'மகாராணியை பார்க்க உன் மனைவியை அழைத்து வராதே' - மகனுக்கு கண்டிஷன் போட்ட மன்னர் சார்லஸ்!

'மகாராணியை காண உன்னுடைய மனைவி மேகன் மார்க்கல் வரக்கூடாது' என தனது மகனுக்கு மன்னர் சார்லஸ் உத்தரவிட்டதாக ஒரு தகவல் கசிந்துள்ளது. பிரிட்டன் ராணி இரண்டாம் எலிசபெத் வயது முதிர்வு மற்றும் உடல்நலக்குறைவு காரணமாக தனது 96 வயதில் காலமானார். ராணி எலிசபெத்துக்குப் பிறகு அரச பதவியை 73 வயதான அவரின் மூத்த மகன் சார்லஸ் ஏற்றுள்ளார். இச்சூழலில் ராணி இரண்டாம் எலிசபெத் உடல்நலம் பாதிக்கப்பட்டு மரணப்படுக்கையில் இருந்த நேரத்தில், 'மகாராணியை காண உன்னுடைய மனைவி மேகன் மார்க்கல் வரக்கூடாது' என தனது மகன் ஹாரிக்கு (தற்போதைய இளவரசர்) இளவரசர் சார்லஸ் (தற்போதைய மன்னர் ) உத்தரவிட்டதாக ஒரு தகவல் கசிந்துள்ளது. மகாராணி இறப்பதற்கு முன்பு, அவருடன் இருக்க வேண்டும் என நெருங்கிய உறவினர்கள் பலர் பால்மோரல் மாளிகைக்கு விரைந்த நிலையில், ஹாரி மட்டும் கடைசியாகத்தான் அங்கு சென்றுள்ளார். அதேபோல, அங்கிருந்து முதல் ஆளாக அங்கிருந்து கிளம்பியச் சென்றதும் ஹாரிதான். இதன் மூலம், அவர் அரச குடும்பத்தின் நிகழ்வுகளில் கலந்து கொள்வதில்லை என்பது தெளிவாகிறது. அதேபோல் ஹாரியும் அவரது மனைவியும் எந்தவொரு நிகழ்வையும்  தன் குடும்பத்தினர் யாரிடமும் நேரடியாக சொல்வதில்லை என்றும் எல்லாம் செய்தித்தொடர்பாளர் மூலம் வெளியிடும் அறிக்கை அல்லது சமூக வலைத்தளம் வாயிலாக வெளியாகும் பதிவுகள் மூலமாகவே அறிந்துகொள்ளப்படுகிறது என்ற ஆதங்கமும் மன்னர் சார்லஸ்க்கு இருக்கிறது . இப்போதும் அதேபோல, குடும்பத்தினரைக் கலந்தாலோசிக்காமலே, தாங்கள் மகாராணியாரைக் காண்பதற்காக ஸ்காட்லாந்தில் உள்ள பால்மோரல் மாளிகைக்கு செல்வதாக தனது செய்தித்தொடர்பாளர் மூலம் அறிவித்தனர் ஹாரியும் மேகனும். ஆனால், ஹாரியை தொலைபேசியில் அழைத்த மன்னர் சார்லஸ், மகாராணியாரைக் காண மேகனை அழைத்து வரவேண்டாம் என்று கண்டிப்புடன் கூறியதாகஅரண்மனை வட்டாரத்தைச் சேர்ந்த ஒருவர் தெரிவித்துள்ளார்.இதையும் படிக்க: இறுதி சடங்குக்கு ரூ.55 ஆயிரம் கோடி! நாணயங்களை மாற்ற ரூ.1 லட்சம் கோடி! எலிசபெத் செலவுகணக்கு
http://dlvr.it/SY7PXz

Read More

அந்தரங்க வீடியோவைக் காட்டி மிரட்டல்; விபரீதத்தில் முடிந்த தன்பால் ஈர்ப்பாளர்கள் சண்டை!

உத்தரப்பிரதேச மாநிலம், பரேலி என்ற இடத்தில் மாநகராட்சி ஒப்பந்த பணியாளராக பணியாற்றி வரும் 30 வயது நபருக்கு, அதே பகுதியைச் சேர்ந்த 32 வயது நபருடன் பழக்கம் ஏற்பட்டு , பின்னர் அது காதலாக மாறியிருக்கிறது. இருவரும் அடிக்கடி ஹோட்டலில் சந்தித்துக்கொள்வது வழக்கமாம். ஒரு முறை இருவரும் ஹோட்டலில் சந்தித்து தனிமையில் இருந்தபோது 30 வயது நபர், அதனை வீடியோ எடுத்துக்கொண்டார். பின்னர் அந்த வீடியோவைக் காட்டி 32 வயது நபரிடம் அடிக்கடி மிரட்டிப் பணம் வசூலிக்க ஆரம்பித்தார். அதோடு பணம் கொடுக்கவில்லையெனில் வீடியோவை சமூக வலைதளத்தில் வெளியிடப்போவதாகவும் மிரட்டினார். இந்த நிலையில், இருவரும் மீண்டும் ஹோட்டலில் சந்தித்துக்கொண்டனர். வீடியோ மிரட்டல் இந்தச் சந்திப்பின்போது மொபைலில் இருக்கும் அந்தரங்க வீடியோவை அழிக்கும்படி 32 வயது நபர் கேட்டுக்கொண்டார். ஆனால் 30 வயது நபர் அதற்கு சம்மதிக்கவில்லை. இதனால் இருவருக்கும் இடையே வாக்குவாதம் ஏற்பட்டது. உடனே 30 வயது நபர் தன்னுடன் இருந்த நபரை தாக்க ஆரம்பித்தார். இதனால் இருவருக்கும் இடையே சண்டை ஏற்பட்டது. இந்தச் சண்டையில் 32 வயது நபர் தன்னுடன் சண்டையிட்ட 30 வயது நபரின் அந்தரங்க உறுப்பை கூர்மையான ஆயுதத்தால் வெட்டிவிட்டார். சண்டையில் இருவருமே காயமடைந்தனர். போலீஸ் அதையடுத்து, அவர்கள் இருவரும் மருத்துவமனையில் சேர்க்கப்பட்டுள்ளனர். இதில் உறுப்பு வெட்டப்பட்ட நபரின் நிலைமை மிகவும் மோசமடைந்திருப்பதால் தனியார் மருத்துவமனையில் சேர்க்கப்பட்டுள்ளார். இது குறித்து இன்னும் முறைப்படி புகார் செய்யப்படவில்லை என்றும், விரைவில் வழக்கு பதிவுசெய்யப்படும் என்று போலீஸ் அதிகாரி ஹிமன்சு நிகம் தெரிவித்துள்ளார். சிறுநீர் கழிக்கும்போது தாங்கமுடியாத வலி; ஆணுறுப்பை கோடரியால் வெட்டிய முதியவர்! - அதிர்ச்சி சம்பவம்
http://dlvr.it/SY76Xw

Read More

மும்பையிலிருந்து உ.பி-க்கு கடத்தப்பட்ட 12 வயது சிறுமி; திரைப்பட பாணியில் மகளை மீட்ட தந்தை!

மும்பை பாந்த்ரா பகுதியில் அதிகப்படியான குடிசைகள் இருக்கின்றன. இந்தக் குடிசைப்பகுதியில் உள்ள கார்மெண்ட் தொழிற்சாலையில் பணியாற்றி வருபவர் சாஹித் கான்(24). இதே பகுதியில் வசிக்கும் 12 வயது சிறுமி கடந்த 4-ம் தேதி தன் தாயாரிடம் கடைக்கு செல்வதாகக் கூறிவிட்டு வீட்டிலிருந்து வெளியில் வந்தார். ஆனால் அதன் பிறகு சிறுமி வீடு திரும்பவில்லை. இதனால் அவள் பெற்றோர் அப்பகுதியில் தேடிப்பார்த்தனர். ஆனால் எங்கும் கிடைக்கவில்லை. இதையடுத்து சிறுமியின் தந்தை உள்ளூர் போலீஸில் புகார் செய்தார். போலீஸார் உடனே விரைந்து செயல்பட்டு விசாரணையை தொடங்கினர். அப்பகுதியில் பொருத்தப்பட்டிருந்த கண்காணிப்பு கேமராப் பதிவுகளை ஆய்வு செய்தபோது சிறுமியை சாஹித் கான் பேசி அழைத்துச் சென்று இருப்பது தெரியவந்தது. ஒரே பகுதியில் இருவரும் இருந்ததால் சிறுமிக்கு ஏற்கெனவே சாஹித் தெரிந்திருந்தார்.கடத்தல் ஷாப்பிங் செய்ய உதவி செய்யும்படி கூறி சிறுமியை சாஹித் கான் அழைத்துச் சென்றான். சிறுமியை குர்லா என்ற இடத்திற்கு அழைத்துச் சென்று, அங்கிருந்து பஸ் மூலம் சூரத் கடத்தியது தெரியவந்தது. சாஹித் கான் வேலை செய்த கார்மெண்டில் விசாரித்தபோது அவன் சொந்த ஊருக்குச் செல்லவேண்டும் என்று தெரிவித்திருந்தது தெரிந்தது. உடனே சாஹித் கான் வேலை செய்த துணி கம்பெனியில் சாஹித் முகவரி உள்ளிட்ட விவரங்களை பெற்றுக்கொண்ட சிறுமியின் தந்தை தன் மகளை தேடி உத்தரப்பிரதேசத்திற்கு புறப்பட்டுச் சென்றார். உத்தரப்பிரதேசத்தின் அலிகர் மாவட்டத்தில் உள்ள அத்ரோலி என்ற கிராமத்தில் சாஹித் தான் கடத்திய சிறுமியுடன் இருந்தான். மும்பை போலீஸார் முதல் தகவல் அறிக்கையை உத்தரப்பிரதேச போலீஸாருக்கு அனுப்பி வைத்தனர். போலீஸாரின் துணையோடு சாஹித் கிராமத்திற்குச் சென்று சிறுமியை அவள் தந்தை மீட்டார். டேக்கன் என்ற இந்திப் படத்தில் கடத்தப்பட்ட மகளை மீட்கும் தந்தையை போன்று சிறுமியின் தந்தை தனி ஒருவனாகச் சென்று தனது மீட்டுக்கொண்டு வந்துள்ளார்.போலீஸ் கடத்தப்பட்ட சிறுமியிடம் விசாரித்தபோது சாஹித் துணிகள் வாங்க உதவி செய்யும்படி கூறி அழைத்துச் சென்றது தெரியவந்தது. குர்லாவிற்கு அழைத்துச் சென்று அங்கிருந்து பஸ் மூலம் சூரத் அழைத்து சென்று அங்கிருந்து ரயில் மூலம் உத்தரப்பிரதேசம் அழைத்துச் சென்றுள்ளான். சிறுமி பாலியல் வன்கொடுமை செய்யப்பட்டிருப்பதாக சிறுமியின் தந்தை தெரிவித்துள்ளார். மருத்துவப் பரிசோதனைக்கு பிறகுதான் அதனை உறுதி செய்ய முடியும் என்று போலீஸார் தெரிவித்துள்ளனர். சாஹித் கான் சிறுமியை விட்டுவிட்டு ஓடிவிட்டான். அவனை போலீஸார் தேடி வருகின்றனர். அவன்மீது கடத்தல் வழக்கு பதிவுசெய்யப்பட்டுள்ளது. உ.பி: சுங்கச்சாவடி தடுப்பை உடைத்து அடுத்தடுத்து சென்ற 13 டிராக்டர்கள் - அதிரவைக்கும் மணல் மாஃபியா
http://dlvr.it/SY6rBw

Read More

எலிசபெத் மறைந்துவிட்டார்! இனி கோஹினூர் வைரம் பதித்த கிரீடத்தை அணியப்போவது யார்..?

பிரிட்டன் ராணி எலிசபெத் மறைந்த நிலையில் கோஹினூர் வைரம் பதித்த கிரீடத்தை அடுத்து அணியப்போவது யார் என்ற கேள்விக்கான விடையை இத்தொகுப்பில் பார்க்கலாம். ராணி எலிசபெத் என்றாலே இந்தியாவிலிருந்து கொள்ளையடித்துச் சென்றதாக கூறப்படும் கோஹினூர் வைரமும் நினைவுக்கு வரும். இங்கிலாந்து ராணிஅணியும் பிளாட்டின கிரீடத்தின் மையப்பகுதியில் பதிக்கப்பட்டிருக்கும் கோஹினூர் வைரம் 105.6 காரட் எடையுடையது. உலகின் உயரிய வகை வைரமான இதன் மதிப்பு அளவிட முடியாதது. 14 நூற்றாண்டைச் சேர்ந்த கோஹினூர் வைரம் ஆந்திராவின் குண்டூர் பகுதியில் காக்கத்திய அரச வம்சத்தின் ஆட்சிக்காலத்தில் கண்டறியப்பட்டது. வாரங்கலில் உள்ள கோயிலில் வைக்கப்பட்ட இந்த வைரத்தை அலாவுதீன் கில்ஜியின் படைத்தளபதி மாலிக் கபூர் கொள்ளையடித்ததாக கூறப்படுகிறது. மொகலாய மன்னர்கள் பலரிடம் சென்ற கோஹினூர் வைரம் பஞ்சாப்பை ஆண்ட மன்னர் ரஞ்சித் சிங் மூலம் அவரது மகன் திலீப் சிங் கைக்கு சென்றது. பஞ்சாப் இணைப்பிற்குப் பின் 1849ஆம் ஆண்டு ராணி விக்டோரியாவுக்கு கோஹினூர் வைரம் வழங்கப்பட்டது. 70 ஆண்டுகளுக்கு மேலாக ஆட்சிபுரிந்த 2ஆம் எலிசபெத், பல்வேறு தருணங்களில் கோஹினூர் வைரம் பதித்த கிரீடத்தை அணிந்து வந்துள்ளார். தற்போது அவர் காலமாகிவிட்டதால் ஆட்சிப்பொறுப்பு மகன் சார்லஸிடம் வந்துள்ளது. இதனால் கோஹினூர் வைரம் பதித்த கிரீடத்தை யார் அணிவார்கள் என்ற கேள்வி எழுந்தது. மன்னராக சார்லஸ் பொறுப்பேற்றுள்ளதால் அவரது மனைவி கமீலா பார்க்கர் ராணி என்ற அந்தஸ்து பெறுகிறார். எனவே, விலைமதிப்பற்ற கோஹினூர் வைரம் பதித்த கிரீடத்தை கமீலாவே அணிவார் என எதிர்பார்க்கப்படுகிறது.
http://dlvr.it/SY6dBj

Read More

கர்நாடகா: ஆடையில் மலம் கழித்த 2-ம் வகுப்பு சிறுவன்; ஆத்திரத்தில் ஆசிரியர் செய்த கொடூரச் செயல்!

கர்நாடகாவின் ராய்ச்சூர் மாவட்டத்தில் உள்ள சந்தேகல்லூர் கிராமத்தில், தனியார் அமைப்பால் நடத்தப்படும் ஆரம்பப் பள்ளி இருக்கிறது. இந்த பள்ளியில் 2-ம் வகுப்பு பயின்றுவரும் மாணவன் ஒருவன் பள்ளி சீருடையில் மலம் கழித்ததாகக் கூறப்படுகிறது. இதனால் ஆத்திரமடைந்த பள்ளி ஆசிரியர் ஹுலிகெப்பா சமையல் நடந்துக்கொண்டிருந்த அறையிலிருந்து கொதிக்கும் நீரை சிறுவனின் மீது ஊற்றியிருக்கிறார். இதனால் அலறிதுடித்த சிறுவனை அருகில் இருந்தவர்கள் மீட்டு மருத்துவமனையில் அனுமதித்திருக்கின்றனர். மருத்துவர்கள் பரிசோதனையில் சிறுவனுக்கு 40 சதவிகித தீக்காயம் ஏற்பட்டிருப்பதாக கூறப்படுகிறது.காயம் சிறுவன் தொடர்ந்து மருத்துவ சிகிச்சையில் இருக்கிறான். இது தொடர்பாக காவல்துறை, ``சம்பவம் பற்றிய தகவல்கள் எங்களிடம் உள்ளன. ஆனால் இது தொடர்பாக எந்த புகாரும் வரவில்லை. தற்போது வரை எப்.ஐ.ஆர் பதிவு செய்யப்படவில்லை. எங்கள் டீம் பள்ளியை ஆய்வு செய்தது. ஆனால் அது கல்வித் துறையின் கீழ் வருவதால், தானாக புகார் அங்கிருந்து வர வேண்டும், இல்லையென்றால் காவல்துறைக்கு பாதிக்கப்பட்டவர்கள் புகார் அளிக்க வர வேண்டும். புகார் அளிக்கப்பட்டால் உரிய நடவடிக்கை எடுக்கப்படும்”என்று தெரிவித்தார்.`அருந்ததிபோல மறுபிறவி எடுப்பேன்’ - திரைப்படம் பார்த்து உடலில் தீ வைத்துக்கொண்ட இளைஞர் உயிரிழப்பு
http://dlvr.it/SY5vgl

Read More

தமிழகத்தில் புதிய மின் கட்டண உயர்வு இன்று முதல் அமல்

தமிழ்நாட்டில் புதிய மின் கட்டண உயர்வு இன்று முதல் அமலுக்கு வந்ததாக மின்சார ஒழுங்குமுறை ஆணையம் அறிவித்துள்ளது.மின் கட்டணத்தை உயர்த்த தமிழ்நாடு மின் வாரியம் நடவடிக்கை எடுத்துவந்த நிலையில் கருத்துக்கேட்புக் கூட்டங்கள் நடத்தப்பட்டன. தமிழக மின் வாரியம் சுமார் ரூ.1.75 லட்சம் கோடி கடனில் இருப்பதால், மின் கட்டண உயர்வு தவிர்க்க முடியாதது என்று மின் வாரியம் தெரிவித்தது. எனினும், கருத்துக்கேட்புக் கூட்டங்களில் மின் கட்டண உயர்வுக்கு பொதுமக்களும், சிறு, குறு தொழில் நிறுவனத்தினரும் எதிர்ப்புத் தெரிவித்தனர். இந்த நிலையில் ஏற்கெனவே அறிவிக்கப்பட்ட மின் கட்டண உயர்வு அமலுக்கு வந்திருப்பதாக மின்சார ஒழுங்குமுறை ஆணையம் அறிவித்துள்ளது. இதையும் படிக்க: மின் கட்டண உயர்வு அறிவிக்கப்பட்டதன் பின்னணி இதுதானாம்
http://dlvr.it/SY4wlS

Read More

ம.பி: இயந்திரம் மூலம் மலக்குடலுக்குள் செலுத்தப்பட்ட காற்று; உயிரிழந்த ஊழியர் - சக ஊழியர் கைது!

மத்தியப் பிரதேச மாநிலம் சத்னா மாவட்டத்தைச் சேர்ந்தவர் லல்லு சிங் தாக்கூர். இவர் கோல்கவானில் ஒரு மாவு அரைக்கும் மில்லில் வேலை பார்த்துவந்தார். எப்போதும் மாலை வீடு திரும்பும் போது உடலில் ஒட்டியிருக்கும் மாவுதூசியை கம்ப்ரஸர் இயந்திரம் மூலம் சுத்தம் செய்துவிட்டு புறப்படுவார். கடந்த ஆகஸ்ட் 31-ம் தேதி வேலை முடித்துவிட்டு எப்போதும் போல உடலை சுத்தப்படுத்தியிருக்கிறார். அப்போது முதுகில் இருக்கும் தூசிகளை சுத்தப்படுத்த தன்னுடன் வேலை செய்யும் கப்பர் கோல் என்ற 24 வயது இளைஞரை அழைத்திருக்கிறார். இளைஞரும் முதுகில் சுத்தம் செய்யும் போது விளையாட்டாக ஆசனவாய் பகுதிக்கு கம்ப்ரஸரை கொண்டுபோயிருக்கிறார்.மரணம் அப்போது, கம்பரஸர் மலக்குடலுக்குள் அதிகபடியாக காற்றை செலுத்தியதில் சரிந்து விழுந்த லல்லு சிங் தாக்கூரை மருத்துவமனையில் அனுமதித்திருக்கிறார்கள். அங்கு சிகிச்சை பலனின்றி லல்லு சிங் தாக்கூர் சமீபத்தில் இறந்துவிட்டார். இந்த சம்பவம் தொடர்பக காவல்துறை வழக்கு பதிவு செய்து கப்பர் கோலை நேற்று கைது செய்திருக்கிறது. மேலும், இது தொடர்பாக காவல்துறை, "மலக்குடலில் காற்று நிரம்பியதால் பாதிக்கப்பட்ட அவர் மருத்துவமனைக்கு கொண்டு செல்லப்பட்டார், அங்கு அவர் சிகிச்சையின் போது இறந்தார். இயற்கைக்கு மாறான மரணமாக வழக்கு பதிவு செய்யப்பட்டுள்ளது. விசாரணையைத் தொடர்ந்து குற்றம் சாட்டப்பட்டவர் கைது செய்யப்பட்டிருக்கிறார்" எனத் தெரிவித்திருக்கிறது. முதற்கட்ட விசாரணையில் கப்பர் கோல் விளையாட்டாக செய்த காரியம் வினையில் முடிந்திருகிறது என்பது தெரிய வந்திருக்கிறது.சைரஸ் மிஸ்த்ரியின் திடீர் மரணம்... எஸ்.பி குழும நிறுவனங்களை அடுத்து நடத்தப்போவது யார்?
http://dlvr.it/SY4whS

Read More