மும்பை: தீயாகப் பரவும் தட்டம்மை, 1,250க்கும் மேற்பட்ட குழந்தைகள் பாதிப்பு: 9 பேர் உயிரிழப்பு!

மும்பையில் தட்டம்மை நோய் வேகமாகப் பரவி வருகிறது. மும்பையில் உள்ள கோவண்டியில் மட்டும் இந்த நோய்க்கு இதுவரை 7 பேர் உயிரிழந்துள்ளனர். மும்பையில் 8 பேரும், புறநகரான பிவாண்டியில் ஒருவரும் இறந்துள்ளனர். ஆரம்பத்தில் குழந்தைகள் மர்மமான முறையில் இறந்து வந்தனர். அதன் பிறகுதான் மும்பை மாநகராட்சியின் சுகாதாரத்துறை, குழந்தைகள் உயிரிழப்புக்கு தட்டம்மை நோய்தான் காரணம் என்பதை உறுதிசெய்தது. தற்போது மும்பையில் மட்டும் தட்டம்மை நோய் அறிகுறிகளுடன் 1,256 பேர் பல்வேறு மருத்துவமனைகளில் சிகிச்சை பெற்று வருகின்றனர். கோவிட்டால் தவறவிடப்பட்ட தட்டம்மை தடுப்பூசி, குழந்தைகளிடையே அதிகரிக்கும் பாதிப்பு; ஐ.நா எச்சரிக்கை! அவர்களில் 164 பேருக்கு தட்டம்மை உறுதி செய்யப்பட்டுள்ளது. மத்திய சுகாதாரத்துறை அமைச்சகத்தில் இருந்து உயர்மட்டக்குழு மும்பை வந்து ஆய்வு செய்துவிட்டு சென்றிருக்கிறது. இந்நோய் அதிகமாக 5 வயதுக்கு உட்பட்ட குழந்தைகளைத்தான் தாக்குவதாக மாநகராட்சி சுகாதாரத்துறை அதிகாரிகள் தெரிவித்துள்ளனர். மும்பை மட்டுமல்லாது மகாராஷ்டிரா முழுவதும் இந்த நோயின் தாக்கம் அதிகமாக இருக்கிறது. இது குறித்து சுகாதாரத்துறை அதிகாரிகளுடன் முதல்வர் ஏக்நாத் ஷிண்டே முக்கிய ஆலோசனை நடத்தினார். மும்பை மாநகராட்சியின் சுகாதாரத்துறை அதிகாரி இது குறித்து கூறுகையில், ’குடிசைப்பகுதியில் ஒவ்வொரு வீடாகக் கணக்கெடுப்பு நடத்தி வருகிறோம். தடுப்பூசி போட்டுக்கொள்ளாத குழந்தைகளுக்கு தடுப்பூசி போடப்பட்டு வருகிறது. 5 வயது வரையுள்ள குழந்தைகளுக்கு தடுப்பூசி மிகவும் முக்கியம். நோய் எதிர்ப்பு சக்தி குறைவாக இருந்தால் தட்டம்மை, நிமோனியா போன்ற நோய்கள் குழந்தைகளை எளிதில் தாக்கும். தட்டம்மை எளிதில் ஒருவரிடமிருந்து மற்றவருக்கு பரவக்கூடியது என்றார். இந்நோய் தொற்று ஏற்பட்டால் ஆரம்பத்தில் காய்ச்சல் மற்றும் இருமல் இருக்கும். அதன் பிறகே உடம்பில் சொறி உருவாகும்’ என்று தெரிவித்துள்ளார். சொறி உருவாகும் முன்பே இந்த நோய் ஏற்பட்ட ஒருவர் மற்றொருவருக்கு அதனை பரப்ப முடியும் என்றும் அவர் தெரிவித்தார்.
http://dlvr.it/Sd6J0S

Read More

அங்கன்வாடிக்குச் சென்ற 4 வயது குழந்தை கொலை... தந்தையின் தொழில் கூட்டாளி வெறிச்செயல்!

கேரளாவின் வயநாடு மாவட்டம், மேப்பாடி பகுதியைச் சேர்ந்தவர் ஜெயபிரகாஷ். இவர், மகன் ஆதிதேவ், மனைவி அனிலாவுடன் வசித்துவந்தார். இந்த நிலையில், ஜெயப்பிரகாஷ் அவருடைய அண்டை வீட்டில் வசிக்கும் ஜித்தேஷ் என்பவருடன் தொழில் கூட்டாளியாக இருந்துவந்தார். ஜித்தேஷுக்கு ஜெயபிரகாஷுடன் சில நிதி தொடர்பான பிரச்னை ஏற்பட்டிருக்கிறது. இதனால் ஜெயப்பிரகாஷ் குடும்பத்தின் மீது ஜித்தேஷ் வெறுப்புடன் இருந்ததாகத் தெரிகிறது.கொலை இந்த நிலையில், கடந்த வியாழக்கிழமை தாய் அனிலாவுடன் மகன் ஆதிதேவ் அங்கன்வாடிக்குச் சென்றுகொண்டிருந்திருக்கிறார். அப்போது எதிரே வந்த ஜித்தேஷ் கூரிய ஆயுதங்களால், ஆதிதேவையும் அனிலாவையும் தாக்கியிருக்கிறார். இதனால் ஆதிதேவுக்கு தலை, முதுகுப்பகுதியில் பலத்த காயம் ஏற்பட்டிருக்கிறது. மேலும், அனிலாவுக்கும் தோள் பகுதியில் காயம் ஏற்பட்டிருக்கிறது. காவல்துறை இந்த நிலையில், கடந்த சனிக்கிழமை சிகிச்சை பலனின்றி உயிரிழந்தார் ஆதிதேவ். குற்றம்சாட்டப்பட்ட ஜித்தேஷ் மீது வழக்கு பதிவுசெய்யப்பட்டு, காவல்துறை அவரைக் கைதுசெய்திருக்கிறது. இந்தச் சம்பவம் அந்தப் பகுதியில் அதிர்ச்சியை ஏற்படுத்தியிருக்கிறது.காதலியின் மகளை கொலை செய்து பிணத்துடன் உறவு... நகை , பணத்துடன் தப்பிச்சென்ற நபர் மும்பையில் கைது!
http://dlvr.it/Sd43FH

Read More

ம.பி: ஜோடோ யாத்திரை மேற்கொள்ளும் ராகுல் காந்திக்குக் கொலை மிரட்டல்! - மர்ம நபருக்கு போலீஸ் வலைவீச்சு

காங்கிரஸ் எம்.பி ராகுல் காந்தி, கன்னியாகுமரி முதல் காஷ்மீர் வரை பாரத் ஜோடோ யாத்திரை மேற்கொண்டு மக்களைச் சந்தித்துவருகிறார். இதில் ராகுல் காந்தி தமிழ்நாடு, கேரளா, கர்நாடகா, ஆந்திரா, தெலங்கானா, மகாராஷ்டிராவையடுத்து தற்போது மத்தியப் பிரதேசத்தில் யாத்திரை மேற்கொண்டிருக்கிறார். அதன் ஒருபகுதியாக ராகுல் காந்தி இன்று இந்தூர் வந்தடைந்தார்.ஜோடோ யாத்ரா - ராகுல் காந்தி இந்த நிலையில், அடையாளம் தெரியாத நபரால், `உங்கள் தந்தை இருக்குமிடத்துக்கே நீங்களும் அனுப்பப்படுவீர்கள்' என ராகுல் காந்திக்கு கொலைமிரட்டல் கடிதம் வந்திருப்பது பெரும் பரபரப்பை ஏற்படுத்தியிருக்கிறது. இது குறித்த அந்தக் கடிதத்தில் ராகுல் காந்திக்கு, ``இந்தூரில் பல இடங்களில் குண்டுவெடிப்புகள் நடக்கும். கமல்நாத் சுட்டு வீழ்த்தப்படுவார், உங்கள் தந்தை ராஜீவ் காந்தி இருக்கும் இடத்துக்கு நீங்களும் அனுப்பப்படுவீர்கள்" எனக் கூறப்பட்டிருக்கிறது.ராகுல் காந்தி இந்தக் கடிதம் இந்தூர் காவல் நிலைய பகுதியிலிருக்கும் ஒரு இனிப்புக்கடையிலிருந்து போலீஸாரால் கைப்பற்றப்பட்டிருக்கிறது. அதைத் தொடர்ந்து போலீஸார் அந்தப் பகுதியிலிருக்கும் சிசிடிவி காட்சிகளை ஆராய்ந்துவருகின்றனர். மேலும், கடிதத்தை அங்கு வைத்த நபரை குற்றப்பிரிவு போலீஸார் தேடி வருகின்றனர்.1942... 2022... ஜோடோ யாத்திரையில் இணைந்த `வெள்ளையனே வெளியேறு' இயக்கத்தில் கலந்து கொண்ட மூதாட்டி!
http://dlvr.it/Sd1vbK

Read More

``மேற்குவங்க அரசுடன் மோதும் எண்ணம் இல்லை" - ஆளுநரான கேரளத்தின் ஆனந்த போஸ் ஐஏஎஸ்

மேற்கு வங்க ஆளுநராக இருந்த ஜெக்தீப் தன்கர் நாட்டின் துணை ஜனாதிபதியாக தேர்ந்தெடுக்கப்பட்டுள்ளார். இதையடுத்து மணிப்பூர் ஆளுநராக இருக்கும் இல.கணேசன் மேற்கு வங்க ஆளுநர் பொறுப்பை கூடுதலாக கவனித்துவந்தார். இந்த நிலையில் மூத்த ஐ.ஏ.எஸ் அதிகாரியான கேரளாவைச் சேர்ந்த சி.வி.ஆனந்த போஸ் மேற்கு வங்க மாநில ஆளுநராக நியமிக்கப்பட்டுள்ளார். கேரள மாநிலம் கோட்டயம் மாந்நானம் பகுதியைச் சேர்ந்த ஐ.ஏ.எஸ் அதிகாரியான சி.வி.ஆனந்தபோஸ், தலைமை செயலராக இருந்து ஓய்வுபெற்றவர். முதலமைச்சரின் செயலர், அணுசக்தி துறையில் கல்வி நிறுவனங்களின் தலைவர், துணை வேந்தர் உள்ளிட்ட பதவிகளை வகித்திருக்கிறார். ஐக்கிய நாடுகள் சபையின் வீட்டுவசதி குழுவின் தலைவராகவும், திருவனந்தபுரம் ஸ்ரீபத்மநாப கோயில் கணக்கெடுப்புக்காக நியமிக்கப்பட்ட குழுவின் தலைவராகவும் இருந்தவர். 2019 நாடாளுமன்ற தேர்தலுக்கு முன்பு பா.ஜ.க-வில் இணைந்தார். தற்போது கேரளாவில் இருந்து ஆளுநர் பதவிவகிக்கும் 20-வது நபர் ஆவார் சி.வி.ஆனந்த போஸ். மம்தா பானர்ஜி மேற்கு வங்க ஆளுநராக அறிவிக்கப்பட்ட நிலையில் சி.வி.ஆனந்த போஸ் கூறுகையில், ``என்மீதுள்ள நம்பிக்கையில் இப்படி ஒரு பொறுப்பை எனக்கு வழங்கிய பிரதமர் நரேந்திர மோடிக்கு நன்றி தெரிவித்துக்கொள்கிறேன். கேரள மக்களுக்கு நன்றி, கடவுளுக்கும் நன்றி தெரிவித்துக்கொள்கிறேன். அரசியலமைப்புக்குள் நின்றுகொண்டு செயல்பட முயல்வேன். மேற்கு வங்க மக்களுக்கு பயன்படும் விஷயங்களை முன்னின்று நடத்த முயல்வேன். மத்திய அரசுக்கும், மாநிலத்துக்கும் இடையில் சுமூக பந்தத்தை ஏற்படுத்த முயல்வேன். சமாதானத்துடனும், நட்புறவுடனும் இந்த பொறுப்பை செயல்படுத்த முடியும் என நம்புகிறேன். கலையாக இருந்தாலும், விளையாட்டாக இருந்தாலும், அரசியலாக இருந்தாலும் கலசாரமாக இருந்தாலும் உலகில் கேரளத்தின் பங்களிப்பு முக்கியத்துவம் வாய்ந்தது. அதில் நானும் ஒரு எளிய பங்களிப்பாளனாக மாறுவது மகிழ்ச்சியாக உள்ளது" என்றார்.பினராயி விஜயன், ஆரிப் முகமது கான் கேரளாவில் ஆளுநர் ஆரிப் கானுக்கும் மாநில அரசுக்கும் மோதல்போக்கு உள்ளது. அதுபோல மேற்குவங்கத்தில் நிகழுமா என்ற கேள்விக்கு பதிலளித்த அவர், ``அப்படி ஒரு எண்ணம் எனக்கு இல்லை. எதையும் மோதலாக நான் பார்க்கவில்லை. மக்களமைப்பில் ஆரோக்கியமான ஆலோசனைகளும், கருத்து வேறுபாடுகளும் ஏற்படும். அதையெல்லாம் பேலன்ஸ் செய்து முன்னேறிச் செல்வோம். அரசிய்லமைப்பு அதெற்கெல்லாம் வழிகாட்டுகிறது" என்றார்.
http://dlvr.it/Sd1vMF

Read More

சாமியார்போல வந்து முன்னாள் எம்.பி-யை அரிவாளால் தாக்கிய நபர்; போலீஸ் விசாரணை | அதிர்ச்சி வீடியோ

ஆந்திராவில், தெலுங்கு தேசம் கட்சியைச் சேர்ந்த தலைவரும், முன்னாள் எம்.பி-யுமான போல்னாட்டி சேஷகிரி ராவை, சாமியார்போல வேடமிட்டு வந்த ஒரு நபர் அரிவாளால் தாக்கிவிட்டுத் தப்பியோடிய சம்பவம் அதிர்ச்சியை ஏற்படுத்தியிருக்கிறது. காக்கிநாடா மாவட்டம், துனி நகரிலுள்ள போல்னாட்டி சேஷகிரி ராவ் வீட்டில் இன்று காலை 6:30 மணியளவில் இந்தச் சம்பவம் நடந்திருக்கிறது.முன்னாள் எம்.பி போல்னாட்டி சேஷகிரி ராவ் மீது தாக்குதல் இதில், முகத்தைத் துணியால் சுற்றிக்கொண்டு சாமியார் வேடமிட்டு வந்திருந்த நபர் ஒருவர், சேஷகிரி ராவுக்கு ஆசீர்வாதம் வழங்குவதுபோல் அருகில் வந்து திடீரென மறைத்துவைத்திருந்த அரிவாளால் அவரைத் தாக்கிவிட்டுத் தப்பியோடும் காட்சி அங்கிருந்த சிசிடிவி கேமராவில் பதிவாகியிருக்கிறது. மேலும், இந்தத் தாக்குதலில் கையில் பலத்த காயமடைந்த சேஷகிரி ராவ் மருத்துவமனையில் அனுமதிக்கப்பட்டிருக்கிறார். இந்த நிலையில், சம்பவம் தொடர்பான சிசிடிவி காட்சிகள் சமூக வலைதளங்களில் வேகமாகப் பரவிவருகின்றன. ♦తుని: కాకినాడ జిల్లా తునిలో @JaiTDP , మాజీ ఎంపీపీ పొల్నాటి శేషగిరిరావుపై హత్యాయత్నం. ♦భవాని మాల వేషంలో వచ్చిన దుండగుడు భిక్ష తీసుకుంటున్నట్లుగా నటించి తన వద్దనున్న కత్తితో ఒక్కసారిగా శేషగిరిరావుపై దాడి చేశాడు. pic.twitter.com/07GMWCh80j— DD News Andhra (అధికారిక ఖాతా) (@DDNewsAndhra) November 17, 2022 அதேசமயம் சாமியார்போல வேடமிட்டு வந்து தாக்குதல் நடத்தியவரின் அடையாளத்தை போலீஸார் இன்னும் கண்டுபிடிக்கவில்லை. இருப்பினும் போலீஸார் தரப்பில், தாக்குதல் நடத்தியவர் மீது வழக்கு பதிவுசெய்யப்பட்டிருப்பதாகவும், தலைமறைவாகிவிட்ட அந்த நபரைக் கண்டுபிடிப்பதற்கு மேற்கொண்டு விசாரணை நடைபெறுவதாகவும் கூறப்பட்டிருக்கிறது.தாம்பரம்: காவலருக்கு அரிவாள் வெட்டு; இன்ஸ்பெக்டர் சுட்டதில் சுருண்டு விழுந்த ரௌடி! - என்ன நடந்தது?
http://dlvr.it/Scz0Fv

Read More

``ஆளுநர்கள் ரப்பர் ஸ்டாம்புகள் அல்ல..!" - லோக் ஆயுக்தா நிகழ்ச்சியில் தமிழக ஆளுநர் ஆர்.என்.ரவி பேச்சு

தமிழ்நாடு, கேரளா, டெல்லி, மேற்கு வங்கம் ஆகிய மாநிலங்களில் ஆளுநர்களுக்கும், மாநில அரசுகளுக்கும் தொடர்ச்சியாக அசாதாரணசூழல் நிலவிவருகிறது. தமிழ்நாட்டில் கடந்த பல மாதங்களாகவே ஆளுநர் ஆர்.என்.ரவிக்கும், தி.மு.க அரசுக்கும் மோதல்போக்கு தொடர்கிறது. முக்கியமாகத் தமிழ்நாட்டில் ஆளுங்கட்சி மற்றும் அதன் கூட்டணி கட்சிகள், ஆளுநர் ஆர்.என்.ரவியை திரும்பப் பெற வலியுறுத்தி குடியரசுத் தலைவர் திரௌபதி முர்முவுக்கு கடிதம் அனுப்பியிருக்கின்றன. முதல்வர் ஸ்டாலின் - ஆளுநர் ரவி இந்த நிலையில் ஆளுநர் ஆர்.என்.ரவி, `ஆளுநர்கள் ரப்பர் ஸ்டாம்புகள் அல்ல' என்று தெரிவித்திருக்கிறார். லோக் ஆயுக்தா தினத்தையொட்டி கேரள மாநிலம், திருவனந்தபுரத்தில் நேற்று நடைபெற்ற நிகழ்ச்சியில் கலந்துகொண்டு பேசிய ஆர்.என்.ரவி, ``ஆளுநர் என்ன செய்யவேண்டும். என்ன செய்யக்கூடாது என்று அனைத்து வகையான குரல்களும் ஒலிக்கப்படுகின்றன. அந்த ஒலிகள் முக்கியமில்லை. முக்கியமானது எதுவென்றால், அது இந்திய அரசியலமைப்பு. உச்ச நீதிமன்றமும், உயர் நீதிமன்றங்களும் அரசியலமைப்பை வெளிப்படுத்தும் அமைப்புகள். ஆளுநரின் நடவடிக்கைகள் சரியானதா... இல்லையா... என்பதை நீதித்துறை முடிவு செய்யும். ஆளுநர் பதவி அமைப்புமுறை முக்கியமானது.தமிழக ஆளுநர் ஆர்.என்.ரவி லோக் ஆயுக்தா போன்ற அமைப்புகளை வலுவிழக்கச்செய்யும் வகையில் திருத்தங்கள் மேற்கொண்டு வரப்படும்போது பங்காற்றுவதற்கு ஆளுநர்களுக்குப் பொறுப்பு இருக்கிறது. ஆளுநர்கள் அதில் முடிவெடுக்கவேண்டும். ஏனென்றால் ஆளுநர்கள் ரப்பர் ஸ்டாம்புகள் அல்ல. அரசியலமைப்பு விதி 200-ன் கீழ் மசோதாவுக்கு ஒப்புதல் அளித்ததாகவோ அல்லது மசோதாவைத் தடுத்து நிறுத்துவதாகவோ அல்லது குடியரசுத் தலைவரின் பரிசீலனைக்காக வைத்திருப்பதாகவோ ஆளுநர் அறிவிக்கலாம். அது அரசியலமைப்புக்கு உட்பட்டது என்று உச்ச நீதிமன்றம் தெளிவுபடுத்தியிருக்கிறது" என்று கூறினார்.தமிழ்நாடு, கேரளா ஆளுநர்கள் Vs முதல்வர்கள்... ஆளுநர் எதிர்ப்பில் தீவிரம் காட்டுவது யார்?!
http://dlvr.it/Scvvzr

Read More

உருவகேலிக்கு பதில் அளித்த கேரள கல்வித்துறை அமைச்சர்; பாடங்களில் விழிப்புணர்வு ஏற்படுத்த ஆலோசனை!

உருவ கேலிக்கு எதிரான விழிப்புணர்வை பள்ளி மாணவர் களிடையே ஏற்படுத்தும் நோக்கில், பள்ளிப் பாடத்திட்டத்தில் சேர்ப்பது குறித்து அரசு பரிசீலிக்கும் என்று கேரள மாநில கல்வித்துறை அமைச்சர் சிவன்குட்டி தெரிவித்துள்ளார். கடந்த சில தினங்களுக்கு முன், கேரள கல்வித்துறை அமைச்சர் சிவன்குட்டி, தனது முகநூல் பக்கத்தில் புகைப்படம் ஒன்றைப் பதிவிட்டிருந்தார். அந்தப் புகைப்படத்தைப் பார்த்த நெட்டிசன் ஒருவர், `அமைச்சரே உங்கள் வயிற்றைக் குறையுங்கள்’ என கமென்ட் செய்திருந்தார். Representational Image இதற்குப் பதிலளித்த அமைச்சர் சிவன்குட்டி, `உருவ கேலி என்பது கேவலமான செயல். உருவ கேலி செய்த பின்னர் என்ன விளக்கம் அளித்தாலும், அது ஏற்க முடியாத ஒன்று. சிலரால் தொடரப்படும் உருவ கேலியால் நம்மில் பலர் பாதிப்படைந்து வருகிறோம்’ என்று குறிப்பிட்டார். பின்னர் செய்தியாளர்களிடம் பேசிய அமைச்சர் சிவன்குட்டி, `ஒருவர் மீதான உருவ கேலிகளை நாம் நிறுத்த வேண்டும். நவீன மனிதர்களாக இருக்க நாம் கற்றுக்கொள்வோம். உருவ கேலிக்கு எதிரான விழிப்புணர்வை பள்ளிப் பாடத்திட்டத்தில் சேர்ப்பது குறித்தும், ஆசிரியர் திறன் பயிற்சி வகுப்புகளின்போது, இது போன்ற கடினமான சூழ்நிலைகளை சமாளிப்பது குறித்து கற்பிக்கவும் ஆலோசிக்கப்படும்’ என்றார்.கேரள கல்வித்துறை அமைச்சர் சிவன்குட்டிஉருக்குலைக்கும் உருவகேலி... ‘வலிமை’காட்டும் சரண்யா மேலும், சக மாணவர்களால் உருவ கேலிக்கு உள்ளான மாணவனிடமும், பெற்றோரிடமும் பேச உள்ளதாகவும், அவர்களை தன்னம்பிக்கையுடன் இருக்கும்படியும் அமைச்சர் கேட்டுக்கொண்டார். `ஒருவரின் நிறமோ செல்வமோ முக்கியமல்ல, அவர்களின் கனிவான குணமே அவர்களுக்கான தனித்துவத்தைப் பெற்றுத் தரும்’ எனவும் கேரள கல்வித்துறை அமைச்சர் சிவன் குட்டி தெரிவித்துள்ளார். இந்த விவகாரம் தற்போது கேரளாவில் பேசப்பட்டு வருகிறது.
http://dlvr.it/Scrqdv

Read More