47,000 ரூபாய்க்கு ஏலம் போன பூசணிக்காய்... கேரளாவில் ருசிகரம்!

கேரள மக்கள் ஓணம் பண்டிகையை சிறப்பாக கொண்டாடுவர். ஓணம் பண்டிகையை முன்னிட்டு கேரளாவில் கயிறு இழுத்தல், படகு போட்டி, பொது ஏலம் என்று பல்வேறு நிகழ்ச்சிகள் படுஜோராக நடைபெறும். இந்த போட்டிகளில் மக்களும் ஆர்வமுடன் கலந்து கொள்வார்கள். பொது ஏலத்தில் மக்கள் தாங்கள் வளர்க்கும் கால்நடைகள், தங்கள் விளைநிலங்களில் விளையும் காய்கறி, பழங்களை ஏலம் விடுவர். இந்த ஆண்டும், ஓணம் பண்டிகையை முன்னிட்டு இடுக்கியின் மலைப் பிரதேசத்தில் உள்ள புலம்பெயர்ந்த கிராமமான செம்மன்னாரில் கடந்த வெள்ளிக்கிழமை பொது ஏலம் நடந்தது.ஓணம் கொண்டாட்டம் ஓணம் ஸ்பெஷல்: சத்யா விருந்தில் பரிமாறப்படும் விதவித உணவுகள் இவைதான்! #VisualStory இந்த ஏல நிகழ்ச்சி ஆரம்பம் முதலே களைகட்டியது. மக்களும் ஆர்வத்துடன் தங்களது ஆடு, கோழி என பலவற்றை ஏலமிட்டனர். இதில் ஜார்ஜ் என்பவரின் நிலத்தில் விளைந்த பூசணிக்காய் ஏலத்திற்கு வந்தது. 5 கிலோ எடைக்கொண்ட இந்த பூசணிக்காயின் ஆரம்ப விலை ரூ. 5,000 என ஏலம் தொடங்கியது. ஏலம் போக போக இந்த பூசணிக்காயின் விலை உயர்ந்து கொண்டே போனது. இறுதியாக அந்த பகுதியை சேர்ந்த சிபி என்பவர் பூசணிக்காயை ரூ. 47,000-க்கு ஏலம் எடுத்தார். இப்படி பூசணிக்காய் அதிக விலைக்கு ஏலம் சென்றது இதுவே முதல் முறை என மக்கள் ஆச்சரியத்தில் மூழ்கினர். அடேங்கப்பா...!
http://dlvr.it/SYDGnD

Read More

தெருநாய் கடித்தால் சோறு போட்டவர்களுக்கு அபராதம்: நீதிமன்ற அதிரடிக்கு காரணம் இதுதான்!

இரவு பணி முடித்து வரும் ஆண்கள், பெண்கள் யாராக இருந்தாலும் சரி, திருடனுக்கு பயப்படுகிறார்களோ இல்லையோ.. தெரு நாய்களுக்கு கட்டாயம் பயப்படுகின்றனர். பணி முடித்து வருவோரை தெரு நாய்கள் கூட்டமாக துரத்துவது பல இடங்களில் வழக்கமாகிவிட்டது. பக்கத்துக்கு தெருவுக்கு நடந்து செல்ல நினைப்பவர்களும் நாய்க்கு பயந்து வாகனத்தில் செல்கின்றனர். வாகனத்தை நாய்கள் துரத்தி செல்வதால், எதிர்பாராதவிதமாக நிலைதடுமாறி, வாகனங்களில் இருந்து விழுந்து அடிபடுகின்றனர். இப்படி நாய் தொல்லையால் பல தரப்பினரும் பயத்திலேயே சாலைகளில் பயணம் செய்கின்றனர்.. அந்த அளவுக்கு தெரு நாய்களின் எண்ணிக்கை அதிகரித்துவிட்டது.Dogsஅதிகரிக்கும் தெருநாய்கள்... கடிவாங்கி தடுப்பூசிக்கு திண்டாடும் மக்கள்! தமிழகத்தில் தான் இந்த நிலை என்றாலும் கேரளாவிலும் தெருநாய்களின் தொல்லை இப்படித்தான் உள்ளது. கேரளா முழுவதும் தெருநாய்களின் தொல்லை அதிகரித்து வருகிறது. இதுகுறித்த உடனடி செயல் திட்டத்தை உருவாக்க மாநில அரசு முடிவு செய்துள்ளது. இது தொடர்பாக முதல்வர் பினராயி விஜயனை சந்தித்துப் பேச உள்ளதாக உள்ளாட்சித் துறை அமைச்சர் எம்.பி.ராஜேஷ் தெரிவித்துள்ளார். மேலும் மாநிலத்தில் 152 தொகுதிகளில் விலங்கு பிறப்பு கட்டுப்பாடு (ஏபிசி) மையங்கள் அமைக்க அதிகாரிகளுக்கு உத்தரவிட்ட எம்.பி.ராஜேஷ், ``பொதுமக்களின் ஒத்துழைப்புடன் விரைவில் தீர்வு காணப்படும்” என்று கூறியுள்ளார். இந்நிலையில் கேரளாவில் தெரு நாய்கள் தொல்லை அதிகரித்து விட்டதால் அதை கட்டுப்படுத்த அரசுக்கு உத்தரவிடக் கோரி வழக்கறிஞர் வி.கே.பிஜூ என்பவர் உச்ச நீதிமன்றத்தில் மனுதாக்கல் செய்தார். மனுவில் அவர் குறிப்பிட்டதாவது, ``கடந்த 2015ம் ஆண்டு கேரள உயர் நீதிமன்றம் இதுதொடர்பான வழக்கில், உள்ளாட்சி சட்டங்கள்படி தெருநாய்கள் எண்ணிக்கையைக் குறைக்க வேண்டும் என உத்தரவிட்டது. ஆனால், இதுவரை எந்த நடவடிக்கையும் எடுக்கப்படவில்லை. தெரு நாய்களால் ஆபத்து தொடர்ந்து கொண்டிருக்கிறது, ‘கடந்த ஆகஸ்ட் மாதத்திலிருந்து கேரளாவில் நாய்கடியால் 8 பேர் உயிரிழந்துள்ளனர். உச்சகட்ட வேதனையாக 12 வயது சிறுவன் நாய்கடியால் இறந்துள்ளார்" என தெரிவித்துள்ளார். தெருநாய்நாய் கடித்து அடுத்தடுத்து பலி, வேலை செய்யாத தடுப்பூசி? - தரசோதனைக்கு கேரளா மத்திய அரசுக்கு கோரிக்கை! கேரளா மாநிலம் அரை கிணறு பகுதியில் 12 வயது சிறுவன் நூராஸ், வீட்டிற்கு வெளியே சாலையில் சைக்கிள் ஓட்டிக்கொண்டிருந்த போது, திடீரென வேகமாக ஓடி வந்த தெரு நாய் ஒன்று, சிறுவனை கடித்து குதறியது. சிறுவன் தப்பித்து செல்ல முயன்றும் விடாமல் தெரு நாய் தொடர்ந்து கடித்த நிலையில், இச்சம்பவம் அங்கு பொருத்தப்பட்டிருந்த சிசிடிவி கேமராவில் பதிவாகியது. கேரளா மாநில அரசின் தகவல் படி 2022ல் இதுவரை கேரளாவில் 21 பேர் வெறிநாய்க்கடியால் இறந்துள்ளனர். அவர்களில், பாதிக்கப்பட்ட ஐந்து பேர், அரசாங்கத்தின் வழிகாட்டுதலின்படி ரேபிஸ் தடுப்பூசியை எடுத்துக் கொண்டனர். கேரளாவில் வெறிநாய்க்கடிக்கு எதிரான தடுப்பூசிகள் பலனளிக்க வில்லை என்ற குற்றச்சாட்டும், கடும் விமர்சனங்களும் மக்கள் மத்தியில் எழுந்துள்ளது. இதனால் ``ரேபிஸ் தடுப்பூசியின் தரத்தை பரிசோதிக்க வேண்டும்” என்று மத்திய சுகாதார அமைச்சர் மன்சுக் மாண்டவியாவிடம் கேரளா சுகாதார அமைச்சர் வீணா ஜார்ஜ் கோரிக்கை வைத்துள்ளார். நீதிபதிகள் சஞ்சீவ் கண்ணா, ஜே.கே.மகேஸ்வரி ஆகியோர் ஆகியோர் அடங்கிய சுப்ரீம் கோர்ட் அமர்வில் இந்த வழக்கு வெள்ளிக்கிழமை விசாரணைக்கு வந்தது. அப்போது வழக்கை விசாரித்த நீதிபதிகள் கூறியதாவது: "பொதுவாக தெரு நாய்களுக்கு உணவு தருபவர்களால் அவற்றை எளிதாக அடையாளம் காண முடியும். எனவே, அந்த தெரு நாய்கள் யாரையாவது கடித்தால், அதற்கு உணவு தருபவர்களே பொறுப்பாவார்கள். அவர்கள்தான் தெருநாய்க்கு தடுப்பூசி செலுத்தும் செலவையும் ஏற்க வேண்டும். அவர்களுக்கு அபராதமும் விதிக்கப்படும்.தெருநாய்`நாய் வளர்ப்பவர்கள் மாநகராட்சியில் பதிவு செய்தால் கிடைக்கும் நன்மைகள் என்ன தெரியுமா'? நாய்களுக்கு உணவு கிடைக்காவிட்டாலோ அல்லது ஏதாவது தொற்று பாதிப்பு ஏற்பட்டாலோ அவை கொடூரமாக மாறி விடுகின்றன. எனவே, தெருநாய்கள் குறித்த கவலைகளுக்கு தீர்வு காண்பது அவசியமாகும். தெருநாய்களுக்கு உணவு வைப்பவர்கள்தான், பொதுமக்களை அந்த நாய்கள் கடிக்காமல் தடுக்க வேண்டும். அதற்கு பொறுப்பேற்க வேண்டும். ரேபிஸ் வைரஸ் போன்ற தொற்றால் பாதிக்கப்பட்ட தெருநாய்களைக் கண்டறிந்து கால்நடை பராமரிப்புதுறை தனியாக பாதுகாக்க வேண்டும். இந்த வழக்கில் விலங்குகள் நல வாரியத்தினர், அவர்கள் தரப்பு வாதங்களை முன்வைத்த பின் இறுதி உத்தரவு பிறப்பிக்கப்படும். என நீதிபதிகள் உத்தரவிட்டார், மேலும் வழக்கை வரும் 28ம் தேதிக்கு ஒத்திவைத்தனர். 2019 ஆம் ஆண்டு முதல் இந்தியாவில் 1.5 கோடி நாய்கடி வழக்குகள் பதிவாகியுள்ளன. அதில் உத்தரப் பிரதேசம் முதலிடத்திலும், தமிழ்நாடு இரண்டாம் இடத்திலும் உள்ளது.
http://dlvr.it/SYBys2

Read More

தலைவலி மற்றும் குமட்டலா? மூளைக்கட்டிகள் அறிகுறியாக இருக்கலாம். ஜாக்கிரதை!

உடலில் வேறு எந்த பகுதியில் வரும் பிரச்னைகளை காட்டிலும் தலையில் ஒரு பிரச்னை என்று சொன்னாலே தலையே சுற்றிவிடும். அதிலும் மூளையில் கட்டி என்று சொன்னால் பயப்படாதவர்கள் இருக்கமுடியாது. மூளைக்கட்டிகள் உயிருக்கு ஆபத்து விளைவிக்கக்கூடியவை என்றாலும், சரியான நேரத்தில் கண்டறியப்பட்டு முறையான சிகிச்சை அளிக்கப்பட்டால் குணப்படுத்த முடியும். அதேபோல் மூளையில் உருவாகக்கூடிய கட்டிகளில் பல்வேறு வகைகள் இருக்கின்றன. அவை malignant என்று சொல்லக்கூடிய உயிருக்கு ஆபத்து விளைவிக்கும் கேன்சர் கட்டிகளாகவும் அல்லது benign என்று சொல்லக்கூடிய கேன்சர் அல்லாத கட்டிகளாகவும் இருக்கலாம். தலையில் கட்டி உருவாகி இருக்கக்கூடிய இடம் மற்றும் அது நரம்பு மண்டலத்தில் ஏற்படுத்தக்கூடிய தாக்கம் ஆகியவற்றை பொருத்து கட்டிகளின் வளர்ச்சியும் மாறுபடலாம். Meningioma என்பது பெரும்பாலும் 30% பேருக்கு வரக்கூடிய மூளைக்கட்டி வகை. இந்த கட்டிகள் எப்படி வளர்கிறது? அதனால் ஏற்படும் பாதிப்புகள் என்னென்ன? என்பது பற்றி தெரிந்து வைத்திருப்பது அவசியம். மூளையில் எங்கு வேண்டுமானாலும் Meningioma வளரலாம் இந்த கட்டியானது மூளை மற்றும் தண்டுவட செல்களிலிருந்து உருவாகின்றன. மூளை மற்றும் தலைக்குள் இந்த கட்டிகள் அழுத்தத்தை கொடுப்பதால் வீக்கம் மற்றும் வலி ஏற்படுகிறது. இதனால் மூளைக்கட்டி வந்தோருக்கு தீவிர தலைவலி, குமட்டல் மற்றும் வாந்தி போன்ற பிரச்னைகள் ஏற்படுகிறது. கட்டியின் அளவு மற்றும் அமைப்பிடம் பொருத்து அறிகுறிகள் மாறும் Meningiomas கட்டிகள் செரிப்ரோஸ்பைனல் திரவத்தின் ஓட்டத்தைத் தடுக்கலாம், இதன் விளைவாக நினைவாற்றல் இழப்பு ஏற்படுகிறது. கட்டிகளின் அளவு மற்றும் அது எந்த இடத்தில் உருவாகியிருக்கிறது போன்றவற்றை பொருத்து அதன் அறிகுறிகள் மாறுபடும். தலைவலியைத் தவிர, பார்வையிழப்பையும் ஏற்படுத்தும் வாய்ப்புகள் அதிகம். தற்செயலாக கண்டறியப்படலாம் பெரும்பாலும் மற்ற பிரச்னைகளுக்காக தலையில் எம்.ஆர்.ஐ அல்லது சி.டி ஸ்கேன் செய்யப்படும்போதுதான் மருத்துவர்கள் Meningioma கட்டிகளை கண்டறிகின்றனர். அதனையடுத்து எடுக்கப்படும் சோதனைகளின் முடிவைப் பொருத்தே அறுவைசிகிச்சை உடனடியாக செய்யப்பட வேண்டுமா அல்லது தள்ளிப்போடலாமா என்பதை மருத்துவர்கள் பரிந்துரைக்கின்றனர். Meningioma கட்டிகள் பரவாது கட்டிகள் பெரிதாக இருந்தாலும் கூட, பெரும்பாலும் உடலின் மற்றப்பகுதிகளுக்கு Meningioma கட்டிகள் பரவாது என்கின்றனர் மருத்துவர்கள். அறுவைசிகிச்சை தேவையில்லை Meningioma கட்டிகள் சிறிதாக இருக்கும் பட்சத்தில் அவற்றை நீக்க அறுவைசிகிச்சை செய்யவேண்டியதில்லை என்கின்றனர் மருத்துவர்கள். அப்படி இல்லாதபட்சத்தில் கிரானியோடோமி சிகிச்சை மூலம் கட்டிகளை மருத்துவர்கள் நீக்குகின்றனர். மூளையில் சிறிய அளவில் வந்திருந்தாலும், ஆழமான இடத்தில் கட்டிகள் உருவாகி இருந்தாலும் அவற்றை நீக்க பல்வேறு புதிய தொழில்நுட்பங்கள் தற்போது உள்ளன. அதில் ஒன்று கேமரா-உதவி குழாயை உள்ளடக்கியது. இதில் தலையில் சிறிய துளையிட்டு, மூளை திசுக்களை மெதுவாக நகர்த்தி, குறைந்த காயத்துடன் கட்டியை நீக்க முடியும். எனவே நோயாளிகள் வேகமாக குணமடைய முடியும்.
http://dlvr.it/SYBTHQ

Read More

மனைவிகளிடமிருந்து விவாகரத்து பெற்ற 18 ஆண்கள்; கொண்டாட ஏற்பாடு செய்த அமைப்பு! - வைரலான இன்விடேஷன்

இன்றைய காலகட்டத்தில் எல்லா வகையான மக்களையும் ஈர்க்க வேண்டும் என்பதற்காக திருமணங்களுக்கு ஆடம்பர செலவு செய்வது வழக்கமாக இருக்கிறது. இதனால் தங்களுடைய திருமண பத்திரிகைகளை வித்தியாசமான முறையில் அச்சிட்டு வருகின்றனர். ஆனால் சற்று வித்தியாசமாக, தங்கள் மனைவிகளிடமிருந்து விவாகரத்துபெற்ற ஆண்களுக்கு அழைப்பிதழ் அச்சடித்து விவாகரத்தை நிகழ்ச்சியாக கொண்டாட திட்டமிட்டிருப்பது அனைவரையும் வியப்பில் ஆழ்த்தியிருக்கிறது. மத்தியப் பிரதேசத்தில் விவாகரத்து கோரும் ஆண்களுக்காக பாய் வெல்ஃபேர் சொசைட்டி (Bhai Welfare Society) என்ற அரசு சாரா தொண்டு நிறுவனம் இயங்கி வருகிறது. இந்த அரசு சாரா தொண்டு நிறுவனம் (NGO) வரதட்சணை கொடுமை, விவாகரத்து உள்ளிட்ட விவகாரங்களில் பாதிக்கப்படும் ஆண்களுக்கு ஆதரவாகச் செயல்பட்டு வருகிறது. மேலும், இலவச சட்ட உதவிகளையும் வழங்கி வருகிறது. இந்த நிலையில், தொண்டு நிறுவனம் கடந்த இரண்டு, மூன்று ஆண்டுகளில் நீண்டகால சட்டப் போராட்டங்களுக்குப் பிறகு விவாகரத்து பெற்ற 18 ஆண்களை அழைத்து சொகுசு விடுதியில் ஒரு நிகழ்ச்சிக்கு ஏற்பாடு செய்திருக்கிறது. இந்த நிறுவனம் கடந்த 2014-ம் ஆண்டிலிருந்து இயங்கி வருகிறது என்பது குறிப்பிடத்தக்கது. OMG - is it for real? Divorce invitation? Rcvd from WA pic.twitter.com/lJwlyUWuTg— D Prasanth Nair (@DPrasanthNair) September 10, 2022 வரும் 18-ம் தேதி போபால் அருகே உள்ள ஒரு சொகுசு விடுதியில் (resort) இந்த நிகழ்வு நடைபெறும் என தொண்டு நிறுவனத்தின் சார்பில் தெரிவிக்கப்பட்டிருந்தது. இதற்காக அழைப்பிதழ்களும் அச்சடிக்கப்பட்டிருந்தன. இது தொடர்பான அழைப்பிதழ் சமூக வலைதளங்களில் வைரலாகப் பரவி, பெரும் விவாதத்தைக் கிளப்பியது. இது தொடர்பாக தொண்டு நிறுவனத்தின் ஒருங்கிணைப்பாளர் ஜாக்கி அகமது செய்தியாளர்களிடம், `` இந்த நிகழ்வு இந்திய கலாசாரத்துக்கு எதிரானது என போன் செய்து தெரிவிக்கின்றனர். நாங்கள் விவாகரத்தை ஆதரிக்கவில்லை. ஆனால் மோசமான திருமணம் சில நேரங்களில் தற்கொலைக்கு வழிவகுக்கிறது. இதன் காரணமாகத்தான் நாங்கள் அதை நிறுத்த விரும்புகிறோம். பாதிக்கப்பட்டவர்களுக்கு எங்களால் முடிந்த இலவச சட்ட உதவிகளை வழங்கி வருகிறோம்'' என்றார். இந்த நிலையில், சில பெண்கள் அமைப்புகள் இந்தக் கொண்டாட்டத்துக்கு எதிராகப் போராட்டத்தில் ஈடுபட்டனர். இதனைத் தொடர்ந்து இந்த நிகழ்ச்சி ரத்து செய்யப்பட்டது.``குண்டாகிவிட்டேனாம்... விவாகரத்து கேட்கிறார்" - கணவன்மீது காவல் நிலையத்தில் மனைவி புகார்
http://dlvr.it/SY9xzW

Read More

பாகிஸ்தானை பந்தாடி ஆசியக் கோப்பையை வென்று வரலாறு படைத்தது இலங்கை அணி!

ஆசியக் கோப்பை கிரிக்கெட் தொடரில் பாகிஸ்தான் அணியை வீழ்த்தி இலங்கை அணி ஆறாவது முறையாக சாம்பியன் பட்டம் வென்றது. 15-ஆவது ஆசியக் கோப்பை கிரிக்கெட் தொடர் 20 ஓவர் போட்டியாக நடத்தப்பட்டு வந்தது. ஐக்கிய அரபு அமீரகத்தில் நடைபெற்ற இந்த தொடரில், ஹாங்காங், வங்கதேசம் அணிகள் லீக் சுற்றோடு வெளியேறின. இந்தியா, ஆப்கானிஸ்தான் அணிகள் சூப்பர்-4 (SUPER-4) சுற்றுடன் நடையைக் கட்டின. சூப்பர்-4 சுற்றில் 3 போட்டிகளிலும் வெற்றி பெற்ற இலங்கை அணியும், இரண்டில் வெற்றிகண்ட பாகிஸ்தான் அணியும் இறுதிப் போட்டிக்கு முன்னேறின. நேற்று நடைபெற்ற இறுதிப் போட்டியில் டாஸ் வென்ற பாகிஸ்தான் அணியின் கேப்டன் பாபர் அசாம் பவுலிங்கை தேர்வு செய்தார். இலங்கை அணியின் ஓப்பனர்களாக நிஷங்கா மற்றும் குஷால் மெண்டிஸ் ஆகியோர் களமிறங்கினர். முதல் ஓவரை வீசிய நசீம் ஷா , ஓப்பனர் குஷல் மெண்டிஸை டக் அவுட் ஆக்கி அதிர்ச்சி அளித்தார். அடுத்து களமிறங்கிய தனஞ்செயா நிஷாங்காவுடன் இணைந்து ஸ்கோரை உயர்த்தும் முயற்சியில் இறங்கினார். ஏதுவான பந்துகளை மட்டும் எல்லைக்கோட்டுக்கு இந்த ஜோடி விரட்டிக் கொண்டிருந்த நிலையில், ஹரிஸ் ரவுஃப் பந்துவீச்சில் தனது விக்கெட்டை பறிகொடுத்து அதிர்ச்சி அளித்தார் நிஷாங்கா. அடுத்து களமிறங்கிய குணதிலகாவுடன் இணைந்து தனஞ்செயா அதிரடியாக விளையாடத் துவங்கியதால் ஸ்கோர் விறுவிறுவென உயரத் துவங்கியது. ஆனால் ஒரு ரன் எடுத்த நிலையில் பெவிலியனுக்கு குணதிலகா திரும்பவே ராஜபக்சவுடன் இணை சேர்ந்தார் தனஞ்செயா. ராஜபக்சேவுடன் இணைந்து பொறுப்பாக ஆடி வந்த தனஞ்செயா 28 ரன்கள் எடுத்த நிலையில் தனது விக்கெட்டை அகமதுவின் பந்துவீச்சில் இழந்து வெளியேறினார். அடுத்து களமிறங்கிய ஷனகாவும் 2 ரன்களில் பெவிலியனுக்கு நடையைக் கட்ட 62 ரன்கள் எடுப்பதற்குள் 5 விக்கெட்டுகளை இழந்து தடுமாறியது இலங்கை அணி. இதையடுத்து இணை சேர்ந்த ராஜபக்சே - ஹசரங்கா சரிவிலிருந்து அணியை வெற்றிகரமாக மீட்டனர். ஷப்தப் கான் வீசிய ஓவரில் இருவரும் தலா ஒரு பவுண்டரிகளை விசி அசத்தினர். முகமது ஹஸ்னைன் வீசிய ஓவரில் ஹசரங்கா ஒரு பவுண்டரி, ஒரு சிக்ஸர் விளாசி அதகளம் செய்தார். இந்நிலையில் 36 ரன்கள் எடுத்த நிலையில் ஹசரங்கா தனது விக்கெட்டை பறிகொடுக்க, கருணாரத்னேவுடன் இணை சேர்ந்தார் ராஜபக்சே. நசீம் ஷா வீசிய ஓவரில் இருவரும் தலா ஒரு சிக்ஸரை விளாசி அசத்தினர். தொடர்ந்து அதிரடியாக விளையாடிய ராஜபக்ச 35 பந்துகளை சந்தித்த நிலையில் அரைசதம் கடந்து அசத்தினார். இந்நிலையில் இலங்கை வீரர்கள் கொடுத்த இரு லட்டு போன்ற கேட்சுகளை பாக். வீரர்கள் தவறவிடவே இலங்கை அணி மிக இலகுவாக 160 ரன்களை கடந்தது. 20 ஓவர்கள் முடிவில் 6 விக்கெட்டுகள் இழப்பிற்கு 170 ரன்களை குவித்தது இலங்கை அணி. ராஜபக்ச 45 பந்துகளில் 71 ரன்கள் விளாசினார். 171 ரன்கள் எடுத்தால் வெற்றி என்ற இலக்கை நோக்கி களமிறங்கியது பாகிஸ்தான் அணி. தொடக்க வீரர்களாக ரிஸ்வான் மற்றும் பாபர் அசாம் ஆகியோர் களமிறங்கிய நிலையில் முதல் 2 விக்கெட்களை அடுத்தடுத்து இழந்தது பாக். அணி. முகமது ரிஸ்வான், இஃப்திகார் அகமது ஆகியோரின் அதிரடியால் பாகிஸ்தான் அணியின் கை ஓங்கியது. 2 விக்கெட் இழப்பிற்கு 93 ரன்கள் என வலுவான நிலையில் இருந்தபோது, இஃப்திகார் அகமது 32 ரன்களில் ஆட்டமிழக்க, ஆட்டத்தின் போக்கு தலைகீழாக மாறியது. அரைசதத்தை கடந்த ரிஸ்வான், 55 ரன்களில் பெவிலியன் திரும்பினார். பின்னர் வந்த வீரர்கள் ஒற்றை இலக்க ரன்களில் விக்கெட்டை இழந்தனர். முடிவில் பாகிஸ்தான் அணி 147 ரன்களில் ஆட்டமிழந்தது. பிரமோத் மதுஷன் 4 விக்கெட்களையும், ஹசரங்கா 3 விக்கெட்களையும் கைப்பற்றினர். 23 ரன்கள் வித்தியாசத்தில் பாகிஸ்தானை தோற்கடித்த இலங்கை அணி, 6ஆவது முறையாக ஆசியக் கோப்பையை வென்று அசத்தியது.
http://dlvr.it/SY9T3Z

Read More

``370-வது பிரிவை மீட்டெடுப்பேன் என பொய்யான வாக்குறுதிகளை வழங்க விரும்பவில்லை" - குலாம் நபி ஆசாத்

ஆகஸ்ட் 5, 2019 அன்று ஜம்மு - காஷ்மீருக்கு வழங்கப்பட்டிருந்த சிறப்பு அந்தஸ்தான 370-வது சட்டப்பிரிவை மத்திய பாஜக அரசு ரத்து செய்தது. அதைத் தொடர்ந்து பல்வேறு கண்டனங்களை மத்திய பாஜக அரசு எதிர்கொண்டது. இந்த நிலையில், நேற்று வடக்கு காஷ்மீரின் பாரமுல்லா நகரில் நடைபெற்ற பொதுக்கூட்டத்தில் காங்கிரஸ் முன்னாள் தலைவர் குலாம் நபி ஆசாத் பேசுகையில், ``உள்துறை அமைச்சர் கொண்டு வந்த சட்டப்பிரிவு 370 ரத்து செய்யப்பட்ட தீர்மானத்திற்கு ஆதரவாக வாக்களித்ததாகச் சிலர் என்மீது குற்றம் சாட்டியுள்ளனர்.ஜம்மு - காஷ்மீர் நான் ரத்து செய்வதற்கு எதிராக வாக்களித்துள்ளேன், நாடாளுமன்றத்தின் செயல்பாடுகள் பற்றி எதுவும் தெரியாத இவர்கள், நான் 370வது சட்டப்பிரிவுக்கு எதிராக வாக்களித்ததாகக் கூறுகிறார்கள். பிரிவு 370-ஐ மீட்டெடுக்க மக்களவையில் சுமார் 350 வாக்குகளும், மாநிலங்களவையில் 175 வாக்குகளும் தேவைப்படும். இது எந்த அரசியல் கட்சியாலும் எட்டமுடியாத எண்ணிக்கை. ஆனால் காங்கிரஸ் 50 இடங்களுக்குள் சுருங்கி விட்டது, சட்டப்பிரிவு 370 ஐ மீட்டெடுப்பதாக அவர்கள் பேசினால், அவர்கள் பொய்யான வாக்குறுதிகளை வழங்குகிறார்கள்.குலாம் நபி ஆசாத் எனக்குப் பொய்யான வாக்குறுதிகளை அளிப்பதில் நம்பிக்கை இல்லாததால், எனது புதிய அரசியல் செயல்திட்டத்தில் 370-வது பிரிவை மீட்டெடுப்பதாக உறுதியளிக்கவில்லை. மாறாக, மாநில அந்தஸ்து, நிலம் மற்றும் உள்ளூர் மக்களுக்கு வேலைகள் ஆகியவற்றை மீட்டெடுப்பது ஆகியவற்றைத் தீவிரமாகச் செயல்படுத்துவேன். ஏனெனில் இவை நிறைவேற்றப்படும் வாக்குறுதிகளாகும். என்னுடன் நின்று எனது புதிய கட்சியின் அடித்தளமாக இருக்கும் எனது சகாக்களுக்கு நன்றி கூறுகிறேன், கடவுள் விரும்பினால், அடுத்த 10 நாட்களுக்குள் எனது புதிய கட்சி குறித்தான அறிவிப்பு வெளியிடப்படும்" எனத் தெரிவித்திருக்கிறார்.``மோடி மனிதாபிமானமுள்ளவர்..!" - குலாம் நபி ஆசாத்
http://dlvr.it/SY949M

Read More

ஹைப்பர் டென்ஷனை மேனேஜ் பண்ண முடியாமல் தவிக்கிறீர்களா? - ஈசி வழிகள் இதோ!

உயர் இரத்த அழுத்தம். பொதுவாக ஹைப்பர் டென்ஷன் எனக் கூறப்படுவதுண்டு. தற்போதைய காலகட்டத்தில் உயர் இரத்த அழுத்தம் ஒரு பொதுவான சுகாதார நிலையாக இருந்தாலும், இதனால் ஏற்படக் கூடிய விளைவுகள் ஆபத்தானவையே. ஒருவர் தனது நிலையை கவனத்தில் கொண்டு இரத்த அழுத்தத்தை கட்டுக்குள் வைத்திருக்க தேவையான நடவடிக்கைகளை எடுக்க வேண்டும். உயர் இரத்த அழுத்தம் பல உடல்நலப் பிரச்சினைகளுக்கு வழிவகுக்கும். அதைக் கட்டுப்படுத்த வேண்டியது அவசியம். கட்டுப்பாடற்ற இரத்த அழுத்தம் இதய நோய்களுக்கு வழிவகுக்கும் மற்றும் கண்கள், சிறுநீரகங்கள் மற்றும் பல உறுப்புகளை சேதப்படுத்தும். எனவே, அதைக் கட்டுப்படுத்துவது மிகவும் முக்கியம். ரத்த அழுத்தத்திற்கு மருந்துகளை எடுத்துக்கொண்டாலும் உணவு பழக்கம் மற்றும் வாழ்க்கை முறையைக் கண்காணிப்பதும் முக்கியம். உயர் இரத்த அழுத்தத்தை நிர்வகிக்க உதவும் சில குறிப்புகள் இங்கே உள்ளன. 1) அதிகளவு உப்பு எடுத்துக்கொள்வதை தவிர்க்கவும்: அதிகபடியான சோடியம் நிறைந்த உணவை உட்கொள்வதை தவிர்க்க வேண்டும். ஏனெனில் உப்பின் அளவு அதிகமாக அதிகமாக ரத்த அழுத்தமும் உயரும். இது சமயங்களில் இதய நோய்களை உருவாக்கும் என்பதால் சோடியம் உட்பொருள் கொண்ட உப்பை குறைவாக சேர்த்துக்கொள்வதே நல்லது. 2) டையட்டை கண்காணிக்க வேண்டும்: எல்லாரும் ஒரே மாதிரியான உணவு முறைகளை பின்பற்ற வேண்டியதில்லை. ஊட்டச்சத்து நிபுணர்களின் அறிவுறுத்தலின், வழிகாட்டுதலின் படி உணவு முறைகளை திருத்தி அமைத்துக் கொள்ள வேண்டும். குறிப்பாக ரத்த அழுத்தம் இருப்பவர்கள் Mediterranean உணவு முறையை கடைபிடிக்கலாம். அதாவது அதிகளவு காய்கறிகள், பழங்களும், சமையலுக்கு ஆலிவ் ஆயிலும், நட்ஸ், தானிய வகைகளை உண்ணலாம் என பரிந்துரைக்கப்படுகிறது. 3) உடற்பயிற்சி அத்தியாவசியம்: உயர் இரத்த அழுத்தத்தால் அவதிப்படுகிறாரோ இல்லையோ, தவறாமல் உடற்பயிற்சி செய்வது அனைவருக்கும் அவசியம். தொடர்ந்து உடற்பயிற்சி செய்வதால் இரத்த ஓட்டத்தை மேம்படுத்துவதோடு, ஹைப்பர் டென்ஷனில் இருந்து தப்பிக்கலாம். 4) எடையைக் கண்காணிப்பு: பெரும்பாலும் பருமன் மற்றும் அதிக உடல் எடையை கொண்டிருப்போர் ரத்த அழுத்த பாதிப்புக்கு ஆளாவார்கள். ஆகவே எடையை கண்காணித்து அதை சீராக வைத்திருப்பது முக்கியம்.
http://dlvr.it/SY82J8

Read More