"அனைவருக்கும் ஒரே மாதிரியான திருமணம்!" - பொது சிவில் சட்டத்தை வலியுறுத்தும் மத்தியப் பிரதேச முதல்வர்

அடுத்த நாடாளுமன்றத் தேர்தலுக்கு ஏறக்குறைய இன்னும் ஒன்றரை ஆண்டுகளே இருப்பதால், மத்தியில் ஆட்சியிலிருக்கும்போதே குடியுரிமை திருத்த சட்டம், கட்டாய மதமாற்ற தடைச் சட்டம், மக்கள்தொகை கட்டுப்பாடு சட்டம் போன்ற சட்டங்களை அமல்படுத்த பா.ஜ.க தீவிரம் காட்டிவருகிறது. அதில் பொது சிவில் சட்டம் முக்கியமான ஒன்றாக பா.ஜ.க குறிவைத்திருக்கிறது. அதாவது இந்திய அரசியலமைப்பு பிரிவு 44 கூறும் பொது சிவில் சட்டம், மதம், பாலினம், சாதி போன்றவற்றைப் பொருட்படுத்தாமல் அனைத்து குடிமக்களுக்கும் சமமாக பொருந்தும் தனிப்பட்ட சட்டங்களைக் கொண்டுவருவதை முன்மொழிகிறது.பொது சிவில் சட்டம் இதனைக் கொண்டுவரத்தான் பாஜக தலைவர்கள் அடிக்கடி வலியுறுத்திவருகின்றனர். ஆனால், பெரும்பாலான சட்டங்கள் அனைவருக்கும் பொதுவானவையாக இருந்தாலும், திருமணம், விவாகரத்து, வாரிசுரிமை போன்றவற்றில் முஸ்லிம்களுக்கென்று தனிச்சட்டங்கள் இருக்கின்றன. அதுபோல இந்துக்கள் உட்பட பிற மதத்தினருக்கும் தனிச்சட்டங்கள் இருக்கின்றன. இப்படியிருக்க, பொது சிவில் சட்டம் தொடர்பான வழக்கை உச்ச நீதிமன்றம் ஒருபக்கம் விசாரிக்க, மத்திய அரசு ஒருபக்கம் மாநிலங்களவை குழு ஒன்றை அமைத்து கருத்துக்கேட்டு வருகிறது.மத்தியப் பிரதேச முதல்வர் சிவராஜ் சிங் சௌஹான் இந்த நிலையில் பாஜக ஆட்சி செய்யும் மத்தியப் பிரதேசத்தில், அந்த மாநில முதல்வர் சிவராஜ் சிங் சௌஹான், பொது சிவில் சட்டத்தை அமல்படுத்துவதற்கான நேரம் வந்துவிட்டது எனத் தெரிவித்திருக்கிறார். பத்வானியில் நடந்த பேரணியில் கலந்துகொண்டு பேசிய சிவராஜ் சிங் சௌஹான், ``இந்தியாவில் இப்போது பொது சிவில் சட்டம் அமல்படுத்தப்பட வேண்டும். அதற்கான நேரம் வந்துவிட்டது. பொது சிவில் சட்டத்தை செயல்படுத்த, மத்தியப் பிரதேசத்தில் குழு ஒன்றை நான் அமைக்கிறேன். மேலும் அதன்படி அனைவருக்கும் ஒரே மாதிரியான திருமணம் இருக்கும்" என்று கூறினார்.பொது சிவில் சட்டம்... தி.மு.க அரசு ஏற்குமா, எதிர்க்குமா?
http://dlvr.it/Sdjm4z

Read More

கர்நாடகா: ரெளடியுடன் மேடையில் பாஜக எம்.பி-க்கள்... காங்கிரஸ் Vs பாஜக வார்த்தைப்போர்!

கர்நாடக மாநிலம், பெங்களூரு நகரிலுள்ள சமராஜ்பேட்டை பகுதியில், பாஜக சார்பில் ரத்த தான முகாம் நடத்தப்பட்டது. இதில், பாஜக எம்.பி-க்கள் தேஜஸ்வி சூர்யா, பி.சி.மோகன் மற்றும் எம்.எல்.ஏ உதய் கருடாச்சர் உள்ளிட்டோர் பங்கேற்றனர். மேடையில், எம்.பி-க்கள் நிகழ்ச்சியை தொடங்கிவைக்கும்போது அவர்களுடன், பெங்களூரு போலீஸாரால் கடந்த 23-ம் தேதி முதல் தேடப்பட்டுவரும் ரெளடி, ‘சைலன்ட் சுனில்’ என்ற சுனில் உடனிருந்தார். பாஜக எம்.பி-க்களுடன் சுனில் நிற்கும் புகைப்படங்களும், வீடியோக்களும் வெளியாகின. இதைத் தொடர்ந்து, காங்கிரஸ் மற்றும் பாஜக கட்சியினரிடையே வார்த்தைப்போர் வெடித்து, கர்நாடக அரசியல் அனலாகக் கொதிக்கிறது. ரெளடி சுனில் பல ஆண்டுகளாக, 15-க்கும் மேற்பட்ட குற்ற வழக்குகளில் தொடர்புடைய ரெளடி சுனில், பாஜக–வினருடன் மேடையில் இருந்தது தொடர்பாக, கர்நாடக காங்கிரஸ் கட்சியினர் கடும் கண்டனத்தைப் பதிவுசெய்துவருகின்றனர். ‘ரெளடிகளுக்கு அடைக்கலம் கொடுக்கிறார்கள்?’ காங்கிரஸ் மூத்த தலைவர் சித்தராமையா நிருபர்களிடம், ``கொலை மற்றும் மோசடி வழக்குகளில் தொடர்புடைய குற்றவாளி சுனில். கடந்த சில நாள்களாக உளவுத்துறையால் தேடப்பட்டுவருகிறார். இப்படியான ரெளடியுடன் இணைந்து பாஜக தலைவர்கள் விழாவை நடத்தியுள்ளனர். ரெளடிகளுக்குத் தொடர்ந்து அடைக்கலம் கொடுத்துவருகிறது பாஜக.காங்கிரஸ் - சித்தராமையா கர்நாடக பாஜக எம்.பி-க்களும், தலைவர்களும் உடனிருக்கும்போது, சுனிலைக் கைதுசெய்ய போலீஸாருக்கு எப்படி தைரியம் வரும்... பாஜக எப்போதும் சொல்வது ஒன்று செய்வது ஒன்றாகச் செயல்படுகிறது. இன்னும் எத்தனை ரெளடிகளுக்கு அடைக்கலம் கொடுக்கப்போகிறதோ?’’ எனக் காட்டமாக கேள்வி எழுப்பியிருக்கிறார். விஷயம் பூதாகரமானதைத் தொடர்ந்து, பாஜக எம்.பி பி.சி.மோகன் நிருபர்களிடம், ‘``சுனில் யார் என்றே எனக்குத் தெரியாது, அவரது பின்புலமும் எனக்குத் தெரியாது’’ என பேட்டியளித்திருக்கிறார்.எம்.பி-க்களுடன் சுனில். இதேபோல, பாஜக எம்.எல்.ஏ கருடாச்சர், ‘‘நான் நிகழ்ச்சிக்குச் சென்றபோது அங்கு யாரும் இல்லை. நிகழ்ச்சி தொடங்கியதும் அனைவரும் கூட்டமாக வந்தனர். என்னை நிகழ்ச்சிக்கு அழைத்திருந்தார்கள். அதனால் சென்றேன். சுனில் என்ற பெயரை மட்டுமே தெரியும் அவர்தான் ‘சைலன்ட் சுனில்’ என்பது தெரியாது,’’ என விளக்கமளித்திருக்கிறார். எம்.பி பி.சி.மோகன் மற்றும் எம்.எல்.ஏ கருடாச்சரின் விளக்கங்களை காங்கிரஸ் கட்சியினர் கலாய்த்துவருவதுடன், கண்டனமும் தெரிவித்துள்ளனர். காங்கிரஸ் எம்.எல்.ஏ தினேஷ் குண்டுராவ் நிருபர்களிடம், ‘‘பாஜக–வினர் சொல்லும் விளக்கங்களைக் கேட்டால் சிரிப்புதான் வருகிறது. ‘லைலன்ட்’ சுனில்தான் அந்த நிகழ்ச்சியின் ஒருங்கிணைப்பாளர். சுனில் அழைப்பு விடுத்ததால்தான், எம்.பி-க்கள், எம்.எல்.ஏ நிகழ்ச்சியில் பங்கேற்றுள்ளனர். போலீஸார் சுனிலைக் கைதுசெய்வதற்காகத்தான் வந்தனர். ஆனால், எம்.பி-க்களை கண்டதும் கைது செய்யாமல் போலீஸார் அமைதியாகிவிட்டனர்’’ என தனது விளக்கத்தைப் பதிவுசெய்தார்.முதல்வர் பசவராஜ் பொம்மை ‘காங்கிரஸ் முதலில் ரெளடிகளை எண்ணட்டும்!’ விஷயம் பெரும் பேசுபொருளாகி இருக்கும் நிலையில், இன்று (29-ம் தேதி) நிருபர்களைச் சந்தித்த கர்நாடக முதல்வர் பசவராஜ் பொம்மை, ‘‘காங்கிரஸ் கட்சியில் எத்தனை ரெளடிகள் இருக்கிறார்கள் என்று எல்லோருக்கும் தெரியும். பாஜக–வை சுட்டிக்காட்டும் முன்பு, முதலில் காங்கிரஸ் கட்சியினர் அவர்கள் கட்சியிலுள்ள ரெளடிகளை எண்ணிப்பார்க்கட்டும்’’ என காட்டமாக விளக்கமளித்தார். ‘வாக்காளர்களின் தகவல் திருட்டுச் சம்பவம், தற்போது ரெளடியுடன் நிகழ்ச்சி எனப் பல்வேறு விவகாரங்கள் அங்கு அரசியலில் அனலைக் கிளப்பிவருகின்றன. கெம்பே கௌடாவுக்கு பிரமாண்ட சிலை... கர்நாடகா பா.ஜ.க-வின் ‘வோட் பேங்க் டார்கெட்!’
http://dlvr.it/Sdfgxg

Read More

உ.பி: கிராம பணிகள் குறித்து ஆர்.டி.ஐ மூலம் தகவல் கோரிய இளைஞர் அடித்துக் கொலை! - 8 பேரை தேடும் போலீஸ்

உத்தரப்பிரதேச மாநிலம், அலிகார் மாவட்டம், கோரை கிராமத்தைச் சேர்ந்தவர் தேவ்ஜீத் சிங் (32). இவர் தன்னுடைய தந்தை மகேந்திர சிங்கின் விவசாய வேலைகளுக்கு உதவியாகவும், கிராமத்தில் கணினி மையத்தையும் நடத்தி வந்தார். இவருக்குத் திருமணமாகி மனைவி, இரண்டு குழந்தைகள் இருக்கின்றனர். இந்த நிலையில், தங்கள் விவசாய நிலத்தில் வேலை செய்துகொண்டிருந்த தேவஜீத் சிங்கையும், அவர் சகோதரரையும் ஒரு கும்பல் திடீரென சரமாரியாகத் தாக்கியிருக்கிறது. இது குறித்து தேவ்ஜீத் குடும்பத்தாருக்கு கிராமவாசி ஒருவர் தகவல் தெரிவித்திருக்கிறார். அந்தப் பகுதிக்கு விரைந்த தேவஜீத் சிங்கின் தந்தை மகேந்திர சிங், இருவரையும் மீட்டு மருத்துவமனையில் அனுமதித்திருக்கிறார். அவர்களுக்கு தீவிர சிகிச்சை அளிக்கப்பட்டு வந்தது. இந்த நிலையில், தேவ்ஜீத் சிகிச்சை பலனின்றி உயிரிழந்தார். இது தொடர்பாக காவல் நிலையத்தில் அவர் தந்தை மகேந்திர சிங் புகார் அளித்திருக்கிறார்.கொலை அந்தப் புகாரில், ``கிராமத்தின் நடைபெற்ற வளர்ச்சிப் பணிகளின் தரம் குறித்த தகவல்களைக் கோரி என்னுடைய மகன் இரண்டு மாதங்களுக்கு முன்பு தகவல் அறியும் உரிமைச் சட்டத்தின் கீழ் மனுத்தாக்கல் செய்திருந்தான். கிராமத்தில் கட்டுமானப் பணிகளுக்கு தரமற்ற பொருள்கள் பயன்படுத்தப்படுவதாகக் கூறி பல்வேறு அதிகாரிகளிடம் பலமுறை புகார் அளித்து, உரிய நடவடிக்கை எடுக்க வேண்டும் எனவும் கோரியிருந்தான். அதிலிருந்து, எங்களுக்குக் கொலை மிரட்டல் வந்து கொண்டிருந்தது. இந்த நிலையில், என்னுடைய இரண்டு மகன்களும் கொடூரமாகத் தாக்கப்பட்டு அதில் தேவ்ஜீத் சிங் இறந்துவிட்டான். இன்னொரு மகன் சிகிச்சையில் இருக்கிறான். குற்றவாளிகள்மீது உரிய நடவடிக்கை எடுக்க வேண்டும்" எனக் குறிப்பிட்டிருந்தார்.காவல்துறை இந்தச் சம்பவம் தொடர்பாகப் பேசிய காவல்துறை துணைக் கண்காணிப்பாளர் ராகவேந்திர சிங், "இந்தப் புகாரில் கிராம தலைவர் தேவேந்திர சிங், அவர் மகன் கார்த்திக் உட்பட 8 பேர்மீது 302 (கொலை), 147 (கலவரம்), 506 (கலவரம்), 506 (ஐபிசி) உள்ளிட்ட பல்வேறு பிரிவுகளின் கீழ் எஃப்.ஐ.ஆர் பதிவுசெய்யப்பட்டிருக்கிறது. குற்றம்சாட்டப்பட்டவர்கள் தலைமறைவாக இருக்கின்றனர். அவர்களைக் கைதுசெய்வதற்கான முயற்சிகள் மேற்கொள்ளப்பட்டு வருகின்றன" எனத் தெரிவித்திருக்கிறார்.பேருந்து நிறுத்தத்தில் தூங்கிய நபர் கழுத்தறுத்து கொலை; இருவர் கைது - சென்னையில் அதிர்ச்சி
http://dlvr.it/SdbXS7

Read More

தெரு நாய்களுக்கு ஆம்புலன்ஸ் சேவையை தொடங்கிய நடிகை சன்னிலியோன்!

பாலிவுட் நடிகை சன்னி லியோன் என்றாலே அனைவருக்கும் தெரியும். ஆரம்ப காலத்தில் ஆபாச பட நடிகையாக அறிமுகமான சன்னி லியோன், இப்போது பாலிவுட் படங்களில் நடித்து வருகிறார். அவர் நடிக்கும் படங்களுக்கு எப்போதும் இளைஞர்கள் மத்தியில் அதிக வரவேற்பு உள்ளது..ஆம்புலன்ஸ்வணிகத் தேவைக்காக நாட்டு விலங்குகள் படும் துயர்! - தெளிவாக விளக்கும் புத்தகம் அவர் நடிக்கும் படத்தில் ஆபாச காட்சிகள் கொஞ்சம் அதிகமாகவே இருக்கும் என்று கூறுவார்கள். விலங்குகள் நலனுக்காக பாடுபடும் பீட்டா, அனிமல் ஹோப், வெல்னஸ் பவுண்டேசன் போன்ற அமைப்புகளுடன் சேர்ந்து விலங்குகள் நலனுக்காக பாடுபட்டு வரும் சன்னி லியோன், தனது கணவர் டேனியலுடன் சேர்ந்து தெருவோர விலங்கு மீட்பு மற்றும் மறுவாழ்வு அறக்கட்டளை என்ற தொண்டு நிறுவனத்துடன் இணைந்து தற்போது செயல்பட ஆரம்பித்துள்ளார். இது குறித்து இருவரும் சேர்ந்து அளித்த பேட்டியில், ''தெரு நாய்கள் கைவிடப்பட்ட பிராணிகள் கொடூரமாக தாக்கப்படுவதும், விபத்துக்களில் சிக்கி உயிரிழப்பதுமான செய்திகளை அடிக்கடி படிக்கிறோம். அந்த பாதிப்பில் இருந்து விலங்குகளை காப்பாற்ற இந்த ஆம்புலன்ஸ் சேவையை தொடங்கி இருக்கிறோம். மனிதர்களைப்போல் வளர்ப்பு பிராணிகள் மற்றும் தெருவிலங்குகளுக்கு உடனடி மருத்துவ உதவி தேவை என்று நம்புகிறோம், அதனால் தான் விலங்குகளுக்காக இந்த ஆம்புலன்ஸ் சேவையை தொடங்கியுள்ளோம்.''என்று தெரிவித்தார்.பீட்டாகடந்த 50 ஆண்டுகளில் 70% காட்டு விலங்குகள் அழிப்பு... கானமயில்கள், ஆசிய சிங்கம், பனிக்கரடி... இனி?! சன்னிலியோன் கணவர் டேனியல் இது குறித்து கூறுகையில், ''தெரு நாய்களின் மறுவாழ்வுக்காக பல ஆண்டுகளாக நாங்கள் பணியாற்றி வருகிறோம். இவற்றுக்கு எளிதில் மருத்துவ உதவி கிடைக்கவேண்டும் என்று விரும்புகிறோம். தற்போது தொடங்கப்பட்டு இருக்கும் ஆம்புலன்ஸ் மூலம் அதன் இறப்பு குறையும் என்று நம்புகிறோம்" என்று தெரிவித்தார். தொண்டு நிறுவனத்தின் நிறுவனர் டாக்டர் சோலங்கி இது குறித்து கூறுகையில், ``சன்னி லியோன் மற்றும் டேனியல் ஆகியோர் கொரோனா காலத்தில் தெரு நாய்களுக்கு சாப்பாடு கொடுக்கும்படி மக்களை கேட்டுக்கொண்டனர். அதனால் அவர்களுடன் சேர்ந்து பணியாற்றுகிறோம்" என்று தெரிவித்தார்.
http://dlvr.it/SdXQ5C

Read More

தலித்துகளுக்கு ஊர்க் கட்டுப்பாடு: உபி-யில் காவலர்கள் புடைசூழ பாதுகாப்புடன் நடந்த மணமகன் ஊர்வலம்!

உத்தரப்பிரதேச மாநிலம், சம்பால் பகுதியில் பட்டியலினத்தவர்களுக்கு எதிரான ஒடுக்குமுறை இன்னும் தொடர்வதாகக் கூறப்படுகிறது. இதனால், அங்கு திருமணம் செய்யும் பட்டியலினத்தவர்கள் மணமகன் ஊர்வலத்தில் குதிரைச் சவாரி, கார் சவாரி, DJ கச்சேரி போன்றவற்றுக்கு மற்ற பிரிவினர் அனுமதிப்பதில்லை எனவும் கூறப்படுகிறது. அதையும் மீறி இது போன்ற நிகழ்ச்சிகளுக்கு ஏற்பாடு செய்தால், அவர்கள்மீது பிற சமூக மக்கள் நடவடிக்கை எடுப்பதாகத் தெரிகிறது. இந்த நிலையில், சம்பால் மாவட்டத்தின் குன்னவுர் பகுதியிலுள்ள லோஹமாய் கிராமத்தில் ராம் கிஷண், ரவீனா ஆகியோருக்கு திருமணம் நிச்சயிக்கப்பட்டது. இதையடுத்து, மணமகள் ரவீனா, தன்னுடைய வருங்காலக் கணவர் குதிரை ஊர்வலம் செல்வதைப் பார்க்க விருப்பம் தெரிவித்திருந்தார். மணமகள் வீட்டினர் அதற்கான ஏற்பாட்டைச் செய்தனர். திருமணத்தன்று ஏதேனும் அசம்பாவிதம் நடந்துவிடக் கூடாதென எச்சரிக்கையாக காவல்துறையிடம் பாதுகாப்பு வழங்க வேண்டும் என மணமகள் வீட்டினர் வேண்டுகோள் விடுத்திருக்கின்றனர்.பாதுகாப்பளித்த காவலர்கள் இந்த வேண்டுகோளை ஏற்ற காவல்துறை, திருமண ஊர்வலத்தின்போது, அருகிலிருந்த காவல் நிலையங்களிலிருந்து ஒரு பெரிய காவலர் குழுவை அனுப்பியிருக்கிறது. அந்தக் குழுவில் 2 இன்ஸ்பெக்டர்கள், 14 சப் இன்ஸ்பெக்டர்கள், 44 காவலர்கள் என 60 பேர் இடம் பெற்றிருந்ததாகக் கூறப்படுகிறது. மேலும், அந்தத் தம்பதிக்குக் காவலர்கள் அனைவரும் சேர்ந்து ரூ.11,000 திருமணப் பரிசாகவும் வழங்கியிருக்கின்றனர்.`பெண்கள் மட்டுமே உடலை சுமந்து சென்றது ஏன்?' - காவேரி அம்மாளின் இறுதி ஊர்வலம் குறித்து அவரின் மகன்
http://dlvr.it/SdXPqh

Read More

`என் ஹீரோவை பார்க்கணும்!’ - மெஸ்ஸியின் ஆட்டம் காண காரிலேயே கத்தார்; அசரவைத்த கேரள அம்மா

கிரிக்கெட்டுக்கு இந்தியாவில் அதிகளவில் ரசிகர்கள் உள்ளனர். அதற்கு அடுத்தபடியாக அதிகளவில் ரசிகர்களைக் கொண்டது,  கால்பந்து விளையாட்டு. ஆனால் கேரளாவில் கிரிக்கெட்டை விட, கால்பந்துக்குத்தான் ரசிகர்கள் அதிகம். ஃபிஃபா உலகக்கோப்பை கால்பந்து தொடர் விறுவிறுப்பபாக சென்ற நிலையில்  ஆசிய அணிகளின் எழுச்சி இந்திய ரசிகர்கள் மத்தியில் ஆர்வத்தை அதிகப்படுத்தியது.Naaji Noushi `2009,2010,2011,2012,2015,2019'- 6-வது முறையாக சிறந்த வீரருக்கான ஃபிஃபா விருதை வென்ற மெஸ்ஸி சமீபத்தில்  நட்சத்திர வீரர் லயோனல் மெஸ்ஸி, ரொனால்டோ, நெய்மாருக்கு ரசிகர்கள் பிரமாண்ட பேனர்கள் வைத்து அசத்தினர். அதுமட்டுமல்ல... கத்தார் நாடு இந்தியாவுக்கு அருகில் இருப்பதால், ஏராளமான ரசிகர்கள் மெஸ்ஸியின் ஆட்டத்தை நேரில் காண கத்தார் பயணம் செய்துள்ளனர். இந்த நிலையில் மெஸ்ஸியின் ஆட்டத்தை நேரில் காண கேரளாவைச் சேர்ந்த, ஐந்து குழந்தைகளின் தாயான பெண் ஒருவர்காரிலேயே கத்தார் சென்றடைந்த சாகசம், அனைவரையும் வியப்பில் ஆழ்த்தியுள்ளது. கேரளாவை சேர்ந்த கால்பந்து தீவிர ரசிகையான நாஜி நெளஷி, கத்தாரில் நடைபெற்று வரும் உலகக்கோப்பைத் தொடரை நேரில் காண, இந்தியாவில் இருந்து கத்தாருக்கு மஹிந்திரா தார் வாகனத்தில் சோலோ ட்ரிப் சென்றுள்ளார்.Naaji Noushi காரிலேயே அரிசி, தண்ணீர், பருப்பு, சமையலுக்குத் தேவையான பொருள்களுடன்  பழங்களையும் எடுத்துக் கொண்டு  சென்றுள்ளார் நாஜி நெளஷி. பயணத்தின் போது முடிந்த அளவு சமையல் செய்து சாப்பிடுவதால் செலவு குறைவவதால் இப்படி முன்னேற்பாடுடன் சென்றுள்ளதாக அவர் தெரிவித்துள்ளார். நாஜி கேரளாவில் இருந்து காரில் புறப்பட்டு மும்பை சென்றுள்ளார். மும்பையில் இருந்து கப்பல் மூலம் ஓமனுக்கு காரை கொண்டு சென்ற அவர், மஸ்கட் வழியாக கத்தார் வந்து சேர்ந்துள்ளார். Naaji Noushi இப்படி பயணம் செய்த நாஜி அர்ஜென்டினா ஜெர்சியுடன் மஹிந்திரா காரில் புகைப்படம் எடுத்தது  சமூக வலைதளங்களில் வைரலாகி வருகிறது. இந்த பயணம் குறித்து நாஜி நெளஷி கூறும் போது, ``மெஸ்ஸிதான் என் ஹீரோ. சவுதி அரேபியா அணிக்கு எதிரான ஆட்டத்தில் தோல்வியைச் சந்தித்தது சோகம் அளித்துள்ளது. ஆனால் உலகக்கோப்பையை கைப்பற்றும் பயணத்தில் இது ஒரு சின்ன சறுக்கல் மட்டும் தான். நான் என் ஹீரோவை நேரில் பார்க்க வேண்டும் என்ற ஆசையில் மட்டுமே பயணித்து வந்துள்ளேன்” என்று தெரிவித்துள்ளார்.
http://dlvr.it/SdTM5B

Read More

கேரளா: அரசு மருத்துவமனை சிகிச்சையில் கவனக்குறைவு... அகற்றப்பட்ட மாணவனின் கை; போலீஸ் விசாரணை!

கேரள மாநிலம், கண்ணூர் தலசேரியை அடுத்த சேற்றம்குந்நு பகுதியைச் சேர்ந்த அபுபக்கர் சித்திக் என்பவரின் மகன் சுல்தான் (17). பாலயாடு அரசு மேல்நிலைப் பள்ளியில் 11-ம் வகுப்பு படித்து வந்தார். கடந்த மாதம் 30-ம் தேதி, வீட்டுக்கு அருகில் உள்ள மைதானத்தில் கால்பந்து விளையாடி உள்ளார். அப்போது கீழே விழுந்ததில் சுல்தானின் இடது கையில் காயம் ஏற்பட்டது. இதையடுத்து, தலச்சேரி அரசு பொது மருத்துவமனையில் சிகிச்சைக்காக சேர்க்கப்பட்டார் சுல்தான். எக்ஸ்ரே எடுத்து பார்த்ததில், அவரது கையில் இரண்டு எலும்புகள் முறிந்துள்ளதாக மருத்துவர்கள் தெரிவித்துள்ளனர். பின்னர் கடந்த 1-ம் தேதி அவருக்கு ஆப்பரேஷன் நடைபெற்றது. அதில் அவரது கை சரியான முறையில் கட்டப்படவில்லை எனக் கூறப்படுகிறது. இதையடுத்து, அவரது கையில் கிருமித்தொற்று ஏற்பட்டுள்ளது. எனவே அவரது கையை ஆபரேஷன் செய்து அகற்ற வேண்டும் என அரசு மருத்துவர்கள் தெரிவித்துள்ளனர். இதையடுத்து மாணவனை பெற்றோர், தனியார் ஆஸ்பத்திரிக்கு மாற்றினர். அங்கு அவரது கை முட்டியின் கீழ் பகுதி ஆபரேஷன் மூலம் அகற்றப்பட்டது.கால்பந்து விளையாடிய மாணவன் சுல்தான்அரசு மருத்துவமனையின் அலட்சியம்... உயிரிழந்த கால்பந்து வீராங்கனை! - என்ன செய்யப் போகிறது அரசு? ``மருத்துவமனையில் சிகிச்சைக்கு சேர்ந்து ஒரு வாரத்துக்கு பிறகுதான் மருத்துவர்கள், அவருக்கு ஆபரேஷன் செய்யத் தயாரானார்கள். ரத்த ஓட்டம் நின்றுவிட்டதால் கையை அகற்ற வேண்டும் என அரசு மருத்துவர்கள் தெரிவித்துள்ளனர். அரசு ஆஸ்பத்திரியில் சிகிச்சை அளிப்பதில் மருத்துவர்கள் காட்டிய அலட்சியத்தால்தான் மாணவனின் கையை வெட்டி அகற்றும் நிலை ஏற்பட்டது" என, மாணவனின் தந்தை சுல்தான் குற்றம்சாட்டினர். இதுகுறித்து கேரள முதலமைச்சர் மற்றும் மாநில சுகாதாரத்துறை அமைச்சருக்கும் மாணவனின் தந்தை புகார் அளித்தார். இதுபற்றி விளக்கம் அளித்த அரசு மருத்துவ அதிகாரிகள், ``மாணவன் சிகிச்சைக்கு வந்த மூன்றாவது நாள், ரத்தம் உறைதல் என்ற கம்பார்ட்மென்ட் சிண்ட்ரோம் ஏற்பட்டது. அதனால் அறுவை சிகிச்சை செய்த பின்னர் அவரது கையில் வீக்கம் ஏற்பட்டது. அதனால் ஆபரேஷனுக்கு பிறகு கையில் தையல் போட இயலவில்லை. பத்தாவது நாள் கிருமித்தொற்று ஏற்பட்டது எங்கள் கவனத்துக்கு வந்தது. அதன் பின்னர் ரத்தம் வெளியேறும் நிலை ஏற்பட்டது. ரத்தம் நிற்காமல் வெளியேறியதால் மாணவனின் கையை அகற்றுவதை தவிர வேறு வழி இல்லை" என்றனர்.சுகாதாரத்துறை அமைச்சர் வீணா ஜார்ஜ்தமிழக கால்பந்து வீராங்கனை பிரியா மரணம்: `மருத்துவர்களின் கவனக்குறைவே காரணம்’ - அமைச்சர் மா.சு தமிழகத்தில் கால்பந்து வீராங்கனை பிரியாவுக்கு கால்மூட்டு அறுவை சிகிச்சையில் ஏற்பட்ட கவனக்குறைவால் அவர் மரணமடைந்த சம்பவத்தைத் தொடர்ந்து, கேரளாவில் கால்பந்து விளையாடிய மாணவனின் கை அகற்றப்பட்ட சம்பவம் அதிர்வலையை ஏற்படுத்தியது. மணவனின் கை அகற்றப்பட்ட சம்பவம் குறித்து, கேரள சுகாதாரத்துறை அமைச்சர் வீணா ஜார்ஜ் விசாரணைக்கு உத்தரவிட்டுள்ளார். இதுகுறித்து, கேரள சுகாதாரத்துறை அமைச்சர் வீணா ஜார்ஜ் கூறும்போது, ``தலசேரி அரசு மருத்துவமனையில் சிகிச்சையில் அலட்சியம் காட்டப்பட்டுள்ளதாக எழுந்துள்ள குற்றச்சாட்டை மிக முக்கியப் பிரச்னையாக கருத்தில் எடுத்துள்ளோம். மருத்துவ சிகிச்சையில் அலட்சியமாக இருந்ததாக கண்டுபிடிக்கப்பட்டால், கடும் நடவடிக்கை எடுக்கப்படும். இந்த சம்பவம் குறித்து விசாரணை நடத்தி அறிக்கை அளிக்கும்படி சுகாதாரத்துறை செயலருக்கு உத்தரவிட்டுள்ளேன்" என்றார். இதுகுறித்து தலசேரி போலீஸார் தனியாக விசாரணை நடத்தி வருகின்றனர்.
http://dlvr.it/SdR6Bn

Read More