தமிழக வனப்பகுதி பறிபோகும் அபாயம்; ​கேர​ளாவின் ​​டிஜிட்டல் ரீ சர்வேயை தடுக்குமா தமிழக அரசு?

​கேரள​ ​அர​சு நவம்பர் 1 -ம் தேதி முதல் மாநிலம் முழுவதும் டிஜிட்டல் ரீ சர்வே ​எடுக்கத் திட்டமிட்டுள்ளது. இதனால் தமிழகத்தின் எல்லையோர மாவட்டங்​​களில் பெரிய அளவிற்கு தமிழக வன நிலங்கள் பறிபோகும் அபாயம் ஏற்பட்டுள்ளது​.நில எல்லை முல்லை பெரியாறு அணை- நீர்மட்ட கால அட்டவணையை ரத்து செய்ய வேண்டும்! எனவே ​திருவனந்தபுரம் மாவட்டத்திலுள்ள நெய்யாற்றின்கரை, கட்டக்கடை,நெடுமங்காடு ஆகிய​ 3​ தாலுகாக்கள், கொல்லம் மாவட்டத்தில் உள்ள புனலூர் தாலுக்கா​, பத்தினம்திட்டா மாவட்டத்தில் உள்ள கோணி தாலுகா, இடுக்கி மாவட்டத்தில் உள்ள பீர்மேடு, உடுமஞ்சோலை, தேவிகுளம் ஆகிய ​3​ தாலுகாக்கள்​, பாலக்காடு மாவட்டத்தில் உள்ள சித்தூர், பாலக்காடு, மன்னார்க்காடு ஆகிய ​3​ தாலுகாக்கள்​, மலப்புரம் மாவட்டத்தில் உள்ள நிலம்பூர் தாலுக்கா​, வயநாடு மாவட்டத்தில் உள்ள வைத்ரி, மானந்தவாடி மற்றும் சுல்தான் பத்தேரி ஆகிய ​3​ தாலுகாக்கள் என​ தமிழக எல்லையோரம் உள்ள கேரளாவில் உள்ள 15 தாலுகாக்களில் ​​டிஜிட்டல் ரீ சர்வேயை நிறுத்தி வைக்க​ வேண்டும் என தமிழக விவசாயிகள் வலியுறுத்தியுள்ளனர். மேலும், முல்லை பெரியாறு அணையில் 152 அடி நீர் மட்டம் தேக்க வேண்டும். முல்லை பெரியாறு அணைக்கு எதிராக விசம பிரசாரத்தை பரப்பும் நோக்கில் ஆவணப்படம் வெளியிட்டோர் மீது நடவடிக்கை எடுக்க வேண்டும். கேரளாவில் தமிழக எல்லை ஆக்கிரமிக்கப்பட்டுள்ள நிலையில் முழுமையாக எல்லை அளவீடு செய்யப்படாமல் ​டிஜிட்டல் ரீ சர்வே​ செய்வதை நிறுத்த வேண்டும் என்பதை வலியுறுத்தி பெரியாறு வைகை பாசன விவசாய சங்கத்தினர் தமிழக-கேரள எல்லையில் உள்ள குமுளி, கம்பம் மெட்டு, போடி மெட்டு ஆகிய பகுதிகளில் முற்றுகை போராட்டம் நடத்த உள்ளதாக அறிவித்துள்ளனர். அன்வர் பாலசிங்கம்``புது அணைக்குத் தடை ஆணை வாங்கியே தீருவோம்!" - திரளும் முல்லைப் பெரியாறு பாசன விவசாயிகள் இதுகுறித்து பெரியாறு வைகை பாசன விவசாயிகள் சங்க ஒருங்கிணைப்பாளர் அன்வர் பாலசிங்கத்திடம் பேசினோம். ​அவர், ``கடந்த 1956 மொழிவழி பிரிவினையின் போது, 1400 சதுர கிலோ மீட்டர் பரப்பளவை கேரளாவிடம் தமிழகம் இழந்திருந்திருக்கிறோம்.  இந்த டிஜிட்டல் ரீ சர்வே முறையால், மிகப்பெரிய அளவிலான தமிழக நிலங்களை இழக்கும் அபாயம் இருக்கிறது.​ ​எனவே முறையான வழிமுறைகளை பின்பற்றி, தகுந்த அதிகாரிகள் குழுவை கேரளாவிற்கு அனுப்பி, ​தமிழக கேரள எல்லையோர​ 15 தாலுகாக்களில், டிஜிட்டல் ரீ சர்வே முறையை நிறுத்துவதற்கு தகுந்த நடவடிக்கை எடுக்க வேண்டும். ​மொழிவழி பிரிவினையால்​​ தமிழகம் இழந்த பகுதிகளான தேவிகுளம்​,​ பீர்மேடு​,​ உடுமஞ்சோலை ஆகிய ​3​ தாலுகாக்கள் கேரள மாநில வரி வருவாயில் 12 விழுக்காடு ​வழங்கிக்கொண்டிருக்கிறது.​ ​வனவளம் மிகுந்த நெய்யாற்றின்கரை,நெடுமங்காடு, செங்கோட்டை தாலுகாவின் மேற்கு பகுதி எல்லாம் இன்றைக்கு கேரள மாநிலத்திற்கான அட்சய பாத்திரங்க​ளாகும். ​​முல்லை பெரியாறு​ரூல்கர்வ் முறைப்படி ​முல்லை பெரியாறு நீர்​ திறப்பு... தமிழக விவசாயிகள் எதிர்ப்பு! ​சர்வே ஆஃப் இந்தியாவின் மேற்பார்வையில் தான் டிஜிட்டல் ரீ சர்வே நடத்தப்படுகிறது என​ ​ கேரள வருவாய்த்துறை அமைச்சர் ராஜன் ​கூறுவதில் உண்மை தன்மை இருக்கிறதா எனத் தெரியவில்லை. தமிழகத்திற்கும் கேரளத்திற்கு​ம் இடையிலான 822 கிலோ மீட்டர் தூரம் முறையாக இன்னமும் அளவீடு செய்யாமல் கிடப்பில் போடப்பட்டிருக்கும் நிலையில், எந்த அடிப்படையில் கேரளாவில் உள்ள 14 மாவட்டங்களிலும் மறு அளவீடு செய்ய முடியும். ​கேரளாவில் உள்ள 14 மாவட்டங்களில் தேர்ந்தெடுக்கப்பட்ட 200 கிராமங்களில், குளோபல் நேவிகேஷன் சாட்டிலைட் சிஸ்டத்தின் மூலம் ஆய்வு மேற்கொள்ளப்படும் என்றும் அறிவித்திருக்கிறார்கள்.​ ​கூடுதலாக நீர்நிலைகள் மற்றும் சுற்றுச்சூழல் உணர்திறன் மண்டலங்கள் தனியாக வரைபடங்களின் மூலம் வகைப்படுத்தப்படும் என்றும் அறிவித்திருக்கிறார்கள்.​ ​ஆனால் அண்டை மாநிலத்தோடு எல்லையை அளவீடு செய்வதில் மட்டும் ​கேரள அரசு​ உடன்படவில்லை. ​கடந்த ​1956​ நவம்பர் 1 ​இ​ல்​ ​நவீன கேரளத்தை உருவாக்கினார்கள்​. அதே நவம்பர் 1 ஆ​ம்​ ​தேதியில் டிஜிட்டல் ரீ சர்வேயை தொடங்குகிறார்கள்.​ கிராம பதிவுகள் முடிந்ததும், நில அளவை ஆவணங்கள், தகவல் தொழில்நுட்பம் மற்றும் நிலப்பரப்பின் விரிவான ஆவணத்தின் உதவியுடன் தொகுக்கப்படும் என்று அறிவித்திருக்கிறார்கள்.சர்வேமுல்லை பெரியாறு விவகாரம்: புதிய அணைக்கு அச்சாரம் போடும் கேரளா; தடுப்பாரா ஸ்டாலின்? ​தமிழக முதல்வரோடு இணக்கமாக இருக்​கும் கேரள முதல்வர் ​​​இந்த நேரத்தில் இதுபோன்ற மோசடிகளை அரங்கேற்றிக் கொள்ளலாம்​ என நினைக்கிறார். முல்லைப் பெரியாறு அணையில், ஐந்து மாவட்ட மக்களுக்கு எதிராக செய்த துரோகத்தை,​ ​இன்று டிஜிட்டல் ரீ சர்வே என்ற பெயரில் தமிழகத்தில் உள்ள 9 மாவட்ட மக்களுக்கு எதிராக ​செய்கிறார்கள். எனவே தான் நம்பர் 1 -ம் தேதி தமிழக கேரள எல்லையில் முற்றுகை போராட்டத்தை நடத்த உள்ளோம்" என்றார். 
http://dlvr.it/SbrGcz

Read More

பெண்கள் காப்பகத்திலிருந்து தப்பி டாக்ஸி டிரைவர்கள் இருவரிடம் சிக்கிய சிறுமி... மும்பை கொடூரம்!

பெண்களுக்கு எதிரான வன்முறைகள் பல வடிவங்களில் நடைபெறுகின்றன. பாலியல் வன்கொடுமை, துன்புறுத்தல், வரதட்சணை என்று அடுக்கிக்கொண்டே போகலாம். இது போன்ற செயல்களிலிருந்து சிறுமிகள், பெண் குழந்தைகள்கூட தப்புவதில்லை. மும்பையிலுள்ள பெண்கள் காப்பகத்தில் 16 வயது மைனர் பெண் ஒருவர் சேர்க்கப்பட்டிருந்தார். அவர் கடந்த ஜூலை மாதம் பாலியல் வன்கொடுமைக்கு ஆளாக்கப்பட்டார். இதையடுத்து அவரின் பாதுகாப்பைக் கருத்தில்கொண்டு அவர் பெண்கள் காப்பகத்தில் சேர்க்கப்பட்டிருந்தார். பெண்கள் காப்பகத்தில் இருக்கப் பிடிக்காமல், தான் தற்கொலை செய்துகொள்வேன் என்று மிரட்ட ஆரம்பித்தார். இதனால் உடல்நலம் பாதிக்கப்பட்டு மும்பை நாயர் மருத்துவமனையில் சிகிச்சைக்காகச் சேர்க்கப்பட்டார். சிகிச்சையின்போது மருத்துவமனையிலிருந்து மைனர் பெண் தப்பிச் சென்றுவிட்டார். அவர் சிஎஸ்டி ரயில் நிலையத்தில் நின்றிருந்தபோது இரண்டு டாக்ஸி டிரைவர்கள் அவரை அணுகிப் பேச்சுக்கொடுத்தனர். அவர்களிடம் அந்தப் பெண் தான் வேலை தேடிக்கொண்டிருப்பதாகத் தெரிவித்தார். உடனே தாங்கள் வேலை வாங்கிக்கொடுப்பதாகக் கூறி அழைத்துச் சென்று லாட்ஜ் ஒன்றில் வைத்து பாலியல் வன்கொடுமை செய்துவிட்டு மீண்டும் அதே இடத்தில் கொண்டு வந்து விட்டுச் சென்றனர். இதையடுத்து அந்தப் பெண் மீண்டும் தான் தங்கியிருந்த பெண்கள் காப்பகத்துக்குச் சென்று தனக்கு நடந்த சம்பவத்தைக் கூறியிருக்கிறார். இதைத் தொடர்ந்து காப்பகப் பொறுப்பாளர் இது குறித்து உடனே போலீஸில் புகார் செய்தார். போலீஸார் வழக்கு பதிவுசெய்து அபிமன்யூ என்ற டாக்ஸி டிரைவரைக் கைதுசெய்துள்ளனர். இது குறித்து அதிகாரி ராஜேஷ் பவார் கூறுகையில், ``மைனர் பெண் மாட்டுங்கா பெண்கள் காப்பகத்தில் இருந்தபோது வீட்டுக்குப் போக வேண்டும் என்று அடம்பிடித்திருக்கிறார். அதோடு தற்கொலை செய்துகொள்வேன் என்று மிரட்டியதால் அவரை மருத்துவமனையில் சேர்த்துள்ளனர். ஆனால் மருத்துவமனையிலிருந்து தப்பித்து புறநகர் ரயில் மூலம் ஒவ்வோர் இடமாகச் சுற்றியிருக்கிறார். இறுதியில் சிஎஸ்டி ரயில் நிலையத்துக்கு வந்தபோது அவரை அணுகிய இரண்டு டாக்ஸி டிரைவர்களிடம் தான் வேலை தேடுவதாக தெரிவித்துள்ளார். அவர்கள் வேலை வாங்கித்தருவதாகக் கூறி அழைத்துச் சென்று பாலியல் வன்கொடுமை செய்துள்ளனர். ஒருவரைக் கைதுசெய்துவிட்டோம். மற்றொருவரைத் தேடிவருகிறோம். சம்பவம் நடந்ததாகக் கூறப்படும் இடத்தில் பொருத்தப்பட்டுள்ள கண்காணிப்பு கேமரா பதிவுகளை ஆய்வு செய்துவருகிறோம்” என்று தெரிவித்தார்.
http://dlvr.it/Sbn8mg

Read More

குடும்பத் தகராறில் சுட்டுக் கொல்லப்பட்ட தந்தை; மனைவியுடன் கைதான மகன்! - என்ன நடந்தது?

உத்தரப்பிரதேச மாநிலம், பதாவுன் மாவட்டத்தைச் சேர்ந்தவர் சத்பால். 65 வயதான இவர் ஆசிரியராகப் பணியாற்றி ஓய்வு பெற்றவர். இவருக்கு ஹரிஷ், விபின் சிங் என இரண்டு மகன்கள். மனைவி மரணத்துக்குப் பிறகு இளைய மகன் வீட்டில் வசித்து வந்திருக்கிறார். இந்த நிலையில், நேற்று சந்தைக்குச் சென்று திரும்பும்போது அடையாளம் தெரியாத நபர்களால் சத்பால் சுட்டுக் கொல்லப்பட்டார். உடனே சம்பவ இடத்துக்கு வந்த காவல்துறை உடலை மீட்டு, இந்தக் கொலை தொடர்பாக விசாரிக்கத் தொடங்கியது.தந்தையை சுட்டுக் கொன்ற மகன் விசாரணையில் பல தகவல்கள் வெளியாகின. இது குறித்து செய்தியாளர்களிடம் பேசிய போலீஸார், ``சுட்டுக் கொல்லப்பட்ட சத்பாலுக்கு யாருடனும் பகை இருக்கிறதா என விசாரித்ததில் நெருங்கிய உறவுகள் இந்தக் கொலையில் சம்பந்தப்பட்டிருக்கலாம் எனத் தெரியவந்தது. அப்போதுதான் இளையமகன் விபினுக்கும் சத்பாலுக்கும் இடையே பிரச்னை நடந்ததும்... அதைத் தொடர்ந்து சமீபகாலமாக மூத்த மகன் ஹரிஷ் வீட்டில் சத்யபால் வசித்து வந்ததும் தெரியவந்தது. இதற்கு முன்பு, சத்யபால் தன் இளைய மகன் விபின் சிங், மருமகள் பூஜாஆகியோருக்கு ஒரு டிராக்டர் மற்றும் ஒரு கார் வாங்கிக் கொடுத்து, பால் பண்ணை வைக்கவும் உதவியிருக்கிறார்.காவல்துறை அதிலிருந்து வரும் வருமானத்தில் குடும்ப கஷ்டத்தில் இருக்கும் மூத்த மகன் ஹரிஷுக்கு உதவுமாறு கேட்டிருக்கிறார். இதற்கு மறுப்பு தெரிவித்த இளைய மகன் - மருமகளால் தகராறு ஏற்பட்டிருக்கிறது. மேலும், இந்த விவகாரத்தால் அங்கிருந்து கிளம்பி, மூத்த மகனின் வீட்டுக்குச் சென்றிருக்கிறார். அதன் பிறகே கொலை நடந்திருக்கிறது. குற்றம்சாட்டப்பட்ட இருவரும் கைதுசெய்யப்பட்டிருக்கிறார்கள். தொடர்ந்து விசாரித்து வருகிறோம்" எனத் தெரிவித்தனர்.தீபாவளியைக் கொண்டாட வந்தவர் கழுத்தறுத்துக் கொலை; பழிக்குப்பழியாக செய்ததாக இளைஞர் போலீஸில் சரண்!
http://dlvr.it/Sbk5Mj

Read More

9 துணை வேந்தர்களை ராஜினாமா செய்ய வலியுறுத்திய கவர்னர் - நீதிமன்ற உத்தரவால் பரபரத்த கேரள அரசியல்!

கேரள மாநிலத்தில் உள்ள தொழில்நுட்ப பல்கலைக்கழக துணை வேந்தராக எம்.எஸ்.ராஜஸ்ரீ நியமிக்கப்பட்டதில் யு.ஜி.சி விதிமுறைகள் கடைப்பிடிக்கப்படவில்லை என்பதால் அவர் பதவியை ராஜினாமா செய்யவேண்டும் என சுப்ரீம் கோர்ட் உத்தரவிட்டிருந்தது. அந்த உத்தரவை செயல்படுத்துவதாக கேரளா அரசு கடந்த சனிக்கிழமை கடிதம் மூலம் தெரிவித்திருந்தது. இந்த நிலையில் கேரள மாநிலத்தில் உள்ள மகாத்மா காந்தி பல்கலைக்கழகம், கேரளா பல்கலைக்கழகம், கோழிக்கோடு, மலப்புறம், கண்ணூர் பல்கலைக்கழகங்கள், கொச்சி அறிவியல் மற்றும் தொழில்நுட்ப பல்கலைக்கழகம், மீன்வளம் மற்றும் கடல்சார் ஆய்வு பல்கலைக்கழகம், ஏ.பி.ஜெ அப்துல்கலாம் தொழில்நுட்ப பல்கலைக்கழகம், ஸ்ரீசங்கராச்சார்யா சமஸ்கிருத பல்கலைகழகம் ஆகிய 9 பல்கலை கழகங்களின் துணை வேந்தர்கள் நியமனத்திலும் யு.ஜி.சி விதிமுறைகள் கடைபிடிக்கப்படவில்லை எனவும், எனவே அவர்கள் திங்கள்கிழமை (நேற்று) காலை 11.30 மணிக்கு முன்பு ராஜினாமா செய்ய வேண்டும் என கேரள கவர்னர் ஆரிப் முஹம்மதுகான் உத்தரவிட்டிருந்தார். அப்படி அவர்கள் ராஜினாமா செய்யாமல் இருந்தால் துணை வேந்தர்களுக்கு எதிராக நடவடிக்கை எடுக்கப்படும் எனவும் கவர்னர் அறிவித்திருந்தார். பினராயி விஜயன், ஆரிப் முகமது கான் ஏற்கனவே கேரளாவில் கவர்னர் ஆரிப் முஹம்மதுகானுக்கும், முதல்வர் பினராயி விஜயனுக்குமான மோதல் தொடர்ந்து வருகிறது. இதற்கிடையே கவர்னரின் இந்த அறிவிப்பால் பரபரப்பு அதிகரித்தது. இதைத் தொடர்ந்து 9 பல்கலைக்கழகங்களின் துணை வேந்தர்களும் நேற்று ஐகோர்ட்டில் மனுத்தாக்கல் செய்தனர். நேற்று தீபாவளி விடுமுறையாக இருந்தபோதும் முக்கிய பிரச்னை என்பதால் நீதிபதி தேவன் ராமச்சந்திரன் தலைமையிலான உயர் நீதிமன்ற பென்ச் மனுக்களை விசாரணைக்கு எடுத்தது. உயர் நீதிமன்றத்தில் நடந்த வாதத்தில், 'சுப்ரீம் கோர்ட் உத்தரவுபடி ராஜினாமா செய்யும் வாய்ப்பை மட்டுமே துணை வேந்தர்களுக்கு வழங்கியுள்ளதாகவும், மானமுடன் அவர்களாகவே ராஜினாமா செய்யும் வாய்ப்பை வழங்கியுள்ளதாகவும், ராஜினாமா செய்யாத நிலையில் பதவியை பறிக்காமல் இருக்க அவர்கள் தரப்பு விளக்கம் என்னவென்று கேட்டு நோட்டீஸ் அனுப்பப்பட்டுள்ளதாகவும் கவர்னர் தரப்பில் தெரிவிக்கப்பட்டது. கேரள உயர் நீதிமன்றம் இதையடுத்து நீதிமன்றம் அளித்த தீர்ப்பில், ``சட்டத்துக்கு உட்பட்டு கவர்னர் நடவடிக்கை எடுக்கலாம். விளக்கம் கேட்டு நோட்டீஸ் அனுப்பியுள்ளதால் துணை வேந்தர்கள் இப்போதைக்கு பதவி விலக தேவையில்லை. வேந்தரான கவர்னர் இறுதி முடிவு எடுக்கும் வரை துணை வேந்தர்கள் தொடரலாம். துணை வேந்தர்களின் அனைத்து வாதங்களையும் கேட்டு கவர்னர் பரிசீலிக்க வேண்டும்” எனக் கூறப்பட்டுள்ளது. இனி கவர்னர் என்ன முடிவு எடுப்பார் என்ற எதிர்பார்ப்பு அதிகரித்துள்ளது.
http://dlvr.it/Sbg0mF

Read More

கோவை கார் வெடிப்பு: ஜமேஷா முபீனுடன் இருந்த அந்த 4 பேர் யார்..? - போலீசார் தீவிர விசாரணை

ஜமேஷா முபீனுடன் சனிக்கிழமை இரவு இருந்த 4 பேர் குறித்து தனிப்படை போலீசார் விசாரணை மேற்கொண்டு வருகின்றனர். கோவை உக்கடம் பகுதியில் காரில் சிலிண்டர் வெடித்து சிதறிய நிகழ்வு தொடர்பாக காவல்துறையினர் பல்வேறு சிசிடிவி காட்சிகளை ஆய்வு மேற்கொண்டனர். உயிரிழந்த ஜமேஷா முபின் வீட்டின் அருகிலுள்ள சிசிடிவி காட்சிகளை போலீசார் ஆய்வு மேற்கொண்டனர். அதில் சனிக்கிழமை இரவு 11.25 மணிக்கு ஜமேஷா முபின் வீட்டில் இருந்து அவர் உட்பட 5 பேர் மர்ம பொருளை தூக்கி செல்லும் காட்சிகள் பதிவாகியுள்ளது. அந்த சிசிடிவி காட்சிகளில் உள்ள மற்ற நபர்கள் 4 பேர் யார் என்பது குறித்து தனிப்படை போலீசார் விசாரணை நடத்தி வருகின்றனர். ஞாயிற்றுக்கிழமை அதிகாலை கோட்டை ஈஸ்வரன் கோவில் அருகே காரில் இருந்த சிலிண்டர் வெடித்ததில் ஜமேஷா முபீன் உயிரிழந்தார். ஜமேஷா முபின் வீட்டில் இருந்து பொட்டாசியம் நைட்ரேட், அலுமினியம் பவுடர், சார்க்கோல், சல்பர் போன்ற நாட்டு வெடிகுண்டு தயாரிக்க பயன்படும் வெடிபொருட்கள் கைப்பற்றப்பட்டது. ஜமேஷா முபீன் வீடு இருக்கும் பகுதிகளில் இருக்கும் சிசிடிவி கேமராக்கள் ஆய்வுக்கு உட்படுத்தபட்டது. அதில் சனிக்கிழமை நள்ளிரவு ஜமேஷா முபீனுடன் 4 பேர் இருப்பது தெரியவந்த நிலையில், அந்த நபர்கள் குறித்து தனிப்படை போலீசார் விசாரணை மேற்கொண்டு வருகின்றனர்.இதையும் படிக்கலாமே: திண்டுக்கல்: பட்டாசு வெடித்ததை கண்டித்த பெற்றோர் - விரக்தியில் விபரீத முடிவெடுத்த சிறுமி
http://dlvr.it/SbcMR1

Read More

உதவிகேட்டு வந்த பெண்ணைக் கன்னத்தில் அறைந்த பாஜக அமைச்சர்; வைரலான வீடியோ - வலுக்கும் கண்டனம்!

கர்நாடக மாநிலம், சாம்ராஜநகர் மாவட்டத்தில், வீட்டுமனை பட்டா வழங்கும் நிகழ்ச்சியொன்றில் ஒன்றில் உதவிகேட்டு வந்த பெண்ணை, பா.ஜ.க-வைச் சேர்ந்த வீட்டு வசதி மற்றும் உள்கட்டமைப்பு அமைச்சர் வி.சோமன்னா கன்னத்தில் அறைந்த சம்பவம் பெரும் சர்ச்சையைக் கிளப்பியிருக்கிறது. முன்னதாக, சாம்ராஜநகரில் உள்ள குண்ட்லுப்பேட்டையில் நேற்று மதியம் 2.30 மணியளவில், பா.ஜ.க அமைச்சர் வி.சோமன்னா தலைமையில், பொருளாதாரத்தில் பின்தங்கிய பிரிவினருக்கு வீட்டுமனைப் பட்டா வழங்குவதாக இருந்தது. அமைச்சரோ மாலை 6.30 மணிக்கு தான் அங்குவந்தார்.பாஜக அமைச்சர் வி.சோமன்னா அப்போது பெண் ஒருவர், தன்னுடைய கோரிக்கையை முன்வைப்பதற்காக அமைச்சரை அணுகினார். ஆனால், திடீரென அமைச்சர் அந்தப் பெண்ணின் கன்னத்தில் அறைந்தார். மேலும், அந்தப் பெண் உடனே, அமைச்சரின் காலில் விழுந்து அழுதார். இதனால் அந்த இடமே பரபரப்பானது. இந்த நிலையில் பெரும் சர்ச்சையை ஏற்படுத்தியிருக்கும் அமைச்சரின் இத்தகைய செயல், சமூக வலைதளங்களில் வீடியோவாக வைரலாகிவருகிறது. सत्ता का अंधा नशा कर्नाटक के भाजपाई मंत्रियों के सिर चढ़ कर बोल रहा है। अहंकार की सीमा देखिए - मंत्री वी. सोमन्ना ने एक अबला नारी को सरे आम थप्पड़ मार अपमानित किया। अब PM का नारी सम्मान कहाँ गया? निर्लज्ज मंत्री को कब बर्खास्त करेंगे? CM बोम्मई कहाँ गुम है?#AntiWomenBJP pic.twitter.com/hpjCuYRKPo— Randeep Singh Surjewala (@rssurjewala) October 23, 2022 அதுமட்டுமல்லாமல், அரசியல் கட்சிகள் இதற்குக் கண்டனம் தெரிவித்துவருகின்றன. இது தொடர்பாக காங்கிரஸ் தலைவர் ரந்தீப் சுர்ஜேவாலா தன்னுடைய ட்விட்டர் பக்கத்தில், ``கர்நாடகாவிலுள்ள பா.ஜ.க அமைச்சர்கள் மற்றும் தலைவர்களுக்கு ஆணவம் தலைக்கேறிவிட்டது. ஒருபக்கம் மக்கள் 40 சதவிகித கமிஷன் எனும் கொடுமைக்கு ஆளாகிறார்கள், மறுபக்கம் பெண்கள் அறையப்படுகிறார்கள். அமைச்சர்கள் அதிகார போதையில் இருக்கின்றனர். எங்கே அமைச்சரைப் பதவிநீக்கம் செய்வீர்களா பசவராஜ் பொம்மை" எனக் கடுமையாகச் சாடியிருக்கிறார்.கர்நாடகா: `ஒரு டோஸ் ரூ.900’ ; தடுப்பூசி விவகார சர்ச்சை! - சிக்கலில் பா.ஜ.க. எம்.பி., எம்.எல்.ஏ.
http://dlvr.it/Sbbwp7

Read More

`ஒரு சாப்பாடு வாங்கினால் ஒரு சாப்பாடு இலவசம்' -முகநூலில் வந்த விளம்பரத்தால் ரூ.8 லட்சத்தை இழந்த பெண்

இணையதள பயன்பாடு அதிகரித்த பிறகு ஆன்லைன் மோசடிகள் அதிகரித்துள்ளது. குறிப்பாக சோசியல் மீடியா மூலம் நடக்கும் மோசடிகள் தான் அதிக அளவில் நடக்கிறது. சமூக வலைத்தளங்களில் நட்பாக பழகி பணம் அனுப்புவதாக ஆசைவார்த்தை கூறி லட்சக்கணக்கில் பணத்தை மோசடி செய்துவிடுகின்றனர். மும்பையில் ஃபேஸ்புக் விளம்பரத்தை பார்த்த ஒரு பெண் ரூ.8 லட்சத்தை இழந்துள்ளார். மும்பை பாந்த்ரா பகுதியை சேர்ந்த நித்யா(54) என்ற பெண் அடிக்கடி ஃபேஸ்புக் பக்கங்களை பார்ப்பது வழக்கம். அப்படி பார்த்த போது ஒரு சாப்பாடு வாங்கினால் ஒரு சாப்பாடு இலவசம் என்ற விளம்பரம் அவரது கண்ணில் பட்டது. 'மகாராஜா தாலி' என்ற ராட்சத சாப்பாடு வெறும் ரூ.200 மட்டும் என்றும், 200 செலுத்தினால் இரண்டு சாப்பாடு கிடைக்கும் என்றும் குறிப்பிடப்பட்டு இருந்தது. உடனே அந்த சாப்பாட்டை ஆர்டர் செய்வதற்காக அப்பெண் விளம்பரத்தை கிளிக் செய்தார். அதில் சாப்பாட்டை ஆர்டர் செய்யும் முன்பு ரூ.200-ஐ செலுத்த வங்கி கணக்கு விபரங்களை பூர்த்தி செய்யும்படி ஒரு விண்ணப்பம் வந்தது. அந்த விண்ணப்பத்தை நிரப்பியவுடன் மற்றொரு லிங்க் வந்தது. அதில் ஏடிஎம் கார்டு விபரங்கள் கேட்கப்பட்டு இருந்தது. அதையும் அப்பெண் பூர்த்தி செய்தார். உடனே மற்றொரு லிங்க் அனுப்பி ஒரு மொபைல் ஆப் ஒன்றை பதிவிறக்கம் செய்யும்படி கேட்டுக்கொள்ளப்பட்டது. அந்த ஆப் மூலம் மொபைல் போனை தங்களது கட்டுப்பாட்டில் எடுத்துக்கொள்ள முடியும். மும்பை பெண் இந்த ஆப்பை தனது மொபைல் போனில் பதிவிறக்கம் செய்தவுடன் அப்பெண்ணின் வங்கிக்கணக்கில் இருந்து ரூ.8.46 லட்சத்தை மர்ம நபர்கள் 27 பரிவர்த்தனைகள் மூலம் எடுத்துவிட்டனர். முதல் நாள் மாலை 5 மணியில் இருந்து அடுத்த நாள் காலை 9 மணி வரை இந்த பரிவர்த்தனை நடந்துள்ளது. நீண்ட நேரத்திற்கு பிறகுதான் அப்பெண்ணிற்கு இது குறித்து போனில் தகவல் வந்தது. உடனே அடுத்த நாள் இது குறித்து அப்பெண் போலீஸில் புகார் செய்தார். போலீஸார் வழக்கு பதிவு செய்து விசாரித்து வருகின்றனர். நித்யா வங்கியில் வைப்பு தொகை வைத்திருந்தார். அந்த வைப்பு தொகையை எடுத்து சில நாட்களுக்கு முன்புதான் வங்கி கணக்கில் போட்டிருந்தார். நடிகையிடம் ரூ.1.6 லட்சம் மோசடி மற்றொரு சம்பவத்தில் பாலிவுட் நடிகை ஆஸ்தா ஸிடானா ரூ.1.6 லட்சத்தை இழந்துள்ளார். உங்களது கேஒசி விபரங்களை அப்டேட் செய்யவில்லையெனில் இ-வேலட் கணக்கு முடக்கப்படும் என்று கூறி நடிகைக்கு ஒரு மெசேஜ் வந்தது. உடனே அந்த லிங்கில் தனது வங்கி கணக்கு விபரங்களை அப்டேட் செய்தார். ஆனால் அதில் கேட்ட ஒன் டைம் பாஸ்வேர்டு விபரங்களை தெரிவிக்கவில்லை. ஆனால் அவரது வங்கிக்கணக்கில் இருந்து ரூ.1.6 லட்சம் எடுக்கப்பட்டு இருந்தது. இது குறித்து அப்பெண் கூறுகையில், ``எனக்கு இ-வேலட் கேஒசி விபரங்களை தாக்கல் செய்யும்படி மெசேஜ் வந்தது. ஆஸ்தா நான் பான் கார்டு விபரங்களை டைப் செய்த பிறகு மெசேஜ் வந்த நம்பருக்கு போன் செய்தேன். அதில் பேசிய நபர் எனது இண்டர்நெட் பேங்கிங் பாஸ்வேர்டை செலுத்தும்படி கேட்டுக்கொண்டார். ஆனால் நான் பாஸ்வேர்டை டைப் செய்யாமல் போனை கட் செய்துவிட்டேன். அப்படி இருந்தும் எனது வங்கிக்கணக்கில் இருந்து ரூ.1.6 லட்சம் எடுக்கப்பட்டு இருந்தது” என்று தெரிவித்தார். இது குறித்து அப்பெண் போலீஸில் புகார் செய்துள்ளார். போலீஸார் வழக்கு பதிவு செய்து விசாரித்து வருகின்றனர்.
http://dlvr.it/SbYdjP

Read More