கர்நாடகா: `மசூதி வடிவில் பேருந்து நிலையம்; புல்டோசர் கொண்டு தரைமட்டமாக்குவேன்!' - பாஜக எம்.பி

கர்நாடகாவைச் சேர்ந்த பா.ஜ.க எம்.பி பிரதாப் சிம்ஹா என்பவர், `மசூதி வடிவில் அமைக்கப்பட்டிருக்கும் பேருந்து நிலையத்தை, புல்டோசர்கொண்டு தரைமட்டமாக்கிவிடுவேன்' என்று எச்சரிக்கை விடுத்திருக்கிறார். சமூக வலைதளங்களில் வெளியான புகைப்படங்களை வைத்துப் பார்க்கையில், மைசூர்-ஊட்டி சாலையில் மசூதி வடிவில் பேருந்து நிலையம் ஒன்று அமைக்கப்பட்டிருப்பது தெரியவருகிறது.மசூதி வடிவில் பேருந்து நிலையம் இது தொடர்பாகப் பேசிய பா.ஜ.க எம்.பி பிரதாப் சிம்ஹா, ``சமூக வலைதளங்களில் அதை நான் பார்த்தேன். அதில், பேருந்து நிலையம் ஒன்றின் மேல், பெரிய குவிமாடமும் அதன் இருபக்கமும் சிறிய அளவிலான குவிமாடங்களும் இருக்கின்றன. அதுவொரு மசூதி மட்டுமே. இன்னும் மூன்று, நான்கு நாள்களில் அந்தக் கட்டடத்தை இடிக்குமாறு பொறியாளர்களிடம் கூறியிருக்கிறேன். பா.ஜ.க எம்.பி பிரதாப் சிம்ஹா - கர்நாடகா அப்படி அவர்கள் செய்யவில்லையென்றால், நானே அதை புல்டோசர்கொண்டு தரைமட்டமாக்குவேன்" என்று கூறினார். பிரதாப் சிம்ஹா-வின் இத்தகைய பேச்சு சர்ச்சையைக் கிளப்பியிருக்கும் நிலையில், கர்நாடக காங்கிரஸ் தலைவர் சலீம் அகமது, ``இது மைசூரு எம்.பி-யின் முட்டாள்தனமான கருத்து. அப்படியென்றால் குவிமாடம் இருக்கும் அரசு அலுவலகங்களையும் அவர் இடிப்பாரா?" என விமர்சனம் செய்திருக்கிறார். ``முஸ்லிம் நபர் எனக்கு உணவு டெலிவரி செய்யக் கூடாது..!" - இணையத்தில் விவாதப்பொருளான ஸ்க்ரீன்ஷாட்
http://dlvr.it/Scnk0M

Read More

`சகாவே வயிற்றைக் கொஞ்சம் குறையுங்கள்' ஃபேஸ்புக்கில் அமைச்சரிடம் வம்பிழுத்த நபர்!

கேரள மாநில கல்வித்துறை அமைச்சராக இருப்பவர் சிவன்குட்டி. இவர் ஃபேஸ்புக் பேஜில் தனது புரொபைல் போட்டோவை நேற்று மாற்றி அமைத்தார். அந்த போட்டோவில் அமைச்சர் சிவன்குட்டி காரில் இருப்பது போன்றும், காருக்கு வெளியிலிருந்து சில மாணவிகள் செல்ஃபி எடுப்பது போன்றும் இருந்தது. அந்த போட்டோவில் அமைச்சரின் வயிற்றுப்பகுதி சற்று பெரிதாக தெரிந்திருக்கிறது. அமைச்சரின் புரொபைல் போட்டோவிற்கு பலர் கமென்ட்டை பதிவிட்டிருந்தனர். சிலர் அவரை "ஹாய் மந்திரி அப்புப்பா" (அமைச்சர் தாத்தா) என கிண்டலடித்திருந்தனர். அப்போது கமென்ட்டில் ஒருவர் "சகாவே வயிற்றைக் கொஞ்சம் குறைக்க வேண்டும் கேட்டீர்களா..." எனத் தெரிவித்திருந்தார்.கேரள கல்வித்துறை அமைச்சர் சிவன்குட்டி அதற்கு பதிலளித்த அமைச்சர் சிவன்குட்டி, "பாடி ஷேமிங் இந்த காலத்தில் மிகவும் கேவலமான விஷயங்களில் ஒன்றாகப் பார்க்கப்படுகிறது."இந்த உலகம் அனைவருக்கும் சொந்தமானது. யாரையும் உடலைக் குறிப்பிட்டோ அல்லது வேறு எதற்காகவோ கேலி செய்யாதீர்கள்" என காட்டமாகியிருந்தார் அமைச்சர் சிவன்குட்டி." என காட்டமாகியிருந்தார். இதையடுத்து அமைச்சரின் கருத்துக்கு பின்னூட்டமிட்ட அந்த ஐ.டி, "வயிற்றை குறைப்பது பற்றி நான் கூறியது பாடி ஷேமிங் என்றால் நான் மன்னிப்பு கேட்டுக்கொள்கிறேன். சர்க்கரை நோயாளிகள் உடல் ஆரோக்கியத்தில் அக்கறை எடுத்துக்கொள்ள வேண்டும். உடற்பயிற்சி செய்வதை நிறுத்திவிடாதீர்கள். உங்கள் எடையைக் கட்டுக்குள் வைத்தால் போதும். சமீபகாலமாக உங்கள் உடல்நிலையில் அக்கறை காட்டாததால்தான் இப்படிக் கருத்து சொல்ல நேர்ந்தது. உங்கள் தொகுதியின் உறுப்பினராக இது என்னுடைய கடமையும் கூட" என கூறியிருந்தார்.
http://dlvr.it/Sckf3c

Read More

லஞ்சம் கேட்ட அரசு அதிகாரிகள்... `கருணை கொலை’க்கு அனுமதி கோரி ஜனாதிபதிக்கு தம்பதியர் கடிதம்!

கர்நாடகாவைச் சேர்ந்த தம்பதி தங்களை "கருணை கொலை" செய்யும் படி ஜனாதிபதி திரௌபதி முர்முவுக்கு கடிதம் எழுதியிருக்கின்றனர். கர்நாடகா, சிவ்மோகா மாவட்டம் சாகர் அருகே உள்ள குக்வே கிராமத்தைச் சேர்ந்தவர்கள் ஸ்ரீகாந்த் நாயக், சுஜாதா நாயக் தம்பதியர். இவர்களுக்கு கண்டிகா கிராம பஞ்சாயத்து எல்லையில் நிலம் இருக்குறது. அதில் கட்டடவேலை மேற்கொள்ள அதிகாரிகளிடம் அப்ரூவல் பெறவேண்டும். இந்த நிலையில் அதிகாரிகள் லேஅவுட்டுக்கு அப்ரூவல் கொடுக்காமல், லஞ்சம் கேட்டதாக தெரிகிறது. இதனால் மனவேதனைக்கு உள்ளான இந்த தம்பதியர் , இது குறித்து கடந்த நவம்பர் 9 -ம் தேதி சாகர் உதவி ஆணையரிடம் தங்களின் கோரிக்கை மனுவை அளித்தனர். மேலும் தங்கள் புகாரை சாகர் உதவி ஆணையர் மூலம் ஜனாதிபதிக்கு அனுப்பியுருக்கின்றனர். இந்த சம்பவம் தொடர்பாக ஸ்ரீகாந்த் நாயக், ``நாங்கள் ஏழைக் குடும்பத்தைச் சேர்ந்தவர்கள். எங்களுக்கு கண்டிகா கிராம பஞ்சாயத்து எல்லையில் நிலம் இருக்குறது. இது தொடர்பான ஆவணங்களைச் சரி செய்ய பஞ்சாயத்து வளர்ச்சித் துறை அதிகாரிகள் லஞ்சம் கேட்கின்றனர். பஞ்சாயத்து அலுவலகத்தில் ரூ.5 லட்சம் லஞ்சம் கேட்கிறார்கள். தாலுக்கா அலுவலகத்தில் ரூ.10 லட்சம் லஞ்சம் கேட்கிறார்கள்.எங்களை பிச்சைக்காரர்கள் போல நடத்துகிறார்கள்.திரௌபதி முர்மு நாங்கள் சாவதை தவிர எங்களுக்கு வேறு வழி தெரியவில்லை. எங்கள் நிலம் தொடர்பான பத்திர வேலைகளுக்காகக் லஞ்சம் கொடுத்துக் கொடுத்து களைத்துப் போனோம். அந்த அரசு அதிகாரிகள் லஞ்சம் கேட்பதோடு, துன்புறுத்தவும் செய்கிறார்கள். எங்கள் நிலத்தை அரசே கையகப்படுத்திவிட்டு,. எங்களைச் சாக அனுமதிக்க வேண்டும்", என்று அந்த மனுவில் தெரிவித்திருப்பதாக கூறப்படுகிறது. இதைத்தொடர்ந்து, உயர் அதிகாரி ஒருவர், ``அந்த தம்பதியர் கொடுத்த, புகாரின் உண்மைத்தன்மைகளை ஆராய்ந்து பின்பு உரிய நடவடிக்கை எடுக்கப்படும்’’ என்று உத்தரவாதம் அளித்திருக்கிறார் .``நிலநீர் எடுப்பு சான்று வேணும்னா ரூ.50,000 லஞ்சம் கொடு!’’ - நீர்வளத்துறை அதிகாரி சிறையிலடைப்பு
http://dlvr.it/SchPqM

Read More

மும்பை: வெடிகுண்டு அச்சுறுத்தல்; ஒரு மாதத்துக்கு டிரோன்கள், ஹெலிகாப்டர்களுக்குத் தடை!

மும்பை அருகிலுள்ள ராய்கட் மாவட்டத்தின் பென் நகரத்தில் ஆற்றுப்பகுதியில் இன்று வெடிகுண்டுகள் கண்டுபிடிக்கப்பட்டிருக்கின்றன. அவற்றில் ஜெலட்டின் குச்சிகளுடன் எலெக்ட்ரிக் சர்கியூட், கடிகாரம் இணைக்கப்பட்டிருந்தன. டெட்டனேட்டரும் சம்பவ இடத்தில் கண்டுபிடிக்கப்பட்டிருக்கிறது. இதைப் பார்த்த பொதுமக்கள் உடனே போலீஸாருக்குத் தகவல் கொடுத்தனர். அவை பாலத்துக்குக் கீழே கிடந்தன. பாலத்தைத் தகர்க்கும் நோக்கில் அவை வைக்கப்பட்டிருந்தனவா என்ற கோணத்தில் போலீஸார் விசாரித்துவருகின்றனர். ஜெலட்டின் குச்சிகளை போலீஸார் பறிமுதல் செய்து அவற்றைச் செயலிழக்கச் செய்தனர். இது குறித்து மாவட்ட எஸ்.பி சோம்நாத், ``பென் பாலத்துக்குக் கீழே கண்டுபிடிக்கப்பட்டவை டம்மி வெடிகுண்டுகள். இவற்றை யார் வைத்தார்கள் என்று விசாரித்துவருகிறோம். அந்தப் பகுதியில் நாளை மீண்டும் சோதனை நடத்தவிருக்கிறோம்" என்று தெரிவித்தார். கடந்த இரண்டு மாதங்களுக்கு முன்பு வெடிகுண்டுகள் நிரப்பிய படகு ஒன்று ராய்கட் மாவட்டத்தில் கண்டுபிடிக்கப்பட்டது குறிப்பிடத்தக்கது. இந்தச் சம்பவங்களைத் தொடர்ந்து மும்பையில் தீவிரவாத அச்சுறுத்தல் எச்சரிக்கை விடுக்கப்பட்டிருக்கிறது. இதையடுத்து மும்பையில் இந்த மாதம் 13-ம் தேதியிலிருந்து டிசம்பர் 12-ம் தேதி வரை டிரோன்கள் பறக்கத் தடைவிதித்து போலீஸார் உத்தரவிட்டிருக்கின்றனர். டிரோன்கள் மட்டுமல்லாது , தனியார் ஹெலிகாப்டர்கள், சிறிய ரக விமானங்கள் பறக்கவும் தடைவிதிக்கப்பட்டிருப்பதாக போலீஸார் வெளியிட்டிருக்கும் உத்தரவில் குறிப்பிட்டிருக்கின்றனர். 144 தடை உத்தரவும் மும்பையில் பிறப்பிக்கப்பட்டிருக்கிறது. மும்பையில் தீவிரவாதத் தாக்குதலைத் தடுக்கும் நோக்கில் இந்த நடவடிக்கை எடுக்கப்பட்டிருப்பதாக போலீஸார் தெரிவித்திருக்கின்றனர். தீவிரவாதிகள் டிரோன்கள், சிறிய தானியங்கி விமானங்கள், ஹெலிகாப்டர்களைப் பயன்படுத்தி வி.ஐ.பி-க்கள் மற்றும் முக்கிய இலக்குகளைத் தாக்கும் அபாயம் இருக்கிறது. மும்பை அதோடு மும்பையின் சட்டம்-ஒழுங்கைக் கெடுக்கும் வகையில் பொதுச்சொத்துகள் மீது தாக்குதல் நடத்தும் அபாயமும் இருக்கிறது. இது போன்ற நாசவேலைகளைத் தடுக்க இந்தக் கட்டுப்பாடுகள் அவசியம் என்று போலீஸார் தெரிவித்திருக்கின்றனர். பாராசூட், பலூன்களும் மும்பை மாநகராட்சிக்குட்பட்ட இடங்களில் 30 நாள்களுக்குப் பறக்க தடைவிதிக்கப்பட்டிருக்கிறது. தேவைப்படும்பட்சத்தில் மும்பை துணை போலீஸ் கமிஷனரிடம் அனுமதி வாங்கி இவற்றைப் பறக்கவிடலாம் என்றும் போலீஸார் தெரிவித்தனர். மும்பை: தீவிரவாதச் செயல்களுக்கு ரூ.13 கோடி அனுப்பிவைத்த தாவூத் இப்ராஹிம்; என்.ஐ.ஏ விசாரணையில் தகவல்!
http://dlvr.it/ScfG5W

Read More

``வேலை கிடைக்காமல் திருமணம் வேண்டாம்'' - கண்டிஷன் போட்ட தாய்... மட்டையால் அடித்துக் கொன்ற மகன்!

மத்தியப் பிரதேச மாநிலத்தின் கோஹ்-இ-ஃபிசா பகுதியில் அஸ்மா ஃபரூக் (67) என்ற பெண் தன் இரண்டு மகன்களுடன் வசித்து வந்திருக்கிறார். இவருடைய மூத்த மகன் ஃபர்ஹான் (32), பி.காம் பட்டதாரி. ஃபர்ஹானின் திருமணப் பேச்சு அடிபட்டபோது, அஸ்மா ஃபரூக், ``திருமணம் நடத்திவைக்க வேண்டுமென்றால், வேலைக்குச் செல்ல வேண்டும். அதுவரை திருமணம் வேண்டாம்'' எனக் கூறியிருக்கிறார்.கைது இதனால் ஆத்திரமடைந்த ஃபர்ஹான் கிரிக்கெட் மட்டையால் அஸ்மா ஃபரூக்கை தாக்கியிருக்கிறார். படுகாயமடைந்த அஸ்மா ரத்தவெள்ளத்தில் விழுந்து கிடந்திருக்கிறார். அப்போது வீட்டுக்கு வந்த இரண்டாவது மகன் அதாவுல்லா, ஃபர்ஹான் ரத்தக்கறை படிந்த பேட்டை வைத்துக்கொண்டு நின்றிருப்பதை பார்த்து விசாரித்தபோது, `அம்மா மாடியிலிருந்து விழுந்துவிட்டார்' எனப் பொய் சொல்லியிருக்கிறார். உடனே, அதாவுல்லா அஸ்மா ஃபரூக்கை மீட்டு மருத்துவமனைக்கு கொண்டு சென்றிருக்கிறார்.காவல்துறை ஆனால், மருத்துவமனை செல்லும் வழியிலேயே அஸ்மா ஃபரூக் இறந்துவிட்டதாக மருத்துவர்கள் தெரிவித்திருக்கின்றனர். அதன் பிறகே அதாவுல்லாவுக்கு நடந்த உண்மை தெரியவந்திருக்கிறது. மேலும், ஃபர்ஹான் நடந்த உண்மையை வெளியே சொல்லக்கூடாது என அதாவுல்லாவை மிரட்டியிருக்கிறார். ஆனால், அதாவுல்லா இந்தச் சம்பவம் தொடர்பாக காவல்துறையிடம் புகார் அளித்திருக்கிறார். புகாரின் அடிப்படையில், காவல்துறை ஃபர்ஹானை கைதுசெய்து விசாரத்து வருகிறது.60 வயது மூதாட்டி பாலியல் வன்கொடுமை செய்யப்பட்டு கொலை; சிக்கிய நபர் - தஞ்சை அதிர்ச்சி
http://dlvr.it/ScbNh6

Read More

கர்நாடகா: மாற்றுச் சமூக இளைஞரைக் காதலித்ததால் ஆத்திரம்; மகளைத் தண்ணீரில் தள்ளிக் கொன்ற தந்தை!

கர்நாடகா மாநிலம், பெல்லாரி மாவட்டத்திலுள்ள குடாதினி என்ற நகரத்தில் வசிப்பவர் ஓம்கார் கவுடா. இவர் மகள் மாற்று சாதியைச் சேர்ந்த வாலிபரைக் காதலித்துவந்தார். இது குறித்து ஓம்காருக்குத் தெரியவந்தவுடன், காதலைக் கைவிடும்படி தன் மகளிடம் கேட்டுக்கொண்டார். ஆனால், அவர் மகள் காதலைக் கைவிடவில்லை. இதனால் தன் மகள்மீது ஓம்கார் கடும் கோபத்தில் இருந்தார். சம்பவத்தன்று மாலையில் தன் மகளிடம் சினிமா பார்க்கச் செல்லலாம் என்று தெரிவித்திருக்கிறார். இதனால் இருவரும் புறப்பட்டு சினிமாவுக்குச் சென்றனர். சினிமா தியேட்டருக்குச் சென்றபோது அதிக நேரமாகிவிட்டதால் படம் ஏற்கெனவே திரையிடப்பட்டிருந்தது. எனவே, அங்கிருந்து ஓம்கார் தன் மகளைக் கோயிலுக்கு அழைத்துச் சென்றார். பின்னர் அவர் கடை ஒன்றுக்கு அழைத்துச் சென்று, அவர் மகள் அணிந்திருந்த தங்க நகைகளைக் கழற்றி வாங்கிக்கொண்டார். பின்னர் ஓம்கார் தன் மகளை அங்கிருக்கும் கால்வாய் ஒன்றுக்கு அழைத்துச் சென்றார். கால்வாயைப் பார்க்கச் சொல்லிவிட்டு அதில் தன் மகளைப் பிடித்துத் தள்ளிவிட்டார். தன்னைக் காப்பாற்றும்படி அவர் மகள் உதவி கேட்டுக் கத்தினார். ஆனால் உதவி செய்யாமல் அங்கிருந்து திருப்பதிக்குச் சென்றுவிட்டார். ஓம்கார் மகள் தண்ணீரில் மூழ்கி இறந்துபோனார். மகளும் கணவரும் வீடு திரும்பாததால் ஓம்கார் மனைவி இது குறித்து போலீஸில் புகார் செய்தார். போலீஸார் வழக்கு பதிவுசெய்து விசாரித்துவந்தனர். இந்த நிலையில், ஓம்கார் நேற்று மாலை திடீரென வீட்டுக்கு வந்தார். அவரிடம் போலீஸார் விசாரித்தபோது தன் மகளை தண்ணீரில் தள்ளிக் கொலைசெய்துவிட்டதாகத் தெரிவித்தார். இதனையடுத்து அவரைக் கைதுசெய்து போலீஸார் விசாரித்துவருகின்றனர்.`லவ்' டார்ச்சரால் விஷம் குடித்த கல்லூரி மாணவி... தந்தைக்குக் கொலை மிரட்டல்! - சேலத்தில் பரபரப்பு
http://dlvr.it/ScXH2B

Read More

மும்பை: தீவிரவாதச் செயல்களுக்கு ரூ.13 கோடி அனுப்பிவைத்த தாவூத் இப்ராஹிம்; என்.ஐ.ஏ விசாரணையில் தகவல்!

தாவூத் இப்ராஹிம் பாகிஸ்தானில் இருந்துகொண்டு மும்பையில் சட்டவிரோதச் செயல்களில் ஈடுபட்டு வருகிறார். மும்பை தொடர் குண்டு வெடிப்புச் சம்பவத்தைத் தொடர்ந்து பாகிஸ்தானில் பதுங்கியிருந்து மும்பையில் போதைப்பொருள் கடத்தல், மிரட்டிப் பணம் பறித்தல் போன்ற காரியங்களில் ஈடுபட்டுவரும் தாவூத் இப்ராஹிம், மும்பை தீவிரவாதச் செயல்களுக்குத் தேவையான பணத்தை ஹவாலா முறையில் மும்பைக்கு அனுப்பியிருப்பது தெரியவந்தது. மும்பையில் கடந்த சில மாதங்களுக்கு முன்பு தாவூத் இப்ராஹிம் கூட்டாளிகளுக்கு எதிராக தேசிய புலனாய்வு ஏஜென்சி அதிரடி சோதனை நடத்தியது. அந்தச் சோதனையில் தாவூத் கூட்டாளிகள் பலரிடம் விசாரிக்கப்பட்டதோடு, சலீம் புரூட், ஆரிஃப் ஷேக், ஷபீர் ஷேக் ஆகியோர் கைதும்செய்யப்பட்டனர். தாவூத் இப்ராஹிம் கூட்டாளி சோட்டாசகீல் கூட்டாளிகளும் ரெய்டுக்கு உட்படுத்தப்பட்டனர். இது தொடர்பாக தேசிய புலனாய்வு ஏஜென்சி வழக்கும் பதிவுசெய்திருக்கிறது. இந்த வழக்கில் தேசிய புலனாய்வு ஏஜென்சி சிறப்பு நீதிமன்றத்தில் குற்றப்பத்திரிகை தாக்கல் செய்திருக்கிறது. அதில் கைதுசெய்யப்பட்டிருக்கும் மேற்கண்ட மூன்று பேரின் பெயர்களும் குற்றவாளிகள் பட்டியலில் இடம்பிடித்திருக்கின்றன.தாவூத் இப்ராஹிம் தாவூத் இப்ராஹிமும், அவர் கூட்டாளி சோட்டாசகீலும் சேர்ந்து சூரத்தைச் சேர்ந்த ஹவாலா ஆபரேட்டர் மூலம் கடந்த ஓராண்டில் ரூ.25 லட்சத்தை அனுப்பியிருக்கிறனர். இந்தப் பணத்தில் ரூபாய் ஐந்து லட்சத்தை ஷபீர் ஷேக் தன் வசம் வைத்துக்கொண்டு, எஞ்சிய பணத்தை ஆரிஃப் ஷேக்கிடம் கொடுத்திருக்கிறார். ஷபீர் ஷேக் வீட்டில் கடந்த மே 22-ம் தேதி ரெய்டு நடத்தி தேசிய புலனாய்வு ஏஜென்சி ரூபாய் ஐந்து லட்சத்தைப் பறிமுதல் செய்தது. சூரத் ஹவாலா ஆபரேட்டர் மூலம் கடந்த நான்கு ஆண்டுகளில் ரூ.12-13 கோடியை தாவூத் இப்ராஹிம், சோட்டாசகீல் ஆகியோர் மும்பைக்கு அனுப்பியிருக்கின்றனர். அதை ஷபீர் ஷேக், ஆரிஃப் ஷேக் பெற்றிருக்கின்றனர். இதற்கான வேலைகளை ரஷீத் பாய் என்பவர் செய்து கொடுத்திருக்கிறார். தாவூத்தும் அவர் கூட்டாளிகளும் அனுப்பிய பணம் தீவிரவாதத்துக்குப் பயன்படுத்தப்பட்டிருக்கிறது. ரகசியத்தைப் பாதுகாக்க, ஷபீர் ஷேக் தனது பேச்சை பதிவுசெய்து அதை வாட்ஸ்அப் மூலம் சோட்டாசகீல், தாவூத் இப்ராஹிம் ஆகியோருக்கு அனுப்பிவைப்பதை வழக்கமாகக்கொண்டிருக்கிறார். இந்த வாய்ஸ் மெசேஜ் பலரைக் கடந்த பிறகுதான் சம்பந்தப்பட்ட இரண்டு பேரிடமும் சென்றடையும் என்று தேசிய புலனாய்வு ஏஜென்சி தெரிவித்திருக்கிறது. இது தவிர இந்தியாவிலிருந்தும் சாட்சி ஒருவரிடமிருந்து கடந்த 10 ஆண்டுகளில் ரூ.16 கோடியை மிரட்டிப் பறித்து அதை ஆரிஃப் ஷேக், ஷபிர் ஷேக் ஆகியோர் சோட்டாசகீலுக்கு ஹவாலா முறையில் அனுப்பியிருக்கின்றனர். என்.ஐ.ஏ (NIA) மும்பையைச் சேர்ந்த ஒரு குடும்பத்தினரை, இரண்டு வீடுகளை சலீம் புரூட்டின் வேண்டப்பட்டவருக்கு விற்பனை செய்யும்படி கட்டாயப்படுத்தியிருக்கின்றனர். அதில் ரூ.2.7 கோடியை மிரட்டிப் பறித்திருக்கின்றனர். சட்டவிரோத பணத் தடுப்புச் சட்டம் மட்டுமல்லாமல், மொக்கா சட்டத்தின் கீழும் தேசிய புலனாய்வு ஏஜென்சி குற்றவாளிகள் மீது வழக்கு பதிவுசெய்யப்பட்டிருக்கிறது. சோட்டாசகீலுக்கு எதிராகத் தீவிரவாதம், மிரட்டிப் பணம் பறித்தல், ஒருங்கிணைந்த குற்றம், கொலை, மிரட்டல் உட்பட பல்வேறு பிரிவுகளில் 107 வழக்குகள் பதிவுசெய்யப்பட்டிருப்பதை தேசிய புலனாய்வு ஏஜென்சி தனது குற்றப்பத்திரிகையில் சுட்டிக்காட்டியிருக்கிறது. மிரட்டிப் பணம் பறிப்பதற்காக ஷபீர் ஷேக் வீட்டில் உண்மையான துப்பாக்கி போன்று இருந்த போலி துப்பாக்கி ஒன்றும் பறிமுதல் செய்யப்பட்டிருக்கிறது. கொசுவலை கேட்டு நீதிமன்றத்துக்குக் கொசு பாட்டிலுடன் வந்த தாவூத் கூட்டாளி... நிராகரித்த நீதிபதி
http://dlvr.it/ScTFY0

Read More