குண்டர் சட்டத்தில் கைதான பாஜக பிரமுகருக்கு மலர் தூவி வரவேற்பு; வலுக்கும் கண்டனம்! - வைரலாகும் வீடியோ

உத்தரப்பிரதேச மாநிலம், நொய்டாவில் பா.ஜ.க பிரமுகரான ஸ்ரீகாந்த் தியாகி என்பவர், ஒரு பெண்ணிடம் தவறாக நடந்துகொண்டு அந்தப் பெண்ணைத் தாக்கியதற்காக, குண்டர் சட்டத்தில் கைதுசெய்யப்பட்டார். இந்த வழக்கு அலகாபாத் உயர் நீதிமன்றத்தில் விசாரணைக்கு வந்தது. வழக்கில் ஸ்ரீகாந்த் தியாகி தரப்பு வக்கீல், ``காவல்துறை போட்டியின் காரணமாக, ஸ்ரீகாந்த் தியாகி தவறாகச் சிக்கவைக்கப்பட்டார்" என்று வாதிட்டார். இதை ஏற்றுக்கொண்ட நீதிபதி சுரேந்திர சிங் கடந்த இரண்டு நாள்களுக்கு முன்பு அவருக்கு ஜாமீன் வழங்கினார்.பா.ஜ.க பிரமுகர் ஸ்ரீகாந்த் தியாகி ஜாமீனில் வெளிவந்த பா.ஜ.க பிரமுகருக்கு மாலை அணிவித்து, பூக்கள் தூவி அமோக வரவேற்பு அளிக்கப்பட்டது. இது தொடர்பான வீடியோ காட்சிகள் சமூக வலைதளங்களில் வேகமாகப் பகிரப்பட்டுவருகின்றன. இது குறித்துப் பேசிய ஸ்ரீகாந்த் தியாகி, "இந்த வழக்கு தொடர்பாக வேறு எந்தவொரு பெரிய நடவடிக்கையும் எடுப்பதற்கு முன்பு என்னுடைய ஆதரவாளர்களைச் சந்தித்துப் பேசுவேன். மக்கள் எனக்கும், என்னுடைய குடும்பத்தினருக்கும் ஆதரவாக நின்றிருக்கின்றனர். அவர்களுக்கு என்னுடைய நன்றியைத் தெரிவித்துக்கொள்கிறேன். அலகாபாத் உயர் நீதிமன்றம் எனக்கு ஜாமீன் வழங்கியிருக்கிறது. மேலும், நீதிமன்றத்தின் தீர்ப்பு எல்லாவற்றுக்கும் மேலானது" எனத் தெரிவித்திருக்கிறார். #ShrikantTyagi who was arrested in August for assaulting woman in Noida, released from jail today. pic.twitter.com/dJ7AfJj0MT— Surender Gumber (@surendergumber) October 20, 2022 அதே சமயம், ஸ்ரீகாந்த் தியாகி பூக்கள் தூவி வரவேற்கப்பட்டதற்கு சமூக வலைதளங்களில் கண்டனங்களும் வலுத்துவருகின்றன. இந்த வீடியோவுக்குக் கருத்து தெரிவித்த சிலர், ``பாதிக்கப்பட்ட பெண்ணின் நிலை என்னவாகுமோ?" என அச்சம் தெரிவித்துவருகின்றனர். இதற்கு முன்னர், ஶ்ரீகாந்த் தியாகிக்கு தாக்குதல், போலியான ஆவணங்களைத் தயாரித்தல் உள்ளிட்ட குற்றங்களில் நீதிமன்றம் ஜாமீன் வழங்கியிருந்தது குறிப்பிடத்தக்கது.பில்கிஸ் பானோ: `பாலியல் குற்றவாளிகளை ஹீரோக்கள்போல நடத்துகிறது!' - பாஜக-வைச் சாடும் எதிர்க்கட்சிகள்
http://dlvr.it/SbWNYS

Read More

பெங்களூர்: காவல்துறை அதிகாரிக்கே அபராதம் விதித்த காவலர் - ஏன் தெரியுமா?!

போக்குவரத்து விதியின்படி இருசக்கர வாகனத்தில் செல்லும் அனைவரும் கட்டாயமாக ஹெல்மெட் அணிந்து செல்ல வேண்டும். அந்த வகையில், சாலை போக்குவரத்து விதிகளை முறையாக பின்பற்றவில்லை என்றால் அபராதம் விதிக்கப்படுகிறது. இந்தநிலையில், முறையான ஹெல்மெட் அணியவில்லை எனக்கூறி ஒரு காவலருக்கு அபராதம் விதிக்கப்பட்டிருக்கிற சம்பவம் சமூக வலைதளங்களில் வேகமாக பரவி வருகிறது. பெங்களூர் ஆர்.டி.நகரில் காவலர் ஒருவர், இருசக்கர வாகனத்துக்கு அணிய வேண்டிய ஹெல்மெட் அணியாமல், வேறு வகையான ஹெல்மெட் அணிந்து வந்திருக்கிறார். அப்போது வாகன பரிசோதனையில் ஈடுபட்டிருந்த போக்குவரத்துக் காவலர் இதை கவனித்து அந்த காவலரை தடுத்து நிறுத்தியுள்ளனர். Good evening sir half helmet case booked against police Tq pic.twitter.com/Xsx5UA40OY— R T NAGAR TRAFFIC BTP (@rtnagartraffic) October 17, 2022 மேலும், அவர் முறையான ஹெல்மெட் அணியவில்லை என அந்த காவலருக்கு அபராதம் விதித்திருக்கிறார். அதைத் தொடர்ந்து, இது தொடர்பான புகைப்படத்தை ஆர்.டி நகர் போக்குவரத்து காவல்துறை தனது ட்விட்டர் பக்கத்தில் பகிர்ந்து,"குட் ஈவினிங். முறையான ஹெல்மெட் அணியாத காவலர் மீது வழக்கு பதிவு செய்யப்பட்டுள்ளது," எனப் பதிவிட்டிருக்கிறது. இந்தப் படம் சமூக வலைதளங்களில் கலவையான விமர்சனங்களை பெற்றுவருகிறது. சிலர் காவல்துறையை பாராட்டியும், சிலர் இது விளம்பரத்துக்காக எடுக்கப்பட்ட படம்'' என விமர்சித்தும் வருகின்றனர்.நொய்டா: மதுபோதை; குடியிருப்பு காவலர்களை தாக்கிய 3 இளம்பெண்கள் - வெளியான வீடியோ; காவல்துறை நடவடிக்கை
http://dlvr.it/SbSND2

Read More

இளம்பெண் ஆசிரியை பாலியல் வன்கொடுமை வழக்கு; காங்கிரஸ் எம்எல்ஏ-வுக்கு 11 கடும் நிபந்தனைகளுடன் ஜாமீன்!

கேரள மாநிலம், திருவனந்தபுரம் பேட்டையைச் சேர்ந்த ஒரு பள்ளி ஆசிரியையான இளம்பெண் கோவளம் காவல் நிலையத்தில் கடந்த மாதம் 29-ம் தேதி ஒரு புகார் அளித்தார். அந்த புகாரில், "பெரும்பாவூர் தொகுதி காங்கிரஸ் எம்.எல்.ஏ எல்தோஸ் குந்நப்பிள்ளில் என்னிடம் நெருக்கமாக பழகினார். பின்னர் பல இடங்களுக்கும் என்னை அழைத்துச் சென்று அவரது கழுத்தில் கிடந்த செயினை அணிவித்து `உன்னை கைவிடமாட்டேன்' என நெருக்கமாக இருந்தார். ஆனால் இப்போது அவர் என்னை விட்டு விலகிச் செல்கிறார். ஏன் விலகிச்செல்கிறீர்கள் எனக்கேட்டதற்கு குடி போதையில் வீட்டுக்கு வந்து தகராறு செய்தார். ஒருமுறை என்னை பலவந்தமாக கோவாளம் விருந்தினர் மாளிகைக்கு அழைத்துச்சென்று தாக்கி சித்ரவதை செய்தார்" என இளம்பெண் கூறியிருந்தார். இதையடுத்து கோவளம் போலீஸார் எம்.எல்.ஏ எல்தோஸ் குந்நப்பிள்ளில் மீது பிணையில் வெளிவர முடியாத பிரிவுகளில் வழக்கு பதிவுசெய்தனர். இதையடுத்து எல்தோஸ் குந்நப்பிள்ளில் தலைமறைவாகிவிட்டார்.புகார் அளித்த இளம் பெண் இளம் ஆசிரியை கடந்த மாதம் 29-ம் தேதி எம்.எல்.ஏ மீது புகார் அளித்த பின்னரும் நடவடிக்கை எடுக்க தாமதமானதால் கோவளம் போலீஸ் இன்ஸ்பெக்டர் இடம்மாற்றம் செய்யப்பட்டார். வழக்கு பதிவுசெய்த பின் அந்த இளம்பெண்ணிடம் போலீஸார் விசாரணை நடத்தியபோது எம்.எல்.ஏ எல்தோஸ் அவரை பாலியல் வன்கொடுமை செய்ததும், கொலை மிரட்டல் விடுத்ததும் தெரியவந்தது. இதையடுத்து எல்தோஸ் மீது பாலியல் வன்கொடுமை வழக்கும், கொலை மிரட்டல் பிரிவுகளிலும் வழக்கு பதிவுசெய்யப்பட்டது. இதற்கிடையே இளம்பெண்ணுக்கு மிரட்டல்விடும் விதமாக அந்த பெண்ணின் உறவினர் ஒருவருக்கு வாட்ஸ் அப்பில் மெசேஜ் அனுப்பிய எம்.எல்.ஏ எல்தோஸ், "ஒரு குற்றமும் செய்யாத எனக்கு எதிராக சதி செய்த உனக்கும், உன் குடும்பத்துக்கும் நான் நம்பும் கர்த்தாவான இயேசு தக்க பதில்தருவார். எனக்கு நல்ல நம்பிக்கை உள்ளது. பணத்தின் மீதான உனது ஆசை தீரும்போது சுயமாக சிந்தித்துப்பார். நான் மீண்டெழுவேன், கர்த்தர் என்னுடன் உண்டு" என மெசேஜில் கூறியிருந்தார். பெரும்பாவூர் தொகுதி காங்கிரஸ் எம்.எல்.ஏ எல்தோஸ் குந்நப்பிள்ளில் மேலும், தலைமறைவாக இருந்த எம்.எல்.ஏ எல்தோஸ் திருவனந்தபுரம் கூடுதல் அமர்வு நீதிமன்றத்தில் முன்ஜாமீன் கேட்டு மனுத்தாக்கல் செய்திருந்தார். அந்த மனுவை இன்று விசாரித்த கோர்ட் 11 கடும் நிபந்தனைகளுடன் எல்தோஸுக்கு முன்ஜாமீன் வழங்கி உத்தரவிட்டுள்ளது. அதில், கேரளாவை விட்டு வெளியேறக்ககூடாது, அக்டோபர் மாதம் 22-ம் தேதிக்கும் நவம்பர் மாதம் 1-ம் தேதிக்கும் இடையில் அதிகாரிகள் முன்னிலையில் விசாரணைக்கு ஆஜராக வேண்டும். ஐந்து லட்சம் ரூபாய் பிணைத் தொகை செலுத்துவதுடன், இருவர் ஜாமீனில் கையெழுத்திட வேண்டும். செல்போன் மற்றும் பாஸ்வேட் ஆகியவற்றை கோர்ட்டில் ஒப்படைக்க வேண்டும். புகார் அளித்த பெண்ணை அச்சுறுத்தவோ, தாக்கவோ கூடாது. சமூக வலைதளங்களில் ஆவேசப் பதிவுகள் போடக்கூடாது. தேவைப்பட்டால் விசாரணை அதிகாரிகளுக்கு சமூக வலைதள கணக்குகளின் விவரங்களை அளிக்க வேண்டும் என்பது உள்ளிட்ட 11 கடும் நிபந்தனைகளுடன் எம்.எல்.ஏ எல்டோஸ் குந்நப்பிள்ளிக்கு நீதிமன்றம் முன்ஜாமீன் வழங்கியது. இது ஒருபுறம் இருக்க பாலியல் வழக்கு குறித்து எம்.எல்.ஏ எல்தோஸிடம் கேரள மாநில காங்கிரஸ் தலைமை விளக்கம் கேட்டது. அதற்கு விளக்கம் அளித்த எல்தோஸ், "பப்ளிக் ரிலேஷன் ஏஜென்சி ஊழியராகத்தான் அந்த இளம்பெண் எனக்கு அறிமுகம் ஆனார். அந்த பெண் மீது ஏற்கெனவே பல வழக்குகள் உள்ளன. என் மீது நடவடிக்கை எடுப்பதற்கு முன் கட்சி எனது தரப்பு விளக்கத்தைக் கேட்க வேண்டும்" என விளக்கம் அளித்ததுடன் அந்த இளம்பெண் மீது உள்ள வழக்குகளின் விவரங்களையும் எல்தோஸ் விளக்கத்துடன் இணைத்திருக்கிறார். எம்.எல்.ஏ-வின் விளக்கம் குறித்து மூத்த தலைவர்களுடன் ஆலோசித்து அடுத்தகட்ட நடவடிக்கை எடுக்கப்படும் என கேரள மாநில காங்கிரஸ் கட்சித் தலைவர் கே.சுதாகரன் அறிவித்துள்ளார். ` பொய் குற்றச்சாட்டு என்னை கடுமையாக பாதித்தது’ - பாலியல் புகார் அளிக்கப்பட்ட இளைஞர் தற்கொலை
http://dlvr.it/SbSMyz

Read More

ராம நவமி கலவரம்: 12 வயது சிறுவனிடம் ரூ.2.5 லட்சம் கேட்டு நோட்டீஸ்! - எதிர்க்கட்சிகள் கண்டனம்

கடந்த ஏப்ரல் 10-ம் தேதி, ராம நவமியை முன்னிட்டு நாடு முழுவதும் இந்துத்துவ அமைப்பினர் ஊர்வலங்கள் நடத்தினர். இந்த ஊர்வலத்தின்போது பல்வேறு மாநிலங்களில் இந்துக்கள்- இஸ்லாமியர்கள் இடையே மோதல் வெடித்தது. குறிப்பாக, மத்தியப் பிரதேசத்தில் கர்கோன் மாவட்டத்தில் ஏற்பட்ட வன்முறையில் ஏராளமான பொதுச் சொத்துகள் சேதமடைந்தன. இஸ்லாமியர்களின் வீடுகள், கடைகள், காவல்துறை வாகனங்கள் தீ வைத்துக் கொளுத்தப்பட்டன. இந்த வன்முறைச் சம்பவம் தொடர்பாக, சிறுவர்கள் உட்பட 100-க்கும் மேற்பட்டோர் கைதுசெய்யப்பட்டனர். அதையடுத்து, ஆக்கிரமிப்புகள் தொடர்பாக இஸ்லாமியர்களின் வீடுகள், கடைகளை பொக்லைன் இயந்திரங்களைக்கொண்டு மாநில பா.ஜ.க அரசு இடித்து அகற்றியது.வீடுகள் இடிப்பு இந்த நிலையில், 8-ம் வகுப்பு படிக்கும் 12 வயது சிறுவன், ராம நவமியின்போது தனது வீட்டின் சொத்துகளை சேதப்படுத்தியதாக பெண் ஒருவர் புகார் அளித்திருக்கிறார். அதைத் தொடர்ந்து, வன்முறையின்போது சிறுவன் சேதப்படுத்தியதாகக் கூறப்படும் சொத்துக்காக, ரூ2.9 லட்சம் அபராதம் செலுத்த அந்த சிறுவனுக்கு நோட்டீஸ் அளிக்கப்பட்டிருக்கிறது. மேலும், சிறுவனின் தந்தை, கலு கானும் ரூ.4.8 லட்சம் அபராதம் செலுத்த வேண்டும் என உரிமைகோரல் தீர்ப்பாயம் நோட்டீஸ் அனுப்பியிருக்கிறது. இந்தச் சம்பவம் தொடர்பாக அவர் குடும்பத்தினர் செய்தியாளர்களிடம், ``என் மகன் சிறுவன். கலவரம் நடந்தபோது நாங்கள் அச்சத்தால் வீட்டில் இருந்தோம். என் மகன் தூங்கிக் கொண்டிருந்தான். ஆனால், இப்போது எங்களுக்கு பெரும் தொகை கேட்டு நோட்டீஸ் அனுப்பியிருக்கிறார்கள். எங்களுக்கு நீதி வேண்டும். காவல்துறையினர் என் மகனைக் கைதுசெய்வார்களோ என்ற அச்சத்தில் அவன் நடுங்கிக்கொண்டிருக்கிறான்" எனத் தெரிவித்திருக்கிறார்.போலீஸ் மேலும், இந்த நோட்டீஸை ரத்து செய்யக் கோரி சிறுவனின் குடும்பத்தினர் மத்தியப் பிரதேச உயர் நீதிமன்றத்தின் இந்தூர் பெஞ்சில் மேல்முறையீடு செய்தனர். ஆனால் செப்டம்பர் 12-ம் தேதி, நீதிமன்றம் மனுவை தள்ளுபடி செய்து உத்தரவிட்டது. மேலும், ``ஏதேனும் ஆட்சேபனை இருந்தால் தீர்ப்பாயத்தில் மனுத்தாக்கல் செய்ய வேண்டும். அதை தீர்ப்பாயம் சட்டத்தின்படி பரிசீலித்து முடிவு செய்யும்" என்றும் தெரிவித்திருக்கிறது. இந்த வழக்கு தொடர்பாக வழக்கறிஞர் அஷ்ஹர் அலி வார்சி செய்தியாளர்களிடம், ``தீர்ப்பாயம் சட்டத்தின் நடைமுறைகளைப் பயன்படுத்தாமல் தன்னிச்சையாகச் செயல்பட்டிருக்கிறது. சிறுவன் தீர்ப்பாயத்தில் தன் ஆட்சேபனையை தாக்கல் செய்தபோது, ​​சில தெளிவற்ற காரணங்களைக் கூறி அது நிராகரிக்கப்பட்டது. வன்முறையில் சிறுவனின் பங்கு குறித்து எந்த விசாரணையும் இல்லாமல் தீர்ப்பாயம் நோட்டீஸ் அனுப்பிருக்கிறது. அதைவிட முக்கியமாக, உரிமைகோரல் தீர்ப்பாயம் இன்னும் குற்றவாளிகள் என்று அறிவிக்கப்படாத சிறுவனுக்கும், அவன் தந்தைக்கும் அபராதம் விதித்திருக்கிறது" எனத் தெரிவித்திருக்கிறார்.காங்கிரஸ் இந்த விவகாரம் தொடர்பாக காங்கிரஸ் செய்தித் தொடர்பாளர் கே.கே.மிஸ்ரா, ``பா.ஜ.க-வின் விரிவுபடுத்தப்பட்ட மற்றொரு பிரிவைப் போல் இந்த தீர்ப்பாயம் செயல்படுகிறது. 12 வயது சிறுவனுக்கு எப்படி நோட்டீஸ் அனுப்ப முடியும்?" என்று கேள்வி எழுப்பியிருக்கிறார். ஏ.ஐ.எம்.ஐ.எம் தலைவர் அசாதுதீன் ஓவைசி தனது ட்விட்டர் பக்கத்தில், ``முஸ்லிம்கள் மீது அவர்களுக்கு எவ்வளவு வெறுப்பு இருக்கிறது... இப்போது அவர்கள் குழந்தைகளைக்கூட விட்டுவைப்பதில்லை. மத்தியப் பிரதேசத்தில் இயற்றப்பட்ட சட்டத்தின் கீழ் 12 வயது குழந்தை தண்டிக்கப்பட்டிருக்கிறது. சிறார் நீதிச் சட்டம், ஒரு குழந்தை எந்த குற்ற நோக்கத்திற்காகவும் குற்றவாளியாக இருக்காது என்று கூறுகிறது. அரசு என்ன செய்யப்போகிறது?" எனப் பதிவிட்டிருக்கிறார்.அசாதுதீன் ஒவைசி உத்தரப்பிரதேசத்தை தொடர்ந்து பா.ஜ.க ஆளும் மத்தியப் பிரதேசத்திலும், போராட்டங்கள், வேலைநிறுத்தங்கள் அல்லது வன்முறைகள் ஆகியவற்றின்போது, பொது மற்றும் தனியார் சொத்துகளுக்கு வேண்டுமென்றே சேதம் விளைவித்தால் இழப்பீடு பெற மாநிலத்தை அனுமதிக்கும் 'பொதுச் சொத்துக்களுக்கு சேதம் விளைவித்தல் தடுப்பு மற்றும் மீட்புச் சட்டம்' இயற்றப்பட்டிருக்கிறது. இந்தப் புதிய சட்டத்தின் கீழ், 15 நாள்களுக்குள் இழப்பீடு வழங்கப்படாவிட்டால், குற்றம்சாட்டப்பட்டவர் 6 சதவிகித வட்டி செலுத்த வேண்டும். குற்றம்சாட்டப்பட்டவர்களால் இழப்பீடு வழங்க முடியாத பட்சத்தில் அவர்களது சொத்துகளை பறிமுதல் செய்ய சட்டம் அனுமதிக்கிறது. மேலும், தீர்ப்பாயத்திற்கு சிவில் நீதிமன்றத்தைப் போன்ற அதிகாரங்கள் வழங்கப்பட்டுள்ளது குறிப்பிடத்தக்கது.மத்தியப்பிரதேசம்: ராம நவமி ஊர்வலத்தில் கலவரம்! - 20 வீடுகள் எரிப்பு; ஊரடங்கு அமல்
http://dlvr.it/SbP8Bc

Read More

ஷாருக் கான் மகன் ஆர்யன் கான் வழக்கு விசாரணையில் ஏராளமான முறைகேடுகள் - 7 பேர் மீது நடவடிக்கை?!

பாலிவுட் நடிகர் ஷாருக்கான் மகன் ஆர்யன் கான் கடந்த ஆண்டு அக்டோபர் மாதம் மும்பையில் இருந்து கோவா சென்ற சொகுசு கப்பலில் போதைப்பொருள் பயன்படுத்தியதாக மத்திய போதைப்பொருள் தடுப்பு பிரிவு அதிகாரி சமீர் வான்கடே தலைமையிலான அதிகாரிகளால் கைது செய்யப்பட்டார். அவருடன் இவ்வழக்கில் மொத்தம் 20 பேர் கைது செய்யப்பட்டனர். ஆர்யன் கான் மூன்று வாரம் சிறையில் இருந்த பிறகு ஜாமீனில் விடுவிக்கப்பட்டார். அதோடு கடந்த மே மாதம் இவ்வழக்கு விசாரணையில் இருந்து ஆர்யன் கான் முற்றிலும் விடுவிக்கப்பட்டார். மத்திய போதைப்பொருள் தடுப்பு பிரிவு தாக்கல் செய்த குற்றப்பத்திரிகையில் ஆர்யன் கான் பெயர் இடம் பெறவே இல்லை. ஆர்யன் கான் உட்பட 5 பேருக்கு எதிரான குற்றச்சாட்டுக்கு தகுந்த ஆதாரம் இல்லை என்று குற்றப்பத்திரிகையில் குறிப்பிடப்பட்டுள்ளது. இவ்வழக்கு விசாரணையை ஆரம்பத்தில் விசாரித்த அதிகாரிகள் மீது பல்வேறு குற்றச்சாட்டுகள் சுமத்தப்பட்டது. குறிப்பாக மும்பை போதைப்பொருள் தடுப்பு பிரிவு அதிகாரி சமீர் வான்கடே மீதும் குற்றச்சாட்டுகள் கூறப்பட்டது. ஆரம்பத்தில் இருந்தே இந்த அதிகாரிகள் ஒரு பக்கமாகவே விசாரணை நடத்தியதாக எழுந்த குற்றச்சாட்டை தொடர்ந்து சமீர் வான்கடே இடமாற்றம் செய்யப்பட்டார். அதோடு இவ்வழக்கு விசாரணையை சரியாக விசாரிக்காத காரணத்தால் மத்திய போதைப்பொருள் தடுப்பு பிரிவில் இருந்து இவ்வழக்கை விசாரிக்க சிறப்பு விசாரணைக்குழு நியமிக்கப்பட்டது. இந்த விசாரணைக்குழுவின் விசாரணை அறிக்கை தற்போது டெல்லி தலைமை அலுவலகத்திற்கு அனுப்பட்டுள்ளது. அதில் ஆர்யன் கான் தொடர்பான வழக்கு விசாரணையில் பல முறைகேடுகள் நடந்திருக்கிறது என்று குறிப்பிடப்பட்டுள்ளது. அதோடு இவ்வழக்கை விசாரித்த அதிகாரிகளின் நோக்கமே சந்தேகத்தை எழுப்புவதாக இருக்கிறது என்று குறிப்பிட்டுள்ளனர். மொத்தம் 69 பேரிடம் இது தொடர்பாக வாக்குமூலம் பெறப்பட்டது. அதில் பலர் தங்களது வாக்குமூலத்தை பலமுறை மாற்றி கூறியிருக்கின்றனர். அதோடு இதற்கு முந்தையை அதிகாரிகள் விசாரணையே சரி வர நடக்கவில்லை என்றும் கண்டுபிடித்துள்ளனர். ஆர்யன் கான் கைது செய்யப்பட்டவுடன் அவரை விடுவிக்க பண பேரம் பேசப்பட்டதாக வந்த குற்றச்சாட்டிற்கு எந்த வித ஆதாரமும் இல்லை என்றும் அந்த விசாரணை அறிக்கையில் குறிப்பிடப்பட்டுள்ளது. ஆனால் சிலரை குறிவைத்து இந்த விசாரணை நடத்தப்பட்டு இருப்பதையும் விசாரணை அறிக்கை சுட்டிக்காட்டி இருக்கிறது. 7 முதல் 8 போதைப்பொருள் தடுப்பு பிரிவு அதிகாரிகளின் செயல்பாடுகள் இவ்வழக்கில் சந்தேகத்தை ஏற்படுத்துவதாக இருக்கிறது. அந்த அதிகாரிகள் மீது இலாகா பூர்வ விசாரணைக்கு உத்தரவிடப்பட்டுள்ளது. போதைப்பொருள் தடுப்பு பிரிவை சேராத சில அதிகாரிகளும் இதில் இடம் பெற்றுள்ளனர். அவர்கள் மீது நடவடிக்கை எடுக்க உயர் அதிகாரிகளின் அனுமதி கோரப்பட்டுள்ளது என்று அந்த அறிக்கையில் குறிப்பிடப்பட்டுள்ளது. ஆர்யன் கான் ஆரம்பத்தில் போதைப்பொருள் தடுப்பு பிரிவு அதிகாரிகள் ஆர்யன் கானை கைது செய்த போது அவர் அடிக்கடி போதைப்பொருள் பயன்படுத்தக்கூடியவர் என்றும், போதைப்பொருள் கடத்துபவர் என்றும், போதைப்பொருளை வாங்கி விநியோகம் செய்வதில் ஆர்யன் கானுக்கு தொடர்பு இருக்கிறது என்றும் குற்றம் சாட்டி இருந்தனர். இதற்கு ஆர்யன் கானின் வாட்ஸ்ஆப் சாட்டிங் விபரங்களை சாட்சியாக அளித்திருந்தனர். ஆனால் இக்குற்றச்சாட்டுக்கள் அனைத்தில் இருந்தும் ஆர்யன் கான் விடுவிக்கப்பட்டுள்ளார். இப்போது வெப் சீரியஸ் இயக்கும் பணியில் கவனம் செலுத்தி வருகிறார்.
http://dlvr.it/SbP7xd

Read More

காஷ்மீர் பண்டிட் கொலை: ``இந்தியனாக இருப்பதில் நான் வெட்கப்படுகிறேன்!" - கேரள ஆளுநர் ஆரிஃப் முகமது

இந்தியாவின் வடக்கு எல்லை மாநிலமான ஜம்மு-காஷ்மீரில், அவ்வப்போது தீவிரவாதிகளால் காஷ்மீர் பண்டிட்கள் கொல்லப்படுவது பலகாலமாக விவாதமாகவே இருக்கிறது. கடந்த இரண்டு தினங்களுக்கு முன்பு கூட, ஷோபியான் மாவட்டத்தில் காஷ்மீர் பண்டிட் பூரன் கிரிஷன் பட் என்பவர் பயங்கரவாதிகளால் கொல்லப்பட்ட சம்பவம் பரபரப்பை ஏற்படுத்தியிருந்தது.காஷ்மீர் இதுதொடர்பாக, காஷ்மீர் மாநில முன்னாள் முதல்வர் ஃபரூக் அப்துல்லா, ``இது நிற்கப்போவதில்லை, நீதி கிடைக்கும் வரை இது தொடர்ந்துகொண்டுதான் இருக்கும்" என்று கூறியிருந்தார். இந்த நிலையில் கேரள ஆளுநர் ஆரிஃப் முகமது கான், பண்டிட்களின் கொலை தொடர்பாக, ``ஒரு இந்தியான இருப்பதில் நான் வெட்கப்படுகிறேன்" எனப் பேசியிருக்கிறார்.கேரள ஆளுநர் ஆரிஃப் முகமது ஆளுநர் ஆரிஃப் முகமது கான், உத்தரப்பிரதேச மாநிலம், புலந்த்ஷாஹரிலுள்ள பங்கர் கிராமத்தில் நடைபெற்ற டாக்டர். அம்பேத்கர் சிலை திறப்பு விழாவில் கலந்துகொண்டார். அப்போது அங்கு காஷ்மீர் பண்டிட்கள் கொல்லப்படுவது குறித்துக் கேட்கப்பட்டதற்குப் பதிலளித்த ஆரிஃப் முகமது கான், ``ஒரு அப்பாவி கொல்லப்படுவதை விடப் பெரிய குற்றம் எதுவும் இருக்க முடியாது. இதில், ஒரு இந்தியான இருப்பதில் நான் வெட்கப்படுகிறேன். என்னுடைய நாட்டைச் சேர்ந்த ஒருவர், தன்னுடைய வீட்டை விட்டு வெளியேறி அகதியாக மாற நேரிட்டால், அதை விடப் பெரிய அவமானம் கிடையாது" என்று கூறினார். மேலும், ஃபரூக் அப்துல்லாவின் கூற்று குறித்துப் பேசியபோது, ``என்னுடைய பதவியின் கண்ணியத்தைக் கருத்தில் கொண்டு எந்த அரசியல் விஷயத்திலும் கருத்து தெரிவிக்க மாட்டேன்" என ஆரிஃப் முகமது கான் தெரிவித்தார்.``சர்தார் படேலின் பாதையில் நடப்பதால்தான் காஷ்மீர் பிரச்னைக்குத் தீர்வு காண முடிந்தது" - பிரதமர் மோடி
http://dlvr.it/SbKqyD

Read More

உ.பி: முழு ஆட்டுக்குட்டியை விழுங்கிவிட்டு பள்ளிப் பேருந்தில் ஓய்வெடுத்த மலைப்பாம்பு!

உத்தரப்பிரதேச மாநிலம் ரேபரேலி நகரத்துக்கு வெளியில் செயல்படும் ரேயான் இண்டர்நேஷனல் பள்ளியின் பேருந்துகள் அங்குள்ள சாலையோரம் நிறுத்திவைக்கப்பட்டிருந்தன. அந்நேரம் மலைப்பாம்பு ஒன்று அந்த கிராமத்தில் ஆட்டுக்குட்டி ஒன்றை அப்படியே சாப்பிட்டுவிட்டு அருகில் நிறுத்திவைக்கப்பட்டிருந்த பள்ளிப் பேருந்தில் ஏறிக்கொண்டது. இதை நேரில் பார்த்த கிராம மக்கள் இது குறித்து பள்ளி ஊழியர்களுக்குத் தகவல் கொடுத்தனர். அவர்கள் பாம்பைப் பிடிக்க வனத்துறையினருக்குத் தகவல் கொடுத்து வரவழைத்தனர். வனத்துறை ஊழியர்கள் வந்தபோது பாம்பு இருக்கை ஒன்றுக்கு அடியில் ஓய்வெடுத்துக்கொண்டிருந்தது. உடனே பாம்பைக் குச்சியால் குத்தி அதை அந்த இடத்திலிருந்து நகரும்படி செய்தனர். சீட்டுக்கு அடியில் பாம்பு பாம்பு பிடிப்பவர்கள் அந்தப் பாம்பை சாக்குமூட்டைக்குள் அனுப்ப முயன்றனர். ஆனால் அந்தப் பாம்பு சாக்குமூட்டையை கடிக்க முயன்றது. வனத்துறையினரின் இந்த முயற்சியில் பாம்பு பஸ் இஞ்ஜினில் சிக்கிக்கொண்டது. இதனால் பாம்பை மீட்க அதன் உடலில் ஒரு கயிறு கட்டி வெளியில் இழுத்தனர். ஒரு மணி நேர போராட்டத்துக்குப் பிறகு பாம்பு பிடிபட்டது. பாம்பை வனத்துறையினர் பத்திரமாக எடுத்துச் சென்றனர். இந்தச் சம்பவத்தைத் தொடர்ந்து பள்ளிப் பேருந்து, அந்த இடத்திலிருந்து அகற்றப்பட்டு பள்ளிக்கு அருகில் வேறு இடத்தில் கொண்டு போய் நிறுத்தப்பட்டது. இந்தச் சம்பவத்தால் அங்கு பெரும் பஃப்ரபரப்பு ஏற்பட்டது. ஆட்டுக்குட்டியைப் பாம்பு சாப்பிட்டது என்று கிராம மக்கள் கூறுகின்றனர். ஆனால் அது உண்மையா என்று தெரியவில்லை என்கிறார்கள் வனத்துறையினர்.
http://dlvr.it/SbGYwh

Read More