”தேங்காய் உடைக்க இப்படியும் ஒரு ஹேக்” -இது நம்புறா மாதிரியா இருக்கு என நெட்டிசன்ஸ் ட்ரோல்!

கிச்சன் ஹேக்கிங் என இன்டெர்நெட்டில் தேடினாலே பல ஐடியாக்கள் நிறைந்த வீடியோக்களை கண்டிருப்போம். இதுபோக காய்கறிகளை சுலபமாகவும், சீக்கிரமாகவும் வெட்டுவதற்கென தனியாக ரக ரகமான வெஜிடெபிள் கட்டர்ஸ் பல இ-காமர்ஸ் தளத்திலும் கிடைக்கின்றன. ஆனால் சமையல் வேலைக்கான முக்கியமான ஹேக்களில் ஒன்று தேங்காயை உடைப்பதுதான். ஆனால் தேங்காயை உடைக்க இடத்தை மிச்சப்படுத்தும் அளவுக்கான எந்த பொருளும் இருந்திருக்காது. பெரும்பாலும் துருவல் போன்று கருவிதான் கிடைக்கப்பெறும். இப்படி இருக்கையில், எந்த கஷ்டமும் இல்லாமல், கை வலிக்காமல் மிகவும் எளிதாக தேங்காயை உடைப்பது எப்படி என்ற லைஃப் ஹேக்கிங்தான் இன்ஸ்டாகிராம் தளத்தில் பகிரப்பட்டு பல லட்சக்கணக்கான பார்வையாளர்களை ஈர்த்திருக்கிறது. View this post on Instagram A post shared by Siddharth Gujar ™️ (@sidfrompune) இந்த டெக்னிக் எல்லார் வீட்டிலும் உபயோகப்படுத்த முடியாவிட்டாலும் லிஃப்ட் இருக்கும் குடியிருப்புகளில் உள்ளவர்கள் இந்த ஹேக்கிங்கை பயன்படுத்த முடியும். அது என்ன லிஃப்ட் இருக்க வீடுகளுக்கு மட்டும் என்ற கேள்வி எழலாம். ஆனால் தேங்காயை உடைக்க முக்கியமான கருவியாக இருப்பதே லிஃப்ட்தான் என அந்த வீடியோவை பார்த்தே தெரிந்துகொள்ள முடியும். அதில், முழு தேங்காயை ஒரு பிளாஸ்டிக் கவரில் கட்டி லிஃப்டின் நுழைவில் கவரின் ஒரு முனையை உட்புறவும், தேங்காய் இருக்கும் பகுதியை வெளிப்புறமும் வைத்து லிஃப்டை இயக்க, லிஃப்ட் மேலே செல்லும் போது தேங்காய் கவரும் மேலே சென்று நொடியில் இரண்டாக உடைந்து விழுகிறது. அதன்படி, Sidfrompune என்ற இன்ஸ்டா பக்கத்தில்தான் “இந்த டெக்னாலஜி வெளியே கசிய விட்டுவிடக் கூடாது” என கிண்டலாக கேப்ஷன் போட்டு அந்த வீடியோ பகிரப்பட்டிருக்கிறது. இதனை இதுவரை 4.2 மில்லியன் அதாவது 40 லட்சத்துக்கும் மேலானோர் பார்த்திருக்கிறார்கள். நல்ல ஈசியான டெக்னிக்காக இருந்தாலும், பல நெட்டிசன்கள் இந்த ஹேக்கிங் வீடியோவுக்கு எதிர்வினையாற்றியிருக்கிறார்கள். அதன்படி, “இதை பார்த்தால் உண்மையான ஹேக்கிங் மாதிரியே இருக்கவில்லை” என்றும், “மிஷின்களோடு விளையாட வேண்டாம். அப்படி செய்தால் அவை நம்மோடு விளையாடிவிடும்” என்றும் கமென்ட் செக்‌ஷனில் விமர்சனங்கள் பறந்திருக்கின்றன.
http://dlvr.it/Sf7myF

Read More

இறந்த நிலையில் மரத்தில் தொங்கிய புலி... தொடரும் புலன்விசாரணை!

மத்தியப் பிரதேசம், விக்ரம்பூர் பன்னா புலிகள் காப்பகத்தின் ஒரு மரத்தில் 2 வயது ஆண் புலி ஒன்று, சுறுக்குக் கயிற்றில் தொங்கி இறந்த நிலையில் இருந்துள்ளது. இந்தச் சம்பவத்தைத் தொடர்ந்து, புலியின் இறப்புக்கான காரணத்தை அறிய வனத்துறை அதிகாரிகள் அங்கு விரைந்தனர். மோப்ப நாய்கள் மூலமாகச் சம்பவ இடத்தில் சோதனை நடத்தினர். `நாங்கள் அமைதியாகத்தான் பார்த்தோம்' புலி வீடியோ சர்ச்சை... நடிகை ரவீனா டண்டன் விளக்கம்! அங்கு விசாரணையின்போது கிடைத்த தகவலின்படி, கிராம மக்கள் வேறு ஏதேனும் விலங்குகளை வேட்டையாட அங்கே தூண்டில் சுருக்குக் கயிற்றை வைத்திருக்கலாம் என்ற சந்தேகத்தை ஏற்படுத்தியுள்ளது. ஒருவேளை கிராம மக்களுக்கு ஏதேனும் தகவல் தெரிந்தால், தங்களிடம் தெரிவிக்கும்படி போலீஸார் அறிவுறுத்தியுள்ளனர். அப்படி தகவல்கள் கிடைக்கும்பட்சத்தில், சம்பந்தப்பட்ட நபர்கள் மீது வனவிலங்கு பாதுகாப்பு சட்டத்தின் கீழ் நடவடிக்கை எடுக்கப்படும் என்று போலீஸார் தெரிவித்துள்ளனர். investigation`நாங்கள் அமைதியாகத்தான் பார்த்தோம்' புலி வீடியோ சர்ச்சை... நடிகை ரவீனா டண்டன் விளக்கம்! இதுகுறித்து சத்தர்பூர் மலைத்தொடரின் வனப் பாதுகாவலர் சஞ்சீவ் ஜா கூறுகையில், ``அவ்வளவு உயர மரத்தில் புலி எப்படிச் சென்றது என்பது கேள்விக்குறியாகவே உள்ளது. எனவே, புலியின் உறுப்புகளின் மாதிரிகள் ஆய்வுக்காக எடுக்கப்பட்டு சோதனைக்கு அனுப்பப்பட்டுள்ளது. பிரேதப் பரிசோதனையும் நடைபெற்று வருகிறது'' என்று தெரிவித்துள்ளார்.  
http://dlvr.it/Sf4zQC

Read More

உ.பி: இளம்பெண் கொலை வழக்கில் சிறைக்குச் சென்ற மகன்; 7 ஆண்டுகளாக விடுவிக்கப் போராடும் தாய்!

உத்தரப்பிரதேச மாநிலம், அலிகர் மாவட்டத்தைச் சேர்ந்த 15 வயது சிறுமி கடந்த 2015-ம் ஆண்டு திடீரென காணாமல் போய்விட்டார். அவரை அதே பகுதியை சேர்ந்த விஷ்ணு என்பவர் கடத்திச் சென்று திருமணம் செய்து கொண்டதாக பெண்ணின் பெற்றோர் போலீஸில் புகார் செய்தனர். இதையடுத்து, விஷ்ணு கைதுசெய்யப்பட்டார். இது குறித்து போலீஸார் விசாரித்து வந்தனர். விஷ்ணு தன் தாயாரிடம் சம்பந்தப்பட்ட பெண்ணை கடத்தவில்லை என்று திட்டவட்டமாகத் தெரிவித்தார். இதனால் விஷ்ணுவின் தாயார் அந்தப் பெண்ணை தேடிக்கண்டுபிடிக்க ஆரம்பித்தார். இந்த நிலையில், ஆக்ராவில் பெண் ஒருவரின் உடல் கண்டுபிடிக்கப்பட்டது. அது காணாமல்போன பெண்ணின் உடல்தான் என்று அந்தப் பெண்ணின் தந்தை அடையாளம் காட்டினார். இதையடுத்து, விஷ்ணு மீது கொலை வழக்கை கூடுதலாக சேர்த்தனர் போலீஸார். இந்த நிலையில், காணாமல்போன பெண் ஹத்ராஸ் என்ற இடத்தில் இருப்பதை விஷ்ணுவின் தாயார் கண்டுபிடித்தார். அந்தப் பெண், அங்கு மத நிகழ்ச்சி ஒன்றில் கலந்திருந்தார். இது குறித்து விஷ்ணுவின் தாயார் உடனே போலீஸில் புகார் செய்தார். போலீஸார் விரைந்து சென்று அந்தப் பெண்ணை அழைத்து வந்திருக்கின்றனர்.கைது அவர் உண்மையிலேயே காணாமல்போன பெண்தானா என்பதை தெரிந்து கொள்ள அவருக்கு டி.என்.ஏ சோதனை எடுக்க போலீஸார் முடிவு செய்திருக்கின்றனர். அந்தச் சோதனைக்குப் பிறகே விஷ்ணுவை விடுவிடுப்பது குறித்து முடிவெடுக்கப்படும் என போலீஸ் அதிகாரி ராகவேந்திரா தெரிவித்தார். மகனுக்காக 7 ஆண்டுகளாக அந்தப் பெண்ணை தேடிய தாய் இது குறித்து, ``என் மகன் மீது வீணாக குற்றச்சாட்டு சுமத்தியிருக்கின்றனர் என்று எனக்குத் தெரியும். அதனால்தான் என் மகன் நிரபராதி என்பதை நிரூபிக்க நானே களத்தில் இறங்கி வேலை செய்தேன்" என்றார்.பாலிய பலாத்காரம் செய்த வாலிபரிடம் ரூ.1 லட்சம் பெற்று கொண்டு சமரசமான பெண்!
http://dlvr.it/Sf21mD

Read More

``காஷ்மீர் பண்டிட்களின் வலியை பாஜக பயன்படுத்திக்கொள்கிறது" - மெகபூபா முஃப்தி காட்டம்

பல ஆண்டுகளாக தீவிரவாத தாக்குதல் தொடர்ந்து நடைபெற்றுவரும் ஜம்மு காஷ்மீரில், கடந்த சில மாதங்களாக தீவிரவாதிகளால் காஷ்மீர் பண்டிட்கள் கொல்லப்பட்டு வருகின்றனர். இந்த விவகாரத்தில் காஷ்மீரிலிருக்கும் பல அரசியல் கட்சிகளும், அதன் தலைவர்களும் மத்தியில் ஆளும் பா.ஜ.க அரசை சாடிவருகின்றன.காஷ்மீர் சமீபத்தில் கூட, ஒரு பயங்கரவாத அமைப்புடன் தொடர்புடைய வலைப்பதிவு, பிரதமரின் மறுவாழ்வுத் திட்டத்தின் கீழ் ஈடுபட்டிருக்கும் 56 காஷ்மீர் பண்டிட் ஊழியர்களின் பட்டியலை வெளியிட்டு, அவர்கள் மீது தாக்குதல் நடத்தப்படும் என எச்சரித்தது. இதற்கும் கண்டனங்கள் கிளம்பியிருந்தன. இந்த நிலையில், மக்கள் ஜனநாயக கட்சியின் தலைவரும், முன்னாள் முதல்வருமான மெகபூபா முஃப்தி, காஷ்மீர் பண்டிட்களின் வலியை பா.ஜ.க பயன்படுத்திக்கொள்கிறது எனக் குற்றம் சாட்டியிருக்கிறார்.மெஹபூபா முஃப்தி அனந்த்நாக் மாவட்டத்திலுள்ள காசிகுண்டில் செய்தியாளர்களிடம் பேசிய மெகபூபா முஃப்தி, ``இந்த அரசாங்கம் காஷ்மீர் பண்டிட்களைப் பாதுகாக்கத் தவறிவிட்டது. மேலும் இது, இந்த சமூகத்தின் வலி மற்றும் துன்பங்களை தன்னுடைய சொந்த நலனுக்காகப் பயன்படுத்திக்கொள்கிறது. மத்தியிலும், ஜம்மு-காஷ்மீரிலும் பா.ஜ.க ஆட்சி செய்துகொண்டிருந்தாலும், கடந்த 6 மாதங்களாக இங்கு இருக்கும் காஷ்மீர் பண்டிட்டுகளின் பிரச்னைகளில் எந்தவொரு முடிவும் எடுக்கப்படாமல் இருப்பது துரதிர்ஷ்டவசமானது." என்று கூறினார். மேலும், காஷ்மீர் பண்டிட் ஊழியர்களின் விவரங்கள் கசிந்தது எப்படி நிகழ்ந்தது என மக்களுக்கு அரசாங்கம் தெரிவிக்கவேண்டும் என்றும் வலியுறுத்தியிருந்தார்.``காஷ்மீர் விவகாரத்தில் நேரு செய்த 5 தவறுகள்; தற்போது மோடி சரிசெய்கிறார்!" - அமைச்சர் கிரண் ரிஜிஜு
http://dlvr.it/SdyyjK

Read More

ரயில் தண்டவாளத்தில் விரிசல் - முன்கூட்டியே எச்சரித்த பெண்ணுக்கு குவியும் பாராட்டுகள்

கடலூரில் ரயில்வே தண்டவாளத்தில் ஏற்பட்டிருந்த விரிசலை முன்கூட்டியே பார்த்த பெண் ஒருவர் ஒரு கிலோ மீட்டர் நடந்து சென்று ரயிலை நிறுத்தி பெரும் அசம்பாவிதத்தை தவிர்த்துள்ளார். அப்பெண்ணுக்கு பாராட்டுகள் குவிந்துவருகிறது. கடலூர் மாவட்டம் பண்ருட்டி அருகே அக்கடவள்ளி கிராமத்தைச் சேர்ந்தவர் மஞ்சு. இவர் ரயில்வே தண்டவாளத்தை கடக்கும்போது அதில் விரிசல் இருந்ததை பார்த்துள்ளார். உடனடியாக இது சம்பந்தமாக ஒரு கிலோ மீட்டர் நடந்து சென்று சேந்தனூர் ரயில் நிலையத்தில் தகவல் தெரிவித்துள்ளார். இதனை அடுத்து திருச்செந்தூரில் இருந்து சென்னைக்கு செல்லும் ரயில் முன்கூட்டியே தகவல் கொடுக்கப்பட்டு நிறுத்தப்பட்டது. நேற்று (05.12.2022) காலை 7 மணி அளவில் இந்த சம்பவம் நடந்துள்ளது. தகவலையடுத்து உடனடியாக அங்குசென்ற ரயில்வே ஊழியர்கள் தண்டவாளத்தை சரி செய்து, பின்னர் ஒரு மணி நேரம் தாமதத்திற்கு பிறகு ரயில் அனுப்பப்பட்டது. இதனை அடுத்து ரயில்வே போலீசார் அக்கடவள்ளி கிராமத்தில் வசிக்கும் மஞ்சுவை நேரில் சந்தித்து சால்வை அணிவித்து பாராட்டு தெரிவித்துள்ளனர். இச்சம்பவம் தற்போது வைரலாகி வருகிறது.
http://dlvr.it/SdvwfD

Read More

இந்தோனேஷியாவில் வெடித்த எரிமலை - மீண்டும் சுனாமிக்கு வாய்ப்பு?

இந்தோனேஷியாவிலுள்ள செமேரு எரிமலை வெடித்து சிதறியதில் 1.5 கி.மீ தூரத்திற்கு எரிமலை சாம்பலானது காற்றில் உமிழப்பட்டுள்ளது. இதனால் அங்குள்ள குடியிருப்புவாசிகளுக்கு எச்சரிக்கை விடுக்கப்பட்டுள்ளது. இந்தோனேஷியாவிலுள்ள ஜாவா தீவில் அமைந்திருக்கிறது செமேரு எரிமலை. இன்று அதிகாலையில் செமேரு எரிமலை திடீரென வெடித்துச் சிதறியதில் அப்பகுதி எங்கும் புகைமண்டலம் சூழ்ந்துள்ளது. இரவு 2:46 மணிக்கு வெடிக்கத் தொடங்கிய எரிமலையானது, அங்கு பெரும் அச்சத்தை கிளப்பியுள்ளது. பெரும்புகையுடன் எழும்பிய எரிமலை குழம்பை அங்குள்ளோர் வீடியோ எடுத்து சமூக ஊடகங்களில் பதிவிட்டுள்ளனர். சுற்றுவட்டார பகுதிகளில் கரும்புகை சூழ்ந்துள்ளதும் வீடியோக்களில் பதிவாகியுள்ளது. இதனால் இந்தோனேசியாவின் பேரிடர் தணிப்பு நிறுவனமான BNPB,எரிமலை வெடிப்பு நிகழ்ந்த கிட்டத்தட்ட 5 கி.மீ தூரம் சுற்றுவட்டாரப் பகுதியிலுள்ள மக்களுக்கு எச்சரிக்கை விடுத்துள்ளனர். குறிப்பாக அங்குள்ள ஆறுகளில் எரிமலை குழம்புகள் மிதந்துவரும் வாய்ப்புகள் உள்ளதால், ஆற்றுப்படுகைகளிலிருந்து 500 மீட்டர் தள்ளியே இருக்கும்படி அறிவுறுத்தப்பட்டுள்ளனர். மேலும், அபாயகரமாக எந்த செயல்களிலும் ஈடுபட வேண்டாம் எனவும் கேட்டுக்கொள்ளப்பட்டுள்ளனர். இந்தோனேஷியாவில் எரிமலை வெடிப்பு நிகழ்ந்துள்ள நிலையில், ஜப்பானின் வானிலை நிறுவனம் சுனாமி வருவதற்கான வாய்ப்புகள் அதிகம் இருப்பதாக எச்சரிக்கை விடுத்துள்ளது என NHK செய்தி நிறுவனம் தகவல் வெளியிட்டிருக்கிறது. இருப்பினும் சுனாமி ஆபத்து பற்றிய ஜப்பானின் எச்சரிக்கைக்கு BNPB உடனடியாக பதிலளிக்கவில்லை. உள்ளூர்வாசிகளுக்கு இந்தோனேஷிய அரசு மாஸ்க்குகளை வழங்கியிருப்பதாக தெரிவித்திருக்கிறது. மேலும், எரிமலையின் நிலையானது தற்போது III இல் இருப்பதாகவும், மிக உயர்ந்த மட்டமான IV -ஐ இன்னும் அடையவில்லை என்றும் தெரிவித்திருக்கிறது. இந்தோனேஷியாவில் 142 எரிமலைகள் உள்ளது. உலகிலேயே எரிமலைகளுக்கு அருகில் அதிக மக்கள் வசிப்பதும் இந்தோனேஷியாவில்தான் என்பது குறிப்பிடத்தக்கது. அதாவது 10 கி.மீ சுற்றுவட்டாரத்தில் 8.6 மில்லியன் மக்கள் வசித்து வருகின்றனர்.
http://dlvr.it/SdrtQR

Read More

205 கிலோ வெங்காயம் விற்ற விவசாயிக்கு 8 ரூபாய்..! அதானி வருமானத்தை தான் இரட்டிப்பாக்குகிறது!

கர்நாடகாவின் கடாக் மாவட்டத்தைச் சேர்ந்த விவசாயி ஒருவர், பெங்களூருவிற்கு 415 கிலோ மீட்டர் பயணம் செய்து, அறுவடை செய்த 205 கிலோ வெங்காயத்தை விற்றுள்ளார். ஆனால் `உழுதவன் கணக்கு பார்த்தால் உழக்கு கூட மிஞ்சாது’ என்ற பழமொழிக்கு ஏற்ப, இவருக்கு 8 ரூபாய் 36 பைசாவைக் கொடுத்துள்ளனர்.வெங்காயம் பிரதமரின் பயிர் காப்பீடு திட்டத்தில் மகாராஷ்டிரா விவசாயிக்கு கிடைத்தது வெறும் ரூ.1.76 பைசா! கர்நாடகா, கடாக் மாவட்டம் திம்மாபூர் கிராமத்தில் வசித்து வருபவர் தான் பவாடப்பா ஹல்லிகெரே என்ற விவசாயி. இவர் மற்ற விவசாயிகளுடன் சேர்ந்து நவம்பர் 26 - ஆம் தேதி பெங்களூரு யஷ்வந்த்பூரில் உள்ள வேளாண் விளைபொருட்கள் சந்தையில், தான் அறுவடை செய்த 205 கிலோ வெங்காயத்தை விற்க 415 கிலோ மீட்டர் பயணித்துச் சென்றுள்ளார். 205 கிலோ வெங்காயத்திற்கு இவருக்கு 8 ரூபாய் 36 பைசா மட்டுமே என ரசீதை நீட்டியுள்ளனர். விரக்தியடைந்த விவசாயி அதைப் புகைப்படம் எடுத்துப் பதிவிட்டுள்ளார். அந்த ரசீதில், ``205 கிலோ வெங்காயத்தின் மொத்த விலை 410 ரூபாய். போர்ட்டர் கட்டணம் 24 ரூபாய். சரக்கு போக்குவரத்துக்கான கட்டணம் 377 ரூபாய் 64 பைசா. எனவே  410 ரூபாய் வெங்காய விலையிலிருந்து, போர்ட்டர் கட்டணம், சரக்கு கட்டணம் போக, மீதம் விவசாயிக்கு 8 ரூபாய் 36 பைசாவே கொடுக்கப்பட்டிருக்கிறது. This is how The double engine Govt of @narendramodi & @BSBommai doubling the income of farmers (Adani) Gadag farmer travels 415 km to Bengaluru to sell onions, gets Rs 8.36 for 205 kg! pic.twitter.com/NmmdQhAJhv— Arjun (@arjundsage1) November 28, 2022 விலை வீழ்ச்சி: வெங்காய ஏலத்தைத் தடுத்து மகாராஷ்டிரா விவசாயிகள் போராட்டம்! இது குறித்து விவசாயி மற்றும் தொழில்முனைவோரான அர்ஜுன் என்ற ட்விட்டர் பயனர், தன்னுடைய ட்விட்டர் பக்கத்தில் இந்த சம்பவத்தை விமர்சித்து பதிவிட்டுள்ளார். அதில், ``கடாக் விவசாயி பெங்களூருவில் தனது 205 கிலோ விளைபொருளை விற்க 415 கிலோமீட்டர் பயணம் செய்துள்ளார். அவருக்கு 8.36 ரூபாய் மட்டுமே கிடைத்துள்ளது. இவ்வாறுதான், நரேந்திர மோடி மற்றும் பசவராஜ் பொம்மை ஆகிய இரட்டை இயந்திர அரசு விவசாயிகளின் (அதானி) வருமானத்தை இரட்டிப்பாக்குகிறது’’ என்று பதிவிட்டுள்ளார்.
http://dlvr.it/SdpjMv

Read More