சமூக வலைதளங்களில் முதல்வர் குடும்பம் குறித்து அவதூறு – கோவை அதிமுக நிர்வாகி கைது

சமூக வலைதளங்களில் தமிழக முதல்வர் மு.க.ஸ்டாலின் மற்றும் அவரது குடும்பம் குறித்து அவதூறு கருத்துகளை பதிவு செய்து வந்த அதிமுக தகவல் தொழில்நுட்ப அணி தலைவரை போலீசார் கைது செய்துள்ளனர். கோவை மாவட்டம் அன்னூர் அடுத்த மசக்கவுண்டன் செட்டிபாளையம் பகுதியைச் சேர்ந்தவர் சுப்பிரமணியம். இவர், அதிமுக புறநகர் வடக்கு மாவட்ட தகவல் தொழில்நுட்ப அணி தலைவராக இருந்து வருகிறார். இந்நிலையில் இவர், சமூக வலைதளங்களில் தமிழக முதல்வர் மு.க.ஸ்டாலின் குறித்தும் அவரது குடும்பம் குறித்தும் அவதூறு கருத்துகளை பரப்பியதாக சைபர் கிரைம் போலீசாருக்கு புகார் வந்தது. இதனையடுத்து நேற்று அவர் பணிபுரியும் அலுவலகத்திற்குச் சென்ற போலீசார், சுப்பிரமணியை மாவட்ட சைபர் கிரைம் அலுவலகத்திற்கு அழைத்து வந்து விசாரணை நடத்தினர். விசாரணையில் அவதூறு கருத்துகளை பதிவு செய்தது உறுதி செய்யப்பட்டது. இதையடுத்து, அவர் மீது 153யு(1)(ய), 504, 505(2), 67 ஐவு யுஉவ 2000 ஆகிய 4 பிரிவுகளின் கீழ் வழக்குப்பதிவு செய்தனர். இதைத் தொடர்ந்து அவரை நீதிமன்றத்தில் ஆஜர்படுத்தி கோவை மத்திய சிறையில் அடைத்தனர். சமூகவலைதள அவதூறு கருத்து பதிவிற்காக அதிமுக மாவட்ட நிர்வாகி கைது செய்யப்பட்டது அக்கட்சியினரிடையே பெரும் அதிர்ச்சியை ஏற்படுத்தி உள்ளது.
http://dlvr.it/SXwRnn

Read More

``துரோகம் செய்த உத்தவ் தாக்கரேவுக்கு பாடம் கற்பிக்க வேண்டியது அவசியம்” - அமித் ஷா

இரண்டு நாள் பயணமாக மும்பை வந்துள்ள மத்திய உள்துறை அமைச்சர் அமித் ஷா, பாஜக நிர்வாகிகள் கூட்டத்தில் கலந்து கொண்டு பேசினார். அமித் ஷா, ``சிவசேனா பாஜக-வுக்கு துரோகம் செய்துவிட்டது. எனவே உத்தவ் தாக்கரேவுக்கு பாடம் புகட்டுவது அவசியம். அரசியலில் எதைவேண்டுமானாலும் பொறுத்துக்கொள்வோம். ஆனால் துரோகத்தை ஒரு போதும் பொறுத்துக்கொள்ளமாட்டோம். சிவசேனா உடைந்ததற்கும், அதனை தொடர்ந்து நடந்த நிகழ்வுகளுக்கும் உத்தவ் தாக்கரே தான் காரணம். உத்தவ் தாக்கரேயின் பேராசைதான் கட்சியில் ஒரு குறிப்பிட்ட பிரிவினர் அவருக்கு எதிராக திரும்ப காரணமாகும். சிவசேனாவில் இருந்து ஏக்நாத் ஷிண்டே வெளியேறியது மற்றும் உத்தவ் தாக்கரே அரசு கவிழ்ந்ததில் பாஜக-வுக்கு எந்த பங்கும் கிடையாது. உத்தவ் தாக்கரே பாஜக-வுக்கு மட்டுமல்லாது, அவரின் கொள்கைக்கும் துரோகம் செய்துவிட்டார். மும்பையில் விநாயகர் வழிபாடு அதோடு வாக்களித்த மகாராஷ்டிரா மக்களையும் உத்தவ் தாக்கரே அவமதித்துவிட்டார். உத்தவ் தாக்கரேயின் அதிகார பேராசை காரணமாகத்தான் அவரின் கட்சி இன்றைக்கு இந்த அளவுக்கு உடைந்திருக்கிறது. சிவசேனாவின் இந்த நிலைக்கு பாஜக காரணமல்ல. உத்தவ் தாக்கரேயிக்கு முதல்வர் பதவி கொடுப்பதாக நாங்கள் வாக்குறுதி கொடுக்கவில்லை என்பதை மீண்டும் தெரிவித்துக்கொள்கிறேன். நாங்கள் வெளிப்படையாக அரசியல் செய்யக்கூடியவர்கள். மூடிய அறைக்குள் அரசியல் செய்யமாட்டோம். அரசியலில் மோசடி செய்தவர்கள் கட்டாயம் தண்டிக்கப்படவேண்டும். பிரதமர் நரேந்திர மோடியின் வழிகாட்டுதலில் பாஜக-வும், உண்மையான சிவசேனாவும் இணைந்து மும்பை மாநகராட்சி தேர்தலில் 150 இடங்களில் வெற்றி பெறுவதை இலக்காக கொண்டு செயல்படவேண்டும். மக்கள் நரேந்திர மோடி தலைமையிலான பாஜகவுடன் இருக்கின்றனர். கொள்கைக்கு துரோகம் செய்த உத்தவ் தாக்கரே கட்சியுடன் மக்கள் இல்லை” என்று தெரிவித்தார். முன்னதாக மும்பை மாநகராட்சி தேர்தலை எவ்வாறு எதிர்கொள்வது என்பது குறித்து அமித் ஷா கட்சி நிர்வாகிகளுடன் ஆலோசனை நடத்தினார். மும்பை மாநகராட்சியை கடந்த 25 ஆண்டுகளாக சிவசேனாதான் ஆட்சி செய்து வருகிறது. சிவசேனாவும், பாஜகவும் கடந்த 2019-ம் ஆண்டு சட்டமன்ற தேர்தலை கூட்டாக சேர்ந்தே சந்தித்தன. ஆனால் தேர்தலுக்கு பிறகு முதல்வர் பதவியை சிவசேனா கேட்டதால் இரு கட்சிகளிடையே கருத்து வேறுபாடு ஏற்பட்டு கூட்டணி முறிந்தது குறிப்பிடத்தக்கது.
http://dlvr.it/SXvvsZ

Read More

'கொரோனா இன்னும் ஓயவில்லை; 4 வாரங்களில் இறப்பு விகிதம் 35% உயர்வு' - WHO எச்சரிக்கை

கொரோனாவால் கடந்த 4 வாரங்களில் இறப்பு விகிதம் 35 சதவிகிதம் அதிகரித்துள்ளதாக உலக சுகாதார நிறுவனத் தலைவர் டெட்ரோஸ் அதோனம் கெப்ரியேசஸ் தெரிவித்துள்ளார். கொரோனோ வைரஸ் தொற்று பரவத் தொடங்கி 3 ஆண்டுகள் கடந்துவிட்ட நிலையில், கொரோனா மறைவதற்கான அறிகுறி தென்படவில்லை. உலகம் முழுவதும் தினசரி கொரோனா தொற்று உயர்வதும், குறைவதுமாக இருந்து வருகிறது. இந்த நிலையில் கொரோனாவால் கடந்த 4 வாரங்களில் இறப்பு விகிதம் 35 சதவிகிதம் அதிகரித்துள்ளதாக உலக சுகாதார நிறுவனத் தலைவர் டெட்ரோஸ் அதோனம் கெப்ரியேசஸ் தெரிவித்துள்ளார். இது தொடர்பாக அவர் தனது ட்விட்டர் பக்கத்தில் ஒரு வீடியோவைப் பகிர்ந்துள்ளார். அதில், ''ஒரே வாரத்தில் உலகம் முழுவதும் 15 ஆயிரம் பேர் கொரோனாவால் உயிரிழந்துள்ளனர். கடந்த 4 வாரங்களில் இறப்பு விகிதம் 35% அதிகரித்துள்ளது. கொரோனாவுடன் வாழ வேண்டிய கட்டாயத்தில் நாம் இருக்கிறோம். கொரோனாவுடன் வாழும்போது நாம் இதுவரை கடைபிடித்துவந்த முகக்கவசம் அணிதல், கைகளை சுத்தமாக வைத்துக் கொள்ளுதல், கூட்டங்களை தவிர்த்தல், சமூக இடைவெளியை கடைபிடித்தல் ஆகியவற்றை கைவிடக் கூடாது. உலகம் முழுவதும் இதுவரை 59 கோடி பேருக்கு கொரோனா தொற்று ஏற்பட்டுள்ளது. இதுவரை 64 லட்சம் பேர் உயிரிழந்துள்ளனர். அமெரிக்காவில் மட்டு 9.3 கோடி பேருக்கு தொற்று ஏற்பட்டுள்ளது அடுத்தபடியாக இந்தியாவில் தான் 4.4 கோடி பேருக்கு தொற்று ஏற்பட்டுள்ளது. தயவு செய்து நீங்கள் இன்னும் தடுப்பூசி செலுத்திக் கொள்ளவில்லை என்றால் உடனே தடுப்பூசி செலுத்திக் கொள்ளுங்கள். இரண்டு தவணை செலுத்திவிட்டிருந்தால் பூஸ்டர் டோஸ் செலுத்திக் கொள்ளுங்கள். எக்காரணம் கொண்டும் கொரோனா தடுப்பு நடவடிக்கைகளை நாம் கைவிடக் கூடாது'' என்று அவர் கூறியுள்ளார்.இதையும் படிக்க: ’நோ சர்க்கரை.. நோ, ஸ்நாக்ஸ்’ - விராட் கோலி சொல்லும் ஃபிட்னஸ் சீக்ரெட்!
http://dlvr.it/SWqJXl

Read More

துருக்கி: தன்னை கடித்த பாம்பை திருப்பிக் கடித்து கொலை செய்த 2 வயது துணிச்சல் சிறுமி!

துருக்கியில் இரண்டு வயது சிறுமி தனது உதட்டில் கடித்த பாம்பை மீண்டும் கடித்து கொன்றுள்ள சம்பவம் அரங்கேறியுள்ளது. துருக்கி நாட்டின் காந்தார் கிராமத்தைச் சேர்ந்த மெஹ்மத் எர்கான் என்பவரது 2 வயது பெண் குழந்தை அவர்களது வீட்டின் பின்புறம் விளையாடிக் கொண்டிருந்தது. அப்போது, அந்த குழந்தையை பாம்பு ஒன்று தாக்குவதையும் அவள் அதனால் அலறுவதையும் அண்டை வீட்டார்கள் பார்த்துள்ளனர். பதறியடித்து குழந்தையை நோக்கி அவர்கள் சென்ற போது தனது பற்களுக்கு இடையே பாம்பை கடித்தபடி சிறுமி அமர்ந்திருப்பதை பார்த்து அவர்கள் மேலும் அதிர்ச்சியடைந்தனர். உடனடியாக குழந்தையை மீட்டு அவ்வூரிலுள்ள மகப்பேறு மற்றும் குழந்தைகள் மருத்துவமனையில் அனுமதித்தனர். பாம்பு குழந்தையின் கீழ் உதட்டை கடித்திருந்த போதிலும் 24 மணி நேரத்திற்குப் பிறகு பூரண குணமடைந்தவிட்டதாக மருத்துவர்கள் தெரிவித்தனர். இருப்பினும் குழந்தை தனது பற்களால் கடித்ததால் ஏற்பட்ட காயத்தால் பாம்பு உயிரிழந்துவிட்டது. குழந்தையை நேரில் பார்க்கும்போது 20 அங்குலம் கொண்ட பாம்பை ஒரு கையில் பிடித்தபடி தனது வாயால் கடித்து கொண்டிருந்ததாக அண்டை வீட்டினர் தெரிவித்தனர். குழந்தையை தாக்கிய பாம்பு என்ன வகை என்று தெரியவில்லை. துருக்கியில் உள்ள மொத்த 45 வகையான பாம்புகளில் 12 விஷத்தன்மை கொண்டவை என்று அறியப்படுகிறது. குழந்தை தற்போது நலமாக இருப்பதால், அவளைக் கடித்த பாம்பு விஷமான வகையை சேர்ந்தது அல்ல என கூறப்படுகிறது.
http://dlvr.it/SWq09f

Read More

கோவை அருகே உடல்நலம் பாதிக்கப்பட்ட யானை சிக்கியது! அதன் தற்போதைய நிலை என்ன?

கோவை மாவட்டம், ஆனைக்கட்டி அருகே தமிழ்நாடு – கேரள எல்லை பகுதியில் 8 வயது யானை உடல்நலக்குறைவுடன் காணப்பட்டது. சீங்குளி கொடுந்துறைப்பள்ளம் ஆற்றங்கரையில் அந்த யானை உணவு எதுவும் உட்கொள்ளாமல் இரண்டு நாள்களுக்கு மேல் நின்று கொண்டிருந்தது.யானைமரத்தின் மீது முன்னங்கால்களை ஊன்றி பலாப்பழம் பறிக்கும் யானை |#ViralVideo இரு மாநில எல்லை என்பதால், தமிழ்நாடு – கேரளா வனத்துறையினர் இடையே யானைக்கு யார் சிகிச்சையளிப்பது என்ற குழப்பம் ஏற்பட்டது. ''எல்லைச் சண்டையை பிறகு வைத்துக் கொள்ளுங்கள் முதலில் யானையை கவனியுங்கள்'' என்று பல்வேறு தரப்பில் இருந்து கூறப்பட்டது. இதையடுத்து அந்த யானையை கண்காணித்து சிகிச்சையளிக்க இரு மாநில வனத்துறையினர் முடிவு செய்தனர். இதனிடையே, நேற்று காலை முதல் அந்த யானை எங்கு சென்றது என வனத்துறையினருக்கு தெரியவில்லை. ட்ரோன் மூலம் தேடியும் கிடைக்கவில்லை.கும்கி கலீம்யானைகள் காப்பகமானது அகத்தியர் மலை; சிறப்புகள் என்ன? இந்நிலையில், யானைக்கு சிகிச்சையளித்து மீட்புப் பணியில் ஈடுபடுவதற்காக டாப்ஸ்லிப் முகாமில் இருந்து கலீம் என்ற கும்கி யானை வரவழைக்கப்பட்டுள்ளது. வனத்துறையினர் 7 குழுக்களாக பிரிந்து, 70க்கும் மேற்பட்ட ஊழியர்கள் தொடர்ந்து யானையை தேடும் பணியில் ஈடுபட்டு வருகின்றனர். அதேபோல கேரளா வனத்துறையினரும் சிறப்புக் குழு அமைத்து, யானையை தேடும் பணி தொடர்ந்து நடைபெற்றது.யானையை தேடும் பணி இந்நிலையில் அந்த யானை தோலம்பாளையம் செங்குட்டை அருகே உள்ள வனப்பகுதியில் இருப்பதாகக் கண்டறியப்பட்டுள்ளது. அதற்கு சிகிச்சையளிப்பதற்காக, கும்கி யானையுடன் வனத்துறையினர் அங்கு விரைந்துள்ளனர். ஆனால், யானையின் உடல்நிலை என்ன நிலையில் இருக்கிறது என்பது பற்றிய உறுதியான தகவல் கிடைக்கவில்லை. யானையை காப்பாற்ற வேண்டும் என்ற நோக்கில் தீவிர முயற்சியில் இறங்கியுள்ளது வனத்துறை.
http://dlvr.it/SWnZVx

Read More

``அரசை நாங்கள் நடத்தவில்லை!" - பாஜக அமைச்சரின் ஆடியோவால் வெடித்த சர்ச்சை

கர்நாடகா முழுவதும் விவசாயிகள் வாங்கிய ரூ.50,000 மதிப்பிலான கடனை தள்ளுபடிசெய்ய வி.எஸ்.எஸ்.என் கூட்டுறவு வங்கி அதிகாரிகள் ரூ.1,300 லஞ்சம் கேட்டதாக சன்னப்பட்டினத்தைச் சேர்ந்த சமூக ஆர்வலர் பாஸ்கர் என்பவர், கர்நாடக சட்ட அமைச்சர் ஜே.சி.மதுசாமியிடம் புகார் அளித்திருக்கிறார். அப்போது அமைச்சர் ஜே.சி மதுசாமி, ``விவசாயிகள் மட்டுமல்ல, நான்கூட வங்கி அதிகாரிகளால் கூடுதல் பணத்தை செலுத்த வேண்டிய கட்டாயத்தில்தான் இருக்கிறேன். இந்தக் குற்றச்சாட்டுகள் அனைத்தும் எனக்குத் தெரியும். இந்த அரசை நாங்கள் செயல்படுத்தவில்லை. கடந்த 8 மாதங்களாக நிர்வகிக்கிறோம் அவ்வளவே. 2023 மாநிலத் தேர்தல்கள் நடைபெறும்போது இந்த விவசாயக்கடனை தள்ளுபடி செய்கிறோம்" எனத் தெரிவித்திருக்கிறார். இந்த ஆடியோவை பதிவுசெய்த சமூக ஆர்வலர் ஊடகங்களிடம் வெளியிட்டிருக்கிறார். அதைத் தொடர்ந்து பல்வேறு தரப்பிலிருந்து கர்நாடக சட்ட அமைச்சருக்கு கண்டனங்கள் வலுத்துவருகின்றன. பாஜக அமைச்சர் ஜே.சி மதுசாமி இது தொடர்பாகப் பேசிய கூட்டுறவுத்துறை அமைச்சர் எஸ்.டி.சோமசேகர் கவுடா, ``சட்ட அமைச்சர் ஜே.சி.மதுசாமி பேசியது தவறு. அமைச்சர் கூறியது போல் அரசு வெறுமனே நிர்வகிக்கவில்லை. ஒருவேளை அவர் துறை வேண்டுமானால் அப்படி இருக்கலாம்" எனக்கூறினார். மேலும், தோட்டக்கலைத்துறை அமைச்சர் என்.முனிரத்னா, ``சட்ட அமைச்சரின் கருத்துக்காக அவர் ராஜினாமா செய்யவேண்டும். அவர் இதுபோன்ற கருத்துகளைக் கூறக்கூடாது" என வலியுறுத்தியிருக்கிறார். இந்த விவகாரம் குறித்துப் பேசிய கர்நாடக முதல்வர் பசவராஜ் பொம்மை, ``சட்ட அமைச்சர் வேறு ஏதோ ஒரு சூழலில் இப்படி சொல்லியிருக்கிறார். நான் அவருடன் பேசுகிறேன். எனவே அதை தவறான அர்த்தத்தில் எடுத்துக் கொள்ளவேண்டிய அவசியமில்லை. அவர் குறிப்பாக சில பிரச்னைகளைப் பற்றி பேசியிருக்கிறார். எனவே, எந்த பிரச்னையும் இல்லை. மற்ற அமைச்சர்களுடனும் பேசுகிறேன்" எனத் தெரிவித்தார். பாஜக அமைச்சர் ஜே.சி மதுசாமி அமைச்சரின் ஆடியோ மாநில அரசியலில் பெரும் சலசலப்பை ஏற்படுத்தியிருக்கும் நிலையில் காங்கிரஸ் கட்சி, ``இந்த உரையாடல் மாநிலத்தில் உள்ள பா.ஜ.க அரசின் திறமையின்மைக்கு எடுத்துக்காட்டு. அரசின் அலட்சியம், அமைச்சர்களின் திறமையின்மையால், விவசாயிகளுக்கு இழைக்கப்பட்ட அநீதியை அமைச்சர் மதுசாமி வெளிப்படுத்தியிருக்கிறார். பா.ஜ.க அரசு ஊழல் நிர்வாக சேவையாக மட்டுமே செயல்படுகிறது. பொம்மை அரசின் கையாலாகாத்தனத்துக்கும், விவசாயிகளுக்கு அநீதி இழைத்ததற்கும் இதைவிட சிறந்த ஆதாரம் இல்லை" எனக் கடுமையாகச் சாடியிருக்கிறது.கர்நாடகா: `அனைத்து பெண்களையும் அவமதிக்கும் பேச்சு’ - காங்கிரஸ் எம்எல்ஏ குற்றச்சாட்டுக்கு பாஜக பதில்
http://dlvr.it/SWn4QD

Read More

எதிர்ப்பை மீறி இலங்கை சென்ற சீனாவின் உளவுக்கப்பல் - உன்னிப்பாக கவனிக்கும் இந்தியா

சீனாவின் உளவுக் கப்பலான யுவான் வாங்-5, இலங்கை ஹம்பாந்தோட்டை துறைமுகத்திற்கு சென்றிருக்கிறது. அதிநவீன தொழில் நுட்பம் கொண்ட இந்தக் கப்பல் இந்தியாவின் பாதுகாப்பிற்கு அச்சுறுத்தல் ஏற்படுத்தும் எனக் கூறப்படுகிறது. சீனாவின் மூன்றாம் தலைமுறை விண்வெளிக் கண்காணிப்பு கப்பலான யுவான் வாங்-5, இலங்கையின் ஹம்பாந்தோட்டை துறைமுகத்தில் வரும் 22-ஆம் தேதி வரை நிறுத்தப்படுகிறது. இந்தக் கப்பலில் எந்த ஆராய்ச்சியும் மேற்கொள்ளக்கூடாது என்ற நிபந்தனையின் அடிப்படையிலும், அணுசக்தி போர் கப்பல் அல்ல என்பதாலும் எரிபொருள் நிரப்ப அனுமதிக்கப்பட்டுள்ளதாக இலங்கை அரசு தெரிவித்துள்ளது. ஆனால், இந்தக் கப்பலின் சிறப்பம்சங்களும், வருகையும் இந்தியா கவலைப்படுவதற்கான காரணங்களாக விரிகின்றன. சீனாவின் அதிநவீனமான இந்தக் கப்பல், விண்வெளி ஆய்வுமையம் நிர்வகிக்கும் கப்பல் என்பதோடு, செயற்கைக்கோள்கள், ராக்கெட்டுகள், கண்டம்விட்டு கண்டம் பாயக்கூடிய ஏவுகணைகளை கண்காணிக்கக்கூடியது. 11 ஆயிரம் மெட்ரிக் டன் எடையை சுமந்து செல்லக்கூடிய இந்தக் கப்பல், 750 கிலோமீட்டர் சுற்றளவு வரை கண்காணிக்கக் கூடிய திறன் கொண்டது. இதனால், தென்னிந்திய துறைமுகங்களையும், அணுஉலைகளையும் சீனக் கப்பல் கண்காணிக்கக்கூடும் என்பதால், பாதுகாப்புக்கான அச்சுறுத்தலாகவே பார்க்கப்படுகிறது. முன்னதாக இதுகுறித்து எதிர்வினையாற்றியிருந்த இந்திய வெளியுறவு அமைச்சகம், நிலைமையை உன்னிப்பாக கவனித்துவருவதாக கூறியிருந்தது.
http://dlvr.it/SWmc6x

Read More