தெரு நாய்களுக்கு ஆம்புலன்ஸ் சேவையை தொடங்கிய நடிகை சன்னிலியோன்!

பாலிவுட் நடிகை சன்னி லியோன் என்றாலே அனைவருக்கும் தெரியும். ஆரம்ப காலத்தில் ஆபாச பட நடிகையாக அறிமுகமான சன்னி லியோன், இப்போது பாலிவுட் படங்களில் நடித்து வருகிறார். அவர் நடிக்கும் படங்களுக்கு எப்போதும் இளைஞர்கள் மத்தியில் அதிக வரவேற்பு உள்ளது..ஆம்புலன்ஸ்வணிகத் தேவைக்காக நாட்டு விலங்குகள் படும் துயர்! - தெளிவாக விளக்கும் புத்தகம் அவர் நடிக்கும் படத்தில் ஆபாச காட்சிகள் கொஞ்சம் அதிகமாகவே இருக்கும் என்று கூறுவார்கள். விலங்குகள் நலனுக்காக பாடுபடும் பீட்டா, அனிமல் ஹோப், வெல்னஸ் பவுண்டேசன் போன்ற அமைப்புகளுடன் சேர்ந்து விலங்குகள் நலனுக்காக பாடுபட்டு வரும் சன்னி லியோன், தனது கணவர் டேனியலுடன் சேர்ந்து தெருவோர விலங்கு மீட்பு மற்றும் மறுவாழ்வு அறக்கட்டளை என்ற தொண்டு நிறுவனத்துடன் இணைந்து தற்போது செயல்பட ஆரம்பித்துள்ளார். இது குறித்து இருவரும் சேர்ந்து அளித்த பேட்டியில், ''தெரு நாய்கள் கைவிடப்பட்ட பிராணிகள் கொடூரமாக தாக்கப்படுவதும், விபத்துக்களில் சிக்கி உயிரிழப்பதுமான செய்திகளை அடிக்கடி படிக்கிறோம். அந்த பாதிப்பில் இருந்து விலங்குகளை காப்பாற்ற இந்த ஆம்புலன்ஸ் சேவையை தொடங்கி இருக்கிறோம். மனிதர்களைப்போல் வளர்ப்பு பிராணிகள் மற்றும் தெருவிலங்குகளுக்கு உடனடி மருத்துவ உதவி தேவை என்று நம்புகிறோம், அதனால் தான் விலங்குகளுக்காக இந்த ஆம்புலன்ஸ் சேவையை தொடங்கியுள்ளோம்.''என்று தெரிவித்தார்.பீட்டாகடந்த 50 ஆண்டுகளில் 70% காட்டு விலங்குகள் அழிப்பு... கானமயில்கள், ஆசிய சிங்கம், பனிக்கரடி... இனி?! சன்னிலியோன் கணவர் டேனியல் இது குறித்து கூறுகையில், ''தெரு நாய்களின் மறுவாழ்வுக்காக பல ஆண்டுகளாக நாங்கள் பணியாற்றி வருகிறோம். இவற்றுக்கு எளிதில் மருத்துவ உதவி கிடைக்கவேண்டும் என்று விரும்புகிறோம். தற்போது தொடங்கப்பட்டு இருக்கும் ஆம்புலன்ஸ் மூலம் அதன் இறப்பு குறையும் என்று நம்புகிறோம்" என்று தெரிவித்தார். தொண்டு நிறுவனத்தின் நிறுவனர் டாக்டர் சோலங்கி இது குறித்து கூறுகையில், ``சன்னி லியோன் மற்றும் டேனியல் ஆகியோர் கொரோனா காலத்தில் தெரு நாய்களுக்கு சாப்பாடு கொடுக்கும்படி மக்களை கேட்டுக்கொண்டனர். அதனால் அவர்களுடன் சேர்ந்து பணியாற்றுகிறோம்" என்று தெரிவித்தார்.
http://dlvr.it/SdXQ5C

Read More

தலித்துகளுக்கு ஊர்க் கட்டுப்பாடு: உபி-யில் காவலர்கள் புடைசூழ பாதுகாப்புடன் நடந்த மணமகன் ஊர்வலம்!

உத்தரப்பிரதேச மாநிலம், சம்பால் பகுதியில் பட்டியலினத்தவர்களுக்கு எதிரான ஒடுக்குமுறை இன்னும் தொடர்வதாகக் கூறப்படுகிறது. இதனால், அங்கு திருமணம் செய்யும் பட்டியலினத்தவர்கள் மணமகன் ஊர்வலத்தில் குதிரைச் சவாரி, கார் சவாரி, DJ கச்சேரி போன்றவற்றுக்கு மற்ற பிரிவினர் அனுமதிப்பதில்லை எனவும் கூறப்படுகிறது. அதையும் மீறி இது போன்ற நிகழ்ச்சிகளுக்கு ஏற்பாடு செய்தால், அவர்கள்மீது பிற சமூக மக்கள் நடவடிக்கை எடுப்பதாகத் தெரிகிறது. இந்த நிலையில், சம்பால் மாவட்டத்தின் குன்னவுர் பகுதியிலுள்ள லோஹமாய் கிராமத்தில் ராம் கிஷண், ரவீனா ஆகியோருக்கு திருமணம் நிச்சயிக்கப்பட்டது. இதையடுத்து, மணமகள் ரவீனா, தன்னுடைய வருங்காலக் கணவர் குதிரை ஊர்வலம் செல்வதைப் பார்க்க விருப்பம் தெரிவித்திருந்தார். மணமகள் வீட்டினர் அதற்கான ஏற்பாட்டைச் செய்தனர். திருமணத்தன்று ஏதேனும் அசம்பாவிதம் நடந்துவிடக் கூடாதென எச்சரிக்கையாக காவல்துறையிடம் பாதுகாப்பு வழங்க வேண்டும் என மணமகள் வீட்டினர் வேண்டுகோள் விடுத்திருக்கின்றனர்.பாதுகாப்பளித்த காவலர்கள் இந்த வேண்டுகோளை ஏற்ற காவல்துறை, திருமண ஊர்வலத்தின்போது, அருகிலிருந்த காவல் நிலையங்களிலிருந்து ஒரு பெரிய காவலர் குழுவை அனுப்பியிருக்கிறது. அந்தக் குழுவில் 2 இன்ஸ்பெக்டர்கள், 14 சப் இன்ஸ்பெக்டர்கள், 44 காவலர்கள் என 60 பேர் இடம் பெற்றிருந்ததாகக் கூறப்படுகிறது. மேலும், அந்தத் தம்பதிக்குக் காவலர்கள் அனைவரும் சேர்ந்து ரூ.11,000 திருமணப் பரிசாகவும் வழங்கியிருக்கின்றனர்.`பெண்கள் மட்டுமே உடலை சுமந்து சென்றது ஏன்?' - காவேரி அம்மாளின் இறுதி ஊர்வலம் குறித்து அவரின் மகன்
http://dlvr.it/SdXPqh

Read More

`என் ஹீரோவை பார்க்கணும்!’ - மெஸ்ஸியின் ஆட்டம் காண காரிலேயே கத்தார்; அசரவைத்த கேரள அம்மா

கிரிக்கெட்டுக்கு இந்தியாவில் அதிகளவில் ரசிகர்கள் உள்ளனர். அதற்கு அடுத்தபடியாக அதிகளவில் ரசிகர்களைக் கொண்டது,  கால்பந்து விளையாட்டு. ஆனால் கேரளாவில் கிரிக்கெட்டை விட, கால்பந்துக்குத்தான் ரசிகர்கள் அதிகம். ஃபிஃபா உலகக்கோப்பை கால்பந்து தொடர் விறுவிறுப்பபாக சென்ற நிலையில்  ஆசிய அணிகளின் எழுச்சி இந்திய ரசிகர்கள் மத்தியில் ஆர்வத்தை அதிகப்படுத்தியது.Naaji Noushi `2009,2010,2011,2012,2015,2019'- 6-வது முறையாக சிறந்த வீரருக்கான ஃபிஃபா விருதை வென்ற மெஸ்ஸி சமீபத்தில்  நட்சத்திர வீரர் லயோனல் மெஸ்ஸி, ரொனால்டோ, நெய்மாருக்கு ரசிகர்கள் பிரமாண்ட பேனர்கள் வைத்து அசத்தினர். அதுமட்டுமல்ல... கத்தார் நாடு இந்தியாவுக்கு அருகில் இருப்பதால், ஏராளமான ரசிகர்கள் மெஸ்ஸியின் ஆட்டத்தை நேரில் காண கத்தார் பயணம் செய்துள்ளனர். இந்த நிலையில் மெஸ்ஸியின் ஆட்டத்தை நேரில் காண கேரளாவைச் சேர்ந்த, ஐந்து குழந்தைகளின் தாயான பெண் ஒருவர்காரிலேயே கத்தார் சென்றடைந்த சாகசம், அனைவரையும் வியப்பில் ஆழ்த்தியுள்ளது. கேரளாவை சேர்ந்த கால்பந்து தீவிர ரசிகையான நாஜி நெளஷி, கத்தாரில் நடைபெற்று வரும் உலகக்கோப்பைத் தொடரை நேரில் காண, இந்தியாவில் இருந்து கத்தாருக்கு மஹிந்திரா தார் வாகனத்தில் சோலோ ட்ரிப் சென்றுள்ளார்.Naaji Noushi காரிலேயே அரிசி, தண்ணீர், பருப்பு, சமையலுக்குத் தேவையான பொருள்களுடன்  பழங்களையும் எடுத்துக் கொண்டு  சென்றுள்ளார் நாஜி நெளஷி. பயணத்தின் போது முடிந்த அளவு சமையல் செய்து சாப்பிடுவதால் செலவு குறைவவதால் இப்படி முன்னேற்பாடுடன் சென்றுள்ளதாக அவர் தெரிவித்துள்ளார். நாஜி கேரளாவில் இருந்து காரில் புறப்பட்டு மும்பை சென்றுள்ளார். மும்பையில் இருந்து கப்பல் மூலம் ஓமனுக்கு காரை கொண்டு சென்ற அவர், மஸ்கட் வழியாக கத்தார் வந்து சேர்ந்துள்ளார். Naaji Noushi இப்படி பயணம் செய்த நாஜி அர்ஜென்டினா ஜெர்சியுடன் மஹிந்திரா காரில் புகைப்படம் எடுத்தது  சமூக வலைதளங்களில் வைரலாகி வருகிறது. இந்த பயணம் குறித்து நாஜி நெளஷி கூறும் போது, ``மெஸ்ஸிதான் என் ஹீரோ. சவுதி அரேபியா அணிக்கு எதிரான ஆட்டத்தில் தோல்வியைச் சந்தித்தது சோகம் அளித்துள்ளது. ஆனால் உலகக்கோப்பையை கைப்பற்றும் பயணத்தில் இது ஒரு சின்ன சறுக்கல் மட்டும் தான். நான் என் ஹீரோவை நேரில் பார்க்க வேண்டும் என்ற ஆசையில் மட்டுமே பயணித்து வந்துள்ளேன்” என்று தெரிவித்துள்ளார்.
http://dlvr.it/SdTM5B

Read More

கேரளா: அரசு மருத்துவமனை சிகிச்சையில் கவனக்குறைவு... அகற்றப்பட்ட மாணவனின் கை; போலீஸ் விசாரணை!

கேரள மாநிலம், கண்ணூர் தலசேரியை அடுத்த சேற்றம்குந்நு பகுதியைச் சேர்ந்த அபுபக்கர் சித்திக் என்பவரின் மகன் சுல்தான் (17). பாலயாடு அரசு மேல்நிலைப் பள்ளியில் 11-ம் வகுப்பு படித்து வந்தார். கடந்த மாதம் 30-ம் தேதி, வீட்டுக்கு அருகில் உள்ள மைதானத்தில் கால்பந்து விளையாடி உள்ளார். அப்போது கீழே விழுந்ததில் சுல்தானின் இடது கையில் காயம் ஏற்பட்டது. இதையடுத்து, தலச்சேரி அரசு பொது மருத்துவமனையில் சிகிச்சைக்காக சேர்க்கப்பட்டார் சுல்தான். எக்ஸ்ரே எடுத்து பார்த்ததில், அவரது கையில் இரண்டு எலும்புகள் முறிந்துள்ளதாக மருத்துவர்கள் தெரிவித்துள்ளனர். பின்னர் கடந்த 1-ம் தேதி அவருக்கு ஆப்பரேஷன் நடைபெற்றது. அதில் அவரது கை சரியான முறையில் கட்டப்படவில்லை எனக் கூறப்படுகிறது. இதையடுத்து, அவரது கையில் கிருமித்தொற்று ஏற்பட்டுள்ளது. எனவே அவரது கையை ஆபரேஷன் செய்து அகற்ற வேண்டும் என அரசு மருத்துவர்கள் தெரிவித்துள்ளனர். இதையடுத்து மாணவனை பெற்றோர், தனியார் ஆஸ்பத்திரிக்கு மாற்றினர். அங்கு அவரது கை முட்டியின் கீழ் பகுதி ஆபரேஷன் மூலம் அகற்றப்பட்டது.கால்பந்து விளையாடிய மாணவன் சுல்தான்அரசு மருத்துவமனையின் அலட்சியம்... உயிரிழந்த கால்பந்து வீராங்கனை! - என்ன செய்யப் போகிறது அரசு? ``மருத்துவமனையில் சிகிச்சைக்கு சேர்ந்து ஒரு வாரத்துக்கு பிறகுதான் மருத்துவர்கள், அவருக்கு ஆபரேஷன் செய்யத் தயாரானார்கள். ரத்த ஓட்டம் நின்றுவிட்டதால் கையை அகற்ற வேண்டும் என அரசு மருத்துவர்கள் தெரிவித்துள்ளனர். அரசு ஆஸ்பத்திரியில் சிகிச்சை அளிப்பதில் மருத்துவர்கள் காட்டிய அலட்சியத்தால்தான் மாணவனின் கையை வெட்டி அகற்றும் நிலை ஏற்பட்டது" என, மாணவனின் தந்தை சுல்தான் குற்றம்சாட்டினர். இதுகுறித்து கேரள முதலமைச்சர் மற்றும் மாநில சுகாதாரத்துறை அமைச்சருக்கும் மாணவனின் தந்தை புகார் அளித்தார். இதுபற்றி விளக்கம் அளித்த அரசு மருத்துவ அதிகாரிகள், ``மாணவன் சிகிச்சைக்கு வந்த மூன்றாவது நாள், ரத்தம் உறைதல் என்ற கம்பார்ட்மென்ட் சிண்ட்ரோம் ஏற்பட்டது. அதனால் அறுவை சிகிச்சை செய்த பின்னர் அவரது கையில் வீக்கம் ஏற்பட்டது. அதனால் ஆபரேஷனுக்கு பிறகு கையில் தையல் போட இயலவில்லை. பத்தாவது நாள் கிருமித்தொற்று ஏற்பட்டது எங்கள் கவனத்துக்கு வந்தது. அதன் பின்னர் ரத்தம் வெளியேறும் நிலை ஏற்பட்டது. ரத்தம் நிற்காமல் வெளியேறியதால் மாணவனின் கையை அகற்றுவதை தவிர வேறு வழி இல்லை" என்றனர்.சுகாதாரத்துறை அமைச்சர் வீணா ஜார்ஜ்தமிழக கால்பந்து வீராங்கனை பிரியா மரணம்: `மருத்துவர்களின் கவனக்குறைவே காரணம்’ - அமைச்சர் மா.சு தமிழகத்தில் கால்பந்து வீராங்கனை பிரியாவுக்கு கால்மூட்டு அறுவை சிகிச்சையில் ஏற்பட்ட கவனக்குறைவால் அவர் மரணமடைந்த சம்பவத்தைத் தொடர்ந்து, கேரளாவில் கால்பந்து விளையாடிய மாணவனின் கை அகற்றப்பட்ட சம்பவம் அதிர்வலையை ஏற்படுத்தியது. மணவனின் கை அகற்றப்பட்ட சம்பவம் குறித்து, கேரள சுகாதாரத்துறை அமைச்சர் வீணா ஜார்ஜ் விசாரணைக்கு உத்தரவிட்டுள்ளார். இதுகுறித்து, கேரள சுகாதாரத்துறை அமைச்சர் வீணா ஜார்ஜ் கூறும்போது, ``தலசேரி அரசு மருத்துவமனையில் சிகிச்சையில் அலட்சியம் காட்டப்பட்டுள்ளதாக எழுந்துள்ள குற்றச்சாட்டை மிக முக்கியப் பிரச்னையாக கருத்தில் எடுத்துள்ளோம். மருத்துவ சிகிச்சையில் அலட்சியமாக இருந்ததாக கண்டுபிடிக்கப்பட்டால், கடும் நடவடிக்கை எடுக்கப்படும். இந்த சம்பவம் குறித்து விசாரணை நடத்தி அறிக்கை அளிக்கும்படி சுகாதாரத்துறை செயலருக்கு உத்தரவிட்டுள்ளேன்" என்றார். இதுகுறித்து தலசேரி போலீஸார் தனியாக விசாரணை நடத்தி வருகின்றனர்.
http://dlvr.it/SdR6Bn

Read More

`மக்களின் மூட நம்பிக்கையைப் போக்க வேண்டும்'- சுடுகாட்டில் பிறந்தநாளைக் கொண்டாடிய நபர்!

பெரும்பாலும் பிறந்தநாள் கொண்டாட்டத்தை, வீட்டிலோ அல்லது அலுவலகத்திலோ, பொது வெளியிலோ வைத்து கொண்டாடுவது வழக்கம். ஆனால் ஒரு நபர் தனது பிறந்தநாளை சுடுகாட்டில் கொண்டாடியிருக்கிறார்.   மும்பையைச் சேர்ந்தவர் கௌதம் மோர். மகாராஷ்ட்ரா அந்தஷ்ரத்தா நிர்மூலன் சமிதியின் உறுப்பினரான கௌதம் மோர்  தனது 44 ஆவது பிறந்தநாளை,  இறந்த உடலை தகனம் செய்யும் இடமான சுடுகாட்டில்  வைத்துக் கேக் வெட்டியும் , விருந்து வைத்தும் கொண்டாடி இருக்கிறார்.    இதுகுறித்து அவர் பேசும்போது, `` எனது பிறந்தநாளை ஹோட்டலில் வைத்து கொண்டாடலாம்  என்று எனது  குடும்பத்தினர் எனக்கு அறிவுறுத்தினர். ஆனால் நான் சுடுக்காட்டில் வைத்து எனது பிறந்தநாளைக் கொண்டாட முடிவு செய்தேன். காரணம்  பேய்கள் போன்ற விஷயங்கள் எதுவும் சுடுகாட்டில் இல்லை. அசம்பாவித சம்பவங்கள் எதுவும் அங்கு நடக்காது. சுடுகாட்டில் வைத்து பிறந்த நாள் கொண்டாட்டம் சுடுகாடும் எல்லா இடங்களையும் போன்ற ஒரு சாதாரண இடம்தான் என்பதை மக்கள் தெரிந்துக்கொள்ள வேண்டும்.  சுடுகாடு குறித்து அனைவருக்கும் இருக்கும் மூட நம்பிக்கைகளை போக்கி விழிப்புணர்வை  ஏற்படுத்த வேண்டும் என்பதற்காகவும்தான் நான் சுடுக்காட்டில்  வைத்து  எனது பிறந்தநாளை கொண்டாட முடிவு செய்தேன் என்று அவர் தெரிவித்திருக்கிறார்.  மேலும் பிறந்தநாள் கொண்டாடத்தில் கலந்து கொண்ட  அவரின் நண்பர் ஆனந்த் ஷிண்டே கூறுகையில், ``கௌதம் மோர் என்னை பிறந்தநாள் கொண்டாடத்திற்கு அழைத்தப்போது எனக்கு சுடுகாடு  தொடர்பான மூட நம்பிக்கைகளை நான் நம்பிக்கொண்டிருந்ததால் முதலில் கொண்டாட்டத்திற்கு செல்லலாமா? அல்லது  வேண்டாமா? என இரு  மனநிலையில் இருந்தேன். அதன்பின் சுடுகாட்டிற்கு சென்று  பிறந்தநாள் கொண்டாடத்தில் கலந்துக்கொண்ட நான் , இதற்கு முன் நான் புரிந்துக்கொண்டது அனைத்தும் தவறு என்பதை உணர்ந்தேன் என்று தெரிவித்திருக்கிறார். கௌதம் மோர் தனது  44 - வது  பிறந்தநாளை தன் குடும்பத்துடனும் , நண்பர்களுடனும் விழிப்புணர்வு ஏற்படுத்துவதற்காக சுடுகாட்டில் வைத்து கொண்டாடிய இச்சம்பவம் தற்போது இணையத்தில் வைரலாகி வருகிறது. 
http://dlvr.it/SdP0vz

Read More

``581 கிலோ கஞ்சாவை எலி தின்றுவிட்டது" - நீதிமன்றத்தில் காவல்துறை பகீர் தகவல்!

உத்தரப்பிரதேச மாநில, மதுரா காவல்துறையினர் கடந்த 2018 - 2019-ம் ஆண்டுகளில் நெடுஞ்சாலையில் என்டிபிஎஸ் சட்டத்தின் (NDPS Act ) கீழ் நடத்திய கஞ்சா வேட்டையில் 581 கிலோ கஞ்சா கடத்தல்காரர்களிடமிருந்து பறிமுதல் செய்யப்பட்டது. அதன் விலை ரூ.60 லட்சம் என மதிப்பிடப்படுகிறது. பறிமுதல் செய்யப்பட்ட கஞ்சா ஷெர்கார் மற்றும் நெடுஞ்சாலை காவல் நிலையங்களின் கிடங்குகளில் சேமித்துவைக்கப்பட்டது. மேலும், கைதுசெய்யப்பட்ட குற்றவாளிகள் நீதிமன்றத்தில் சமர்ப்பிக்கப்பட்டு, விசாரணை நடந்துவந்தது.கஞ்சா இந்த நிலையில், குற்றவாளிகளுக்கு தண்டனையை உறுதிசெய்ய அவர்கள் கடத்திய கஞ்சாவை நீதிமன்றத்தில் சமர்ப்பிக்க வேண்டும் என நீதிமன்றம் உத்தரவிட்டிருக்கிறது. அப்போது மதுரா காவல்துறை, கஞ்சா மாதிரிகளைச் சமர்ப்பித்திருக்கிறது. அதற்கு நீதிபதி பறிமுதல் செய்யப்பட்ட அனைத்து கஞ்சாவையும் சமர்ப்பிக்க உத்தரவிட்டிருக்கிறார். அப்போதுதான் அந்த அதிர்ச்சித் தகவலை காவல்துறை சொல்லியிருக்கிறது. எலி காவல்துறை சமர்ப்பித்த அறிக்கையில், " காவல் நிலையத்தில் எலித் தொல்லை அதிகமாக இருக்கிறது. கிடங்கில் சேமித்துவைக்கப்பட்டிருந்த 581கிலோ கஞ்சாவையும் எலிகள் தின்றுவிட்டன. எங்களிடம் மாதிரி மட்டுமே இருக்கிறது" எனக் குறிப்பிடப்பட்டிருக்கிறது. அதைத் தொடர்ந்து, நீதிபதி, எஸ்எஸ்பி மதுரா அபிஷேக் யாதவ்," 60 லட்சம் ரூபாய் மதிப்புள்ள கஞ்சாவை எலிகள் உண்மையில் சாப்பிட்டதற்கான ஆதாரத்தை வழங்க வேண்டும். வரும் 26-ம் தேதி அடுத்த விசாரணை நடைபெறும்" என உத்தரவிட்டிருக்கிறார். விசாரணையில் பறிமுதல் செய்யப்பட்ட கஞ்சாவை போலீஸார் வேறொருவரிடம் விற்றுவிட்டு எலிகள் மேல் பழிசுமத்தியதாகக் கூறப்படுகிறது.அவசரகதி அரசு மருத்துவக் கல்லூரி... ‘சோதனை எலி’களான மாணவர்கள்!
http://dlvr.it/SdLKwZ

Read More

தூக்கிலிருந்து சடலமாக மீட்கப்பட்ட மத்திய அமைச்சரின் மருமகன்! - உ.பி போலீஸ் தீவிர விசாரணை

பா.ஜ.க-வின் மத்திய அமைச்சரவையில் வீட்டு வசதி மற்றும் நகர்ப்புற விவகாரங்களுக்கான அமைச்சராக இருப்பவர் கவுசல் கிஷோர். இவர் உத்தரப்பிரதேசத்தின் மோகன்லால்கஞ்ச் மக்களவைத் தொகுதியின் பிரதிநிதியாவார். இவர் சமீபத்தில் டெல்லியில் இளம்பெண் ஷரத்தா கொடூரமாக கொலைசெய்யப்பட்ட சம்பவம் தொடர்பாக ``படித்த பெண்கள் இதுபோன்ற உறவுகளில் இருக்கக் கூடாது. இந்தச் சம்பவங்களிலிருந்து நாம் பாடங்களைத்தான் கற்றுக் கொள்ள வேண்டும். இதுபோன்ற சம்பவங்கள் பெரும்பாலும் படித்த பெண்களிடம் நடைபெறுகின்றன'' எனக் கூறியது பெரும் சர்ச்சையானது. மத்திய அமைச்சர் கவுஷல் கிஷோர் இந்த நிலையில், கவுசல் கிஷோரின் மருமகன் நந்த் கிஷோர் தற்கொலை செய்துகொண்டதாக காவல்துறை தெரிவித்திருக்கிறது. இது தொடர்பாக செய்தியாளர்களிடம் பேசிய காவல்துறை அதிகாரிகள், ``உத்தரப்பிரதேச மாநிலம், லக்னோவில் உள்ள வீட்டில் நந்த் கிஷோர் உடல் தூக்கில் தொங்கிய நிலையில் இன்று மீட்கப்பட்டது. அவருடைய உடல் பிரேத பரிசோதனைக்கு அனுப்பப்பட்டிருக்கிறது. அவர் ஒரு ப்ராப்பர்டி டீலர். அவர் தற்கொலை செய்துகொண்டது முதற்கட்ட விசாரணையில் தெரியவந்திருக்கிறது. இது தொடர்பாக விசாரணை மேற்கொண்டு வருகிறோம்" என்றார்.`ராகுலுடன் பாரத் ஜோடோவில் பங்கேற்கும் நடிகர்களுக்கு பணம் வழங்கப்படுகிறது!' - குற்றம்சாட்டும் பாஜக
http://dlvr.it/SdHXML

Read More