``சிறையில் பாதுகாப்பாக இருக்க ஆம் ஆத்மி அமைச்சருக்கு ரூ.10 கோடி கொடுத்தேன்!" - சுகேஷ் பகீர் புகார்

டெல்லி தொழிலதிபர் மனைவியை மிரட்டி ரூ.200 கோடி பறித்த வழக்கில் கைதுசெய்யப்பட்டு சிறையில் அடைக்கப்பட்டிருக்கும் சுகேஷ் சந்திரசேகர், பாலிவுட் நடிகை ஜாக்குலின் பெர்னாண்டஸுடன் நெருங்கிய தொடர்பு வைத்திருந்தார். அந்த நடிகைக்காக கோடிக்கணக்கில் செலவும் செய்தார். திகார் சிறையில் சுகேஷ் அடைக்கப்பட்டிருந்தபோது சிறை அதிகாரிகளுக்கும் கோடிக்கணக்கில் செலவு செய்தார். இந்த நிலையில் சுகேஷ் சந்திரசேகர் டெல்லி ஆளுநர் சக்சேனாவுக்கு தன் வழக்கறிஞர் மூலம் எழுதியிருக்கும் கடிதத்தில், தான் சிறையில் பாதுகாப்பாக இருக்க ஆம் ஆத்மி கட்சியின் அமைச்சர் சத்யேந்தர் ஜெயினுக்கு ரூ.10 கோடி கொடுத்ததாகத் தெரிவித்திருக்கிறார். மேலும், ``எனக்கு சிறையில் கடுமையான துன்புறுத்தலும், அச்சுறுத்தலும் இருந்தன. இதற்காகப் பாதுகாப்பு கட்டணமாக அமைச்சருக்கு இந்தப் பணத்தை கொடுத்தேன். அதோடு தென்னிந்தியாவில் கட்சியில் முக்கியப் பதவி வாங்கிக் கொடுப்பதாகவும், ராஜ்ய சபா உறுப்பினர் பதவி கிடைக்க உதவுதாகவும் தெரிவித்திருந்தார். இதற்காகவும் சேர்த்து மொத்தம் ரூ.50 கோடியை ஆம் ஆத்மி அமைச்சரிடம் கொடுத்தேன்.ஆளுநருக்கு வந்த கடிதம் நான் 2017-ம் ஆண்டு கைதுசெய்யப்பட்ட பிறகு சத்யேந்தர் ஜெயின் பல முறை சிறைக்கு வந்து என்னைப் பார்த்துச் சென்றார். 2019-ம் ஆண்டு மீண்டும் என்னை வந்து சந்தித்தார். அவரின் செயலாளர் ஒவ்வொரு மாதமும் பாதுகாப்புக் கட்டணமாகவும், சிறையில் தேவையான வசதிகள் கிடைக்கவும் ரூ.2 கோடி கொடுக்க வேண்டும் என்று சொன்னார். சத்யேந்தர் ஜெயினை எனக்கு 2015-ம் ஆண்டிலிருந்து தெரியும். சத்யேந்தர் என்னைச் சந்தித்து அவர் மீதான புகாரை திரும்பப் பெறும்படி மிரட்டினார். இந்தக் கடிதத்தை டெல்லி தலைமைச் செயலாளருக்கு ஆளுநர் அனுப்பி மேற்கொண்டு நடவடிக்கை எடுக்கும்படி கேட்டுக்கொள்கிறேன்" எனக் குறிப்பிட்டிருக்கிறார். இது டெல்லி திகார் சிறை தொடர்பானது என்பதால், டெல்லி உள்துறை அமைச்சகம்தான் இது குறித்து விசாரணை நடத்த வேண்டும். இது குறித்து கருத்து தெரிவித்திருந்த பா.ஜ.க நிர்வாகி பூனம் பாண்டே, ``ஆம் ஆத்மி கட்சிக்கு சுகேஷ் சந்திரசேகர் ரூ.60 கோடி கொடுத்திருக்கிறார். இதில் ரூ.50 கோடி ராஜ்ய சபா உறுப்பினர் பதவிக்கு சுகேஷ் சந்திரசேகரை நியமிக்க கொடுக்கப்பட்டது" என்று குறிப்பிட்டிருக்கிறார். ஆனால், இந்தக் குற்றச்சாட்டை ஆம் ஆத்மி கட்சி மறுத்திருக்கிறது. இது குறித்து அந்தக் கட்சியின் தலைவர் அரவிந்த் கெஜ்ரிவால், ``குஜராத் தேர்தலிலிருந்து அரவிந்த் கெஜ்ரிவால் மக்களை திசைதிருப்பவும், மோர்பி பாலம் விவகாரத்தை திசைதிருப்பவும் ஆம் ஆத்மி கட்சி மீது தவறான குற்றச்சாட்டு சுமத்தப்பட்டிருக்கிறது. இந்தக் குற்றச்சாட்டுகள் அனைத்தும் ஜோடிக்கப்பட்டவை. குஜராத் தேர்தலைக் கண்டு அவர்கள் பயந்துவிட்டனர். குஜராத்துக்காக அவர்கள் இதுவரை எதையும் செய்யவில்லை. ஆம் ஆத்மி கட்சியால் காங்கிரஸ், பா.ஜ.க போராடிக்கொண்டிருக்கின்றன. சத்யேந்தர் சிங்குக்கு எதிராக போலிச் செய்தியைப் பரப்புவதற்கு அவர்கள் சுகேஷ் சந்திரசேகரை பயன்படுத்தியிருக்கின்றனர். இதே போன்றுதான் மதுபான மோசடியில் மணீஷ் சிசோடியா மீது குற்றம்சாட்ட முயன்றனர்" என்று தெரிவித்திருக்கிறார். சத்யேந்தர் ஜெயின் பண மோசடி வழக்கில் கடந்த மே மாதத்திலிருந்து சிறையில் இருந்துவருகிறார். சுகேஷ் சந்திரசேகர் கடந்த 2017-ம் ஆண்டிலிருந்து முக்கியப் பிரமுகர்களை மிரட்டிப் பணம் பறித்த வழக்கில் கைதுசெய்யப்பட்டு சிறையில் அடைக்கப்பட்டிருக்கிறார். "அவர் என்னிடம் அன்பைத்தவிர எதையும் கேட்கவில்லை!" - நடிகை ஜாக்குலின் பற்றி சுகேஷ் உருக்கம்
http://dlvr.it/Sc5CG9

Read More

காதலனைத் தேடி தோழிகளுடன் சென்ற பள்ளி மாணவி; காதலன் பேசாததால் விஷம் குடித்ததில் இருவர் உயிரிழப்பு!

மத்திய பிரதேச மாநிலம் சஹோரே மாவட்டத்தில் உள்ள அஸ்தா என்ற நகரத்தில் படிக்கும் 16 வயது பெண்ணும், இந்தூரை சேர்ந்த ஒரு வாலிபரும் சமூக வலைதளம் மூலம் பழக்கமாகி, இருவரும் காதலிக்க ஆரம்பித்துள்ளனர். திடீரென அந்த வாலிபர் இந்தப் பெண்ணிடம் போனில் பேசுவதைத் தவிர்த்தார். கால் செய்தாலும் போனை எடுத்துப் பேசவே இல்லை. இதனால், தன் காதலனை தேடி இந்தூருக்கு செல்ல அப்பெண் முடிவு செய்தார். அவர் வகுப்பில் படிக்கும் இரண்டு தோழிகளும் அவருடன் வருவதாகத் தெரிவித்தனர். மூவரும் பள்ளிக்குச் செல்வதாக வீட்டில் சொல்லிவிட்டு இந்தூருக்கு வந்தனர். suicideதற்கொலை எண்ணம் தோன்றுகிறதா? உடனே செய்ய வேண்டியது என்ன? | #VisualStory அவர்கள், அங்குள்ள பூங்கா ஒன்றில் நின்றுகொண்டு சம்பந்தப்பட்ட வாலிபருக்கு, போன் செய்திருக்கின்றனர். அந்தப் பெண், தான் இந்தூர் வந்திருக்கும் தகவலை தெரிவித்து, தன்னை வந்து பார்க்கும்படி கேட்டுக்கொண்டார். ஆனால், நீண்ட நேரமாகியும் அந்த வாலிபர் அவரைப் பார்க்க வரவே இல்லை. ஏற்கெனவே, காதலன் தன்னுடன் பேசவில்லை எனில் தற்கொலை செய்யப்போவதாகக் கூறி விஷம் வாங்கி வைத்திருந்த அப்பெண், காதலன் வராததால் விஷத்தைக் குடித்தார். உடனே மற்றொரு பெண்ணும், தன் குடும்பத்தில் பிரச்னை இருக்கிறது என்று கூறி விஷத்தைக் குடித்தார். மூன்றாவது பெண் அவர்கள் இருவருக்கும் நெருங்கிய தோழி என்பதால் அவரும் விஷத்தைக் குடித்தார். மூவரும், விஷம் குடித்ததும் சிறிது நேரத்தில் மயங்கி விழுந்தனர். உடனே பூங்காவில் இருந்தவர்கள் மூன்று பேரையும் மருத்துவமனையில் சேர்ந்தனர். மருத்துவமனையில் சிகிச்சை பலனலிக்காமல் இரண்டு பெண்கள் இறந்துவிட்டனர். ஒருவர் மட்டும் சிகிச்சை பெற்று வருகிறார். அவரிடம் விசாரணை நடத்தியதில்தான், மேற்கண்ட தகவல்கள் கிடைத்திருக்கின்றன. இது குறித்து போலீஸ் அதிகாரி பிரசாந்த் கூறுகையில், `தற்கொலை செய்துகொண்ட பெண்கள், கடிதம் எதையும் எழுதி வைத்திருக்கவில்லை. சிகிச்சை பெற்று வரும் பெண் கொடுத்துள்ள வாக்குமூலத்தின் அடிப்படையில்தான் விசாரித்து வருகிறோம்’ என்றார்.
http://dlvr.it/Sc2G6W

Read More

ம.பி: பணம் திருடியதாக குற்றச்சாட்டு; சிறுவர்களை தாக்கி லாரியில் கட்டி இழுத்துச் சென்ற கொடூரம்!

மத்தியப் பிரதேசத்தில் மார்க்கெட் ஒன்றில் இரண்டு சிறுவர்கள் பணத்தைத் திருடியதாகக் கூறி லாரியின் பின்புறம் கட்டி இழுத்துச்செல்லப்பட்ட சம்பவம் மக்கள் மத்தியில் பெரும் அதிர்ச்சியை ஏற்படுத்தியிருக்கிறது. இந்தூரிலுள்ள சோய்த்ரம் மார்க்கெட்டுக்கு வந்த காய்கறிகளை இறக்கும்போது சிறுவர்கள் இருவர் லாரியில் வைத்திருந்த பணத்தை எடுப்பதைப் பார்த்ததாக லாரி ஓட்டுநர் ஒருவர் கூறியிருக்கிறார். இதையடுத்து, அங்கிருந்த வியாபாரிகளும், லாரி ஓட்டுநரும் சிறுவர்களை சரமாரியாகத் தாக்கியிருக்கின்றனர். அதன் பிறகு, லாரியின் பின்புறம் சிறுவர்களின் கால்களை கயிற்றில் கட்டி உடல்கள் சாலையில் தேயும்படியாக இழுத்துச்சென்றனர்.சிறுவர்களை அடித்து லாரியில் கட்டி இழுத்துச் சென்ற கொடூரம் இந்தச் சம்பவம் தொடர்பாக தகவலறிந்து அங்கு விரைந்த போலீஸார், சிறுவர்களை வியாபாரிகளிடமிருந்து மீட்டு மருத்துவமனையில் சிகிச்சைக்காக அனுமதித்தனர். அதைத் தொடர்ந்து, போலீஸார் சிறுவர்களை தாக்கி லாரியில் கட்டி இழுத்துச் சென்றவர்கள் மீது வழக்கு பதிவுசெய்தனர். இது தொடர்பான வீடியோ இணையத்தில் அதிக அளவில் பகிரப்பட்டு வரும் நிலையில், சிறுவர்களை தாக்கியவர்கள் மீது கடும் நடவடிக்கை எடுக்கப்பட வேண்டும் என்ற கோரிக்கை வலுத்து வருகிறது.எமனாக வந்த லாரி; உடல் நசுங்கி உயிரிழந்த சகோதரிகள் - தந்தையும் படுகாயம்... ஆம்பூரில் சோகம்!
http://dlvr.it/SbzLxr

Read More

கர்நாடகா: ``அரபி பள்ளிகளில் மாநிலப் பாடத்திட்டங்கள் பின்பற்றப்படுவதில்லை" - அமைச்சர் பி.சி.நாகேஷ்

கர்நாடகாவில் ஹிஜாப் தொடர்பான மேல்முறையீட்டு விவகாரம் உச்ச நீதிமன்றத்தில் நிலுவையில் இருக்கும் நிலையில், தற்போது அரபி பள்ளிகளில் மாநிலப் பாடத்திட்டங்கள் பின்பற்றப்படுவதில்லை எனப் புகார் எழுப்பப்பட்டிருக்கிறது. இது தொடர்பாக ஆய்வு நடத்தி அறிக்கை சமர்ப்பிக்குமாறு கல்வித்துறைக்கு மாநில அரசு உத்தரவிட்டிருக்கிறது.School இது குறித்துப் பேசிய மாநில கல்வியமைச்சர் பி.சி.நாகேஷ், ``அரபி பள்ளிகளில் தரமான கல்வி இல்லாததால் அங்கு படிக்கும் மாணவர்கள், மற்ற பள்ளி மாணவர்களுடன் போட்டிபோட முடியாமல் திணறுவதாக, கல்வித்துறைக்குப் புகார் வந்திருக்கிறது. மாநிலத்தில் மொத்தம் 106 அரசு உதவி பெறும் மற்றும் 86 உதவி பெறாத அரபி பள்ளிகள் உள்ளன. இந்த நிலையில் பெரும்பாலான அரபி பள்ளிகள், கல்வித்துறையால் பரிந்துரைக்கப்பட்ட பாடத்திட்டத்தைப் பின்பற்றவில்லை என்று ஒரு கணக்கெடுப்பின் மூலம் கண்டறிந்தோம்.கர்நாடக கல்வியமைச்சர் பி.சி.நாகேஷ் மேலும் பல பள்ளிகளில் பிற மொழிகள் மற்றும் அறிவியல் பாடங்கள் கற்பிக்கப்படவில்லை என்பதும் கண்டறியப்பட்டிருக்கிறது. அதுமட்டுமல்லாமல், மற்ற உதவி பெறும் பள்ளிகளுடன் ஒப்பிடும்போது, ​​இந்தப் பள்ளிகளில் சேரும் மாணவர்கள் ஒரே மாதிரியான கல்வியைப் பெறுவதில்லை. ஒவ்வோர் ஆண்டும் கிட்டத்தட்ட 27,000 மாணவர்கள் இந்தப் பள்ளிகளில் சேருகிறார்கள். இருப்பினும், இங்கு இடைநிற்றல் விகிதம் மிக அதிகமாக இருப்பதால், 2,000 பேர் மட்டுமே 10-ம் வகுப்பு அடையும்போது தங்கள் படிப்பைத் தொடர்கின்றனர். இந்த நிலைமையை மறுபரிசீலனை செய்யுமாறு உதவி ஆணையரிடம் கூறியிருக்கிறோம். அறிக்கை கிடைத்த பிறகு அதன்மீது நடவடிக்கை எடுப்போம்" எனத் தெரிவித்திருக்கிறார்.கர்நாடகா: ரேஷன் அட்டைகளில் சர்ச்சையைக் கிளப்பிய இயேசு, லட்சுமி படங்கள்! - விளக்கமளித்த அதிகாரிகள்
http://dlvr.it/SbxCJg

Read More

`ரசகுல்லா'வால் வெடித்த வாய்த் தகராறு; கொலையில் முடிந்ததால் துக்க வீடான திருமண வீடு!

உத்தரப்பிரதேச மாநிலம், ஆக்ராவிலுள்ள எட்மத்பூர் பகுதியைச் சேர்ந்தவர் உஸ்மான். இவருடைய மகளுக்குக் கடந்த புதன்கிழமை திருமணம் நடைபெற்றது. இந்த விழாவில் கலந்துகொள்ள வந்திருந்த உறவினர்கள், நண்பர்களுக்கு ரசகுல்லா பரிமாறப்பட்டதாகத் தெரிகிறது. அப்போது, ஒருசிலர் தங்களுக்கு ரசகுல்லா வைக்கப்படவில்லை எனக் கூறி வாக்குவாதத்தில் ஈடுபட்டிருக்கின்றனர். இதையடுத்து, மாப்பிள்ளை மற்றும் பெண் வீட்டார் இடையே தகராறு ஏற்பட்டதாகத் தெரிகிறது. அப்போது திருமணத்தில் கலந்துகொள்ள வந்திருந்த சிலர் சண்டையில் ஈடுபட்டிருக்கின்றனர். வாக்குவாதம் முற்றிய நிலையில், ஒருவரையொருவர் கத்தியால் குத்திக்கொண்டதாகக் கூறப்படுகிறது. இதில் சன்னி என்பவர் படுகாயமடைந்தார். அதையடுத்து, உறவினர்கள் அவரை மீட்டு மருத்துவமனையில் அனுமதித்தனர். ஆனால், அங்கு அவர் சிகிச்சை பலனின்றி உயிரிழந்தார்.மரணம் இந்தச் சம்பவம் குறித்து ஊடகங்களிடம் வட்ட அதிகாரி சையத் ஆரிப் அகமது, ``வீடியோ மற்றும் சிசிடிவி காட்சிகளை ஆய்வுசெய்து, இந்தச் சம்பவம் குறித்த விவரங்களை அறிய மக்களிடம் விசாரணை நடத்தப்பட்டுவருகிறது. இறந்தவரின் உடல் பிரேத பரிசோதனைக்கு அனுப்பப்பட்டது. இதில் காயமடைந்த ஐந்த்கு பேர் மருத்துவமனையில் சிகிச்சை பெற்றுவருகின்றனர்" என்றார்.யாருக்குச் சொந்தம் ரசகுல்லா?... இறுதியில் வென்ற ஒடிசா!
http://dlvr.it/Sbv6pV

Read More

தமிழக வனப்பகுதி பறிபோகும் அபாயம்; ​கேர​ளாவின் ​​டிஜிட்டல் ரீ சர்வேயை தடுக்குமா தமிழக அரசு?

​கேரள​ ​அர​சு நவம்பர் 1 -ம் தேதி முதல் மாநிலம் முழுவதும் டிஜிட்டல் ரீ சர்வே ​எடுக்கத் திட்டமிட்டுள்ளது. இதனால் தமிழகத்தின் எல்லையோர மாவட்டங்​​களில் பெரிய அளவிற்கு தமிழக வன நிலங்கள் பறிபோகும் அபாயம் ஏற்பட்டுள்ளது​.நில எல்லை முல்லை பெரியாறு அணை- நீர்மட்ட கால அட்டவணையை ரத்து செய்ய வேண்டும்! எனவே ​திருவனந்தபுரம் மாவட்டத்திலுள்ள நெய்யாற்றின்கரை, கட்டக்கடை,நெடுமங்காடு ஆகிய​ 3​ தாலுகாக்கள், கொல்லம் மாவட்டத்தில் உள்ள புனலூர் தாலுக்கா​, பத்தினம்திட்டா மாவட்டத்தில் உள்ள கோணி தாலுகா, இடுக்கி மாவட்டத்தில் உள்ள பீர்மேடு, உடுமஞ்சோலை, தேவிகுளம் ஆகிய ​3​ தாலுகாக்கள்​, பாலக்காடு மாவட்டத்தில் உள்ள சித்தூர், பாலக்காடு, மன்னார்க்காடு ஆகிய ​3​ தாலுகாக்கள்​, மலப்புரம் மாவட்டத்தில் உள்ள நிலம்பூர் தாலுக்கா​, வயநாடு மாவட்டத்தில் உள்ள வைத்ரி, மானந்தவாடி மற்றும் சுல்தான் பத்தேரி ஆகிய ​3​ தாலுகாக்கள் என​ தமிழக எல்லையோரம் உள்ள கேரளாவில் உள்ள 15 தாலுகாக்களில் ​​டிஜிட்டல் ரீ சர்வேயை நிறுத்தி வைக்க​ வேண்டும் என தமிழக விவசாயிகள் வலியுறுத்தியுள்ளனர். மேலும், முல்லை பெரியாறு அணையில் 152 அடி நீர் மட்டம் தேக்க வேண்டும். முல்லை பெரியாறு அணைக்கு எதிராக விசம பிரசாரத்தை பரப்பும் நோக்கில் ஆவணப்படம் வெளியிட்டோர் மீது நடவடிக்கை எடுக்க வேண்டும். கேரளாவில் தமிழக எல்லை ஆக்கிரமிக்கப்பட்டுள்ள நிலையில் முழுமையாக எல்லை அளவீடு செய்யப்படாமல் ​டிஜிட்டல் ரீ சர்வே​ செய்வதை நிறுத்த வேண்டும் என்பதை வலியுறுத்தி பெரியாறு வைகை பாசன விவசாய சங்கத்தினர் தமிழக-கேரள எல்லையில் உள்ள குமுளி, கம்பம் மெட்டு, போடி மெட்டு ஆகிய பகுதிகளில் முற்றுகை போராட்டம் நடத்த உள்ளதாக அறிவித்துள்ளனர். அன்வர் பாலசிங்கம்``புது அணைக்குத் தடை ஆணை வாங்கியே தீருவோம்!" - திரளும் முல்லைப் பெரியாறு பாசன விவசாயிகள் இதுகுறித்து பெரியாறு வைகை பாசன விவசாயிகள் சங்க ஒருங்கிணைப்பாளர் அன்வர் பாலசிங்கத்திடம் பேசினோம். ​அவர், ``கடந்த 1956 மொழிவழி பிரிவினையின் போது, 1400 சதுர கிலோ மீட்டர் பரப்பளவை கேரளாவிடம் தமிழகம் இழந்திருந்திருக்கிறோம்.  இந்த டிஜிட்டல் ரீ சர்வே முறையால், மிகப்பெரிய அளவிலான தமிழக நிலங்களை இழக்கும் அபாயம் இருக்கிறது.​ ​எனவே முறையான வழிமுறைகளை பின்பற்றி, தகுந்த அதிகாரிகள் குழுவை கேரளாவிற்கு அனுப்பி, ​தமிழக கேரள எல்லையோர​ 15 தாலுகாக்களில், டிஜிட்டல் ரீ சர்வே முறையை நிறுத்துவதற்கு தகுந்த நடவடிக்கை எடுக்க வேண்டும். ​மொழிவழி பிரிவினையால்​​ தமிழகம் இழந்த பகுதிகளான தேவிகுளம்​,​ பீர்மேடு​,​ உடுமஞ்சோலை ஆகிய ​3​ தாலுகாக்கள் கேரள மாநில வரி வருவாயில் 12 விழுக்காடு ​வழங்கிக்கொண்டிருக்கிறது.​ ​வனவளம் மிகுந்த நெய்யாற்றின்கரை,நெடுமங்காடு, செங்கோட்டை தாலுகாவின் மேற்கு பகுதி எல்லாம் இன்றைக்கு கேரள மாநிலத்திற்கான அட்சய பாத்திரங்க​ளாகும். ​​முல்லை பெரியாறு​ரூல்கர்வ் முறைப்படி ​முல்லை பெரியாறு நீர்​ திறப்பு... தமிழக விவசாயிகள் எதிர்ப்பு! ​சர்வே ஆஃப் இந்தியாவின் மேற்பார்வையில் தான் டிஜிட்டல் ரீ சர்வே நடத்தப்படுகிறது என​ ​ கேரள வருவாய்த்துறை அமைச்சர் ராஜன் ​கூறுவதில் உண்மை தன்மை இருக்கிறதா எனத் தெரியவில்லை. தமிழகத்திற்கும் கேரளத்திற்கு​ம் இடையிலான 822 கிலோ மீட்டர் தூரம் முறையாக இன்னமும் அளவீடு செய்யாமல் கிடப்பில் போடப்பட்டிருக்கும் நிலையில், எந்த அடிப்படையில் கேரளாவில் உள்ள 14 மாவட்டங்களிலும் மறு அளவீடு செய்ய முடியும். ​கேரளாவில் உள்ள 14 மாவட்டங்களில் தேர்ந்தெடுக்கப்பட்ட 200 கிராமங்களில், குளோபல் நேவிகேஷன் சாட்டிலைட் சிஸ்டத்தின் மூலம் ஆய்வு மேற்கொள்ளப்படும் என்றும் அறிவித்திருக்கிறார்கள்.​ ​கூடுதலாக நீர்நிலைகள் மற்றும் சுற்றுச்சூழல் உணர்திறன் மண்டலங்கள் தனியாக வரைபடங்களின் மூலம் வகைப்படுத்தப்படும் என்றும் அறிவித்திருக்கிறார்கள்.​ ​ஆனால் அண்டை மாநிலத்தோடு எல்லையை அளவீடு செய்வதில் மட்டும் ​கேரள அரசு​ உடன்படவில்லை. ​கடந்த ​1956​ நவம்பர் 1 ​இ​ல்​ ​நவீன கேரளத்தை உருவாக்கினார்கள்​. அதே நவம்பர் 1 ஆ​ம்​ ​தேதியில் டிஜிட்டல் ரீ சர்வேயை தொடங்குகிறார்கள்.​ கிராம பதிவுகள் முடிந்ததும், நில அளவை ஆவணங்கள், தகவல் தொழில்நுட்பம் மற்றும் நிலப்பரப்பின் விரிவான ஆவணத்தின் உதவியுடன் தொகுக்கப்படும் என்று அறிவித்திருக்கிறார்கள்.சர்வேமுல்லை பெரியாறு விவகாரம்: புதிய அணைக்கு அச்சாரம் போடும் கேரளா; தடுப்பாரா ஸ்டாலின்? ​தமிழக முதல்வரோடு இணக்கமாக இருக்​கும் கேரள முதல்வர் ​​​இந்த நேரத்தில் இதுபோன்ற மோசடிகளை அரங்கேற்றிக் கொள்ளலாம்​ என நினைக்கிறார். முல்லைப் பெரியாறு அணையில், ஐந்து மாவட்ட மக்களுக்கு எதிராக செய்த துரோகத்தை,​ ​இன்று டிஜிட்டல் ரீ சர்வே என்ற பெயரில் தமிழகத்தில் உள்ள 9 மாவட்ட மக்களுக்கு எதிராக ​செய்கிறார்கள். எனவே தான் நம்பர் 1 -ம் தேதி தமிழக கேரள எல்லையில் முற்றுகை போராட்டத்தை நடத்த உள்ளோம்" என்றார். 
http://dlvr.it/SbrGcz

Read More

பெண்கள் காப்பகத்திலிருந்து தப்பி டாக்ஸி டிரைவர்கள் இருவரிடம் சிக்கிய சிறுமி... மும்பை கொடூரம்!

பெண்களுக்கு எதிரான வன்முறைகள் பல வடிவங்களில் நடைபெறுகின்றன. பாலியல் வன்கொடுமை, துன்புறுத்தல், வரதட்சணை என்று அடுக்கிக்கொண்டே போகலாம். இது போன்ற செயல்களிலிருந்து சிறுமிகள், பெண் குழந்தைகள்கூட தப்புவதில்லை. மும்பையிலுள்ள பெண்கள் காப்பகத்தில் 16 வயது மைனர் பெண் ஒருவர் சேர்க்கப்பட்டிருந்தார். அவர் கடந்த ஜூலை மாதம் பாலியல் வன்கொடுமைக்கு ஆளாக்கப்பட்டார். இதையடுத்து அவரின் பாதுகாப்பைக் கருத்தில்கொண்டு அவர் பெண்கள் காப்பகத்தில் சேர்க்கப்பட்டிருந்தார். பெண்கள் காப்பகத்தில் இருக்கப் பிடிக்காமல், தான் தற்கொலை செய்துகொள்வேன் என்று மிரட்ட ஆரம்பித்தார். இதனால் உடல்நலம் பாதிக்கப்பட்டு மும்பை நாயர் மருத்துவமனையில் சிகிச்சைக்காகச் சேர்க்கப்பட்டார். சிகிச்சையின்போது மருத்துவமனையிலிருந்து மைனர் பெண் தப்பிச் சென்றுவிட்டார். அவர் சிஎஸ்டி ரயில் நிலையத்தில் நின்றிருந்தபோது இரண்டு டாக்ஸி டிரைவர்கள் அவரை அணுகிப் பேச்சுக்கொடுத்தனர். அவர்களிடம் அந்தப் பெண் தான் வேலை தேடிக்கொண்டிருப்பதாகத் தெரிவித்தார். உடனே தாங்கள் வேலை வாங்கிக்கொடுப்பதாகக் கூறி அழைத்துச் சென்று லாட்ஜ் ஒன்றில் வைத்து பாலியல் வன்கொடுமை செய்துவிட்டு மீண்டும் அதே இடத்தில் கொண்டு வந்து விட்டுச் சென்றனர். இதையடுத்து அந்தப் பெண் மீண்டும் தான் தங்கியிருந்த பெண்கள் காப்பகத்துக்குச் சென்று தனக்கு நடந்த சம்பவத்தைக் கூறியிருக்கிறார். இதைத் தொடர்ந்து காப்பகப் பொறுப்பாளர் இது குறித்து உடனே போலீஸில் புகார் செய்தார். போலீஸார் வழக்கு பதிவுசெய்து அபிமன்யூ என்ற டாக்ஸி டிரைவரைக் கைதுசெய்துள்ளனர். இது குறித்து அதிகாரி ராஜேஷ் பவார் கூறுகையில், ``மைனர் பெண் மாட்டுங்கா பெண்கள் காப்பகத்தில் இருந்தபோது வீட்டுக்குப் போக வேண்டும் என்று அடம்பிடித்திருக்கிறார். அதோடு தற்கொலை செய்துகொள்வேன் என்று மிரட்டியதால் அவரை மருத்துவமனையில் சேர்த்துள்ளனர். ஆனால் மருத்துவமனையிலிருந்து தப்பித்து புறநகர் ரயில் மூலம் ஒவ்வோர் இடமாகச் சுற்றியிருக்கிறார். இறுதியில் சிஎஸ்டி ரயில் நிலையத்துக்கு வந்தபோது அவரை அணுகிய இரண்டு டாக்ஸி டிரைவர்களிடம் தான் வேலை தேடுவதாக தெரிவித்துள்ளார். அவர்கள் வேலை வாங்கித்தருவதாகக் கூறி அழைத்துச் சென்று பாலியல் வன்கொடுமை செய்துள்ளனர். ஒருவரைக் கைதுசெய்துவிட்டோம். மற்றொருவரைத் தேடிவருகிறோம். சம்பவம் நடந்ததாகக் கூறப்படும் இடத்தில் பொருத்தப்பட்டுள்ள கண்காணிப்பு கேமரா பதிவுகளை ஆய்வு செய்துவருகிறோம்” என்று தெரிவித்தார்.
http://dlvr.it/Sbn8mg

Read More