74 ஆண்டுகளுக்கு பின் இந்திய காட்டில் சீட்டா: புதிய வாழ்விடத்திற்கு ஏற்ப தகவமைக்குமா?

சிவிங்கிப் புலிகள் புதிய வாழ்விடத்திற்கேற்ப தங்களை தகவமைத்துக் கொள்ளப் போராடக்கூடும் என்று காட்டுயிர் ஆர்வலர்கள் எச்சரித்துள்ளனர்.சத்தீஸ்கர் மாநிலத்தில் கடந்த 1947ம் ஆண்டில் கடைசி சிவிங்கிப் புலி (சீட்டா) காணப்பட்டது. அதன் பிறகு, 1952ஆம் ஆண்டு சிவிங்கிப் புலி இனம் இந்தியாவில் முற்றிலும் அழிந்து விட்டதாக அறிவிக்கப்பட்டது. இந்தியாவில் சிவிங்கிப் புலிகள் இனம் அழிந்து தற்போது 74 வருடங்கள் ஆகிவிட்ட நிலையில், ஆப்பிரிக்க நாடான  நமீபியாவிலிருந்து இந்தியாவிற்கு 8 சிவிங்கிப் புலிகளை சிறப்பு விமானம் மூலம் கொண்டுவரப்பட்டுள்ளது. 5 பெண் சீட்டாக்கள், 3 ஆண் சீட்டாக்களுடன் பயணித்த அந்த விமானம் இன்று காலை 8 மணியளவில் மத்தியப்பிரதேசத்தில் உள்ள குவாலியர் மஹாராஜ்புரா விமானத் தளத்தை வந்தடைந்தது. இன்னும் சிறிது நேரத்தில் இந்த சிவிங்கிப் புலிகள் அங்கு இருந்து ஹெலிகாப்டர் மூலம்  165 கிமீ தொலைவில் உள்ள மத்திய பிரதேசத்தின் குணோ தேசிய பூங்காவுக்கு கொண்டு செல்லப்படுகின்றன. இந்த 8 சிவிங்கிப் புலிகளில் 3 சிவிங்கிப் புலிகளை குணோ தேசிய பூங்காவில் பிரதமர் மோடி அவரது பிறந்த நாளை முன்னிட்டு இன்று விடுவிக்கிறார்.  முன்னதாக, சிவிங்கிப் புலிகளை ஏற்றிவந்த விமானத்தின் வெளிப்புறத்தில் புலியின் முகம் வரையப்பட்டிருந்தது. விமானத்தில் கொண்டு வரப்பட்ட போது சிவிங்கிப் புலிகளுக்கு உணவு எதுவும் வழங்கப்படவில்லை. அவைகளுக்கு குமட்டல், மயக்கம்  உள்ளிட்ட அசவுகரியங்கள் ஏற்படலாம் என்பதற்காக  முன்னெச்சரிக்கை நடவடிக்கையாக இது மேற்கொள்ளப்பட்டது. குனோ தேசிய  பூங்காவிற்குள் திறந்துவிடப்பட்ட பிறகு மின்சார வேலி அமைக்கப்பட்ட பகுதியில் சிவிங்கிப் புலிகள் உலா வரும். புதியதோர் வாழ்விடத்திலும், காலநிலையிலும் விடப்பட்டுள்ளதால் இந்த சிவிங்கிப் புலிகளை வனத்துறையினர், கால்நடை மருத்துவர்களும் தொடர்ந்து கண்காணித்தபடி இருப்பார்கள். 1952-களுக்குப் பின்னர் இந்தியாவில் சிவிங்கிப் புலிகள் முற்றிலுமாக அழிந்துவிட்ட நிலையில், மீண்டும் அவை இந்தியக் காடுகளுக்கு வருவது காட்டுயிர் ஆர்வலர்கள் மத்தியில் பெரும் உற்சாகத்தை ஏற்படுத்தியுள்ளது. இருப்பினும் சிவிங்கிப் புலிகள் புதிய வாழ்விடத்திற்கேற்ப தங்களை தகவமைத்துக் கொள்ளப் போராடக்கூடும் என்றும் ஏற்கனவே வனப்பகுதியில் கணிசமான எண்ணிக்கையில் இருக்கும் சிறுத்தைகளுக்கும் சிவிங்கிப் புலிகளுக்கும் மோதல் நிகழக்கூடும் என்றும் காட்டுயிர் ஆர்வலர்கள் எச்சரித்துள்ளனர்.அழிந்துவரும் பட்டியலில் இருக்கும் சிவிங்கிப் புலிகள், உலகம் முழுவதும் 7,000க்கும் குறைவான எண்ணிக்கையிலே உள்ளன. இவற்றில் பெரும்பான்மையான சிவிங்கிப் புலிகள் ஆப்ரிக்காவின் சவன்னா காடுகளில் வாழ்கின்றன.இந்தியாவிற்கு சிவிங்கிப் புலிகளை கொண்டு வரும் திட்டத்திற்கு, கடந்த 2009ஆம் ஆண்டில் மன்மோகன் சிங் தலைமையிலான காங்கிரஸ் ஆட்சியில் ஒப்புதல் தரப்பட்டது. அப்போதைய மத்திய வனத்துறை அமைச்சர் ஜெய்ராம் ரமேஷ், 2010ம் ஆண்டு தென் ஆப்ரிக்காவுக்கு நேரில் சென்று சிவிங்கிப் புலிகளை கொண்டு வரும் திட்டத்தை விரைவுபடுத்தினார். ஆனால், 2013ம் ஆண்டு இத்திட்டத்திற்கு உச்ச நீதிமன்றம் தடை விதித்தது. பின்னர் 2020ம் ஆண்டில் உச்ச நீதிமன்றம் அனுமதி தந்தது. அதன் மூலமாகத்தான் இப்போது சிவிங்கிப் புலிகள் இந்தியாவுக்கு கொண்டு வரப்பட்டிருப்பதாக காங்கிரஸ் கட்சியினர் தெரிவித்துள்ளனர். சிறுத்தையா? சிவிங்கியா?சிறுத்தையும் (leopard) சிவிங்கிப் புலியும் (cheetah) பார்க்க கிட்டத்தட்ட ஒரே மாதிரியாகத்தான் இருக்கும். ஆனால் இரண்டும் வெவ்வேறு விலங்குகள். சிவிங்கிப் புலிகள் வட்ட முகம் கொண்டவை. இவற்றின் கண்களில் இருந்து வாய்ப்பகுதி வரை கறுப்புக் கோடு இருக்கும். மெலிந்த உடலமைப்புடனும் நீண்ட கால்களுடனும் இவை இருக்கும். சிறுத்தைகள் பருத்த உடலுடனும் குட்டையான கால்களுடனும் இருக்கும்.இதையும் படிக்க: சூடான உணவில் எலுமிச்சைச் சாற்றை பிழியக்கூடாது.. காரணம் இதுதான்!?
http://dlvr.it/SYTj6N

Read More

`மை ட்ரீம் பாய்’... சுகேஷை திருமணம் செய்ய விரும்பிய ஜாக்குலின்... வெளியாகும் விசாரணை தகவல்கள்!

டெல்லி தொழிலதிபரை மிரட்டி ரூ.215 கோடி பறித்தது தொடர்பாக சுகேஷ் சந்திரசேகர் கைது செய்யப்பட்டுள்ளார். சுகேஷ் சந்திரசேகர் மிரட்டி பறித்த பணத்தை பாலிவுட் நடிகைகளுக்கு செலவு செய்தது அமலாக்கப்பிரிவின் விசாரணையில் தெரிய வந்தது. இதில் அதிகமாக பயனடைந்த ஜாக்குலின் பெர்னாண்டஸிடம் அமலாக்கப்பிரிவு பல முறை விசாரணை நடத்தி இருக்கிறது. ஜாக்குலின் பெர்னாண்டஸ் மட்டுமல்லாது நடிகை நோரா ஃபதேஹியும் சுகேஷிடம் பரிசுப்பொருள்கள் வாங்கி இருக்கிறார். அவரிடம் அமலாக்கப்பிரிவு விசாரணை நடத்தி வாக்குமூலம் வாங்கியுள்ளது. அதோடு சுகேஷ் மீது அமலாக்கப்பிரிவு பணமோசடி தடுப்பு சட்டத்தின் கீழ் வழக்கு பதிவு செய்து குற்றப்பத்திரிகையை தாக்கல் செய்துள்ளது. குற்றப்பத்திரிகை நகலில் இடம் பெற்றுள்ள தகவல்கள் வெளியாகி இருக்கிறது. சுகேஷ் சந்திரசேகர் சுகேஷ் சந்திரசேகரின் குற்றப்பின்னணி குறித்து தெரிந்தவுடன் அவனுடனான நட்பை நடிகை நோரா ஃபதேஹி துண்டித்துக்கொண்டார். ஆனால் ஜாக்குலின் பெர்னாண்டஸ் தொடர்ந்து சுகேஷுடன் தொடர்பில் இருந்து வந்ததாக அமலாக்கப்பிரிவு தனது குற்றப்பத்திரிகையில் குறிப்பிட்டுள்ளது. ஆனால் டெல்லி போலீஸார் நடத்திய விசாரணையில் இருவருக்கும் பணமோசடி வழக்கில் நேரடி தொடர்பு இல்லை என்று தெரிய வந்துள்ளது. சுகேஷ் தனது பணபலத்தை காட்டி பாலிவுட் நடிகைகளிடம் தனது ஆதிக்கத்தை செலுத்த முயன்றுள்ளான் என்று டெல்லி போலீஸ் சிறப்பு கமிஷனர் ரவீந்தர் தெரிவித்தார். சுகேஷுடன் சந்திப்புக்கு ஏற்பாடு செய்த பிங்கி இரானி, நடிகை நோரா மற்றும் அவரின் மைத்துனர் மெக்பூப் பாபி கான் ஆகிய மூன்று பேரையும் நேருக்கு நேர் நிறுத்தி டெல்லி போலீஸார் விசாரணை நடத்தியுள்ளனர். சென்னையில் சுகேஷ் சந்திரசேகர் மனைவி லீனா நடத்திய நிகழ்ச்சி ஒன்றில் நடிகை நோரா கலந்து கொண்டார். இதற்காக அவருக்கு பிஎம்டபிள்யூ கார் கொடுப்பதாக சுகேஷ் தெரிவித்தான். அதனை வாங்க மறுத்த நோரா தனது மைத்துனரிடம் கொடுத்துவிடும் படி கேட்டுக்கொண்டார். நோராவின் மைத்துனர் மெக்பூப் மொராக்கோ நாட்டை சேர்ந்தவர். அவர் பெரும்பாலும் மும்பையில் தங்கி இருந்து பாலிவுட்டில் பணியாற்றி வந்தார். சன்னி லியோன் நடித்த படம் ஒன்றையும் இயக்கி இருக்கிறார். நடிகை ஜாக்குலினிடம் சுகேஷ் மிகவும் தாக்கத்தை ஏற்படுத்தி இருந்தார். அதோடு சுகேஷை ஜாக்குலின் கனவு நாயகன் என்று அழைப்பார் என்றும், அவரையே திருமணம் செய்யவும் நினைத்தார் என்று டெல்லி போலீஸ் வட்டாரங்கள் தெரிவித்தன.
http://dlvr.it/SYTS1K

Read More

சூடான உணவில் எலுமிச்சைச் சாற்றை பிழியக்கூடாது.. காரணம் இதுதான்!?

இனிப்பு, புளிப்பு சுவை கலந்த எலுமிச்சையானது பானங்கள், பொரித்த உணவுகள் போன்ற பெரும்பாலான உணவுகளின் சுவையைக் கூட்ட பயன்படுத்தப்படுகிறது. இது தினசரி உணவுகளில் பயன்படுத்தப்படக்கூடிய முக்கியமான உணவுப்பொருளும்கூட. வைட்டமின் சி நிறைந்த எலுமிச்சையானது உடலில் நோயெதிர்ப்பு சக்தியை அதிகரிக்கவும், ஆரோக்கியத்தை மேம்படுத்தவும் உதவுகிறது. மேலும் இரும்புச்சத்து உடலில் சேர்வதை ஊக்குவிக்கவும், எலும்பு ஆரோக்கியத்தை மேம்படுத்தவும், சருமம் மற்றும் முடியை மிருதுவாக்கவும், உடலிலிருந்து இறந்த செல்கள் மற்றும் நச்சுக்களை வெளியேற்றவும் உதவுகிறது. நிறைய நேரங்களில் ஆவி பறக்க பறக்க இருக்கும் சூடான உணவுகளில் சுவையை மெருகூட்ட எலுமிச்சை சாறை சேர்க்கிறோம். ஆனால் இந்த தவறை நான் ஆண்டாண்டு காலமாக கடைபிடித்து வருவதாக கூறுகின்றனர் ஊட்டச்சத்து நிபுணர்கள். சூடான உணவின்மீது எலுமிச்சை சாறு பிழியக்கூடாது என்கின்றனர். ஏனெனில் சூட்டின்மீது எலுமிச்சை சாறின் உணர்திறன் அதிகமாக இருப்பதால் அதிலுள்ள ஊட்டச்சத்துகள் அனைத்தும் சூட்டில் அழிந்துவிடும் என்கின்றனர். வெப்பத்தின்மீது வைட்டமின் சியின் உணர்திறன் அதிகம் வைட்டமின் சி அல்லது அஸ்கார்பிக் அமிலமானது வெப்பம் மற்றும் வெளிச்சம் ஆகிய இரண்டாலும் பாதிக்கப்படக்கூடியது என்கின்றனர் மருத்துவர்கள். இது 30 டிகிரி செல்சியஸ் வெப்பநிலையிலேயே மிக வேகமாக சிதையும் தன்மையுடையது. எனவே சூடான உணவு அல்லது சூடான தண்ணீரில் எலுமிச்சையை சேர்க்கும்போது அது வைட்டமின் மற்றும் நொதிகளை அழித்துவிடும். எனவேதான், காலையில் வெறும் வயிற்றில் சூடான தண்ணீரில் எலுமிச்சை சாறு கலந்து குடிப்பது பலன் தரும் என்பதே கட்டுக்கதை என்கின்றனர் சில மருத்துவ ஆராய்ச்சியாளர்கள். இதை காலையில் குடிப்பதால் எந்த பலனையும் பெறமுடியாது என்கின்றனர். சிறந்த ஆண்டி ஆக்சிண்டான ஃப்ளவனாய்டுகள் போன்றவையும் எலுமிச்சையிலுள்ள சிட்ரிக் அமிலத்தில் உள்ளன. இதை சூடான தண்ணீரில் சேர்க்கும்போது எந்த நன்மையும் உடலுக்கு கிடைக்காமல் போய்விடுகிறது.
http://dlvr.it/SYST48

Read More

திருமணமாகி 8 ஆண்டுகளுக்கு பின், தனது கணவன் ஒரு பெண் என்பதை கண்டறிந்த மனைவி!

குஜராத்தில் திருமணமாகி 8 ஆண்டுகளுக்கு பின், தனது கணவன் ஒரு பெண் என்பதை மனைவி கண்டுபிடித்த அதிர்ச்சி சம்பவம் அரங்கேறியுள்ளது. குஜராத் மாநிலம் வதோதரா பகுதியில் வசிக்கும் 40 வயதான பெண் ஒருவர், கோத்ரி காவல்நிலையத்தில் தனது கணவன் மீது கொடுத்துள்ள புகார் அதிர்வலைகளை கிளப்பியுள்ளது. 2014 ஆம் ஆண்டு தன்னை திருமணம் செய்தவர் ஒரு பெண் என்ற அதிர்ச்சி தகவலை வெளியிட்டு மோசடி புகார் தொடர்ந்துள்ளார் அந்த பெண். அந்த புகாரில், “எனது முதல் கணவர் 2011 ஆம் ஆண்டு சாலை விபத்தில் சிக்கி உயிரிழந்தார். 14 வயதில் மகளை வைத்துக்கொண்டு தனியாளாக வாழத் துவங்கினேன். இருப்பினும் மேட்ரிமோனியல் தளம் ஒன்றில் 2வது திருமணம் செய்வதற்காக பதிவு செய்திருந்தேன். அதன்மூலமாகத்தான் 2013 ஆம் ஆண்டு விஜயதா என்ற விராஜ் வர்தன் அறிமுகமானார். பின்னர் இரு வீட்டார் சம்மதத்துடன் 2014 ஆம் ஆண்டு பிப்ரவரியில் இருவரும் திருமணம் செய்து கொண்டோம். பின்னர் விஜயதா தேனிலவுக்கு காஷ்மீருக்கு அழைத்துச் சென்றார். இருப்பினும் எங்கள் இருவருக்குள் தாம்பத்தியம் நடைபெறவில்லை. விஜயதா பல நாட்கள் சாக்குப்போக்குகளைக் கூறிக்கொண்டே இருந்தார். கட்டாயப்படுத்தி தாம்பத்தியம் மேற்கொள்ள நான் முயற்சிக்கும்போது, சில ஆண்டுகளுக்கு முன்பு ரஷ்யாவில் இருந்தபோது அவர் சந்தித்த ஒரு விபத்து தன்னை உடலுறவு கொள்ள முடியாதவனாக ஆக்கியதாக தெரிவித்தார். ஆனால் ஒரு சிறிய அறுவை சிகிச்சை போதும். இந்த பிரச்சினை சரியாகிவிடும் என்று அவர் தெரிவித்தார். பின்னர் 2020 ஜனவரி மாதத்தில் அறுவை சிகிச்சை செய்வதற்காக அவர் கொல்கத்தா புறப்பட்டார். ஆனால் பின்னாளில் தான் அவர் ஆண் உறுப்புகளை பொருத்துவதற்கான பாலின மாற்று அறுவை சிகிச்சை செய்தது எனக்கு தெரியவந்தது. அவர் ஒரு பெண் என்பது தெரியவந்ததும் நான் அதிர்ச்சியடைந்தேன். இதையடுத்து அவர் என்னுடன் ‘இயற்கைக்கு மாறான உடலுறவு’ மேற்கொள்ள துவங்கினார். இதைப் பற்றி யாரிடமாவது பேசினால் மோசமான விளைவுகளைச் சந்திக்க நேரிடும் என்று என்னை மிரட்டினார். எனவே அவர் மீது மோசடி புகார் பதிவு செய்ய வேண்டும். அவரது குடும்ப உறுப்பினர்கள் மீதும் வழக்குப்பதிவு செய்ய வேண்டும்.” என்று குற்றம்சாட்டியுள்ளார் அந்த பெண். இதையடுத்து விஜயதா என்ற விராஜ் வர்தன் மீது மோசடி வழக்குப்பதிவு செய்த இன்ஸ்பெக்டர் எம்.கே.குர்ஜார், குற்றம் சாட்டப்பட்ட விஜயதாவிடம் விசாரணை நடத்தி வருவதாக தெரிவித்தார்.
http://dlvr.it/SYRzCX

Read More

`நேர்மையாளர்களையும் ஒழுக்கமானவர்களையும் நியமிக்கவும்’- டிஜிபிக்கு உயர்நீதிமன்றம் உத்தரவு

குற்றம் நடைபெறாமல் தடுப்பது சமீப காலமாக குறைந்துவிட்டதாக சென்னை உயர்நீதிமன்றம் வேதனை தெரிவித்துள்ளது. நேர்மையாளர்களையும், ஒழுக்கமானவர்களையும் மட்டுமே சட்டம் - ஒழுங்கு பிரிவில் நியமிப்பதை உறுதி செய்ய வேண்டும் என தமிழக டிஜிபிக்கும் நீதிமன்றம் உத்தரவிட்டுள்ளது. ஆயுதப்படை பிரிவில் உதவி ஆய்வாளர்களாக உள்ள முத்துக்குமரன், பார்த்திபன், ரமேஷ் மற்றும் வெங்கடேஷ் ஆகியோர் தங்களை சட்டம் ஒழுங்கு பிரிவுக்கு மாற்றக் கோரி உயர் நீதிமன்றத்தில் மனு தாக்கல் செய்தனர். அதில், மனுதாரர்கள் 40 வயதை கடந்துவிட்டதாலும், துறை ரீதியான நடவடிக்கைகளை எதிர்கொண்டுள்ளதாலும், அவர்களை சட்டம் ஒழுங்கு பிரிவுக்கு மாற்ற முடியாது என காவல்துறை தரப்பில் தெரிவிக்கப்பட்டது. அதனை ஏற்று 4 பேரின் மனுக்களையும் தள்ளுபடி செய்த நீதிமன்றம், சமூகத்தில் நேரடி பாதிப்பை ஏற்படுத்தக் கூடிய சட்டம் - ஒழுங்கு பிரிவில் பணியாற்றும் காவலர்களுக்கு நேர்மை, ஒழுக்கம், கண்ணியம் மிகவும் முக்கியம் என குறிப்பிட்டுள்ளது.
http://dlvr.it/SYQtPj

Read More

பண்ணை வீடு டார்கெட்; திகாரில் போடப்பட்ட ஸ்கெட்ச் - கொலை முயற்சியிலிருந்து இருமுறை தப்பிய சல்மான்கான்

பஞ்சாப் பாடகர் சித்து மூஸ்வாலா அவரின் சொந்த கிராமத்தில் கடந்த மே மாதம் பட்டப்பகலில் படுகொலை செய்யப்பட்டார். இப்படுகொலை தொடர்பாக சமீபத்தில் சம்பத் நெஹ்ரா மற்றும் கபில் பண்டிட் ஆகியோர் கைது செய்யப்பட்டனர். இதில் கபில் இந்தியா-பாகிஸ்தான் எல்லையில் கைது செய்யப்பட்டான். இவர்களிடம் விசாரணை நடத்தியதில் நடிகர் சல்மான் கானை இரண்டு முறை கொலை செய்ய முயன்றது தெரிய வந்துள்ளது. ராஜஸ்தானில் அபூர்வ வகை மானை வேட்டையாடிதற்காக, சித்து மூஸ்வாலா படுகொலைக்கு முக்கிய காரணமாக இருந்த லாரன்ஸ் பிஸ்னோய், நடிகர் சல்மான் கானை கொலை செய்ய திட்டமிட்டு இருந்தான். இதற்காக தனது அடியாட்களையும் நியமித்திருந்தான். சல்மான் கான் சித்து மூஸ்வாலா படுகொலை சம்பவத்திற்கு பிறகு சல்மான் கானுக்கு கொலை மிரட்டல் கடிதத்தையும் லாரன்ஸ் கூட்டாளிகள் அனுப்பி வைத்தனர். சல்மான் கான் தந்தை சலீம் கான் தினமும் மும்பை பாந்த்ராவில் கடற்கரைக்கு நடைபயிற்சியாக வருவது வழக்கம். இதனை தினமும் நோட்டமிட்டு அவர் வழக்கமாக அமரும் இடத்தில் கொலை மிரட்டல் கடிதத்தை லாரன்ஸ் கூட்டாளிகள் வைத்து சென்றனர். இந்த நிலையில் தான், கைது செய்யப்பட்டு இருக்கும் லாரன்ஸ் கூட்டாளிகளிடம் விசாரணை நடத்தியதில் பல அதிர்ச்சி தகவல்கள் கிடைத்துள்ளது. லாரன்ஸ் கூட்டாளிகள் இந்த ஆண்டின் தொடக்கத்தில் சல்மான் கானை கொலை செய்ய மும்பை அருகில் உள்ள பன்வெலில் வாடகைக்கு வீடு எடுத்து தங்கி இருந்துள்ளனர். சல்மான் கானுக்கு பன்வெலில் பண்ணை வீடு இருக்கிறது. அடிக்கடி சல்மான் கான் பண்ணை வீட்டிற்கு வருவது வழக்கம். அப்படி வரும் போது வழியில் மடக்கி சித்து மூஸ்வாலாவை கொலை செய்தது போல் கொலை செய்ய திட்டமிட்டு இருந்தது தெரிய வந்துள்ளது. லாரன்ஸ் கூட்டாளிகள் கபில் பண்டிட், சந்தோஷ் ஜாதவ், சச்சின் பிஸ்னோய் ஆகியோர் சல்மான் கான் பண்ணை வீட்டிற்கு செல்லும் ரோட்டில் வாடகைக்கு வீடு எடுத்து ஒரு மாதத்திற்கும் மேல் தங்கி இருந்து சல்மான் கானின் நடவடிக்கையை தீவிரமாக கண்காணித்து வந்துள்ளனர். காரை ஓட்டி விபத்தை ஏற்படுத்திய சம்பவத்திற்கு பிறகு சல்மான் கான் காரை மிதமான வேகத்தில் தான் ஓட்டுவார் என்பதைக்கூட தெரிந்து வைத்திருந்தனர். அதோடு பண்ணை வீட்டிற்கு செல்லும் சாலையில் எங்கெல்லாம் குண்டு குழிகள் இருக்கிறது என்பதைகூட நோட்டமிட்டு வைத்திருந்தனர். அச்சாலையில் கார் வெறும் 25 கிலோமீட்டர் தூரத்தில்தான் செல்ல முடியும் என்பதையும் தெரிந்து வைத்திருந்தனர்.சித்து மூஸ்வாலா அவர்கள் சல்மான் கானை தாக்க சிறிய ஆயுதங்கள் தங்களுடன் வைத்திருந்தனர். சல்மான் கான் எப்போதெல்லாம் பண்ணை வீட்டிற்கு வருவார் என்பதை தெரிந்து கொள்ள சல்மான் கான் பண்ணை வீட்டு வாட்ச்மெனுடனும் லாரன்ஸ் கூட்டாளிகள் நட்பை ஏற்படுத்தி இருந்தனர். இரண்டு முறை கொலை முயற்சி பண்ணை வீட்டிற்கு செல்லும் போது சல்மான் கானுடன் அவரின் பாதுகாவலர் ஷெரா என்பவர் மட்டுமே இருப்பார் என்பதால் எளிதில் கொலை செய்துவிட முடியும் என்றும் கொலையாளிகள் கணித்து வைத்திருந்தனர். கடந்த ஏப்ரல் மாதம் சல்மான் கான் இரண்டு முறை பண்ணை வீட்டிற்கு வந்தார். அப்போது கொலை செய்ய முயன்றனர். ஆனால் இரண்டு முறையும் சல்மான் கான் தப்பிட்டதாக கைது செய்யப்பட்டவர்கள் தெரிவித்துள்ளனர். முதல் முயற்சி தோல்வி அடைந்துவிட்டதால் அவர்களிடம் மாற்று திட்டமும் இருந்தது விசாரணையில் தெரிய வந்துள்ளது. சித்து மூஸ்வாலாவை கொலை செய்யும் முன்பாக சல்மான் கானை கொலை செய்ய திட்டமிட்டு இருந்தனர். இதற்காக திகார் சிறையில் திட்டம் தீட்டப்பட்டது. கனடாவில் இருக்கும் கோல்டி பிரர் தான் கபில் பண்டிட்டை இத்திட்டத்தை நிறைவேற்ற தேர்வு செய்து அனுப்பி வைத்தான் என்ற தகவல்களும் விசாரணையில் வெளியாகியுள்ளது.
http://dlvr.it/SYQ5n5

Read More

72 மணிநேரத்தில் 3 கொலைகள்; சீரியல் கில்லரால் அச்சத்தில் ஜெயில் கைதிகள்!

`சீரியல் கில்லர்' என்ற வார்த்தையை சினிமாக்களில் அடிக்கடி கேட்டிருப்போம். சினிமாவில் இப்படி சீரியல் கொலைகள் நடப்பதால் நிஜத்திலும் இப்படி நடக்கிறதா? இல்லை நிஜத்தில் நடப்பதுதான் சினிமாவிலும் பிரதிபலிக்கிறதா என்பது வாக்குவாதத்துக்குரிய தனியொரு தலைப்புதான். மேலும் இதில் ஈடுபடுபவர்கள், உளவியல் ரீதியாகப் பாதிக்கப்பட்டதால்தான் இதுபோன்ற கொலைகளைச் செய்கிறார்கள் எனக் கூறப்பட்டாலும், கொலை என்பது குற்றம்தான்.கொலை அந்த வரிசையில், மத்தியப் பிரதேசத்தில் நிஜத்தில் தொடர்ச்சியாக 4 பாதுகாப்பு காவலர்களைக் கொலைசெய்த சிவபிரசாத் துர்வே என்ற நபரைக் கடந்த செப்டம்பர் 2-ம் தேதியன்று போலீஸ் கைதுசெய்திருக்கிறது. மேலும் இந்த 4 கொலைகளில், முதல் மூன்று கொலைகளை 72 மணிநேரங்களில் செய்த சிவபிரசாத், போலீஸ் தன்னை கைதுசெய்வதற்கு சில மணிநேரங்களுக்கு முன்னர்தான் போபாலில் நான்காவது கொலையையும் செய்திருக்கிறார். மேலும் கைதுசெய்யப்பட்ட சிவபிரசாத், சாகர் மத்திய சிறையில் அடைக்கப்பதிலிருந்து, அங்குள்ள சிறைக்கைதிகள் அச்சத்தில் இருப்பதாகக் கூறப்படுகிறது.சீரியல் கில்லர் கைது இந்த நிலையில் கொலையாளி சிவபிரசாத் பற்றி ஊடகத்திடம் பேசிய சிறை கண்காணிப்பாளர் பாங்க்ரே, ``குற்றம் செய்ததற்கான அவரின் உள்ளுணர்வைப் பார்த்ததால், சீரியல் கில்லரை மற்ற கைதிகளுடன் வைக்கவில்லை. அவர் தனிமைப்படுத்தப்பட்ட அறையில் அடைக்கப்பட்திருக்கிறார். அவர்மீது நான்கு சீரியல் கொலைகள் உட்பட ஆறு வழக்குகள் பதிவு செய்யப்பட்டிருக்கின்றன.சிறை அதுமட்டுமல்லாமல், கிடைக்கக்கூடிய எந்தவொரு பொருளையும் ஆயுதமாகப் பயன்படுத்தும் திறனுடையவராகக் கருதப்படுவதால், அவருடன் எந்தப் பாத்திரங்களையும் வைத்திருக்க அனுமதிக்கப்படுவதில்லை. இருப்பினும், செப்டம்பர் 6-ம் தேதி அவர் சிறையில் அடைக்கப்பட்டதிலிருந்து, அவரின் நடத்தை சாதாரணமாகத்தான் இருக்கிறது. மேலும் அவரை சீர்திருத்துவதற்காக அவருக்கு மத மற்றும் கல்வி புத்தகங்களை நாங்கள் வழங்கியிருக்கிறோம். அதோடு, அவரின் குடும்பத்திலிருந்து யாரும் அவரை சிறையில் சந்திக்கவில்லை" எனத் தெரிவித்தார்.கே.ஜி.எஃப் இன்ஸ்பிரேஷன்; செக்யூரிட்டிகள் டார்கெட்; சீரியல் கில்லர் `ஸ்டோன் மேன்’ சிக்கியது எப்படி?
http://dlvr.it/SYP1T2

Read More