கர்நாடகா: மாற்றுச் சமூக இளைஞரைக் காதலித்ததால் ஆத்திரம்; மகளைத் தண்ணீரில் தள்ளிக் கொன்ற தந்தை!

கர்நாடகா மாநிலம், பெல்லாரி மாவட்டத்திலுள்ள குடாதினி என்ற நகரத்தில் வசிப்பவர் ஓம்கார் கவுடா. இவர் மகள் மாற்று சாதியைச் சேர்ந்த வாலிபரைக் காதலித்துவந்தார். இது குறித்து ஓம்காருக்குத் தெரியவந்தவுடன், காதலைக் கைவிடும்படி தன் மகளிடம் கேட்டுக்கொண்டார். ஆனால், அவர் மகள் காதலைக் கைவிடவில்லை. இதனால் தன் மகள்மீது ஓம்கார் கடும் கோபத்தில் இருந்தார். சம்பவத்தன்று மாலையில் தன் மகளிடம் சினிமா பார்க்கச் செல்லலாம் என்று தெரிவித்திருக்கிறார். இதனால் இருவரும் புறப்பட்டு சினிமாவுக்குச் சென்றனர். சினிமா தியேட்டருக்குச் சென்றபோது அதிக நேரமாகிவிட்டதால் படம் ஏற்கெனவே திரையிடப்பட்டிருந்தது. எனவே, அங்கிருந்து ஓம்கார் தன் மகளைக் கோயிலுக்கு அழைத்துச் சென்றார். பின்னர் அவர் கடை ஒன்றுக்கு அழைத்துச் சென்று, அவர் மகள் அணிந்திருந்த தங்க நகைகளைக் கழற்றி வாங்கிக்கொண்டார். பின்னர் ஓம்கார் தன் மகளை அங்கிருக்கும் கால்வாய் ஒன்றுக்கு அழைத்துச் சென்றார். கால்வாயைப் பார்க்கச் சொல்லிவிட்டு அதில் தன் மகளைப் பிடித்துத் தள்ளிவிட்டார். தன்னைக் காப்பாற்றும்படி அவர் மகள் உதவி கேட்டுக் கத்தினார். ஆனால் உதவி செய்யாமல் அங்கிருந்து திருப்பதிக்குச் சென்றுவிட்டார். ஓம்கார் மகள் தண்ணீரில் மூழ்கி இறந்துபோனார். மகளும் கணவரும் வீடு திரும்பாததால் ஓம்கார் மனைவி இது குறித்து போலீஸில் புகார் செய்தார். போலீஸார் வழக்கு பதிவுசெய்து விசாரித்துவந்தனர். இந்த நிலையில், ஓம்கார் நேற்று மாலை திடீரென வீட்டுக்கு வந்தார். அவரிடம் போலீஸார் விசாரித்தபோது தன் மகளை தண்ணீரில் தள்ளிக் கொலைசெய்துவிட்டதாகத் தெரிவித்தார். இதனையடுத்து அவரைக் கைதுசெய்து போலீஸார் விசாரித்துவருகின்றனர்.`லவ்' டார்ச்சரால் விஷம் குடித்த கல்லூரி மாணவி... தந்தைக்குக் கொலை மிரட்டல்! - சேலத்தில் பரபரப்பு
http://dlvr.it/ScXH2B

Read More

மும்பை: தீவிரவாதச் செயல்களுக்கு ரூ.13 கோடி அனுப்பிவைத்த தாவூத் இப்ராஹிம்; என்.ஐ.ஏ விசாரணையில் தகவல்!

தாவூத் இப்ராஹிம் பாகிஸ்தானில் இருந்துகொண்டு மும்பையில் சட்டவிரோதச் செயல்களில் ஈடுபட்டு வருகிறார். மும்பை தொடர் குண்டு வெடிப்புச் சம்பவத்தைத் தொடர்ந்து பாகிஸ்தானில் பதுங்கியிருந்து மும்பையில் போதைப்பொருள் கடத்தல், மிரட்டிப் பணம் பறித்தல் போன்ற காரியங்களில் ஈடுபட்டுவரும் தாவூத் இப்ராஹிம், மும்பை தீவிரவாதச் செயல்களுக்குத் தேவையான பணத்தை ஹவாலா முறையில் மும்பைக்கு அனுப்பியிருப்பது தெரியவந்தது. மும்பையில் கடந்த சில மாதங்களுக்கு முன்பு தாவூத் இப்ராஹிம் கூட்டாளிகளுக்கு எதிராக தேசிய புலனாய்வு ஏஜென்சி அதிரடி சோதனை நடத்தியது. அந்தச் சோதனையில் தாவூத் கூட்டாளிகள் பலரிடம் விசாரிக்கப்பட்டதோடு, சலீம் புரூட், ஆரிஃப் ஷேக், ஷபீர் ஷேக் ஆகியோர் கைதும்செய்யப்பட்டனர். தாவூத் இப்ராஹிம் கூட்டாளி சோட்டாசகீல் கூட்டாளிகளும் ரெய்டுக்கு உட்படுத்தப்பட்டனர். இது தொடர்பாக தேசிய புலனாய்வு ஏஜென்சி வழக்கும் பதிவுசெய்திருக்கிறது. இந்த வழக்கில் தேசிய புலனாய்வு ஏஜென்சி சிறப்பு நீதிமன்றத்தில் குற்றப்பத்திரிகை தாக்கல் செய்திருக்கிறது. அதில் கைதுசெய்யப்பட்டிருக்கும் மேற்கண்ட மூன்று பேரின் பெயர்களும் குற்றவாளிகள் பட்டியலில் இடம்பிடித்திருக்கின்றன.தாவூத் இப்ராஹிம் தாவூத் இப்ராஹிமும், அவர் கூட்டாளி சோட்டாசகீலும் சேர்ந்து சூரத்தைச் சேர்ந்த ஹவாலா ஆபரேட்டர் மூலம் கடந்த ஓராண்டில் ரூ.25 லட்சத்தை அனுப்பியிருக்கிறனர். இந்தப் பணத்தில் ரூபாய் ஐந்து லட்சத்தை ஷபீர் ஷேக் தன் வசம் வைத்துக்கொண்டு, எஞ்சிய பணத்தை ஆரிஃப் ஷேக்கிடம் கொடுத்திருக்கிறார். ஷபீர் ஷேக் வீட்டில் கடந்த மே 22-ம் தேதி ரெய்டு நடத்தி தேசிய புலனாய்வு ஏஜென்சி ரூபாய் ஐந்து லட்சத்தைப் பறிமுதல் செய்தது. சூரத் ஹவாலா ஆபரேட்டர் மூலம் கடந்த நான்கு ஆண்டுகளில் ரூ.12-13 கோடியை தாவூத் இப்ராஹிம், சோட்டாசகீல் ஆகியோர் மும்பைக்கு அனுப்பியிருக்கின்றனர். அதை ஷபீர் ஷேக், ஆரிஃப் ஷேக் பெற்றிருக்கின்றனர். இதற்கான வேலைகளை ரஷீத் பாய் என்பவர் செய்து கொடுத்திருக்கிறார். தாவூத்தும் அவர் கூட்டாளிகளும் அனுப்பிய பணம் தீவிரவாதத்துக்குப் பயன்படுத்தப்பட்டிருக்கிறது. ரகசியத்தைப் பாதுகாக்க, ஷபீர் ஷேக் தனது பேச்சை பதிவுசெய்து அதை வாட்ஸ்அப் மூலம் சோட்டாசகீல், தாவூத் இப்ராஹிம் ஆகியோருக்கு அனுப்பிவைப்பதை வழக்கமாகக்கொண்டிருக்கிறார். இந்த வாய்ஸ் மெசேஜ் பலரைக் கடந்த பிறகுதான் சம்பந்தப்பட்ட இரண்டு பேரிடமும் சென்றடையும் என்று தேசிய புலனாய்வு ஏஜென்சி தெரிவித்திருக்கிறது. இது தவிர இந்தியாவிலிருந்தும் சாட்சி ஒருவரிடமிருந்து கடந்த 10 ஆண்டுகளில் ரூ.16 கோடியை மிரட்டிப் பறித்து அதை ஆரிஃப் ஷேக், ஷபிர் ஷேக் ஆகியோர் சோட்டாசகீலுக்கு ஹவாலா முறையில் அனுப்பியிருக்கின்றனர். என்.ஐ.ஏ (NIA) மும்பையைச் சேர்ந்த ஒரு குடும்பத்தினரை, இரண்டு வீடுகளை சலீம் புரூட்டின் வேண்டப்பட்டவருக்கு விற்பனை செய்யும்படி கட்டாயப்படுத்தியிருக்கின்றனர். அதில் ரூ.2.7 கோடியை மிரட்டிப் பறித்திருக்கின்றனர். சட்டவிரோத பணத் தடுப்புச் சட்டம் மட்டுமல்லாமல், மொக்கா சட்டத்தின் கீழும் தேசிய புலனாய்வு ஏஜென்சி குற்றவாளிகள் மீது வழக்கு பதிவுசெய்யப்பட்டிருக்கிறது. சோட்டாசகீலுக்கு எதிராகத் தீவிரவாதம், மிரட்டிப் பணம் பறித்தல், ஒருங்கிணைந்த குற்றம், கொலை, மிரட்டல் உட்பட பல்வேறு பிரிவுகளில் 107 வழக்குகள் பதிவுசெய்யப்பட்டிருப்பதை தேசிய புலனாய்வு ஏஜென்சி தனது குற்றப்பத்திரிகையில் சுட்டிக்காட்டியிருக்கிறது. மிரட்டிப் பணம் பறிப்பதற்காக ஷபீர் ஷேக் வீட்டில் உண்மையான துப்பாக்கி போன்று இருந்த போலி துப்பாக்கி ஒன்றும் பறிமுதல் செய்யப்பட்டிருக்கிறது. கொசுவலை கேட்டு நீதிமன்றத்துக்குக் கொசு பாட்டிலுடன் வந்த தாவூத் கூட்டாளி... நிராகரித்த நீதிபதி
http://dlvr.it/ScTFY0

Read More

`வெளிநாட்டுப் பயணம் குறித்து முதல்வர் பினராயி சொல்லவில்லை’ - ஜனாதிபதிக்குக் கடிதம் எழுதிய ஆளுநர்

கேரள மாநிலத்தில், ஆளுநருக்கும் முதல்வருக்குமான மோதல் தொடர்ந்துவருகிறது. ஆளுநர் பதவியின் கண்ணியத்துக்குக் களங்கம் ஏற்படுத்தும் வகையில் பேசினால், அமைச்சர்களின் பதவியைத் திரும்பப்பெறுவேன் என ஆளுநர் ஆரிப் முகமது கான் ஏற்கனவே அறிவித்து பரபரப்பைக் கிளப்பினார். அடுத்ததாக 11 துணைவேந்தர்கள் நியமனத்தில் யு.ஜி.சி விதிமுறைகள் கடைப்பிடிக்கப்படவில்லை எனக் கூறி அவர்களைப் பதவி விலக வேண்டும் என ஆளுநர் நோட்டீஸ் அனுப்பியிருக்கிறார். இந்த நிலையில், தன்னிடம் தெரிவிக்காமல் முதல்வர் பினராயி விஜயன் வெளிநாட்டுக்கு அரசு முறைப் பயணமாக சென்றுவந்ததாக பிரதமர், ஜனாதிபதி ஆகியோருக்கு ஆளுநர் ஆரிப் முகமதுகான் கடிதம் எழுதி, பரபரப்பைப் கிளப்பியிருக்கிறார். முதல்வர் பினராயி விஜயன் கடந்த மாதம் 3-ம் தேதி முதல் 13-ம் தேதிவரை கனடா, இங்கிலாந்து, துபாய் உள்ளிட்ட நாடுகளுக்குச் சுற்றுப்பயணம் சென்று வந்தார். முதல்வருடன் அமைச்சர்களான வி.சிவன்குட்டி, பி.ராஜிவ், வீணா ஜார்ஜ் உள்ளிட்ட நான்கு அமைச்சர்கள் சென்றிருந்தனர். வெளிநாட்டுப் பயணம் பற்றி முதல்வர் பினராயி விஜயன் தன்னிடம் தெரிவிக்கவில்லை என ஜனாதிபதிக்கும், பிரதமருக்கும் ஆளுநர் ஆரிப் முகமது கான் கடிதம் எழுதியிருப்பது அரசுக்குப் புதிய சிக்கலை ஏற்படுத்தியிருக்கிறது.பினராயி விஜயன் ஆளுநர் ஆரிப் முகமதுகான் எழுதிய கடிதத்தில், "முதல்வர் பினராயி விஜயன் வெளிநாட்டுக்குச் சென்ற சமயத்தில் ஆளுநர் என்ற முறையில் என்னிடம் முறைப்படித் தகவல் தெரிவிக்கவில்லை. இது சட்டத்தை மீறும் செயலாகும். பிரதமர் வெளிநாட்டுக்குச் செல்லும் முன்பு ஜனாதிபதியையும், முதல்வர் வெளிநாட்டுக்குச் செல்லும் முன்பு ஆளுநரையும் நேரில் சந்தித்து பயணம் குறித்தும், அதன் முக்கிய அம்சம் குறித்தும் தெரிவிக்க வேண்டும். வெளிநாட்டிலிருந்து வந்த பிறகும் நேரில் சந்தித்து, பயணத்தால் ஏற்பட்ட பலன்கள் குறித்துத் தெரிவிக்க வேண்டும். ஆனால் பத்து நாள்கள் பயணமாக, நான்கு நாடுகளுக்கு சென்று வந்த பினராயி விஜயன் என்னைச் சந்தித்துப் பேசவில்லை. அவர் வெளிநாட்டுக்குச் செல்லும்போது பொறுப்பு முதல்வர் யார் என என்னிடம் அறிவிக்கவில்லை. எனவே, அவர்மீது நடவடிக்கை எடுக்க வேண்டும்" என அந்தக் கடிதத்தில் குறிப்பிட்டிருந்தார். இதற்கிடையே முதல்வர் பினராயி விஜயனின் வெளிநாட்டுப் பயணம் பற்றி மத்திய வெளியுறவுத்துறைக்குத் தகவல் தெரிவிக்கப்படவில்லை என கேரளாவைச் சேர்ந்த மத்திய இணை அமைச்சர் முரளிதரன் கூறியிருந்தார். இதையடுத்து பினராயி விஜயன் வெளியுறவுத்துறை அமைச்சகத்தின் அனுமதி பெற்றதற்கான கடிதம் வெளியிடப்பட்டது. அதன் பிறகு முரளிதரன் அமைதியானார். ஆரிப் முகமது கான் கேரள முதல்வர் பினராயி விஜயன் வெளிநாடுகளுக்குச் செல்லும்போது முதல்வர் பதவிக்கு எனப் பொறுப்பாக யாரையும் நியமிப்பது வழக்கம் இல்லை எனக் கூறப்படுகிறது. பினராயி விஜயன் இரண்டு முறை வெளிநாட்டுப் பயணம் மேற்கொண்டபோதும் தகவல் தெரிவிக்கவில்லை என ஆளுநர் கடிதத்தில் குறிப்பிட்டிருக்கிறார். ஆளுநரின் கடிதம் குறித்து முதல்வர் தரப்போ, ஆளும் சி.பி.எம் தரப்போ இதுவரை பதில் கூறவில்லை. மேலும், இது குறித்து பினராயி விஜயன் தரப்பு உச்ச நீதிமன்ற வழக்கறிஞரிடம் சட்ட ஆலோசனை கேட்டிருக்கிறது என்ற தகவல் வெளியாகியிருக்கிறது.கேரளா: ஆளும் சிபிஎம் கட்சிக்கே தெரியாமல் கொண்டுவரப்பட்ட ஓய்வுத் திட்டம் - வாபஸ் பெற்ற பினராயி விஜயன்
http://dlvr.it/ScQ4LT

Read More

உ.பி: தோட்டத்தில் கொய்யா பறித்ததால் ஆத்திரம்; தலித் இளைஞர் கட்டையால் அடித்துக் கொலை! - இருவர் கைது

உத்தரப்பிரதேச மாநிலம், அலிகாரைச் சேர்ந்தவர் ஓம் பிரகாஷ். அண்மையில் இவர் அடிபட்டு கிடப்பதாக, காவல்துறைக்குத் தகவல் கிடைத்திருக்குக்கிறது. சம்பவ இடத்துக்கு விரைந்த காவல்துறையினர், ஓம் பிரகாஷை மீட்டு மருத்துவமனைக்கு கொண்டு சென்றனர். அங்கு அவரைப் பரிசோதித்த மருத்துவர்கள் அவர் ஏற்கெனவே இறந்துவிட்டதாகத் தெரிவித்திருக்கிறார்கள்.அடித்துக் கொலை அதைத் தொடர்ந்து, ஓம் பிரகாஷின் சகோதரர் சத்ய பிரகாஷ் காவல் நிலையத்தில், ``என் அண்ணன் தன்னை ஆசுவாசப்படுத்துவதற்காக வெளியே சென்றுவிட்டு வீடு திரும்பியபோது, வழியில் ஒரு தோட்டத்திலிருந்து சில கொய்யாப்பழங்களை சாப்பிடுவதற்காக பறித்திருக்கிறான். அதனால் ஆத்திரத்தில் அவனை அடித்துக் கொன்றிருக்கிறார்கள். ஒரு சிறுவன் வந்து சொன்ன பிறகுதான் எங்களுக்கு இது தெரியவந்தது. மேலும், நாங்கள் தலித் என்பதாலேயே இப்படிச் செய்திருக்கிறார்கள். எனவே குற்றவாளிகள் மீது உரிய நடவடிக்கை எடுக்க வேண்டும்" எனப் புகார் அளித்திருந்தார்.காவல்துறை அவர் புகாரைப் பெற்றுக்கொண்ட போலீஸார், இருவரைக் கைதுசெய்தனர். இந்தச் சம்பவம் தொடர்பாக காவல்துறையினர், ``பழத்தோட்டத்தில் கொய்யாவைப் பறித்த ஓம் பிரகாஷை, கட்டைகளால் அடித்துக் கொன்றதாக பீம்சென், பன்வாரிலால் ஆகிய இருவரைக் கைதுசெய்திருக்கிறோம். குற்றம்சாட்டப்பட்ட இருவர்மீதும் இந்திய தண்டனைச் சட்டம் (IPC) பிரிவு 302 (கொலை) மற்றும் SC/ST சட்டத்தின் 3(2)(v) ஆகியவற்றின் கீழ் வழக்கு பதிவுசெய்யப்பட்டு, விசாரணை நடந்து வருகிறது" எனத் தெரிவித்திருக்கின்றனர்.சுவாதி, ராம்குமார் வழக்குகளும்... வலுக்கும் சந்தேகங்களும்! - விளக்கமளிக்குமா தமிழக காவல்துறை?
http://dlvr.it/ScLv9l

Read More

போக்குவரத்து விதிமீறல்: ஒவ்வொரு பிரிவிலும் சென்னையில் இத்தனை லட்சம் அபராதம் வந்துள்ளதா?

சென்னையில் போக்குவரத்து விதிமீறல்களுக்காக இதுவரை வசூலாகியுள்ள தொகை குறித்து விவரங்கள் முழுமையாக வெளிவந்துள்ளது. இதுகுறித்து கூடுதல் ஆணையர் கபில் குமார் சரத்கர் கூறியுள்ள தகவலின்படி, “சென்னையில் போக்குவரத்து விதிமுறைகளை மீறியதாக கூறி இதுவரை 17453 வழக்குகள் பதிவு செய்யப்பட்டுள்ளது. கடந்த பத்து நாட்களில் மட்டும் சென்னையில் போக்குவரத்து விதிமுறைகளை மீறியதாக கூறி 1,41,48,555 ரூபாய் அபராதமாக விதிக்கப்பட்டுள்ளது. கடந்த பத்து நாட்களில் 50,05,256 ரூபாய் அபராத தொகை வசூலிக்கப்பட்டுள்ளது. குறிப்பாக தலைக்கவசம் அணியாமல் சென்றதாக கூறி 5,096 வழக்குகள் பதிவு செய்யப்பட்டு 39,42,208 ரூபாய் அபராதமாக விதிக்கப்பட்டு அதில் 16,47,600 ரூபாய் அபராதமாக வசூலிக்கப்பட்டுள்ளது. அதேபோல் வாகனத்தின் பின்புறம் அமர்ந்து செல்பவர்களும் தலைக்கவசம் அணியாமல் சென்றதாக கூறி 2284 வழக்குகள் பதிவு செய்யப்பட்டு 16,39,518 ரூபாய் அபராதமாக விதிக்கப்பட்டு அதில் 5,85,800 ரூபாய் அபராத தொகை வசூலிக்கப்பட்டுள்ளது. மேலும் தவறான திசையில் வாகனத்தை சென்றதாக கூறி கடந்த 10 நாட்களில் 878 வழக்குகள் பதிவு செய்யப்பட்டு 3,53,201 ரூபாய் அபராதமாக விதிக்கப்பட்டு அதில் 1,63,200 ரூபாய் அபராத தொகையாக வசூலிக்கப்பட்டுள்ளது.   தெளிவாக இல்லாத பதிவெண் தொடர்பாக 590 வழக்குகள் பதிவு செய்யப்பட்டுள்ளது. அதே போல் மது போதையில் வாகனம் ஓட்டியது தொடர்பாக 591 வழக்குகள் கடந்த 10 நாட்களில் பதிவு செய்யப்பட்டு 37,68,000 ரூபாய் அபராதமாக விதிக்கப்பட்டு 10,30,000 ரூபாய் அபராத தொகையாக வசூலிக்கப்பட்டுள்ளது. அதேபோல் பொது இடங்களில் வாகனங்களை நிறுத்தியது தொடர்பாக 716 வழக்குகள் பதிவு செய்யப்பட்டுள்ளது கடந்த 10 நாட்களில் மட்டும். போக்குவரத்து சிக்னல்களை மதிக்காமல் சென்றதாக கூறி கடந்த பத்து நாட்களில் 629 வழக்குகள் பதிவு செய்யப்பட்டுள்ளது. புதிய வாகன திருத்த சட்டம் தொடர்பாக காவல்துறை சார்பில் பொதுமக்களிடம் அதிக அபராதம் வசூலிக்க வேண்டும் என்கின்ற நோக்கம் இல்லை. மாறாக இதன் மூலம் பொதுமக்கள் சட்ட ஒழுங்கை முறையாக பின்பற்ற வேண்டும் என்பதற்காகவே காவல்துறை நடந்து கொள்கிறது. அதேபோல் இந்த முறை 38 சதவீதம் வரை போக்குவரத்து விதிமுறைகள் தொடர்பாக வழக்குகள் பதிவு செய்யப்பட்டுள்ளது. இதன் காரணமாக 13 சதவீதம் சென்னையில் சாலை விபத்துகளும் குறைந்துள்ளது. போக்குவரத்து விதிமுறைகளை மீறி காவலரிடம் சிக்கிக் கொள்ளும் நபர்கள் அபராதம் செலுத்த மறுத்தாலும் காவல்துறையினரை பணி செய்ய விடாமல் இடையூறு செய்தாலும் வாகன திருத்த சட்டம் மட்டும் இன்றி குற்ற வழக்குகளும் பதிவு செய்யப்படுவார்கள். கோபாலபுரத்தில் காரில் சென்ற நபருக்கு இருசக்கர வாகனத்தில் ஹெல்மெட் அணியாமல் சென்றதாக கூறி 54 முறை செலன் அனுப்பப்பட்டது தொழில்நுட்ப கோளாறு காரணமாக நடைபெற்ற ஒன்று. இதுபோல் வேறு நபர்களுக்கும் நடைபெற்று இருந்தால் அதனை போக்குவரத்து காவல்துறை தரப்பில் தெரிவிக்கும் பட்சத்தில் பரிசீலனை செய்யப்படும்.  குடிபோதையில் வாகனம் ஊட்டிய நபர்கள் மீது விதிக்கப்பட்டுள்ள ஆபிரகையை குறிப்பிட்ட 14 நாட்களுக்குள் செலுத்த தவறினால் உரிய நபர்களின் வாகனங்கள் பறிமுதல் செய்யப்படும் என தெரிவிக்கப்பட்டிருந்தது. இதன் காரணமாக போக்குவரத்து காவல்துறை சார்பில் ஆங்காங்கே கண்காணிக்கப்பட்டு உரிய நடவடிக்கை மேற்கொள்ள உள்ளது” என்றார்.
http://dlvr.it/ScJYFQ

Read More

கடலில் தெரிந்த லைட்ஹவுஸ் வெளிச்சம்; படகில் கிளம்பிய போதை ஆசாமி! - நடுக்கடலில் தீர்ந்த எரிபொருள்

குடிபோதையில் சிலர் என்ன செய்கிறோம் என்று தெரியாமல் செய்துவிட்டு போதை தெளிந்த பிறகுதான், `நாம் இப்படி எல்லாமா செய்தோம்?’ என்று நினைப்பதுண்டு. மும்பை வசாய் பகுதியை சேர்ந்தவர் பீட்டர். மீனவரான இவருக்கு மீன்பிடி படகு இருக்கிறது. இப்படகில் உதவியாளராக விகாஸ் தங்கடா என்பவர் இருக்கிறார். கடந்த 31-ம் தேதி வசாய் கடற்கரையில் கட்டியிருந்த பீட்டரின் மீன்பிடி படகை திடீரென காணவில்லை. படகின் உதவியாளர் விகாசையும் காணவில்லை. இதனால் பீட்டர் இது குறித்து போலீஸில் புகார் செய்தார். போலீஸார் வழக்கு பதிவு செய்து கடலோர பாதுகாப்பு படையின் துணையோடு தேடுதல் வேட்டையில் ஈடுபட்டனர். கடலோர பாதுகாப்பு படையினர் அதிவிரைவு படகு, ஹெலிகாப்டர் உதவியோடு காணாமல் போன படகை தேடினர். விகாஸ் மற்றும் காணாமல் போன படகு புகைப்படத்தை மகாராஷ்டிரா, குஜராத் மற்றும் கோவா மீனவர்களுக்கு அனுப்பி தேடி வந்தனர். அதனை பார்த்துவிட்டு சதீஷ் என்பவர் காணாமல் போன படகு ராய்கட் மாவட்டத்தில் ஸ்ரீவர்தன் என்ற இடத்தில் நிற்பதாக தகவல் கொடுத்தார். சதீஷ் முதலில் அந்தப்படகு குறித்து மும்பையை சேர்ந்த ரவி என்ற மீனவரிடமிருந்து ஸ்ரீவர்தன் பகுதி மீனவர் சங்க தலைவர் பிலிப்பிற்கு வாட்ஸ் ஆப்பில் தகவல் வந்தது. இது குறித்து சதீஷுக்கும் வாட்ஸ் ஆப் வந்தது. வாட்ஸ் ஆப்பில் இருப்பது போன்ற படகு அங்கு தரை தட்டி நிற்பதை பார்த்து உடனே மற்றவர்களுக்கு தகவல் கொடுத்தார். இது குறித்து படகு உரிமையாளர் பீட்டருக்கு தகவல் கிடைத்தது. பீட்டர் இது குறித்து உடனே போலீஸாருக்கு தகவல் கொடுத்தார். போலீஸார் ஆட்களை அனுப்பி அங்கிருந்து படகை மும்பைக்கு கொண்டு வந்தனர். அப்படகில் இருந்த விகாஷிடம் விசாரித்த போது குடிபோதையில் படகை எடுத்துக்கொண்டு புறப்பட்டு விட்டதாக தெரிவித்தார். இது குறித்து பீட்டர் கூறும் போது, ``மறுநாள் கடலுக்கு மீன்பிடிக்க செல்லவேண்டும் என்பதால் கடலில் பயன்படுத்த அன்றாட தேவையான உணவு பொருள்கள், ஐஸ் மற்றும் டீசல் போன்றவற்றை படகில் நிரப்பி இருந்தோம். காலையில் படகில் மீன்பிடிக்க செல்லலாம் என்று பார்த்தால் படகை காணவில்லை. எனது படகை கடலில் பார்த்ததாக சக மீனவர்கள் என்னிடம் தெரிவித்தனர். இதனால் படகு திருடப்பட்டதோ என்ற அச்சம் ஏற்பட்டது. படகு மூலம் தான் எனக்கு வருமானம் கிடைத்து வந்தது” என்று தெரிவித்தார். படகில் இருந்த விகாஷிடம் விசாரித்த போது இரவில் படகில் இருந்த போது மது அருந்தியதாகவும், கடலில் தெரிந்த கலங்கரை விளக்கின் வெளிச்சம் எங்கு இருக்கிறது என்பதை தேடி படகில் புறப்பட்டதாக அவர் போலீஸாரிடம் தெரிவித்தார். மீட்கப்பட்ட படகு மற்றும் சதீஷ் மேலும், கடலில் சென்ற போது திடீரென எரிபொருள் தீர்ந்துவிட்டதால் படகு அப்படியே நின்றுவிட்டதாக தெரிவித்தார். போலீஸார் படகையும், விகாசையும் தங்களது கட்டுப்பாட்டில் எடுத்து விசாரித்து வருகின்றனர். கடலுக்குள் எடுத்துச்செல்லப்பட்ட படகின் விலை ரூ.40 லட்சமாகும். மும்பையில் பாகிஸ்தான் தீவிரவாதிகள் கடல் மார்க்கமாக படகில் வந்து தாக்குதல் நடத்திய பிறகு கடலில் பாதுகாப்பு பலப்படுத்தப்பட்டிருக்கிறது. எந்த ஒரு படகு காணாமல் போனாலும் உடனே இது குறித்து கடலோரபடைக்கும் தகவல் கொடுக்கவேண்டும். எனவேதான் பீட்டரின் படகு காணாமல் போனபோது கடலோர பாதுகாப்பு படையினர் ஹெலிகாப்டர் உதவியோடு அந்தப் படகை தேடினர்.வேதாரண்யத்தில் கரை ஒதுங்கிய ரப்பர் படகு... போலீஸில் சிக்கிய போலாந்து இளைஞர் - பின்னணி என்ன?!
http://dlvr.it/ScJY32

Read More

``பாலியல் வன்கொடுமை செய்த குற்றவாளிகளைப் பொதுவெளியில் தூக்கிலிட வேண்டும்" - ம.பி அமைச்சர் காட்டம்

மத்தியப் பிரதேசத்தில் அண்மையில் 4 வயது சிறுமி, கந்த்வா எனும் பகுதியிலுள்ள கரும்புத் தோட்டத்தில் பாலியல் வன்கொடுமைக்கு ஆளாக்கப்பட்டு, புதருக்குள் சுயநினைவற்ற நிலையில் கண்டெடுக்கப்பட்டார். அதைத் தொடர்ந்து இந்தூரிலுள்ள மருத்துவமனையில் சிகிச்சைக்காக அனுமதிக்கப்பட்டிருக்கிறார். இந்த வழக்கில் தொடர்புடைய இருவரை காவல்துறை கைதுசெய்தது. மத்தியப் பிரதேச அமைச்சர் உஷா தாக்கூர் இந்த நிலையில், மத்தியப் பிரதேச பா.ஜ.க அமைச்சர் உஷா தாக்கூர் செய்தியாளர்களைச் சந்தித்துப் பேசினார். அப்போது அவர், ``பல்வேறு வழிகளில் நாம் சமூகத்தை அறிவூட்ட வேண்டும். இது போன்ற காட்டுமிராண்டித்தனமான செயல்களில் எப்படி ஈடுபடுகிறார்கள்... இது போன்ற குற்றவாளிகளுக்கு, பொது மேடையில் தண்டனை வழங்க வேண்டும் என்று நான் முதலமைச்சர் சிவ்ராஜ் சிங் சௌகானிடம் கோரிக்கை விடுக்கிறேன். குற்றம்சாட்டப்பட்டவருக்கு சிறையில் மரண தண்டனை விதிக்கப்படுகிறது. ஆனால், அது எப்படி நடக்கிறது என்பது யாருக்கும் தெரியாது.தூக்கு சமீபத்தில் நடந்த பாலியல் வன்கொடுமை சம்பவங்கள் தொடர்பாக பிடிபட்ட இரண்டு குற்றவாளிகளையும் கந்த்வா நகரத்திலுள்ள ஒரு பொது மேடையில் பகிரங்கமாகத் தூக்கிலிட்டால், அத்தகைய நபர்கள் இனி எந்தவொரு பெண்ணையும் தொடுவதற்கு முன்பு ஆயிரம் முறை யோசிப்பார்கள். இது போன்ற தண்டனை மற்றவர்களுக்கு வலுவான பாடமாக இருக்கும். மேலும், இது போன்ற குற்றங்களில் யாரும் ஈடுபடத் துணிய மாட்டார்கள்" என்றார்.60 வயது மூதாட்டி பாலியல் வன்கொடுமை செய்யப்பட்டு கொலை; சிக்கிய நபர் - தஞ்சை அதிர்ச்சி
http://dlvr.it/ScGKxC

Read More