பாடலாசிரியர் கபிலன் மகள் தூக்கில் தொங்கிய நிலையில் சடலமாக மீட்பு!

திரைப்பட பாடலாசிரியர் கபிலனின் மகள் தூரிகை தூக்கில் தொங்கிய நிலையில் சடலமாக மீட்கப்பட்டார். சென்னை அரும்பாக்கம் எம்எம்டிஏ காலனி பகுதியில் வசித்து வருகிறார் பாடலாசிரியர் கபிலன். புதுச்சேரியில் பிறந்த இவர் தில் படத்தில் “உன் சமையலறையில் நான் உப்பா சர்க்கரையா?” என்ற பாடலை எழுதி பாடலாசிரியராக தமிழ் திரையுலகில் அறிமுகமானார். பின்னர் “ஆள்தோட்ட பூபதி”, “அர்ச்சுனரு வில்லு”, “மச்சான் பேரு மதுர”, “ஆடுங்கடா என்னசுத்தி”, “மெர்சலாயிட்டேன்”, “என்னோடு நீ இருந்தால்” எனப் பல புகழ்பெற்ற பாடல்களை இவர் எழுதியுள்ளார். இந்நிலையில் கபிலனின் மகள் தூரிகை இன்று அவரது வீட்டில் தூக்கில் தொங்கிய நிலையில் சடலமாக மீட்கப்பட்டார். தூரிகையின் உடல் சாலிகிராமத்தில் உள்ள தனியார் மருத்துவமனையில் வைக்கப்பட்டுள்ளது. அவர் தற்கொலை செய்து கொண்டாரா என்பது குறித்து போலீசார் விசாரணை செய்து வருகின்றனர். கபிலனின் மகள் தூரிகை முன்னணி ஆங்கில ஊடகத்தில் தொடர்ந்து கட்டுரைகள் எழுதிவந்தார் என்பது குறிப்பிடத்தக்கது. மேலும் அவர் பீயிங்வுமன் (BeingWomen) என்கிற இணைய இதழ் ஒன்றையும் நடத்தி வந்தார். மேலும் இவர் ஆடை வடிவமைப்பாளராக பல்வேறு திரைப்படங்களில் பணியாற்றி வந்துள்ளார்.
http://dlvr.it/SY4dnn

Read More

நாட்டா தகுதி தேர்வு வழக்கில் மாணவிக்கு ரூ.10 லட்சம் இழப்பீடு வழங்க உத்தரவு.!

நாட்டா தகுதித் தேர்வு தேவையில்லை என ஆர்கிடெக்சர் கவுன்சில் அறிவித்த பிறகும், அந்த தகுதி அவசியம் எனக் கூறி, பி.ஆர்க். படிப்பில் சேர்க்கை மறுக்கப்பட்ட மாணவிக்கு 10 லட்ச ரூபாய் இழப்பீடு வழங்க சென்னை உயர் நீதிமன்றம் உத்தரவிட்டுள்ளது. பி. ஆர்க். படிப்பிற்கு நாட்டா தகுதி தேர்வில் தேர்ச்சி பெற்றிருப்பது கட்டாயம் என ஆர்கிடெக்சர் கவுன்சில் 2008ஆம் ஆண்டு பிறப்பித்த உத்தரவிற்கு, உச்ச நீதிமன்றம் தடை விதித்தது. தடை விதித்திருக்கும் போதிலும் பல மாநிலங்களில் நாட்டா தகுதித் தேர்வில் தேர்ச்சி பெற்றிருப்பது அவசியம் என வற்புறுத்தியதால், ஆர்கிடெக்சர் கவுன்சில் 2017ம் ஆண்டு ஜூன் 15ம் தேதி வெளியிட்ட விளக்க சுற்றறிக்கையில், நாட்டாவை வற்புறுத்த தேவையில்லை என்றும், ஜே.இ.இ. உள்ளிட்ட தகுதி தேர்வுகளின் அடிப்படையில் பி.ஆர்க். படிப்பில் ஆள்சேர்க்கை செய்யலாம் எனவும் தெரிவிக்கப்பட்டு இருந்தது. இந்நிலையில் 2017-18ம் கல்வியாண்டில் பி.ஆர்க். மாணவர் சேர்க்கைக்கான விளக்க குறிப்புகளில் நாட்டா தேர்ச்சி பெற்றிருக்க வேண்டுமென தெரிவிக்கப்பட்டதின் காரணமாக ஜே.இ.இ. தேர்வில் 390 மதிப்பெண்களுக்கு 226 எடுத்த அம்ருதா என்கிற மாணவி பி.ஆர்க். படிப்பிற்கு அளித்த விண்ணப்பம் நிராகரிக்கப்பட்டது. இதுதொடர்பாக வழக்கு தொடரப்பட்ட நிலையில் வழக்கை விசாரித்த உயர் நீதிமன்றம், நாட்டா தேர்வு கட்டாயமில்லை என்ற பிறகும் மாணவியின் விண்ணப்பத்தை நிராகரித்ததால் பாதிக்கப்பட்ட மாணவிக்கு இழப்பீடு வழங்கக் கோரி 2017ம் ஆண்டு உத்தரவிட்டிருந்தது . இந்நிலையில் கடந்த 2017ம் ஆண்டு தாக்கல் செய்யப்பட்டு, நிலுவையில் இருந்த இந்த வழக்கை விசாரித்த நீதிபதி ஆர். சுப்ரமணியன், நாட்டா தேவையில்லை என்று 2017ம் ஆண்டு ஜூன் 15ம் தேதி ஆர்கிடெக்சர் கவுன்சில் அறிவிப்பு வெளியிட்ட நிலையில், நாட்டா தகுதி தேர்வு அவசியம் என ஜூன் 25ம் தேதி மாணவர் சேர்க்கை செயலாளர் அறிவிப்பு வெளியிட்டது ஆர்கிடெக்சர் கவுன்சில் உத்தரவை மீறும் வகையில் உள்ளதாக குறிப்பிட்டார். மேலும் ஆர்கிடெக்சர் கவுன்சில் அறிவிப்பு வெளியிடாவிட்டாலும் கூட, நாட்டா கட்டாயம் என்ற அறிவிப்புக்கு 2008ம் ஆண்டு உச்ச நீதிமன்றம் தடை விதித்துள்ளதையும், ஜே.இ.இ. உள்ளிட்ட தகுதி தேர்வில் வெற்றி பெற்றவர்களும் விண்ணப்பிக்கலாம் என்ற தமிழக அரசு உத்தரவிட்டதையும் சுட்டிக்காட்டினார். தொடர்ந்து நாட்டா தேர்வில் தகுதி பெறவில்லை என கூறி விண்ணப்பம் நிராகரிக்கப்பட்டதால் பாதிக்கப்பட்ட மாணவிக்கு, 10 லட்சம் ரூபாய் இழப்பீடும், ஒரு லட்ச ரூபாய் வழக்கு செலவு தொகையும் சேர்த்து 4 வாரத்தில் வழங்க உத்தரவிட்டார். மேலும் கல்வி நிறுவனங்கள் மற்றும் கல்வியாளர்கள் மீது அதிருப்தி தெரிவித்த நீதிபதி, கல்வியின் கொள்கைகளை முடிவு செய்யும் பொறுப்பில் இருக்கும் பொறுப்பற்ற கல்வியாளர்கள் மற்றும் அதிகாரிகளால், நம் இளைஞர்களின் வாழ்வு எப்படி பாதுகாப்பற்றதாக உள்ளது என்பதை இந்த வழக்கு படம்பிடித்து காட்டுவதாக நீதிபதி கண்டனம் தெரிவித்தார். தொடர்ந்து கல்வி என்பது வாழ்வாதாரத்திற்கு தேவையான தகுதியை வழங்குவதற்கு மட்டும் அல்ல, சமூகத்தால் ஏற்றுக்கொள்ளத்தக்க வகையில் ஒரு நல்ல மனிதனை உருவாக்குவதும் தான் என குறிப்பிட்ட நீதிபதி, சமீப நாட்களில் கல்வி வணிகமயமானது மட்டும் அல்லாமல், தகுதி இல்லாதவர்களின் கைகளிலும், அறிவுசார் ஆணவகாரர்களின் கைகளிலும் விழுந்துவிட்டதாக வேதனை தெரிவித்தார். மேலும் பெயருக்கு பின்னால் கல்வி தகுதியை பெற்றிருக்கும் இந்த ஆணவக்காரர்கள் எடுக்கும் முடிவுகளால், மாணவர்களின் வாழ்க்கை வீணாவதாக கூறினார்.
http://dlvr.it/SY4PxQ

Read More

”10,000 ரூபாய்க்குள் 5ஜி போன்கள் வாய்ப்பில்லை” - சியோமி நிறுவன இந்திய தலைவர்!

தற்போது 10,000 ரூபாய்க்குள் 5ஜி போன்களை வெளியிடுவது கடினம் என்று சியோமி இந்தியா தலைவர் முரளிகிருஷ்ணன் தெரிவித்துள்ளார். Xiaomi நிறுவனம் ஏற்கனவே இந்தியச் சந்தையில் 5ஜி போன்களை வெளியிட்டுள்ளது. ஜியோ, ஏர்டெல் மற்றும் பிற தொலைத்தொடர்பு நிறுவனங்கள் வரும் மாதங்களில் 5ஜி சேவைகளை வெளியிடத் தொடங்கும் போது, வாடிக்கையாளர்களின் தேவை மற்றும் வரவேற்பைப் பொறுத்து, பெரும்பாலான இந்திய நுகர்வோர் வாங்கக்கூடிய 5G ஃபோன்களை Xiaomi சந்தைக்கு கொண்டு வர திட்டமிட்டுள்ளது. இது தொடர்பாக பேசிய சியோமி இந்தியா தலைவர் முரளிகிருஷ்ணன் பி, “பண்டிகை காலம் துவங்கும்போது ரூ.15 ஆயிரம் முதல் ரூ.20 ஆயிரம் விலைப்பிரிவில் 5ஜி ஸ்மார்ட்ஃபோன்களின் வரவு அதிகரிக்கத் துவங்கும். நாங்களும் எங்களது பண்டிகை விற்பனைக்கு தயாராகி வருகிறோம். பல்வேறு வகையான ஃபோன்கள் மற்றும் தயாரிப்புகளுக்கு தள்ளுபடிகளும் வழங்கத் திட்டமிட்டுள்ளோம். தொலைத்தொடர்பு ஆபரேட்டர்கள் விரைவில் 5G சேவைகளை வெளியிட உள்ளதால், 5G சாதனங்களுக்கான தேவையில் பெரிய முன்னேற்றத்தைக் காண்போம். குறிப்பாக பண்டிகைக் காலத்தின் தொடக்கத்தில்! 15-20 ஆயிரம் விலைப்பிரிவில் 2-3 வருடங்கள் நீடிக்கும் வசதி கொண்ட ஸ்மார்ட்ஃபோன்களை தொழில்நுட்ப பிரியர்கள் ஆர்வத்துடன் வாங்கத்துவங்குவர். இருப்பினும் பெரும்பாலான இந்தியர்கள் 10-15 ஆயிரம் விலைப்பிரிவில் ஸ்மார்ட்ஃபோன்களை வாங்கவே விரும்புவர்.” என்று தெரிவித்தார். Realme போன்ற பிராண்டுகள் 10,000 ரூபாய் பிரிவின் கீழ் 5G போன்களை விரைவில் வெளியிடுவதை ஏற்கனவே உறுதிப்படுத்தியுள்ள நிலையில், அத்தகைய மலிவு விலை 5G போன்களை சியோமி எப்போது வெளியிடும் என்று கேட்டபோது, “அது பொருளாதார அளவைப் பொறுத்தது. இந்தாண்டு இறுதியில் சிப்செட்களின் விலை குறையும் என எதிர்பார்க்கிறோம். எனவே 10 ஆயிரத்திற்குள் 5ஜி ஸ்மோர்ட் போன்களை வெளியிடச் சிறிது காலம் எடுக்கும். தற்போது அதற்கு வாய்ப்பில்லை” என்று முரளிகிருஷ்ணன் தெரிவித்தார்.
http://dlvr.it/SY3TvK

Read More

பாலியல் புகார் அளிக்கச் சென்ற பட்டியலின சிறுமி; அடைத்துவைத்து பெல்ட்டால் அடித்த காவலர்கள்!

மத்தியப் பிரதேசத்தில், பாலியல் வன்கொடுமை புகார் அளிக்க காவல் நிலையத்துக்குச் சென்ற பட்டியலின சிறுமி அங்கு அடைத்து வைக்கப்பட்டு, பெல்ட்டால் அடிக்கப்பட்ட சம்பவம் பரபரப்பை ஏற்படுத்தியிருக்கிறது. ஆகஸ்ட் 27-ம் தேதி விளையாடுவதற்காக வெளியே சென்ற தன்னுடைய 14 வயது மகள் வீடு திரும்பவில்லை என்று பெண் ஒருவர் கோட்வாலி காவல் நிலையத்தில் புகாரளித்தார். அது தொடர்பாக போலீஸார் விசாரணை மேற்கொண்டு வந்ததாகக் கூறப்படுகிறது. பின்னர், ஆகஸ்ட் 30-ம் தேதி வீடு திரும்பிய அந்த சிறுமி, பாபு கான் என்பவர் வலுக்கட்டாயமாகத் தன்னுடைய வீட்டுக்கு அழைத்துச் சென்று மூன்று நாள்கள் அடைத்துவைத்து தன்னை பாலியல் வன்கொடுமை செய்ததாகத் தெரிவித்திருக்கிறார். அதைக் கேட்டு அதிர்ச்சியடைந்த சிறுமியின் தாய், உடனடியாக சிறுமியுடன் காவல் நிலையத்தில் இது குறித்து புகார் அளிக்கச் சென்றார். அங்கு காவலர்கள் பாலியல் புகாரளிக்க வந்த தங்களை தாக்கியதாக அவர் குற்றம்சாட்டியிருக்கிறார்.கைது இது தொடர்பாக பாதிக்கப்பட்ட சிறுமியின் தாய், ``என்னுடைய மகள் பாலியல் வன்கொடுமைக்கு ஆளாக்கப்பட்டாள் என்பது குறித்து புகார் பதிவுசெய்ய நாங்கள் காவல் நிலையத்துக்குச் சென்றோம். இரண்டு காவலர்கள் என்னுடைய மகளின் வாக்குமூலத்தை மாற்றும்படி அழுத்தம் கொடுத்தனர். மேலும் என்னுடைய மகளை அடித்து துன்புறுத்தினார்கள். மற்றொரு போலீஸ் அதிகாரி என்னை வெளியே அழைத்துச் சென்றார். அதன்பிறகு, என்னுடைய மகளை அடைத்துவைத்து எட்டி உதைத்து, பெல்ட்டால் தாக்கியிருக்கின்றனர். இது தொடர்பாக போலீஸ் உயரதிகாரிகளிடம் புகார் அளித்திருக்கிறேன்’’ என்றார். இந்தச் சம்பவம் ஆகஸ்ட் 30-ம் தேதி நடந்ததாக புகார் எழுந்த நிலையில், மூன்று போலீஸ் அதிகாரிகள் புதன்கிழமை பணியிடைநீக்கம் செய்யப்பட்டனர். மேலும் குற்றவாளியான பாபு கான் செப்டம்பர் 3-ம் தேதி கைதுசெய்யப்பட்பட்டார்.மத்தியப் பிரதேசம்: ராமர் அசுரர்களை அழித்த மலைப்பகுதி; தாதுக்களை வெட்டி எடுக்க அரசு தடை!
http://dlvr.it/SY22Gh

Read More

ஜோ பைடன் முதல் மோடி வரை... பிரிட்டன் ராணி எலிசபெத் மறைவுக்கு தலைவர்கள் இரங்கல்

பிரிட்டன் ராணி இரண்டாம் எலிசபெத் மறைவுக்கு இந்திய குடியரசுத் தலைவர் திரெளபதி முர்மு, பிரதமர் மோடி உள்ளிட்ட தலைவர்கள் இரங்கல் தெரிவித்துள்ளனர். பிரிட்டன் மகாராணி இரண்டாம் எலிசபெத்தின் மறைவை தொடர்ந்து, உலகம் ஒரு சிறந்த ஆளுமையை இழந்துவிட்டதாக இந்திய குடியரசுத் தலைவர் திரெளபதி முர்மு இரங்கல் தெரிவித்துள்ளார். In the demise of Her Majesty Queen Elizabeth II of UK, the world has lost a great personality. An era has passed since she steered her country and people for over 7 decades. I share the grief of people of UK and convey my heartfelt condolence to the family. — President of India (@rashtrapatibhvn) September 8, 2022 பொதுவாழ்க்கையில் கண்ணியத்தையும் நாகரிகத்தையும் கடைப்பிடித்து வந்த ராணி எலிசபெத்தின் மறைவு தமக்கு மிகுந்த வேதனை அளிப்பதாக பிரதமர் மோடி குறிப்பிட்டுள்ளார். 2015, 2018-ம் ஆண்டுகளில் ராணி எலிசபெத்துடனான தனது சந்திப்பு குறித்தும் பிரதமர் மோடி பகிர்ந்துள்ளார். I had memorable meetings with Her Majesty Queen Elizabeth II during my UK visits in 2015 and 2018. I will never forget her warmth and kindness. During one of the meetings she showed me the handkerchief Mahatma Gandhi gifted her on her wedding. I will always cherish that gesture. pic.twitter.com/3aACbxhLgC — Narendra Modi (@narendramodi) September 8, 2022 நாட்டிற்கு மிகுந்த அர்ப்பணிப்புடனும் கண்ணியத்துடனும் சேவை செய்து புகழ்பெற்ற ஆட்சியை நடத்திக் கொண்டிருந்தவர் மகாராணி எலிசபெத் என்று காங்கிரஸ் எம்.பி.ராகுல்காந்தி தனது ட்விட்டரில் புகழஞ்சலி செலுத்தியுள்ளார். My condolences to the people of UK and the Royal Family on the passing away of Her Majesty Queen Elizabeth II. She had a long and glorious reign, serving her country with utmost commitment and dignity. — Rahul Gandhi (@RahulGandhi) September 8, 2022 மகாராணி இரண்டாம் எலிசபெத், தன்னுடைய கண்ணியம், பொது வாழ்வில் நேர்மை மற்றும் அசைக்க முடியாத அர்ப்பணிப்பு ஆகியவற்றின் மூலம் நீண்ட காலமாக நினைவுக்கூரப்படுவார் என்று முதலமைச்சர் மு.க.ஸ்டாலின் தெரிவித்துள்ளார். எலிசபெத்தின் அன்பையும், கனிவையும் ஒருபோதும் மறவேன் என்றும் தனிப்பட்ட முறையில் தனக்கு ஊக்கமாக இருந்தவர் எனவும் பிரிட்டன் பிரதமராக பொறுப்பேற்கவுள்ள லிஸ் டிரஸ் தெரிவித்துள்ளார். Her Majesty Queen Elizabeth II pic.twitter.com/Acp3xy5kH4 — Liz Truss (@trussliz) September 8, 2022 எப்போதும் கருணையுடனும் கடமையில் அசைக்க முடியாத அர்ப்பணிப்புடனும் திகழ்ந்தவர் மகாராணி எலிசபெத் என்று அமெரிக்க அதிபர் ஜோ பைடன் தனது ட்விட்டரில் குறிப்பிட்டுள்ளார். Our statement on the death of Queen Elizabeth II. pic.twitter.com/0n7pmVVg2w — President Biden (@POTUS) September 8, 2022 நீண்ட காலம் ஆட்சி செய்த எலிசபெத்தின் சேவையை மக்கள் மறக்க மாட்டார்கள் என யுனெஸ்கோ தனது இரங்கலை தெரிவித்துள்ளது. இதே போல், இலங்கை, ஆஸ்திரேலியா, ஸ்பெயின், பிரான்ஸ், பாகிஸ்தான் உள்ளிட்ட நாடுகளின் தலைவர்களும், ஐ.நா பொதுச்செயலாளரும் பிரிட்டன் மகாராணி எலிசபெத் மறைவுக்கு இரங்கல் தெரிவித்துள்ளனர்.
http://dlvr.it/SY1f0N

Read More

எச்சரிக்கை: பாராசிட்டமால் ஓவர்டோஸ் ஆனால் குழந்தைகளின் கல்லீரலையே காலி செய்துவிடுமாம்!

அளவுக்கு அதிகமாக பாராசிட்டமால் மாத்திரையை உட்கொள்ளும் சிறுவர்களுக்கு கல்லீரல் இழப்பு ஏற்படும் என ஆய்வில் தெரியவந்துள்ளது. சென்னை, காஞ்சி காமகோடி சைல்டு டிரஸ்ட் மருத்துவமனையில் 2014 முதல் 2019-ம் ஆண்டு வரையிலான காலகட்டத்தில் கல்லீரல் பாதிப்பு ஏற்பட்டு அனுமதிக்கப்பட்ட, ஒரு மாதம் முதல் 18 வயதுடைய 125 சிறுவர்களிடம் ஆய்வு நடத்தப்பட்டது. இதில், 10-ல் இருவர், அதிகளவில் பாரசிட்டமாலை உட்கொண்டதால் அவர்களுக்கு கல்லீரல் பாதிப்பு ஏற்பட்டது தெரியவந்துள்ளது. ஆய்வை நடத்திய டாக்டர் பூஜா அமர்த்தியா, “ஆரம்பத்தில் இந்த பாதிப்பை கண்டுபிடித்தால் வெகு சீக்கிரத்தில் குணப்படுத்திவிடலாம் என்பது தான் இதில் இருக்கும் ஒரே நல்ல விஷயம்” என்று சொல்கிறார். சொட்டுகள் கணக்கில் கொடுக்க வேண்டிய பாராசிட்டமால் மருந்தை, டீஸ்பூன் கணக்காய் ஊற்றுவதுதான் பேராபத்து என்று எச்சரிக்கிறார் பூஜா அமர்த்தியா. பாராசிட்டமால் காரணமாக கல்லீரல் பாதிப்புக்கு ஆளான குழந்தைகளில்க் 90 சதவீதம் பேர் குணமடைந்து விட்டதாக அந்த ஆய்வில் தெரிவிக்கப்பட்டுள்ளது. ஒரு சிலருக்கு கல்லீரல் மாற்று அறுவை சிகிச்சை செய்ய வேண்டிய அவசியம் ஏற்பட்டுள்ள்தாகவும் அந்த ஆய்வு முடிவில் தெரிவிக்கப்பட்டுள்ளது. “சில பெற்றோர்கள் காய்ச்சலை உடனடியாக நிறுத்த குழந்தைகளுக்கு அதிக அளவு பாராசிட்டமாலை கொடுக்கிறார்கள். 120 மில்லி கிராம் கொடுக்க வேண்டிய இடத்தில் ஒரு டீஸ்பூன் அதாவது 500 மில்லி கிராம் அளவுக்கு மருந்தை கொடுக்கிறார்கள். கல்லீரல் உடலின் வடிகட்டி. ஒரு குழந்தையின் கல்லீரல் அதிக நேரம் பாராசிட்டமாலை செயலாக்கினால் அது வேலை செய்வதை நிறுத்திவிடும்.” என்று மருத்துவர் பாலா ராமச்சந்திரன் தெரிவித்தார்.
http://dlvr.it/SY0kL3

Read More

நடுவழியில் கழண்டு விழுந்த அரசு பேருந்தின் பாகங்கள்! பீதியில் உறைந்த பயணிகள்! மதுரை சம்பவம்

மதுரையில் சாலையில் சென்றுகொண்டிருந்த அரசு பேருந்தின் பக்கவாட்டு இரும்பு கதவு கழன்று விழுந்த நிகழ்வு பயணிகள் மற்றும் பொது மக்களிடையே அதிர்ச்சியை ஏற்படுத்தியது. மதுரை மாநகரில் 200க்கும் மேற்பட்ட மாநகரப் பேருந்துகள் மதுரையின் பல்வேறு பகுதிகளுக்கு பெரியார், மாட்டுத்தாவணி, ஆர்ப்பாளையம் பேருந்து நிலையங்களில் இருந்து இயக்கப்பட்டு வருகின்றன. மதுரை கோட்டத்தில் உள்ள பேருந்துகள் முறையான பராமரிப்பு இல்லாமல் மிகவும் மோசமான நிலையில் இயக்கப்பட்டு வருவதாக ஏராளமான புகார்கள் ஏற்கனவே உள்ளன. பேருந்துகள் பாதி வழியில் நிற்பது, இருக்கைகள் சேதம், படிக்கட்டுகளில் ஓட்டை என அரசுப் பேருந்துகளின் அவலநிலை குறித்து தொடர் குற்றச்சாட்டுகள் எழுந்து வந்த நிலையிலும் அது முறையாக சீர் செய்யப்படாமல் பேருந்துகள் தொடர்ச்சியாக இயக்கப்பட்டு வருகிறது. இந்நிலையில், பெரியார் பேருந்து நிலையத்திலிருந்து அவனியாபுரம் தெற்குவாசல் வழியாக மாட்டுத்தாவணி வரை இயக்கப்படும் TN58 N 1481 என்ற அரசு பேருந்து மாட்டுத்தாவணி பேருந்து நிலையம் நோக்கிச் சென்று கொண்டிருந்தது. அப்போது பேருந்தின் பக்கவாட்டு இரும்புக்கதவு நடுவழியில் கழண்டு கீழே விழுந்து இரும்பு கம்பி, பலகை என சாலையில் விழுந்து சிதறியது. பின்னால் வந்த வாகன ஓட்டிகள் சுதாரித்துக் கொண்டதால் நல்வாய்ப்பாக விபத்து தவிர்க்கப்பட்டது.  அதனை அடுத்து அரசுப் பேருந்தின் ஓட்டுனரும் நடத்துனரும் சிரித்தபடியே கீழே இறங்கி, சாலையில் சிதறிக் கிடந்த பாகங்களை எடுத்துச் சென்றனர். மதுரை மாநகரில் உள்ள அரசு பேருந்துகள் பராமரிப்பு இல்லாமல் இருப்பதற்கு மீண்டும் ஒரு சான்றாக இந்த நிகழ்வு நிகழ்ந்துள்ளது. உயிருக்கே உலை வைக்கும் இம்மாதிரியான பேருந்துகளை முறையாக பராமரிப்பு செய்து பாதுகாப்பை உறுதி செய்து இயக்க பொது மக்கள் கோரிக்கை விடுத்துள்ளனர்.
http://dlvr.it/SXzndp

Read More