மும்பை: ரூ.40 லட்சத்தை பேய் திருடியதா? - பயத்தில் ரூ.3.75 கோடி வீட்டை ரூ1.5 கோடிக்கு விற்க முயற்சி!

மும்பை பைகுலாவில் வசிப்பவர் அப்துல் கதார். இவரது வீட்டில் கடந்த ஓராண்டாக அடிக்கடி தங்க நகைகள் காணாமல்போய்க்கொண்டிருந்தன. அவற்றைப் பேய்தான் திருடிச்செல்வதாக வீட்டில் இருந்தவர்கள் நம்பினர். வீட்டை யாரும் பூட்டிச் செல்லாத நிலையில் தங்க நகைகள் திருட்டுப்போயிருக்க வாய்ப்பு இல்லை என்பதால் பேய்தான் திருடியிருக்க வேண்டும் என்று நம்பினர். இதனால் தங்க நகைகள் காணாமல்போனது குறித்து போலீஸில் புகார் செய்யவில்லை. ஆனால், திடீரென வீட்டிலிருந்த ரூ.10 லட்சம் பணத்தைக் காணவில்லை. உடனே பேய் பணத்தை எப்படித் திருடும் என்று நினைத்து இது தொடர்பாக போலீஸில் புகார் செய்தனர். போலீஸார் இது குறித்து வழக்கு பதிவுசெய்தனர்.அப்பாஸ் அப்துல் தனது புகாரில் பணம் காணாமல்போனதை மட்டுமே குறிப்பிட்டிருந்தார். ஆனால், போலீஸார் விசாரணை நடத்தியபோதுதான் வீட்டில் அடிக்கடி தங்க நகைகள் காணாமல்போனதாகவும் தெரிவித்தனர். உடனே ஏன் அது குறித்து போலீஸில் புகார் செய்யவில்லை என்று கேட்டதற்கு, அவற்றைப் பேய் திருடிச் சென்றிருக்கும் என்று நினைத்து போலீஸில் புகார் செய்யவில்லை என்று தெரிவித்திருக்கிறார். அவர்களிடம் மேற்கொண்டு விசாரித்ததில் வீட்டில் பேய் இருக்கிறது என்ற பயத்தில் ரூ.3.75 கோடி மதிப்புள்ள வீட்டை வெறும் 1.5 கோடிக்கு விற்பனை செய்ய முடிவுசெய்து ஆட்களை தேடிக்கொண்டிருந்ததும் தெரியவந்தது. அடிக்கடி தங்க நகைகள் திருடு போய் வந்ததால் வீட்டிலிருப்பவர்கள்தான் திருடியிருக்க வேண்டும் என்று போலீஸார் முடிவுக்கு வந்தனர். இது குறித்து இந்த வழக்கை விசாரிக்கும் போலீஸ் அதிகாரி சுஹாஸ் மானே, ``தங்க ஆபரணங்கள் அடிக்கடி திருட்டு போய் வந்தது குறித்து தெரிந்தவுடன் வீட்டுக்கு அடிக்கடி வந்து செல்பவர்கள்தான் இந்தத் திருட்டில் ஈடுபட்டிருக்க வேண்டும் என்று நினைத்தோம். அடிக்கடி யாரெல்லாம் வீட்டுக்கு வருவார்கள் என்று விசாரித்தபோது அப்துல் உறவினர் உசேன் பத்ராவாலா அடிக்கடி வந்து சென்றது தெரியவந்தது. சூரத்தைச் சேர்ந்த உசேன் தன் 13 வயது சகோதரியுடன் அடிக்கடி வந்து சென்றிருக்கிறார். உடனே அவரைப் பிடித்து விசாரித்தபோது அவர் திருட்டில் ஈடுபட்டிருந்தது தெரியவந்தது. அவரிடமிருந்து ரூ.10 லட்சம் பணம் மற்றும் 30 லட்சம் மதிப்பிலான தங்க ஆபரணங்கள் பறிமுதல் செய்யப்பட்டிருக்கின்றன. தன் சகோதரியை அனுப்பி அடிக்கடி உசேன் திருடிவந்தது தெரியவந்திருக்கிறது.பறிமுதல் செய்யப்பட்ட தங்கம், பணம் 13 வயது மைனர் சிறுமியை எச்சரித்து விட்டுவிட்டோம். ஆனால் உசேனும், அவர் நண்பர் அப்பாஸ் அத்தாரியும் கைதுசெய்யப்பட்டிருக்கின்றனர். மூட நம்பிக்கையில் நம்பிக்கை வைக்காதீர்கள் என்று கவுன்சலிங் கொடுத்திருக்கிறோம்" என்று தெரிவித்தார். உசேனிடமிருந்து பறிமுதல் செய்யப்பட்ட தங்கம் மற்றும் பணம் அப்துல் குடும்பத்திடம் ஒப்படைக்கப்பட்டது. போலீஸார் இந்தத் திருட்டைக் கண்டுபிடித்திருப்பதால் அப்துல் தனது வீட்டைப் பாதி விலைக்கு விற்பனை செய்வதிலிருந்து தப்பித்திருக்கிறார். ஓராண்டாகத் திட்டம் தீட்டி வங்கியில் ரூ.12 கோடி கொள்ளை; அடையாளத்தை மாற்றி தலைமறைவாக வாழ்ந்தவர் கைது!
http://dlvr.it/Sb0FWX

Read More

மனைவியைக் கொலைசெய்ய பிளான் போட்ட கணவன்! - `மின்' பொறியில் சிக்கி பலியான மாமியார்

மத்தியப் பிரதேச மாநிலம், பெதுல் மாவட்டம், சாய்கேடா கிராமத்தில் ஒரு தம்பதியினர் வசித்து வந்தனர். மது பழக்கத்துக்கு அடிமையான கணவரால், வீட்டில் தினமும் தகராறு ஏற்பட்டு வந்திருக்கிறது. தொடர் சண்டைகளால் அண்மையில் கணவன் வீட்டிலிருந்து வெளியேறிய மனைவி, தன் அம்மா வீட்டுக்குச் சென்றிருக்கிறார். மனைவி வீட்டைவிட்டு வெளியேறியதால் ஆத்திரமடைந்த நபர், அவரைக் கொலைசெய்ய திட்டமிட்டிருக்கிறார். உடனே புறப்பட்டு தன் மனைவி வசிக்கும் மாமனாரின் வீட்டுக்குச் சென்றிருக்கிறார். அங்கு யாரும் இல்லாத நேரத்தில், வீட்டின் நுழைவாயிலில் இருக்கும் இரும்பு கேட்டில் மின்சாரத்தைப் பாயவிட்டிருக்கிறார். அதை தன் மனைவி தொட்ட நொடியில் இறந்துவிடுவார் என நினைத்தபடி காத்திருந்திருக்கிறார். ஆனால், எதிர்பாராதவிதமாக மனைவியின் தாயார் அந்த கேட்டை திறந்திருக்கிறார். அதில் மின்சாரம் தாக்கி அவர் சம்பவ இடத்திலேயே உயிரிழந்தார். காவல்துறை அதைத் தொடர்ந்து, அந்த நபர் அங்கிருந்து தப்பியோடிவிட்டார். இது தொடர்பாக தகவலறிந்து அங்கு விரைந்த போலீஸார், இறந்தவரின் உடலை மீட்டு பிரேத பரிசோதனைக்காக மருத்துவமனைக்கு அனுப்பிவைத்தனர். தொடர்ந்து வழக்கு பதிவுசெய்து தலைமறைவான கொலையாளியை தேடி வருகின்றனர்.காவல்துறை கட்டுப்பாட்டு அறைக்கு 200 வெற்று அழைப்புகள்... சிக்கிய போலி ஆர்.டி.ஐ ஆர்வலர்!
http://dlvr.it/SZx04R

Read More

உ.பி: குடிநீருக்காக இத்தனை போராட்டமா? - சகதியில் சிக்கித்தவித்த முதியவர்! - வைரலான வீடியோ

உத்தரப்பிரதேச மாநிலம், ஹமீர்பூர் மாவட்டத்திலுள்ள கென் ஆற்றங்கரையில் குடிநீர் எடுக்கச் சென்ற முதியவர் ஒருவர் அங்குள்ள சதுப்புநிலச் சகதியில் மாட்டிக்கொண்டார். அவரை அந்தக் கிராமத்தைச் சேர்ந்த மக்கள் நீண்ட நேரப் போராட்டத்துக்குப் பிறகு மீட்டிருக்கின்றனர். இது தொடர்பான வீடியோ இணையத்தில் அதிக அளவில் பகிரப்பட்டுவருகிறது. அந்த வீடியோவில், முதியவர் ஒருவர் சதுப்புநிலச் சகதியில் இடுப்பு அளவுக்குச் சிக்கிக்கொண்டு தவிக்க, ஒருவர் மரக்கொம்பை முதியவரிடம் கொடுத்து அவரை மீட்க முயல்கிறார். சகதியில் மாட்டிக்கொண்ட முதியவரின் அருகில் அவர் தண்ணீர் பிடிக்க எடுத்துவந்த குடமும் கிடக்கிறது.சகதியில் சிக்கித் தவித்த முதியவர்! அதோடு முதியவரைக் காப்பாற்றும் முயற்சியில் கிராம மக்கள் ஈடுபட்டுக்கொண்டிருக்கும்போது, அதை காவலர் ஒருவர் சிரித்துக்கொண்டே தன் மொபைலில் வீடியோ பதிவுசெய்கிறார். சுற்றி நிற்கும் மக்கள் குடிநீர்ப் பிரச்னைக் குறித்து தங்கள் அதிருப்தியை தெரிவிக்கின்றனர்... இப்படியாக அந்த வீடியோ முடிகிறது. பின்னர் அந்த முதியவர் பத்திரமாக மீட்கப்பட்டார். அவரைப்போலவே அந்த ஆற்றின் சகதியில் மற்றொருவரும் சிக்கி, பின்னர் மக்களால் மீட்கப்பட்டார். ``உள்ளூரில் தண்ணீர்க் குழாய்களில் வரும் நீர் உப்பாக இருப்பதால், அதைக் குடிநீராகப் பயன்படுத்த இயலாது. எனவே, கிராமத்தில் அனைவரும் இந்த ஆற்றுத்தண்ணீரையே குடிநீராகப் பயன்படுத்திவருகிறோம். மாநிலத்தின் ஜல் சக்தி அமைச்சர் `Namami Gange' திட்டத்துக்காக சமீபத்தில் ஹமீர்பூர் வந்தார். அப்போது எல்லோருக்கும் விரைவில் குழாயில் குடிநீர் கிடைக்கும்படி நடவடிக்கை எடுப்பதாக உறுதி அளித்தார். அது எப்போது நிறைவேறப்போகிறது என்று தெரியவில்லை" எனப் புலம்புகிறார்கள் பகுதி மக்கள். உ.பி: சிறார் வதையால் சிறுமி கர்ப்பம்; திருமணம் செய்து வைப்பதாக அழைத்துச் சென்று தீ வைத்த கொடூரம்!
http://dlvr.it/SZsgBJ

Read More

மும்பை வந்த ஆப்பிள் கன்டெய்னரில் ரூ.500 கோடி மதிப்பிலான போதைப்பொருள் - தொடரும் கடத்தல்கள்!

கடந்த சில நாள்களாக இந்தியாவிற்குள் போதைப்பொருள் வெளிநாட்டில் இருந்து கடத்தி வரப்படுவது அதிகரித்துள்ளது. இரண்டு நாள்களுக்கு முன்புதான் பாகிஸ்தானில் இருந்து கேரளாவிற்கு கடத்தி வரப்பட்ட ரூ.1200 கோடி மதிப்பிலான போதைப்பொருள் பறிமுதல் செய்யப்பட்டது. குஜராத் கடற்கரையிலும் இரண்டு நாள்களுக்கு முன்பு ரூ.350 கோடி மதிப்பு போதைப்பொருள் பறிமுதல் செய்யப்பட்டது. மும்பை விமான நிலையத்தில் சமீப காலமாக அடிக்கடி போதைப்பொருள் பறிமுதல் செய்யப்பட்டு வருகிறது. இந்த போதைப்பொருள்கள் ஆப்கான், ஈரான், தென்னாப்பிரிக்கா, பாகிஸ்தானில் இருந்து கடத்தி வரப்படுகிறது. இந்தியாவில் போதைப்பொருளின் தேவை அதிகரித்து இருப்பதையே இது காட்டுகிறது என்கிறார்கள். தற்போது ஆப்பிள் கன்டெய்னரில் போதைப்பொருள் கடத்தி கொண்டு வரப்பட்டுள்ளது கண்டுபிடிக்கப்பட்டுள்ளது. மும்பை அருகில் உள்ள ஜெஎன்பிடி துறைமுகத்திற்கு கன் டெய்னரில் போதைப்பொருள் கடத்தி வரப்படுவதாக வருவாய் புலனாய்வுத்துறை அதிகாரிகளுக்கு கடந்த 5-ம் தேதி ரகசிய தகவல் கிடைத்தது. குஜராத்தில் பிடிபட்ட ரூ.350 போதைப்பொருள் இதையடுத்து அதிகாரிகள் துறைமுகத்தில் சோதனை செய்து சந்தேகத்திற்கு இடமான கன்டெய்னரை கண்டுபிடித்தனர். அதனை திறந்து பார்த்தபோது உள்ளே பச்சை ஆப்பிள் இருந்தது. ஆனால் ஆப்பிளின் மத்தியில் தனி அறை போன்ற அமைப்பை ஏற்படுத்தி, அதில் கொகைன் போதைப்பொருள் பவுடர் இருந்தது கண்டுபிடிக்கப்பட்டது. மொத்தம் 50.2 கிலோ போதைப்பொருள் இருந்தது. அவற்றின் சர்வதேச மதிப்பு ரூ.502 கோடியாகும். இந்த கண்டெய்னரை யெம்மிடோ இண்டர்நேசனல் புட்ஸ் என்ற நிறுவனத்தின் நிர்வாக இயக்குநர் விபின் வர்கீஸ் இறக்குமதி செய்திருந்தார். ஏற்கனவே ஆரஞ்ச் பழ பெட்டிகளில் போதைப்பொருளை கடத்தியதாக வர்கீஸ் கைது செய்யப்பட்டு இருந்தார். தற்போது ஆப்பிள் கன்டெய்னரில் போதைப்பொருள் கடத்தியதாக மீண்டும் கைது செய்யப்பட்டுள்ளார். ஆப்பிள் கன்டெய்னருக்கு கடந்த செப்டம்பர் மாதம் தனது நண்பர் மன்சூர் மூலம் வர்கீஸ் ஆர்டர் செய்திருந்தார். கடந்த செப்டம்பர் மாதம் நவிமும்பை வாஷியில் லாரி ஒன்றை மறித்து சோதனை செய்த போது ரூ.1,426 கோடி மதிப்பிலான போதைப்பொருள் ஆரஞ்ச் பழ பெட்டியில் மறைத்து வைத்திருந்தது கண்டுபிடிக்கப்பட்டு பறிமுதல் செய்யப்பட்டது. அவை தென்னாப்பிரிக்காவில் இருந்து கடத்தி கொண்டு வரப்பட்டது விசாரணையில் தெரிய வந்தது. வெளிநாட்டு பிரஜைகள் போதைப்பொருளை மாத்திரை வடிவத்தில் வயிற்றுக்குள் மறைத்து இந்தியாவிற்குள் கொண்டு வருகின்றனர். தற்போது கப்பலில் பழங்களில் போதைப்பொருள் கடத்திக்கொண்டு வரப்படும் நிகழ்வுகளும் தொடங்கி இருக்கிறது.
http://dlvr.it/SZpVvf

Read More

மாநிலத்தில் ஊபர், ஓலா, ரேபிடோ ஆட்டோ சேவையை நிறுத்தச் சொன்ன கர்நாடக அரசு! - காரணம் என்ன?

கர்நாடகாவில் ஊபர், ஓலா, ரேபிடோ ஆட்டோ சேவையை மூன்று நாள்களில் முழுமையாக நிறுத்துமாறு மாநில போக்குவரத்துத்துறை உத்தரவு பிறப்பித்திருக்கிறது. மேலும், இது தொடர்பாக அறிக்கை தாக்கல் செய்யவும் சம்பந்தப்பட்ட நிறுவனங்களுக்கு அரசு உத்தரவு பிறப்பித்திருக்கிறது. இது தொடர்பாக குறிப்பிட்ட நிறுவனங்களுக்கு மாநில போக்குவரத்துதுறை அறிக்கை நோட்டீஸ் அனுப்பியிருக்கிறது. அதில், ``அதிகமாக கட்டணம் வசூலிக்கப்பட்டதாக வந்த புகார்களை அடுத்து கர்நாடக போக்குவரத்துத் துறை இந்த நடவடிக்கையை எடுத்திருக்கிறது. ஓலா, ஊபர், ரேபிடோ நிறுவனங்களில் இணைக்கப்பட்டு மாநிலத்தில் ஓடும் ஆட்டோக்களின் சேவையை மூன்று நாள்களில் முழுமையாக நிறுத்த வேண்டும்.ஓலா ஆட்டோ பயணிகள், 2 கிலோமீட்டர் மட்டுமே தொலைவு கொண்ட பயணத்துக்கு 100 ரூபாய் செலுத்த வேண்டியிருப்பதாகப் புகார் அளிக்கின்றனர். எனவே, ஆட்டோ சேவையை நிறுத்துவதுடன் டாக்ஸி உள்ளிட்ட சேவைகளுக்கு அரசு நிர்ணயித்ததைவிட அதிகமான கட்டணம் வசூலிக்கப்படக் கூடாது. இந்த உத்தரவை மீறினால் சட்டப்படி நடவடிக்கை எடுக்கப்படும்'' எனத் தெரிவிக்கப்பட்டிருக்கிறது. "சிங்கிள் சார்ஜில் 200 கி.மீ ஓட்டினால்... ஓலா ஸ்கூட்டர் பரிசு! - ஓலா தொழிற்சாலைக்கு நேரடி விசிட்!
http://dlvr.it/SZmC0w

Read More

`மஸார்' வடிவில் மேடை... தேசிய கீதம் பாடவிடாமல் மாணவர்களை தடுத்ததாக பள்ளி முதல்வர் பணியிடைநீக்கம்!

மத்தியப் பிரதேச மாநிலத்தில் பள்ளியொன்றில், சட்டவிரோதமாக மஸார்(Mazar) போன்ற வடிவில் மேடை அமைக்கப்பட்டதாக, பள்ளியின் முதல்வர் இடைநீக்கம் செய்யப்பட்ட சம்பவம் பேசுபொருளாகியிருக்கிறது. மஸார் என்பது முஸ்லிம் கல்லறை என்று பொருள்படுவதாகக் கூறப்படுகிறது. இந்த நிலையில், மத்தியப் பிரதேச மாநிலம், விதிஷாவிலுள்ள ஒரு பள்ளியில் ஓய்வுபெற்ற ஆசிரியர் பலிராம் சாஹு என்பவர், பள்ளியின் முதல்வர் ஷைனா ஃபிர்தௌஸ்மீது அவரின் கணவரான ஓய்வுபெற்ற ஆசிரியர் பன்னே கான் சில மாதங்களுக்கு முன்பு, பள்ளி வளாகத்தில் மேடையொன்றைக் கட்டியதாக புகாரளித்திருந்தார்.பள்ளி அதைத் தொடர்ந்து பலிராம் சாஹுவின் குற்றச்சாட்டின்பேரில் இதனை விசாரிக்க வியாழன்று, தேசிய குழந்தைகள் உரிமைகள் பாதுகாப்பு ஆணையத்தின் தலைவர் பிரியங்க் கனூங்கோ பள்ளிக்கு வருகை தந்ததையடுத்து, பள்ளியின் முதல்வர் ஷைனா ஃபிர்தௌஸுக்கு பணியிடை நீக்கம் உத்தரவு பிறப்பிக்கப்பட்டிருக்கிறது. மேலும், பள்ளியில் கடுமையான முறைகேடுகளைக் கண்டறிந்திருப்பதாகவும், இது குறித்து முழுமையான விசாரணை நடத்தப்பட வேண்டும் என்றும் பிரியங்க் கனூங்கோ தெரிவித்திருக்கிறார். இதுமட்டுமல்லாமல் ஷைனா ஃபிர்தௌஸ் இதற்குமுன், சரஸ்வதி சிலையை வளாகத்தில் அனுமதிக்க மறுத்ததாகவும், தேசிய கீதம் மற்றும் பாடலை பாட விடாமல் மாணவர்களைத் தடுத்ததாகவும் கூறப்படுகிறது. இந்த குற்றச்சாட்டை மறுத்த ஷைனா ஃபிர்தௌஸ், ஒரு சில ஆசிரியர்கள் இதில் சதி செய்ததாகவும், உள்ளூர் மக்களும், மாணவர்களும் தனக்கு ஆதரவாக இருப்பதாகவும் கூறியிருக்கிறார்.மத்தியப் பிரதேச கல்வி அமைச்சர் இந்தர் சிங் பர்மர் பின்னர் சம்பவம் குறித்துப் பேசிய மத்தியப் பிரதேச கல்வி அமைச்சர் இந்தர் சிங் பர்மர், ``முதலில், வளாகத்தில் ஏதேனும் கட்டுமானம் இருந்தால், அதற்கு நிறுவனத்தின் தலைவர் மற்றும் முதல்வர் அல்லது பொறுப்பு முதல்வர்தான் பொறுப்பேற்க வேண்டும். எனவேதான் நாங்கள் அவரை பணியிடை நீக்கம் செய்திருக்கிறோம். முதற்கட்ட விசாரணையின்படி, மஸார் போன்ற அமைப்புடன் கூடிய மேடை இருக்கிறது. ஆனால், அது முற்றிலுமாக மஸார் போல இல்லை. இருப்பினும், வளாகத்தில் அதை வைத்திருக்க வேண்டிய அவசியம் இல்லை" எனக் கூறினார்.ஒழுங்கீனம்... பாலியல் அத்துமீறல்... பாதுகாப்பின்மை... அரசுப் பள்ளி மாணவிகள் விடுதி அவலம்!
http://dlvr.it/SZjwwP

Read More

`பி.எஃப்.ஐ அமைப்புடன் 873 போலீஸாருக்குத் தொடர்பா?’ - திட்டவட்டமாக மறுக்கும் கேரள போலீஸ்

பாப்புலர் ஃப்ரன்ட் ஆஃப் இந்தியா என்ற பி.எஃப்.ஐ அமைப்பின் அலுவலகங்கள் மற்றும் நிர்வாகிகளின் வீடுகளில் நடந்த என்.ஐ.ஏ சோதனையைத் தொடர்ந்து அந்த அமைப்புக்குத் தடைவிதிக்கப்பட்டது. நாட்டுக்கு எதிராக பயங்கவாத அமைப்புக்கு நிதி கைமாறியதாக பி.எஃப்.ஐ அமைப்பு மீது குற்றச்சாட்டு எழுந்ததுதுடன் என்.ஐ.ஏ சோதனையில் அதற்கான ஆதாரங்கள் சிக்கியதாகக் கூறப்படுகிறது. இதைத் தொடர்ந்து நாடு முழுவதும் பி.எஃப்.ஐ அலுவலகங்கள் சீல் வைக்கப்பட்டுவருகின்றன. பி.எஃப்.ஐ அமைப்பு கேரள மாநிலத்தில் தொடங்கப்பட்டது என்பதால் என்.ஐ.ஏ அமைப்பு அந்த மாநிலத்தில் தொடர்ந்து தகவல்களைத் திரட்டிவருகிறது. துறைமுகத்துறை அமைச்சர் அஹமத் தேவர் கோவிலுக்கும் (Ahamed Devarkovil) பி.எஃப்.ஐ அமைப்புக்கும் தொடர்பு இருப்பதாக பா.ஜ.க மாநிலத் தலைவர் கே.சுரேந்திரன் குற்றம்சாட்டியிருந்தார். இதற்கிடையில், பி.எஃப்.ஐ அமைப்புடன் கேரள மாநில காவல்துறையில் 873 போலீஸாருக்குத் தொடர்பு இருப்பதாக என்.ஐ.ஏ பட்டியலிட்டிருப்பதாகத் தகவல் வெளியானது.கேரள டிஜிபி அனில் காந்த் இந்த நிலையில், கேரள போலீஸ் உயரதிகாரிகள் இந்தத் தகவலைத் திட்டவட்டமாக மறுத்திருக்கின்றனர். போலீஸாருக்கும், பி.எஃப்.ஐ அமைப்பைச் சேர்ந்தவர்களுக்கும் எந்தவிதத் தொடர்பும் இல்லை எனவும், சில ஊடகங்களில் தவறான தகவலின் அடிப்படையில் செய்தி வெளியிடப்பட்டிருப்பதாகவும் தற்போது போலீஸ் தரப்பிலிருந்து தகவல் வெளியாகியிருக்கிறது.
http://dlvr.it/SZgYwg

Read More