பண்ணை வீடு டார்கெட்; திகாரில் போடப்பட்ட ஸ்கெட்ச் - கொலை முயற்சியிலிருந்து இருமுறை தப்பிய சல்மான்கான்

பஞ்சாப் பாடகர் சித்து மூஸ்வாலா அவரின் சொந்த கிராமத்தில் கடந்த மே மாதம் பட்டப்பகலில் படுகொலை செய்யப்பட்டார். இப்படுகொலை தொடர்பாக சமீபத்தில் சம்பத் நெஹ்ரா மற்றும் கபில் பண்டிட் ஆகியோர் கைது செய்யப்பட்டனர். இதில் கபில் இந்தியா-பாகிஸ்தான் எல்லையில் கைது செய்யப்பட்டான். இவர்களிடம் விசாரணை நடத்தியதில் நடிகர் சல்மான் கானை இரண்டு முறை கொலை செய்ய முயன்றது தெரிய வந்துள்ளது. ராஜஸ்தானில் அபூர்வ வகை மானை வேட்டையாடிதற்காக, சித்து மூஸ்வாலா படுகொலைக்கு முக்கிய காரணமாக இருந்த லாரன்ஸ் பிஸ்னோய், நடிகர் சல்மான் கானை கொலை செய்ய திட்டமிட்டு இருந்தான். இதற்காக தனது அடியாட்களையும் நியமித்திருந்தான். சல்மான் கான் சித்து மூஸ்வாலா படுகொலை சம்பவத்திற்கு பிறகு சல்மான் கானுக்கு கொலை மிரட்டல் கடிதத்தையும் லாரன்ஸ் கூட்டாளிகள் அனுப்பி வைத்தனர். சல்மான் கான் தந்தை சலீம் கான் தினமும் மும்பை பாந்த்ராவில் கடற்கரைக்கு நடைபயிற்சியாக வருவது வழக்கம். இதனை தினமும் நோட்டமிட்டு அவர் வழக்கமாக அமரும் இடத்தில் கொலை மிரட்டல் கடிதத்தை லாரன்ஸ் கூட்டாளிகள் வைத்து சென்றனர். இந்த நிலையில் தான், கைது செய்யப்பட்டு இருக்கும் லாரன்ஸ் கூட்டாளிகளிடம் விசாரணை நடத்தியதில் பல அதிர்ச்சி தகவல்கள் கிடைத்துள்ளது. லாரன்ஸ் கூட்டாளிகள் இந்த ஆண்டின் தொடக்கத்தில் சல்மான் கானை கொலை செய்ய மும்பை அருகில் உள்ள பன்வெலில் வாடகைக்கு வீடு எடுத்து தங்கி இருந்துள்ளனர். சல்மான் கானுக்கு பன்வெலில் பண்ணை வீடு இருக்கிறது. அடிக்கடி சல்மான் கான் பண்ணை வீட்டிற்கு வருவது வழக்கம். அப்படி வரும் போது வழியில் மடக்கி சித்து மூஸ்வாலாவை கொலை செய்தது போல் கொலை செய்ய திட்டமிட்டு இருந்தது தெரிய வந்துள்ளது. லாரன்ஸ் கூட்டாளிகள் கபில் பண்டிட், சந்தோஷ் ஜாதவ், சச்சின் பிஸ்னோய் ஆகியோர் சல்மான் கான் பண்ணை வீட்டிற்கு செல்லும் ரோட்டில் வாடகைக்கு வீடு எடுத்து ஒரு மாதத்திற்கும் மேல் தங்கி இருந்து சல்மான் கானின் நடவடிக்கையை தீவிரமாக கண்காணித்து வந்துள்ளனர். காரை ஓட்டி விபத்தை ஏற்படுத்திய சம்பவத்திற்கு பிறகு சல்மான் கான் காரை மிதமான வேகத்தில் தான் ஓட்டுவார் என்பதைக்கூட தெரிந்து வைத்திருந்தனர். அதோடு பண்ணை வீட்டிற்கு செல்லும் சாலையில் எங்கெல்லாம் குண்டு குழிகள் இருக்கிறது என்பதைகூட நோட்டமிட்டு வைத்திருந்தனர். அச்சாலையில் கார் வெறும் 25 கிலோமீட்டர் தூரத்தில்தான் செல்ல முடியும் என்பதையும் தெரிந்து வைத்திருந்தனர்.சித்து மூஸ்வாலா அவர்கள் சல்மான் கானை தாக்க சிறிய ஆயுதங்கள் தங்களுடன் வைத்திருந்தனர். சல்மான் கான் எப்போதெல்லாம் பண்ணை வீட்டிற்கு வருவார் என்பதை தெரிந்து கொள்ள சல்மான் கான் பண்ணை வீட்டு வாட்ச்மெனுடனும் லாரன்ஸ் கூட்டாளிகள் நட்பை ஏற்படுத்தி இருந்தனர். இரண்டு முறை கொலை முயற்சி பண்ணை வீட்டிற்கு செல்லும் போது சல்மான் கானுடன் அவரின் பாதுகாவலர் ஷெரா என்பவர் மட்டுமே இருப்பார் என்பதால் எளிதில் கொலை செய்துவிட முடியும் என்றும் கொலையாளிகள் கணித்து வைத்திருந்தனர். கடந்த ஏப்ரல் மாதம் சல்மான் கான் இரண்டு முறை பண்ணை வீட்டிற்கு வந்தார். அப்போது கொலை செய்ய முயன்றனர். ஆனால் இரண்டு முறையும் சல்மான் கான் தப்பிட்டதாக கைது செய்யப்பட்டவர்கள் தெரிவித்துள்ளனர். முதல் முயற்சி தோல்வி அடைந்துவிட்டதால் அவர்களிடம் மாற்று திட்டமும் இருந்தது விசாரணையில் தெரிய வந்துள்ளது. சித்து மூஸ்வாலாவை கொலை செய்யும் முன்பாக சல்மான் கானை கொலை செய்ய திட்டமிட்டு இருந்தனர். இதற்காக திகார் சிறையில் திட்டம் தீட்டப்பட்டது. கனடாவில் இருக்கும் கோல்டி பிரர் தான் கபில் பண்டிட்டை இத்திட்டத்தை நிறைவேற்ற தேர்வு செய்து அனுப்பி வைத்தான் என்ற தகவல்களும் விசாரணையில் வெளியாகியுள்ளது.
http://dlvr.it/SYQ5n5

Read More

72 மணிநேரத்தில் 3 கொலைகள்; சீரியல் கில்லரால் அச்சத்தில் ஜெயில் கைதிகள்!

`சீரியல் கில்லர்' என்ற வார்த்தையை சினிமாக்களில் அடிக்கடி கேட்டிருப்போம். சினிமாவில் இப்படி சீரியல் கொலைகள் நடப்பதால் நிஜத்திலும் இப்படி நடக்கிறதா? இல்லை நிஜத்தில் நடப்பதுதான் சினிமாவிலும் பிரதிபலிக்கிறதா என்பது வாக்குவாதத்துக்குரிய தனியொரு தலைப்புதான். மேலும் இதில் ஈடுபடுபவர்கள், உளவியல் ரீதியாகப் பாதிக்கப்பட்டதால்தான் இதுபோன்ற கொலைகளைச் செய்கிறார்கள் எனக் கூறப்பட்டாலும், கொலை என்பது குற்றம்தான்.கொலை அந்த வரிசையில், மத்தியப் பிரதேசத்தில் நிஜத்தில் தொடர்ச்சியாக 4 பாதுகாப்பு காவலர்களைக் கொலைசெய்த சிவபிரசாத் துர்வே என்ற நபரைக் கடந்த செப்டம்பர் 2-ம் தேதியன்று போலீஸ் கைதுசெய்திருக்கிறது. மேலும் இந்த 4 கொலைகளில், முதல் மூன்று கொலைகளை 72 மணிநேரங்களில் செய்த சிவபிரசாத், போலீஸ் தன்னை கைதுசெய்வதற்கு சில மணிநேரங்களுக்கு முன்னர்தான் போபாலில் நான்காவது கொலையையும் செய்திருக்கிறார். மேலும் கைதுசெய்யப்பட்ட சிவபிரசாத், சாகர் மத்திய சிறையில் அடைக்கப்பதிலிருந்து, அங்குள்ள சிறைக்கைதிகள் அச்சத்தில் இருப்பதாகக் கூறப்படுகிறது.சீரியல் கில்லர் கைது இந்த நிலையில் கொலையாளி சிவபிரசாத் பற்றி ஊடகத்திடம் பேசிய சிறை கண்காணிப்பாளர் பாங்க்ரே, ``குற்றம் செய்ததற்கான அவரின் உள்ளுணர்வைப் பார்த்ததால், சீரியல் கில்லரை மற்ற கைதிகளுடன் வைக்கவில்லை. அவர் தனிமைப்படுத்தப்பட்ட அறையில் அடைக்கப்பட்திருக்கிறார். அவர்மீது நான்கு சீரியல் கொலைகள் உட்பட ஆறு வழக்குகள் பதிவு செய்யப்பட்டிருக்கின்றன.சிறை அதுமட்டுமல்லாமல், கிடைக்கக்கூடிய எந்தவொரு பொருளையும் ஆயுதமாகப் பயன்படுத்தும் திறனுடையவராகக் கருதப்படுவதால், அவருடன் எந்தப் பாத்திரங்களையும் வைத்திருக்க அனுமதிக்கப்படுவதில்லை. இருப்பினும், செப்டம்பர் 6-ம் தேதி அவர் சிறையில் அடைக்கப்பட்டதிலிருந்து, அவரின் நடத்தை சாதாரணமாகத்தான் இருக்கிறது. மேலும் அவரை சீர்திருத்துவதற்காக அவருக்கு மத மற்றும் கல்வி புத்தகங்களை நாங்கள் வழங்கியிருக்கிறோம். அதோடு, அவரின் குடும்பத்திலிருந்து யாரும் அவரை சிறையில் சந்திக்கவில்லை" எனத் தெரிவித்தார்.கே.ஜி.எஃப் இன்ஸ்பிரேஷன்; செக்யூரிட்டிகள் டார்கெட்; சீரியல் கில்லர் `ஸ்டோன் மேன்’ சிக்கியது எப்படி?
http://dlvr.it/SYP1T2

Read More

புது களத்தில் ஜிவிஎம்... ஒற்றையாளாய் தாங்கும் சிம்பு!-எப்படியிருக்கு வெந்து தணிந்தது காடு?

பிழைக்க வழி தேடும் முத்து என்ற இளைஞன் சென்று சேரும் இடம் எது என்பதே 'வெந்து தணிந்தது காடு' பட ஒன்லைன். தாய், தங்கையை காக்க, தன் குடும்பத்தின் மீதான கடனை அடைக்க கடுமையாக வேலை செய்கிறார் முத்து (சிம்பு). ஆனால் உள்ளூரில் சில பிரச்சனை வளர்கிறது, கூடவே கிடைக்கும் பணமும் பெரிய அளவில் இல்லை என்பதால் சிம்புவை வெளியூருக்கு அனுப்ப நினைக்கிறார் அம்மா ராதிகா. உறவினரின் உதவியுடன் மும்பையில் உள்ள பரோட்டா கடைக்கு வேலைக்கு செல்கிறார் சிம்பு. முதலில் பரோட்டா கடையாக இருக்கும் இடம், மெல்ல மெல்ல தன் முகமூடியை கழற்றி கூலிப்படையினரின் கூடாரம் என்ற உண்மை முகத்தை காட்டுகிறது. வாழ வழி இல்லாமல் வந்துவிட்டோம் விதியே என வாழ்க்கை போகும் போக்கில் செல்லகிறார் சிம்பு. மும்பையில் சிம்பு இருக்கும் கும்பலின் தலைவன் கர்ஜி, எதிர் கும்பலின் தலைவன் குட்டி பாய் (சித்திக்) இருவருக்கும் இடையிலான மோதல் ஒரு பக்கம், யார் முன்னும் தலை தாழ்த்தி வாழக்கூடாது என நினைக்கும் சிம்பு வாழ்வில் என்ன நிகழ்கிறது? என்பது இன்னொரு பக்கம். இதற்கு முன் கேக்ஸ்டர் வகைப் படங்களில் நாம் பார்த்த கதை, காட்சிகள் தான். ஆனால் அதை எந்த சுவாரஸ்யக்குறைவும் இன்றி சொல்லியிருக்கிறார் கௌதம் மேனன். மெதுவாகத் நகரத் தொடங்கும் கதையும், காட்சியும் கூட எந்த வகையிலும் தொந்தரவாக இல்லை. நடிகர் சிம்பு ஒற்றை ஆளாக படத்தை தாங்குகிறார். தூத்துக்குடி பாஷையில் பேசுவதாகட்டும், ஒரு இளைஞனின் உருவ அமைப்பை தோற்றத்திலும், நடிப்பிலும் அட்டகாசமாக கொண்டு வந்திருக்கிறார். மாஸ் ஹீரோவுக்கான பில்டப், பன்ச் வசனங்கள் என எதுவும் இல்லாமல் ஒரு இயல்பான மனிதனாக நாயகனைக் காட்டியிருப்பது கதையை நம்பும்படி சொல்ல உதவி இருக்கிறது. அதை ஏற்றுக் கொண்டு சிறப்பாக நடித்திருக்கும் சிம்புவுக்கு பாராட்டுகள். நகரத்தை வியப்புடன் பார்ப்பது, சித்தி இதானியை முதன் முதலில் சந்திக்கும் போது காட்டும் தயக்கம், கர்ஜி சம்பந்தப்பட்ட காட்சிகளில் பதற்றம், கோபம் என நிறைய எமோஷன்களைக் கடத்தும் பொறுப்பு சிம்புவுக்கு அதை மிக சிறப்பாக செய்திருக்கிறார். நாயகியாக சித்தி இத்னானிக்கு சில காட்சிகள் தான் என்றாலும் கவனிக்க வைக்கிறார். ஆனால் டப்பிங் மட்டும் பொருந்தாமல் சொதப்பி இருக்கிறது. நீரஜ் மாதவ், அப்புக்குட்டி, சித்திக் என முக்கியமான பாத்திரங்களில் வரும் பலரும் நிறைவான நடிப்பை வழங்கி இருக்கிறார்கள். ராதிகாவின் நடிப்பு மிக சிறப்பாக இருந்தாலும், அந்த வட்டார வழக்கை இன்னும் கூட சிறப்பாக பேசியிருக்காலாம் என்ற உணர்வே வருகிறது. படம் முழுக்க அந்த உலகத்தை நமக்கு அறிமுகம் செய்வதிலும், கதாபாத்திரங்களை பதிய வைப்பதிலும் கவனம் செலுத்தியிருக்கிறார்கள் இயக்குநர் கௌதம் மேனனும், எழுத்தாளர் ஜெயமோகனும். படத்தின் பலமும், ஒருவகையில் பலவீனமும் கூட அதுதான் எனலாம். படத்தின் காட்சிகள் வடிவமைக்கப்பட்ட விதம் எந்த சோர்வையும் தராமல் இயல்பாக நகர்கிறது. முத்து என்ற தனிமனிதனின் வாழ்வில் என்ன எல்லாம் நடக்கிறது என்ற லைவ்லியான கதை சொல்லல் உடன் இருந்து பார்க்கும் அனுபவத்தை தருகிறது. ஆனால், முத்து என்ற கதாபாத்திரத்தின் வாழ்வில் நிகழும் முக்கியமான தருணங்கள் கூட மிக சாதாரணமாகவே கடந்து போகிறது. அது பார்வையாளர்களுக்கு வியப்பையோ, திடுக்கிடலையோ தராமல் நகர்கிறது. சித்தார்த்தா நுனியின் ஒளிப்பதிவு, ராஜீவனின் கலை இயக்கமும் மிகவும் ரசிக்கும்படி இருந்தது. இசக்கி பரோட்டா கடை உட்பட பல இடங்களில் செட் எது என தெரியாத அளவுக்கான உழைப்பைப் கொடுத்திருக்கிறார்கள். படத்தின் இன்னொரு பெரிய பலம் ஏ.ஆர்.ரஹ்மானின் பின்னணி இசையும் பாடல்களும். மறக்குமா நெஞ்சம், மல்லி பூ போன்ற பாடல்கள் மனதில் நிற்கின்றன. உன்ன நினைச்சதும் பாடல் கேட்க இனிமையாக இருந்தாலும், படத்தில் அது வரும் இடம் அத்தனை பொருத்தமாக இல்லை. சண்டைக்காட்சிகளை வடிவமைத்த விதத்திலும், பெரிய சாகசங்களை வைக்காமல் இயல்பாக அமைத்திருந்த விதம் சிறப்பு. துண்டு துண்டாக ரசிக்க பல விஷயங்கள் இருந்தாலும், ஒரு கோர்வையாக பார்க்கும் போது பெரிய திருப்பங்கள் எதுவும் இல்லாமல் மிக ஃபளாட்டான ஒரு கதையாக நகர்கிறது படம். அது கூட பெரிய பிரச்சனை இல்லை, முத்து தவிர கதாபாத்திரங்களின் மன ஓட்டம் கதைக்குள் பிரதிபலிக்கவில்லை. அதிகாரத்திற்கான சதிகளும் சண்டைகளும் பின்னால் இருக்கும் மனித உளவியலும், தெரியாமல் வன்முறை பாதைக்குள் வந்துவிட்டவர்கள் வெளியே செல்லமுடியாமல் தவிப்பவர்களின் மனநிலையை இன்னும் கூட அழுத்தமாக சொல்லப்பட்டிருக்கலாம். இந்தக் கதையின் முடிவாக வரும் இடம் இன்னும் தெளிவாக இருந்திருக்கலாம். படத்தின் இறுதியில், இரண்டாம் பாகத்துக்கு வைக்கப்பட்டிருக்கும் லீடும், ஏதோ அவசர கதியில் படமாக்கப்பட்டு சேர்த்து போல் இருந்தது. கௌதம் மேனன் கண்டிப்பாக தனது கம்ஃபோர்ட் ஸோனில் இருந்து விலகி ஒரு படத்தைக் கொடுத்திருக்கிறார். அதை முடிந்த வரை சுவாரஸ்யமாக கொடுக்கவும் முயன்றிருக்கிறார். ஆனால் படத்தில் முழுமையும் இருந்திருந்தால் மிக சிறப்பான ஒரு கேங்க்ஸ்டர் படமாக கவனிக்கப்பட்டிருக்கும். -ஜான்சன்
http://dlvr.it/SYNVBH

Read More

குண்டும் குழியுமான சாலை, `உருளும் சேவை’ செய்த தன்னார்வலர்; வினோத போராட்டத்தின் காரணம் தெரியுமா?

மனதில் வேண்டுதலை வைத்துக் கொண்டு கோயில்களில் பக்தர்கள் அங்கப்பிரதட்சணம் செய்து பார்த்திருப்போம். இந்நிலையில், கோயில்களில் உருள்வதுபோல ஒருவர் ரோட்டில் ’உருளும் சேவை’ செய்து, வைரலாகி உள்ளார். Templeஇரவு 3 மணிவரை டெலிவரி... ஸ்விக்கி இன்ஸ்டாமார்ட்டின் புதிய திட்டம்! கர்நாடக மாநிலம், உடுப்பி மாவட்ட சாலை மிகவும் மோசமான நிலையில் உள்ளதால், உருளும் சேவையை சமூக சேவையாளரான நித்யானந்தா ஒலகடு (Nityananda Olakadu) என்பவர் செய்துள்ளார். செப்டம்பர் 13, செவ்வாய்க்கிழமையன்று இந்திராலி பால சாலையின் பள்ளங்களுக்கு ஆரத்தி எடுத்து தேங்காய் உடைத்து, அதன் பின் உருண்டுள்ளார். இதுகுறித்து நிகழ்ச்சியில் பேசிய நித்யானந்தா ஒலகடு, ``கடந்த மூன்று ஆண்டுகளுக்கு முன்பே உடுப்பி - மணிப்பால் தேசிய நெடுஞ்சாலைக்கு டெண்டர் விடப்பட்டது. இருந்தபோதிலும் சாலை இன்னும் மோசமான நிலையில்தான் உள்ளது. இதுகுறித்து எந்தப் பிரச்னையையும் யாரும் எழுப்பவில்லை. உடுப்பி மக்கள் அப்பாவிகள். இந்தச் சாலையில் தெருவிளக்குகள் இல்லாததால் தினமும் விபத்துகள் நேர்கின்றன. இந்த காரணத்தால் பல பசுக்களும் கன்றுகளும் இறந்துள்ளன. மாடு, கன்றுக்குட்டி என்ற பெயரில் ஓட்டு கேட்பவர்கள் கூட, சாலையின் அவல நிலையைப் பற்றிக் கவலைப்படுவதில்லை. A social worker in #Udupi rolled on a pothole to highlight the pathetic condition of the roads. Member of Udupi Civic committee Nityananda Olakadu wore a saffron dress and rolled on the potholes near #Indrali Railway bridge.#NityanandaOlakadu #manipal pic.twitter.com/sYdl0H2wOT— Manosh Kumar N Basarikatte (@Manosh93) September 13, 2022 ஜவ்வாதுமலை: கையோடு பெயர்ந்து வரும் புதிய தார் சாலை; வைரலான வீடியோ; மிரட்டப்பட்டார்களா மக்கள்?! தினமும் ஆயிரக்கணக்கான மக்கள் இந்த சாலையைப் பயன்படுத்துகிறார்கள். முதலமைச்சர் கூட இந்த பாதையைக் கடந்து சென்றுள்ளார். சாலையைச் சீரமைக்கப் பிரதமர் நரேந்திர மோடி அல்லது மத்திய அமைச்சர் நிதின் கட்கரி இங்கு வர வேண்டும்’’ எனத் தெரிவித்துள்ளார். சாலைகளின் மோசமான நிலையை எடுத்துரைக்க, சாலைகளின் பள்ளங்களில் மீன் பிடிப்பது, சந்திரனில் விண்வெளி வீரர் நடப்பது போலக் குழிகளில் நடப்பது போன்ற புதுவிதமான பல போராட்டங்கள் கர்நாடகாவில் நடைபெற்று வருகின்றன என்பது குறிப்பிடத்தக்கது.
http://dlvr.it/SYMvnW

Read More

கேரளா: தெருநாய் கடித்து இறந்த 12 வயது சிறுமி... தடுப்பூசி போட்டும் தொடரும் மரணம்!

கேரள மாநிலம் கோட்டயம் பகுதியைச் சேர்ந்த அபிராமி (12), என்ற சிறுமி கடந்த ஆகஸ்ட் 13-ம் தேதி பால் வாங்கச் சென்றபோது நாய் கடித்திருக்கிறது. 7 இடங்களில் நாய் கடித்ததால், பத்தனம்திட்டா பொது மருத்துவமனையில் வெறிநாய்க்கடிக்கு எதிரான தடுப்பூசி போடப்பட்டது. அதைத் தொடர்ந்து, பெருநாடு குடும்ப சுகாதார மையத்தில் இருந்து அவருக்கு அடுத்த இரண்டு டோஸ் தடுப்பூசி போடப்பட்டது, நான்காவது டோஸ் செப்டம்பர் 10 அன்று செலுத்தப்பட இருந்தது. நாய் இருப்பினும், அவரது உடல்நிலை மோசமடைந்ததையடுத்து, கோட்டயம் அரசு மருத்துவக் கல்லூரியில் வென்டிலேட்டர் பொருத்தப்பட்டு சிகிச்சையளிக்கப்பட்டு வந்தது. அவருக்கு ரேபிஸ் பாதிப்பு உள்ளதா என்பதை அறிய, புனே மற்றும் திருவனந்தபுரத்தில் உள்ள வைராலஜி ஆய்வகங்களுக்கும் மாதிரிகள் அனுப்பப்பட்டன. இந்த நிலையில், சிறுமி அபிராமி பரிதாபமாக உயிரிழந்தார். அபிராமியின் மரணம் தொடர்பாக அவரது பெற்றோர், ``பெருநாடு மருத்துவமனையில் போதிய சிகிச்சை அளிக்கப்படவில்லை. அவள் மயங்கி கிடந்த போதெல்லாம் தடுப்பூசியின் விளைவால் சிறுமி மயங்கிக் கிடக்கிறாள் என்று மருத்துவமனை ஊழியர்கள் எங்களை நம்ப வைக்க முயன்றனர். இந்த நோய்க்கு குறிப்பிட்ட மருந்து எதுவும் இல்லை என்றும் அவர்கள் எங்களிடம் தெரிவித்தனர்" எனக் குற்றம்சாட்டியிருக்கின்றனர்.தெருநாய் கேரளாவில், கடந்த சில வாரங்களில் மட்டும் 5 நபர்கள் நாய் கடித்ததாக மருத்துவமனைக்குச் சென்று, தடுப்பூசி போட்ட பின் உயிரிழந்துள்ளனர். இந்த மரணங்கள் மாநிலம் முழுவதும் வழங்கப்பட்ட ரேபிஸ் தடுப்பு தடுப்பூசியின் தரம் குறித்த கவலையை அதிகப்படுத்தியுள்ளது எனவும், மாவட்டத்தில் தெருநாய்களின் தாக்குதல் அதிகரித்து வருவதாகவும் அப்பகுதி மக்கள் கவலை தெரிவித்திருக்கின்றனர்.தெருநாய் கடித்தால் சோறு போட்டவர்களுக்கு அபராதம்... நீதிமன்ற அதிரடிக்குக் காரணம் இதுதான்!
http://dlvr.it/SYMNsT

Read More

உ.பி.: பட்டப்பகலில் கடத்தல்; தூக்கில் தொங்கிய பட்டியலின சகோதரிகள்; பாலியல் வன்கொடுமை செய்து கொலையா?

உத்தரப்பிரதேச மாநிலம் லக்கிம்பூர் கெரியில் ஏற்கனவே விவசாயிகள் போராட்டத்தில் மாநில அமைச்சர் அஜய் குமார் மகன் அசிஷ் மிஸ்ரா கார் ஏற்றிய சம்பவம் பெரும் பரபரப்பை ஏற்படுத்தியது. இச்சம்பவம் நடந்த இடத்திற்கு அருகில் உள்ள தமோலியாபுர்வா என்ற கிராமத்தில் கரும்பு தோட்டத்தில் பட்டியலின சகோதரிகள் இரண்டு பேர் மரத்தில் தூக்கில் தொங்கிய நிலையில் கண்டுபிடிக்கப்பட்டுள்ளனர். அவர்கள் தங்களது துப்பட்டாவில் தூக்கில் மாட்டி தொங்கி இருந்தனர். இரண்டு பேரையும் யாரோ சிலர் மோட்டார் சைக்கிளில் கடத்தி சென்றதாக இரு சகோதரிகளின் பெற்றோர் குற்றம் சாட்டியுள்ளனர். இரண்டு பேரும் மைனர் ஆவர். அவர்களை பாலியல் வன்கொடுமை செய்து கொலை செய்துவிட்டதாக சிறுமியின் தாயார் குற்றம்சாட்டியுள்ளார். குற்றவாளிகளை விரைந்து கைது செய்யவேண்டும் என்று கோரி கிராம மக்கள் சாலை மறியல் போராட்டத்தில் ஈடுபட்டனர். இதனை தொடர்ந்து உயர் போலீஸ் அதிகாரிகள் சம்பவ இடத்திற்கு விரைந்து வந்து பொதுமக்களுடன் பேச்சுவார்த்தை நடத்தி குற்றவாளிகளை விரைந்து கைது செய்வதாக கூறி கலைந்து போகச்செய்தனர். மூன்று பேர் சேர்ந்து சிறுமிகளை கடத்தி சென்றதாக கூறப்படுகிறது. போலீஸார் இருவரின் உடல்களையும் பிரேத பரிசோதனைக்கு அனுப்பி இருக்கின்றனர். அங்கு கூடுதல் போலீஸார் பாதுகாப்பு பணியில் ஈடுபடுத்தப்பட்டுள்ளனர். போலீஸ் அதிகாரி லட்சுமி சிங் இது குறித்து கூறுகையில், ``இரு மைனர் சிறுமிகள் தங்களது துப்பட்டாவில் தூக்கு மாட்டு தற்கொலை செய்துகொண்டனர். அவர்களின் உடலில் எந்த வித காயங்களும் இல்லை. இருவரின் உடல்களும் பிரேத பரிசோதனைக்கு அனுப்பப்பட்டுள்ளது. பெற்றோர் கொடுக்கும் புகாரின் அடிப்படையில் வழக்கு பதிவு செய்யப்படும்” என்று தெரிவித்தார். அகிலேஷ் யாதவ் சம்பவ இடத்தை உயர் போலீஸ் அதிகாரிகள் வந்து பார்வையிட்டு சென்றனர். இச்சம்பவம் குறித்து ட்விட்டரில் பதிவிட்டுள்ள சமாஜ்வாடி கட்சி தலைவர் அகிலேஷ் யாதவ், ``யோகி ஆதித்யநாத் அரசும், குண்டர்களும் தினம் தினம் சகோதரிகளையும், தாய்மார்களையும் துன்புறுத்துகின்றனர். இரு சிறுமிகளை கடத்தி கொலை செய்தவர்களுக்கு எதிராக தக்க நடவடிக்கை எடுக்கவேண்டும்” என்று குறிப்பிட்டுள்ளார். தற்கொலை செய்து இறந்துள்ள இரண்டு சகோதரிகளும் பட்டப்பகலில் கடத்திச்செல்லப்பட்டதாக அவர்களின் உறவினர்கள் குற்றம் சாட்டியுள்ளனர். தினம் தினம் பேப்பர்களில் விளம்பரம் செய்தால் மட்டும் சட்டம் ஒழுங்கு சரியாகிவிடாது என்றும் அவர்கள் குற்றம் சாட்டினர். கடந்த ஆண்டும் 19 வயது பட்டியலின சிறுமி மாற்று சமூகத்தைச் சேர்ந்த 4 பேரால் பாலியல் வன்கொடுமை செய்யப்பட்டு கொலை செய்யப்பட்டார். அச்சிறுமியின் வீட்டிற்கு பிரியங்கா காந்தி சென்ற போது அவரையும் போலீஸார் கைது செய்தனர். செய்தி சேகரிக்க வந்த பத்திரிக்கையாளர்கள் மீதும் அடக்குமுறை கையாளப்பட்டது குறிப்பிடதக்கது.பிரியங்கா காந்தி இந்த விவகாரம் குறித்து பிரியங்கா காந்தியும் தனது ட்விட்டர் பக்கத்தில் பாஜக அரசை கடுமையாக விமர்சித்துள்ளார். அவர் வெளியிட்டுள்ள பதிவில், “இரு சகோதரிகள் கொலை செய்யப்பட்ட இந்த சம்பவம் நெஞ்சை உலுக்குகிறது. பகல் வேளையில் சிறுமிகள் கடத்தப்பட்டுள்ளதாக குடும்பத்தினர் புகார் கூறியுள்ளனர். வெறுமனே தொலைக்காட்சியிலும் நாளிதழ்களிலும் பொய் விளம்பரம் செய்வதால் சட்ட ஒழுங்கு சீராகாது. எல்லாவற்றுக்கும் மேலாக, உ.பியில் பெண்களுக்கு எதிரான குற்றங்கள் ஏன் அதிகரித்து வருகிறது?” என்று கேள்வியும் எழுப்பியுள்ளார்.
http://dlvr.it/SYLf8f

Read More

இந்திய கிரிக்கெட்டின் அனைத்து வடிவிலான போட்டிகளில் இருந்து ஓய்வு பெற்றார் ராபின் உத்தப்பா

கிரிக்கெட்டின் அனைத்து வடிவிலான போட்டிகளில் இருந்து ஓய்வு பெறுவதாக இந்திய கிரிக்கெட் வீரர் ராபின் உத்தப்பா அறிவித்துள்ளார். இந்திய கிரிக்கெட்டின் அனைத்து வடிவங்களில் இருந்தும் ஓய்வு பெறுவதாக இந்திய முன்னாள் சர்வதேச வீரரும், ஐபிஎல் வீரருமான ராபின் உத்தப்பா இன்று (புதன்கிழமை) அறிவித்தார். இந்தியாவுக்காக 46 ஒருநாள் மற்றும் 13 டி20 சர்வதேசப் போட்டிகளில் விளையாடிய உத்தப்பா, கடைசியாக நடைபெற்ற ஐபிஎல் சீசனில் சென்னை சூப்பர் கிங்ஸ் அணிக்காக விளையாடினார். இந்த சீசனில் 12 போட்டிகளில் விளையாடி 20.90 சராசரியில் 230 ரன்கள் எடுத்தார் உத்தப்பா. ஒட்டுமொத்தமாக ஐபிஎல் தொடரில் 205 போட்டிகளில் விளையாடி 4952 ரன்கள் குவித்துள்ள ராபின் உத்தப்பா இந்தியன் பிரீமியர் லீக்கில் அதிக ரன் குவித்த முதல் பத்து வீரர்களில் ஒருவராக திகழ்கிறார். தனது ஓய்வை அறிவிக்கும் ட்வீட்டில், உத்தப்பா, “நான் தொழில்முறை கிரிக்கெட்டை விளையாடத் தொடங்கி 20 ஆண்டுகள் ஆகிறது. எனது நாட்டையும் மாநிலத்தையும் பிரதிநிதித்துவப்படுத்துவது மிகப்பெரிய கவுரவம் - ஏற்ற தாழ்வுகள் நிறைந்த அற்புதமான பயணம்; நிறைவான, பலனளிக்கும், சுவாரஸ்யமான மனிதனாக வளரவும் என்னை அனுமதித்த ஒன்று. It has been my greatest honour to represent my country and my state, Karnataka. However, all good things must come to an end, and with a grateful heart, I have decided to retire from all forms of Indian cricket.Thank you all  pic.twitter.com/GvWrIx2NRs — Robin Aiyuda Uthappa (@robbieuthappa) September 14, 2022 இருப்பினும், அனைத்து நல்ல விஷயங்களும் முடிவுக்கு வர வேண்டும். நன்றியுள்ள இதயத்துடன் இந்திய கிரிக்கெட்டின் அனைத்து வடிவங்களிலிருந்தும் ஓய்வு பெற முடிவு செய்துள்ளேன். நான் எனது குடும்பத்துடன் குறிப்பிடத்தக்க நேரத்தை செலவிட உள்ளேன். என் வாழ்க்கையில் ஒரு புதிய கட்டத்தை பட்டியலிட ஆவலுடன் காத்திருக்கிறேன். மும்பை இந்தியன்ஸ், ராயல் சேலஞ்சர்ஸ் பெங்களூர், புனே வாரியர்ஸ் மற்றும் ராஜஸ்தான் ராயல்ஸ் ஆகிய ஐபிஎல் அணிகளுடன் இணைந்து எனது முதல் தர வாழ்க்கையில் என்னை பிரதிநிதித்துவப்படுத்திய கர்நாடகா மாநில கிரிக்கெட் சங்கம், சவுராஷ்டிரா கிரிக்கெட் சங்கம் மற்றும் கேரள கிரிக்கெட் சங்கம் ஆகிய அணிகளுக்கு நன்றி.  அனைத்து அற்புதமான நினைவுகளுக்காக KKR (கொல்கத்தா நைட் ரைடர்ஸ்) & CSK (சென்னை சூப்பர் கிங்ஸ்) -க்கு ஒரு சிறப்பு குறிப்பு. அவர்களுடன் நான் இருந்த காலத்தில் நான் பெற்ற நினைவுகளுக்காக நான் எப்போதும் அவர்களைப் போற்றுவேன்.” என்று நெகிழ்ச்சியுடன் குறிப்பிட்டுள்ளார்.
http://dlvr.it/SYKfqX

Read More