``தீர்ப்பு வரும் வரை காத்திருக்க வேண்டும்..!" - கர்நாடகா-மகாராஷ்டிரா எல்லைப் பிரச்னையில் அமித் ஷா

கர்நாடகா, மகாராஷ்டிரா இடையே பல ஆண்டுகளாக எல்லைப் பிரச்னை இருந்துவருகிறது. கர்நாடகாவில் அமைந்திருக்கும் பெல்காம் உட்பட சில இடங்களுக்கு மகாராஷ்டிரா அரசு உரிமை கோரிவருகிறது. இது தொடர்பாக மகாராஷ்டிரா அரசு உச்ச நீதிமன்றத்தில் வழக்கு தொடர்ந்திருக்கிறது. இந்த வழக்கு நிலுவையில் இருக்கிறது. சமீபத்தில் இந்த வழக்கைத் திறம்படக் கையாள மகாராஷ்டிரா அரசு எல்லைப் பிரச்னை ஒருங்கிணைப்பு கமிட்டியை மாற்றியமைத்தது. இதனால் ஓய்ந்திருந்த எல்லைப் பிரச்னை மீண்டும் விஸ்வரூபம் எடுத்திருக்கிறது. மகாராஷ்டிராவில் சோலாப்பூர் மற்றும் கன்னடர்கள் அதிகம் வசிக்கும் சில மகாராஷ்டிரா கிராமங்களுக்கு கர்நாடகா அரசு உரிமை கோரும் என்று அந்த மாநில முதல்வர் பசவராஜ் பொம்மை அறிவித்திருந்தார். இதனால் மகாராஷ்டிரா அமைச்சர்கள் இரண்டு பேர் சர்ச்சைக்குரிய பெல்காம் பகுதிக்குச் செல்லப்போவதாக அறிவித்தனர். உடனே பெல்காமில் வன்முறை ஏற்பட்டது. மகாராஷ்டிரா பேருந்துகள் கன்னட அமைப்பினரால் கல்வீசித் தாக்கப்பட்டன. இந்த விவகாரத்தில் மத்திய உள்துறை அமைச்சர் அமித் ஷா தலையிடவேண்டும் என்று மகாராஷ்டிரா முதல்வர் ஏக்நாத் ஷிண்டே, துணை முதல்வர் தேவேந்திர பட்னாவிஸ் ஆகியோர் கேட்டுக்கொண்டனர். இதையடுத்து இரு மாநில முதல்வர்களும் அமித் ஷாவை டெல்லியில் சந்தித்துப் பேசினர். மகாராஷ்டிரா தரப்பில் முதல்வர் ஷிண்டேயும், துணை முதல்வர் தேவேந்திர பட்னாவிஸும் இந்தப் பேச்சுவார்த்தையில் கலந்துகொண்டனர். கன்னட அமைப்பு போராட்டம் கர்நாடகா தரப்பில் முதல்வர் பொம்மை மற்றும் உள்துறை அமைச்சர் ஞானேந்திரா ஆகியோர் கலந்துகொண்டனர். இந்தப் பேச்சுவார்த்தையின்போது எல்லைப் பிரச்னைக்குத் தீர்வு காண இரு மாநில உறுப்பினர்கள் ஆறு பேர்கொண்ட கமிட்டியை அமைக்கலாம் என்று அமித் ஷா ஆலோசனை வழங்கினார். அதோடு இந்தப் பிரச்னை உச்ச நீதிமன்றத்தில் இருப்பதால், உச்ச நீதிமன்றத்தின் இறுதித் தீர்ப்பு வரும் வரை இந்த விவகாரத்தில் இரு மாநிலங்களும் எந்தப் பகுதிக்கும் உரிமை கோரக் கூடாது என்று கேட்டுக்கொண்டார். பேச்சுவார்த்தைக்குப் பிறகு நிருபர்களுக்குப் பேட்டியளித்த அமித் ஷா, "இது போன்ற பிரச்னைகளுக்கு தெருக்களில் தீர்வு காண முடியாது. அரசியல் சாசனப்படிதான் தீர்வு காணப்பட வேண்டும். உச்ச நீதிமன்றத்தின் தீர்ப்பு வரும் வரை இரு மாநிலங்களும் காத்திருக்க வேண்டும். ஆறு அமைச்சர்களைக்கொண்ட கமிட்டியை அமைப்பது குறித்து ஆலோசிக்கப்பட்டது. சட்டம்-ஒழுங்கைப் பராமரிக்க ஐ.பி.எஸ் அதிகாரி தலைமையில் கமிட்டி ஒன்றை அமைக்க முடிவு செய்யப்பட்டிருக்கிறது. கர்நாடகா தலைவர்கள் பெயரில் போலி ட்விட்டர் கணக்கு திறக்கப்பட்டு, மக்களின் உணர்வுகளோடு விளையாடுகின்றனர். இது குறித்து கடும் நடவடிக்கை எடுக்கப்படும். கர்நாடகா எல்லைப் பிரச்னையில் இட்லி, தோசை புறக்கணிப்பு: புனேயில் சரத் பவார் கட்சி போராட்டம்!மத்திய உள்துறை அமைச்சர் அமித் ஷா சமீபத்திய அரசியல் பதற்றத்தை அரசியலாக்குவதைத் தவிர்க்க வேண்டும். எதிர்க்கட்சிகள் இதற்கு ஒத்துழைப்பு கொடுக்க வேண்டும். கர்நாடகா முதல்வர் பொம்மை பெயரில் போலி ட்விட்டர் கணக்கு திறக்கப்பட்டிருப்பதாக மகாராஷ்டிரா முதல்வர் ஷிண்டே தெரிவித்தார். போலி ட்விட்டர் கணக்கு தொடங்கியவர்கள் மீது வழக்கு பதிவுசெய்து நடவடிக்கை எடுக்கப்படும் என்று பொம்மை உறுதியளித்திருக்கிறார். இரு தரப்பினரும் அமைதி காக்க வேண்டும்" என்றார். ``இரு மாநிலங்களுக்கிடையே பிரச்னை வருவதைத் தவிர்க்க வேண்டும் என்பதே எங்களது நிலைப்பாடு" என்று ஷிண்டே தெரிவித்தார். பட்னாவிஸும், ``வாகனங்கள்மீது தாக்குதல் நடத்தி மகாராஷ்டிரா எந்தவிதப் பிரச்னையையும் ஏற்படுத்தவில்லை. சில அமைப்புகள் பிரச்னையை ஏற்படுத்திவிட்டதாக பொம்மை தெரிவித்திருக்கிறார். அவர்கள் மீது நடவடிக்கை எடுக்கப்படும் என்றும் அவர் உறுதியளித்திருக்கிறார். எங்களின் நிலைப்பாட்டில் நாங்கள் உறுதியாக இருக்கிறோம். எங்கள் மாநிலத்தில் இருக்கும் ஒரு பகுதியைக்கூட விட்டுக்கொடுக்க முடியாது என்பதில் உறுதியாக இருக்கிறோம்"என்று திட்டவட்டமாகக் கூறியிருக்கிறார்.குஜராத் கலவரம்: ``அமித் ஷா பேசியதில் எந்தத் தவறுமில்லை" - தேர்தல் ஆணையம் பதில்
http://dlvr.it/SfSKYr

Read More

சிறுமியிடம் அத்துமீறல்; 73 வயது முதியவர் அடித்துக்கொலை!

பெங்களூரில், 16 வயதுடைய சிறுமியை பாலியல் ரீதியாக துன்புறுத்தியதாக 73 வயது முதியவர் அடித்துக் கொலை செய்யப்பட்டுள்ளார். கர்நாடகா தலைநகர் பெங்களூரில் உள்ள ஹென்னுர் பகுதியில் வசித்து வந்தவர் குப்பண்ணா; வயது 73. இவர் அந்தப் பகுதியில் கட்டட வேலை செய்து வந்தார். கடந்த ஞாயிற்றுக்கிழமை இரவு 9.30 மணியளவில், துணி காயப்போடச் சென்ற பக்கத்து வீட்டை சேர்ந்த 16 வயது சிறுமியை, தனது வீட்டுக்கு குப்பண்ணா அழைத்துச் சென்றதாகக் கூறப்படுகிறது. Harassment இதனிடையே, வெகு நேரமாகியும் வீட்டுக்குத் திரும்பாத சிறுமியைத் தேடிய குடும்பத்தினர், அருகில் இருந்த குப்பண்ணாவின் வீட்டில் நிர்வாணமாக இருந்த சிறுமியை கண்டுபிடித்து அழைத்துச் சென்றதாகத் தெரிகிறது. குப்பண்ணா, அந்தச் சிறுமியை தனது வீட்டுக்கு அழைத்துச் சென்று குளிர்பானத்தில் மயக்க மருந்து கொடுத்து, அவரிடம் அத்துமீறியிருக்கலாம் என்று சந்தேகித்த குடும்பத்தினர், முதியவரைத் தாக்கியுள்ளனர். மேலும், அடுத்த நாள் சிறுமியின் குடும்பத்தினர் காவல்நிலையத்துக்குச் சென்று, இச்சம்பவம் குறித்து புகார் அளித்த நிலையில், காவல்துறையினர் குப்பண்ணாவின் வீட்டுக்குச் சென்றுள்ளனர். அங்கு படுத்திருந்த நிலையில் குப்பண்ணா இறந்து கிடந்துள்ளார்.சித்தரிப்பு படம்முடி உண்ணும் பழக்கம்: வயிற்றில் 3 கிலோ முடி... அறுவை சிகிச்சைக்குத் தள்ளப்பட்ட சிறுமி! இதுகுறித்து காவல்துறை துணை ஆணையர் (கிழக்கு) பீமாசங்கர் எஸ் குலேட் கூறுகையில், `கொலை குற்றச்சாட்டின் பேரில் சிறுமியின் உறவினர்கள் இருவர், அவர்களது பக்கத்து வீட்டுக்காரர் ஒருவர் கைது செய்யப்பட்டுள்ளனர்’ என்று கூறியுள்ளார். முதியவர் குப்பண்ணாவின் அறையில் இருந்து மதுபாட்டில் கண்டெடுக்கப்பட்டதால், சிறுமி மது அருந்த கட்டாயப்படுத்தப்பட்டு இருக்கலாம் என்று கூறப்படுக்கிறது. இது குறித்து போலீஸார் தொடர்ந்து விசாரணை நடத்தி வருகின்றனர்.
http://dlvr.it/SfP9mn

Read More

ஜிகா வைரஸ்: கர்நாடகாவில் முதல் பாதிப்பு, 5 வயது சிறுமிக்கு சிகிச்சை, சுகாதாரத்துறை தீவிரம்!

கர்நாடகாவில், ஐந்து வயது சிறுமிக்கு ஜிகா வைரஸ் பாதிப்பு கண்டறியப்பட்டுள்ளதை அடுத்து, முன்னெச்சரிக்கை நடவடிக்கைகளை சுகாதாரத்துறை முடுக்கிவிட்டுள்ளது. ஏடிஸ் (Aedes) வகை கொசுவால்தான் ஜிகா வைரஸ் பாதிப்பு உண்டாகிறது. மிக சுலபமாகக் கொசுக்களின் மூலம் ஒருவரிடமிருந்து மற்றொருவருக்கு இது பரவும். இந்த வைரஸ் முதன்முதலில் 1947ம் ஆண்டில், உகாண்டா நாட்டில் கண்டறியப்பட்டது. கடந்த 2016-ம் ஆண்டில், உலகளவில் ஜிகா வைரஸ் பரவி ஆயிரக்கணக்கானவர்களை, குறிப்பாக கர்ப்பிணிகளை அதிகளவில் பாதித்தது. கொசுபன்றிக் காய்ச்சல், டெங்கு, மலேரியா வரிசையில் ஜிகா வைரஸ் காய்ச்சல்- அலர்ட்! இந்த நிலையில், கர்நாடகாவில் ஜிகா வைரஸ் பாதிப்பு கண்டறியப்பட்டுள்ளது. ராய்ச்சூர் மாவட்டத்தைச் சேர்ந்த ஐந்து வயது சிறுமிக்கு காய்ச்சல் ஏற்பட்டது. அதேபோல், மேலும் சிலருக்கு உடல் நலக்குறைவு ஏற்பட்ட நிலையில், அவர்களின் ரத்த மாதிரிகள் சேகரிக்கப்பட்டு, பரிசோதனைக்காக புனேவில் உள்ள ஆய்வகத்திற்கு அனுப்பி வைக்கப்பட்டன. பரிசோதனை முடிவில், சிறுமிக்கு ஜிகா வைரஸ் இருப்பது உறுதி செய்யப்பட்டது. ஜிகா வைரஸ் பாதிப்பு கண்டறியப்பட்டுள்ளதை அடுத்து, அந்த சிறுமியை தீவிர கண்காணிப்பில் வைத்து தொடர் சிகிச்சை தரப்பட்டு வருகிறது. மேலும், ராய்ச்சூர் மற்றும் சுற்றுப்பகுதிகளில், காய்ச்சல் பாதிப்பு உள்ளவர்களை கண்டறிந்து சிகிச்சை அளிக்க, கர்நாடக சுகாதாரத்துறை நடவடிக்கைகளை மேற்கொண்டு வருகிறது. ஜிகா வைரஸ் பாதிப்பு குறித்து, கர்நாடக மாநில சுகாதாரத்துறை அமைச்சர் கே. சுதாகர் கூறும்போது, ``ஜிகா வைரஸ் கண்டறியப்பட்டுள்ள சிறுமிக்கு கடந்த 15 நாள்களாக காய்ச்சல், வாந்தி - பேதி இருந்துள்ளது. பின்னர் மருத்துவமனையில் அனுமதிக்கப்பட்ட சிறுமியின் ரத்த மாதிரிகள், புனேவில் உள்ள வைராலஜி ஆய்வகத்திற்கு அனுப்பப்பட்டன. இதில், ஜிகா வைரஸ் பாதிப்பு சிறுமிக்கு இருப்பது உறுதியானது.ஜிகா வைரஸ்`கர்ப்பிணிகளை பாதிக்கும் ஜிகா வைரஸ் மீண்டும் பரவலாம்!' - எச்சரிக்கும் ஆராய்ச்சியாளர்கள் சிறுமிக்கு இந்த பாதிப்பு எப்படி ஏற்பட்டது என்பது தெரியவில்லை. அந்த சிறுமி சென்று வந்த இடங்கள், அவருடன் இருந்தவர்கள் உள்ளிட்டோர் விவரங்கள் சேகரிப்பட்டு வருகின்றன. குழந்தையின் பெற்றோரது ரத்த மாதிரிகளும் ஆய்வுக்கு அனுப்பப்பட்டுள்ளன. அந்த சிறுமியைத் தவிர, இதுவரை வேறு யாருக்கும் மாநிலத்தில் புதிதாக ஜிகா வைரஸ் பாதிப்பு கண்டறியப்படவில்லை. எனினும், அரசு கவனத்துடன் நிலைமையை கண்காணித்து வருகிறது. ஜிகா வைரஸ் பாதிப்பு குறித்து மக்கள் அச்சப்படத்தேவையில்லை” என்று தெரிவித்துள்ளார்.
http://dlvr.it/SfL5VH

Read More

முல்லைப் பெரியாறு அணைக்கு மாற்றாக புதிய அணை​... எதிர்க்கும் தமிழக விவசாயிகள்!

கேரளாவில் நவம்பர் 1 ஆம் தேதி முதல் டிஜிட்டல் ரீ சர்வே நடத்தப்பட்டு வருகிறது. தமிழக - கேரள எல்லை 822 கிலோ மீட்டர் தூரம் உள்ளது. இதில் 203 கிலோ மீட்டர் தூரம் வரை மட்டுமே எல்லை வரையறை செய்யப்பட்டுள்ளது. எனவே தமிழக-கேரள எல்லையை அளவீடு செய்த பிறகே டிஜிட்டல் ரீ- சர்வே நடத்த வேண்டும் என எல்லையோர மற்றும் கேரள வாழ் தமிழர்கள் வலியுறுத்துகின்றனர். மேலும் எல்லை வரையறை செய்யப்பட்டுவிட்டால் கண்ணகி கோயில் தொடர்பான பிரச்னைக்கும் தீர்வு கிடைத்துவிடும்.எல்லைமுல்லைப் பெரியாறு அணைக்கு எதிராக மீண்டும் ஆவணப்படம்? கொதிப்பில் விவசாயிகள்! ஆனால் டிஜிட்டல் ரீ சர்வே என்ற பெயரில் தமிழர்களை அகதிகளாக மாற்றும் திட்டத்தை கேரள அரசு கையில் எடுத்துள்ளதாக குற்றச்சாட்டு எழுந்துள்ளது. ​இதற்கிடையே கேரள அரசால் தொடர்ந்து வஞ்சிக்கப்பட்டுவரும் தேவிகுளம்​,​ பீர்மேடு​,​ உடுமஞ்சோலை ஆகிய தாலுகாக்களையும் தமிழகத்தோடு இணை​க்க வேண்டும் என்ற கோரிக்கையும் வலுவடைந்து வருகிறது. ஏற்கெனவே கேரளஅரசு மற்றும் வனத்துறையால்​ ​ஒவ்வொரு சித்ரா பெளர்ணமி அன்றும் ​கண்ணகி கோட்டத்​துக்கு தமிழக பக்தர்கள் சென்றுவர பல்வேறு நெருக்கடிகள் கொடுக்கப்பட்டு வருகிறது. இதனால் கூடலூர் வழியாக பாதை அமைத்து கொடுக்க வேண்டும். கண்ணகி கோட்டத்தை தமிழக அறநிலையத்துறை கட்டுபாட்டின் கீழ் கொண்டு வர வேண்டும் என வலியுறுத்தப்பட்டு வந்தது. கண்ணகி கோயில்`முல்லைப் பெரியாறு அணை; நீர் மட்டத்தை 130 அடியாகக் குறைக்க மனு!’ - விவசாயிகள் அதிர்ச்சி இந்நிலையில் தமிழக இந்து சமய அறநிலையத்துறை கட்டுபாட்டில் கொண்டுவருவதற்கான வேலையைத் தொடங்கியுள்ளது. முதற்கட்டமாக கண்ணகி கோயில் அறநிலையத்துறை கட்டுபாட்டில் கொண்டுவரப்படவுள்ளது. இதற்கு ஆட்சேபனை இருப்பின் தேனி இந்து சமய அறநிலையத்துறை உதவி ஆணையர் அலுவலகத்தில் ஒரு வாரத்துக்குள் தெரிவிக்கும்படி நோட்டீஸ் கொடுக்கப்பட்டுள்ளது. மேலும் கண்ணகி கோட்டத்துக்கு தமிழக வனத்துறை, அறநிலையத்துறை அதிகாரிகள் ஆய்வு மேற்கொண்டுள்ளனர். இந்த நடவடிக்கைக்கு கண்ணகி கோயிலில் வழிபடும் பக்தர்களும், தமிழ் ஆர்வலர்களும் வரவேற்பு அளித்துள்ளனர்​​.  கண்ணகி கோட்டத்தை தமிழக அரசு கட்டுபாட்டில் கொண்டுவருதற்கான நடவடிக்கையை தொடங்கியுள்ள நிலையில், முல்லைப்பெரியாறு அணைக்கு மாற்றாக புதிய அணை கட்டுவதற்கு கேரள தீவிரம் காட்ட தொடங்கியுள்ளது. இதற்கு தமிழக விவசாயிகள் கண்டனம் தெரிவித்துள்ளனர். முல்லைப்பெரியாறுநீரதிகாரம் - 16 - முல்லைப் பெரியாறு அணை உருவான நெகிழ்ச்சி சரித்திரம் இதுதொடர்பாக நம்மிடம் பேசிய பெரியாறு வைகை பாசன விவசாயிகள் சங்க ஒருங்கிணைப்பாளர் அன்வர் பாலசிங்கம், ''கடந்த 40 ஆண்டுகளாக முல்லைப் பெரியாறு அணையை இடித்து விட வேண்டும் உடைத்து விட வேண்டும் என​ கேரள அரசு செயல்பட்டு வருகிறது. காய்கறி உள்பட எல்லாவற்றிற்கும் தமிழகத்தைச் சார்ந்திருக்கிறோமே என்கிற குறைந்தபட்ச உணர்வு கூட இல்லாமல்​ ​1979 ஆம் ஆண்டிலிருந்து இன்றுவரை முல்லைப் பெரியாறு அணையை குறி வைத்​து கொண்டிருக்கின்றனர்.  ​முல்லைப் பெரியாறு அணைக்கு மாற்றாக புதிய அணை என்பது கேரளாவினுடைய தற்போதைய முழக்கமல்ல, அது இடுக்கி அணை கட்டி முடிக்கப்பட்ட 1970 காலகட்டத்தில் தொடங்குகிறது.​ ​முல்லைப் பெரியாறு அணையை விட ஏழு மடங்கு பெரிதாக கட்டப்பட்டிருக்கும் இடுக்கி அணையிலிருந்து நாளொன்றிற்கு 784 மெகாவாட் மின்சாரம் எடுக்க வேண்டும் என்பதற்காக மட்டுமே முல்லைப் பெரியாற்றை குறி வைக்கிறார்கள்​. இதற்கு முன் சாத்தியக்கூறு அறிக்கை, விரிவான திட்ட அறிக்கை, திருத்தப்பட்ட செலவு மதிப்பீட்டு தயாரித்தல் அறிக்கை​ ​என ஒரு அணைக்கு தேவையான அத்தனை திட்ட அறிக்கைகளையும், கேரளா 15 ஆண்டுகளுக்கு முன்பே தயார் நிலையில் வைத்திருக்கிறது.​ ​​அன்வர் பாலசிங்கம்முல்லைப் பெரியாறு அணை அருகே புதிய அணை!− ஆய்வுப் பணியைத் தொடங்கியது கேரள அரசு முல்லைப்பெரியாறு ​அணை இருக்கும் இடத்திலிருந்து 366 மீட்டருக்கு கீழே ​புதிய அணை கட்ட திட்டமிட்டுள்ளார்கள். ​இதை சாக்காக வைத்து வண்டிப்பெரியாறு நகரத்தை சுற்றி இருக்கும் தேயிலைத் தோட்டங்களில் பணிபுரியும் ஆயிரக்கணக்கான தமிழ் தொழிலாளிகளை வெளியேற்ற​ உள்ளனர். ​முல்லைப் பெரியாறு அணை பலமாக இருக்கிறது என்றும், எந்த வகையிலும் புதிய அணை தேவையில்லை​. புதிய அணை திட்டத்தை கேரளா தமிழகத்தின் மீது திணிக்க முடியாது​. தமிழக அரசின் ஒப்புதல் இல்லாமல் புதிய அணையை கட்ட முடியாது. பன்மாநில நதிகள் பட்டியலில் முல்லைப் பெரியாறு வருவதால் தமிழகம் புதிய அணை குறித்தான விடயத்தில் முக்கியத்துவம் பெறுகிறது ​என உச்சநீதிமன்றம் ​குறிப்பிட்டுள்ளது. இருப்பினும் எந்த தைரியத்தில் புதிய அணைக்கான திட்டப் பணிகளை கேரளா தீவிரப் படுத்துகிறது என​த் தெரியவில்லை. லோயர்கேம்ப் முல்லைப்பெரியாறு தமிழகம் வந்தடைந்த முல்லைப் பெரியாறு நீர்; 14,000 ஏக்கர் விவசாய நிலத்துக்கு பாசன வசதி! ​டிஜிட்டல் ரீ சர்வே மூலம் பல்லாயிரக்கணக்கான ஹெக்டேர் நிலங்களை கையகப்படுத்தும் கேரளாவின் நோக்கத்திற்கு, தமிழகத்தில் கிளம்பும் எதிர்ப்பை மடை மாற்றுவதற்கு கூட கேரளா புதிய அணை என்கிற அஸ்திரத்தை கையில் எடுத்திருக்​கிறது. மேலும் மங்கலதேவி கண்ணகி கோ​யி​லை தமிழக இந்து சமய அறநிலையத்துறை கையகப்படுத்தியதும் கூட ஒரு காரணமாக இருக்கலாம்.முல்லைப்பெரியாறு ​புதிய அணையை கட்டுவதற்கு கேரளா தயா​ரானால் தேனி, மதுரை உள்ளிட்ட 5 மாவட்ட​ங்களைச் சேர்ந்த​ லட்சக்கணக்கான மக்க​ள் போராட்டத்தில் இறங்குவார்கள். அப்போது ​தேவிகுளம்​,​ பீர்மேடு​,​ உடும்பஞ்சோலை​ 3​ தாலுகாக்களையும் தமிழகத்தோடு இணை​க்கக் கோருவோம்'' என்றார்.
http://dlvr.it/SfL5JQ

Read More

ராணுவ வீரர்களுக்காக கொண்டுசென்ற 4,000 முட்டைகள்... ஆட்டோவோடு களவாடிச் சென்ற டிரைவர் - தேடலில் போலீஸ்

மத்தியப் பிரதேச மாநிலத்தில், ராணுவ வீரர்களுக்காக ஆட்டோவில் கொண்டுசெல்லப்பட்ட 4,000 முட்டைகளை டிரைவர் களவாடிச்சென்ற சம்பவம் போலீஸாருக்கு அதிர்ச்சியளித்திருக்கிறது. குவாலியர் மாவட்டத்தின், முரார் பகுதியிலுள்ள ராணுவ கன்டோன்மென்ட் மெஸ்ஸுக்கு உணவுப்பொருள்களை சப்ளை செய்பவர் நிஜாமுதீன் கான். ஒப்பந்ததாரரான இவர், நேற்று நான்காயிரம் முட்டைகளை ராணுவ கன்டோன்மென்ட் மெஸ்ஸுக்கு சப்ளை செய்வதற்காக வாங்கியிருக்கிறார். வாங்கிய முட்டைகளை மெஸ்ஸுக்குக் கொண்டு செல்வதற்காக ஆட்டோ ஒன்றை வாடகைக்கு எடுத்திருக்கிறார்.முட்டைகள் பின்னர் முட்டைகளை ஆட்டோவில் ஏற்றிய பிறகு, தன்னுடைய மோட்டார் சைக்கிளைப் பின்தொடர்ந்து வருமாறு ஆட்டோ டிரைவரிடம் கூறியிருக்கிறார் அவர். ஆட்டோ டிரைவரும் அப்படியே செல்ல, ஓரிடத்தில் போக்குவரத்து நெரிசலில் ஒப்பந்தாரரின் மோட்டார் சைக்கிள் சிக்கியதையடுத்து, இதுதான் வாய்ப்பு என முட்டைகளை ஏற்றிவந்த ஆட்டோவோடு டிரைவர் மாயமாகிவிட்டார். இது தெரியாமல் வெகுநேரம் காத்திருந்த ஒப்பந்ததாரர், ஆட்டோ டிரைவர் முட்டைகளை களவாடிச்சென்றதை உணர்ந்து போலீஸில் இது பற்றி புகாரளித்திருக்கிறார்.வழக்கு பதிவு போலீஸாரும் ஆட்டோ டிரைவர் மீது வழக்கு பதிவுசெய்து, விசாரணையைத் தொடங்கினர். அதில் ஆட்டோவின் பதிவு எண்ணை வைத்து முராரைச் சேர்ந்த முகேஷ் சர்மாவை போலீஸார் கண்டறிந்தனர். இது குறித்து போலீஸாரும், முகேஷ் சர்மா ஆட்டோவுடன் தலைமறைவாக இருப்பதாகவும், அவரைத் தீவிரமாகத் தேடிவருவதாகவும் தெரிவித்திருக்கின்றனர்.‘ரயில் திருட்டு... பாலத்தைக் கழற்று’ - யாரு சாமி நீங்கள்லாம்..?
http://dlvr.it/SfGylV

Read More

9,000 பேர் ஒரே இரவில் கைது... மத்தியப் பிரதேச காவல்துறையின் அதிரடி நடவடிக்கை

மத்தியப் பிரதேச மாநிலத்தில் அமைதி மற்றும் சட்ட ஒழுங்கை நிலைநாட்டும் நோக்கத்துடன் அந்த மாநிலம் காவல்துறை அதிரடி நடவடிக்கை மேற்கொண்டிருக்கிறது. 17,000-க்கும் மேற்பட்ட காவலர்கள் மூலம், ஒவ்வொரு மாவட்டத்துக்கும் ஒரு அதிகாரியை நியமித்து, பல்வேறு மண்டலங்களின் கூடுதல் டைரக்டர் ஜெனரல்கள், துணை இன்ஸ்பெக்டர் ஜெனரல்கள், போலீஸ் சூப்பிரண்டுகள் மற்றும் பிற தரவரிசைகளின் அதிகாரிகள் பங்கேற்புடன், சனி - ஞாயிற்றுக்கிழமை இடைப்பட்ட இரவில், சுமார் 9,000 குற்றவாளிகள் கைது செய்யப்பட்டிருக்கின்றனர். இது தொடர்பாக வெளியான தகவலில், மாநிலம் முழுவதும் உள்ள குற்றவாளிகள், கைது செய்ய ஆணை பிறத்தும் கைது செய்யப்படாமல் இருந்தவர்கள், குற்றம்சாட்டப்பட்டவர்கள் என மூத்த அதிகாரிகளின் ஆலோசனையின் அடிப்படையில் 9,000 பேர் மீது கைது நடவடிக்கை மேற்கொள்ளப்பட்டிருக்கிறது. காவல்துறை மேலும், இவர்களில் கைது வாரண்ட் நிலுவையில் உள்ள குற்றவாளிகள் சுமார் 6,000 பேர். ஜாமீனில் வெளிவர முடியாத குற்றவாளிகள் 2,600 பேர். தேடப்படும் குற்றவாளிகள் சுமார் 100 பேர், மற்றும் பல்வேறு வழக்குகளில் குற்றம்சாட்டப்பட்டவர்கள் 200 பேர் எனத் தெரியவந்திருக்கிறது. பல்வேறு மாவட்டங்களில் இருந்தும் 1,000-க்கும் மேற்பட்ட குற்றவாளிகளின் பின்னனி குறித்த விவரங்களும் கண்காணிக்கப்பட்டதாகவும் கூறப்படுகிறது.நீலகிரி: சக பெண் பணியாளர்களுக்குத் தொடர் பாலியல் தொல்லை... எஸ்‌.பி அலுவலக அமைச்சுப் பணி அலுவலர் கைது
http://dlvr.it/SfCwyn

Read More

வீட்டில் கஞ்சா செடி... நண்பர்களை கொண்டு மனைவிக்கு பாலியல் தொல்லை கொடுத்து வீடியோ - இன்ஜினியர் கைது

கர்நாடக மாநிலம் பெங்களூரில், 34 வயதான சாப்ட்வேர் இன்ஜினியர், 30 வயதான பெண்ணை கடந்த, 2011ல் திருமணம் செய்து ஒரு குழந்தையுடன், பெங்களூரின் சம்பிகேஹல்லி பகுதியில் வசித்து வருகிறார். இந்த நிலையில், அப்பெண் நேற்று, சம்பிகேஹல்லி போலீஸ் ஸ்டேஷனில் கணவர் மீது பரபரப்பு புகாரளித்துள்ளார். அவர் கூறிய புகாரில், ‘‘என் கணவர் என்னை அவரின் நண்பர்கள் இருவருடன் செக்ஸ் வைத்துக்கொள்ளுமாறு வற்புறுத்தி, என்னை அடிக்கிறார். அவரின் நண்பர்களை வீட்டுக்கு அழைத்து வந்து அவர்களுடன் என்னை சேர்த்து பலவந்தமாக வீடியோ எடுத்து வைத்துள்ளார். கஞ்சா உள்ளிட்ட பல போதை பொருள்களை பயன்படுத்தி, போதையில் என்னை அடிக்கிறார். கொடுமை தாங்காமல், விவாகரத்து செய்ய முடிவெடுத்துள்ள என்னை, அந்த வீடியோவைக்காட்டி பிளேக்மெயில் செய்கிறார்,’’ எனப்புகாரளித்தார்.கைது இது குறித்து சம்பிகேஹல்லி போலீஸாரிடம் விசாரித்தோம், ``34 வயதான சாப்ட்வேர் இன்ஜினியர், கஞ்சா, போதை மாத்திரைகளுக்கு தீவிர அடிமை. போதையில் மனைவியை பல வகைகளில் தொந்தரவு செய்துள்ளார். அவரின் நண்பர்களுடன் இருக்கும் வீடியோவை காட்டி சமூக வலைதளத்தில் வெளியிடுவதாக மிரட்டியதால், அப்பெண் பல ஆண்டுகளாக விவாகரத்து பெற முடியாமல், செய்வதறியாது வாழ்ந்து வந்துள்ளார். இன்ஜினியர் தனது வீட்டில் பூத்தொட்டியில் இரண்டு கஞ்சா செடிகளையும் வளர்த்து வந்துள்ளார். கஞ்சா செடிகள் பறிமுதல் செய்யப்பட்டு அழிக்கப்பட்டது. இன்ஜினியரை கைது செய்து அவரது நண்பர்கள் மீதும் புகார் பதிவு செய்துள்ளோம்.,’ எனக்கூறி, அப்பெண்ணின் பாதுகாப்பு கருதி குற்றவாளிகள் பெயரை வெளியிட மறுத்தனர். இச்சம்பவம் பெங்களூரில் பரபரப்பை ஏற்படுத்தியுள்ளது.`மேட்ரிமோனியில் மனைவிக்கு வரன் தேடிய கணவன்!' - மாமனாரின் புகாரால் சிக்கிய நபர்
http://dlvr.it/Sf9q9q

Read More