உ.பி.: பட்டப்பகலில் கடத்தல்; தூக்கில் தொங்கிய பட்டியலின சகோதரிகள்; பாலியல் வன்கொடுமை செய்து கொலையா?

உத்தரப்பிரதேச மாநிலம் லக்கிம்பூர் கெரியில் ஏற்கனவே விவசாயிகள் போராட்டத்தில் மாநில அமைச்சர் அஜய் குமார் மகன் அசிஷ் மிஸ்ரா கார் ஏற்றிய சம்பவம் பெரும் பரபரப்பை ஏற்படுத்தியது. இச்சம்பவம் நடந்த இடத்திற்கு அருகில் உள்ள தமோலியாபுர்வா என்ற கிராமத்தில் கரும்பு தோட்டத்தில் பட்டியலின சகோதரிகள் இரண்டு பேர் மரத்தில் தூக்கில் தொங்கிய நிலையில் கண்டுபிடிக்கப்பட்டுள்ளனர். அவர்கள் தங்களது துப்பட்டாவில் தூக்கில் மாட்டி தொங்கி இருந்தனர். இரண்டு பேரையும் யாரோ சிலர் மோட்டார் சைக்கிளில் கடத்தி சென்றதாக இரு சகோதரிகளின் பெற்றோர் குற்றம் சாட்டியுள்ளனர். இரண்டு பேரும் மைனர் ஆவர். அவர்களை பாலியல் வன்கொடுமை செய்து கொலை செய்துவிட்டதாக சிறுமியின் தாயார் குற்றம்சாட்டியுள்ளார். குற்றவாளிகளை விரைந்து கைது செய்யவேண்டும் என்று கோரி கிராம மக்கள் சாலை மறியல் போராட்டத்தில் ஈடுபட்டனர். இதனை தொடர்ந்து உயர் போலீஸ் அதிகாரிகள் சம்பவ இடத்திற்கு விரைந்து வந்து பொதுமக்களுடன் பேச்சுவார்த்தை நடத்தி குற்றவாளிகளை விரைந்து கைது செய்வதாக கூறி கலைந்து போகச்செய்தனர். மூன்று பேர் சேர்ந்து சிறுமிகளை கடத்தி சென்றதாக கூறப்படுகிறது. போலீஸார் இருவரின் உடல்களையும் பிரேத பரிசோதனைக்கு அனுப்பி இருக்கின்றனர். அங்கு கூடுதல் போலீஸார் பாதுகாப்பு பணியில் ஈடுபடுத்தப்பட்டுள்ளனர். போலீஸ் அதிகாரி லட்சுமி சிங் இது குறித்து கூறுகையில், ``இரு மைனர் சிறுமிகள் தங்களது துப்பட்டாவில் தூக்கு மாட்டு தற்கொலை செய்துகொண்டனர். அவர்களின் உடலில் எந்த வித காயங்களும் இல்லை. இருவரின் உடல்களும் பிரேத பரிசோதனைக்கு அனுப்பப்பட்டுள்ளது. பெற்றோர் கொடுக்கும் புகாரின் அடிப்படையில் வழக்கு பதிவு செய்யப்படும்” என்று தெரிவித்தார். அகிலேஷ் யாதவ் சம்பவ இடத்தை உயர் போலீஸ் அதிகாரிகள் வந்து பார்வையிட்டு சென்றனர். இச்சம்பவம் குறித்து ட்விட்டரில் பதிவிட்டுள்ள சமாஜ்வாடி கட்சி தலைவர் அகிலேஷ் யாதவ், ``யோகி ஆதித்யநாத் அரசும், குண்டர்களும் தினம் தினம் சகோதரிகளையும், தாய்மார்களையும் துன்புறுத்துகின்றனர். இரு சிறுமிகளை கடத்தி கொலை செய்தவர்களுக்கு எதிராக தக்க நடவடிக்கை எடுக்கவேண்டும்” என்று குறிப்பிட்டுள்ளார். தற்கொலை செய்து இறந்துள்ள இரண்டு சகோதரிகளும் பட்டப்பகலில் கடத்திச்செல்லப்பட்டதாக அவர்களின் உறவினர்கள் குற்றம் சாட்டியுள்ளனர். தினம் தினம் பேப்பர்களில் விளம்பரம் செய்தால் மட்டும் சட்டம் ஒழுங்கு சரியாகிவிடாது என்றும் அவர்கள் குற்றம் சாட்டினர். கடந்த ஆண்டும் 19 வயது பட்டியலின சிறுமி மாற்று சமூகத்தைச் சேர்ந்த 4 பேரால் பாலியல் வன்கொடுமை செய்யப்பட்டு கொலை செய்யப்பட்டார். அச்சிறுமியின் வீட்டிற்கு பிரியங்கா காந்தி சென்ற போது அவரையும் போலீஸார் கைது செய்தனர். செய்தி சேகரிக்க வந்த பத்திரிக்கையாளர்கள் மீதும் அடக்குமுறை கையாளப்பட்டது குறிப்பிடதக்கது.பிரியங்கா காந்தி இந்த விவகாரம் குறித்து பிரியங்கா காந்தியும் தனது ட்விட்டர் பக்கத்தில் பாஜக அரசை கடுமையாக விமர்சித்துள்ளார். அவர் வெளியிட்டுள்ள பதிவில், “இரு சகோதரிகள் கொலை செய்யப்பட்ட இந்த சம்பவம் நெஞ்சை உலுக்குகிறது. பகல் வேளையில் சிறுமிகள் கடத்தப்பட்டுள்ளதாக குடும்பத்தினர் புகார் கூறியுள்ளனர். வெறுமனே தொலைக்காட்சியிலும் நாளிதழ்களிலும் பொய் விளம்பரம் செய்வதால் சட்ட ஒழுங்கு சீராகாது. எல்லாவற்றுக்கும் மேலாக, உ.பியில் பெண்களுக்கு எதிரான குற்றங்கள் ஏன் அதிகரித்து வருகிறது?” என்று கேள்வியும் எழுப்பியுள்ளார்.
http://dlvr.it/SYLf8f

Read More

இந்திய கிரிக்கெட்டின் அனைத்து வடிவிலான போட்டிகளில் இருந்து ஓய்வு பெற்றார் ராபின் உத்தப்பா

கிரிக்கெட்டின் அனைத்து வடிவிலான போட்டிகளில் இருந்து ஓய்வு பெறுவதாக இந்திய கிரிக்கெட் வீரர் ராபின் உத்தப்பா அறிவித்துள்ளார். இந்திய கிரிக்கெட்டின் அனைத்து வடிவங்களில் இருந்தும் ஓய்வு பெறுவதாக இந்திய முன்னாள் சர்வதேச வீரரும், ஐபிஎல் வீரருமான ராபின் உத்தப்பா இன்று (புதன்கிழமை) அறிவித்தார். இந்தியாவுக்காக 46 ஒருநாள் மற்றும் 13 டி20 சர்வதேசப் போட்டிகளில் விளையாடிய உத்தப்பா, கடைசியாக நடைபெற்ற ஐபிஎல் சீசனில் சென்னை சூப்பர் கிங்ஸ் அணிக்காக விளையாடினார். இந்த சீசனில் 12 போட்டிகளில் விளையாடி 20.90 சராசரியில் 230 ரன்கள் எடுத்தார் உத்தப்பா. ஒட்டுமொத்தமாக ஐபிஎல் தொடரில் 205 போட்டிகளில் விளையாடி 4952 ரன்கள் குவித்துள்ள ராபின் உத்தப்பா இந்தியன் பிரீமியர் லீக்கில் அதிக ரன் குவித்த முதல் பத்து வீரர்களில் ஒருவராக திகழ்கிறார். தனது ஓய்வை அறிவிக்கும் ட்வீட்டில், உத்தப்பா, “நான் தொழில்முறை கிரிக்கெட்டை விளையாடத் தொடங்கி 20 ஆண்டுகள் ஆகிறது. எனது நாட்டையும் மாநிலத்தையும் பிரதிநிதித்துவப்படுத்துவது மிகப்பெரிய கவுரவம் - ஏற்ற தாழ்வுகள் நிறைந்த அற்புதமான பயணம்; நிறைவான, பலனளிக்கும், சுவாரஸ்யமான மனிதனாக வளரவும் என்னை அனுமதித்த ஒன்று. It has been my greatest honour to represent my country and my state, Karnataka. However, all good things must come to an end, and with a grateful heart, I have decided to retire from all forms of Indian cricket.Thank you all  pic.twitter.com/GvWrIx2NRs — Robin Aiyuda Uthappa (@robbieuthappa) September 14, 2022 இருப்பினும், அனைத்து நல்ல விஷயங்களும் முடிவுக்கு வர வேண்டும். நன்றியுள்ள இதயத்துடன் இந்திய கிரிக்கெட்டின் அனைத்து வடிவங்களிலிருந்தும் ஓய்வு பெற முடிவு செய்துள்ளேன். நான் எனது குடும்பத்துடன் குறிப்பிடத்தக்க நேரத்தை செலவிட உள்ளேன். என் வாழ்க்கையில் ஒரு புதிய கட்டத்தை பட்டியலிட ஆவலுடன் காத்திருக்கிறேன். மும்பை இந்தியன்ஸ், ராயல் சேலஞ்சர்ஸ் பெங்களூர், புனே வாரியர்ஸ் மற்றும் ராஜஸ்தான் ராயல்ஸ் ஆகிய ஐபிஎல் அணிகளுடன் இணைந்து எனது முதல் தர வாழ்க்கையில் என்னை பிரதிநிதித்துவப்படுத்திய கர்நாடகா மாநில கிரிக்கெட் சங்கம், சவுராஷ்டிரா கிரிக்கெட் சங்கம் மற்றும் கேரள கிரிக்கெட் சங்கம் ஆகிய அணிகளுக்கு நன்றி.  அனைத்து அற்புதமான நினைவுகளுக்காக KKR (கொல்கத்தா நைட் ரைடர்ஸ்) & CSK (சென்னை சூப்பர் கிங்ஸ்) -க்கு ஒரு சிறப்பு குறிப்பு. அவர்களுடன் நான் இருந்த காலத்தில் நான் பெற்ற நினைவுகளுக்காக நான் எப்போதும் அவர்களைப் போற்றுவேன்.” என்று நெகிழ்ச்சியுடன் குறிப்பிட்டுள்ளார்.
http://dlvr.it/SYKfqX

Read More

`எங்கள் நிலம் ஆக்கிரமிக்கப்பட்டுள்ளது!’ - தேசிய விருது பெற்ற பாடகி நஞ்சியம்மாவின் சோகம்

`கழக்காத்தா சந்தன மேரா வெகு வேகா பூத்திருக்கு, பூப்பறிக்க போகிலாமோ...’ என்ற பாடலைப் பாடிய நஞ்சியம்மாவுக்கு, அப்பாடல் சிறந்த பாடகிக்கான தேசிய விருதைப் பெற்றுத்தந்தது. கேரளத்தின் பாலக்காடு மாவட்டம் அட்டப்பாடி மலைப்பகுதியில் வாழ்ந்து வரும் நஞ்சியம்மா, சுமார் 15 ஆண்டுகளாக `ஆசாத் கலா சமிதி' என்ற அமைப்பின் மூலம் இந்தியாவின் பல்வேறு பகுதிகளில் நடைபெறும் கலை நிகழ்ச்சிகளில் பங்கேற்று, தமிழும் மலையாளமும் கலந்த இருளர் பழங்குடியினர் பாடல்களைப் பாடி வருகின்றார். நஞ்சியம்மா"சினிமாவில் எனது குரலை ஒலிக்க வைத்தது சச்சி சார்தான்!"- தேசிய விருது பெற்ற நஞ்சியம்மா நெகிழ்ச்சி சென்ற ஆண்டு, தமிழ்நாடு - கேரள எல்லையில் இருக்கும் ஆனைகட்டியில் டாஸ்மாக் மதுபானக் கடை திறந்தபோது, ஆதிவாசி பெண்கள் அமைப்பான `தாய்க்குலம்' அமைப்புடன் நஞ்சியம்மா களத்தில் இறங்கி, மதுக்கடைத் திறக்கக்கூடாது என்று போராட்டத்தில் ஈடுபட, முடிவில் மதுபானக்கடை அகற்றப்பட்டது. இவ்வாறு பொது நலத்திற்காகக் குரல்கொடுக்கும், பழங்குடியின கலாச்சார விழுதுகளை பாதுகாக்கும் நஞ்சியம்மாவின் சொந்த நிலங்கள் ஆக்கிரமிக்கப்பட்டிருக்கின்றன என்பது, சோகம். இது குறித்து நஞ்சியம்மா கூறும்போது,``அட்டப்பாடியில் அகளி என்ற ஊரில் என் குடும்பத்திற்கு சொந்தமான 4 ஏக்கர் நிலம் ஆக்கிரமிக்கப்பட்டுள்ளது. `அமைதிப் பள்ளத்தாக்கு’ என்று அழைக்கப்படும் `சைலன்ட் வேலி’ சுற்றுப்புறச்சூழலின் பாதுகாப்பிற்கு பெயர் பெற்றது. இங்கே தேசிய பூங்கா உள்ளது. அதனால் சுற்றுச்சூழலியல் சுற்றுலாவுக்காக அதிகம் பேர் வருவார்கள். இந்நிலையில், பூங்காவிற்கு வருகை தரும் பயணிகள் தங்குவதற்காக விடுதிகள், ரிசார்ட்டுகள் அகளி பகுதியில் செயல்படுகின்றன. நில ஆக்கிரமிப்பு செய்தவர்கள் மீது அகளி காவல் நிலையத்தில் புகார் கொடுத்தாலும், அதை பெற்றுக் கொள்ளவில்லை. இந்த ஆண்டு ஜூலை மாத இறுதியில் ஜோசப் குரியன், மேத்யூ என்ற இருவரும் சேர்ந்து, எனக்கு சொந்தமான நிலத்தை ஆக்கிரமிப்பு செய்து அங்கிருக்கும் மரம், செடி, கொடிகளை இயந்திரம் வைத்து அகற்றியிருக்கிறார்கள். நிலம் - சித்திரிப்பு படம் இது பற்றிய எனது புகாரை, காவல் நிலையத்தில் பெற்றுக்கொள்ள மறுத்தனர். இந்த நிலத்தின் உரிமை குறித்த வழக்கு, மன்னார்காடு நீதிமன்றத்தில் நிலுவையில் உள்ளது. நீதிமன்றம் முடிவெடுக்கும் வரை இந்த நிலத்தை யாரும் பயன்படுத்தக் கூடாது என்று கேரள உயர் நீதிமன்றமும் ஆணையிட்டுள்ளது. இருந்தாலும் அந்த இருவரும் நிலத்தை ஆக்கிரமிப்பு செய்துள்ளார்கள். உயர் நீதிமன்ற உத்தரவை நடைமுறைப்படுத்த யாரும் தயார் இல்லை. இந்த நிலம் எனது மாமனார் நாகமூப்பனுக்குச் சொந்தமானது. அவர், இப்பகுதி பழங்குடி மக்களுக்குத் தலைவராக இருந்தவர். பழைய ஆவணங்களை ஆய்வு செய்து, பழங்குடியினர் நில சட்டத்தின் கீழ், இந்த நிலம் எங்கள் குடும்பத்திற்கு சொந்தமானது என கேரள அரசின் வருமானத்துறை அதிகாரிகள் அறிவித்தார்கள். 2020-ம் ஆண்டு வரை இந்த 4 ஏக்கர் நிலம் எங்கள் பயன்பாட்டில் இருந்தது. இதை எதிர்த்து ஜோசப் குரியன், மேத்யூ ஆகியோர், இந்த நிலம் தங்களுக்கானது என்று கேரள உயர் நீதிமன்றத்தில் வழக்குத் தொடுக்க,``நிலத்திற்காக உரிமை இருக்கிறது என்றால் அதற்கான ஆவணங்களை சமர்ப்பிக்க வேண்டும்’’ என்று நீதிமன்றம் ஆணையிட்டது. இந்தப் பிரச்னையில் இறுதி முடிவு எடுக்கப்படும் வரை, இந்த நிலத்தை யாரும் பயன்படுத்தக் கூடாது என்று தடையையும் விதித்தது.நஞ்சியம்மாகலக்கும் ‘கலகாத்தா’... விருதை வென்ற ‘ஆட்டுக்கார’ நஞ்சம்மா! இருந்தாலும் எங்களது நிலம் ஆக்கிரமிப்பு செய்யப்பட்டுள்ளது. நீதி கிடைக்கும் என்று நாள்களைக் கடத்திக் கொண்டிருக்கிறேன்” என்கிறார் தேசிய விருது பெற்ற 62 வயதான நஞ்சியம்மா. நஞ்சியம்மாவின் நில ஆக்கிரமிப்பு விவகாரம், கேரள சட்டசபையில் எதிரொலித்தது. சீக்கிரம் இந்தப் பிரச்சினைக்கு முடிவு எடுக்க வேண்டும் என்று வருவாய்த்துறை அமைச்சர் ராஜன் அறிவுறுத்தியதன் பேரில் பாலக்காடு மாவட்ட ஆட்சியர் நஞ்சியம்மாவை அழைத்துப் பேசியுள்ளார். - பிஸ்மி பரிணாமன்
http://dlvr.it/SYK8vP

Read More

தாக்கப்பட்ட சாதுக்கள்: `குழந்தைக் கடத்தல் கும்பலோ..?' - மக்களின் சந்தேகத்துக்கு காவல்துறை விளக்கம்!

மகாராஷ்டிரா மாநிலத்தில் குழந்தை கடத்தல்காரர்கள் என்ற சந்தேகத்தின் பேரில் நான்கு சாதுக்கள் தாக்கப்பட்ட சம்பவம் பரபரப்பை ஏற்படுத்தியிருக்கிறது. உத்தரபிரதேசத்தைச் சேர்ந்த நான்கு சாதுக்கள் கர்நாடகாவின் பிஜாப்பூரில் இருந்து கோயில் நகரமான பந்தர்பூரை நோக்கி காரில் சென்றுக்கொண்டிருந்தனர். அப்போது, செல்லும் வழியில் கடந்த திங்கள்கிழமை, மகாராஷ்டிரா மாநிலம் சாங்லி மாவட்டத்தின் ஒரு கிராமத்தில் உள்ள கோயிலில் தங்கிவிட்டு நேற்று புறப்பட்டிருக்கிறார்கள். தாக்கப்படும் சாதுக்கள் பயணத்தைத் தொடரும் போது, ​​அவர்கள் ஒரு சிறுவனிடம் வழி கேட்டதாக கூறப்படுகிறது. இதைப் பார்த்த உள்ளூர் வாசிகளுக்கு இந்த 4 பேரும் குழந்தைக் கடத்தல் கும்பலாக இருக்குமோ என சந்தேகித்திருக்கின்றனர். மேலும், அது தொடர்பாக சாதுக்களிடமும் விசாரித்திருக்கின்றனர். அதில் சாதுக்களுக்கும், உள்ளூர்வாசிகளுக்கும் வாக்குவாதம் நடந்ததாக கூறப்படுகிறது. அதன் காரணமாக சாதுக்களை உள்ளூர் வாசிகள் தாக்கியிருக்கிறார்கள். இது தொடர்பாக காவல்துறைக்கு தகவல் அளிக்கப்பட்டதும், சம்பவ இடத்துக்கு விரைந்த காவல்துறை, மக்களிடமிருந்து சாதுக்களை மீட்டு பாதுக்காப்பான இடத்துக்கு அழைத்து சென்றிருக்கின்றனர். காவல்துறை இந்த சம்பவம் தொடர்பாக காவல்துறை தரப்பு, ``காவல்துறைக் குழு தாக்கப்பட்ட சாதுக்கள் தொடர்பாக விசாரித்ததில், உண்மையில் சாதுக்கள் உத்தரபிரதேசத்தைச் சேர்ந்தவர்கள் தான் என்பதை உறுதிபடுத்தினோம். குழந்தை கடத்தும் கும்பல் என சந்தேகத்தில் தான் மக்கள் சாதுக்களை தாக்கியிருக்கிறார்கள். இந்த தாக்குதல் குறித்து சாதுக்கள் புகார் அளிக்கவில்லை" எனத் தெரிவித்தனர்.திபெத்திய புத்தமத துறவிகள்... டை அணிந்த பூனை... #NewsInPhotos தொகுப்பு & வடிவமைப்பு - க.குமரகுரு
http://dlvr.it/SYHfvW

Read More

`ஆம்புலன்ஸ் வரவில்லை' - புல்டோசரில் மருத்துவமனைக்கு கொண்டு செல்லப்பட்ட நபர்! - இது ம.பி அவலம்

மத்தியப் பிரதேசத்தில் இரண்டு இருசக்கர வாகனங்கள் மோதிக்கொண்டதில் மகேஷ் பர்மன் என்பவர் காயமடைந்தார். பர்மனுக்கு ஒரு காலில் எலும்பு முறிவு ஏற்பட்டது. இதனால் காலிலிருந்து அதிக அளவு ரத்த இழப்பு ஏற்பட்டுள்ளது. இதைத் கண்டு அதிர்ச்சியடைந்த அக்கம் பக்கத்தினர் ஆம்புலன்ஸுக்குத் தகவல் தெரிவித்திருக்கின்றனர். ஆனால் அரை மணி நேரத்துக்கு மேலாகியும் ஆம்புலன்ஸ் வரவில்லை எனக் கூறப்படுகிறது. साइकिल, ठेले, कंधे के बाद अब मरीज सीधे जेसीबी में! कटनी का मामला है लोगों का कहना है कि एंबुलेंस सेवा को कॉल किया था लेकिन मिली नहीं. @ndtv @ndtvindia pic.twitter.com/CfxRlNfXEM— Anurag Dwary (@Anurag_Dwary) September 13, 2022 அதனால், புஷ்பேந்திர விஸ்வகர்மா என்ற நபர் அவரை மருத்துவமனைக்கு அழைத்துச் செல்ல முன்வந்தார். இந்த விபத்து அவருடைய கடைக்கு வெளியே நடந்ததாகத் தெரிகிறது. அவருக்கு முதல் உதவி சிகிச்சை அளிக்கப்பட்ட பிறகு மருத்துவமனைக்கு புல்டோசரில் அனுப்பி வைக்கப்பட்டார். உடல்நலகுறைவால் பாதிக்கப்பட்டவரை புல்டோசரில் ஏற்றிச் செல்லும் வீடியோ சமூக வலைதளங்களில் பரவி வருகிறது. இந்த மாநிலத்தின் பல்வேறு பகுதிகளிலும் ஆம்புலன்ஸ் வசதி கிடைக்காமல், தள்ளு வண்டி, சைக்கிள் ஆகியவற்றில் பாதிக்கப்பட்டவர்கள் மருத்துவமனைக்கு கொண்டு செல்லப்படுவது மக்கள் மத்தியில் அதிர்ச்சியை ஏற்படுத்தி வருகிறது. ஆம்புலன்ஸ் கதவு திறக்காததால் நோயாளி உயிரிழப்பு; விசாரணைக்கு மனித உரிமை ஆணையம் உத்தரவு!
http://dlvr.it/SYGKmL

Read More

ஞானவாபி மசூதியும்... உள்ளூர் நீதிமன்ற தீர்ப்பும்! - வழக்கு கடந்து வந்த பாதை

உத்தரப்பிரதேச மாநிலம், வாரணாசியில் காசிவிஸ்வநாதர் கோயில் உள்ளது. இந்தக் கோயிலுக்கு அருகே ஞானவாபி மசூதி அமைந்திருக்கிறது. கடந்த 1669-ம் ஆண்டு அவுரங்கசீப் உத்தரவின்படி, அங்கிருந்த ஒரு கோயில் அகற்றப்பட்டு இந்த மசூதி கட்டப்பட்டதாகக் கூறப்படுகிறது. இன்றும் இந்த மசூதியின் வெளிப்புற சுவரில் சிங்கார கவுரி அம்மன் சிலை இருப்பதாகச் சொல்லப்படுகிறது.ஞானவாபி மசூதி இந்த சிலைக்கு தினமும் பூஜை செய்ய அனுமதி வழங்க வேண்டும் என்று கடந்த ஏப்ரல் மாதம் ஐந்து பெண்கள் வாரணாசி நீதிமன்றத்தில் வழக்கு தொடர்ந்தனர். இந்த வழக்கைத் தொடர்ந்து, மசூதியில் ஆய்வு நடத்தவும், வீடியோ பதிவு செய்யவும் வாரணாசி நீதிமன்றம் உத்தரவு பிறப்பித்தது. பலத்த பாதுகாப்புடன் மசூதியில் நடத்தப்பட்ட ஆய்வில் மசூதியில் சிவலிங்கம் இருப்பதாகக் கூறப்பட்டது. ஆனால், அது சிவலிங்கம் கிடையாது, நீரூற்று என்று மசூதி நிர்வாகம் மறுப்பு தெரிவித்த நிலையில்... அந்தப் பகுதிக்கு யாரும் செல்லமுடியாதபடி சீல் வைக்குமாறு நீதிமன்றம் உத்தரவிட்டிருந்தது. ஞானவாபி (ஞானக்கிணறு) இந்த நிலையில், ஞானவாபி மசூதி நிர்வாகம் 1991-ம் ஆண்டு வழிபாட்டுத் தலங்கள் சட்டத்தின்படி, மசூதிக்குள் ஆய்வு நடத்துவதற்குத் தடை விதிக்க வேண்டும் என்று உச்ச நீதிமன்றத்தில் வழக்கு தொடர்ந்தது. இந்த வழக்கை விசாரித்த நீதிமன்றம், வழக்கின் தன்மையை கருதி, வழக்கின் விசாரணையை வாரணாசி சிவில் நீதிமன்றத்திலிருந்து வாரணாசி மாவட்ட நீதிமன்றத்துக்கு மாற்றி உத்தரவிட்டது. இந்த வழக்கு விசாரணைக்கு உகந்தது அல்ல என்று மசூதி நிர்வாகம் தரப்பில் கூறப்பட்ட நிலையில், இரண்டு தரப்பு வாதங்களும் கேட்டுக்கொள்ளப்பட்டது. இந்த வழக்கின் தீர்ப்பு செப்டம்பர் 12-ம் தேதி அறிவிக்கப்படும் என்று கூறப்பட்டிருந்தது. தீர்ப்பு வெளியாகும் நேரத்தில் வாரணாசியில் அதிக அளவு போலீஸ் பாதுகாப்பும் 144 தடை உத்தரவும் பிறப்பிக்கப்பட்டது. கியான்வாபி மசூதி இந்த நிலையில், நேற்றைய தினம் இருதரப்பு வாதங்களையும் கேட்டறிந்த மாவட்ட நீதிபதி ஏ.கே.விஷ்வேஷ், ``மசூதி நிர்வாகம் தொடர்ந்த வழக்கு தள்ளுபடி செய்யப்படுகிறது. 5 பெண்கள் தொடர்ந்த வழக்கு விசாரணைக்கு உகந்தது" என்று தீர்ப்பளித்தார். மேலும், இந்த வழக்கின் விசாரணையை வரும் செப்டம்பர் 22-ம் தேதிக்கு ஒத்திவைப்பதாகத் தெரிவித்தார். மாவட்ட நீதிமன்றத்தின் தீர்ப்புக்கு இந்துக்கள் தரப்பில் மகிழ்ச்சி தெரிவிக்க, மசூதி நிர்வாகம் இந்தத் தீர்ப்பை எதிர்த்து உச்ச நீதிமன்றத்தில் வழக்கு தொடரப்போவதாகத் தெரிவித்திருக்கிறது.கியான்வாபி மசூதி - காசி விஸ்வநாதர் கோயில் சர்ச்சை... வரலாறு என்ன சொல்கிறது?
http://dlvr.it/SYFq0f

Read More

சார்ஜ் போடப்பட்ட மொபைல்... பேட்டரி வெடித்து இறந்த குழந்தை; என்ன நடந்தது?

மொபைல் போன்கள் வெடித்து, மக்கள் பாதிக்கப்படும் சம்பவங்கள் அவ்வப்போது நடந்துகொண்டுதான் இருக்கின்றன. இம்முறை, 8 மாத குழந்தை, மொபைல் போன் வெடித்து சிதறியதில் உயிரிழந்திருப்பது, சோகத்தை ஏற்படுத்தியுள்ளது. உத்தரபிரதேசம் பரேலி நகரத்தில், 8 மாத குழந்தையின் பக்கத்தில் சோலார் தகடில் சார்ஜர் போட்டு வைத்திருந்த மொபைல் போனின் பேட்டரி வெடித்துள்ளது. 6 மாதத்திற்கு முன்பு வாங்கப்பட்ட அந்த மொபைலில், ஏற்கெனவே பேட்டரி உப்பி இருந்த நிலையில், அந்த பேட்டரி சார்ஜ் செய்யும்பொது வெடித்து சிதறியுள்ளது.Mobile இந்த சம்பவத்தன்று குழந்தையின் தாய் அருகில் இல்லை. தன்னுடைய மற்றொரு மகளின் அழுகுரல் கேட்டு அங்கு விரைந்துள்ளார். அப்போதுதான் குழந்தை தீக்காயங்களுடன் கிடந்ததை பார்த்து அதிர்ந்து, குழந்தையை உடனே மருத்துவமனைக்குக் கொண்டு சென்றுள்ளார். இது குறித்து காவல்துறை தரப்பில் கூறுகையில், ‘’பெற்றோரின் அலட்சியத்தால் இந்தத் துயரம் நடந்துள்ளது. ஃபரித்பூர் காவல் நிலைய எல்லைக்குட்பட்ட பச்சோமி கிராமத்தில் வசிக்கும் 30 வயதான சுனீல் குமார் காஷ்யப், பலியான குழந்தையின் தந்தை. இவர் ஒரு கூலித் தொழிலாளி. மின் இணைப்பில்லாத வீட்டில் வசித்து வருகிறார். ஒளிவிளக்குகள் மற்றும் பேட்டரியை சார்ஜ் செய்ய சோலார் தகடை இவர் குடும்பத்தினர் உபயோகித்து வருகிறார்கள். சுனீல் வேலைக்குச் சென்ற பின் அவரின் மனைவி குசும் வீட்டில் குழந்தைகளுடன் இருப்பார். சம்பவம் நடந்த அன்று மதிய உணவுக்குப் பின், குசும் தன் இரண்டு குழந்தைகளையும் வெவ்வேறு கயிற்றுக் கட்டிலில் உறங்க வைத்துள்ளார். 8 மாத குழந்தை உறங்கிய கட்டிலில் மொபைல் போனை வைத்துள்ளார். போன் வெடித்து சிதறி உள்ளது. சம்பவம் குறித்து எந்த புகாரும் இதுவரை கொடுக்கப்படவில்லை. எனவே குழந்தையின் உடல் குடும்பத்தினரிடம் ஒப்படைக்கப்பட்டுள்ளது. எங்களுடைய விசாரணையில், இது ஒரு விபத்து என்று தெரியவந்துள்ளது'' எனத் தெரிவித்துள்ளனர். குழந்தையின் தாய், ``பக்கத்து வீட்டினரிடம் பேசிக் கொண்டிருந்தேன். முதல் குழந்தை நந்தினியின் அழுகுரல் கேட்டு ஓடினேன். கயிற்று கட்டிலில் மொபைல் வெடித்து எரிந்து போய் இருந்தது. இரண்டாவது குழந்தை நேஹா மோசமாக எரிந்திருந்தாள். என் மகளின் உயிரை மொபைல் போன் பறிக்கும் என்று கனவிலும் நினைத்ததில்லை. இதில் உள்ள ஆபத்து தெரிந்திருந்தால் அதை அங்கு வைத்திருக்கவே மாட்டேன்’’ எனக் கண்ணீரோடு கூறியுள்ளார். மும்பை: ஒரு முறை சார்ஜ்; 250 கிலோமீட்டர் பயணம்; அசத்தும் இரண்டடுக்கு எலக்ட்ரிக் பஸ்! சுனீலின் சகோதரர் அஜய் குமார் கூறுகையில், "நாங்கள் ஏழைகள். இன்னும் கீ - பேட் போன்களையே பயன்படுத்துகிறோம். யு.எஸ்.பி கேபிளை பயன்படுத்தி போன் சார்ஜ் ஆகிறது, ஆனால் அதோடு அடாப்டர் இணைக்கப்படவில்லை; அதனால்தான் போன் வெடித்ததுள்ளது. என் தம்பியிடம் அதிகப் பணம் இல்லை. தனியார் மருத்துவமனையில் நேஹாவுக்கு சிகிச்சை அளித்திருந்தால், உயிரைக் காப்பாற்றியிருக்கலாம்'' என வருத்தத்தோடு கூறியுள்ளார். இதுபோன்ற விபத்துகள் அடிக்கடி நிகழ்ந்து கொண்டு இருக்கின்றன. எனவே பெற்றோர் எச்சரிக்கையுடன் இருந்து, குழந்தைகளிடமிருந்து எலக்ட்ரிக் பொருள்களை தள்ளிவைக்க வேண்டும்.
http://dlvr.it/SYDjNj

Read More