைவராக புதிதாக பொறுப்பேற்ற திரௌபதி முர்முவை சந்தித்து வாழ்த்துக் கூறுகிறார். மாலை 4.30 மணிக்கு பிரதமர் நரேந்திர மோடியை அவரது இல்லத்தில் சந்திக்கிறார். அப்போது, செஸ் ஒலிம்பியாட் போட்டியின் தொடக்க விழாவில் பங்கேற்றதற்கு நன்றி கூறுகிறார். மேலும், தமிழ்நாட்டின் வளர்ச்சித் திட்டங்கள் குறித்தும், நீட் விலக்கு மசோதா நிறைவேற்றம் உள்ளிட்ட அம்சங்கள் குறித்தும் மனு அளிக்க உள்ளதாக எதிர்பார்க்கப்படுகிறது. பின்னர் செய்தியாளர்களைச் சந்திக்கும் மு.க.ஸ்டாலின், இன்று இரவே சென்னை திரும்புகிறார்.
http://dlvr.it/SWmCsv

Read More

`கொடைக்கானல் - மூணாறு எஸ்கேப் சாலை என்ன ஆனது?’ - போராட தயாராகும் தமிழ்நாட்டு விவசாயிகள்

மலைகளின் இளவரசியான ​கொடைக்கானல் கோக்கர்ஸ் வாக் பகுதியில் இருந்து 6 கிலோ மீட்டர் ​தூரத்தில் மோயர் வியூ பாய்ன்ட் என்ற பகுதி​ உள்ளது. இப்பகுதிக்கு பாதை ​உருவாக்கியதாகக் கூறி​ ஆங்கிலேயர் தாமஸ் மோயர் என்பவ​ருக்கு ​​​ நினை​வு தூண் அமைத்து அவரின் பெயரையே இப்பகுதிக்கு சூட்டிவிட்டனர்.கொடைக்கானல் இதேபோல கொடைக்கானலை ஆங்கிலேயேர்கள் தான் கண்டறிந்து அதிகமாக குடியேறினர், பல்வேறு பகுதிகளுக்கு பாதை உருவாக்கினர் எனக் கூறப்படுகிறது. ஆனால் ஆதிகுடியான தமிழர்கள் ஏற்கெனவே கொடைக்கானலுக்கு பாதை அமைத்து அங்கு வாழ்ந்தது மட்டுமில்லாது கொடைக்கானலில் இருந்து மூணாறு செல்வதற்கான பாதையும் அமைத்துள்ளனர். இந்தப் பாதை மூடப்பட்டதால் பெரும்பாதிப்பை சந்தித்துவருகிறார்கள் விவசாயிகள். தமிழக - கேரள எல்லையில் தமிழர்களுக்காக போராடும் பெரியாறு வைகை பாசன விவசாயிகள் சங்கத்தின் ஒருங்கிணைப்பாளர் அன்வர் பாலசிங்கத்திடம் பேசினோம். ​ ``கடந்த 1944-ல், ​இரண்டாம் உலகப் போ​ர் காலகட்டத்தில் கொடைக்கானலில் ஆங்கிலேயர்கள் அதிக எண்ணிக்கையில் ​வசித்து வந்துள்ளனர். ​உலகப்​ போர் உச்சக்கட்டத்தில் இருந்த நேரத்தில், சென்னை மீது ஜப்பான் அணுகுண்டு வீசப்போவதாக எழுந்த வதந்தியை அடுத்து, அன்றைக்கு சென்னையில் இருந்த ஆங்கிலேய அதிகாரிகள், உடனடியாக தங்கள் நாட்டுக்கு தப்பி ஓடுவதற்கு ஒரு பாதையை தேர்ந்தெடுத்தார்கள்.அன்வர் பாலசிங்கம் ​அந்தப் பாதை கொடைக்கானல் வழியாக பூம்பாறை, மன்னவனூர், பூண்டி வழியாக கிளாவரை சென்று, அங்கிருந்து 11 கிலோமீட்டர் குதிரையில் பயணித்து, டாப் ஸ்டேஷனை அடையவேண்டும்.​ ​​அங்கிருந்து எல்லப்பட்டி, மாட்டுப்பட்டி, குண்டல, கிராம்ஸ்லேண்ட் வழியாக மூணாறை அடைந்து, அங்கிருந்து அடிமாலி கோதமங்கலம் வழியாக கொச்சிக்கு சென்று, கப்பல் மார்க்கமாக இங்கிலாந்துக்கு​ச் செல்வது அவர்களின் திட்டமாக இருந்தது. இறுதியில் அந்த வழியாக கொச்சிக்கு சென்று இங்கிலாந்து தப்பி ஓடினார்கள் பிரிட்டிஷ் அதிகாரிகள் பலர். அவர்கள் சென்ற அந்த பாதைக்கு பெயர், தப்பி ஓடிய பாதை என்பதால் எஸ்கேப் ரோடு என்று ஆனது. ​இந்தப் பாதை உருவாவதற்கு முன்னாலேயே, வட்ட வடை, கோவிலூர், கொட்டக்கம்பூர் உள்ளிட்ட 28 மலை கிராமங்களில் வாழ்ந்த தமிழ் விவசாயிகள், தங்கள் விளைபொருள்களை குதிரை மற்றும் கழுதைகளில் ஏற்றிக்கொண்டு, கொடைக்கானலுக்கு கொண்டு சென்றிருக்கிறார்கள்​. கரடுமுரடாக இருந்த அந்தப் பாதையைப் பயன்படுத்தி தான் ​ஆங்கிலேயர்கள் இங்கிலாந்துக்குத் தப்பி ஓடியிருக்கிறார்கள்.மூணாறு ​நாடு விடுதலை அடைந்த பிறகும் கூட அந்தப் பாதை பயன்பாட்டிலேயே இருந்து வந்திருக்கிறது. ஆனால் 1956 மொழிவழிப் பிரிவினை துரதிஷ்டவசமாக வட்டவடை, கோவிலூரை கேரளாவோடு இணைத்தது.​ ​இந்த வாய்ப்பை கெட்டியாக பிடித்துக்கொண்ட மலையாளிகள், உடனடியாக களத்தில் இறங்கி எஸ்கேப் ரோட்டை தங்களுடைய கட்டுப்பாட்டில் கொண்டு வந்தார்கள். தேவிகுளம் தாலுகாவில் ஏற்கனவே தமிழர்கள் பெரும்பான்மையாக இருப்பதை மனதில் கொண்ட மலையாளிகள், எந்த வகையிலும் கொடைக்கானல் பகுதியில் இருந்து தமிழர்கள் மேற்கு நோக்கி நகர்வதை அனுமதிக்கவில்லை. ​தேவிகுளம், உடுமஞ்சோலை, பீர்மேடு தாலுகாவில் உள்ள தமிழர்களை, தேயிலைத் தோட்டங்களில் செயற்கையாக நடத்தப்பட்ட கதவடைப்பு போரட்டங்கள் மூலமாக கொஞ்சம் கொஞ்சமாக வெளியேற்றிய மலையாள அரசு, கடந்த 2003 ஆம் ஆண்டு எஸ்கேப் ரோட்டை மறித்து,​ ​அதை பாம்பாடும் சோலை தேசிய பூங்காவாக அறிவித்தது.கொடைக்கானல் முன்பு இருதரப்பு பயணத்திற்கு ஓரளவு முட்டுக்கட்டை போட்ட கேரள மாநில அரசு,​ ​இப்போது டாப் ஸ்டேஷன் தாண்டியதும் கிளாவரை வரை சென்று தமிழகத்தை இணைக்கும் எஸ்கேப் ரோட்டில் சங்கிலியைப் போட்டு இழுத்துப் பூட்டியது.​ ​ஜிப் களில் ஓரளவு பயணித்து வந்த இரண்டு பக்கமும் உள்ள தமிழர்கள், இப்போது கேரள மாநில வனத்துறையால் கடும் அவதியை​ச்​ சந்தித்து வருகிறார்கள். ​கேரள அரசு​ ​​வெறும் 11 கிலோ மீட்டர் தொலைவில் உள்ள இந்த பண சாலையை இழுத்துப்பூட்டியதன் மூலம், மிகப்பெரிய பொருளாதார தாக்குதலை வட்ட வடை கோவிலூர் உள்ளிட்ட 28 மலை கிராமங்களில் வாழும் தமிழர்கள் மீது திணித்திருக்கிறது​.​ எஸ்கேப் ரோட்டை இழுத்து பூட்டியது மனித உரிமைகளை மீறும் செயல்”​ என்றார்.கேரள தலைமைச்செயலகம் ​இறுதியாக, ``​இரண்டு மாநில அரசுகளும் இதற்கு ஒரு முன் முயற்சியை எடுக்க வேண்டும். இல்லையேல் ​​வட்டவடை, கோவிலூர் உள்ளிட்ட 28 மலை கிராம மக்களையும், கிளாவரை, மன்னவனூர்,​ ​பூண்டி உள்ளிட்ட 16 கிராம மக்களையும் ஒன்றாக திரட்டி திருவனந்தபுரத்தில் உள்ள கேரள மாநில தலைமைச் செயலகத்தை முற்றுகையிடுவோம்​” என்றார். ​
http://dlvr.it/SWlwfc

Read More

பெண்ணுக்கு பெண்ணை மணமுடிக்கும் சடங்கு; இந்திரனுக்கு நடைபெற்ற திருவிழா!

கர்நாடகா மாநிலத்தில் உள்ள உத்தர கன்னட மாவட்டத்தில் அதிக அளவில் ஹலக்கி ஒக்கலிகா என்ற ஆதிவாசி இன மக்கள் வசித்து வருகின்றனர். ஒவ்வோர் ஆண்டும் சில மத சடங்குகளை இச்சமுதாய மக்கள் செய்து வருகின்றனர். மழை கொடுக்கும் கடவுள் இந்திரனை குளிர்விப்பதற்காக இரண்டு பெண்களுக்கு திருமணம் செய்து வைக்கும் சடங்கு நடந்து வருகிறது. ’தட்டுவே மதுவே’ என்று அழைக்கப்படும் இத்திருமணத்தின் மூலம் மழை அளவுக்கு அதிகமாகவோ அல்லது குறைவாகவோ பெய்யக்கூடாது என்றும், சமமான அளவு மழை பெய்யவேண்டும் என்று இந்திரனை வேண்டி இத்திருமணம் நடத்தப்படுகிறது. சமீபத்தில் அது போன்ற ஒரு திருமணம் நடந்தது. டிராக்டரில் சோறு, லோடு ஆட்டோவில் கறிக்குழம்பு; பெண்கள் கலந்துகொள்ளாத விநோத கிடா வெட்டு திருவிழா! அங்குள்ள கர்கிவிநாயகா மற்றும் கரியம்மா ஆலயத்தில் நடத்த திருமணத்தில் ஏராளமானோர் கலந்து கொண்டனர். இத்திருமணத்தில் வழக்கமாக மற்ற திருமணத்தில் நடக்கும் அனைத்து சடங்குகளும் நடத்தப்படும். இரண்டு பெண்களில் ஒரு பெண் மணமகளாகவும், ஒரு பெண் மண மகனாகவும் ஜோடிக்கப்படுவர். அவர்கள் ஊர்வலமாக அழைத்து வரப்படுவர். ஆடல் பாடல் நிகழ்ச்சியுடன் நடக்கும் இத்திருமணத்தில் திருமண உணவு விருந்துக்கும் ஏற்பாடு செய்யப்பட்டு இருந்தது. திருமண விருந்து சாப்பிட்ட பிறகு மற்ற திருமணங்களில் நடப்பது போன்று கிப்ஃட் கொடுக்கப்படுவது வழக்கமாகும். திருமணம் முடிந்த பிறகு இரண்டு மணி நேரத்தில் அது முடிவுக்கு வந்துவிடும், அனைவரும் அவரவர் வீட்டிற்கு புறப்பட்டுச்சென்றுவிடுவர். இத்திருமணத்தை காண அண்டை மாநிலத்தில் இருந்து அதிகமானோர் வந்து கலந்து கொள்வது வழக்கம்.
http://dlvr.it/SWkXGd

Read More